«

»

Print this Post

സൗദിയില്‍ പുതിയ കമ്പനി നിയമം ഉടന്‍ നിലവില്‍, ഗസറ്റില്‍ പ്രസിദ്ധീകരിച്ചു

 

ot

 

സൗദി വാണിജ്യ വ്യവസായകാര്യ മന്ത്രാലയം നവംബര്‍ 9 നാണ് പുതിയ കമ്പനി നിയമം പുറത്തിറക്കിയത്. ഡിസംബര്‍ 4 ന് അത് സൗദി അറേബ്യയുടെ ഔദ്യോഗിക ഗസറ്റായ ഉമ്മുല്‍ ഖുറയില്‍ പ്രസിദ്ധീകരിക്കുകയും ചെയ്തു. ഔദ്യോഗിക നടപടി ക്രമങ്ങള്‍ അനുസരിച്ച് ആറു മാസത്തിനു ശേഷം 2016 മെയ്‌ 2 ന് പുതിയ നിയമം നിലവില്‍ വരികയും ചെയ്യും.
പുതിയ കമ്പനി നിയമം പഴയ കമ്പനി നിയമത്തെ പൂര്‍ണ്ണമായി ഇല്ലാതാക്കുന്നു. പുതിയ കമ്പനി നിയമത്തിലെ വ്യവസ്ഥകള്‍ പ്രകാരം   അതിലെ മാറ്റങ്ങള്‍ രംam‍ക്ക്‍ുകയുംumഡിസമ്പര്‍ പ്രാബല്യത്തില്‍ വരുത്താന്‍ നിലവിലുള്ള കമ്പനികള്‍ക്ക് ഒരു വര്‍ഷം വരെ സമയം ലഭിക്കും.
പുതിയ നിയമം നിലവില്‍ വരുന്നതോടെ വകുപ്പ് 154 പ്രകാരം ഒരു ഷെയര്‍ ഹോള്‍ഡര്‍ക്ക് മാത്രമായി പോലും ലിമിറ്റഡ് ലയബിലിറ്റി കമ്പനി (LLC) രൂപീകരിക്കാന്‍ സാധിക്കും. നിലവിലെ നിയമത്തില്‍ ഒരു LLC രൂപീകരിക്കാന്‍ ചുരുങ്ങിയത് രണ്ടു ഷെയര്‍ ഹോള്‍ഡര്‍മാര്‍ ആവശ്യമാണ്‌. അതു പോലെ തന്നെ രണ്ടു ഷെയര്‍ ഹോള്‍ഡര്‍മാര്‍ ഉണ്ടെങ്കില്‍ ജോയിന്‍റ് സ്റ്റോക്ക് കമ്പനി രൂപീകരിക്കാനും പുതിയ നിയമം അനുവാദം നല്‍കുന്നുണ്ട്. നിലവിലെ നിയമത്തില്‍ ഇതിനായി അഞ്ചു ഷെയര്‍ ഹോള്‍ഡര്‍മാര്‍ ആവശ്യമാണ്‌.
നിലവിലുള്ള നിയമത്തെ പോലെതന്നെ പുതിയ നിയമ പ്രകാരം ലിമിറ്റഡ് ലയബിലിറ്റി കമ്പനികള്‍ സ്ഥാപിക്കുന്നതിന് മിനിമം മൂലധനം ആവശ്യമില്ല. എന്നാല്‍ ജോയിന്‍റ് സ്റ്റോക്ക് കമ്പനികള്‍ക്കുള്ള മിനിമം മൂലധനം വകുപ്പ് 54 പ്രകാരം രണ്ടു മില്യന്‍ റിയാലില്‍ നിന്നും അഞ്ചു ലക്ഷം റിയാലായി കുറക്കുകയും ചെയ്തിട്ടുണ്ട്. അതേ സമയം സാഗിയ മുഖേന (Saudi Araboan General Investment Authority – SAGIA) വിദേശ നിക്ഷേപക ലൈസന്‍സ് എടുത്തു സ്ഥാപിക്കുന്ന ലിമിറ്റഡ് ലയബിലിറ്റി കമ്പനികള്‍ക്കും ജോയിന്‍റ് സ്റ്റോക്ക് കമ്പനികള്‍ക്കും ഉയര്‍ന്ന മിനിമം മൂലധനം എന്ന നിബന്ധന ഉണ്ടാകാം.

 

pravasicorner.com

പുതിയ കമ്പനി നിയമം അനുസരിച്ച് നിലവിലുള്ള മൂന്നു തരത്തിലുള്ള കമ്പനികള്‍ രൂപീകരിക്കാനുള്ള അവസരം ഇല്ലാതാകും. കോ ഓപ്പറെറ്റീവ് കമ്പനികള്‍, പാര്‍ട്ണര്‍ഷിപ്പ് ലിമിറ്റഡ് ബൈ ഷെയര്‍, വാരിയബിള്‍ കാപ്പിറ്റല്‍ കമ്പനികള്‍ എന്നീ വിഭാഗങ്ങളാണ് ഇല്ലാതാവുക. ഇവ പഴയ കമ്പനി നിയമം അനുസരിച്ച് തന്നെ വ്യാപകമായി നിലവില്ലാത്ത രൂപങ്ങളാണ്.  പുതിയ കമ്പനി നിയമ പ്രകാരം ലിമിറ്റഡ് ലയബിലിറ്റി കമ്പനികള്‍ (LLC), ജോയിന്‍റ് സ്റ്റോക്ക് കമ്പനികള്‍ (JSC) എന്നീ തരത്തിലുള്ള കമ്പനികള്‍ ആയിരിക്കും ഉണ്ടായിരിക്കുക.
ലിമിറ്റഡ് ലയബിലിറ്റി കമ്പനികളേയും, ജോയിന്‍റ് സ്റ്റോക്ക് കമ്പനികളെയും നിയന്ത്രിക്കുന്നതിനുള്ള ഹോള്‍ഡിങ്ങ് കമ്പനി രൂപീകരിക്കുന്നതിനുള്ള പ്രത്യേക വകുപ്പുകള്‍ പുതിയ നിയമത്തില്‍ ഉള്‍പ്പെടുത്തിയിട്ടുണ്ട്. 182  മുതല്‍ 186 വരെയുള്ള വകുപ്പുകളാണ് ഇതിനെ പരാമര്‍ശിക്കുന്നത്. ലിമിറ്റഡ് ലയബിലിറ്റി കമ്പനികളുടെയും ജോയിന്‍റ് സ്റ്റോക്ക് കമ്പനികളുടെയും 50 ശതമാനം മൂലധനം സ്വരൂപിച്ചോ അല്ലെങ്കില്‍ ബോര്‍ഡ് നിയന്ത്രണം മുഖേനയോ ഹോള്‍ഡിങ്ങ് കമ്പനി രൂപീകരിക്കാം. ഈ കമ്പനികളുടെ പേരിന്റെ കൂടെ ‘ഹോള്‍ഡിങ്ങ്’ എന്ന് ചേര്‍ക്കല്‍ നിര്‍ബന്ധമാണ്‌.
ലിമിറ്റഡ് ലയബിലിറ്റി കമ്പനികളുടെ നഷ്ടം മൂലധനത്തിന്റെ 50 ശതമാനം കവിയുകയും അതിനു ശേഷവും ഷെയര്‍ ഹോള്‍ഡര്‍മാര്‍ വ്യാപാരം തുടരുകയും ചെയ്യുന്ന പക്ഷം ഉണ്ടാകുന്ന നഷ്ടത്തിന് ഷെയര്‍ ഹോള്‍ഡര്‍മാര്‍ കൂട്ടായി ബാധ്യതപ്പെട്ടവരാണെന്ന പഴയ നിയമത്തിലെ നിബന്ധന പുതിയ കമ്പനി നിയമം വരുന്നതോടെ ഇല്ലാതാകും. എന്നാല്‍ ഇത്തരമൊരു അവസ്ഥയില്‍ കമ്പനിയുടെ മാനേജര്‍മാര്‍ ഷെയര്‍ ഹോള്‍ഡര്‍മാരുടെ യോഗം വിളിക്കാതിരിക്കുകയോ അല്ലെങ്കില്‍ ഷെയര്‍ ഹോള്‍ഡര്‍മാര്‍ യാതൊരു നടപടികളും എടുക്കാതിരിക്കുകയോ ചെയ്യുന്ന സാഹചര്യത്തില്‍ നിയമ പ്രകാരം തന്നെ കമ്പനിയുടെ പ്രവര്‍ത്തനം അവസാനിപ്പിക്കേണ്ടി വരുന്ന വകുപ്പുകളാണ് പുതിയ നിയമത്തില്‍ ഉള്‍പ്പെടുത്തിയിരിക്കുന്നത്.
ഷെയര്‍ ഹോള്‍ഡര്‍ എന്ന നിലയില്‍ ലഭിക്കുന്ന രഹസ്യാത്മക വിവരങ്ങള്‍ രഹസ്യമായി തന്നെ സൂക്ഷിക്കുവാന്‍ ഒരു ഷെയര്‍ ഹോള്‍ഡര്‍ വകുപ്പ് 173 പ്രകാരം നിര്‍ബന്ധിതനാണ്.

ഒരു ലിമിറ്റഡ് ലയബിലിറ്റി കമ്പനിയിലെ ഷെയര്‍ ഹോള്‍ഡമാരുടെ എണ്ണം 50 ല്‍ കവിയുകയാണെങ്കില്‍ അതു ജോയിന്‍റ് സ്റ്റോക്ക് കമ്പനി എന്ന നിയമപരമായ അവസ്ഥയിലേക്ക് മാറേണ്ടതാണ് എന്ന് പുതിയ നിയമത്തിലെ വകുപ്പ് 151 അനുശാസിക്കുന്നു. 

 

Permanent link to this article: http://pravasicorner.com/?p=18179

Copy Protected by Chetan's WP-Copyprotect.