അബുദാബിയില്‍ മലയാളിയ്ക്ക് പത്തൊമ്പത് കോടിയുടെ ലോട്ടറി

അബുദാബി ബിഗ് ടിക്കറ്റ് നറുക്കെടുപ്പില്‍ വീണ്ടും മലയാളിക്ക് പത്തൊമ്പതര കോടിയുടെ ഭാഗ്യം. ദുബായില്‍ താമസിക്കുന്ന പ്രശാന്ത് ആണ് ഇത്തവണത്തെ ഭാഗ്യവാന്‍. 10 മില്യണ്‍ ദിര്‍ഹം (ഏതാണ്ട് 19 കോടി 45 ലക്ഷം രൂപ) ആണ് പ്രശാന്ത് സ്വന്തമാക്കിയത്. 041945 എന്ന നമ്പറിലാണ് പ്രശാന്തിന് ഭാഗ്യം വന്നത്. ജനുവരി നാലിന് ഓണ്‍ലൈന്‍ വഴിയാണ് പ്രശാന്ത് ടിക്കറ്റ് എടുത്തത്.

രണ്ടാം സമ്മാനമായ 100,000 ദിര്‍ഹം നേടിയതും ഇന്ത്യക്കാരന്‍ ആണ്. കുല്‍ദീപ് കുമാര്‍ ആണ് ആ ഭാഗ്യവാന്‍. 040691 എന്ന ടിക്കറ്റാണ് ഭാഗ്യം കൊണ്ടുവന്നത്. പതിവുപോലെ വിജയികളില്‍ ഭൂരിപക്ഷവും ഇന്ത്യക്കാരാണ്. പത്തു വിജയികളില്‍ ആറു പേരും. രണ്ടു പേര്‍ പാക്കിസ്ഥാനില്‍ നിന്നുള്ളവരും ഒരു ഫിലിപ്പീന്‍ സ്വദേശിയും ഒരു ദക്ഷിണ കൊറിയന്‍ സ്വദേശിയും വിജയികളില്‍ ഉള്‍പ്പെടും.

Copy Protected by Chetan's WP-Copyprotect.