«

»

Print this Post

ഖത്തറില്‍ ജോലിക്കിടെ തൊഴിലാളി മരിച്ചാല്‍ ചെയ്യേണ്ടതെന്ത് ?

 

 

ഖത്തറില്‍ തൊഴിലാളി ജോലിക്കിടെ മരണപ്പെട്ടാല്‍ മൃതദേഹം നാട്ടിലെത്തിക്കേണ്ട ബാധ്യത ആര്ക്കാണ്? അതിന്റെ നടപടി ക്രമങ്ങള്‍ പറഞ്ഞു തരാമോ? നഷ്ടപരിഹാരം  എത്രവരെ ലഭിക്കും? ഇതിന്റെ നിയമ വ്യവസ്ഥകള്‍ എന്തൊക്കെയാണ്?     Mr. P.V.S, Doha.

ഖത്തര്‍ നിയമപ്രകാരം മരണപ്പെട്ട തൊഴിലാളിയുടെ മൃതദേഹം അയാളുടെ മാതൃരാജ്യത്തേക്ക് എത്തിക്കുക എന്നത് ഖത്തറിലെ അയാളുടെ തൊഴിലുടമയുടെ ഉത്തരവാദിത്വമാണ്.    

തൊഴിലാളി മരിച്ചാല്‍ ആദ്യം അറിയിക്കേണ്ടത് പോലീസിനെയാണ്. ഉടനെ തന്നെ മരിച്ചയാളുടെ അനതരാവകാശികളെയും അറിയിക്കുന്നത് അഭികാമ്യമാണ്. പിന്നീട് പോലീസിന്റെ നിര്‍ദ്ദേശാനുസരണം അടുത്തുള്ള ആശുപത്രിയിലേക്ക് മാറ്റണം. ഹോസ്പിറ്റലില്‍ വെച്ചാണ് മരണം സംഭവിക്കുന്നതെങ്കില്‍ ഹോസ്പിറ്റല്‍ അധികൃതര്‍ പോലീസിനെ വിവരം അറിയിച്ചു കൊള്ളും. പോലീസ്‌ പിന്നീട് മരിച്ചയാളെ ശുശ്രൂഷിച്ചിരുന്ന ഡോക്ടറുമായി ബന്ധപ്പെടുകയും സംസാരിക്കുകയും ചെയ്യും.

മരണകാര്യത്തില്‍ സംശയം ഉണ്ടെങ്കില്‍ മരിച്ച തൊഴിലാളിയുടെ ജോലി സ്ഥലവും താമസിച്ചിരുന്ന സ്ഥലവും പരിശോധിക്കും. പ്രസ്തുത മരണം സ്വാഭാവിക മരണമാണോ, എന്തെങ്കിലും അസ്വാഭാവികമായ കാരണങ്ങള്‍ കൊണ്ടാണോ മരിച്ചത് എന്ന് ഉറപ്പു വരുത്തുന്നതിനാണിത്.ആവശ്യമെന്കില്‍ മരണത്തിന് മുന്പ് പ്രസ്തുത തൊഴിലാളിയുമായി അടുത്തിട പഴകിയിരുന്ന ആളുകളുമായോ അല്ലെങ്കില്‍ ജോലി സ്ഥലത്തെ മാനേജരുമായോ അല്ലെങ്കില്‍ മറ്റേതെങ്കിലും ആളുകളുമായോ സംസാരിച്ചു മരണകാരണത്തില്‍ കൂടുതല്‍ ഉറപ്പു വരുത്തും. സംശയം അവശേഷിക്കുന്നെന്കില്‍ അവരെ കൂടുതല്‍ ചോദ്യം ചെയ്യുന്നതിനായി കസ്റ്റഡിയില്‍ എടുക്കുകയും ചെയ്യും.      

മരണകാരണത്തില്‍ പോലീസിനു എന്തെങ്കിലും തരത്തിലുള്ള സംശയം തോന്നുകയാനെകില്‍ അല്ലെങ്കില്‍ പ്രസ്തുതമരണം അസ്വാഭാവികമാണെന്നു തോന്നിയാല്‍ പോലീസ്‌ അവരുടെ റിപ്പോര്ട്ട് പബ്ലിക്‌ പ്രോസിക്യൂഷന്‍ സര്‍വീസിന് (PPS) കൈമാറും. PPS ആണ് പ്രസ്തുത മരണത്തില്‍ തൊഴിലുടമ ഉത്തരവാദിയാണോ എന്നും മരണപ്പെട്ട തൊഴിലാളിയുടെ അനന്തരാവകാശികള്‍ക്ക് ‘ശരീഅത്ത്‌’ നിയമ പ്രകാരമുള്ള ദിയാധനം (BLOOD MONEY)  നല്കണോ എന്നൊക്കെ തീരുമാനിക്കുന്നത്.    

ഖത്തര്‍ തൊഴില്‍ നിയമത്തിലെ Article 110 ആണ് മരിച്ചയാളുടെ നഷ്ടപരിഹാരത്തെപ്പറ്റി വിശദീകരിക്കുന്നത്.   Article 110 says: ‘’The heirs of the worker who dies because of the work and the worker who sustains a work injury resulting in a partial or total permanent disability shall be entitled to receive compensation. The amount of compensation in case of death of the worker because of the work shall be calculated in accordance with the provisions of Islamic Sharia.’’    

ഈ ദിയാധനം ഈടാക്കുന്നതിന് പുറമേ ഏതെന്കിലും തരത്തിലുള്ള ക്രിമിനല്‍ കുറ്റകൃത്യങ്ങള്‍ സംഭവിച്ചിട്ടുണ്ടെങ്കില്‍ അതിനുതരവാദികളായവരുടെ പേരില്‍ ക്രിമിനല്‍ കുറ്റത്തിന് നടപടി എടുക്കുകയും ചെയ്യും. (ഇത് കൂടാതെ മരണപ്പെട്ടയാളുടെ അവകാശികള്ക്ക്  കുറ്റക്കാരായവരുടെ പേരില്‍ സിവില്‍ നിയമപ്രകാരം കൂടുതല്‍ നഷ്ടപരിഹാരത്തിനായി നിയമനടപടികള്‍ തുടരാവുന്നതാണ്. ഖത്തറിനു പുറത്തു വെച്ചും കേസ് തീര്പ്പാക്കുകയും പ്രസ്തുത തീര്പ്പു  ഖത്തര്‍ കോടതികള്‍ വഴി നടപ്പിലാക്കുകയും ചെയ്യാവുന്നതാണ്) 

പോലീസിന്റെ അന്വേഷണത്തെ തുടര്ന്ന്  മരണകാരണം സ്വാഭാവികമാണെന്ന് കണ്ടെത്തിയാല്‍ പ്രസ്തുത ഫയല്‍ മൃതദേഹം മരിച്ചയാളുടെ സ്വന്തം രാജ്യത്തേക്ക് കൊണ്ടുപോകുന്നതിനായി  PPSനു കൈമാറുന്നു.   

മൃതദേഹം കൊണ്ട് പോകേണ്ട പെട്ടി, വിമാന ടിക്കെറ്റ്‌ തുടങ്ങിയവയെല്ലാം തൊഴിലുടമ വഹിക്കണം. ഇനി ഏതെന്കിലും കാരണവശാല്‍ മൃതദേഹം എത്തിക്കാന്‍ ഖത്തറിലെ തൊഴിലുടമക്ക് കഴിഞ്ഞില്ലെങ്കില്‍ അത് തൊഴില്‍ വകുപ്പ് ഏറ്റെടുത്തു ചെയ്യുകയും അതിന്റെ മുഴുവന്‍ ചിലവും തൊഴിലുടമയില്‍ നിന്ന്  പിന്നീട് ഈടാക്കുകയും ചെയ്യും.

ഇനി ഏതെന്കിലും കാരണവശാല്‍  മൃതദേഹം അയാളുടെ സ്വദേശത്തേക്ക് കൊണ്ടുപോകാന്‍ സാധിക്കാതെ വരികയോ അനന്തരവകാശികള്‍ ഏറ്റെടുക്കാന്‍ വിസമ്മതിക്കുകയോ ചെയ്‌താല്‍ തൊഴിലുടമ പ്രസ്തുത മൃതദേഹം ഖത്തറിനു പുറത്തേക്കു കൊണ്ട് പോകാതിരിക്കുന്നതിനുള്ള അപേക്ഷ (repatriate exemption)  നല്‍കുകയും അവിടെത്തന്നെ സംസ്കരിക്കുകയും വേണം.  

മരിച്ചയാളുടെ മൃതദേഹം വിട്ടുകിട്ടുന്നതിനായി തൊഴിലുടമ മരണസര്ട്ടിമഫിക്കേറ്റും, മെഡിക്കല്‍ റിപ്പോര്ട്ടും  ‘SCH’  സര്‍ട്ടിഫിക്കറ്റും ആഭ്യന്തരമന്ത്രാലയ ഓഫീസില്‍ നിന്ന് ‘ക്രിമിനല്‍ എവിഡന്‍സ്’ റിപ്പോര്‍ട്ടും ലഭ്യമാക്കണം. ഇതിന്റെ കോപ്പികള്‍ അനന്തരാവകാശികള്‍ക്കും, മരണപ്പെട്ട തൊഴിലാളിയുടെ എംബസിക്കും കാര്‍ഗോ എയര്‍ സര്‍വീസിനും, ആരോഗ്യമന്ത്രാലയത്തിനും നല്‍കണം. കൂടാതെ പ്രസ്തുത തൊഴിലാളിയുടെ താമസ പെര്‍മിറ്റ് റദ്ദാക്കികൊണ്ടുള്ള രേഖയും തൊഴില്‍ വകുപ്പില്‍ നിന്നും വാങ്ങിയെടുക്കണം.

തൊഴില്‍ സ്ഥലത്ത് വെച്ച് തൊഴിലാളി മരിച്ചാല്‍ ചെയ്യേണ്ട പൊതുവായ കാര്യങ്ങളാണിവ. മരണത്തിന്റെ സ്വഭാവമനുസരിച്ച് ചെയ്യേണ്ട നടപടികളില്‍ ചില ചെറിയ വ്യതിയാനങ്ങള്‍ ഉണ്ടാവും.     

 

Permanent link to this article: http://pravasicorner.com/?p=2063

Copy Protected by Chetan's WP-Copyprotect.