ഒമ്പതു വയസുകാരന് ലൈംഗീക പീഡനം; കോഴിക്കോട് 36 കാരിക്കെതിരെ കേസ്

ഒമ്പതുവയസ്സുകാരനെ പീഡിപ്പിച്ചെന്ന കേസില്‍ മുപ്പത്താറുകാരിയായ യുവതിക്കെതിരെ പോലീസ് കേസെടുത്തു. കോഴിക്കോട് തേ്ഞ്ഞിപ്പാലം പോലീസ് സ്റ്റേഷന്‍ പരിധിയിലാണ് സംഭവം. കഴിഞ്ഞയാഴ്ച്ച എറണാകുളത്തും ഇ്ത്തരത്തില്‍ കേസ് രജിസ്റ്റര്‍ ചെയ്തിരുന്നു.

കഴിഞ്ഞയാഴ്ച സ്വകാര്യ ക്ലിനിക്കിലെ ഡോക്ടറോട് കുട്ടി ഇക്കാര്യം വെളിപ്പെടുത്തിയതോടെയാണ് സംഭവം പുറത്തറിയുന്നത്.
തുടര്‍ന്ന് ഡോക്ടര്‍ ചൈല്‍ഡ് ലൈന്‍ പ്രവര്‍ത്തകരെ വിവരമറിയിക്കുകയായിരുന്നു. ഇവര്‍ കുട്ടിയുടെ മൊഴിയെടുക്കുകയും പരാതി പോലീസിന് കൈമാറുകയുമായിരുന്നു. കുട്ടികള്‍ക്കെതിരായ ലൈംഗിക കുറ്റകൃത്യങ്ങള്‍ തടയല്‍ നിയമ (പോക്സോ)ത്തിലെ വിവിധ വകുപ്പുകള്‍ പ്രകാരമാണ് യുവതിക്കെതിരേ പോലീസ് കേസെടുത്തത്.

ഒരു വര്‍ഷത്തിലേറെയായി കുട്ടി ലൈംഗിക ചൂഷണത്തിന് ഇരയായതായി ചൈല്‍ഡ് ലൈന്‍ വ്യക്തമാക്കി. യുവതി കുട്ടിയെ മാസങ്ങളോളം ദുരുപയോഗപ്പെടുത്തിയതായും അത് കുട്ടിയുടെ മാനസികാരോഗ്യത്തെ ബാധിച്ചതായും ചൈല്‍ഡ് ലൈന്‍ മലപ്പുറം കോ ഓര്‍ഡിനേറ്റര്‍ അന്‍വര്‍ കാരക്കാടന്‍ പറഞ്ഞു. കുട്ടിയുടെ ബന്ധുതന്നെയാണ് പ്രതി. കുട്ടിയുടെ വീടിനുസമീപം തന്നെയാണ് ഇവരും താമസിക്കുന്നത്. ചൈല്‍ഡ് ലൈന്‍ പ്രവര്‍ത്തകരുടെ മൊഴിയുടെ അടിസ്ഥാനത്തില്‍ കേസ് രജിസ്റ്റര്‍ചെയ്തതായി തേഞ്ഞിപ്പലം സബ് ഇന്‍സ്പെക്ടര്‍ ബിനു തോമസ് പറഞ്ഞു.

Copy Protected by Chetan's WP-Copyprotect.