«

»

Print this Post

കമ്പനിയുടെ രഹസ്യങ്ങള്‍ പുറത്തു വിടരുത്, ജോലിയും ആനുകൂല്യങ്ങളും എല്ലാം നഷ്ടപ്പെടും: U.A.E തൊഴില്‍ നിയമം

ഞാന്‍ ദുബായിയില്‍ സോഫ്റ്റ്‌വെയര്‍ എന്‍ജിനീയര്‍ ആയി ജോലി ചെയ്യുന്നു. കമ്പനിയുടെ പുതിയ പ്രോഡക്റ്റ് രഹസ്യം മറ്റൊരെ കമ്പനിക്ക് കൈമാറി എന്ന കാരണത്താല്‍ കമ്പനി എന്നെ Terminate ചെയ്യാന്‍ പോകുന്നു. ഞാന്‍ അങ്ങിനെ ചെയ്തു എന്നതിന് വ്യക്തമായ തെളിവുകള്‍ ഉണ്ട് എന്നാണു കമ്പനി പറയുന്നത്. പിരിച്ചു വിടുമ്പോള്‍ ഇത്രയും കാലം ജോലി ചെയ്തതിന്റെ ESB/Severance pay  എനിക്ക് ലഭിക്കുമോ? അത് തരാതിരിക്കാന്‍ കമ്പനിക്ക് സാധിക്കുമോ?  പിരിച്ചു വിടുന്നതിനു മുന്‍പ് രാജി വെച്ചാല്‍ കോടതി മുഖേന ആനുകൂല്യങ്ങള്‍ വാങ്ങിക്കാന്‍ സാധിക്കുമോ?

യു.എ.എയിലെ തൊഴില്‍ നിയമത്തെ സംബന്ധിച്ചിടത്തോളം നോട്ടീസ്‌ പോലും നല്‍കാതെ പിരിച്ചു വിടാന്‍ തക്ക ഗൗരവമുള്ള ഒരു കുറ്റമാണ് നിങ്ങള്‍ ചെയ്തതായി കമ്പനി ആരോപിക്കുന്നത്. കമ്പനിയുടെ പക്കല്‍ അതിനെ സാധൂകരിക്കാനും തെളിയിക്കാനും സാധിക്കുന്ന തെളിവുകളുണ്ടെങ്കില്‍ നിങ്ങളുടെ തൊഴില്‍ കരാര്‍ റദ്ദാക്കി പിരിച്ചു വിടാവുന്നതാണ്.

യു.എ.ഇ തൊഴില്‍ നിയമത്തിലെ വകുപ്പ് 120 ല്‍ ഒരു തൊഴിലാളിയെ നോട്ടീസ്‌ പോലും നല്‍കാതെ പിരിച്ചു വിടാന്‍ തക്ക ഗൗരവമുള്ള പത്തു കുറ്റങ്ങളെറിച്ചു വിവരിച്ചിട്ടുണ്ട്. അതില്‍ ഏഴാമതായി പറയുന്ന കുറ്റമാണ് നിങ്ങളില്‍ ആരോപിതമായിട്ടുള്ളത്. മാത്രമല്ല മേല്‍ പറഞ്ഞ വകുപ്പില്‍പ്പെട്ട ഏതെന്കിലും കാരണങ്ങള്‍ മൂലമാണ് ഒരു തൊഴിലാളിയെ പിരിച്ചു വിടുന്നതെന്കില്‍ അയാളുടെ മുഴുവന്‍ ESB/Severance pay യും നല്കാതിരിക്കുന്നതിനു വകുപ്പ് 139  പ്രകാരം കമ്പനിക്ക് അധികാരമുണ്ട്. ഇതില്‍ തന്നെ പിരിച്ചുവിടലില്‍ നിന്ന് രക്ഷപ്പെടുന്നതിന് വേണ്ടി അതിനു മുന്‍പായി ജോലി ഉപേക്ഷിക്കുന്നവര്‍ക്കും പ്രസ്തുത ആനുകൂല്യങ്ങള്‍ നല്‍കേണ്ടതില്ല.

Article 139

A worker shall forfeit entitlement to his entire severance pay in any of the following two cases:

 

  1. ”If he is dismissed from service for any of the reasons specified in Article 120 hereof or if he abandons his employment in order to avoid being dismissed in accordance with that Article”.

Permanent link to this article: http://pravasicorner.com/?p=2274

Copy Protected by Chetans WP-Copyprotect.