«

»

Print this Post

‘ബാച്ചിലര്‍ പാര്‍ട്ടി’ സിനിമ ഡൌണ്‍ലോഡ് കേസ്‌, നിരവധി പ്രവാസികളും പ്രതികളായേക്കും……..

‘ബാച്ചിലര്‍ പാര്‍ട്ടി’ എന്ന മലയാള സിനിമ ഇന്റെര്‍നെറ്റിലൂടെ അപ് ലോഡ്‌ ചെയത സംഭവത്തില്‍ ആന്റി പൈറസി സെല്ല് ആയിരത്തില്‍ അധികം പേര്‍ക്കെതിരെ കേസെടുത്തു തിരുവനതപുരം ചീഫ്‌ ജുഡീഷ്യല്‍ മജിസ്ട്രേറ്റ്‌ കോടതിയില്‍ FIR സമര്‍പ്പിച്ചു. ആദ്യ പട്ടികയില്‍ 16 പേരുണ്ട്. പ്രവാസികളടക്കം സിനിമ യൂട്യൂബിലൂടെ ആസ്വദിച്ച നിരവധി മലയാളികള്‍ പേര്‍ ഇനിയും കേസില്‍ പ്രതികളാവാനാണ് സാധ്യത. സിനിമ കണ്ടവരില്‍ മലയാളികളല്ലാത്തവരും ഉണ്ടെത്രേ. ഗള്‍ഫിലെ പല ഭാഗങ്ങളില്‍ നിന്നുള്ളവര്‍ പ്രതികളായേക്കും. ഐ.ടി നിയമ പ്രകാരവും കോപ്പിറൈറ്റ് നിയമപ്രകാരവും ഇന്റര്‍നെറ്റില്‍ലേക്ക് സിനിമകള്‍ അനുമതിയില്ലാതെ അപ്പ്‌ ലോഡ്‌ ചെയ്യുന്നതും ഡൌണ്‍ലോഡ് ചെയ്യുന്നതും കാണുന്നതും കുറ്റകരമാണ്.  പ്രതികളായവരില്‍ പലര്‍ക്കും നോട്ടീസ്‌ അയച്ചു തുടങ്ങിയിട്ടുണ്ട്.

സിനിമ ഇന്റെര്‍നെറ്റിലൂടെ അപ്.ലോഡ്‌ ചെയ്ത 12  പേര്‍ക്കെതിരെയും സിനിമ കണ്ട ആയിരത്തിലധികം പേര്‍ക്കുമെതിരെയും ആണ് ആന്റി പൈറസി സെല്ല് കേസേടുത്തതെന്നും പറയുന്നു. 1500ലധികം ആളുകള്‍ ഈ സിനിമ ഡൌണ്‍ലോഡ് ചെയ്യുകയും കണ്ടവര്‍ അത് മറ്റുള്ളവര്‍ക്ക് ഫോര്‍വേര്‍ഡ് ചെയ്തു കൊടുക്കുകയും ചെയ്തു എന്നാണു വിവരം. സിനിമ ഡൌണ്‍ലോഡ് ചെയ്ത കമ്പ്യൂട്ടറുകളുടെ ഐ.പി അഡ്രെസ്സ് കണ്ടെത്തുന്നതോടെ അവരിലധികം പേരും കേസില്‍ പ്രതികളാവും.

ഇങ്ങിനെയുള്ള കുറ്റകൃത്യങ്ങള്‍ കണ്ടു പിടിക്കുന്നതിനായി വികസിപ്പിച്ചെടുത്ത ‘ജാദൂ’ എന്ന സോഫ്റ്റ്‌വെയര്റിലൂടെ അതിന്റെ സാങ്കേതിക വിദ്യ ഉപയോഗിച്ച് ഐ.പി അഡ്രസ്സ് കണ്ടെത്തി അത് വഴിയാണെത്രേ പ്രതികളെ തിരിച്ചറിഞ്ഞു കൊണ്ടിരിക്കുന്നത്. കഴിഞ്ഞ ജൂണില്‍ ആണ് സിനിമ പുറത്തിറങ്ങിയത്. അതിന്റെ സീ.ഡി ഇറങ്ങിയ ഉടനെ തന്നെ ഇന്റര്‍നെറ്റിലേക്ക് അപ്  ലോഡ്‌  ചെയ്യുകയായിരുന്നെത്രേ.

തൃശ്ശൂര്‍ സ്വദേശിയും ‘മൂവി ചാനല്‍’ എന്ന കമ്പനിയുടെ ഉടമയുമായ സജിതനാണ് ഈ സിനിമയുടെ കോപ്പിറൈറ്റ് അവകാശം വാങ്ങിയിട്ടുള്ളത്. അദ്ദേഹത്തിന്റെ പരാതി പ്രകാരമാണ് കേസേടുത്തതു.

 

Permanent link to this article: http://pravasicorner.com/?p=2595

Copy Protected by Chetan's WP-Copyprotect.