«

»

Print this Post

ദുബൈയില്‍ ആരോഗ്യ മേഖലയില്‍ നിര്‍ബന്ധ വൈദ്യ പരിശോധന

 

 

ദുബൈയിലെ ആരോഗ്യ മേഖലയില്‍ ജോലി ചെയ്യുന്നവര്‍ക്ക് മൂന്നു വര്‍ഷം കൂടുമ്പോള്‍ നിര്‍ബന്ധ വൈദ്യ പരിശോധന. മാരക പകര്‍ച്ചവ്യാധികളില്ലെന്ന് ഉറപ്പുവരുത്താന്‍ ഇവര്‍ ഇടവിട്ടുള്ള പ്രത്യേക വൈദ്യ പരിശോധനക്ക് വിധേയമാകണം. എച്ച്.ഐ.വി, പള്‍മനറി ട്യൂബര്‍കുലോസിസ്, ചിക്കന്‍പോക്സ്,ഹെപ്പറ്റൈറ്റിസ്-ബി,ഹെപ്പറ്റൈറ്റിസ്-സി, എന്നിവയുടെ പരിശോധനയാണ് മൂന്നു വര്‍ഷത്തിലൊരിക്കല്‍ നടത്തേണ്ടത്. ജീവനക്കാരുടെ ആരോഗ്യ സുരക്ഷക്കും ജീവനക്കാരില്‍നിന്ന് മറ്റുള്ളവര്‍ക്ക് രോഗം പകരാനുള്ള സാധ്യതയും കണക്കിലെടുത്താണ് ഈ നിബന്ധന നടപ്പിലാക്കുന്നത്.

വൈദ്യ പരിശോധനയില്‍ സാംക്രമിക രോഗങ്ങള്‍ കണ്ടെത്തിയാല്‍ പ്രസ്തുത വ്യക്തിയെ മറ്റു ജോലികളിലേക്ക് മാറ്റുകയും ആവശ്യമായ ചികില്‍സ  നല്‍കുകയും ചെയ്യും. ഇതിനു വേണ്ടി ആരോഗ്യ മേഖലയിലെ ജോലികളെ പല വിഭാഗങ്ങളായി തരം തിരിക്കും. അസുഖം ഭേദമായാല്‍ പഴയ ജോലിയിലേക്ക് തിരിച്ചു വരാം.

പുതിയ നിബന്ധന  ഉടന്‍ പ്രാബല്യത്തില്‍ വരുത്തുമെന്ന് ദുബൈ ഹെല്‍ത്ത് അതോറിറ്റി (ഡി.എച്ച്.എ) ഡയറക്ടര്‍ ജനറല്‍ വ്യക്തമാക്കി.

 

Permanent link to this article: http://pravasicorner.com/?p=3011

Copy Protected by Chetan's WP-Copyprotect.