«

»

Print this Post

സൗദിയിലെ റിയാദില്‍ വന്‍ അപകടം: 22 മരണം,110 പേര്‍ക്ക് പരിക്ക്

 

  (അപകടത്തിന്റെ കൂടുതല്‍ ദൃശ്യങ്ങള്‍ താഴെ)

 

സൗദി അറേബ്യയില്‍ ഗ്യാസ്‌ ടാങ്കര്‍ ലോറി അപകടത്തില്‍ പെട്ട് പൊട്ടിത്തെറിച്ച് 22 പേര്‍ മരിച്ചതായി റിപ്പോര്‍ട്ട്‌. 110 ലധികം ആളുകള്‍ക്ക് പരിക്കേറ്റതായും അറിയുന്നു. ഇന്ന് രാവിലെ 7.30 നാണ് സംഭവം. സൗദി തലസ്ഥാനമായ റിയാദിനു കിഴക്ക് ഖുറയിസ് റോഡിനടുത്ത് കോണ്‍ക്രീറ്റ് ഫ്ലൈഓവറിന്‍റെ കൈവരിയില്‍ ഇടിച്ചതിനു ശേഷം ലോറിക്കു തീ പിടിക്കുകയും പിന്നീട് ഉഗ്രസ്ഫോടനത്തോടെ പൊട്ടിത്തെറിക്കുകയുമായിരുന്നുവെന്നു ദൃസ്സാക്ഷികള്‍ പറയുന്നു.

നിരവധി വാഹനങ്ങള്‍ക്കും കെട്ടിടങ്ങള്‍ക്കും നാശനഷ്ടങ്ങള്‍ സംഭവിച്ചിട്ടുണ്ട്. ഷെയ്ഖ്‌ ജാബിര്‍ റോഡിലൂടെ വന്ന വാഹനങ്ങള്‍ക്കാണ് തീ പിടിച്ചിട്ടുള്ളത്. കത്തിയ ടാങ്കറില്‍ നിന്നുള്ള തീ തെറിച്ചു വീണാണ് ഈ വാഹനങ്ങള്‍ക്ക് തീ പിടിച്ചത്. സമീപത്തുള്ള കാറ്റര്‍ പില്ലര്‍ കെട്ടിടത്തിനു സാരമായ കേടു സംഭവിച്ചിട്ടുണ്ട്.

സ്ഫോടനത്തില്‍ അടുത്തുള്ള കെട്ടിടങ്ങള്‍ക്കും വാഹനങ്ങള്‍ക്കും സാരമായ നാശ നഷ്ടങ്ങള്‍ സംഭവിച്ചിട്ടുണ്ട്. രണ്ടു കിലോമീറ്റര്‍ ചുറ്റളവിലുള്ള കെട്ടിടങ്ങളില്‍ നിന്ന് പോലും സാധന സാമഗ്രികളും മറ്റും താഴെ വീണതായും ജനല്‍ ചില്ലുകള്‍ തകര്‍ന്നതായും അറിയുന്നു. 

സംഭവ സ്ഥലത്ത് കുതിച്ചെത്തിയ സിവില്‍ ഡിഫെന്‍സ്,റെഡ്‌ ക്രെസെന്റ്, ട്രാഫിക്‌ പോലീസ്‌ തുടങ്ങിയവര്‍ അപകട സ്ഥലത്ത് കുതിച്ചെത്തി രക്ഷാ പ്രവര്‍ത്തനങ്ങള്‍ നടത്തി.

പരിക്കേറ്റ നിരവധി പേരെ അടുത്തുള്ള ആശുപത്രികളില്‍ പ്രവേശിപ്പിച്ചിരിക്കുന്നു. മരിച്ചവര്‍ ഏതു രാജ്യക്കാരാണെന്ന് അറിവായിട്ടില്ല. മരണ സംഖ്യ ഇനിയും ഉയരുമെന്നാണ് അറിയാന്‍ സാധിക്കുന്നത്. 

 

അപകടത്തിന്റെ കൂടുതല്‍ ദൃശ്യങ്ങള്‍ താഴെ:

 

 

 

 

 

 

 

 

 

 

 

 

 

Permanent link to this article: http://pravasicorner.com/?p=4007

Copy Protected by Chetan's WP-Copyprotect.