Connect with us

LATEST

വാഹന രജിസ്ട്രേഷന്‍ പുതുക്കല്‍ സൗദി അറേബ്യയില്‍

Published

on

 

 1

 

പൊതു ഗതാഗത സംവിധാനം അത്രേ വികസിതമല്ലാത്ത സൗദി അറേബ്യയില്‍ സ്വന്തമായി ഒരു വാഹനം എന്നത് ആഡംബരത്തിനേക്കാള്‍ അത്യാവശ്യമാണ്. കുടുംബമായി കഴിയുന്നവരാണെങ്കില്‍ പ്രത്യേകിച്ചും.

നിങ്ങള്‍ ഒരു വാഹനം വാങ്ങിക്കഴിഞ്ഞാല്‍ നിങ്ങളുടെ ഉടമസ്ഥത തെളിയിക്കുന്ന ഒരു രേഖയാണ് വാഹന രജിസ്ട്രേഷന്‍ കാര്‍ഡ്‌ അഥവാ ഇസ്തിമാറ. സൗദിയില്‍ ഒരു വ്യക്തിയുടെ പേരിലുള്ള വാഹനം മറ്റൊരാള്‍ക്ക് കൈമാറി ഓടിക്കല്‍ നിയമ വിരുദ്ധമായതിനാല്‍ വാഹനം സ്വന്തം പെരിലുണ്ടാകുക എന്നത് വളരെ നിര്‍ബന്ധനാണ്. 

ഇസ്തിമാറയില്‍ വാഹനത്തിന്റെ ഉടമസ്ഥന്റെ പേരും വാഹനത്തിന്റെ ഷാസി നമ്പരും വാഹന രജിസ്ട്രേഷന്‍ നമ്പരും,വാഹനം നിര്‍മ്മിച്ച വര്‍ഷവും ഉണ്ടാകും. കൂടാതെ ഇസ്തിമാറയില്‍ അതിന്‍റെ കാലാവധി അവസാനിക്കുന്ന തിയ്യതി അറബിയില്‍ രേഖപ്പെടുത്തിയിട്ടുണ്ടാകും. ആ തിയ്യതി കഴിയുന്നതിനു മുന്‍പായി ഇസ്തിമാറ പുതുക്കണം. പുതുക്കല്‍ നീണ്ട് പോയാല്‍ നിയമപരമായ പിഴകള്‍ അടക്കേണ്ടി വരും.

ഇസ്തിമാറ പുതുക്കണമെങ്കില്‍ വാഹനത്തിനു ആന്തരിക കേടുപാടുകളോ ബാഹ്യമായ തകരാറുകളോ ഇല്ല എന്ന് തെളിയിക്കുന്ന എം.വി.പി.ഐ (MVPI – Motor Vehicles Periodical Inspection) പരിശോധനയില്‍ വിജയിക്കേണ്ടതുണ്ട്. പൊതു ജനങ്ങള്‍ക്കും റോഡിലെ മറ്റു വാനങ്ങള്‍ക്കും ഭീഷണിയാകുന്ന തരത്തിലുള്ള തകരാറുകള്‍ ഉള്ള വാഹനങ്ങള്‍ക്ക് റോഡില്‍ ഇറക്കാന്‍ അനുവാദം നല്‍കാറില്ല.  ഇതിനായി അംഗീകാരം ലഭിച്ച വര്‍ക്ക്‌ ഷോപ്പുകളില്‍ ആയിരിക്കണം ടെസ്റ്റ് നടത്തേണ്ടത്. ഇസ്തിമാറ പുതുക്കണമെങ്കില്‍ ഈ ടെസ്റ്റില്‍ വിജയിക്കേണ്ടത് അത്യാവശ്യമാണ്.

ഈ ടെസ്റ്റില്‍ വിജയിച്ചാല്‍ അതിനു തെളിവായി രേഖാ മൂലമുള്ള റിസല്‍ട്ടും വാഹനത്തിന്റെ വലതു ഭാഗത്ത്‌ ഏറ്റവും മുകളിലായി ഒരു സ്റ്റിക്കറും ഒട്ടിച്ചു നല്‍കും. എം.വി.പി.ഐ ടെസ്റ്റിന്റെ കാലാവധി തീരുന്ന തിയ്യതി അതില്‍ കാണിച്ചിട്ടുണ്ടാകും.

സാധാരണ ഗതിയില്‍ പുതിയ വാഹനങ്ങള്‍ ഒഴിച്ചുള്ളവ ആദ്യ ടെസ്റ്റില്‍ തന്നെ വിജയിക്കാറില്ല. അതിനാല്‍ ടെസ്റ്റിനു പോകുന്നതിനു മുന്‍പായി ചില മുകരുതലുകള്‍ വാഹന ഉടമകള്‍ എടുക്കേണ്ടതുണ്ട്‌.

എം.വി.പി.ഐ ടെസ്റ്റിനു പോകുന്നതിനു മുന്‍പ് തന്റെ വാഹനത്തിനു ബാഹ്യവും ആന്തരികവുമായ തകരാറുകള്‍ ഒന്നും ഇല്ല എന്ന് വാഹനത്തിന്റെ ഉടമസ്ഥന്‍ ഉറപ്പു വരുത്തേണ്ടതുണ്ട്. ടെസ്റ്റില്‍ പങ്കെടുക്കുന്നതിനു നിശ്ചിത ഫീസ്‌ നല്‍കേണ്ടതുണ്ട്. എം.വി.പി സെന്ററില്‍ തന്നെ പ്രസ്തുത ഫീസ്‌ അടക്കാം. കേടുപാടുകള്‍ ഉണ്ടങ്കില്‍ പ്രസ്തുത തകരാറുകള്‍ മൂലം ടെസ്റ്റില്‍ പരാജയപ്പെട്ടതായി കാണിച്ചു രേഖാ മൂലമുള്ള റിസള്‍ട്ട് ലഭിക്കും.

അതിനാല്‍ എം.വി.പി.ഐ ടെസ്റ്റിനു പോകുന്നതിനു മുന്‍പ് വാഹനത്തിന്റെ ആന്തരികവും ബാഹ്യവുമായ എല്ലാ കേടുപാടുകളും തീര്‍ക്കണം. ലൈറ്റുകളും മറ്റും ശരിയായ രീതിയില്‍ പ്രവര്‍ത്തിക്കുന്നു എന്ന് ഉറപ്പു വരുത്തണം.

എം.വി.പി.ഐ ടെസ്റ്റിനു മുന്‍പായി വാഹനത്തില്‍ ചെയ്യേണ്ടതും ശ്രദ്ധിക്കേണ്ടതുമായ താഴ പറയുന്ന ചില പൊതുവായ കാര്യങ്ങള്‍ ഉണ്ട്.

വാഹനത്തിന്റെ എന്‍ജിന്‍ സ്റ്റാര്‍ട്ട് ചെയ്യമ്പോള്‍ നിശ്ചിത അളവിനെക്കാളും പുക പുറത്തേക്കു  തള്ളുന്നുണ്ടോ എന്ന് പരിശോധിക്കുക. ഉണ്ടെങ്കില്‍ അതിനു കാരണമാകുന്ന തകരാര്‍ പരിഹരിക്കുക.

വാഹനത്തിന്റെ ഹെഡ്‌ ലൈറ്റുകളുടെ പ്രവര്‍ത്തനം, നാല് വശങ്ങളിലുല്‍ ഉള്ള ഇന്‍ഡിക്കേറ്ററുകള്‍ ശരിയായ രീതിയില്‍ പ്രവര്‍ത്തിക്കുന്നുണ്ടോ എന്നുറപ്പ് വരുത്തണം. ബള്‍ബുകള്‍ പ്രവര്‍ത്തിക്കുന്നില്ലെങ്കില്‍ അവ മാറ്റിയിടണം. ഹെഡ്‌ ലൈറ്റ് ബീം ശരിയായ രീതിയില്‍ ഫോക്കസ്‌ ചെയ്തു വെക്കണം.

വാഹനത്തിന്റെ ബ്രേക്കുകളുടെ പ്രവര്‍ത്തന ക്ഷമത വളരെ പ്രധാനമാണ്. ബ്രേക്കുകള്‍ ശരിയായ രീതിയില്‍ പ്രവര്‍ത്തിക്കുന്നു എന്നുറപ്പ് വരുത്തുക. ഫൂട്ട് ബ്രേക്ക് പോലെ തന്നെ ഹാന്‍ഡ്‌ ബ്രേക്കുകളുടെ പ്രവര്‍ത്തനവും മികച്ചതാണെന്ന് ഉറപ്പു വരുത്തുക.

വാഹനത്തിന്റെ വീല്‍ അലൈന്‍മെന്റുകള്‍ ശരിയായ രീതിയിലാണോ എന്ന് പരിശോധിക്കുക.വാഹനം ഓടിക്കുമ്പോള്‍ ഒരു വശത്തേക്ക് ചരിഞ്ഞു പോകുന്നുവെങ്കില്‍ വീല്‍ അലൈന്‍മെന്റ്‌ പരിശോധന നടത്തി തകരാര് മാറ്റണം.

വാഹനത്തിലിരുന്ന് പിന്‍ഭാഗം ഡ്രൈവര്‍ക്ക്‌ കാണുന്നതിനു വേണ്ടിയുള്ള റിയര്‍ വ്യൂ മിററുകളും സൈഡ്സൈ മിററുകളും ശരിയായ രീതിയില്‍ ഉണ്ടെന്നു ഉറപ്പു വരുത്തണം. അതിന്റെ ചില്ലുകള്‍ പോട്ടിയിട്ടുണ്ടെങ്കില്‍ അത് മാറ്റിയിടുക. അത് പോലെ തന്നെ വാഹനത്തിന്റെ മുന്‍ഭാഗത്തെയും പിന്‍ ഭാഗത്തെയും ചില്ലുകളില്‍ വലിയ രീതിയിലുള്ള പൊട്ടലോ ചിന്നലോ ഉണ്ടെങ്കില്‍ അവ മാറ്റിയിടെണ്ടി വരും. 

വാഹനത്തിനു ഓയില്‍ ലീക്കുകള്‍ ഇല്ലെന്നു ഉറപ്പു വരുത്തുക. വാഹനം ടെസ്റ്റിനു കൊണ്ട് പോകുന്നതിനു മുന്‍പ് സര്‍വീസ്‌ സ്റ്റേഷനില്‍ കൊണ്ട് പോയി കഴുകുന്നത് നല്ലതാണ്. ചെറിയ ലീക്കുകള്‍ തല്ക്കാലത്തെതെക്കെങ്കിലും നിലക്കും. 

വാഹനത്തിന്റെ ഹോണ്‍, വൈപ്പറുകള്‍ എന്നിവ പ്രവര്‍ത്തന സജ്ജമാണെന്ന് ഉറപ്പു വരുത്തുക. വാഹനത്തിന്റെ ബോഡിയില്‍ വലിയ രീതിലുള്ള ഡെന്റുകള്‍ ഉണ്ടെങ്കില്‍ അവ ശരിയാക്കുക.

ഇങ്ങിനെ വാഹനത്തിന്റെ ബാഹ്യമായി കാണുന്ന കേടുപാടുകളെല്ലാം തീര്‍ച്ചയായും പരിഹരിച്ചിരിക്കണം.അല്ലാത്ത പക്ഷം വാഹനത്തിന്റെ ഫിറ്റ്നസ് പരിശോധിക്കുന്നതിനു മുന്‍പ് തന്നെ ടെസ്റ്റില്‍ പരാജയപ്പെടും. പരിശോധനയില്‍ ഏതെന്കിലും തരത്തിലുള്ള തകരാറുകള്‍ ഉണ്ടെന്നു ബോധ്യപ്പെട്ടാല്‍ പ്രസ്തുത തകരാറുകള്‍ രേഖപ്പെടുത്തി രേഖാ മൂലമുള്ള റിപ്പോര്‍ട്ട് നല്‍കും. പ്രസ്തുത റിപ്പോര്‍ട്ടില്‍ പരാജയപ്പെട്ടു (Failed)എന്ന് രേഖപ്പെടുത്തിയിട്ടുണ്ടാകും.റിപ്പോര്‍ട്ടില്‍ രേഖപ്പെടുത്തിയിട്ടുള്ള തകരാറുകള്‍ പരിഹരിച്ചു ശേഷം മാത്രമേ വാഹനത്തെ അടുത്ത ടെസ്റ്റിനു വിധേയമാക്കാന്‍ സാധിക്കൂ.

സാധാരണായി എം.വി.പി.ഐ ടെസ്റ്റിംഗ് സെന്‍ററുകള്‍ക്ക് അരികിലായി ചില വര്‍ക്ക്‌ ഷോപ്പുകള്‍ ഉണ്ടാവും. തകരാറുകള്‍ അവിടെ തീര്‍ക്കുകയാണ് നല്ലത്. കാരണം അവര്‍ക്ക് തല്ക്കാലത്തെക്കെങ്കിലും ഇത്തരം തകരാറുകള്‍ തീര്‍ക്കേണ്ടത് എങ്ങിനെയെന്ന് എന്നറിയാം. പലയിടത്തും ഇത്തരം വര്‍ക്ക്‌ ഷോപ്പുകള്‍ക്ക് ടെസ്റ്റിംഗ് സെന്‍ററുകളുമായി പല വിധ ബന്ധങ്ങളും ഉണ്ടാകാറുണ്ട്. അതിന്റെ പേരില്‍ ടെസ്റ്റില്‍ വിജയിക്കും എന്ന ഉറപ്പു നല്‍കി വിലപേശി പണം വാങ്ങുന്ന വര്‍ക്ക്‌ ഷോപ്പുകളും ഉണ്ട്.

തകരാറുകള്‍ തീര്‍ത്തു കഴിഞ്ഞാല്‍ വാഹനത്തെ വീണ്ടും എം.വി.പി.ഐ സെന്ററില്‍ പരിശോധനള്‍ക്ക് വിധേയമാക്കും ഇതിനു വീണ്ടു പരിശോധനാ ഫീസ്‌ അടക്കേണ്ടി വരും. ടെസ്റ്റില്‍ വിജയിച്ചാല്‍ വാഹനത്തില്‍ ഒട്ടിക്കാനുള്ള സ്റ്റിക്കറും കടലാസിലുള്ള റിസല്‍ട്ടും ലഭിക്കും.

അതിനു ശേഷം ഇസ്തിമാറ പുതുക്കുന്നതിനുള്ള ഗവര്‍മെന്റ് ഫീസ്‌ അടക്കുക. ഇത് അംഗീകൃത ബാങ്കുകളുടെ എ.ടി.എം മുഖേന അടക്കം. മുറൂറിനടുത്ത് ഈ ഫീസ്‌ അടച്ചു തരുന്ന സ്ഥാപനങ്ങള്‍ ഉണ്ടാകും. ഒരു ചെറിയ തുക സര്‍വീസ്‌ ചാര്‍ജ്ജ്‌ ഈടാക്കി അവര്‍ ഫീസ്‌ അടച്ചു തരും. ഈ ഫീസ്‌ ഓണ്‍ലൈന്‍ ആയി ‘സദാദ്’ സംവിധാനം വഴിയും അടക്കം. ‘സദാദില്‍’ വാഹനത്തിന്‍ രാജിസ്ട്രേഷന്‍ പുതുക്കുന്നതിനുള്ള ഓപ്ഷന്‍ ഉണ്ട്. അതിലൂടെ ഫീസ്‌ അടക്കം.

അതിനു ശേഷം ഇസ്തിമാറ പുതുക്കുന്നതിനുള്ള ട്രാഫിക്‌ വകുപ്പിന്റെ റിന്യൂവല്‍ ഫോം പൂരിപ്പിക്കുക. മേല്‍ പറഞ്ഞ ഓഫീസുകള്‍ സര്‍വീസ്‌ ചാര്‍ജ്ജിന്റെ അടിസ്ഥാനത്തില്‍ ചെയ്തു തരും. സ്വന്തം കമ്പനി പി..ആര്‍.ഒ ഉണ്ടെങ്കില്‍ കൂടുതല്‍ നല്ലത്.

റിന്യൂവല്‍ ഫോം പൂരിപ്പിച്ചു എം.വി.പി.ഐ യുടെ റിസള്‍ട്ട്, പണമടച്ച ബാങ്ക് സ്ലിപ്പ്‌, പഴയ ഇസ്തിമാറ, നിങ്ങളുടെ ഇഖാമ, ഡ്രൈവിംഗ് ലൈസന്‍സ്‌, വാഹനത്തിന്റെ ഇന്‍ഷൂറന്‍സ്‌ എന്നിവയുടെ കോപ്പികള്‍  സഹിതം സമര്‍പ്പിക്കുക. ഇതിന്റെയെല്ലാം ഒറിജിനലുകളും കയ്യില്‍ കരുതണം. ആവശ്യമായ രേഖകള്‍ എല്ലാം ഉണ്ടെങ്കില്‍ വളരെ പെട്ടെന്ന് തന്നെ പുതുക്കിയ ഇസ്തിമാറ കാര്‍ഡ്‌ ലഭിക്കും.

വാഹന രജിസ്ട്രേഷന്‍ പുതുക്കുമ്പോള്‍ ശ്രദ്ധിക്കേണ്ട മറ്റൊരു കാര്യം വാഹനത്തിന്റെ നമ്പര്‍ പ്ലേറ്റ് ആണ്. പഴയ രീതിയിലുള്ള അറബി ഭാഷയിലുള്ള നമ്പര്‍ പ്ലേറ്റ് ആണെങ്കില്‍ മുന്‍ വശത്തും പിന്‍ വശത്തുമുള്ള നമ്പല്‍ പ്ലേറ്റുകള്‍ ഊരിയെടുത്തു പുതിയ പ്ലേറ്റിനുള്ള അപേക്ഷയോടൊപ്പം നല്‍കണം.പുതുക്കിയ രജിസ്ട്രേഷന്‍ കാര്‍ഡിനൊപ്പം അറബിയിലും ഇംഗ്ലീഷിലുമുള്ള പുതിയ നമ്പര്‍ പ്ലേറ്റ് ലഭിക്കും. 

 

LATEST

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

Published

on

വിജ്ഞാനത്തിൽ അധിഷ്ഠിതമായ ഇന്നത്തെ സമ്പദ് വ്യവസ്ഥയിൽ ജോലി ലഭിക്കാൻ മാത്രം നിപുണരല്ല ഇന്ത്യയിലെ ബഹുഭൂരക്ഷം എഞ്ചിനീയർമാരുമെന്ന് ആസ്പിരിങ് മൈൻഡ്‌സിന്റെ വാർഷിക തൊഴിൽ ക്ഷമതാ സർവേയുടെ കണ്ടെത്തൽ. ഇന്ത്യൻ എൻജിനീയറിങ് വിദ്യാഭ്യാസ സമ്പ്രദായത്തിന്റെ താഴ്ന്ന നിലവാരമാണ് സർവേയിൽ പ്രതിഫലിക്കുന്നത്.

ഇന്ത്യയിലെ എൺപതു ശതമാനം എൻജിനീയർമാരും യോഗ്യരല്ല. ടെക് പ്രൊഫഷന്റെ അടിസ്ഥാനങ്ങളിൽ ഒന്നായ മികച്ച കോഡിങ് സ്കിൽ ഉള്ളത് വെറും അഞ്ചു ശതമാനം എഞ്ചിനീയർമാർക്ക് മാത്രമാണ്.

ആർട്ടിഫിഷ്യൽ ഇന്റലിജൻസിൽ വെറും രണ്ടര ശതമാനം എഞ്ചിനീയർമാർക്ക് മാത്രമാണ് കൃത്യമായ നൈപുണ്യമുള്ളത്. ഡാറ്റ സയൻസ്, മെഷീൻ ലേണിങ് എന്നിവയിലും ഇന്ത്യൻ എൻജിനീയർമാർ വിദഗ്ധരല്ല. വെറും നാലര ശതമാനം എൻജിനീയർമാർ മാത്രമാണ് ഇതിൽ വിദഗ്ദർ.

വയർലസ് ടെക്‌നോളജിക്ക് യോഗ്യരായവർ വെറും അഞ്ചു ശതമാനം മാത്രമാണെന്നും സർവേ ഫലം സൂചിപ്പിക്കുന്നു.

കൃത്യമായ കോഡിങ് നൈപുണ്യം ഉള്ളവർ അമേരിക്കയിൽ പത്തൊൻപത് ശതമാനമാണ്. അതെ സമയം ചൈനയിൽ വെറും രണ്ടു ശതമാനം പേർക്ക് മാത്രമാണ് കൃത്യമായ കോഡിങ് അറിയുന്നത്.

Continue Reading

CRIME

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

Published

on

തൃശൂർ ജില്ലയിലെ വടക്കാഞ്ചേരിയിൽ രാസവസ്തുക്കൾ ഉപയോഗിച്ച് നിർമ്മിച്ച വ്യാജ തേൻ ശേഖരം പോലീസ് പിടിച്ചെടുത്തു. ഇതര സംസ്ഥാനക്കാരനായ ഒരു യുവാവിനെ കസ്റ്റഡിയിലെടുത്തു. സംഘത്തിലുണ്ടായിരുന്ന മൂന്ന് പേർ രക്ഷപ്പെട്ടു.

ഫെവിക്കോളും പഞ്ചസാരയും രാസ വസ്തുക്കളും ഉപയോഗിച്ചായിരുന്നു തേൻ നിർമ്മാണം. ഓട്ടുപാറയിലെ ഒരു സ്വകാര്യ ലോഡ്ജിൽ മുറിയെടുത്തായിരുന്നു സംഘം തേൻ നിർമ്മാണം നടത്തിയിരുന്നത്.

ലിറ്ററിന് അഞ്ഞൂറ് രൂപ വരെയായിരുന്നു സംഘം ഈടാക്കിയിരുന്നത്. ശുദ്ധ തേനാണെന്ന് ആളുകളെ വിശ്വസിപ്പിക്കാൻ തേനീച്ചകൾ അടങ്ങിയ തേൻ അട ബക്കറ്റിൽ വെച്ച് വ്യാജ തേൻ അതിലേക്കൊഴിച്ചു കൂടെ കൊണ്ട് നടക്കും. ആവശ്യക്കാരുടെ മുന്നിൽ വെച്ച് തേൻ അട പിഴിഞ്ഞ് വ്യാജ തേൻ നൽകും. ബൈക്കിൽ ചുററി നടന്നായിരുന്നു വിൽപ്പന.

യുവാക്കൾ താമസിച്ചിരുന്ന ലോഡ്ജിൽ നിന്ന് അഞ്ചു ലിറ്ററിന്റെ ഫെവിക്കോൾ ടിന്നും ഇരുപത്തി അഞ്ചു കിലോയോളം പഞ്ചസാരയും പോലീസ് കണ്ടെടുത്തു. ഓടിപോയവരെ കണ്ടെത്താൻ അന്വേഷണം ഊർജ്ജിതമാക്കി. വ്യാജ തേൻ വിൽക്കാനായി ഉപയോഗിച്ചിരുന്ന രണ്ടു ബൈക്കുകളും പോലീസ് കസ്റ്റഡിയിൽ എടുത്തിട്ടുണ്ട്.

Continue Reading

KERALA

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

Published

on

ബസ് പുറപ്പെടുന്നത് വരെ വിദ്യാർത്ഥികളെ കയറ്റാതെ കൊടും വെയിലത്ത് നിർത്തിയ കണ്ടക്ടറുടെ ലൈസൻ ആർ.ടി.ഓ റദ്ദാക്കി. പാലക്കാട്-നെന്മാറ റൂട്ടിലോടുന്ന സ്വകാര്യ ബസ്സിലെ കണ്ടക്ടറുടെ ലൈസന്‍സാണ് വിദ്യാര്‍ഥികളെ വെയിലത്ത് നിര്‍ത്തിയതിന്റെ പേരില്‍ റദ്ദാക്കിയത്.

ശനിയാഴ്ച നെന്മാറ ബസ്സ്റ്റാന്‍ഡില്‍ 12.55-ഓടെയായിരുന്നു സംഭവം. KL 49 A 8559 എന്ന രജിസ്‌ട്രേഷൻ നമ്പറുള്ള ബസ് പുറപ്പെടുന്നത് വരെ കുട്ടികളെ അകത്തു കയറാൻ അനുവദിക്കാതെ പുറത്തു നിർത്തുകയായിരുന്നു. ഇത് കണ്ട ഒരു യാത്രക്കാരൻ ഫോട്ടോയെടുത്ത് ഈ കാഴ്ച അധികൃതരിലേക്ക് എത്തുംവരെ പ്രചരിപ്പിക്കണമെന്ന അപേക്ഷയോടെ ഫേസ്‌ബുക്കിൽ പോസ്റ്റ് ചെയ്തു.

പോസ്റ്റ് കൂടുതൽ ആളുകൾ ഷെയർ ചെയ്ത് വൈറലായി. ഫോട്ടോയും കുറിപ്പും ശ്രദ്ധയിൽ പെട്ട എയർ.ടി.ഓ ഓഫീസ് ജീവനക്കാർ വിഷയം എന്‍ഫോഴ്സ്മെന്റ് ആര്‍.ടി.ഒ. പി. ശിവകുമാറിന്റെ ശ്രദ്ധയിൽ പെടുത്തി.

അദ്ദേഹത്തിന്റെ നിർദ്ദേശപ്രകാരം നടത്തിയ അന്വേഷണത്തിൽ സംഭവം ശരിയാണെന്ന് കണ്ടെത്തി.
മോട്ടോര്‍വെഹിക്കിള്‍ ഇന്‍സ്‌പെക്ടര്‍ എം.ആര്‍. സജീവ്, അസി. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ മുരളീധരന്‍പിള്ള, ഹരികൃഷ്ണന്‍, എന്‍.ആര്‍. മനു എന്നിവരാണ് പരിശോധന നടത്തിയത്.

വാഹനം പുറപ്പെടുന്നതിന് അഞ്ച് മിനിറ്റ് മുൻപ് മാത്രമാണ് ജീവനക്കാർ കുട്ടികളെ കയറാൻ അനുവദിച്ചിരുന്നുള്ളൂ എന്ന് അന്വേഷണത്തിൽ വെളിപ്പെട്ടു. തുടര്‍ന്ന് പാലക്കാട് സ്റ്റേഡിയം ബസ്സ്റ്റാന്‍ഡിലെത്തിയ മോട്ടോർ വാഹന വകുപ്പ് ഉദ്യോഗസ്ഥർ സ്വകാര്യബസ്സിലെ കണ്ടക്ടറുടെ ലൈസന്‍സ് കണ്ടുകെട്ടുകയായിരുന്നു.

Continue Reading
MIDDLE EAST4 hours ago

സർട്ടിഫിക്കറ്റുകൾ ഉന്നത വിദ്യാഭ്യാസ മന്ത്രാലയം സാക്ഷ്യപ്പെടുത്തണമെന്ന് ഒമാൻ ചേംബർ ഓഫ് കോമേഴ്‌സ്

LATEST5 hours ago

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

KERALA6 hours ago

കൊച്ചു കുട്ടികളെ കാറിന്റെ പീസീറ്റിൽ ഇരുത്തണമെന്ന് ബാലാവകാശ കമ്മീഷൻ

CRIME6 hours ago

ഓച്ചിറയില്‍ നിന്ന് തട്ടിക്കൊണ്ടുപോയ പെണ്‍കുട്ടിയെ കണ്ടെത്തി

CRIME7 hours ago

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

INDIA1 day ago

ഒലക്ക് കർണ്ണാടകയിൽ ആറു മാസത്തേക്ക് വിലക്ക്

MIDDLE EAST1 day ago

മസ്കറ്റ്: വെള്ളിയാഴ്ചകളിലും പൊതു അവധി ദവസങ്ങളിലും നിർമ്മാണ പ്രവർത്തനങ്ങൾ പാടില്ല

INDIA1 day ago

ഖത്തറിലെ സ്‌കൂളുകളിൽ ഈ വർഷം സെക്കൻഡ് ഷിഫ്റ്റ് ഇല്ല.

KERALA1 day ago

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

HEALTH1 day ago

സൂര്യാഘാതം: അതീവ ജാഗ്രത ആവശ്യം

KERALA1 day ago

ഒന്ന് ശ്രദ്ധിക്കൂ, ഈ ചെറുപ്പക്കാരന്റെ ഭാവി നിങ്ങളുടെ കയ്യിലാണ്

KERALA1 day ago

പ്രവാസികൾക്കും വിവരാവകാശ പ്രകാരം അപേക്ഷ സമർപ്പിക്കാം. തടസ്സമില്ലെന്ന് അധികൃതർ.

KERALA1 day ago

വൈദികർക്കും കന്യാസ്ത്രീകൾക്കും ആദായ നികുതി ബാധകമെന്ന് കോടതി

HEALTH2 days ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

KERALA2 days ago

ശ്രീലങ്കൻ യുവതിയുടെ മൃതദേഹത്തോട് അനാദരവ്: മനുഷ്യാവകാശ കമ്മീഷൻ കേസെടുത്തു.

LATEST4 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED3 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST4 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME3 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

LAW4 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW3 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA3 weeks ago

സൗദിയില്‍ മലയാളിയെ ആത്മഹത്യചെയ്ത നിലയില്‍ കണ്ടെത്തി

SAUDI ARABIA4 weeks ago

അശ്ലീല ചിത്രം പ്രചരിപ്പിച്ചാല്‍ അഞ്ചുവര്‍ഷം തടവും മുപ്പത്തു ലക്ഷം റിയാല്‍ പിഴയും

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാരും വീട്ടു വേലക്കാരികളും അടങ്ങിയ ഗാര്‍ഹിക തൊഴിലാളികള്‍ക്ക് ബാധകമാണോ ?

LATEST4 weeks ago

ഭീകര കേന്ദ്രങ്ങളിലെ ഇന്ത്യന്‍ വ്യോമാക്രമണം എന്ന പേരില്‍ പ്രചരിക്കുന്നത് വ്യാജ വിഡിയോ

UAE4 weeks ago

18 കോടി മുസ്ലിം സഹോദരങ്ങള്‍ അടക്കം 130 കോടി ഇന്ത്യക്കാരുടെ ആശംസയുമായാണ് ഞാന്‍ ഇവിടെ എത്തിയിരിക്കുന്നത്..

CRIME4 weeks ago

കാശ്മീരി കവിത ഫേസ് ബുക്കിലിട്ട യുവാവ് അറസ്റ്റില്‍

Trending

Copyright © 2019 Pravasi Corner.

error: Content is protected !!