LATEST
ന്യൂസ് റൂം: ഡിസംബര് 2012
- സൗദി വേതന സുരക്ഷാ നിയമം: ഫ്രീവിസ സ്പോണ്സര്മാരുടെ ദുരുപയോഗം നടന്നേക്കാം31/12/2012
- ഖത്തറില് ഫാമിലി വിസ അപേക്ഷകള് തള്ളുന്നത് ആവശ്യമായ രേഖകളില്ലാത്തത് കൊണ്ടാണെന്ന് അധികൃതര്, പ്രശ്നം വാടക കരാര് 31/12/2012
- സൗദി നയതന്ത്ര പ്രതിനിധി വെടിയേറ്റ് മരിച്ച കേസില് അഞ്ചു ബംഗ്ലാദേശികള്ക്ക് വധശിക്ഷ30/12/2012
- യു.എ.ഇ: പിരിയുമ്പോള് ഇ.എസ്.ബി ലഭിക്കുന്നതിനു പരിധിയുണ്ടോ? 30/12/2012
- സൗദി അറേബ്യ: സ്പോണ്സര്ക്ക് ബ്ലാക്ക് ലിസ്റ്റ് ചെയ്യാമോ?30/12/2012
- ഖത്തര്: വിസയുടെ ചെലവ് ശമ്പളത്തില് നിന്ന് കുറക്കാമോ?30/12/2012
- മൊബൈല് തട്ടിപ്പ് നടത്തി വന്ന സംഘത്തെ ഷാര്ജ പോലീസ് പിടികൂടി 30/12/2012
- അബുദാബിയില് മലയാളികളടക്കമുള്ളവരുടെ 1300 ഗ്രോസറികള് നാളെ പ്രവര്ത്തനം അവസാനിപ്പിക്കും 30/12/2012
- ഫ്രീ വിസക്കാര് മടങ്ങുകയാണ്, നിയമപരമായി തിരിച്ചു വരാന്, ഇനിയുള്ള അവസരങ്ങള് നിര്മ്മാണ രംഗത്ത്…. 30/12/2012
- ആന്ധ്ര കടപ്പ സ്വദേശിനി റസൂല്ബി നാട്ടിലേക്ക് 29/12/2012
- സൗദിയില് ‘പരിശോധനാ വര്ഷം’: പുണ്യ ഭൂമിയിലെ ഫ്രീവിസക്കാരുടെ അന്ത്യദിനങ്ങളുടെ ആരംഭം29/12/2012
- സൗദിയില് നിന്ന് ഖത്തര് എയര്വേയ്സിനും ഗള്ഫ് എയറിനും ലൈസന്സ്. ആഭ്യന്തര-അന്താരാഷ്ട്ര നിരക്കുകള് കുറയുമെന്ന് പ്രതീക്ഷ 29/12/2012
- സൗദി പൊതുമാപ്പ്: ദിയാ ധനം നല്കാന് സാധിക്കാത്തവരും പൊതുമാപ്പിന്റെ പരിധിയില്29/12/2012
- ആരോഗ്യ മുന്നറിയിപ്പ് ചിത്രങ്ങളില്ലാത്ത കമ്പനികളുടെ സിഗരറ്റുകള്ക്ക് യു.എ.ഇ യില് നിരോധനം 28/12/2012
- സൗദി പൊതുമാപ്പ്: നിരവധി മലയാളികളും ജയില് മോചിതരാവും, വിലക്ക് പത്തു വര്ഷത്തേക്ക്…. 28/12/2012
- ഒമാന് സ്വദേശിവല്ക്കരണം: പ്രവാസികള്ക്ക് കാലിടറുന്നു……..28/12/2012
- ഖത്തര് ഇന്ത്യന് എംബസ്സിയുടെ ഓപ്പണ് ഹൌസ് നാളെ27/12/2012
- ബഹ്റൈന് പോലീസുകാരന് സ്വദേശി യുവാവിനെ മര്ദ്ദിക്കുന്ന വീഡിയോ ഇന്റര്നെറ്റില്, ആഭ്യന്തര മന്ത്രി അന്വേഷണം പ്രഖ്യാപിച്ചു27/12/2012
- സൗദി തൊഴില് മന്ത്രിക്കു അര്ബുദമുണ്ടാകുന്നതിനു വേണ്ടി വിശുദ്ധ ഹറമില് പ്രാര്ത്ഥന നടത്തുമെന്ന് മത പുരോഹിത സംഘം. 27/12/2012
- സൗദി തൊഴില് മന്ത്രിക്കെതിരെ മതപുരോഹിതന്മാരുടെ കടുത്ത പ്രതിഷേധം 26/12/2012
- മലേഷ്യയില് വെച്ച് ദുരൂഹ സാഹചര്യത്തില് കാണാതായ 15 കാരിയായ യു.എ.ഇ പെണ്കുട്ടിയെ കണ്ടെത്തി 26/12/2012
- സൗദി പ്രവാസികള്ക്ക് ശമ്പളം ലഭിച്ചില്ലെങ്കില് എളുപ്പത്തില് തെളിയിക്കാം…. 26/12/2012
- പുതിയ വേതന സുരക്ഷാ നിയമം: സ്പോണ്സര്മാര് ത്രികോണ നിരീക്ഷണത്തില്, ശമ്പളം നല്കിയില്ലെങ്കില് കുടുങ്ങും25/12/2012
- സൗദി വേതന സുരക്ഷാ നിയമം: മൂന്നു മാസം ശമ്പളം ലഭിച്ചില്ലെങ്കില് അനുമതിയില്ലാതെ സ്പോണ്സര്ഷിപ്പ് മാറാന് അനുവാദം 25/12/2012
- സൗദിയിലെ പുതിയ വേതന സുരക്ഷ പദ്ധതി 2013 മാര്ച്ച് മുതല് നടപ്പിലാക്കും. 25/12/2012
- സൗദി ലെവി: ശൂരാ കൌണ്സിലും കൈ വിട്ടു, പ്രതീക്ഷ മങ്ങുന്നു 24/12/2012
- സൗദിയില് വീണ്ടുമൊരു പൊതുമാപ്പിന് സാധ്യത?24/12/2012
- മനുഷ്യക്കടത്തിന്റെ ഒരു ഇര കൂടി നാടണയുന്നു 23/12/2012
- സൗദിയിലെ ജുബൈലില് ജോലിക്കിടെ ഇന്ധന ടാങ്ക് പൊട്ടിത്തെറിച്ചു, രണ്ടു ഇന്ത്യക്കാരടക്കം ആറു മരണം,22/12/2012
- എയര് കേരള വിഷുവിനു പറന്നുയരില്ല…. 22/12/2012
- തൊഴില് മന്ത്രിയുടെ പ്രഖ്യാപനം നിര്ണ്ണായകം, പ്രവാസികള്ക്ക് നെഞ്ചിടിപ്പ് കൂടുന്നു…… 22/12/2012
- സയാമീസ് ഇരട്ടകളായ സല്മാനേയും അബ്ദുള്ളയേയും വിജയകരമായി വേര്പ്പെടുത്തി.22/12/2012
- സൌദിയില് പുതിയ വേതന സുരക്ഷ നിയമം തിങ്കളാഴ്ച: ശമ്പളം കൃത്യ സമയത്ത്, ഫ്രീ വിസക്കാരും ബിനാമികളും പിടിക്കപ്പെടും21/12/2012
- സൌദിയില് വാഹനം ഓടിച്ചതിന് തടവിലായ മനാല് ഷരീഫിന് യു.എ.ഇ ഡ്രൈവിംഗ് ലൈസന്സ് ലഭിച്ചു 20/12/2012
- ഡ്രൈവിങ്ങിനിടയില് മൊബൈല് ഫോണ് ഉപയോഗിച്ച യു.എ.ഇ വിദേശകാര്യ മന്ത്രിയെ പോലീസ് പിടികൂടി. പോലീസിനു അഭിനന്ദനം 20/12/2012
- സൗദി തൊഴില് മന്ത്രിയുടെ പ്രസ്താവന, ബിസിനസ് വൃത്തങ്ങളില് അത്ഭുതം, പ്രവാസികള്ക്ക് ആശ്വാസം20/12/2012
- ഏതെല്ലാം ചിലവുകളാണ് തൊഴിലാളിക്ക് വേണ്ടി സൗദി സ്പോണ്സര് വഹിക്കേണ്ടത്?20/12/2012
- പുതുവര്ഷ പിറവി ദിനത്തിനു യു.എ.ഇ യില് പൊതു ഒഴിവ്19/12/2012
- സൗദി ലെവി: അവശ്യ വസ്തുക്കളുടെ വില കൂട്ടുന്നത് കര്ശനമായി തടയും19/12/2012
- സൗദി ലെവി: ഇഖാമയിലെ പ്രോഫെഷന് നോക്കി ലെവി ചുമത്തില്ല – തൊഴില് മന്ത്രി19/12/2012
- സൗദി സ്വദേശിവല്ക്കരണം: വിസകള് നിയമപരമാണെങ്കില് 80 ശതമാനം പ്രവാസികളും സുരക്ഷിതര് 19/12/2012
- വിദേശികള് ചെയ്യുന്ന തൊഴിലുകളില് മുക്കാല് ഭാഗവും സ്വദേശികള്ക്ക് യോജിക്കാത്തത് – സൗദി തൊഴില് മന്ത്രി 19/12/2012
- കന്യാകുമാരി സ്വദേശി അല് കോബാറില് മരിച്ചു 18/12/2012
- മനോഹര് റാമിന് ഫൊക്കാസയുടെ യാത്രാ മംഗളം 18/12/2012
- സുബൈദ ബീഗം തര്ഹീലില് നിന്നും നാട്ടിലേക്ക് 18/12/2012
- അബ്ദുള്ളയേയും സല്മാനേയും വേര്പ്പെടുത്തുന്ന ശസ്ത്രക്രിയ വെള്ളിയാഴ്ച 18/12/2012
- 35 വര്ഷത്തിലധികം വിശുദ്ധ മക്ക ഹറം ഇമാമായിരുന്ന ഷൈക്ക് അല് സബീല് അന്തരിച്ചു18/12/2012
- സാമൂഹിക പ്രവര്ത്തകരുടെ അധിക്ഷേപം: സൗദി സ്പോണ്സര്മാര്ക്ക് രോഷം…..17/12/2012
- ദാമ്മാമില് നോര്ക്ക പ്രവാസി തിരിച്ചറിയല് കാര്ഡുകള് വിതരണം ചെയ്തു 17/12/2012
- എന്ത് കൊണ്ട് സൗദി യുവാക്കള് തൊഴില് രഹിതരാവുന്നു?17/12/2012
- ഖത്തറില് തൊഴിലാളിക്ക് തൊഴിലുടമ നല്കേണ്ട താമസ സൗകര്യങ്ങളുടെ വിശദ രൂപം17/12/2012
- സൗദി ലെവി: വ്യാപാരികള് വില ഉയര്ത്തുന്നത് നിയമ വിരുദ്ധമല്ല – ഉപഭോക്തൃ സംരക്ഷണ സമിതി17/12/2012
- അബുദാബിയില് വില്ലകള് വിഭജിച്ചു താമസിക്കുന്നവര്ക്ക് ഒഴിയാന് ഒരു മാസം സമയം17/12/2012
- ഷോപ്പുകളിലെ വനിതാവല്ക്കരണം: നടപ്പാക്കിയ രീതിയില് എതിര്പ്പുമായി മതകാര്യ പോലീസ് മേധാവി രംഗത്ത്16/12/2012
- ലെവി വീണ്ടും പുകയുന്നു, തൊഴില് മന്ത്രാലയത്തെ പിന്തിരിപ്പിക്കാന് ശൂരാ കൌണ്സില് അംഗങ്ങള്, മന്ത്രാലയ ആസ്ഥാനത്തു സ്വദേശികള് തടിച്ചു കൂടി16/12/2012
- സൗദിയില് എങ്ങിനെ പ്രവാസിക്ക് നീതി ലഭിക്കും? 15/12/2012
- സാങ്കേതിക വൈദഗ്ദ്യമുള്ളവര്ക്ക് ഗള്ഫ് രാജ്യങ്ങളില് വരും വര്ഷങ്ങളില് ധാരാളം അവസരങ്ങള് ….. 15/12/2012
- ഷാജി മതിലകം – നിസ്വാര്ത്ഥ ജീവകാരുണ്യ പ്രവര്ത്തകന്15/12/2012
- എയര് ഇന്ത്യാ എക്സ്പ്രസ് പരാതികള്ക്ക് പരിഹാര സെല്. ഒരാഴ്ചക്കുള്ളില് പ്രശ്ന പരിഹാരവും മറുപടിയും 15/12/2012
- സൗദി അറേബ്യ: പുതിയ തൊഴില് പരിഷ്കാരങ്ങളില് ബിസിനസ് വൃത്തങ്ങളില് അതൃപ്തി 15/12/2012
- യു.എ.ഇയില് ആത്മഹത്യ ചെയ്യുന്നവരില് അധികവും ഇന്ത്യക്കാര് 15/12/2012
- യു.എ.ഇ പൊതുമാപ്പുകാര്ക്ക് തിരികെ വരാന് എയര് ഇന്ത്യയില് കേന്ദ്രത്തിന്റെ പ്രത്യേക പാക്കേജ്14/12/2012
- മലയാളി യുവാവിന്റെ കനത്ത ചികില്സ ചെലവ് വഹിക്കാന് ദുബൈ ഭരണാധികാരി ഉത്തരവിട്ടു14/12/2012
- ഉറ്റവരെ ഓര്മിക്കാന് കഴിയാതെ എട്ട് മാസമായി മാനസിക ആരോഗ്യ കേന്ദ്രത്തില് 13/12/2012
- ഗള്ഫിലേക്ക് റിക്രൂട്ട് ചെയ്യുന്ന ഏജന്റുമാര്ക്ക് അംഗീകാരമുണ്ടോ എന്ന് എങ്ങിനെ മനസ്സിലാക്കാം?13/12/2012
- മാനസിക നില തെറ്റിയ പ്രവാസിയെ ഭാര്യക്കും വീട്ടുകാര്ക്കും വേണ്ട 13/12/2012
- ബ്ലോഗിലൂടെ സ്ത്രീകള്ക്കെതിരെ ലൈംഗിക പരാമര്ശം, സൗദിയിലെ വനിതകള് നിയമ നടപടിക്ക് 12/12/2012
- യു.എ.ഇ പൊതു മാപ്പ്: രാജ്യം വിട്ടു പോകാതിരിക്കുന്നതിനു വേണ്ടി അനധികൃത താമസക്കാര് തന്ത്രങ്ങളുമായി രംഗത്ത്12/12/2012
- ഒരു വിഭാഗത്തേയും നിതാഖാതില് നിന്ന് ഒഴിവാക്കിയിട്ടില്ലെന്ന് തൊഴില്മന്ത്രാലയം. പദ്ധതികള് പൂര്ത്തിയാക്കാന് പുതിയ സംവിധാനം 12/12/2012
- യു.എ.ഇ മന്ത്രിസഭ അംഗീകരിച്ചു: യു.എ.ഇ ജയിലുകളിലുള്ള ഇന്ത്യക്കാര്ക്ക് ഇനി ഇന്ത്യന് ജയിലുകളില് ശിക്ഷയനുഭവിക്കാം11/12/2012
- യു.എ.ഇ പൊതു മാപ്പ്:കേന്ദ്ര സര്ക്കാരിന് നാണക്കേട്, അംബാസഡര് പത്തു ദിര്ഹം വീതം വ്യക്തിപരമായി നല്കും11/12/2012
- ഏജന്റുമാരുടെ ചതിയില് വഞ്ചിതയായ റുക്കിയ നാളെ നാട്ടിലേക്ക് 11/12/2012
- പാസ്പോര്ട്ട് ഫീസ് വര്ദ്ധന: ഫൊക്കാസയുടെ ഹര്ജിയില് കേന്ദ്ര സര്ക്കാരിന് ഹൈക്കോടതി നോട്ടീസ് 11/12/2012
- തൊഴില് മന്ത്രാലയം അഴയുന്നു, ക്ലീനിംഗ് കമ്പനികളെ നിതാഖാതില് നിന്ന് ഒഴിവാക്കിയേക്കും 11/12/2012
- യു.എ.ഇ പൊതു മാപ്പ്, മലയാളികളുടെ ഫീസ് നോര്ക്ക വഹിക്കും 10/12/2012
- ഡോക്ടര്മാര്ക്ക് ഒരു ലൈസന്സില് യു.എ.ഇയില് മുഴുവന് പ്രാക്ടീസ് ചെയ്യാന് പുതിയ നിയമം 10/12/2012
- ഇന്റര്നെറ്റിലൂടെ അപകീര്ത്തിപ്പെടുത്തിയാല് സൗദിയില് ലഭിക്കുന്നത് കടുത്ത ശിക്ഷ 10/12/2012
- ജിദ്ദയിലെ ഇന്ത്യന് കോണ്സുലെറ്റിലെ ഉദ്യോഗസ്ഥര് വ്യാഴാഴ്ച മദീന സന്ദര്ശിക്കും10/12/2012
- ദുബൈ: വിവാദമായ കന്യാസ്ത്രീ ലൈംഗിക പീഡന കേസിന് നാടകീയമായ അന്ത്യം 10/12/2012
- സിവില് സര്വീസ് മന്ത്രാലയവും സൌദിവല്ക്കരണത്തിലേക്ക്…….10/12/2012
- കുവൈറ്റില് വര്ക്ക് പെര്മിറ്റുകള് പുതുക്കുന്നത് താല്ക്കാലികമായി നിര്ത്തി വെക്കുന്നു 09/12/2012
- നീതി നിഷേധത്തിനെതിരെ നിയമ പോരാട്ടം നടത്തുക: സൗദി നിയമ ഗവേഷകന് ഹാമിദ് മുഹമ്മദ്09/12/2012
- സൗദി അറേബ്യ: സ്വകാര്യ മേഖലയിലെ തൊഴിലാളികള്ക്ക് ആഴ്ചയില് രണ്ടു ദിവസം അവധി നല്കാന് അബ്ദുള്ള രാജാവ് നിര്ദ്ദേശിച്ചു 09/12/2012
- ദോഹയില് ആറു വയസ്സുകാരന് മലയാളി ബാലന് നീന്തല് കുളത്തില് മുങ്ങി മരിച്ചു 09/12/2012
- ജിദ്ദയിലെ തീ പിടിത്തത്തില് മലയാളികളായ പിതാവും മകനും മരിച്ചു 08/12/2012
- എയര് ഇന്ത്യയുടെ കുത്തക തകരുന്നു: ജെറ്റ് എയര്വേയ്സ് ദുബൈ–മംഗലാപുരം സര്വീസ് ജനുവരി മൂന്നു മുതല് 08/12/2012
- സൗദി അറേബ്യ: ഹൗസ് ഡ്രൈവര് വിസയില് എത്തി പീഡനം സഹിച്ച നവാസ് മടങ്ങി08/12/2012
- സൗദി അറേബ്യ: സ്ഥാപനങ്ങളുടെ അക്കൌണ്ടുകള് വിദേശികള് കൈകാര്യം ചെയ്യുന്നതിന് വിലക്ക്08/12/2012
- പ്രവാസികള്ക്ക് സൌജന്യമായി കേരള സര്ക്കാരിന്റെ 2013 ഔദ്യോഗിക കലണ്ടര് ഡൌണ്ലോഡ് ചെയ്യാം07/12/2012
- റീം അസ്സദ്: സ്ത്രീകള്ക്കും സൌദിയില് ചിലതൊക്കെ ചെയ്യാനാകും…. 07/12/2012
- സൗദി ലെവി: ആവശ്യമുള്ളത് 2 കോടി സ്വദേശികള്. തൊഴില് രഹിതര് 1.3 കോടി മാത്രം, അതില് 80% സ്ത്രീകള് 06/12/2012
- ലെവി ചുമത്തല്: തീരുമാനത്തില് നിയമപരമായ അപാകതയെന്നു കരാര് മേഖലയുടെ ആരോപണം06/12/2012
- സൗദി ലെവി: മതപുരോഹിതന്മാര് മുഖേന സമ്മര്ദ്ദത്തിന്, ഗ്രാന്ഡ് മുഫ്തിയെ കാണും 06/12/2012
- ലെവി: പ്രതിഷേധം തണുക്കുന്നു. തൊഴില് മന്ത്രിക്കു പിന്തുണയുമായി വലീദ് ബിന് തലാല് രാജകുമാരന് രംഗത്ത് 05/12/2012
- സൗദിയില് ഓണ്ലൈന് വഴി ഇഖാമ പുതുക്കല് ഉടന്05/12/2012
- ഷാര്ജയില് നാലംഗ വനിതാ മോഷണ സംഘം പിടിയില്05/12/2012
- വികലാംഗക്ക് വേണ്ടി വിമാനത്തിലെ സ്വന്തം സീറ്റ് ഒഴിഞ്ഞു കൊടുത്തു സൗദി മന്ത്രി മാതൃകയായി 04/12/2012
- സൗദിയിലെ റീ-എന്ട്രി വിസ ഫീസില് മാറ്റമില്ല: ജവാസാത്04/12/2012
- സൗദി അറേബ്യയിലെ ലെവി: പ്രവാസികള് തിരിച്ചു പോക്കിലേക്ക് ……. 04/12/2012
- സൗദി അറേബ്യ: ഇന്ത്യന് കോണ്സുലേറ്റ് സംഘത്തിന്റെ യാമ്പു സന്ദര്ശനം ഈ വ്യാഴാഴ്ച.03/12/2012
- ഖത്തറില് ദുരിതത്തിലാവുന്ന പ്രവാസികളുടെ രക്ഷക്ക് ഖത്തര് ഫൌണ്ടേഷന് 03/12/2012
- സൗദി ലെവി: അവസാന ശ്രമമെന്ന നിലയില് രാജ കാരുണ്യം തേടി……. 03/12/2012
- എയര് ഇന്ത്യ പൈലറ്റാണ് ഞങ്ങളെ ഹൈജാക്ക് ചെയ്തത്: ഡിംബ്രൈറ്റ് കാദര് 02/12/2012
- സൌദിയിലെ പ്രവാസികള്ക്ക് നിരാശ, ലെവി പിന്വലിക്കില്ലെന്ന് തൊഴില് മന്ത്രി 02/12/2012
- സൗദിയില് ഇനി മൊബൈല് ഫോണ് റീചാര്ജ് ചെയ്യണമെങ്കില് ഇഖാമ നമ്പര് കൂടി ചേര്ക്കണം01/12/2012
- സമ്മര്ദ്ദങ്ങള്ക്ക് ഫലം, പച്ച വിഭാഗത്തിലുള്ള സ്ഥാപനങ്ങളെ ഒഴിവാക്കാന് സാധ്യത. പ്രഖ്യാപനം ഇന്നുണ്ടായേക്കും 01/12/2012
LATEST
ആ വഴിയും അടയുന്നു. നിലവിലെ സാഹചര്യത്തില് ലെവി കൊടുത്ത് സൗദിയില് ഇനി മുന്നോട്ടു പോകാന് സാധിക്കില്ല.

ഞാന് ഇപ്പോള് റിയാദില് ഹൗസ് ഡ്രൈവര് വിസയില് ജോലി ചെയ്യുകയാണ്. സ്വന്തമായാണ് പുറത്ത് ജോലി ചെയ്യുന്നത്. ഹൗസ് ഡ്രൈവര്മാര്ക്ക് ലെവി ബാധകമാക്കിയല് മുന്നോട്ട് തുടര്ന്ന് പോകാന് സാധിക്കില്ല. എന്ന് മുതലാണ് ഈ നിയമം നിലവില് വരുന്നത്, ഏതെങ്കിലും തരത്തിലുള്ള ഒഴിവാക്കലുകള് ഉണ്ടാകുമോ തുടങ്ങിയ കാര്യങ്ങള് വിശദീകരിക്കാമോ? സ്പോണ്സര്ഷിപ്പ് മാറുന്നതിന് എന്തൊക്കെ നടപടി ക്രമങ്ങളാണ് സ്വീകരിക്കേണ്ടത് എന്നും പറഞ്ഞു തരാമോ?
സൗദിയില് കോവിഡ് വ്യാപനം രൂക്ഷമാവുന്നതിന് മുന്പ് അനധികൃത വിദേശികളെ പിടികൂടുന്നതിന് വേണ്ടി വ്യാപകമായ പരിശോധന നടന്നിരുന്നു. നിലവിലെ പ്രത്യേക സുരക്ഷാ ഭീഷണി സാഹചര്യങ്ങള് മുന്നിറുത്തി അധികൃതര് ലക്ഷ്യമിട്ടിരുന്നത് പ്രധാനമായും യാതൊരു രേഖകളും ഇല്ലാതെ അതിര്ത്തി പ്രദേശങ്ങളിലൂടെ നുഴഞ്ഞു കയറിയവര്, രേഖകളുടെ കാലാവധി അവസാനിച്ചിട്ടും രാജ്യത്ത് തുടര്ന്നവര് തുടങ്ങിയ അനധികൃത താമസക്കാരെ ആയിരുന്നു. മാനവ ശേഷി, സാമൂഹിക വികസന മന്ത്രാലയത്തിന്റെ പരിശോധന അല്ലാതിരുന്നിട്ടു കൂടി ഈ പരിശോധനകളില് ജവാസാതിന്റെയും സംയുക്ത സുരക്ഷ സേനകളുടെയും പിടിയില് പത്തു ശതമാനത്തോളം വിദേശികളും ഉള്പ്പെട്ടിരുന്നു. ഇതില് അധികവും ഹൗസ് ഡ്രൈവര് വിസയില് സൗദിയിലെത്തി സ്വന്തമായി ജോലി ചെയ്തു വന്നിരുന്നവര് ആയിരുന്നു.
അത് പോലെ തന്നെ മാനവ ശേഷി, സാമൂഹിക വികസന മന്ത്രാലയത്തിന്റെ പരിശോധനകളില് നിരവധി സ്ഥാപനങ്ങളില് അനേകം ഗാര്ഹിക തൊഴിലാളികള് അനധികൃതമായി ജോലി ചെയ്തു വരുന്നതായി കണ്ടെത്തിയിരുന്നു. ഹൗസ് ഡ്രൈവര് വിസയില് രാജ്യത്തെത്തി സ്വതന്ത്രമായി ജോലി ചെയ്തു വരുന്നവരായിരുന്നു ഇവര്. ഹൗസ് ഡ്രൈവര്മാര്ക്ക് ലെവി ബാധകമല്ലാത്തതിനാലാണ് വന്തുകയുടെ സാമ്പത്തിക ബാധ്യത ഒഴിവാക്കുന്നതിനായി വിദേശികള് ഈ വിസയില് എത്തി ജോലി ചെയ്തു വന്നിരുന്നത്.
2014 ജൂലൈയിലാണ് രാജ്യത്ത് ആദ്യമായി സ്വകാര്യ മേഖലയിലെ വിദേശ തൊഴിലാളികൾക്ക് ലെവി ബാധകമാക്കിയത്. 2017 ജൂലൈയിൽ ആശ്രിതർക്കും ലെവി നിലവിൽവന്നു. എങ്കിലും ഗാർഹിക തൊഴിലാളികൾക്ക് ലെവി ബാധകമായിരുന്നില്ല. ഈ പഴുത് മുതലെടുത്ത് കൊണ്ടാണ് പല വിദേശികളും ഹൗസ് ഡ്രൈവര് വിസയിലേക്ക് മാറുകയോ ഫൈനല് എക്സിറ്റില് പോയോ പുതിയ ഹൌസ് ഡ്രൈവർ ഉൾപ്പെടെയുള്ള ഗാർഹിക വിസകളില് രാജ്യത്തെത്തുകയോ ചെയ്തു കൊണ്ടിരുന്നത്.
പരിശോധനകളില് ഹൗസ് ഡ്രൈവര് വിസയില് രാജ്യത്തെത്തിയ അനേകം തൊഴിലാളികള് പിടിലാകുന്നത് വര്ദ്ധിച്ചതോടെയാണ് ഈ വിഷയം അധികൃതരുടെ ശ്രദ്ധയില് പെടുന്നത്. തുടര്ന്ന് ഈ പഴുത് അടക്കുന്നതിനു വേണ്ടിയുള്ള ശ്രമങ്ങളുടെ ഭാഗമായാണ് ഗാര്ഹിക തൊഴിലാളികള്ക്ക് ലെവി ഏര്പ്പെടുതാനുള്ള തീരുമാനം മാനവശേഷി സാമൂഹിക വികസന മന്ത്രാലയ ശുപാര്ശ പ്രകാരം സൗദി കാബിനറ്റ് കൈക്കൊള്ളുന്നത്.
പുതിയ തീരുമാന പ്രകാരം ഹൗസ് ഡ്രൈവർ വിസയിലുൾപ്പെടെയുള്ള മുഴുവൻ ഗാർഹിക തൊഴിലാളികൾക്കും ലെവി ബാധകമാണ്. ഓരോ തൊഴിലാളിക്കും വർഷത്തിൽ 9,600 റിയാൽ, അഥവാ പ്രതിമാസം 800 റിയാൽ തോതിലാണ് ലെവി. എന്നാല് ആവശ്യമായ മുന്കരുതലുകള് എടുത്തു കൊണ്ട് തന്നെയാണ് ഈ തീരുമാനം മന്ത്രാലയം കൈക്കൊണ്ടിട്ടുള്ളത്. പുതിയ തീരുമാനം മൂലം സ്വദേശികള്ക്കും വിദേശികള്ക്കും പെട്ടെന്ന് അസൗകര്യം ഉണ്ടാകാത്ത വിധത്തിലാണ് പുതിയ നിബന്ധനകള് നടപ്പിലാക്കുക.
അതായത്, എല്ലാ ഗാര്ഹിക തൊഴിലാളികള്ക്കും ലെവി ഏര്പ്പെടുത്തിയിട്ടില്ല. നാലിൽ കൂടുതൽ ഗാർഹിക തൊഴിലാളികളുള്ള സ്വദേശികളും, രണ്ടിൽ കൂടുതൽ തൊഴിലാളികളുള്ള വിദേശികളും മാത്രമേ പുതിയ തീരുമാന പ്രകാരം ലെവി അടക്കേണ്ടി വരുന്നുള്ളൂ. വിസ കച്ചവടവും അനധികൃത വിസ കൈമാറ്റവും തടയുന്നതിനാണ് ഈ നിബന്ധനകള് കൊണ്ട് വന്നിട്ടുള്ളത്.
മാത്രമല്ല, ഗാര്ഹിക തൊഴിലാളികള്ക്ക് മറ്റു തൊഴിലുകളിലേക്ക് മാറുന്നതിനാവശ്യമായ സാവകാശവും മന്ത്രാലയം പരോക്ഷമായി നല്കുന്നുണ്ട്. അത് കൊണ്ട് തന്നെ രണ്ട് ഘട്ടങ്ങളിലായാണ് തീരുമാനം നടപ്പിലാക്കുക. ഈ വർഷം മെയ് 22 ന് ആരംഭിക്കുന്ന ഒന്നാം ഘട്ടത്തിൽ പുതിയ ഗാർഹിക വിസയിൽ വരുന്ന തൊഴിലാളികൾക്ക് മാത്രമേ ലെവി അടക്കേണ്ടതുള്ളൂ.
കൂടാതെ ഈ വിഷയത്തില് മന്ത്രാലയത്തിന്റെ ഉദാരമായ നിലപാടും പ്രശംസാര്ഹമാണ്. പ്രത്യേക വൈദ്യ പരിചരണ ആവശ്യമുള്ള ആളുകൾ, ഭിന്നശേഷിക്കാർക്കുള്ള പരിചരണം തുടങ്ങി മാനുഷികമായ പരിഗണന ആവശ്യപ്പെടുന്ന സന്ദർഭങ്ങളിൽ അത്തരം ജോലികൾക്കായി നിയമിക്കുന്ന ഗാർഹിക തൊഴിലാളിക്ക് ലെവി ബാധകമാവില്ല.
നിലവിൽ രാജ്യത്തുള്ള ഗാർഹിക തൊഴിലാളികൾക്ക് ഒരു വർഷത്തിന് ശേഷം മാത്രമേ ലെവി ബാധകമാകുകയുള്ളൂ. 2023 മെയ് 13 മുതലാണ് ഇവർക്ക് ലെവി അടക്കേണ്ടിവരിക. ഇതിനിടയില് ഇവര്ക്ക് മറ്റുള്ള പ്രൊഫഷനുകളിലെക്ക് മാറാനോ ഫൈനല് എക്സിറ്റില് രാജ്യം വിട്ടു പോകാനോ ഉള്ള സാവകാശം ലഭിക്കും. ഇപ്പോൾ ഹൗസ് ഡ്രൈവർ തസ്തികയിലുള്ളവർക്ക് പ്രൊഫഷൻ മാറ്റം അനുവദിക്കുന്നതിനാൽ കൂടുതൽ സുരക്ഷിതമായ തൊഴിലുകൾ കണ്ടെത്തി മാറാവുന്നതാണ്.
സ്പോണ്സര്ഷിപ്പ് മാറുന്നതിനായി ഖിവ പ്ലാറ്റ്ഫോം വഴിയാണ് അപേക്ഷ നല്കേണ്ടത്. പുതിയ സ്പോണ്സര് ആണ് മാറാന് അപേക്ഷ നല്കേണ്ടത്. തൊഴിലാളിയുടെ ഇഖാമ കാലാവധി ഒരു വര്ഷത്തില് കൂടുതല് ഉള്ളതാകരുത് എന്ന നിബന്ധന നിലവിലുണ്ട്. പുതിയ സ്പോണ്സര് ഓണ്ലൈന് വഴി അപേക്ഷ നല്കിയാല് പഴയ സ്പോണ്സര്ക്ക് എസ്.എം.എസ് ലഭിക്കും. നിലവിലെ സ്പോണ്സര് ഇത് അംഗീകരിക്കുന്നതോടെ സ്പോണ്സര്ഷിപ്പ് മാറ്റം പൂര്ത്തിയാകും.
ഹൗസ് ഡ്രൈവര് വിസയില് എത്തി സ്വന്തമായി ജോലി ചെയ്യുകയോ മറ്റു പ്രൊഫഷനുകളില് ജോലി ചെയ്യുകയോ ചെയ്തു വരികയാണെങ്കില് ഈ നിബന്ധന നിലവില് വരുന്നതോടെ താങ്കളുടെ നിലനില്പ് തന്നെ അപകടത്തിലാകും. താങ്കളുടെ സ്പോണ്സര്ക്ക് നാലില് കൂടുതല് ഗാര്ഹിക തൊഴിലാളികള് നിലവില് ഉണ്ടെങ്കില് വർഷത്തിൽ 9,600 റിയാൽ നല്കി കൊണ്ട് ഹൗസ് ഡ്രൈവര് വിസയില് മുന്നോട്ട് പോകാന് സാധിക്കില്ല. അതിനാല് നിബന്ധന നിലവില് വരുന്നതിന് മുന്പായി ലെവി അടക്കാന് സാധിക്കുന്ന വരുമാനം ലഭിക്കുന്ന മറ്റു പ്രൊഫഷനിലെക്ക് മാറുകയോ അല്ലാത്ത പക്ഷം ഫൈനല് എക്സിറ്റില് പോകുകയോ ചെയ്യുന്നതാണ് ഉചിതം.
പ്രവാസി കോർണർ അപ്ഡേറ്റുകള് ഉടനെ ലഭിക്കുന്നതിനായി വാട്സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/HvJGe8nUWoHFyki1UwPfMD
ഫേസ് ബുക്കിലൂടെ പ്രവാസി കോര്ണര് അപ്ഡേറ്റുകള് ഉടനെ ലഭിക്കുന്നതിനായി ഈ ലിങ്കില് ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial
വിവരങ്ങള് നല്കിയത്:

Adv. Shiyas Kunjhibava. Lead Partner, SK Associates. (Dubai, Riyadh, Delhi, Kochi)
LATEST
സൗദിയിലെ നിതാഖാത് വിദേശികളുടെ തൊഴില് ഇല്ലാതാക്കാന് വേണ്ടി മാത്രം തുടങ്ങിയ പദ്ധതിയല്ല.

അടുത്ത മാസം പകുതിയോടെ സൗദി അറേബ്യയില് ഓയില് സെക്ടറില് പുതിയ വിസയില് പോകാന് ഒരുങ്ങുകയാണ്. ആദ്യമായാണ് സൗദി കമ്പനിക്ക് വേണ്ടി ജോലി ചെയ്യാന് സാധിക്കുന്നത്. ഉയര്ന്ന തസ്തികയിലാണ് വിസ. ഈ തസ്തിക കാലക്രമേണ നിതാഖാതില് ഉള്പ്പെടുത്തി സ്വദേശിവല്ക്കരണം ഉണ്ടാകുമെന്നും ജോലി നഷ്ടപ്പെടുമെന്നും നിലവിലുള്ള ജോലി നഷ്ടപ്പെടുത്തി സൗദിയിലേക്ക് പോകുന്നത് ശരിയായ തീരുമാനമല്ല എന്ന് സുഹൃത്ത് പറയുന്നു. എന്താണ് നിതാഖാത് എന്നതിന്റെ അടിസ്ഥാനപരമായ കാര്യങ്ങള് വിശദീകരിച്ചു തരാമോ?
സൗദി അറേബ്യയില് ജോലി ചെയ്യുന്ന വിദേശികളെ സംബന്ധിച്ചിടത്തോളം അല്പ്പം അസ്വസ്ഥത പകരുന്ന വാക്കാണ് സൗദി പൗരന്മാരെ നിയമിക്കുന്നതിന് സ്വകാര്യ മേഖലയെ പ്രോത്സാഹിപ്പിക്കുന്നതിനായി സൗദി മാനവ വിഭവശേഷി, സാമൂഹിക വികസന മന്ത്രാലയം രൂപം നല്കിയ ഒരു പദ്ധതിയുടെ പേരായ നിതാഖാത്.
പലരും കരുതുന്നത് പോലെ വിദേശികളെ സൗദി അറേബ്യയുടെ തൊഴില് രംഗത്ത് നിന്നും ആത്യന്തികമായി പുറത്താക്കുക എന്നതല്ല മറിച്ച് സ്വദേശി പൗരന്മാരുടെ തൊഴിലില്ലായ്മ കുറക്കുകയും അവര്ക്ക് രാജ്യത്തിന്റെ സ്വകാര്യ മേഖലയില് ജോലി ഉറപ്പു വരുത്തുകയാണ് ഈ പദ്ധതിയുടെ ലക്ഷ്യം. തങ്ങളുടെ പൗരന്മാര്ക്ക് തൊഴിലും ഉയര്ന്ന ജീവിത സാഹചര്യങ്ങളും ഉറപ്പു വരുത്തുക എന്നത് ഏതൊരു രാജ്യത്തിന്റെയും പ്രാഥമിക കര്ത്തവ്യം കൂടിയാണ് എന്ന തത്വത്തില് അധിഷ്ഠിതമായ പദ്ധതി കൂടിയാണ് നിതാഖാത്.
2011-ൽ ആരംഭിച്ചത് മുതൽ, ഈ പദ്ധതിയിലൂടെ കാലാനുസൃതമായി വിവിധ തൊഴിലുകളെ ദേശസാൽക്കരിക്കാനും സ്വദേശി പൗരന്മാരുടെ കഴിവുകളെ വൈവിധ്യവല്ക്കരിക്കാനും ആവശ്യമായ നടപടികൾ നടപ്പിലാക്കിയിട്ടുണ്ട്. ഇതുമൂലം ലക്ഷക്കണക്കിന് സ്വദേശികള്ക്ക് തൊഴിലവസരങ്ങള് സൃഷ്ടിക്കാന് സാധിച്ചിട്ടുണ്ട്. ലക്ഷ്യത്തിലേക്ക് എത്തുന്നതിനായി കഴിഞ്ഞ 11 വര്ഷമായി നിരന്തരമായ അപ്ഡേറ്റുകൾക്കും നിതാഖാത് വിധേയമായിട്ടുണ്ട്. അതിൽ ഏറ്റവും പുതിയത് “അഡ്വാൻസ്ഡ് നിതാഖാത്”/ “പരിഷ്കരിച്ച നിതാഖാത്” എന്ന പേരില് 2021 ഡിസംബറിൽ ആയിരുന്നു.
സൗദി പൗരന്മാര്ക്ക് തൊഴില് ഉറപ്പ് വരുത്തുന്നതിനായി സ്വകാര്യ മേഖലയിലെ പ്രത്യേക തൊഴിലുകള് അവര്ക്കായി മാത്രം പരിമിതപ്പെടുത്തുക, അതിനായി സ്ഥാപനങ്ങളെ വിവിധ വിഭാഗങ്ങളാക്കി തരം തിരിക്കുക എന്നതാണ് നിതാഖാത് പദ്ധതിയുടെ അടിസ്ഥാന പ്രവര്ത്തന രീതി. ഈ പദ്ധതിയിലൂടെ സൗദി പൗരന്മാര്ക്ക് കൃത്യമായ അടിസ്ഥാന പ്രതിമാസ ശമ്പളവും മന്ത്രാലയം ഉറപ്പു വരുത്തുന്നുണ്ട്. സൗദി തൊഴിൽ നിയമം ഒരു സൗദി പൗരന് കൃത്യമായ മിനിമം വേതനം നിര്ദ്ദേശിക്കുന്നില്ല എന്ന പരിമിതിയെ ഈ പദ്ധതിയിലൂടെ മറികടക്കാനും മന്ത്രാലയത്തിന് സാധിക്കുന്നു.
ആറു ജീവനക്കാരും അതിൽ കൂടുതലുമുള്ള എല്ലാ സ്ഥാപനങ്ങൾക്കും നിതാഖാത്ത് ബാധകമാണ്. നിലവില് ചുവപ്പ്, ഇളം പച്ച, ഇടത്തരം പച്ച, കടും പച്ച, പ്ലാറ്റിനം എന്നിങ്ങനെ അഞ്ച് വിഭാഗങ്ങളാക്കിയാണ് സ്വകാര്യ മേഖലയിലെ സ്ഥാപനങ്ങളെ നിതാഖാത് പദ്ധതി പ്രകാരം തരം തിരിച്ചിട്ടുള്ളത്. പദ്ധതിയുടെ നിബന്ധനകള് പൂര്ത്തീകരിക്കുന്നതിന്റെ അടിസ്ഥാനത്തിലാണ്, അതായത് സൗദിവൽക്കരണത്തിന്റെ ശതമാനത്തെ അടിസ്ഥാനമാക്കിയാണ് ഈ സ്ഥാപനങ്ങള്ക്ക് പ്രത്യേക അവകാശങ്ങളും പരിമിതികളും ഏര്പ്പെടുത്തിയിരിക്കുന്നത്. മിനിമം സൗദിവൽക്കരണം പാലിക്കാത്ത സ്ഥാപനങ്ങൾക്ക് മന്ത്രാലയത്തിൽ നിന്നുള്ള സേവനങ്ങൾ വിലക്കുകയും നിര്ദ്ദിഷ്ട സൗദിവല്ക്കരണം പാലിക്കുന്ന സ്ഥാപനങ്ങള്ക്ക് ആവശ്യമായ പ്രോത്സാഹനം നല്കുകയുമാണ് ചെയ്യുന്നത്.
സ്ഥാപനങ്ങളെ തരം തിരിക്കുന്നതിനായി ഇന്റർനാഷണൽ ക്ലാസിഫിക്കേഷൻ സ്റ്റാൻഡേർഡ് (“ISIC4”) എന്ന മാനദണ്ഡമാണ് മൂന്ന് വർഷമായി ഉപയോഗിക്കുന്നത്. ഈ മാനദണ്ഡം ഉപയോഗിച്ച് സ്ഥാപനങ്ങള് ഉള്പ്പെടുന്ന മേഖല, സ്ഥാപനത്തിന്റെ പ്രവർത്തനങ്ങൾ, പ്രസ്തുത സ്ഥാപനത്തിലെ ജീവനക്കാരുടെ എണ്ണം തുടങ്ങിയവ ഒരു നിർദ്ദിഷ്ട സമവാക്യം ഉപയോഗിച്ച് നിര്ണ്ണയിച്ച് വരുന്ന ഒന്നും രണ്ടും മൂന്നും വർഷങ്ങളിൽ പ്രസ്തുത സ്ഥാപനം ഏത് വിഭാഗത്തില് ഉള്പ്പെടുമെന്ന് നിര്ണ്ണയിക്കുന്നു.
പരിഷ്കരിച്ച നിതാഖാത്ത് പ്രകാരം സ്വകാര്യ സ്ഥാപനങ്ങൾ മൂന്നു വർഷത്തിനുള്ളിൽ സൗദിവൽക്കരണം ഘട്ടം ഘട്ടമായി നിശ്ചിത ശതമാനം ഉയർത്തൽ നിർബന്ധമാണെന്ന് മന്ത്രാലയം വ്യക്തമാക്കിയിട്ടുണ്ട്. അല്ലാത്ത പക്ഷം ഈ സ്ഥാപനങ്ങളുടെ വിഭാഗത്തിൽ മാറ്റം വരികയും ഉയര്ന്ന വിഭാഗത്തില് നിന്നും താഴെയുള്ള വിഭാഗങ്ങളിലേക്ക് പോവുകയും ചെയ്യും. പുതിയ പദ്ധതി പ്രകാരം ആവശ്യമായ മാറ്റങ്ങള് വരുത്തുന്നതിന് ആവശ്യമായ സമയം അനുവദിക്കുക എന്നതാണ് ഈ മൂന്ന് വര്ഷ സമയ പരിധിയുടെ ഉദ്ദേശം. ഈ സമയ പരിധിക്കുള്ളില് നാല് ലക്ഷത്തോളം പുതിയ സ്വദേശി തൊഴിലവസരങ്ങളാണ് മന്ത്രാലയം ലക്ഷ്യമിടുന്നത്.
ചുവന്ന വിഭാഗത്തില് ഉള്പ്പെടുന്ന സ്ഥാപനങ്ങള്:
മുകളില് അഞ്ചാമത്ത ഖണ്ഡികയില് പറഞ്ഞിരിക്കുന്നത് പോലെ അഞ്ചു വിഭാഗങ്ങളായാണ് നിതാഖത് പദ്ധതി പ്രകാരം സ്വകാര്യ കമ്പനികളെ തരം തിരിച്ചിരിക്കുന്നത്. അതില് ഏറ്റവും താഴെയായി കിടക്കുന്ന സ്ഥാപനങ്ങളാണ് ചുവന്ന വിഭാഗത്തിലുള്ള സ്ഥാപനങ്ങള്. മന്ത്രാലയം നിര്ദ്ടെഷിചിരിക്കുന്നതരത്തിലുള്ള നിബന്ധനകള് പാലിക്കാന് സാധിക്കാത്ത സ്ഥാപനങ്ങളാണ് ഈ വിഭാഗത്തില് ഉള്പ്പെടുന്നത്.അത് കൊണ്ട് തന്നെ ഈ വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് മന്ത്രാലയം നിതാഖാത് പദ്ധതി പ്രകാരം നല്കുന്ന ഉത്തേജന/പ്രോത്സാഹന മാര്ഗ്ഗങ്ങള് ലഭ്യമാകില്ല. മറിച്ച് ഇത്തരം സ്ഥാപനങ്ങള്ക്ക് അവക്ക് ലഭ്യമായിരുന്ന അടിസ്ഥാന അവകാശങ്ങള് പോലും നഷ്ടമാകുകയും ചെയ്യുന്നു. സ്ഥാപനത്തിനും അതിലെ തൊഴിലാളികള്ക്കും താഴെ പറയുന്ന ആനുകൂല്യങ്ങള് നിഷേധിക്കപെടുന്നു:
- ചുവന്ന വിഭാഗത്തില് പെടുന്ന സ്ഥാപനങ്ങള്ക്ക് അതിലെ തൊഴിലാളികളുടെ വർക്ക് പെർമിറ്റ് പുതുക്കാൻ സാധിക്കില്ല.
- ഇത്തരം സ്ഥാപനങ്ങള്ക്ക് തങ്ങളുടെ തൊഴിലാളികളുടെ പ്രൊഫഷനുകള് മാറ്റാൻ സാധിക്കില്ല.
- ഈ സ്ഥാപനങ്ങള്ക്ക് പുതിയ വിദേശ തൊഴിലാളികൾക്ക് വർക്ക് പെർമിറ്റ് നൽകാൻ സാധിക്കില്ല.
- ചുവന്ന വിഭാഗത്തില് പെടുന്ന സ്ഥാപനങ്ങള്ക്ക് പുതിയ വിസകൾക്ക് വേണ്ടി അപേക്ഷിക്കാന് സാധിക്കില്ല.
- ഈ വിഭാഗത്തില് പെടുന്ന സ്ഥാപനങ്ങള്ക്ക് വിസ ട്രാന്സ്ഫര് ചെയ്യാന് സാധിക്കില്ല.
- സ്ഥാപനങ്ങളുടെ പുതിയ ശാഖകൾക്കോ പുതിയ സൗകര്യങ്ങൾക്കോ വേണ്ടി പുതിയ ഫയലുകൾ തുറക്കാൻ അനുവാദം ഉണ്ടായിരിക്കില്ല.
ഇളം പച്ച വിഭാഗത്തില് പെടുന്ന സ്ഥാപനങ്ങള് (ലോ ഗ്രീൻ റേഞ്ച് സ്ഥാപനങ്ങള്):
ഈ വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് ചുവന്ന വിഭാഗത്തില് ഉള്പ്പെടുന്ന സ്ഥാപനങ്ങളെ പോലെ മുഴുവന് ആനുകൂല്യങ്ങളും നിഷേധിക്കപ്പെടുന്നില്ല. നാമമാത്രമായ നിയന്ത്രണങ്ങളാണ് ഇത്തരം സ്ഥാപനങ്ങളുടെ പ്രവര്ത്തനത്തിലും മന്ത്രാലയം ഏര്പ്പെടുത്തിയിട്ടുള്ളത്.
- ഈ വിഭാഗത്തില് പെടുന്ന സ്ഥാപനങ്ങള്ക്ക് പുതിയ തൊഴില് വിസകൾക്കുള്ള അപേക്ഷകൾ സമര്പ്പിക്കാന് സാധിക്കില്ല.
- ഈ സ്ഥാപനങ്ങളിലെ വിദേശികളായ തൊഴിലാളികളുടെ പ്രോഫഷനുകള് മാറ്റാനുള്ള അനുവാദം നല്കിയിട്ടുണ്ട്. എന്നാല് സൗദി പൗരന്മാർക്ക് മാത്രമായി പരിമിതപ്പെടുത്തിയിരിക്കുന്ന പ്രൊഫഷനുകളിലേക്ക് മാറ്റം അനുവദിക്കില്ല.
- കുറഞ്ഞ പച്ച വിഭാഗത്തിന് താഴെയുള്ള വിദേശ തൊഴിലാളികളുടെ സേവനങ്ങൾ കൈമാറാനുള്ള അനുവാദം ലഭ്യമാണ്.
- സ്പെഷ്യലൈസ്ഡ് ആയിട്ടുള്ള പ്രൊഫഷനുകളില് ജോലി ചെയ്യുന്ന വിദേശ തൊഴിലാളി ഫൈനല് എക്സിറ്റ് വിസയില് പോകുകയാണെങ്കില് അതിനു പകരമായി പുതിയ വിസ ലഭ്യമാകും.
- ഈ വിഭാഗത്തില് പെടുന്ന സ്ഥാപനങ്ങള്ക്ക് തങ്ങളുടെ വിദേശ തൊഴിലാളിയുടെ അവശേഷിക്കുന്ന ഇഖാമ കാലാവധി ആറു മാസത്തില് കൂടുതല് അല്ല എങ്കില് വർക്ക് പെർമിറ്റ് പുതുക്കാന് അനുവാദം നല്കും.
ഇടത്തരം പച്ച വിഭാഗത്തില് ഉള്പ്പെടുന്ന സ്ഥാപനങ്ങള് (മിഡ് ഗ്രീൻ റേഞ്ച് സ്ഥാപനങ്ങള്)
ഇളം പച്ച വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് ലഭ്യമാകുന്ന ആനുകൂല്യങ്ങള്ക്ക് പുറമേ മറ്റു ചില ആനുകൂല്യങ്ങള് കൂടി ഇടത്തരം പച്ച വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് മന്ത്രാലയം നിതാഖാത് പദ്ധതി പ്രകാരം ലഭ്യമാക്കുന്നുണ്ട്.
- ഈ വിഭാഗത്തില് ഉള്പ്പെടുന്ന സ്ഥാപനങ്ങളുടെ വിവരങ്ങള് നിതാഖാത് പദ്ധതിയില് പെട്ടെന്ന് തന്നെ അപ്ഡേറ്റ് ചെയ്യപ്പെടുന്നു.
- ലഭ്യമായിട്ടുള്ള പ്രൊഫഷനുകളില് അനുവദിച്ചിട്ടുള്ള വിസകളുടെ ബാക്കിയുള്ള വിസകള്ക്കുള്ള അപേക്ഷകള് സമര്പ്പിക്കാന് ഈ വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് അനുവാദമുണ്ട്.
- ഈ വിഭാഗത്തിലുള്ള സ്ഥാപനങ്ങളിലെ വിദേശികളായ തൊഴിലാളികളുടെ പ്രൊഫഷനുകള് മാറ്റാനുള്ള അനുവാദം ഉണ്ടായിരിക്കും. എന്നാല് സൗദി പൗരന്മാർക്ക് മാത്രമായി റിസര്വ് ചെയ്തിട്ടുള്ള പ്രൊഫഷനുകളിലേക്ക് മാറ്റം അനുവദിക്കില്ല.
- ഇഖാമ കാലാവധി ആറു മാസത്തില് കൂടുതല് അല്ല എങ്കില് വിദേശ തൊഴിലാളിയുടെ വർക്ക് പെർമിറ്റ് പുതുക്കാന് അനുവാദം നല്കും.
- മറ്റു നിതഖാത് വിഭാഗങ്ങളില് നിന്നും തൊഴിലാളികളെ ട്രാന്സ്ഫര് ചെയ്യാനുള്ള അനുവാദം ലഭ്യമാണ്.
- സ്പെഷ്യലൈസ്ഡ് ആയിട്ടുള്ള പ്രൊഫഷനുകളില് ജോലി ചെയ്യുന്ന വിദേശ തൊഴിലാളി ഫൈനല് എക്സിറ്റ് വിസയില് പോകുകയാണെങ്കില് അതിനു പകരമായി പുതിയ വിസ (replacement visa) ലഭ്യമാകും.
കടും പച്ച വിഭാഗത്തില് ഉള്പ്പെടുന്ന സ്ഥാപനങ്ങള് (ഹൈ ഗ്രീൻ റേഞ്ച് സ്ഥാപനങ്ങള്):
ഇടത്തരം പച്ച വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് ലഭ്യമാകുന്ന എല്ലാ ആനുകൂല്യങ്ങളും ലഭ്യമാകുന്നതോടൊപ്പം മറ്റു ചില ആനുകൂല്യങ്ങള് കൂടി ഈ വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് മന്ത്രാലയം ലഭ്യമാക്കിയിട്ടുണ്ട്.
- ഫൈനൽ എക്സിറ്റ് വിസയിൽ പോകുന്ന വിദേശ തൊഴിലാളികള്ക്ക് പകരം വിസ (replacement visa) ലഭ്യമാക്കും.
- ലഭ്യമായിട്ടുള്ള പ്രൊഫഷനുകളില് അനുവദിച്ചിട്ടുള്ള വിസകളുടെ ബാക്കിയുള്ള വിസകള്ക്കുള്ള അപേക്ഷകള് സമര്പ്പിക്കാന് ഈ വിഭാഗത്തില് ഉള്പ്പെടുന്ന സ്ഥാപനങ്ങള്ക്ക് അനുവാദമുണ്ട്.
- ഈ വിഭാഗത്തിലുള്ള സ്ഥാപനങ്ങളിലെ വിദേശികളായ തൊഴിലാളികളുടെ പ്രൊഫഷനുകള് മാറ്റാനുള്ള അനുവാദം ഉണ്ടായിരിക്കും. എന്നാല് സൗദി പൗരന്മാർക്ക് മാത്രമായി റിസര്വ് ചെയ്തിട്ടുള്ള പ്രൊഫഷനുകളിലേക്ക് മാറ്റം അനുവദിക്കില്ല.
- അവശേഷിക്കുന്ന ഇഖാമ കാലാവധി ആറു മാസത്തില് കൂടുതല് അല്ല എങ്കില് വിദേശ തൊഴിലാളിയുടെ വർക്ക് പെർമിറ്റ് പുതുക്കാന് അനുവാദം നല്കും.
- മറ്റു നിതഖാത് വിഭാഗങ്ങളില് നിന്നും തൊഴിലാളികളെ ട്രാന്സ്ഫര് ചെയ്യാനുള്ള അനുവാദം ലഭ്യമാണ്.
- ഈ വിഭാഗത്തില് ഉള്പ്പെടുന്ന സ്ഥാപനങ്ങളുടെ വിവരങ്ങള് നിതാഖാത് പദ്ധതിയില് പെട്ടെന്ന് തന്നെ അപ്ഡേറ്റ് ചെയ്യപ്പെടുന്നു.
പ്ലാറ്റിനം റേഞ്ച് കമ്പനികൾ:
നിതാഖാത് പദ്ധതി പ്രകാരമുള്ള അഞ്ചു വിഭാഗങ്ങളില് ഏറ്റവും ഉയര്ന്ന വിഭാഗമാണ് പ്ലാറ്റിനം വിഭാഗം.
- ലഭ്യമായിട്ടുള്ള പ്രൊഫഷനുകളില് അനുവദിച്ചിട്ടുള്ള വിസകളുടെ ബാക്കിയുള്ള വിസകള്ക്കുള്ള അപേക്ഷകള് സമര്പ്പിക്കം.
- വിദേശികളായ തൊഴിലാളികളുടെ പ്രൊഫഷനുകള് സൗദി പൗരന്മാർക്ക് മാത്രമായി റിസര്വ് ചെയ്തിട്ടുള്ള പ്രൊഫഷനുകളിലേക്ക് ഒഴികെ മാറ്റം.
- ഫൈനൽ എക്സിറ്റ് വിസയിൽ പോകുന്ന വിദേശ തൊഴിലാളികള്ക്ക് പകരമായി വിസ (replacement visa) ലഭ്യമാക്കും.
- അവശേഷിക്കുന്ന ഇഖാമ കാലാവധി ആറു മാസത്തില് കൂടുതല് അല്ല എങ്കില് വിദേശ തൊഴിലാളിയുടെ വർക്ക് പെർമിറ്റ് പുതുക്കാന് അനുവാദം നല്കും.
- മറ്റു നിതഖാത് വിഭാഗങ്ങളില് നിന്നും തൊഴിലാളികളെ ട്രാന്സ്ഫര് ചെയ്യാനുള്ള അനുവാദം ലഭ്യമാണ്.
- വിവരങ്ങള് നിതാഖാത് പദ്ധതിയില് പെട്ടെന്ന് തന്നെ അപ്ഡേറ്റ് ചെയ്യപ്പെടുന്നു.
സൗദി പൗരന്മാര്ക്ക് മിനിമം വേതനം
നിതാഖാത് പദ്ധതി പ്രകാരം വിവിധ വിഭാഗങ്ങളില് ഉള്പ്പെടുന്ന സ്ഥാപനങ്ങള്ക്ക് വിവിധ തരം ആനുകൂല്യങ്ങളും പരിമിതികളും ലഭ്യമാകുമ്പോള് മുകളില് പറഞ്ഞ പോലെ ഒരു സൗദി പൗരന് നിര്ദ്ദിഷ്ട തുക അടിസ്ഥാന ശമ്പളമായി ലഭിക്കുന്നു എന്നതാണ് സ്വദേശി പൗരന്മാരെ സംബന്ധിച്ചിടത്തോളം ഈ പദ്ധതിയുടെ ഹൈലൈറ്റ്. ആനുകൂല്യങ്ങളും പരിമിതികളും സ്ഥാപനങ്ങള്ക്ക് ലഭ്യമാകുമ്പോള് തങ്ങളുടെ പൗരന്മാരുടെ ജീവിത നിലവാരം ഉറപ്പു വരുത്തുന്നതിനുള്ള അടിസ്ഥാന ശമ്പളം ഉറപ്പു വരുത്തുന്ന രീതിയാണ് മന്ത്രാലയത്തിന്റെ നിതഖാത് പദ്ധതിയെ സ്വദേശി പൗരന്മാര്ക്ക് ഇടയില് ജനപ്രിയമാക്കി തീര്ക്കുന്നത്.
നിതാഖാത് പദ്ധതി പ്രകാരം സ്ഥാപനങ്ങള്ക്ക് ആനുകൂല്യങ്ങള് ലഭിക്കണമെങ്കില് സ്വകാര്യ സ്ഥാപനത്തില് ജോലി ചെയ്യുന്ന സൗദി പൗരന്റെ അടിസ്ഥാന പ്രതിമാസ ശമ്പളം ഏറ്റവും കുറഞ്ഞത് 4,000 റിയാൽ എന്ന് നിജപ്പെടുത്തിയിട്ടുണ്ട്. മുന്പ് ഈ തുക 3000 റിയാൽ ആയിരുന്നു എങ്കിലും വിവധ സാഹചര്യങ്ങള് കണക്കിലെടുത്ത് സമീപ മാസങ്ങളിലാണ് ഈ തുകയില് മന്ത്രാലയം വര്ദ്ധന ഏര്പ്പെടുത്തിയത്.
എങ്കിലും ഈ നിബന്ധനയില് പ്രത്യക്ഷമായി ചെറിയ തരത്തിലുള്ള ഇളവ് മന്ത്രാലയം നല്കുന്നുണ്ട് എങ്കിലും നിതാഖാത് പ്രകാരമുള്ള പൂര്ണ്ണമായ ആനുകൂല്യം ലഭിക്കണമെങ്കില് ഈ നിബന്ധന പൂര്ണ്ണമായും പാലിക്കണം എന്നത് മിനിമം വേതനതോട് കൂടി സ്വദേശി പൗരന്മാരെ തങ്ങളുടെ സ്ഥാപനങ്ങളില് നിയമിക്കാന് പരോക്ഷമായി സ്വകാര്യ സ്ഥാപനങ്ങളെ നിര്ബന്ധിതരാക്കുന്നു.
അതായത് 4000 റിയാലില് കുറവ് ശമ്പളത്തിനും സ്ഥാപനങ്ങള്ക്ക് സ്വദേശി തൊഴിലാളികളെ നിയമിക്കാന് അനുവാദമുണ്ട്. അന്നാല് അതിനു ആനുപാതികമായി പദ്ധതിയില് നിന്നും ലഭിക്കുന്ന ആനുകൂല്യങ്ങള്ക്കും കുറവുണ്ടാകും. അതായത് 4000 റിയാലിൽ താഴെയുള്ള ശമ്പളം നല്കി നിയമിക്കുന്ന ഒരു സ്വദേശി തൊഴിലാളിയെ നിതാഖാത് പദ്ധതി പ്രകാരം പകുതി തൊഴിലി ആയി മാത്രമേ കണക്കാക്കുകയുള്ളൂ. പാർട്ട് ടൈം തൊഴിലാളികളുടെ കാര്യത്തിലും ഈ നിബന്ധന ബാധകമാണ്. മാസത്തില് 168 മണിക്കൂറിൽ കുറയാത്ത സേവനം പൂർത്തിയാക്കിയ തൊഴിലാളിയെ (ഫ്ലക്സിബിള് അവേഴ്സ്) സൗദി തൊഴിലാളിയുടെ 1/3 ആയി കണക്കാക്കും.
എന്നാല് വികലാംഗരായ സ്വദേശി തൊഴിലാളികളുടെ കാര്യത്തില് വലിയ ഇളവാണ് മന്ത്രാലയം നല്കുന്നത്. 4000 റിയാലില് കുറയാത്ത ശമ്പളത്തില് ഒരു സ്വദേശിയായ വികലാംഗ തൊഴിലാളിയെ നിയമിക്കുന്ന സ്ഥാപനങ്ങള്ക്ക് നിതാഖാത് പദ്ധതി പ്രകാരമുള്ള ആനുകൂല്യങ്ങള്ക്കായി ഒരു തൊഴിലാളിയെ 4 തൊഴിലാളികളായി കണക്കാക്കും. ഇതിലൂടെ അംഗ പരിമിതരായ തങ്ങളുടെ പൗരന്മാരുടെ തൊഴില് ലഭ്യതയും അവര്ക്ക് നിര്ദ്ദിഷ്ട ജീവിത സാഹചര്യവും ഉറപ്പു വരുത്താന് മന്ത്രാലയത്തിന് നിതാഖാത് പദ്ധതിയിലൂടെ സാധിക്കുന്നു.
ഇതൊക്കെയാണ് നിതാഖാത് പദ്ധതിയെ സംബന്ധിച്ചുള്ള ഏറ്റവും പുതിയ വിവരങ്ങള്. നിങ്ങളെ സംബന്ധിച്ച് വിസ ഉന്നത തസ്തികയില് ഉള്ളതായതിനാല് കുറച്ച് അപകട സാധ്യതയും ഇല്ലാതില്ല. കാരണം പലപ്പോഴും പ്രധാന തസ്തികകളാണ് സൗദിവല്ക്കരണത്തില് ഉള്പ്പെടുത്താറുള്ളത്. വിദേശികള് ധാരാളമായി ജോലി ചെയ്യുന്ന താഴ്ന്ന തസ്തികകള് അധികമായി ഉള്പ്പെടുത്താറില്ല. നിങ്ങളുടെ തസ്തിക ഏതാണെന്ന് വ്യക്തമായി ചോദ്യത്തില് ഉള്പ്പെടുത്താതിനാല് അതിനെ കുറിച്ച് കൃത്യമായി പറയാനും സാധിക്കില്ല.
മറുപടി നല്കിയത്:

അഡ്വ.ഷിയാസ് കുഞ്ഞിബാവ. ലീഡ് പാര്ട്ണര്, എസ്.കെ അസോസിയേറ്റ്സ്. (ദുബായ്. റിയാദ്. ഡല്ഹി. കൊച്ചി)
LATEST
എം എസ് എഫിന് രാജ്യ തലസ്ഥാനത്ത് ദേശീയ കമ്മിറ്റി ഓഫീസ്. ദേശീയ തലത്തില് സംഘടന പ്രവര്ത്തനങ്ങള് ഏകോപിപ്പിക്കലും ശക്തിപ്പെടുത്തലും ലക്ഷ്യം

ഇന്ത്യന് യൂണിയന് മുസ്ലിം ലീഗിന്റെ വിദ്യാര്ത്ഥി ഘടകമായ എം.എസ്.എഫിന്റെ പ്രവര്ത്തന ചരിത്രത്തില് പുതിയ ഒരധ്യായം എഴുതി ചേര്ത്തു കൊണ്ടാണ് കഴിഞ്ഞ ദിവസങ്ങളില് ഡല്ഹിയില് വെച്ചു നടന്ന ദേശീയ സമ്മേളനം സമാപിച്ചത്.
സംസ്ഥാന പ്രതിനിധികള്, കേന്ദ്ര സര്വ്വകലാശാലാ പ്രതിനിധികള്, മുസ്ലിം ലീഗ് ദേശീയ നേതാക്കള്, വിദ്യാര്ത്ഥി സംഘടനാ നേതാക്കള്, വിദ്യാഭ്യാസ വിചക്ഷണര്, ആക്റ്റിവിസ്റ്റുകള് ഉള്പ്പടെയുള്ളവര് പങ്കെടുത്ത സമ്മേളനം വന് വിജയമായതോടൊപ്പം തന്നെ എം.എസ്.എഫ് ദേശീയ കമ്മിറ്റിയുടെ പുതിയ ആസ്ഥാനം പ്രവര്ത്തനം ആരംഭിക്കുകയും ചെയ്തു.
മുസ്ലിംലീഗ് ഉന്നതാധികാര സമിതി അംഗം പാണക്കാട് സയ്യിദ് സാദിഖലി ശിഹാബ് തങ്ങളാണ് പുതിയ ദേശീയ കമ്മിറ്റി ഓഫീസ് ഉദ്ഘാടനം ചെയ്തത്.
വിവിധ സംസ്ഥാനങ്ങളിലും കേന്ദ്ര, സംസ്ഥാന സര്വ്വകലാശാലകളിലും പതിറ്റാണ്ടുകളായി എം എസ് എഫിന്റെ പ്രവര്ത്തനം നടക്കുന്നുണ്ടങ്കിലും ദേശീയ കമ്മറ്റി യാഥാര്ഥ്യമായത് 2016ലാണ്. ദേശീയ തല പ്രവര്ത്തനങ്ങള് എകോപിപ്പിക്കുകയും പ്രവര്ത്തനങ്ങള്ക്ക് പുതിയ ദിശാബോധം നല്കുകയും ചെയ്യുക എന്ന ലക്ഷ്യം മുന്നിറുത്തി 2016 ഡിസംബര് 17 ന് പാലക്കാട് വെച്ചാണ് എം എസ് എഫിന് ഒരു ദേശീയ കമ്മറ്റി രൂപീകരിക്കുന്നത്. തുടര്ന്നാണ് പ്രവര്ത്തനം ദേശീയ തലത്തിലേക്ക് വ്യാപിപിക്കുന്നത്.
നിലവില് രാജ്യത്തെ 13 സംസ്ഥാനങ്ങളിലും, വിവിധ കേന്ദ്ര- സംസ്ഥാന സര്വ്വകലാശാലകളിലും എം എസ് എഫ് പ്രവര്ത്തനം സജീവമാണ്. ന്യൂനപക്ഷ രാഷ്ട്രീയത്തിന്റെ പ്രത്യയശാസ്ത്രവും, സംഘടിത രാഷ്ട്രീയ ശക്തിയുടെ പ്രസക്തിയും ഇന്ത്യയിലെ വിവിധ സംസ്ഥാനങ്ങളിലെ ന്യൂനപക്ഷങ്ങള്ക്ക്, വിശിഷ്യാ മുസ്ലിം വിദ്യാര്ഥികള്ക്ക് പകര്ന്നു നല്കുന്ന മഹത്തായ ദൗത്യമാണ് എം എസ് എഫ് ദേശീയ കമ്മിറ്റി നിര്വ്വഹിച്ചു കൊണ്ടിരിക്കുന്നത്.
പൗരത്വ ഭേദഗതി നിയമവും, വിദ്വേഷ പ്രസംഗങ്ങളും, ആള്ക്കൂട്ട കൊലപാതകങ്ങളും, വസ്ത്രവിവേചനങ്ങളുമെല്ലാം കൊണ്ട് അപരവത്കരിക്കപ്പെടുന്ന കാലത്ത് വിദ്യാഭ്യാസം കൊണ്ട് കരുത്തരായി മാറുക എന്നതാണ് പ്രതിരോധമാര്ഗം. എം എസ് എഫ് ആ ദൗത്യ നിര്വ്വഹണത്തിലേക്കാണ് വിദ്യാര്ത്ഥികളെ ഉണര്ത്തുന്നത്. അതോടൊപ്പം രാജ്യത്തെ ഉന്നത വിദ്യാഭ്യാസ സ്ഥാപനങ്ങളിലേക്ക് പാര്ശ്വവത്കരിക്കപ്പെട്ടിരുന്ന മുസ്ലിം വിദ്യാര്ഥികള്ക്ക് കടന്നു വരാനുള്ള ആത്മവിശ്വാസം സൃഷ്ടിക്കുക എന്ന ദൗത്യവും എം എസ് എഫ് വിജയകരമായി തന്നെ തുടര്ന്ന് പോരുകയാണ്.

മുഹമ്മദ് അഷറഫ് എം എസ് എഫ് ദേശീയ കമ്മിറ്റി പ്രസിഡന്റ് ടി.പി. അഷറഫ് അലിയോടൊപ്പം
ന്യൂനപക്ഷ വിഭാഗങ്ങള്ക്ക് ഭരണ ഘടന വിഭാവനം ചെയ്തിട്ടുള്ള അവസര സമത്വവും സാമൂഹിക നീതിയും പോലുള്ള അവകാശങ്ങള് നഷ്ടപ്പെടാതിരിക്കാനും അവകാശങ്ങള് ക്രിയാത്മകമായി ഉപയോഗിക്കാനും സംഘടിതരായി രാഷ്ട്രീയ ശക്തിയായി നിലനിന്ന് അവകാശങ്ങള്ക്ക് വേണ്ടി പൊരുതുക എന്നതാണ് വര്ത്തമാന കാലഘട്ടത്തില് വിദ്യര്ത്ഥി സമൂഹത്തിന്റെയും ആവശ്യം. ന്യൂനപക്ഷ രാഷ്ട്രീയത്തിന്റെ പ്രത്യയശാസ്ത്രവും, സംഘടിത രാഷ്ട്രീയ ശക്തിയുടെ പ്രസക്തിയും ഇന്ത്യയിലെ വിവിധ സംസ്ഥാനങ്ങളിലെ ന്യൂനപക്ഷങ്ങള്ക്ക്, വിശിഷ്യാ മുസ്ലിം വിദ്യാര്ഥികള്ക്ക് പകര്ന്നു നല്കി അത്തരത്തിലുള്ള സംവാദങ്ങള്ക്ക് ശക്തി പകരുകയാണ് ‘വിദ്യാഭ്യാസം, വിമോചനം, ശാക്തീകരണം’ എന്ന മുദ്രാവാക്യത്തിലൂടെ എം എസ് എഫ് നിര്വ്വഹിക്കുന്നത്.
രാജ്യതലസ്ഥാനത്ത് തന്നെ പുതിയ പുതിയ ദേശീയ കമ്മിറ്റി ഓഫീസ് സ്ഥാപിതമായതോടെ ദേശീയ തലത്തില് സംഘടന പ്രവര്ത്തനങ്ങള് ഏകോപിപ്പിക്കാനും ശക്തിപ്പെടുത്താനും എം എസ് എഫിന് സാധിക്കുമെന്നാണ് പുതിയ നേതൃത്വം കരുതുന്നത്. അതോടൊപ്പം തന്നെ ഇന്ത്യയിലെ മുസ്ലിം സമുദായത്തിന് വരും കാലത്തേക്കുള്ള നേതൃത്വത്തെ വളര്ത്തിയെടുക്കുകയെന്ന ദൗത്യം നിര്വ്വഹിക്കാനും എം എസ് എഫ് ദേശീയ കമ്മിറ്റിക്ക് സാധിക്കുമെന്നും നേതൃത്വം പ്രത്യാശിക്കുന്നു.
മുഹമ്മദ് അഷറഫ്
ന്യൂ ഡല്ഹി.