Connect with us

SAUDI LABOUR LAW

സ്പോണ്സറില്‍ നിന്നും ഒളിച്ചോടി. എങ്ങിനെ നാട്ടില്‍ പോവും?

Published

on

ഞാന്‍ സൗദി അറേബ്യയില്‍ ഒരു കമ്പനിയില്‍ കമ്പ്യൂട്ടര്‍ ഓപ്പറേറ്റര്‍ ജോലിക്കായി വന്നതാണ്‌ നാട്ടില്‍ വച്ച് രണ്ടുവര്‍ഷത്തെക്കാന്ന് എഗ്രിമെന്റെന്നും മൂന്ന് മാസം കഴിഞ്ഞു ശമ്പളം കൂട്ടിത്തരും എന്നൊക്കെ പറഞ്ഞു. പക്ഷെ ഇവിടെ വന്നപ്പോള്‍ കഫീല്‍ മൂന്ന് വര്‍ഷത്തേക്കാണ് ജോലിയെന്നും മൂന്ന് വര്ഷം കഴിയുമ്പോലെ ലീവ് തരുകയുള്ളൂവെന്നും അതിനുശേഷം തിരിച്ചുവരുംപോഴേ ശമ്പളം കൂടി തരുകയുള്ളൂവെന്നും പറഞ്ഞു . അത് പറ്റില്ല എന്ന് പറഞ്ഞപ്പോള്‍ എങ്കില്‍ തിരികെ പോയ്കൊള്ളന്‍ പറഞ്ഞു എന്നാല്‍ ആദ്യമായി അന്യരാജ്യത്തുവന്ന എനിക്ക് നാട്ടില്‍ നിന്നും കടമോക്കെ വാങ്ങിവന്നതിനാല്‍ തിരിച്ചുപോകാന്‍ പറ്റുന്ന സാഹചര്യം അല്ലായിരുന്നു ആയതിനാല്‍ അയാള്‍ തന്ന പേപ്പറില്‍ സൈന്‍ ചെയ്യേണ്ടിവന്നു. എന്നാല്‍ കമ്പ്യൂട്ടര്‍ ഓപ്പറേറ്റര്‍ ജോലിക് പകരം വര്‍ക്ഷോപ്പ് ജോലികള്‍ ആണ് എന്നെക്കൊണ്ട് ചെയ്യിച്ചത് അത് കൂടാതെ എനിക്ക് ഹെവി ഡ്രൈവറുടെ ഇഖാമ ആണ് ഉണ്ടായിരുന്നത്. കൂടാതെ ഞങ്ങളുടെ കൂടെ ജോലിചെയ്തിരുന്നൊരാള്‍ പോലീസില്‍ കേസും കൊടുക്കുകയുമുണ്ടായി. ഈ സംഭവത്തിന്‌ ശേഷം എന്റെ ഒറിജിനല്‍ സര്‍ട്ടിഫിക്കറ്റ്റ്റ്‌ വേണം എന്ന് പറഞ്ഞെങ്കിലും ഞാന്‍ കൊടുത്തില്ല അതിനാല്‍ എനിക്ക് രണ്ടുമാസം ശമ്പളം തരാതിരികുകയും ചെയ്തു .അതുകൊണ്ട് ഞാന്‍ എപ്പോള്‍ അവിടെനിന്നും ചാടി പുറത്തു പണിയെടുക്കുകയാണ്. തിരിച്ചു നാട്ടിലേക്കു പോകാന്‍ ഞാന്‍ എന്താണ് ചെയ്യേണ്ടത്?

സ്പോണ്സറില്‍ നിന്ന് ‘ചാടി പണിയെടുക്കുക’ എന്ന് മലയാളത്തില്‍ പറയുന്നതിന്റെ നിയമ വ്യാഖ്യാനം ആണ് കരാര്‍ ലംഘനം. തൊഴില്‍ കരാര്‍ വായിച്ചു നോക്കി അതനുസരിച്ച് പ്രവര്‍ത്തിക്കാന്‍ പറ്റുന്നതാനെന്കില്‍ മാത്രമേ ഒപ്പിട്ടു കൊടുക്കാവൂ. മാത്രമല്ല വായിച്ചു മനസ്സിലാവാത്ത യാതൊരു കരാറിലും ഒപ്പിടാനും പാടില്ല. ഒപ്പിട്ടാല്‍ അതിലെ വ്യവസ്ഥകള്‍ സൗദി തൊഴില്‍ നിയമത്തിനു വിരുദ്ധമല്ലെങ്കില്‍ അതു നിയമപരവും, പാലിക്കുവാന്‍ ഒപ്പിട്ടയാള്‍ ബാധ്യസ്ഥനാണ്. നാട്ടില്‍ വെച്ച് ഒപ്പിട്ട കരാറിനു പുറമേ തൊഴിലുടമയുടെ മറ്റൊരു കരാറിലും ഒപ്പിടുവാന്‍ നിങ്ങള്‍ ബാധ്യസ്ഥനല്ല എന്ന് കൂടി ഓര്‍ക്കുക. (ഇവിടെ ഭൂരിഭാഗം പേര്‍ക്കും ചതി പറ്റുന്ന ഒരു സന്ദര്‍ഭം ഉണ്ട്. നാട്ടില്‍ നിന്നും റിക്രൂട്ടിംഗ് ഏജന്‍സികള്‍ ഒപ്പിടുവിക്കുന്നത് ഇംഗ്ലീഷിലുള്ള കരാറില്‍ ആയിരിക്കും. എന്നാല്‍ ഇവിടെ എത്തുമ്പോള്‍ ഇംഗ്ലീഷിലുള്ള കരാര്‍ സ്വീകാര്യമല്ലെന്നും അറബിയിലോ, അറബിയും ഇന്ഗ്ലീഷിലും കൂടിയുള്ളതുമായ തൊഴില്‍ കരാറില്‍ ഒപ്പ് വെക്കാന്‍ ഒട്ടു മിക്ക തൊഴിലുടമകളും നിര്‍ബന്ധിക്കും. ആ കരാറില്‍ ചിലപ്പോള്‍ പുതിയ എത്നെന്കിലും വ്യവസ്ഥകളും കൂട്ടിചേര്‍ത്തിട്ടുണ്ടാവുകയും  ചെയ്യും)

ഇനി കരാര്‍ പ്രകാരം പ്രവര്‍ത്തിക്കാന്‍ സാധിക്കില്ല എങ്കില്‍ നിയമപ്രകാരം തന്നെ കരാര്‍ ഇല്ലാതാക്കുന്നതിനും സൗദി തൊഴില്‍ നിയമത്തില്‍ വകുപ്പുകള്‍ ഉണ്ട്. ജോലിയെ സംബന്ധിച്ചും ജോലി സാഹചര്യങ്ങളെ സംബന്ധിച്ചും  തെറ്റിദ്ധരിപ്പിച്ചാണ് കരാര്‍ ഒപ്പിടുവിച്ചതെന്കില്‍ നോട്ടീസ്‌ പോലും നല്‍കാതെ നിയമപരമായി കരാര്‍ അവസാനിപ്പിക്കാനുള്ള അവകാശം സൗദി തൊഴില്‍ നിയമത്തിലെ വകുപ്പ് 81 പ്രകാരം നിങ്ങള്‍ക്കുണ്ടായിരുന്നു. കരാര്‍ പ്രകാരം ധാരണയിലെത്തിയ തൊഴിലുനു വിരുദ്ധമായ തൊഴിലെടുക്കാന്‍ സ്പോന്സോര്‍ നിര്‍ബന്ധിച്ചാലും വകുപ്പ് 60 പ്രകാരവും 81(3) പ്രകാരവും മേല്പറഞ്ഞ അവകാശം നിയമപരമായി പ്രയോഗിക്കാമായിരുന്നു. പക്ഷെ സ്പോന്സരുടെ അടുക്കല്‍ നിന്നും ഓടിപ്പോന്നതിനാല്‍ മേല്പറഞ്ഞ നിയമപരമായ അവകാശങ്ങളൊക്കെ ഉപയോഗിക്കാനുള്ള  അവസരം നഷ്ടപ്പെട്ടു.

എന്തായാലും സ്പോണ്സരുടെ അടുത്ത് നിന്നും ഓടിപ്പോന്നത് കൊണ്ട് നിങ്ങളെ സ്പോണ്സര്‍ ഹുറൂബ് ആക്കിയിട്ടുണ്ടോ എന്നുള്ള കാര്യത്തില്‍ വ്യക്തത വരുത്തണം. അന്യായമായാണ് ഹുറൂബ് ആക്കിയതെന്കില്‍ പ്രസ്തുത സമയത്ത് നിങ്ങള്‍ ഓടിപ്പോയിട്ടില്ല എന്നതിന്  ബന്ധപ്പെട്ട അധികാര കേന്ദ്രങ്ങള്‍ക്ക് മുന്‍പില്‍ തെളിവ് ഹാജരാക്കിയെന്കില്‍ നേരിയ പ്രതീക്ഷ അവശേഷിക്കുമായിരുന്നു. ഇവിടെ ഓടിപ്പോയി എന്ന് നിങ്ങള്‍ തന്നെ സമ്മതിക്കുന്ന  സ്ഥിതിക്ക് അത്തരം നിര്‍ദേശങ്ങള്‍ക്ക് പ്രസക്തിയില്ല.

ഹുറൂബ് ആക്കിയിട്ടുന്ടെന്കില്‍ ഇവിടുത്തെ നിയമപരമായി താമസിക്കുന്ന ഒരു വ്യക്തിക്ക് ലഭിക്കുന്ന എല്ലാ അവകാശങ്ങളും ആനുകൂല്യങ്ങളും നിങ്ങള്ക്ക് നിഷേധിക്കപ്പെടും. അങ്ങിനെയാണെങ്കില്‍ തര്‍ഹീല്‍ വഴിയല്ലാതെ നിയമപരമായി സൗദി അറേബ്യയില്‍ നിന്നും പുറത്തു പോകാന്‍ സാധിക്കില്ല. ഹുറൂബില്‍ കുടുങ്ങിയ ഒരാള്‍ ഡീപോട്ടേഷന്‍ സെന്ററിലെ ലേബര്‍ വിഭാഗത്തില്‍ അപേക്ഷ നല്‍കിയാല്‍ സ്‌പോണ്‍സറെ ബന്ധപ്പെടുകയാണ് ആദ്യമായി ചെയ്യുക. പരസ്പരം ഏതെങ്കിലും തരത്തിലുള്ള ബാധ്യതകള്‍ ഉണ്ടോ എന്നറിയുന്നതിനാണിത്. ആദ്യത്തെ തവണ സ്‌പോണ്‍സറെ ബന്ധപ്പെടാന്‍ സാധിച്ചില്ലെങ്കില്‍ ഒരാഴ്ചത്തേക്ക് കൂടി കേസ് മാറ്റിവെക്കും. വീണ്ടും സ്‌പോണ്‍സറെ ബന്ധപ്പെടാന്‍ ശ്രമിക്കും. അങ്ങിനെ പരമാവധി മൂന്നുതവണയാണ് ഈ രീതിയില്‍ ശ്രമിക്കുക. എന്നിട്ടും സ്‌പോണ്‍സറെ കണ്ടെത്താന്‍ സാധിച്ചില്ലെങ്കില്‍ ഹുറൂബിലകപ്പെട്ട വിദേശിയുടെ വിരലടയാളം ശേഖരിച്ച് പൊലീസ് സ്‌റ്റേഷനുകള്‍ വഴി ഇയാളുടെ പേരില്‍ ക്രിമിനല്‍ കുറ്റങ്ങള്‍ ഒന്നും തന്നെ ഇല്ല എന്ന് ഉറപ്പു വരുത്തി അന്വേഷണം പൂര്‍ത്തിയാക്കും. ഇതുകഴിഞ്ഞാല്‍  എക്‌സിറ്റ് നല്‍കുകയാണ് ചെയ്യുന്നത്. പാസ്‌പോര്‍ട്ട് കൈവശമില്ലാത്തവര്‍ക്ക് എംബസി നല്‍കുന്ന ഔട്ട് പാസ് ഉപയോഗിക്കാം.

ഹുറൂബ് ആക്കിയിട്ടില്ലെന്കില്‍ ഏതെന്കിലും സാമൂഹിക പ്രവര്ത്തകരുടെയോ മറ്റോ സഹായത്താല്‍ സ്പോന്സരെ കണ്ടു ദയനീയാവസ്ഥ ബോധ്യപ്പെടുത്തി ‘എക്സിറ്റ്’ വാങ്ങാന്‍ ശ്രമിക്കുക. കാരണം ഹുറൂബ് ആയി തര്‍ഹീലിലൂടെ പോയാല്‍ പിന്നീട് ഇവിടേയ്ക്ക് നിയമപരമായി തിരിച്ചു വരാന്‍ കഴിയില്ല. മാത്രമല്ല മറ്റു ജി.സി.സി രാജ്യങ്ങളിലേക്കും പോകുന്നതിനു വിലക്കുണ്ടാവും.


Click to comment

You must be logged in to post a comment Login

Leave a Reply

MIDDLE EAST

സൗദി അറേബ്യയിലെ ഓവര്‍ടൈം. അറിഞ്ഞിരിക്കുക ഇതെല്ലാം. നിങ്ങൾ പറ്റിക്കപ്പെടരുത്

Published

on

സൗദി അറേബ്യയിലെ തൊഴില്‍ മേഖലയില്‍ ചൂഷണം നടക്കുന്ന മറ്റൊരു വിഷയമാണ് ഓവര്‍ടൈം. വ്യാവസായിക മേഖലയിലെ ഒട്ടു മിക്ക തൊഴിലുടമകളും ഇത് നല്‍കി വരുന്നുണ്ട്. മാത്രമല്ല ആ മേഖലയിലെ തൊഴിലാളികള്‍ ഈ വിഷയത്തില്‍ കുറച്ചു കൂടെ അവബോധം കൂടിയവരുമാണ്‌. പക്ഷെ ചെറുകിട ഇടത്തരം മേഖലകളിലെ തൊഴിലാളികള്‍ക്ക് ഇത് താരതമ്യേന അന്യവുമാണ്. തുടര്‍ച്ചയായ പതിനാലു മണിക്കൂര്‍ വരെ ഓവര്‍ടൈം കൂലി ഇല്ലാതെ ജോലി ചെയ്യുന്ന ഹതഭാഗ്യര്‍ ഇവിടെയുണ്ട്.

സാധാരണ ജോലി സമയം കൂടാതെ അതിനപ്പുറം ജോലി ചെയ്യുന്ന മണിക്കൂറുകളാണ് ഓവര്‍ടൈം ആയി കണക്കാക്കുന്നത്.  സൗദി തൊഴില്‍ നിയമത്തിലെ വകുപ്പ് 98 പ്രകാരം ഒരു തൊഴിലാളി ഒരു ദിവസത്തില്‍ എട്ടു മണിക്കൂര്‍ മാത്രമേ ജോലി ചെയ്യേണ്ടതുള്ളൂ. ആഴ്ചയുടെ അടിസ്ഥാനത്തില്‍ നോക്കുകയാണെങ്കില്‍ നാല്‍പ്പത്തി എട്ടു മണിക്കൂറും. അതിനു ശേഷം ജോലി ചെയ്യുന്ന ഓരോ മണിക്കൂറിനും യഥാര്‍ത്ഥ വേതനവും അതിന്റെ അമ്പതു ശതമാനം അധികവും നല്‍കാന്‍ തൊഴിലുടമ ബാധ്യസ്ഥനാണ്.

ഓവര്‍ടൈം കണക്കാക്കുന്നതിനു ഒരു തൊഴിലാളിയുടെ ഒരു മണിക്കൂര്‍ ജോലി സമയത്തിന്റെ വേതനം ആണ് ആദ്യം കണക്കാക്കേണ്ടത്. അതിനോട് കൂടി അതിന്റെ അമ്പതു ശതമാനം കൂടുതലും കൂടി കൂട്ടിയാല്‍ ഒരു മണിക്കൂര്‍ ഓവര്‍ടൈം വേതനം ആയി.

ഈ ഒരു മണിക്കൂര്‍ സമയത്തെ വേതനം കണക്കാക്കുന്നതിനായി തൊഴിലാളിയുടെ അടിസ്ഥാന മാസ ശമ്പളം എടുക്കുക. അതിനെ 30.4 കൊണ്ട് ഹരിക്കുക. അപ്പോള്‍ ഒരു ദിവസത്തെ വേതനം ലഭിക്കും. അതിനെ ഒരു ദിവസത്തെ സാധാരണ ജോലി സമയമായ എട്ടു കൊണ്ട് വീണ്ടും ഹരിക്കുക. അപ്പോള്‍ ഒരു മണിക്കൂര്‍ സമയത്തിന്റെ വേതനം ലഭിക്കും. അതിനെ പകുതിയാക്കി അല്ലെങ്കില്‍ രണ്ടു കൊണ്ട് വീണ്ടും ഹരിച്ചു ലഭിക്കുന്ന സംഖ്യയെ ഒരു മണിക്കൂര്‍ വേതനതോട് കൂടി കൂട്ടിയാല്‍ ഒരു മണിക്കൂര്‍ സമയത്തെ ഓവര്‍ടൈം വേതനം ലഭിക്കും.

ഉദാഹരണമായി രണ്ടായിരം റിയാല്‍ അടിസ്ഥാന ശമ്പളം ഉള്ള ഒരാളുടെ ഒരു മണിക്കൂര്‍ സമയത്തെ ഓവര്‍ടൈം വേതനം കണ്ടു പിടിക്കുന്നത്‌ എങ്ങിനെയെന്ന് നോക്കാം.

2000 നെ 30.4 കൊണ്ട് ഹരിക്കുക. = 65.79 ഇതാണ് അയാളുടെ ഒരു ദിവസത്തെ വേതനം.

അതിനെ വീണ്ടും 8 കൊണ്ട് ഹരിക്കുക. അപ്പോള്‍ 8.23 ലഭിക്കും. ഇതന്ന് അയാളുടെ ഒരു മണിക്കൂര്‍ സമയത്തെ വേതനം.

അതിനെ വീണ്ടും രണ്ടു കൊണ്ട് ഹരിക്കുക അല്ലെങ്കില്‍ പകുതിയാക്കുക. അപ്പോള്‍ 4.12 ലഭിക്കും. ഇതിനെ ഒരു മണിക്കൂര്‍ സമയ വേതനമായ 8.23 നോടെ കൂട്ടിയാല്‍ അയാളുടെ ഓവര്‍ടൈം വേതനം ആയ 12.35 ലഭിക്കും.

എന്നാല്‍ ചില കമ്പനികള്‍ ഇത് കണക്കാക്കാന്‍ മറ്റൊരു ഫോമുല ഉപയോഗിക്കാറുണ്ട്. അതായത് തൊഴിലാളിയുടെ മാസ ശമ്പളത്തെ പന്ത്രണ്ടു കൊണ്ട് ഗുണിച്ചു കിട്ടുന്ന സംഖ്യയെ 365.25 കൊണ്ട് ഹരിച്ചു കിട്ടുന്ന സംഖ്യ എടുത്തു അതിനെ എട്ടു കൊണ്ട് വീണ്ടും ഹരിച്ചു കിട്ടുന്ന സംഖ്യയോട് കൂടി അതിന്റെ പകുതി കൂടി കൂട്ടി ഓവര്‍ടൈം വേതനം കണക്കാക്കുന്നു.

ഒട്ടു മിക്ക വലിയ കമ്പനികളും ഈ ഫോര്‍മുലയാണ് ഉപയോഗിക്കുക. വലിയ രീതിയില്‍ ഓവര്‍ടൈം കൊടുക്കേണ്ടി വരുന്ന കമ്പനികള്‍ക്ക് ചെറിയ തോതിലുള്ള ലാഭം ഉണ്ടാവുമെങ്കിലും ഓരോ തൊഴിലാളിക്കും കുറവ് വരുന്ന സംഖ്യ വളരെ ചെറിയ അളവില്‍ മാത്രമായിരിക്കും.

Continue Reading

MIDDLE EAST

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

Published

on

സൗദി അറേബ്യയില്‍ ജോലിക്കെത്തുന്ന ഓരോ പ്രവാസിയും നിര്‍ബന്ധമായും മനസ്സിലാക്കേണ്ട ഒരു വാക്കാണ്‌ ഇ.എസ്.ബി (ESB-END OF SERVICE BENEFIT) അഥവാ സേവനാന്തര ആനുകൂല്യം. ജോലിയിൽ നിന്ന് പിരിഞ്ഞു പോകുമ്പോൾ ഹൗസ്‌ ഡ്രൈവര്‍മാര്‍ ഉള്‍പ്പെടെടെയുള്ള ഗാര്‍ഹിക ജോലിക്കാര്‍ ഒഴികെ സൗദി തൊഴില്‍ നിയമത്തിന്റെ കീഴില്‍ വരുന്ന എല്ലാ തൊഴിലാളികൾക്കും നിര്‍ബന്ധമായി ലഭിക്കേണ്ട ഒരു ആനുകൂല്യമാണിത്.

മിക്കവരും കരുതുന്ന പോലെ ഇത് നാട്ടില്‍ പോകുന്ന സമയത്ത് തൊഴിലുടമ തരുന്ന ഒരു ഔദാര്യമല്ല, മറിച്ചു നിങ്ങള്‍ക്ക് നിയമപരമായി ലഭിക്കേണ്ട അവകാശമാണ്. സൗദി തൊഴില്‍ നിയമത്തിലെ വകുപ്പ് 84 വക വച്ച് തരുന്ന അവകാശം. എന്നാല്‍ ഇപ്പോഴും നിര്‍ഭാഗ്യവശാല്‍ ഭൂരിഭാഗം വരുന്ന പ്രവാസികളും ഇതിനെപ്പറ്റി ബോധവാന്മാരല്ല. ഇ.എസ്.ബിയെപ്പറ്റി അറിവില്ലാത്തത് കൊണ്ട് മിക്ക പ്രവാസികള്‍ക്കും ഈ ആനുകൂല്യം നഷ്ടപ്പെടുന്നു.

പ്രവാസികളായ മലയാളികള്‍ക്ക് കൂടുതല്‍ മനസ്സിലാകുന്നതിനു വേണ്ടി ഇ.എസ്.ബിയെക്കുറിച്ച് താഴെ വിവരിക്കുന്നു.

സൗദി തൊഴില്‍ നിയമത്തിലെ അദ്ധ്യായം 5 ല്‍ നാലാം ഭാഗത്തില്‍ 84 മുതല്‍ 87 വരെയുള്ള വകുപ്പുകളാണ് ഇ.എസ്.ബിയെക്കുറിച്ച് വിവരിക്കുന്നത്. അതില്‍ വകുപ്പ് 84 എന്താണ് ഇ.എസ്.ബി എന്ന് നിര്‍വചിക്കുന്നു. അത് പ്രകാരം തൊഴിലുടമയുമായുള്ള തൊഴില്‍ കരാര്‍ അവസാനിക്കുമ്പോള്‍ തൊഴിലാളിക്ക് നല്‍കേണ്ട തുകയാണ് ഇതെന്നു പറയുന്നതോടൊപ്പം തന്നെ നല്‍കേണ്ട തുക എത്രയാണെന്നും പറയുന്നു. ഇ.എസ്.ബിയുടെ നിര്‍വചനം കാണുക.

Saudi Labour Law Chapter 5, Section Four: End-of-Service Award

Article 84

“Upon the end of the work relation, the employer shall pay the worker an end-of-service award of a half-month wage for each of the first five years and a one-month wage for each of the following years. The end-of-service award shall be calculated on the basis of the last wage and the worker shall be entitled to an end-of-service award for the portions of the year in proportion to the time spent on the job”.

ആ വകുപ്പില്‍ തന്നെ നല്‍കേണ്ട തുക എത്രയാണെന്നും വിവരിക്കുന്നു. ആദ്യത്തെ അഞ്ചു വര്‍ഷത്തിനു ഓരോ വര്‍ഷത്തിനും അടിസ്ഥാന മാസ ശമ്പളത്തിന്റെ പകുതി തുകയും അതിനു ശേഷം ഓരോ വര്‍ഷത്തിനും മുഴുവന്‍ മാസ ശമ്പളവും നല്‍കണം.

അവസാന മാസത്തില്‍ ലഭിച്ച ശമ്പളമാണ് (Last Month Wage – LMW) ഇ.എസ്.ബി കണക്കാക്കുന്നതിനു മാനദണ്ഡമായി എടുക്കുന്നത്. മാത്രമല്ല ഓരോ മുഴുവന്‍ വര്‍ഷത്തിനും നല്‍കിയ ശേഷം അവസാന വര്‍ഷത്തിലെ അവശേഷിക്കുന്ന ദിവസങ്ങള്‍ക്ക് കൂടി ഇ.എസ്.ബി നല്‍കണം എന്ന് സൗദി തൊഴില്‍ നിയമത്തിലെ തൊഴിലാളികള്‍ക്ക് ഏറ്റവും പ്രിയങ്കരമായ ഈ വകുപ്പ് എടുത്തു പറയുന്നു. അതായത് നിങ്ങള്‍ നാല് വര്‍ഷവും മൂന്നു മാസവും ജോലി എടുത്തിട്ടുണ്ടെങ്കില്‍ അവശേഷിക്കുന്ന മൂന്നു മാസങ്ങൾക്ക് കൂടി നിങ്ങൾക്ക് ഇ.എസ്.ബി ആനുകൂല്യം ലഭിക്കേണ്ടതാണ്.

ജോലി രാജി വെക്കുന്നത് തൊഴിലാളിയാണെങ്കിലും അയാൾക്ക് ഇ.എസ്.ബിക്ക് അർഹതയുണ്ട്. സൗദി തൊഴിൽ നിയമത്തിൽ പറഞ്ഞിട്ടുള്ള ചില പ്രത്യേക സാഹസാഹര്യങ്ങളിൽ ഈ സാഹചര്യത്തിനുംമാറ്റം സംഭവിക്കും. എങ്കിലും സാധാരണ സാഹചര്യങ്ങളിൽ തൊഴിലാളിയാണ് തൊഴിലാളിയാണ് തൊഴിൽ കരാർ റദ്ദാക്കുന്നതെങ്കിൽ അയാൾ രണ്ടു വർഷം ജോലിയിൽ പൂർത്തിയാക്കുകയും എന്നാൽ അഞ്ചു വർഷത്തിന് താഴെ സർവീസുമുണ്ടെങ്കിൽ അയാൾക്ക് ഇ.എസ്.ബി ആനുകൂല്യത്തിന്റെ മൂന്നിലൊന്ന് സേവനന്തര ആനുകൂല്യമാണ് ലഭിക്കാൻ അർഹതയുണ്ട്.

എന്നാൽ അയാൾ അഞ്ചു വർഷം സർവീസ് പൂർത്തിയാക്കുകയും പത്തു വർഷത്തിന് താഴെ സർവീസുമുള്ള വ്യക്തിയാണെങ്കിൽ അയാൾക്ക് മൂന്നിൽ രണ്ടു ഭാഗം ഇ.എസ്.ബി ആനുകൂല്യം ലഭിക്കാൻ അർഹതയുണ്ട്. അതെ സമയം പത്ത് വര്ഷം സർവീസ് പൂർത്തിയാക്കിയ തൊഴിലാളിക്ക് മുഴുവൻ ഇ.എസ്.ബിയും നൽകണമെന്ന് തൊഴിൽ നിയമം അനുശാസിക്കുന്നു.

Continue Reading

MIDDLE EAST

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ല

Published

on

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ലെന്ന് തൊഴിൽ മന്ത്രാലയം വ്യക്തമാക്കി.

ട്വിറ്റർ അക്കൗണ്ടിലൂടെ സംശയങ്ങൾ ഉന്നയിച്ചവർക്ക് മറുപടിയെന്ന നിലയിലാണ് ഇക്കാര്യം വ്യക്തമാക്കിയത്.

ഒൻപത് ജോലിക്കാരിൽ താഴെയുള്ള സ്ഥാപനങ്ങൾക്കാണ് ഈ ഇളവ് ലഭിക്കുക. ഇത്തരം സ്ഥാപനങ്ങളിൽ നാല് വിദേശികളെ ലെവിയിൽ നിന്ന് ഒഴിവാക്കും.

സ്വദേശിയായ ഉടമ ഈ സ്ഥാപനത്തിൽ തന്നെയുള്ള ജോലിക്കാരനായിരിക്കണം. അതായത് ഗോസി (ജനറൽ ഓർഗനൈസേഷൻ ഫോർ സോഷ്യൽ ഇൻഷുറൻസ്) രജിസ്റ്റർ പ്രകാരം സ്ഥാപന ഉടമയായ സ്വദേശി ഈ സ്ഥാപനത്തിൽ തന്നെ ജോലിയെടുക്കണം.

Continue Reading
MIDDLE EAST1 min ago

സൗദി അറേബ്യയിലെ ഓവര്‍ടൈം. അറിഞ്ഞിരിക്കുക ഇതെല്ലാം. നിങ്ങൾ പറ്റിക്കപ്പെടരുത്

MIDDLE EAST5 hours ago

സർട്ടിഫിക്കറ്റുകൾ ഉന്നത വിദ്യാഭ്യാസ മന്ത്രാലയം സാക്ഷ്യപ്പെടുത്തണമെന്ന് ഒമാൻ ചേംബർ ഓഫ് കോമേഴ്‌സ്

LATEST6 hours ago

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

KERALA6 hours ago

കൊച്ചു കുട്ടികളെ കാറിന്റെ പീസീറ്റിൽ ഇരുത്തണമെന്ന് ബാലാവകാശ കമ്മീഷൻ

CRIME7 hours ago

ഓച്ചിറയില്‍ നിന്ന് തട്ടിക്കൊണ്ടുപോയ പെണ്‍കുട്ടിയെ കണ്ടെത്തി

CRIME7 hours ago

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

INDIA1 day ago

ഒലക്ക് കർണ്ണാടകയിൽ ആറു മാസത്തേക്ക് വിലക്ക്

MIDDLE EAST1 day ago

മസ്കറ്റ്: വെള്ളിയാഴ്ചകളിലും പൊതു അവധി ദവസങ്ങളിലും നിർമ്മാണ പ്രവർത്തനങ്ങൾ പാടില്ല

INDIA1 day ago

ഖത്തറിലെ സ്‌കൂളുകളിൽ ഈ വർഷം സെക്കൻഡ് ഷിഫ്റ്റ് ഇല്ല.

KERALA1 day ago

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

HEALTH1 day ago

സൂര്യാഘാതം: അതീവ ജാഗ്രത ആവശ്യം

KERALA1 day ago

ഒന്ന് ശ്രദ്ധിക്കൂ, ഈ ചെറുപ്പക്കാരന്റെ ഭാവി നിങ്ങളുടെ കയ്യിലാണ്

KERALA1 day ago

പ്രവാസികൾക്കും വിവരാവകാശ പ്രകാരം അപേക്ഷ സമർപ്പിക്കാം. തടസ്സമില്ലെന്ന് അധികൃതർ.

KERALA1 day ago

വൈദികർക്കും കന്യാസ്ത്രീകൾക്കും ആദായ നികുതി ബാധകമെന്ന് കോടതി

HEALTH2 days ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

LATEST4 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED3 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST4 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME3 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

LAW4 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW3 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA3 weeks ago

സൗദിയില്‍ മലയാളിയെ ആത്മഹത്യചെയ്ത നിലയില്‍ കണ്ടെത്തി

SAUDI ARABIA4 weeks ago

അശ്ലീല ചിത്രം പ്രചരിപ്പിച്ചാല്‍ അഞ്ചുവര്‍ഷം തടവും മുപ്പത്തു ലക്ഷം റിയാല്‍ പിഴയും

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാരും വീട്ടു വേലക്കാരികളും അടങ്ങിയ ഗാര്‍ഹിക തൊഴിലാളികള്‍ക്ക് ബാധകമാണോ ?

LATEST4 weeks ago

ഭീകര കേന്ദ്രങ്ങളിലെ ഇന്ത്യന്‍ വ്യോമാക്രമണം എന്ന പേരില്‍ പ്രചരിക്കുന്നത് വ്യാജ വിഡിയോ

UAE4 weeks ago

18 കോടി മുസ്ലിം സഹോദരങ്ങള്‍ അടക്കം 130 കോടി ഇന്ത്യക്കാരുടെ ആശംസയുമായാണ് ഞാന്‍ ഇവിടെ എത്തിയിരിക്കുന്നത്..

CRIME4 weeks ago

കാശ്മീരി കവിത ഫേസ് ബുക്കിലിട്ട യുവാവ് അറസ്റ്റില്‍

Trending

Copyright © 2019 Pravasi Corner.

error: Content is protected !!