Connect with us

LATEST

സോഷ്യല്‍ നെറ്റ വര്‍ക്കുകളിലൂടെ അപകീര്‍ത്തിപ്പെടുത്തല്‍: ഗള്‍ഫിലെ പ്രവാസികള്‍ മുന്നില്‍

Published

on

FB

 

സോഷ്യല്‍ നെറ്റ വര്‍ക്ക് സൈറ്റുകളിലൂടെയും മറ്റും അപകീര്‍ത്തിപ്പെടുത്തുന്ന കേസുകളുടെ എണ്ണം കൂടുകയാണെന്നും കേസില്‍ ഉള്‍പ്പെടുന്നവരില്‍ അധികവും ഗള്‍ഫ് മേഖലയില്‍ ജോലി ചെയ്യുന്ന പ്രവാസികളാണെന്നും കേരള പോലീസിന്റെ ഹൈടെക് സെല്‍ വ്യക്തമാക്കുന്നു.

ഇത്തരത്തിലുള്ള കേസുകള്‍ വിദേശത്ത് ജോലി ചെയ്യുന്നവരുടെ ജോലിയും പ്രവാസ ജീവിതത്തെയു  ഗുരുതരമായി ബാധിക്കുമെന്ന് നിയമ വിദഗ്ദര്‍ പറയുന്നു. ഫേസ്ബുക്ക്‌, ട്വിറ്റര്‍ തുടങ്ങിയവയിലൂടെ മറ്റുള്ളവരെ അപകീര്‍ത്തിപ്പെടുത്തുന്നു എന്നാണു ലഭിക്കുന്ന പരാതി. ഇതില്‍ തന്നെ ഫേസ്ബുക്കില്‍ അപകീര്‍ത്തികരമായ കമന്റുകള്‍ പോസ്റ്റ് ചെയ്തുവെന്നോ പ്രസ്തുത കമന്റുകള്‍ ഷെയര്‍ ചെയ്തുവെന്നോ പരാതിപ്പെടുന്നവരാണ് ഭൂരിഭാഗവും. 

സാധാരണ പ്രവാസികള്‍ക്ക് ഇടയില്‍ പ്രിയങ്കരവും ഉപയോഗിക്കാന്‍ ഏറ്റവും എളുപ്പവുമായതിനലുമാണ് ഫേസ് ബുക്ക്‌ മുഖേന അപകീര്‍ത്തിപ്പെടുത്തിയെന്ന പരാതികള്‍ വര്‍ദ്ധിക്കുന്നത്.

ഇത്തരത്തിലുള്ള കേസുകളില്‍ ഗുരുതരമായ നിയമ നടപടികള്‍ വേഗത്തില്‍ സ്വീകരിക്കാറില്ലെങ്കിലും സ്ത്രീകളുടെ മാനഹാനി, തട്ടിപ്പ് കേസുകള്‍ എന്നിവയില്‍ പോലീസ് ഉടനെ നടപടികള്‍ സ്വീകരിക്കാറുണ്ട്. ഇത്തരം ഗുരുതരമായ കേസുകളില്‍ വിദേശത്ത് നിന്നും സമ്മര്‍ദ്ദ തന്ത്രങ്ങളിലൂടെ കുറ്റവാളികളെ നാട്ടിലെത്തിക്കുകയോ അതിനു കഴിയാത്ത സാഹചര്യങ്ങളില്‍ വിദേശ ഏജന്‍സികളുമായി സഹകരിച്ചു നാട്ടിലെത്തിക്കുന്നതിനുള്ള നടപടികളോ സ്വീകരിച്ചു വരുന്നുണ്ട്.

സാധാരണ കേസുകളില്‍ കുറ്റം ചെയ്തവര്‍ക്കെതിരെ പോലീസ് ഉടനെ കര്‍ശന നടപടികള്‍ എടുക്കാത്തതിനാല്‍ ആരെങ്കിലും തനിക്കെതിരെ  പരാതി നല്‍കിയിട്ടുണ്ടോ എന്ന് പോലും ചിലപ്പോള്‍ കുറ്റം ചെയ്ത ആള്‍ അറിഞ്ഞെന്നു വരില്ല. എന്നാല്‍ അവധിയില്‍ വരുമ്പോള്‍ അറസ്റ്റും മറ്റു നിയമ നടപടികളും നടന്നേക്കാം. വരുമ്പോഴോ പോകുമ്പോഴോ എയര്‍പോര്‍ട്ടുകളില്‍ വച്ച് അറസ്റ്റ് നടന്ന സംഭവങ്ങളും ഉണ്ടായിട്ടുണ്ട്.

നിരവധി കേസുകളില്‍ കുറ്റവാളികളെ അറസ്റ്റ് ചെയ്തിട്ടുണ്ടെങ്കില്‍ കൂടി ഇതുവര ആര്‍ക്കും ഗുരുതരന്മായ ശിക്ഷകള്‍ ലഭിച്ചിട്ടില്ലെന് നിയമ വിദഗ്ദര്‍ പറയുന്നു. ഹൈടെക് സെല്ലില്‍ രജിസ്റ്റര്‍ ചെയ്തിട്ടുള്ള കേസുകളില്‍ വിരലില്‍ എണ്ണാവുന്ന കേസുകളില്‍ മാത്രമാണ് അന്വേഷണം മുന്നോട്ടു കൊണ്ട് പോകാന്‍ പോലീസിനു സാധിച്ചിട്ടുള്ളത്.

ഇത്തരം കേസുകളില്‍ പ്രതികളെ എല്ലാ പഴുതുകളും അടച്ചു ശിക്ഷ വാങ്ങി കൊടുക്കാനായി ആവശ്യമായ തെളിവുകള്‍ ശേഖരിക്കാനുള്ള സാങ്കേതിക സംവിധാനങ്ങളോ നിയമ വിദഗ്ദരോ പോലീസില്‍ നിലവില്‍ ഇല്ല.  കൂടാതെ ഭൂരിഭാഗം കേസുകളിലും ഒത്തുതീര്‍പ്പിലെത്തുന്നതിനെ തുടര്‍ന്ന് പരാതിക്കാര്‍ പരാതികള്‍ പിന്‍വലിക്കുന പ്രവണതയും മറ്റൊരു കാരണമാണ്.

എന്നിരുന്നാലും കേസില്‍  ഉള്‍പ്പെടുന്ന പ്രവാസിയുടെ പ്രവാസ ജീവിതത്തെയും ജോലിയേയും ഇത് ദോഷകരമായി ബാധിക്കുമെന്ന് നിയമ വിദഗ്ദര്‍ വിലയിരുത്തുന്നു. കുറ്റം ചെയ്തവരെ കോടതിയില്‍ ഹാജരാക്കുമ്പോള്‍ ജാമ്യം ലഭിക്കുമെങ്കില്‍ തന്നെയും കോടതി പാസ്പോര്‍ട്ട് കോടതിയില്‍ കെട്ടി വെക്കാന്‍ ആവശ്യപ്പെട്ടാല്‍ പിന്നീട് കേസ് തീരുന്നത് വരെയോ ഒതുതീര്‍പ്പിലെത്തി കേസ് പിന്‍വലിക്കുന്നത് വരെയോ പ്രവാസിക്ക് തിരിച്ചു പോകാന്‍ സാധിക്കില്ല. 

ഈയിടെ മുസ്ലീം ലീഗ് നേതാവ് മായിന്‍ ഹാജിയെ ഫേസ്ബൂക്കിലൂടെ അപകീര്‍ത്തിപ്പെടുത്തിയെന്നാരോപിച്ചു റിയാദ് കേന്ദ്രമാക്കി പ്രവര്‍ത്തിക്കുന്ന ഒരു സന്നദ്ധ സംഘടനയുടെ ഭാരവാഹിക്കും സാംസ്കാരിക രംഗത്ത്‌ പ്രവര്‍ത്തിക്കുന്ന പ്രവാസിക്കും എതിരെ മുസ്ലീം ലീഗിന്റെ അനുകൂല സംഘടനയായ കെ.എം.സി.സി യുടെ സൈബര്‍ വിംഗ് ഹൈടെക് സെല്ലില്‍ പരാതി നല്‍കിയിരുന്നു. ഇതിനു ശേഷം വ്യക്തിപരമായി അപകീര്‍ത്തിപ്പെടുത്തുന്ന പോസ്റ്റുകളുടെ എണ്ണം വന്‍തോതില്‍ കുറഞ്ഞിട്ടുണ്ട് എന്ന് വിദഗ്ദര്‍ വ്യക്തമാക്കുന്നു.

 

BAHRAIN

പാസ്പോർട്ട് സേവാ പ്രോജക്റ്റ് ഓൺലൈൻ സേവനങ്ങൾ ഇന്ന് മുതൽ ബഹറിനിലെ പ്രവാസികൾക്കും ലഭ്യമാകും.

Published

on

പാസ്പോർട്ട് സേവാ പ്രോജക്റ്റ് നടപ്പിലാക്കുന്നതിന്റെ ഭാഗമായി ഓൺലൈൻ സേവനങ്ങൾ ഇന്ന് മുതൽ ബഹറിനിലെ പ്രവാസികൾക്കും ലഭ്യമാകും. ഇത് സംബന്ധിച്ച അറിയിപ്പ് ഇന്ത്യൻ എംബസ്സിയിൽ നിന്നും ലഭിച്ചു.

ഓൺലൈൻ നടപടി ക്രമങ്ങൾക്കുശേഷം രേഖകൾ സമർപ്പിക്കാൻ അപേക്ഷകർ ഐ.വി.എസ് സെന്ററിൽ നേരിട്ടെത്തണം. കുട്ടികൾ മാതാപിതാക്കളോടൊപ്പം എത്തിച്ചേരണം.

https://embassy.passportindia.gov.in എന്ന വെബ്‌സൈറ്റിലൂടെയാണ് ഓൺലൈൻ പാസ്പോർട്ട് സേവനങ്ങൾ ലഭ്യമാകുക. ഇതിനായി അപേക്ഷകർ ആദ്യമായി യൂസർ ഐ.ഡി ഉണ്ടാക്കേണ്ടതുണ്ട്. അതിനുശേഷം ഈ യൂസർ ഐ.ഡി ഉപയോഗിച്ച് വെബ്‌സൈറ്റിൽ ലോഗിൻ ചെയ്യാം.

ലോഗിൻ ചെയ്തതിന് ശേഷം അപേക്ഷാ ഫോം പൂരിപ്പിക്കുക. പിന്നീട് ഈ ഫോം സബ്മിറ്റ് ചെയ്യുകയും അതിന്റെ പ്രിന്റ് ഔട്ട് എടുക്കുകയും ചെയ്യുക.

പ്രിന്റ് ഔട്ട് എടുത്തതിന് ശേഷം ഫോട്ടോ ഒട്ടിക്കേണ്ട സ്ഥലത്ത് കൃത്യമായി ഫോട്ടോ ഒട്ടിക്കുക. അതിനു ശേഷം ഫോമിൽ ഒപ്പിട്ട ശേഷം ആവശ്യമായ രേഖകൾ സഹിതം ഐ.വി.എസ് സെന്ററിൽ സമർപ്പിക്കാം.

ഒപ്പിടുമ്പോൾ ഐ.വി.എസ് സെന്ററിലെ സബ്മിഷൻ ഓഫീസറുടെ മുന്നിൽ വെച്ച് തന്നെ ഒപ്പിടാൻ ശ്രദ്ധിക്കേണ്ടതുണ്ട്.

Continue Reading

CRIME

നീരവ് മോഡി ലണ്ടനിൽ അറസ്റ്റിൽ

Published

on

പഞ്ചാബ് നാഷണൽ ബാങ്കിൽ നിന്ന് കോടികളുടെ തട്ടിപ്പ് നടത്തി ലണ്ടനിലേക്ക് മുങ്ങിയ വജ്ര വ്യാപാരി നീരാവി മോഡി ലണ്ടനിൽ അറസ്റ്റിലായി.

ഇന്ത്യൻ എൻഫോഴ്‌സ്‌മെന്റ് ഡയറക്റ്ററേറ്റ് നൽകിയ അപേക്ഷയിലാണ് നടപടി. മോദിയെ ബിറ്റ് കിട്ടുന്നതിന് ഡയറക്റ്ററേറ് കഴിഞ്ഞ വർഷം ഓഗസ്റ്റിൽ അപേക്ഷ നൽകിയിരുന്നു.

പഞ്ചാബ് നാഷണൽ ബാങ്കിൽ നിന്ന് പതിമൂവായിരം കോടി രൂപയുടെ തട്ടിപ്പ് നടത്തി മോഡിയും അമ്മാവനായ മുഹുൽ ചോക്‌സിയും കഴിഞ്ഞ വർഷം ജനുവരിയിലാണ് ഇന്ത്യ വിട്ടത്.

അറസ്റ്റിലായ മോദിയെ ഇന്ന് തന്നെ വെസ്റ്റ് മിനിസ്റ്റർ കോടതിയിൽ ഹാജരാക്കും. കോടതിനുത്തരവ് അനുകൂലമാണെങ്കിൽ മോഡിയെ ഇന്ത്യക്കു കൈമാറും.

എന്നാൽ കോടതി ഉത്തരവിനെതിരെ മോദിക്ക് അപ്പീൽ നൽകാൻ സാധിക്കും.

Continue Reading

LATEST

സുരക്ഷിതരായിരിക്കുക. വെടിവെപ്പുണ്ടായാൽ എന്താണ് ചെയ്യേണ്ടതെന്ന് മുരളി തുമ്മാരുകുടി പറയുന്നു.

Published

on

ന്യൂസിലാൻഡിൽ അക്രമി നടത്തിയ കൂട്ടക്കൊലയിൽ ലോകം നടുങ്ങി നിൽക്കുമ്പോൾ ഇത്തരം ആക്രമണങ്ങൾ ഉണ്ടായാൽ എന്താണ് സ്വയ രക്ഷക്കായി ചെയ്യേണ്ടതെന്ന് ഫേസ്‌ബുക്കിലൂടെ പറഞ്ഞു തരികയാണ് പ്രശസ്ത ദുരന്ത നിവാരണ വിദഗ്ദൻ മുരളീ തുമ്മാരുകുടി.

മുരളി തുമ്മാരുകുടിയുടെ ഫേസ്‌ബുക്ക് പോസ്റ്റ് :

വെടിയൊച്ച കേട്ടാൽ എന്ത് ചെയ്യണം ?

മുൻപ് പറഞ്ഞിട്ടുള്ള കാര്യമാണെങ്കിലും കാര്യമുള്ളതായതിനാൽ ഒരിക്കൽക്കൂടി പറയാം.

ലോകത്തെ ഏറ്റവും സമാധാമുള്ള ഒരു സ്ഥലമായി അറിയപ്പെട്ടിരുന്നതാണ് ന്യൂസിലാൻഡ്. വർഷത്തിൽ ഒരു ലക്ഷത്തിന് ഒരാളിൽ താഴെ മാത്രം കൊലപാതകങ്ങളാണ് അവിടെ നടക്കാറുള്ളത്. അമേരിക്കയിൽ ഇത് വർഷത്തിൽ ലക്ഷത്തിന് അഞ്ചിന് മുകളിലും വെനിസ്വേല ഉൾപ്പടെ പല ദക്ഷിണ അമേരിക്കൻ രാജ്യങ്ങളിൽ അൻപതിന്റെ മുകളിലും ആണെന്ന് ഓർക്കണം. അവിടെയാണ് ഒറ്റയടിക്ക് 49 പേരെ ഒരാൾ കൊന്നൊടുക്കിയത്.

ഇന്നിപ്പോൾ ന്യൂസിലാൻഡിൽ നിന്നും അക്രമങ്ങൾ കുറവായ നെതെർലാൻഡ്‌സിൽ നിന്നും അക്രമത്തിന്റെ വാർത്തകൾ വരുന്നു. തോക്കുധാരികൾ ഓഫിസിലും സ്‌കൂളിലും എത്തി ആളെ കൊല്ലാൻ ശ്രമിക്കുന്നത് അമേരിക്കയിൽ അപൂർവ്വമല്ലെങ്കിലും മറ്റിടങ്ങളിലേക്കും വ്യാപിക്കുകയാണ്.

പ്രൈമറി സ്‌കൂളുകളിലും, യുണിവേഴ്സിറ്റികളിലും, ഹോട്ടലിലും, പാർലമെന്റിലും, പള്ളിപ്പെരുന്നാളിലും, മ്യൂസിക് ഫെസ്റ്റിവലിലും വരെ ഇതുപോലെ ആയുധധാരികൾ ആളുകളെ കൊന്നൊടുക്കിട്ടുണ്ട്. ഇത്തരമൊരു സാഹചര്യത്തിൽ പെട്ടാൽ എങ്ങനെയാണ് നമ്മൾ അതിനെ നേരിടേണ്ടത്?

സാധാരണ ഓഫിസിലും സ്‌കൂളിലും സേഫ്റ്റിക്ക് വേണ്ടിയാണ് പരിശീലിപ്പിക്കുന്നത്. ഒരു അപകട സൂചന കിട്ടിയാലുടൻ ഇറങ്ങി ഓടി സുരക്ഷിതമായി ഒരുമിച്ചു കൂടണമെന്നാണ് പരിശീലനം നൽകുന്നത്. അതിനായി മിക്ക ഓഫിസിലും ഹോട്ടലിലും അസംബ്ലി ഏരിയ ഉണ്ട്. പക്ഷെ വെടിവെപ്പിൻറെ സാഹചര്യത്തിൽ അത് വലിയ മണ്ടത്തരമാണ്. അതുകൊണ്ട് തന്നെ സുരക്ഷക്ക് വേണ്ട പുതിയ പരിശീലനങ്ങളാണ് ഞങ്ങൾ ഇപ്പോൾ നൽകുന്നത്. അതിൽ ചില കാര്യങ്ങൾ പറയാം.

ഒഴിവാക്കലാണ് പ്രധാനം: നിങ്ങളുടെ പരിസരത്ത് ഒരു വെടിയൊച്ച കേട്ടാൽ ഒന്നു തീരുമാനിക്കാം, നിങ്ങൾ സുരക്ഷാ യുദ്ധം പകുതി തോറ്റു. കാരണം ഇത്തരം സാഹചര്യങ്ങളിൽനിന്ന് വിട്ടുനിൽക്കുക എന്നതാണ് സുരക്ഷയുടെ ആദ്യപകുതി. ഇതിനാദ്യമായി ചെയ്യേണ്ടത് റിസ്‌ക്ക് പ്രൊഫൈലിങ്ങാണ്. അതായത്, ഒരു സ്ഥലത്ത് അല്ലെങ്കിൽ ഒരു സ്ഥാപനത്തിൽ ആയുധധാരികളായ ഒരാൾ എത്താനുള്ള സാധ്യതയെ, സ്ഥാപനം നടത്തുന്നവർ അഥവാ ആഘോഷങ്ങളുടെ സംഘാടകർ മുൻകൂട്ടി കാണണം. ഇത് മൂന്നു തരത്തിലാകാം. ഒന്ന്, നിങ്ങളുടെ സ്ഥാപനമുള്ളതോ പരിപാടി നടക്കുന്നതോ ആയ സ്ഥലം സംഘർഷ ബാധിതമാണോ? മുൻപ് എന്നെങ്കിലും വെടിവെപ്പുണ്ടായിട്ടുള്ള സ്ഥലമാണോ? എന്നെല്ലാം അറിഞ്ഞുവെക്കുക. രണ്ട്, നിങ്ങളുടെ സ്ഥലം ലക്ഷ്യം വെക്കാൻ അക്രമികൾക്ക് പ്രത്യേകകാരണങ്ങൾ എന്തെങ്കിലുമുണ്ടോ എന്നറിയുക. (നിങ്ങളുടെ മതം, രാഷ്ട്രീയം, പ്രായം, ലിംഗം, ലൈംഗിക താല്പര്യങ്ങൾ, വർണ്ണം, വർഗ്ഗം) ഇതൊക്കെ ഇക്കാര്യത്തിൽ പ്രസക്തമാണ്. മൂന്ന്, തോക്ക് എളുപ്പത്തിൽ ലഭിക്കാൻ സകാര്യമുള്ള സ്ഥലമാണോ എന്നെല്ലാം നിരീക്ഷിച്ചു വേണം നിങ്ങളുടെ സുരക്ഷാസംവിധാനങ്ങൾ ഡിസൈൻ ചെയ്യാൻ.

യൂറോപ്പിൽ എവിടെയും ഇപ്പോൾ തീവ്രവാദഭീഷണിയുണ്ട്. അതിനാൽ വലിയ ആൾക്കൂട്ടമുണ്ടാകുന്ന സമയത്ത് തോക്കോ ബോംബോ ട്രക്കോ പുതിയ നന്പറുകളുമായോ തീവ്രവാദികൾ എത്തിയേക്കാമെന്ന ഓർമ്മയിൽ വേണം നമ്മൾ അവിടെ പോകാനും, പങ്കെടുക്കാനും, പരിപാടികൾ സംഘടിപ്പിക്കാനും. അമേരിക്കയിൽ വളരെ എളുപ്പത്തിൽ ലഭിക്കുന്ന ഒരായുധമാണ് തോക്ക്. അതിനാൽ എപ്പോൾ വേണമെങ്കിലും അപകടമുണ്ടാകാനുള്ള സാധ്യതയുള്ള സ്ഥലവും. കേരളത്തിൽ തൽക്കാലം തോക്കുകൾ സംഘടിപ്പിക്കുക അത്ര എളുപ്പമല്ലാത്തതിനാൽ തോക്കുമായി ഒരാൾ ഓഫീസിലോ സ്‌കൂളിലോ ആഘോഷങ്ങളിലോ വന്നുചേരാനുള്ള സാധ്യതയും കുറവാണ്. എന്നാലും ന്യൂസിലാൻഡിൽ പോലും ഭീകരവാദി ആക്രമണങ്ങൾ നടക്കുന്ന, മാറുന്ന ചുറ്റുപാടുകളിൽ നമ്മൾ കൂടുതൽ ശ്രദ്ധയുള്ളവരായിരിക്കണം.

റിസ്‌ക്ക് പ്രൊഫൈലിലുള്ള സ്ഥാപനങ്ങളോ പരിപാടികളോ നടത്തുന്നവർ ശ്രദ്ധിക്കണം. അതനുസരിച്ച് മുൻകരുതലുകളെടുക്കണം. ഓഫീസിനും ഹോട്ടലിനും മുൻപിൽ എക്സ്റേ സ്‌ക്രീനിങ് ഉള്ളത് ഇതിന്റെ ഭാഗമാണ്. ഇനി പറയുന്ന കാര്യങ്ങൾ സംഘാടകരെ ഉദ്ദേശിച്ചല്ല, വ്യക്തികൾ പാലിക്കേണ്ട നിർദ്ദേശങ്ങളാണ്.

1. അപകടസാധ്യത അറിയുക. നിങ്ങൾ താമസിക്കുന്ന പ്രദേശമനുസരിച്ച് നിങ്ങളുടെ അപകടസാധ്യതയെ അറിയണം. നാട്ടിൽ പൂരത്തിന് പോകുന്പോൾ സ്ത്രീകളെ കയറിപ്പിടിക്കുകയും അപമാനിക്കുകയും ചെയ്യാനുള്ള ശ്രമമാണ് കൂടുതൽ നടക്കുന്നത്. യൂറോപ്പിലിപ്പോൾ മ്യൂസിക്ക് ഫെസ്റ്റിവലിൽ പേടിക്കേണ്ടത് ബോംബും തോക്കും ട്രക്കുമൊക്കെയാണ്. ഇതറിഞ്ഞ് വേണം ആഘോഷങ്ങൾക്ക് പോകണോ വേണ്ടയോ എന്ന് തീരുമാനിക്കാൻ.

2. ഏതു സ്ഥലത്തെത്തിയാലും പരിസരം വീക്ഷിക്കുക, പരിസരത്തുള്ളവരെയും. എന്തെങ്കിലും അപകടമുണ്ടായാൽ എത്രയും പെട്ടെന്ന് സ്ഥലം കാലിയാക്കുന്നതെങ്ങനെ എന്ന് ചിന്തിക്കണം. ചുറ്റുപാടിൽ സംശയാസ്പദമായി എന്തെങ്കിലും കണ്ടാലുടൻ അധികാരികളെ അറിയിക്കുക. അവർ എന്ത് നടപടി എടുത്താലും സംശയം തോന്നിയാലുടൻ നമ്മൾ സ്ഥലം കാലിയാക്കുക.

3. വെടിയൊച്ച കേട്ടാലുടനെ ഒരുമിച്ച് രണ്ടുകാര്യങ്ങൾ ശ്രദ്ധിക്കണം. എവിടെനിന്നാണ് ശബ്ദം കേട്ടത്, ഏതുവഴി എളുപ്പത്തിൽ രക്ഷപെടാം. പണ്ടൊക്കെ വെടിയൊച്ച കേട്ടാൽ ഉടൻ കമിഴ്ന്നു കിടക്കുക എന്നതായിരുന്നു പരിശീലനം (മീശമാധവനിലെ പുരുഷുവിന്റെ ഡ്രിൽ ഓർക്കുക). തിരക്കുള്ള സ്ഥലത്ത് അത് ചെയ്യുന്നത് റിസ്ക് ആണ്. ബഹുഭൂരിപക്ഷവും തലങ്ങും വിലങ്ങും ഓടുന്പോൾ ആദ്യം കിടക്കുന്ന ആളെ ചവിട്ടി കൊല്ലും.

തോക്കുമായി ഒരാൾ പരിസരത്ത് എത്തിപ്പറ്റിയ സാഹചര്യത്തിൽ നാലു സാധ്യതകളാണ് നിങ്ങൾക്ക് മുന്നിലുള്ളത്. ഓടുക, ഒളിക്കുക, മരിച്ചതുപോലെ അഭിനയിക്കുക, തിരിച്ചടിക്കുക. ഓരോന്നിനും അതിന്റേതായ റിസ്‌ക്കുണ്ടെങ്കിലും തീരുമാനം എടുക്കാൻ വൈകരുത്.

നിങ്ങൾ ഒരു ആൾക്കൂട്ടത്തിന്റെ തുറന്ന പ്രദേശത്തോ ഹോട്ടലിലോ മാർക്കറ്റിലോ ആണെങ്കിൽ ഓട്ടം തന്നെ രക്ഷ. ഇവിടെ നിങ്ങളെ പ്രത്യേകം അന്വേഷിച്ചോ ഉന്നം വെച്ചോ അല്ല വെടിവെക്കുന്നത്. പരമാവധി ആളുകളെ കൊല്ലണമെന്നേ അക്രമിക്ക് ലക്ഷ്യമുള്ളൂ. വെടിശബ്ദം കേട്ടതിന്റെ എതിർദിശയിലേക്ക് പരമാവധി വേഗത്തിൽ ഓടുക. നേരെയല്ല, വളഞ്ഞ് തിരിഞ്ഞ് വേണം ഓടാൻ എന്നൊക്കെ ആളുകൾ പറയും. ശ്രദ്ധിക്കേണ്ട. വെടിവെക്കുന്നത് നിങ്ങളെ ഉന്നം വെച്ചല്ലാത്തതിനാൽ വളഞ്ഞാലും പുളഞ്ഞാലും അപകടസാധ്യത ഒന്നാണ്. പരമാവധി വേഗത്തിലോടി അക്രമിയിൽ നിന്ന് അകലെയാകാൻ ശ്രമിക്കുക, അതാണ് ബുദ്ധി.

നിങ്ങൾ നിങ്ങളുടെ ഓഫീസിലോ, വിമാനത്താവളത്തിലോ, അതുപോലെ അല്പം പരിചയമുള്ളതും കുറച്ചേറെ മുറികളും മറകളുമുള്ള സ്ഥലത്താണെങ്കിൽ ഒളിക്കുക എന്നതാണ് ബുദ്ധി. ഇതും രണ്ടു രീതിയിലുണ്ട്. ഒന്ന്, വെടിയുണ്ടയെ തടയുന്ന എന്തിന്റെയെങ്കിലും മറവിൽ. ഭിത്തി, വലിയ അലമാര എന്നിങ്ങനെ. രണ്ട്, അക്രമിക്ക് നമ്മളെ കാണാനാവാത്ത വിധത്തിൽ എന്തിന്റെയെങ്കിലും മറവിൽ. വാതിലിന്റെ പിന്നിൽ, മേശയുടെ അടിയിൽ എന്നിങ്ങനെ. ഒളിഞ്ഞിരിക്കുന്പോൾ എങ്ങനെ ഓടിരക്ഷപെടാമെന്നും അക്രമി തൊട്ടടുത്തെത്തിയാൽ എങ്ങനെ ഒന്ന് കൊടുക്കാമെന്നും മുൻ‌കൂർ ചിന്തിക്കണം.

വെടിവെപ്പിനിടയിൽ സെൽഫിയെടുക്കാൻ നിൽക്കരുത്. ഒളിച്ചിരിക്കുന്പോൾ മൊബൈൽഫോൺ ഉടനെ സൈലന്റിലാക്കണം, മറ്റുള്ളവരെയും അത് ഓർമ്മിപ്പിക്കണം.

അക്രമി മുന്നിലെത്തുകയും നമ്മളെ കണ്ടുപിടിക്കാൻ സാധ്യതയുണ്ടെന്നും തോന്നിയാൽ പിന്നെ മറ്റൊന്നും നോക്കാതെ നമുക്ക് ലഭ്യമായ എന്തുപയോഗിച്ചും അവരെ നേരിടണം. തോക്കിനെ പ്രതിരോധിക്കാൻ പറ്റിയ ആയുധം നമുക്ക് കിട്ടാൻ വഴിയില്ലാത്തതുകൊണ്ട് അക്രമി നമ്മളെ കാണുന്നതിനുമുന്പ് ആക്രമിക്കുക എന്നതാണ് ബുദ്ധി. ഒരു കസേര കൊണ്ടോ കോട്ട് ഹാങ്ങർ കൊണ്ടോ തലക്കടിക്കുക, കത്രികയുണ്ടെങ്കിൽ വയറിനിട്ട് കുത്തുക, കൂടുതലാളുകളുണ്ടെങ്കിൽ ഒച്ചയുണ്ടാക്കി ഓടിച്ചെന്ന് വലയം ചെയ്യുക. പറ്റിയാൽ മർമ്മത്തിൽ പിടിച്ചുടക്കുക, അല്ലെങ്കിൽ തൊഴിക്കുക. അക്രമിയോട് ജയിക്കാം എന്ന ധൈര്യത്തിലല്ല, ഒരു ചെറുത്തുനിൽപ്പും കൂടാതെ മരിച്ചുവീഴുന്നതിലും നല്ലതല്ലേ എന്നോർത്താണ് ഇതുപറയുന്നത്.

വെടിവെപ്പിൽ അനേകമാളുകൾ ദൂരേക്ക് ഓടിപ്പോകുകയും കുറേപ്പേർ വെടിയേറ്റു വീഴുകയും ചെയ്താൽ പിന്നെയുള്ള ഏക ആശ്രയം അഭിനയമാണ്. പരിക്കേറ്റവരുടെയും മരിച്ചവരുടെയും കൂടെ മരിച്ചതായി അഭനയിച്ചു കിടക്കുക. മൊബൈൽ സൈലന്റിലാക്കുകയോ എറിഞ്ഞുകളയുകയോ ചെയ്യുക. നമ്മിലേക്ക് ശ്രദ്ധയാകർഷിക്കുന്ന ഒന്നും ചെയ്യരുത്.

വെടിവെപ്പ് എന്നത് ഒരു നിർണ്ണായക സാഹചര്യമാണ്. അതിനാൽ സേഫ്റ്റി നിയമങ്ങൾ ലംഘിക്കുന്നതിൽ തെറ്റില്ല. കെട്ടിടത്തിന്റെ രണ്ടാമത്തെ നിലയിലാണ് നിങ്ങളെങ്കിൽ പുറത്തേക്ക് ചാടാം. കാലുകുത്തി ചാടാൻ ശ്രദ്ധിക്കണമെന്ന് മാത്രം. വെടിവെപ്പ് നടക്കുന്ന സ്ഥലത്ത് ജീവനിൽ കൊതിയുള്ളതിനാൽ പോലീസുകാരും വലിയ ടെൻഷനിലായിരിക്കും. അവരെ കണ്ടാലുടൻ ഒച്ചയുണ്ടാക്കാനോ ശ്രദ്ധയാകർഷിക്കാനോ പാടില്ല. നമ്മൾ ഓടിച്ചെല്ലുന്നതു കണ്ടാലും അക്രമികളെന്ന് തെറ്റിദ്ധരിച്ച് അവർ വെടിവെച്ചേക്കാം.

ഇതുപോലൊരു സാഹചര്യത്തിൽ പെട്ടാൽ ഭയം കാരണം മിണ്ടാനോ അനങ്ങാനോ പറ്റാത്ത അവസ്ഥയിലാകാൻ സാധ്യതയുണ്ട്. അതിനാലാണ് ഇത്തരം സാഹചര്യങ്ങളെ മുന്നേ കണ്ട് കരുതിയിരിക്കണം എന്നുപറയുന്നത്. ഇങ്ങനെയൊരു ലേഖനം വായിച്ചിരുന്നു എന്നത് പോലും ഇത്തരം ഒരവസരത്തിൽ നമുക്ക് ധൈര്യം തരും.

സുരക്ഷിതരായിരിക്കുക!

മുരളി തുമ്മാരുകുടി

Continue Reading
INDIA6 hours ago

ചൂട് കൂടുമ്പോൾ അടുക്കളയിലെ ഗ്യാസ് സിലിണ്ടർ പൊട്ടിത്തെറിക്കുമോ? മുരളി തുമ്മാരുകുടിയുടെ വിശദീകരണം.

KERALA7 hours ago

കേരളത്തിലെ ആദ്യ സഞ്ചരിക്കുന്ന പെട്രോള്‍ പമ്പ് മലപ്പുറത്ത്

MIDDLE EAST7 hours ago

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ല

KUWAIT8 hours ago

വ്യാജ സർട്ടിഫിക്കറ്റിൽ ജോലി നേടിയ മൂന്ന് ഇന്ത്യൻ എൻജിനീയർമാർ കുവൈറ്റിൽ പിടിയിൽ

KUWAIT8 hours ago

കുവൈറ്റിൽ സിവിൽ ഐ.ഡി ഫീസ് വർദ്ധിപ്പിക്കുമെന്ന വാർത്ത തെറ്റ്

MIDDLE EAST8 hours ago

ഒന്ന് ശ്രദ്ധ വെച്ചാൽ ദുബൈയിൽ ട്രാഫിക് ഫൈൻ പൂർണ്ണമായും ഒഴിവാക്കാം

MIDDLE EAST10 hours ago

സൗദിയിൽ പ്രസവാവധി നൽകാതെ മാനേജ്‌മെന്റ് പീഡിപ്പിച്ച മലയാളി നഴ്സ് ടിന്റു ഇന്ന് നാട്ടിലേക്ക്

KERALA1 day ago

ലോക്‌സഭാ തെരഞ്ഞെടുപ്പില്‍ യു.ഡി.എഫിനെ പിന്തുണക്കുമെന്ന് വെല്‍ഫെയര്‍ പാര്‍ട്ടി.

KUWAIT1 day ago

കുവൈറ്റിൽ പാസ്‌പോർട്ടിൽ ഇഖാമ സ്റ്റിക്കർ ഉള്ള വിദേശികൾ സിവിൽ ഐ ഡി വിവരങ്ങളിൽ മാറ്റം വരുത്തേണ്ട

KUWAIT1 day ago

കുവൈറ്റിൽ ഇനി ഡ്രൈവിംഗ് ലൈസൻസിനായി തിയ്യതി ഓൺലൈനായി ബുക്ക് ചെയ്യാം.

CRIME1 day ago

കോട്ടയത്ത് 18 കാരനെ പ്രകൃതി വിരുദ്ധ നടപടിക്ക് വിധേയനാക്കിയ എസ് .ഐ യെ കോടതി റിമാൻഡ് ചെയ്തു

KERALA1 day ago

ചാലക്കുടിയിൽ ജേക്കബ് തോമസ് ട്വന്റി-20 യുടെ സ്ഥാനാർഥിയായി മത്സരിക്കും

CRIME1 day ago

യുവാവിനെ ഗൾഫിലേക്ക് കൊണ്ട് പോയി വഞ്ചിച്ചു എന്ന കേസിൽ യുവതിയുടെ മുൻ‌കൂർ ജാമ്യാപേക്ഷ തള്ളി

KUWAIT1 day ago

വിദേശികളുടെ വിസിറ്റ് വിസ: ഗവർണറേറ്റുകൾക്ക് കുവൈറ്റ് ആഭ്യന്തര മന്ത്രാലയത്തിന്റെ പുതിയ നിർദ്ദേശം

MIDDLE EAST1 day ago

സൗദിയിൽ മരിച്ച മലയാളി യുവാവിന്റെ മൃതദേഹം മാറി. നാട്ടിലെത്തിയത് യുവതിയുടെ മൃതദേഹം

LATEST3 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED2 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST3 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME2 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാര്‍ക്ക് ബാധകമല്ല. ബാധകമാകുന്നത് ആര്‍ക്കൊക്കെ?

LATEST4 weeks ago

അഴിക്കുള്ളില്‍ ആവാതിരിക്കാനും നാട് കടത്തപ്പെടാതിരിക്കാനും സൗദിയിലെ പ്രവാസികള്‍ ഇത് നിര്‍ബന്ധമായി വായിക്കുക

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

LATEST4 weeks ago

സൗദിയില്‍ മദ്യകടത്തിന് മലയാളി കുടുംബം പിടിയിലായി; ഒരാഴ്ച്ചക്കിടെ അറസ്റ്റിലായത് ആറു മലയാളികള്‍

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

CRIME4 weeks ago

പതിനഞ്ചുകാരനായ വിദ്യാര്‍ത്ഥിയുമായി അധ്യാപികയുടെ ലൈംഗീക ബന്ധം ഭര്‍ത്താവ് പിടികൂടി

LAW3 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW3 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

SAUDI ARABIA4 weeks ago

ശ്രീലങ്കയില്‍ അവധി ആഘോഷിക്കാന്‍ പോയ രണ്ട് സൗദി പെണ്‍കുട്ടികള്‍ മുങ്ങി

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA4 weeks ago

സൗദി അറേബ്യയില്‍ ഇനി തൊഴില്‍ മന്ത്രാലയത്തോട് മലയാളത്തില്‍ സംസാരിക്കാം

Trending

Copyright © 2019 Pravasi Corner.

error: Content is protected !!