Connect with us

LATEST

തൊഴില്‍ കരാറും തൊഴിലാളികളും

Published

on

 

 

 

സൗദി അറേബ്യയില്‍ തൊഴില്‍ ചെയ്യുന്നതിന് വേണ്ടി തൊഴില്‍ വിസയില്‍ എത്തിയിട്ടുള്ള ഒരു വിദേശിയുടെ തൊഴില്‍ ജീവിതത്തെ നിയന്ത്രിക്കുന്ന ഒരു ആധികാരിക രേഖയാണ് തൊഴില്‍ കരാര്‍. ഇത് ഒരു തൊഴിലാളിയുടെ തൊഴില്‍ ജീവിത ഭരണഘടന ആണെന്ന് പറയാം. 

സാധാരണ ഗതിയില്‍ തൊഴില്‍ നിയമത്തില്‍ പൊതുവായി പറഞ്ഞിട്ടുള്ള ആനുകൂല്യങ്ങളും അവകാശങ്ങളും ഏതൊരു തൊഴിലാളിക്കും നിര്‍ബന്ധമായും ലഭിക്കും. ഈ പൊതുവായി പറഞ്ഞിട്ടുള്ള ആനുകൂല്യങ്ങളെയും അവകാശങ്ങളെയും ഓരോ തൊഴില്‍ സ്ഥാപനത്തിനും തൊഴിലാളിക്കും പ്രത്യേകമായി മാറ്റിയെടുക്കുകയാണ് തൊഴില്‍ കരാര്‍ ഉണ്ടാക്കുന്നതിലൂടെ ചെയ്യുന്നത്. അതിനു പുറമേ എന്തെല്ലാം ആനുകൂല്യങ്ങള്‍ നല്‍കാന്‍ സാധിക്കും എന്നും എന്തെല്ലാം കടമകള്‍ അല്ലെങ്കില്‍ കര്‍ത്തവ്യങ്ങള്‍ പ്രസ്തുത തൊഴിലാളി ചെയ്യണമെന്നും മറ്റുമുള്ള വിവരങ്ങള്‍ അതില്‍ ഉള്‍പ്പെടുത്തിയിട്ടുണ്ടാകും. 

സൗദി അറേബ്യയില്‍ തൊഴില്‍ കരാറിനെ സംബന്ധിച്ചിടത്തോളം ഒരു നിര്‍ബന്ധിത ഏകീകൃത രൂപം തൊഴില്‍ നിയമമോ തൊഴില്‍ മന്ത്രാലയമോ നല്‍കുന്നില്ല. ചില ജി സി സി രാജ്യങ്ങളില്‍ നിഷ്കര്‍ഷിക്കുന്നത് പോലെ തൊഴില്‍ മന്ത്രാലയം നല്‍കുന്ന രീതിയിലുള്ള തൊഴില്‍ കരാര്‍ മാത്രമേ ഉണ്ടാക്കാന്‍ പാടുള്ളൂ എന്ന നിബന്ധനയുമില്ല. അത് കൊണ്ട് തന്നെ സാധാരണ ഗതിയില്‍ ഓരോ തൊഴിലുടമയും തങ്ങളുടെ ബിസിനസ്സിന്റെ സുഗമമായ നടത്തിപ്പിന് അനുയോജ്യമായ രീതിയില്‍ തൊഴില്‍ കരാറിനെ രൂപപ്പെടുത്തി എടുക്കുകയാണ് ചെയ്യുന്നത്.

തൊഴില്‍ കരാറിന് രൂപം കൊടുക്കുന്നത് എപ്പോഴും തൊഴിലുടമകള്‍ ആയതിനാല്‍ സ്വാഭാവികമായും ആ കരാറുകള്‍ തൊഴിലുടമകളുടെ താല്‍പ്പര്യങ്ങള്‍ സംരക്ഷിക്കുന്ന രീതിയില്‍ ആയിരിക്കും. തൊഴിലാളികളില്‍ നിന്നും തൊഴില്‍ സ്ഥാപനത്തിനോ തൊഴിലുടമക്കോ ലഭിക്കേണ്ട പ്രയോജനങ്ങള്‍ക്ക് ആയിരിക്കും അതില്‍ കൂടുതല്‍ ഊന്നല്‍ നല്‍കിയിരിക്കുക. ചില സാഹചര്യങ്ങളില്‍ തൊഴിലാളികളുടെ അവകാശങ്ങള്‍ അവര്‍ പോലും അറിയാതെ കവര്‍ന്നെടുക്കുന്ന തരത്തില്‍ വിദഗ്ദമായി അവക്കു രൂപം നല്‍കിയിരിക്കും. മറ്റു ചിലപ്പോള്‍ തൊഴിലാളികള്‍ക്ക് അര്‍ഹതപ്പെട്ട അവകാശങ്ങള്‍ നിഷേധിക്കപ്പെട്ടിട്ടുണ്ടാകും. എന്നാല്‍ ഇതെല്ലാം ഒരു കരാറില്‍ ഒപ്പിട്ടു പോയതിനാല്‍ ആ കരാര്‍ കാലാവധിയില്‍ നിശബ്ദമായി സഹിക്കുകയാണ് സാധാരണയായി വിദേശ തൊഴിലാളികള്‍ ചെയ്യുന്നത്. പ്രതിഷേധമുയര്‍ത്തുന്നവര്‍ വിരളമാണ്.    

ഈ സാഹചര്യത്തില്‍ തങ്ങള്‍ ഒപ്പിടുന്ന തൊഴില്‍ കരാറിന്റെ സ്വഭാവത്തെ സംബന്ധിച്ച് ഒരു വിദേശ തൊഴിലാളി ബോധാവാനാകേണ്ടതുണ്ട്. തൊഴില്‍ കരാര്‍ മുഴുവനായി വായിച്ചു നോക്കി അതിലെ വ്യവസ്ഥകള്‍ പൂര്‍ണ്ണമായും മനസ്സിലാക്കിയതിനു ശേഷമായിരിക്കണം ഒപ്പിട്ടു നല്‍കേണ്ടത്. ഒരു വിദേശ തൊഴിലാളി തന്റെ ഒപ്പിന്റെ വില മനസ്സിലാക്കേണ്ടത് ഈ സാഹചര്യത്തിലാണ്. ഒരിക്കല്‍ ഒപ്പ് വെച്ചു കഴിഞ്ഞാല്‍ പ്രസ്തുത കരാറിലെ ഉള്ളടക്കം നിയമ വിരുദ്ധമാണെങ്കില്‍ പോലും ആവശ്യമായ തിരുത്തലുകള്‍ വരുത്തണമെങ്കില്‍ ചിലവഴിക്കേണ്ടി വരുന്ന സമയവും അദ്ധ്വാനവും ഏറെയാണ്‌. അതിനാല്‍ തൊഴില്‍ കരാര്‍ ഒപ്പ് വെക്കുന്നതിനു മുന്പായി അതിലെ ഉള്ളടക്കം വായിച്ചു മനസ്സിലാക്കേണ്ടത് അത്യന്താപേക്ഷിതമാണ്‌. 

തൊഴില്‍ കരാറും മറ്റു രേഖകളും ഔദ്യോഗിക ഭാഷയായ അറബിയില്‍ തന്നെയാവണം

അഡ്വ.ഷിയാസ് കുഞ്ഞിബാവ

അഡ്വ.ഷിയാസ് കുഞ്ഞിബാവ

എന്ന് തൊഴില്‍ നിയമത്തില്‍ വ്യക്തമായി പറയുന്നുണ്ട്. അത് കൊണ്ട് തന്നെ സ്വദേശി കമ്പനികളുടെ തൊഴില്‍ കരാറുകള്‍ പലപ്പോഴും അറബി ഭാഷയില്‍ തന്നെയായിരിക്കും. അതെ സമയം അറബി ഭാഷയ്ക്ക്‌ പുറമേ തൊഴില്‍ കരാറില്‍ മറ്റേതെങ്കിലും വിദേശ ഭാഷ ഉപയോഗിക്കുന്നതിനെ തൊഴില്‍ നിയമം എതിര്‍ക്കുന്നില്ല. ഇക്കാരണത്താല്‍ പ്രായോഗികമായ സൗകര്യത്തിനു വേണ്ടി സാധാരണയായി സൗദി അറബ്യയില്‍ തൊഴില്‍ കരാറുകള്‍ ദ്വിഭാഷാ സംവിധാനത്തില്‍ ആണ് തയ്യാറാക്കപ്പെടുന്നത്. (ഉദാഹരണമായി ഒരു കരാറില്‍ തന്നെ ഇംഗ്ളീഷും അറബിയും ഇരു വശങ്ങളിലുമായി ഉപയോഗിക്കുന്നു) എന്നാല്‍ ദ്വിഭാഷാ കരാറുകളിലെ ഉള്ളടക്കത്തില്‍ വ്യത്യാസം ഉണ്ടാകരുത്. ഏതെങ്കിലും കാരണവശാല്‍ രണ്ടു ഭാഷകളിലും ഉള്ളടക്കത്തില്‍ ആശയ കുഴപ്പം ഉണ്ടായാല്‍ അറബി ഭാഷയില്‍ തയ്യാറാക്കപ്പെട്ട ഉള്ളടക്കം ആയിരിക്കും നിയമപരമായി നില നില്‍ക്കുക എന്ന് സൗദി തൊഴില്‍ നിയമം അര്‍ത്ഥശങ്കക്ക് ഇടയില്ലാത്ത വിധം വ്യക്തമാക്കുന്നു. 

താന്‍ ഒപ്പിട്ടു നല്‍കേണ്ട തൊഴില്‍ കരാര്‍ അറബി ഭാഷയില്‍ മാത്രമുള്ളതാണെങ്കില്‍ പ്രസ്തുത കരാര്‍ അറബി – ഇംഗ്ളീഷ് ഭാഷയില്‍ തയ്യാറാക്കുവാന്‍ തൊഴിലാളിക്ക് ആവശ്യപ്പെടാവുന്നതാണ്. ഇവിടെയും ചതിക്കുള്ള സാധ്യതകള്‍ ഏറെയാണ്‌. സാധാരണ ഗതിയില്‍ ഏഷ്യന്‍ രാജ്യങ്ങളില്‍ നിന്നുള്ള തൊഴിലാളികള്‍ വായിക്കുക ഇംഗ്ളീഷില്‍ ഉള്ള ഉള്ളടക്കം ആയിരിക്കും. അതില്‍ എന്ത് തന്നെ പറഞ്ഞാലും അറബി ഭാഷയില്‍ ഉള്ള ഉള്ളടക്കത്തിനോട് ആശയ കുഴപ്പം ഉണ്ടെങ്കില്‍ അതിന് നിയമ സാധുത ഉണ്ടാകില്ല. അതിനാല്‍ തൊഴില്‍ കരാറുകള്‍ ഒരു ഔദ്യോഗിക വിവര്‍ത്തകനെ കൊണ്ട് വിവര്‍ത്തനം ചെയ്യിച്ചു നോക്കിയതിനു ശേഷം മാത്രമേ ഒപ്പിടാവൂ എന്നാണു നിയമ രംഗത്തുള്ളവര്‍ നല്‍കുന്ന ഉപദേശം. എന്നാല്‍ താഴെക്കിടയിലുള്ള തൊഴിലാളികളും ബ്ളൂ കോളര്‍ ജോലികള്‍ ചെയ്യുന്ന തൊഴിലാളികളും ഇതിനൊന്നും സമയം ചിലവഴിക്കാറില്ല. അത് കൊണ്ട് തന്നെ പലപ്പോഴും ചതിയില്‍ അകപ്പെടുകയും ചെയ്യുന്നു. എന്തിനേറെ, ഒരു ചെറിയ ശതമാനം വൈറ്റ് കോളര്‍ ജോലിക്കാര്‍ പോലും തൊഴില്‍ കരാര്‍ ഒപ്പിടുന്ന സമയത്ത് ആവശ്യമായ ശ്രദ്ധ പുലര്‍ത്തുന്നത് കാണാറില്ല. 

മറ്റൊരു കാര്യം പ്രത്യേകം ശ്രദ്ധിക്കേണ്ടത് തൊഴില്‍ നിയമത്തില്‍ പൊതുവായി പറഞ്ഞിട്ടുള്ള ആനുകൂല്യങ്ങളും അവകാശങ്ങളും ഏതൊരു തൊഴിലാളിക്കും നിര്‍ബന്ധമായും ലഭിക്കും എന്നതിന് പുറമേ തൊഴിലാളികളുടെ റിലീസിനെ സംബന്ധിച്ചോ സെറ്റില്‍മെന്റ് സംബന്ധിച്ചോ ഉള്ള അവകാശങ്ങളുടെ കാര്യത്തില്‍ തൊഴില്‍ നിയമത്തില്‍ പറയാത്ത നിബന്ധനകളും ആനുകൂല്യങ്ങളും തൊഴില്‍ കരാറില്‍ ചേര്‍ക്കാവുന്നതാണ് എന്നതാണ്. അക്കാര്യങ്ങള്‍ക്കും നിയമ പരിരക്ഷ ഉണ്ടാകും.

എന്നാല്‍ ഈ പരിരക്ഷ നിബന്ധനകള്‍ക്ക് വിധേയമായിട്ടായിരിക്കും തൊഴില്‍ നിയമം ലഭ്യമാക്കുക. അതായാത് മേല്‍ പറഞ്ഞ ആനുകൂല്യങ്ങളും നിബന്ധനകളും തൊഴിലാളിക്ക് കൂടുതല്‍ പ്രയോജനകരമാണെങ്കില്‍ അവ തൊഴില്‍ നിയമത്തില്‍ നിഷ്കര്‍ഷിച്ചിട്ടില്ലെങ്കിലും തൊഴില്‍ നിയമം അംഗീകരിക്കും. എന്നാല്‍ തൊഴില്‍ നിയമത്തില്‍ പറയാത്ത ഏതെങ്കിലും കാര്യങ്ങള്‍ തൊഴിലാളികള്‍ക്ക് ദോഷകരമായി വരുന്ന രീതിയില്‍ എഴുതി ചേര്‍ത്താല്‍ അതിനു നിയമ പരിരക്ഷ ഉണ്ടാവില്ല. അവ തുടക്കത്തിലേ അസാധുവായിരിക്കും എന്നാണു തൊഴില്‍ നിയമത്തിലെ വകുപ്പ് എട്ടു വ്യക്തമാക്കുന്നത്. 

അതു കൊണ്ട് തന്നെ ഈ ഒരു വകുപ്പ് തൊഴിലാളികള്‍ക്ക് ഏറ്റവും പ്രയോജനകരമായ ഒരു വകുപ്പായിട്ടാണ് തൊഴില്‍ നിയമ വിദഗ്ദര്‍ കണക്കാക്കുന്നത്. ഈ ഒരു വകുപ്പിനെ ഉപയോഗിച്ച് കൊണ്ട് തന്നെ അന്യായമായ നിബന്ധനകളെയും തൊഴിലാളി വിരുദ്ധമായ നടപടിക്രമങ്ങളെയും ഗുണപരമായി പ്രതിരോധികാന്‍ ഒരു തൊഴിലാളിക്ക് സാധിക്കും. അതില്‍ നിന്നെലാം ഒരു തൊഴിലാളിക്ക് സംരക്ഷണം നല്‍കുകയും ചെയ്യുന്നു. സൗദി തൊഴില്‍ നിയമ പ്രകാരം ഈ പരിരക്ഷ സ്വദേശി – വിദേശി വ്യത്യാസമില്ലാതെ എല്ലാ തൊഴിലാളികള്‍ക്കും ലഭ്യമാകുകയും ചെയ്യും.     

തൊഴില്‍ കാരാര്‍ ഒപ്പിട്ടു കഴിഞ്ഞാല്‍  താന്‍ ഒപ്പിട്ട കരാറിന്‍റെ ഒരു കോപ്പി തൊഴിലാളി നിര്‍ബന്ധമായും കൈവശം സൂക്ഷിക്കണം. ഭാവിയില്‍ ഉണ്ടാകാവുന്ന ഒട്ടേറെ പ്രശ്നങ്ങള്‍ക്ക് ആകമാനം തെളിവായി ഹാജരാക്കാന്‍ സാധിക്കുന്ന ഒരു ആധികാരിക രേഖയാണത്. തൊഴില്‍ കരാറിന് പകര്‍പ്പുകള്‍ ഉണ്ടാകണമെന്നും ഒരു കോപ്പി വീതം തൊഴിലുടമയും തൊഴിലാളിയും കൈവശം സൂക്ഷിക്കണമെന്നും തൊഴില്‍ നിയമം അനുശാസിക്കുന്നുണ്ട്. 

 

Advertisement

KERALA

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

Published

on

ഒറ്റപ്പാലത്തുള്ള ബാങ്ക് ഇന്ത്യയിൽ നിന്നും പണം വിട്ടുകിട്ടാൻ അനാവശ്യമായ തിടുക്കം കാട്ടിയിട്ടില്ലെന്ന് ജീവകാരുണ്യ പ്രവർത്തകൻ ഫിറോസ് കുന്നംപറമ്പിൽ.

പതിനൊന്ന് ദിവസം കാത്തിരുന്നതിന് ശേഷവും അനാസ്ഥ തുടർന്നപ്പോഴാണ് കുട്ടികളുടെ ചികിത്സയെ ബാധിക്കുന്നത് കൊണ്ടും ആ പണത്തിൽ നിന്നും മറ്റുള്ളവർക്ക് സഹായം നൽകേണ്ടത് കൊണ്ടും കാര്യങ്ങൾ പുറം ലോകത്തോട് തുറന്ന് പറഞ്ഞത്.

പത്ത് ലക്ഷം രൂപ ഇതിനകം തന്നെ ബാങ്കിൽ നിന്നും അവർക്ക് നൽകി കഴിഞ്ഞു. ബാങ്കിൽ നിന്നും ഇന്നലെ ലഭിച്ച പണത്തിൽ നിന്ന് ഇനിയും പത്ത് ലക്ഷം രൂപയോളം ആ കുട്ടികളുടെ ചികിത്സക്ക് തന്നെ ചിലവുണ്ട്. പത്ത് ലക്ഷം രൂപ ഭാവിയിലെ ചികിത്സക്കായി നൽകും. പത്ത് ലക്ഷം രൂപ ഇളയ പെൺകുട്ടിയുടെ വിവാഹ ചിലവിലേക്കായി മാറ്റി വെക്കും. ഭാവിയിലും അവർക്ക് ആവശ്യമായ സഹായം ചെയ്യും.

ഇന്നലെ രാത്രി തന്നെ ആ പണത്തിൽ നിന്നും അഞ്ച് ലക്ഷം രൂപ ചെർപ്പുളശ്ശേരിയിലുള്ള രതീഷ് എന്ന ചെറുപ്പക്കാരന്റെ ഹൃദയ ശസ്ത്രക്രിയക്കായി നൽകി. ഹൃദയ ശസ്ത്രക്രിയക്ക് പണമില്ലാതെ അപകടകരമായ അവസ്ഥയിൽ ആയിരുന്നു ആ ചെറുപ്പക്കാരൻ.

ഇന്ന് രാവിലെ ശ്വാസ കോശം ചുരുങ്ങി വരുന്ന രോഗമുള്ള ഒരു കുട്ടിക്ക് അഞ്ചു ലക്ഷം രൂപ നൽകി. വെളിയങ്കോട് പഴനിലം മുനീറയുടെ പതിനൊന്ന് മാസം മാത്രം പ്രായമുള്ള കുട്ടിയുടെ ചികിത്സക്കാണ് ആ പണം നൽകിയത്. ശ്വാസകോശം ചുരുങ്ങി ശ്വാസം കിട്ടാത്ത അവസ്ഥയിൽ ആണ് ആ കുട്ടി.

ഇത്തരത്തിൽ ദിവസവും പത്ത് കേസുകളോളം കൈകാര്യം ചെയ്യുന്നുണ്ട്. അവർക്കെല്ലാം കൊടുക്കാൻ പണം ആവശ്യമാണ്. ബാങ്കിൽ പണം കിടന്നാൽ ജീവന് വേണ്ടി ചികിത്സക്കായി പണത്തിന് ആവശ്യമുള്ളവർക്ക് പണം നൽകാൻ സാധിക്കില്ല. അത് കൊണ്ട് തന്നെയാണ് ബാങ്ക് സാങ്കേതിക കാരണങ്ങൾ പറഞ്ഞ് പണം നൽകാതെ നീട്ടിക്കൊണ്ടു പോയപ്പോൾ പ്രതികരിക്കേണ്ടി വന്നത്.

ഓരോ ദിവസവും വരുന്ന എല്ലാ കേസുകളും വിഡിയോയിൽ പകർത്താറില്ല. ഒരു കേസിൽ ലഭിച്ച പണം ആ ആവശ്യം കഴിഞ്ഞ് ബാക്കി വന്നാൽ മറ്റുള്ളവരുടെ ചികിത്സക്കായി വീതിച്ചു നൽകുകയാണ് പതിവ്.

ജാതിയും മതവും രാഷ്ട്രീയവും നോക്കാതെ നന്മ ചെയ്യമ്പോൾ അത് വിവാദമാക്കാൻ ശ്രമിക്കുന്ന ആളുകളും പ്രസ്ഥാനങ്ങളും ഏതാണെന്ന് ജനങ്ങൾ തിരിച്ചറിയണം. എനിക്ക് രാഷ്ട്രീയമുണ്ട്. പക്ഷെ അത് ഞാൻ എന്റെ പ്രവർത്തനങ്ങളെ ബാധിക്കുന്ന രീതിയിൽ ഇടെപെടുത്താറില്ല.

ഒറ്റപ്പാലത്തെ കുട്ടികൾക്ക് ലഭിച്ച ഒരു കോടി പതിനേഴ് ലക്ഷത്തിലെ അവസാനത്തെ പണവും നൽകി കഴിഞ്ഞാൽ അതിന്റെ സ്റ്റേറ്റ്മെന്റുകളുമായി ഞാൻ നിങ്ങളുടെ മുന്നിലേക്ക് വരും. ഇനിയും എല്ലാവരുടെയും പിന്തുണയും സഹകരണവും ഉണ്ടാകണമെന്നും ഫിറോസ് പറഞ്ഞു.

Continue Reading

LATEST

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

Published

on

സൗദി അറേബ്യയിൽ താമസിക്കുന്ന സ്വദേശികളും വിദേശികളുമായ തീർത്ഥാടകർക്ക് ഹജ്ജും ഉംറയും നിർവഹിക്കാനായി മക്കയിലേക്കും തീർത്ഥാടനത്തിന് ശേഷം തിരിച്ച് വീട്ടിലേക്കും തങ്ങളുടെ ഭാരം പിടിച്ച ലഗേജുകൾ വഹിച്ചു കൊണ്ടുള്ള യാത്രകൾ ഒഴിവാക്കാനുള്ള പദ്ധതിയുമായി സൗദി പോസ്റ്റ് അധികൃതർ രംഗത്ത്.

ഇത് സംബന്ധിച്ച പദ്ധതി ആഭ്യന്തര ഹജ്ജ് കമ്പനികൾക്കായുള്ള കോർഡിനേഷൻ കമ്മിറ്റി പഠിച്ചു വരുന്നു. ഈ വർഷത്തെ ഹജ്ജ് സീസണിൽ തന്നെ പരീക്ഷണാടിസ്ഥാനത്തിൽ പദ്ധതി നടപ്പാക്കാനാണ് കൗൺസിൽ ആലോചിക്കുന്നത്. പദ്ധതി വിജയകരം ആണെങ്കിൽ വരും വർഷങ്ങളിലേക്കും പദ്ധതി വ്യാപിപ്പിക്കും.

രാജ്യത്തെ എല്ലാ സ്ഥലങ്ങളിൽ നിന്നും ലഗേജുകൾ മക്കയിലും തിരിച്ച് അവരവരുടെ വീടുകളിലും സൗദി പോസ്റ്റ് എത്തിച്ചു നൽകും. ആവശ്യപ്പെട്ടാൽ ലഗേജുകൾ സൗദി പോസ്റ്റ് ജീവനക്കാർ വീടുകളിൽ വന്ന് ശേഖരിക്കും.

ഇതിന് നൂറ് റിയാൽ നൽകേണ്ടി വരും. മറിച്ച് ലഗേജുകൾ സൗദി പോസ്റ്റ് ഓഫീസുകളിൽ എത്തിക്കുകയാണെങ്കിൽ എഴുപത് റിയാൽ മാത്രം നൽകിയാൽ മതിയാകും.

Continue Reading

LATEST

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

Published

on

സൗദി അറേബ്യയിൽ കൊടും ചൂട് മൂലം പാർക്ക് ചെയ്തിരുന്ന കാറുകളുടെ ബമ്പറുകൾ ഉരുകി ഒലിക്കുന്നതായുള്ള ചിത്രങ്ങൾ കഴിഞ്ഞ രണ്ടു ദിവസങ്ങളായി സമൂഹ മാധ്യമങ്ങളിൽ വ്യാപകമായി പ്രചരിക്കുകയായിരുന്നു.

പാർക്കിങ് ഏരിയയിൽ പാർക്ക് ചെയ്തിരുന്ന രണ്ടു കാറുകളുടെ പിറകു വശത്തെ ബമ്പറുകൾ ഉരുകി ഒലിച്ചു താഴെ ഒലിച്ചിറങ്ങുന്ന ചിത്രങ്ങളായിരുന്നു പ്രചരിച്ചിരുന്നത്. അൻപത്തി രണ്ടു ഡിഗ്രി ചൂടിൽ കാറുകൾ ഉരുകി ഒലിക്കുന്നു എന്ന തലക്കെട്ടോട് കൂടിയായിരുന്നു ചിത്രങ്ങൾ പ്രചരിച്ചിരുന്നത്.

ചിത്രങ്ങൾ ലഭിച്ചവർ നവമാധ്യമങ്ങളിലൂടെ ഇവ വീണ്ടും വീണ്ടും ഷെയർ ചെയ്തതോടെ ചിത്രങ്ങൾ പെട്ടെന്ന് തന്നെ വൈറലായി. എവിടെയാണ് ഇത് സംഭവിച്ചത് എന്ന് ആദ്യം ചിത്രങ്ങൾ ലഭിച്ചവർക്ക് അറിയാത്തതിനാൽ അവർ ഊഹിച്ച് ഓരോ സ്ഥലങ്ങളുടെ പേരുകൾ വെച്ച് ചിത്രങ്ങൾ മറ്റുള്ളവർക്ക് ഫോർവേർഡ് ചെയ്തു.

വ്യാജ ചിത്രങ്ങൾ പ്രചരിച്ചതോടെ ചൂട് കൂടിയ സ്ഥലങ്ങളിൽ താമസിക്കുന്നവർക്കും ജോലിയെടുക്കുന്നവർക്കും ആശങ്കയായി. പലരും തങ്ങളുടെ പുതിയ കാറുകൾ ചൂട് കുറഞ്ഞ സ്ഥലങ്ങളിലുള്ള ബന്ധുക്കളുടെയും സുഹൃത്തുക്കളുടെയും ഇടങ്ങളിലേക്ക് മാറ്റി.

പക്ഷെ ഒരു രണ്ടു ദിവസത്തിനകം തന്നെ വാർത്തയുടെ സത്യാവസ്ഥ വെളിവാക്കി മാധ്യമങ്ങൾ രംഗത്ത് വന്നു. ചിത്രത്തിൽ കാണുന്നത് പോലെ ഒരു സംഭവം സൗദിയിൽ നടന്നിട്ടില്ല. കാറുകൾ ഉരുകി ഒലിക്കാൻ മാത്രം ഉയർന്ന ചൂട് ഉണ്ടായിട്ടുമില്ല.

ചിത്രത്തിൽ കാണുന്നത് അമേരിക്കയിലെ അരിസോണയിൽ വച്ചെടുത്ത കാറുകളുടെ ചിത്രങ്ങളാണ് എന്ന് പത്രങ്ങൾ റിപ്പോർട്ട് ചെയ്തു. അവിടെ വെയിൽ മൂലമല്ല മറിച്ച് ചെറിയ തീപിടുത്തത്തിൽ സംഭവിച്ചതാണ് എന്ന് വെളിപ്പെട്ടു. അരിസോണയിലെ ഒരു നിർമാണ പദ്ധതിയുടെ സൈറ്റിലെ കാറുകളുടെ ബമ്പറുകൾ ആണ് ഇപ്രകാരം ഉരുകി ഒലിച്ചത്. മൊത്തത്തിൽ പന്താണ്ടോളം കാറുകൾക്ക് ഇങ്ങിനെ ഭാഗികമായി കേട് സംഭവിച്ചതായും റിപ്പോർട്ട് ചെയ്യപ്പെട്ടിരുന്നു.

അരിസോണയിലെ ഒരു പ്രാദേശിക വെബ്‌സൈറ്റിൽ 2018 ൽ ജൂണിൽ പ്രസിദ്ധീകരിച്ച വാർത്തയിലെ ചിത്രങ്ങളാണ് ഏതോ വിരുതന്മാർ സൗദിയിലെ കൊടും ചൂടിൽ ഉരുകി ഒലിക്കുന്ന കാറുകളാക്കി സോഷ്യൽ മീഡിയകളിൽ പ്രചരിപ്പിച്ചത്.

Continue Reading
KERALA2 weeks ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST2 weeks ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST2 weeks ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST2 weeks ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA2 weeks ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA2 weeks ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH2 weeks ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME2 weeks ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME2 weeks ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA2 weeks ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH2 weeks ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

KERALA2 weeks ago

അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

KUWAIT2 weeks ago

വിമാനത്താവളത്തിൽ നിന്നും യാ​ത്ര​ക്കാ​രി​യെ പീഡി​പ്പി​ച്ച​യാൾ അറസ്റ്റിൽ.

CRIME4 weeks ago

വിമാനത്തിൽ എയർഹോസ്റ്റസിനെ ലൈംഗിക ചേഷ്ട കാണിച്ച മലയാളി അറസ്റ്റിൽ.

CRIME2 weeks ago

മുർതസയുടെ വധശിക്ഷ നടപ്പാക്കരുതെന്ന് സൗദിയോട് ആംനെസ്റ്റി ഇന്റർനാഷണൽ.

LATEST3 weeks ago

സൗദിയിൽ ബീഫ് തീറ്റിച്ചുവെന്ന ഇന്ത്യക്കാരന്റെ പരാതിയിൽ വഴിത്തിരിവ്.

CRIME4 weeks ago

സൗദിയിൽ വാരാന്ത്യ സ്ത്രീ-പുരുഷ ഡാൻസ് പാർട്ടി. 20 പേർ പിടിയിൽ.

LATEST2 weeks ago

ദുബൈ അപകടം: അപകട കാരണത്തിന്റെ വ്യക്തമായ ചിത്രം ലഭ്യമാവുന്നു.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

CRIME4 weeks ago

സൗദിയിൽ നിന്നും അവധിക്ക് നാട്ടിലെത്തിയ യുവാവ് അടിയേറ്റ് മരിച്ചു.

HEALTH4 weeks ago

പ്രാർത്ഥനകൾ സഫലം. സോനാ മോൾ മടങ്ങി വരുന്നു ജീവിതത്തിലേക്ക്.

LATEST3 weeks ago

സൗദിയിൽ ലക്ഷക്കണക്കിന് വിദേശികൾക്ക് പുതിയ തൊഴിലവസരം ഒരുങ്ങുന്നു.

LATEST4 weeks ago

സൗദിയിൽ നിന്ന് ഒരു മിനിട്ട് കൊണ്ട് നാട്ടിലേക്ക് പണമയക്കാം – വീഡിയോ.

LATEST2 weeks ago

ദുബൈ ബസ് അപകടത്തിന്റെ കാരണമായി ഡ്രൈവർ പറയുന്നത്……

INDIA3 weeks ago

യാത്രയിൽ വിമാനത്തിന് അകത്ത് പ്രവാസി മലയാളി മരിച്ചു. വിമാനം തിരിച്ചിറക്കി.

LATEST3 weeks ago

ഭാഗ്യം കേരളത്തിലേക്ക്…ഇത്തവണ 18.85 കോടി പന്തളം സ്വദേശിക്ക്.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

KERALA2 weeks ago

യതീഷ് ചന്ദ്രക്ക് സ്ഥലം മാറ്റം. കേരളത്തിലെ മികച്ച ക്രമസമാധാന പാലകനെ ഒതുക്കി?

Trending

error: Content is protected !!