Connect with us

LATEST

സൗദിയിലെ പുതിയ തൊഴില്‍ നിയമ ഭേദഗതി – വിദേശികളെ ബാധിക്കുന്ന പ്രധാന പിഴ ശിക്ഷകള്‍

Published

on

 

 

സൗദി അറേബ്യയില്‍ നിലവിലുള്ള തൊഴില്‍ നിയമത്തില്‍ കഴിഞ്ഞ വര്‍ഷം ഒക്ടോബര്‍ മാസം 18 ന് (Ministerial Resolution Number 4786 dated 28/12/1436H – equivalent to 12 October 2015) തൊഴില്‍ മന്ത്രാലയ നിര്‍ദേശ പ്രകാരം മന്ത്രിസഭ സമൂലമായ ഭേദഗതികള്‍ അംഗീകരിക്കുകയുണ്ടായി. തൊഴില്‍ നിയമത്തിന്‍റെ കാര്‍ക്കശ്യം ഉറപ്പു വരുത്തുന്നതോടൊപ്പം തന്നെ സ്വദേശികള്‍ക്ക് തൊഴിലവസരങ്ങള്‍ക്കുള്ള അവസരങ്ങള്‍ ഉറപ്പു വരുത്താനും ശ്രമിച്ചിട്ടുണ്ട്. തൊഴില്‍ നിയമ ലംഘനങ്ങള്‍ക്കും നല്‍കുന്ന ശിക്ഷകളിലും ധാരാളം ഭേദഗതികള്‍ നടത്തിയിട്ടുണ്ട്.
വിദേശ തൊഴിലാളികളെ സംബന്ധിച്ചിടത്തോളം ഏറെ ഗുണകരമായ ചില നിയമ വ്യവസ്ഥകള്‍ പുതിയ ഭേദഗതിയില്‍ ഉള്‍പ്പെടുത്തിയിട്ടുണ്ട്. പാസ്പോട്ട്, റിക്രൂട്ട്മെന്റ്, ആശ്രിതരുടെ തൊഴില്‍, വര്‍ക്ക് പെര്‍മിറ്റ്‌ എന്നിവ വിദേശ തൊഴിലാളികള്‍ക്ക് അനുകൂലമാണ്.
പാസ്പോര്‍ട്ട് വിദേശ തൊഴിലാളിയുടെ സ്വകാര്യ സ്വത്ത്‌ എന്ന സ്വാഭാവിക നിയമം അരക്കിട്ട് ഉറപ്പിക്കുന്നതാണ് പുതിയ തൊഴില്‍ നിയമ ഭേദഗതികളില്‍ പ്രധാനമ ഒന്ന്. പാസ്പോര്‍ട്ട് തൊഴിലാളി മാത്രമാണ് സൂക്ഷിക്കേണ്ടത്. അതു പിടിച്ചു വെക്കാന്‍ തൊഴിലുടമകള്‍ക്ക് അധികാരമില്ല. അന്യായമായി തൊഴിലാളിയുടെ പാസ്പോര്‍ട്ട് പിടിച്ചു വെക്കുന്ന തൊഴിലുടമകള്‍ക്ക് 2000 റിയാല്‍ പിഴ ശിക്ഷ പുതിയ നിയമ ഭേദഗതി വ്യവസ്ഥ ചെയ്യുന്നു. ഓരോ തൊഴിലാളിയുടെ പാസ്പോര്‍ട്ടിനും 2000 റിയാല്‍ വീതമാണ് പിഴയായി തൊഴിലുടമയില്‍ നിന്ന് ഈടാക്കുക.
വിദേശ തൊഴിലാളികളെ സംബന്ധിച്ചിടത്തോളം വളരെ ഗുണകരമായ മറ്റൊരു ഭേദഗതി റിക്രൂട്ട്മെന്റ് ചിലവുകളെ സംബന്ധിച്ചുള്ളതാണ്. തൊഴിലാളിയുടെ റിക്രൂട്ട്മെന്റ് ചിലവുകള്‍ വഹിക്കേണ്ടത് തൊഴില്‍ നിയമ പ്രകാരം തൊഴിലുടമയുടെ മാത്രം ഉത്തരവാദിത്വമാണ്. യാതൊരു കാരണവശാലും ഈ തുക തൊഴിലാളിയില്‍ നിന്നും ഈടാക്കുവാന്‍ പാടില്ല. ഈ തുക തൊഴിലാളിയില്‍ നിന്നും ഈടാക്കിയതായി തെളിഞ്ഞാല്‍ ഓരോ തൊഴിലാളിക്കും 10,000 റിയാല്‍ വീതം പിഴയായി തൊഴില്‍ മന്ത്രാലയം തൊഴിലുടമയില്‍ നിന്ന് ഈടാക്കണമെന്ന് നിയമ ഭേദഗതിയിലൂടെ തൊഴില്‍ നിയമം അനുശാസിക്കുന്നു.
വിദേശ തൊഴിലാളികളുടെ വര്‍ക്ക് പെര്‍മിറ്റിന്റെ നിബന്ധന പുതിയ തൊഴില്‍ നിയമ ഭേദഗതിയോടെ കൂടുതല്‍ കര്‍ക്കശമാക്കിയിരിക്കുന്നു. എല്ലാ വിദേശ തൊഴിലാളികള്‍ക്കും തൊഴിലുടമ നിര്‍ബന്ധമായും വര്‍ക്ക് പെര്‍മിറ്റ്‌ എടുത്തിരിക്കണം. അവ കാലാനുസൃതമായി പുതുക്കുകയും വേണം. വര്‍ക്ക് പെര്‍മിറ്റ്‌ ഇല്ലാത്ത തൊഴിലാളിയെ ജോലിക്ക് വെക്കുകയോ വര്‍ക്ക് പെര്‍മിറ്റ്‌ കാലാനുസൃതമായി പുതുക്കാതിരിക്കുകയോ ചെയ്താല്‍ ഓരോ തൊഴിലാളിക്കും 20,000 റിയാല്‍ വീതം പിഴ ശിക്ഷ നല്‍കേണ്ടി വരും. തൊഴിലാളികളുടെ എണ്ണത്തിനനുസരിച്ചു ഈ സംഖ്യ ഗുണിതങ്ങളായി ഉയര്‍ന്നു കൊണ്ടിരിക്കും.
നിബന്ധനകള്‍ക്ക് വിധേയമായി വിദേശികളുടെ ആശ്രിതര്‍ക്ക് ജോലി ചെയ്യാനുള്ള അനുവാദം തൊഴില്‍ മന്ത്രാലയം നല്‍കിയിട്ടുണ്ട് എങ്കിലും അനുവാദ പത്രം ഇല്ലാതെ ഇവരെ ജോലിക്ക് വെക്കുന്നത്  വിലക്കിയിരിക്കുന്നു. ഇത്തരത്തിലുള്ള നിയമ ലംഘനത്തിന് 25,000 റിയാലാണ് പിഴ ശിക്ഷ. സാധുതയുള്ള അനുവാദ പത്രം ഇല്ലാതെ നിയമ ലംഘനം നടത്തി ജോലിക്ക് വെച്ചിട്ടുള്ള ഇത്തരത്തിലുള്ള ആശ്രിത തൊഴിലാളികളുടെ എണ്ണത്തിനു അനുസൃതമായി ഈ സംഖ്യ ഗുണനാനുക്രമത്തില്‍ വര്‍ദ്ധിച്ചു കൊണ്ടിരിക്കും.
ഭാഷയെ സംബന്ധിച്ചുള്ള നിബന്ധനയാണ് ഭേദഗതിയിലെ ശ്രദ്ധെയാമായ മറ്റൊന്ന്. തൊഴിലാളിക്ക് തൊഴിലുടമ തൊഴില്‍ കരാര്‍ നല്‍കിയിരിക്കണം. ആ തൊഴില്‍ കരാറില്‍ അറബി ഭാഷ നിര്‍ബന്ധമായും ഉണ്ടായിരിക്കണം.  ഇക്കാര്യത്തില്‍ വീഴ്ച വരുത്തിയാല്‍ 5000 റിയാല്‍ പിഴ ഉണ്ടാകും.
പുതിയ തൊഴില്‍ നിയമ ഭേദഗതി പ്രകാരം ഓരോ തൊഴിലാളിയുടെയും വിശദ വിവരങ്ങള്‍ അടങ്ങിയ വ്യക്തിഗതമായ ഫയലുകള്‍ തൊഴിലുടമ സൂക്ഷിക്കേണ്ടത് നിര്‍ബന്ധമാക്കിയിരിക്കുന്നു. ഇവ ശരിയായ രീതിയില്‍ സൂക്ഷിക്കാതിരുന്നാല്‍ 5000 റിയാല്‍ പിഴ ശിക്ഷ ഈടാക്കാവുന്നതാണ്. പ്രസ്തുത ഫയലില്‍ തൊഴിലാളിയുടെ പേര്, ശമ്പളം, തൊഴിലാളി ജോലിക്ക് ഹാജരായതിനെ സംബന്ധിച്ചുള്ള ഹാജര്‍ വിവരങ്ങള്‍, തൊഴിലാളിയുടെ മെഡിക്കല്‍ പരിശോധന വിവരങ്ങള്‍, തൊഴിലുടമ തൊഴിലാളിക്ക് ഏര്‍പ്പെടുത്തിയ പിഴകളുടെ വിവരങ്ങള്‍ എന്നിവ ഉണ്ടായിരിക്കണം. ഈ വിവരങ്ങളും അറബി ഭാഷയില്‍ ഉണ്ടായിരിക്കണം എന്നത് നിര്‍ബന്ധമാക്കിയിട്ടുണ്ട്.
സ്വദേശിവല്‍ക്കരണത്തില്‍ തട്ടിപ്പ് നടത്തുന്ന തൊഴിലുടമകള്‍ക്ക് 25000 റിയാല്‍ ആണ് പിഴ. നിതാഖാതിലെ സാങ്കേതികഅവസ്ഥ മറി കടക്കുന്നതിനായി നിശ്ചിത എണ്ണം സ്വദേശികളെ രേഖകളില്‍ കാണിക്കുന്നതിന് വേണ്ടി പല തൊഴിലുടമകളും സ്വദേശി പൗരന്‍മാരുടെ അറിവോ സമ്മതമോ ഇല്ലാതെ തന്നെ അവരെ തങ്ങളുടെ സ്ഥാപനത്തിലെ തൊഴിലാളിയായി നിയമിച്ചു എന്ന് കളവായ രേഖകള്‍ ഉണ്ടാക്കി തൊഴില്‍ മന്ത്രാലയത്തിനു സമര്‍പ്പിച്ചു ആനുകൂല്യങ്ങള്‍ സ്വന്തമാക്കുന്നു. ഇതിന് തടയിടുന്നതിന് വേണ്ടിയാണ് ഈ നിബന്ധന കൊണ്ട് വന്നിട്ടുള്ളത്. ഇത്തരം തട്ടിപ്പുകള്‍ നടത്തുന്ന സ്ഥാപനങ്ങള്‍ പിഴ ശിക്ഷ കൂടാതെ അഞ്ചു ദിവസം സ്ഥാപനം അടച്ചിടെണ്ടതായും വരും.
സ്വദേശികള്‍ക്ക് തൊഴില്‍ ഉറപ്പു വരുത്തുന്നതിന് വേണ്ടി പല തൊഴില്‍ മേഖലകളിലും നിര്‍ബന്ധിത സൗദിവല്‍ക്കരണം അധികൃതര്‍ നടപ്പില്‍ വരുത്തിയിട്ടുണ്ട്. ഈ തസ്തികളില്‍ വിദേശികളെ നിയമിക്കുന്നത് ഗുരുതരമായ തൊഴില്‍ നിയമ ലംഘനമാണ്. ഇത്തരത്തില്‍ വിദേശ തൊഴിലാളികളെ നിയമിച്ചിട്ടുണ്ടെങ്കില്‍ ഓരോ തൊഴിലാളിക്കും 20,000 റിയാല്‍ പിഴയായി നല്‍കേണ്ടി വരും.
സ്വദേശി തൊഴിലാളികളുടെ തൊഴില്‍ വൈദഗ്ദ്യം കൂടുതല്‍ ഉറപ്പു വരുത്തുന്നതിനായി അവര്‍ക്ക് ആവശ്യമായ തൊഴില്‍ പരിശീലനം നല്‍കേണ്ടത് ചില തൊഴിലുടമകളുടെ കടമയാക്കി നിയമ ഭേദഗതി വരുത്തിയിട്ടുണ്ട്. അന്‍പതോ അതില്‍ കൂടുതലോ തൊഴിലാളികളെ ജോലിക്ക് നിയോഗിച്ചിട്ടുള്ള തോഴിലുടമകള്‍ക്കാണ് ഇത് നിര്‍ബന്ധമാക്കിയിട്ടുള്ളത്. ഇവര്‍ ചുരുങ്ങിയത് 12 ശതമാനം സ്വദേശികള്‍ക്ക് നിര്‍ബന്ധമായും തൊഴില്‍ പരിശീലനം നല്‍കേണ്ടതുണ്ട്. ഇതില്‍ വീഴ്ച വരുത്തുന്ന തൊഴിലുടമകള്‍ 5000 റിയാല്‍ പിഴയായി നല്‍കണം.
ഒരു തവണ പിഴ ശിക്ഷ വിധിച്ചിട്ടും പിന്നെയും തൊഴിലുടമ അതേ നിയമ ലംഘനം വീണ്ടും നടത്തിയതായി കണ്ടാല്‍ രണ്ടാമത്തെ തവണ ഇരട്ടി പിഴ ശിക്ഷയായിരിക്കും നല്‍കുക. നിയമ ലംഘനം കണ്ടെത്തിയാല്‍ അതു തിരുത്തുന്നതിനായി ഒരു മാസത്തെ സമയമാണ് അനുവദിക്കുക. ഈ കാലയളവിനുള്ളില്‍ പ്രസ്തുത നിയമ ലംഘനം തൊഴിലുടമ തിരുത്തിയിരിക്കണം. അല്ലാത്ത പക്ഷം അതു ആവര്‍ത്തന നിയമ ലംഘനമായി കണക്കാക്കുകയും പിഴ ഇരട്ടിക്കുകയും ചെയ്യും. ആദ്യ നിയമ ലംഘനം കണ്ടതിയത്തിന് ശേഷം 24 മാസത്തിന് ശേഷമാണ് അടുത്ത നിയമ ലംഘനം കണ്ടെത്തുന്നതെങ്കില്‍ അതു പുതിയ നിയമ ലംഘനമായി കണക്കാക്കും. ഈ അവസരത്തില്‍ ഇരട്ടി പിഴ ഈടാക്കില്ല.
നിയമ ലംഘനം നടത്തിയതിന് നല്‍കപ്പെട്ട പിഴ ശിക്ഷ ന്യായമല്ല എന്ന് തൊഴിലുടമക്ക്‌ തോന്നുന്ന പക്ഷം 60 ദിവസത്തിനുള്ളില്‍ അപ്പീല്‍ നല്‍കാവുന്നതാണ്. എന്നാല്‍ അപ്പീല്‍ നല്‍കി എന്ന കാരണത്താല്‍ പിഴ ശിക്ഷ താല്‍ക്കാലികമായോ സ്ഥിരമായോ റദ്ദാക്കപ്പെടില്ല. എന്നാല്‍ തൊഴില്‍  മന്ത്രാലയ കമ്മിറ്റിയുടെ നിര്‍ദ്ദേശം ഉണ്ടെങ്കില്‍ പിഴ റദ്ദാക്കപ്പെടും.
പിഴയായി ഈടാക്കുന്ന സംഖ്യയുടെ 25 ശതമാനം നിയമ ലംഘനം അറിയിച്ചു കൊടുക്കുന്ന വ്യക്തിക്ക് തൊഴില്‍ മന്ത്രാലയം പ്രതിഫലമായി നല്‍കുന്നതാണ്.

pravasicorner.com

ചില പ്രത്യേക തൊഴില്‍ മേഖലകളില്‍ സ്ത്രീകളുടെ പ്രാതിനിധ്യം ഉറപ്പു വരുത്തുന്നതിന് പ്രോല്‍സാഹിപ്പിക്കുന്നതിനുമായി വനിതാവല്‍ക്കരണം നിര്‍ബന്ധമാക്കിയിട്ടുണ്ട്. അതു പോലെ തന്നെ ഫാക്ടറികള്‍, റീട്ടയില്‍ സ്ഥാപനങ്ങള്‍ തുടങ്ങിയവയില്‍ സ്ത്രീകളെ ജോലിക്ക് വെക്കുന്നവര്‍ ചില നിബന്ധനകള്‍ പാലിക്കേണ്ടതുണ്ട്. അത് ലംഘിക്കുന്നവര്‍ക്ക് പിഴ ശിക്ഷ ഉണ്ടാകും. ഉദാഹരണമായി സ്വദേശി വനിതകള്‍ക്കായി നിര്‍ബന്ധമാക്കിയിട്ടുള്ള തസ്തികകളില്‍ പുരുഷ തൊഴിലാളിയെ നിയമിക്കുന്നവര്‍ക്ക് 10,000 റിയാല്‍ പിഴ ശിക്ഷ ലഭിക്കും. കൂടാതെ പ്രസ്തുത സ്ഥാപനം ഒരു ദിവസം അടച്ചിടെണ്ടി വരും.
ഇത്തരത്തില്‍ നിയമിക്കപ്പെടുന്ന വനിതകളുടെ വസ്ത്രധാരണത്തിലെ നിബന്ധനകള്‍ തൊഴിലുടമകള്‍ നിര്‍ബന്ധമാക്കെണ്ടതാണ്. ഈ വനിതാ തൊഴിലാളികള്‍ മുഖപടം ധരിച്ചിരിക്കണം. അതു ധരിക്കണമെന്ന് അവരെ ഓര്‍മ്മപ്പെടുത്തുന്ന നിര്‍ദേശങ്ങള്‍ തൊഴിലിടത്തിലെ  തൊഴിലാളിക്ക് കാണാവുന്ന സ്ഥലത്ത് പതിച്ചിരിക്കണം. അല്ലാത്ത പക്ഷം 5000  റിയാല്‍ പിഴ നല്‍കണം. മുഖപടം ധരിക്കാത്ത വനിതാ തൊഴിലാളിക്ക് 1000 റിയാല്‍ പിഴയാണ് ശിക്ഷ. സ്വദേശി വനിതകള്‍ക്ക് മാത്രമല്ല എല്ലാ വനിതകള്‍ക്കും ഇത് നിര്‍ബന്ധമാണ്‌.
തൊഴില്‍ സ്ഥലങ്ങളില്‍ വനിതാ തൊഴിലാളികള്‍ക്ക് പ്രത്യേക സ്ഥലങ്ങള്‍ തൊഴില്‍ നിയമ നിബന്ധനകള്‍ പ്രകാരം നല്‍കിയിരിക്കണം. ഇവ പാലിക്കാത്ത പക്ഷം 1000 റിയാല്‍ ആയിരിക്കും ശിക്ഷ. നിബന്ധനകള്‍ക്ക് വിരുദ്ധമായി രാത്രി സമയങ്ങളില്‍ വനിതാ തൊഴിലാളികളെ ജോലിക്ക് നിയോഗിച്ചാല്‍ 5000  റിയാല്‍ ആയിരിക്കും പിഴ ശിക്ഷ. 

 

Advertisement

KERALA

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

Published

on

ഒറ്റപ്പാലത്തുള്ള ബാങ്ക് ഇന്ത്യയിൽ നിന്നും പണം വിട്ടുകിട്ടാൻ അനാവശ്യമായ തിടുക്കം കാട്ടിയിട്ടില്ലെന്ന് ജീവകാരുണ്യ പ്രവർത്തകൻ ഫിറോസ് കുന്നംപറമ്പിൽ.

പതിനൊന്ന് ദിവസം കാത്തിരുന്നതിന് ശേഷവും അനാസ്ഥ തുടർന്നപ്പോഴാണ് കുട്ടികളുടെ ചികിത്സയെ ബാധിക്കുന്നത് കൊണ്ടും ആ പണത്തിൽ നിന്നും മറ്റുള്ളവർക്ക് സഹായം നൽകേണ്ടത് കൊണ്ടും കാര്യങ്ങൾ പുറം ലോകത്തോട് തുറന്ന് പറഞ്ഞത്.

പത്ത് ലക്ഷം രൂപ ഇതിനകം തന്നെ ബാങ്കിൽ നിന്നും അവർക്ക് നൽകി കഴിഞ്ഞു. ബാങ്കിൽ നിന്നും ഇന്നലെ ലഭിച്ച പണത്തിൽ നിന്ന് ഇനിയും പത്ത് ലക്ഷം രൂപയോളം ആ കുട്ടികളുടെ ചികിത്സക്ക് തന്നെ ചിലവുണ്ട്. പത്ത് ലക്ഷം രൂപ ഭാവിയിലെ ചികിത്സക്കായി നൽകും. പത്ത് ലക്ഷം രൂപ ഇളയ പെൺകുട്ടിയുടെ വിവാഹ ചിലവിലേക്കായി മാറ്റി വെക്കും. ഭാവിയിലും അവർക്ക് ആവശ്യമായ സഹായം ചെയ്യും.

ഇന്നലെ രാത്രി തന്നെ ആ പണത്തിൽ നിന്നും അഞ്ച് ലക്ഷം രൂപ ചെർപ്പുളശ്ശേരിയിലുള്ള രതീഷ് എന്ന ചെറുപ്പക്കാരന്റെ ഹൃദയ ശസ്ത്രക്രിയക്കായി നൽകി. ഹൃദയ ശസ്ത്രക്രിയക്ക് പണമില്ലാതെ അപകടകരമായ അവസ്ഥയിൽ ആയിരുന്നു ആ ചെറുപ്പക്കാരൻ.

ഇന്ന് രാവിലെ ശ്വാസ കോശം ചുരുങ്ങി വരുന്ന രോഗമുള്ള ഒരു കുട്ടിക്ക് അഞ്ചു ലക്ഷം രൂപ നൽകി. വെളിയങ്കോട് പഴനിലം മുനീറയുടെ പതിനൊന്ന് മാസം മാത്രം പ്രായമുള്ള കുട്ടിയുടെ ചികിത്സക്കാണ് ആ പണം നൽകിയത്. ശ്വാസകോശം ചുരുങ്ങി ശ്വാസം കിട്ടാത്ത അവസ്ഥയിൽ ആണ് ആ കുട്ടി.

ഇത്തരത്തിൽ ദിവസവും പത്ത് കേസുകളോളം കൈകാര്യം ചെയ്യുന്നുണ്ട്. അവർക്കെല്ലാം കൊടുക്കാൻ പണം ആവശ്യമാണ്. ബാങ്കിൽ പണം കിടന്നാൽ ജീവന് വേണ്ടി ചികിത്സക്കായി പണത്തിന് ആവശ്യമുള്ളവർക്ക് പണം നൽകാൻ സാധിക്കില്ല. അത് കൊണ്ട് തന്നെയാണ് ബാങ്ക് സാങ്കേതിക കാരണങ്ങൾ പറഞ്ഞ് പണം നൽകാതെ നീട്ടിക്കൊണ്ടു പോയപ്പോൾ പ്രതികരിക്കേണ്ടി വന്നത്.

ഓരോ ദിവസവും വരുന്ന എല്ലാ കേസുകളും വിഡിയോയിൽ പകർത്താറില്ല. ഒരു കേസിൽ ലഭിച്ച പണം ആ ആവശ്യം കഴിഞ്ഞ് ബാക്കി വന്നാൽ മറ്റുള്ളവരുടെ ചികിത്സക്കായി വീതിച്ചു നൽകുകയാണ് പതിവ്.

ജാതിയും മതവും രാഷ്ട്രീയവും നോക്കാതെ നന്മ ചെയ്യമ്പോൾ അത് വിവാദമാക്കാൻ ശ്രമിക്കുന്ന ആളുകളും പ്രസ്ഥാനങ്ങളും ഏതാണെന്ന് ജനങ്ങൾ തിരിച്ചറിയണം. എനിക്ക് രാഷ്ട്രീയമുണ്ട്. പക്ഷെ അത് ഞാൻ എന്റെ പ്രവർത്തനങ്ങളെ ബാധിക്കുന്ന രീതിയിൽ ഇടെപെടുത്താറില്ല.

ഒറ്റപ്പാലത്തെ കുട്ടികൾക്ക് ലഭിച്ച ഒരു കോടി പതിനേഴ് ലക്ഷത്തിലെ അവസാനത്തെ പണവും നൽകി കഴിഞ്ഞാൽ അതിന്റെ സ്റ്റേറ്റ്മെന്റുകളുമായി ഞാൻ നിങ്ങളുടെ മുന്നിലേക്ക് വരും. ഇനിയും എല്ലാവരുടെയും പിന്തുണയും സഹകരണവും ഉണ്ടാകണമെന്നും ഫിറോസ് പറഞ്ഞു.

Continue Reading

LATEST

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

Published

on

സൗദി അറേബ്യയിൽ താമസിക്കുന്ന സ്വദേശികളും വിദേശികളുമായ തീർത്ഥാടകർക്ക് ഹജ്ജും ഉംറയും നിർവഹിക്കാനായി മക്കയിലേക്കും തീർത്ഥാടനത്തിന് ശേഷം തിരിച്ച് വീട്ടിലേക്കും തങ്ങളുടെ ഭാരം പിടിച്ച ലഗേജുകൾ വഹിച്ചു കൊണ്ടുള്ള യാത്രകൾ ഒഴിവാക്കാനുള്ള പദ്ധതിയുമായി സൗദി പോസ്റ്റ് അധികൃതർ രംഗത്ത്.

ഇത് സംബന്ധിച്ച പദ്ധതി ആഭ്യന്തര ഹജ്ജ് കമ്പനികൾക്കായുള്ള കോർഡിനേഷൻ കമ്മിറ്റി പഠിച്ചു വരുന്നു. ഈ വർഷത്തെ ഹജ്ജ് സീസണിൽ തന്നെ പരീക്ഷണാടിസ്ഥാനത്തിൽ പദ്ധതി നടപ്പാക്കാനാണ് കൗൺസിൽ ആലോചിക്കുന്നത്. പദ്ധതി വിജയകരം ആണെങ്കിൽ വരും വർഷങ്ങളിലേക്കും പദ്ധതി വ്യാപിപ്പിക്കും.

രാജ്യത്തെ എല്ലാ സ്ഥലങ്ങളിൽ നിന്നും ലഗേജുകൾ മക്കയിലും തിരിച്ച് അവരവരുടെ വീടുകളിലും സൗദി പോസ്റ്റ് എത്തിച്ചു നൽകും. ആവശ്യപ്പെട്ടാൽ ലഗേജുകൾ സൗദി പോസ്റ്റ് ജീവനക്കാർ വീടുകളിൽ വന്ന് ശേഖരിക്കും.

ഇതിന് നൂറ് റിയാൽ നൽകേണ്ടി വരും. മറിച്ച് ലഗേജുകൾ സൗദി പോസ്റ്റ് ഓഫീസുകളിൽ എത്തിക്കുകയാണെങ്കിൽ എഴുപത് റിയാൽ മാത്രം നൽകിയാൽ മതിയാകും.

Continue Reading

LATEST

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

Published

on

സൗദി അറേബ്യയിൽ കൊടും ചൂട് മൂലം പാർക്ക് ചെയ്തിരുന്ന കാറുകളുടെ ബമ്പറുകൾ ഉരുകി ഒലിക്കുന്നതായുള്ള ചിത്രങ്ങൾ കഴിഞ്ഞ രണ്ടു ദിവസങ്ങളായി സമൂഹ മാധ്യമങ്ങളിൽ വ്യാപകമായി പ്രചരിക്കുകയായിരുന്നു.

പാർക്കിങ് ഏരിയയിൽ പാർക്ക് ചെയ്തിരുന്ന രണ്ടു കാറുകളുടെ പിറകു വശത്തെ ബമ്പറുകൾ ഉരുകി ഒലിച്ചു താഴെ ഒലിച്ചിറങ്ങുന്ന ചിത്രങ്ങളായിരുന്നു പ്രചരിച്ചിരുന്നത്. അൻപത്തി രണ്ടു ഡിഗ്രി ചൂടിൽ കാറുകൾ ഉരുകി ഒലിക്കുന്നു എന്ന തലക്കെട്ടോട് കൂടിയായിരുന്നു ചിത്രങ്ങൾ പ്രചരിച്ചിരുന്നത്.

ചിത്രങ്ങൾ ലഭിച്ചവർ നവമാധ്യമങ്ങളിലൂടെ ഇവ വീണ്ടും വീണ്ടും ഷെയർ ചെയ്തതോടെ ചിത്രങ്ങൾ പെട്ടെന്ന് തന്നെ വൈറലായി. എവിടെയാണ് ഇത് സംഭവിച്ചത് എന്ന് ആദ്യം ചിത്രങ്ങൾ ലഭിച്ചവർക്ക് അറിയാത്തതിനാൽ അവർ ഊഹിച്ച് ഓരോ സ്ഥലങ്ങളുടെ പേരുകൾ വെച്ച് ചിത്രങ്ങൾ മറ്റുള്ളവർക്ക് ഫോർവേർഡ് ചെയ്തു.

വ്യാജ ചിത്രങ്ങൾ പ്രചരിച്ചതോടെ ചൂട് കൂടിയ സ്ഥലങ്ങളിൽ താമസിക്കുന്നവർക്കും ജോലിയെടുക്കുന്നവർക്കും ആശങ്കയായി. പലരും തങ്ങളുടെ പുതിയ കാറുകൾ ചൂട് കുറഞ്ഞ സ്ഥലങ്ങളിലുള്ള ബന്ധുക്കളുടെയും സുഹൃത്തുക്കളുടെയും ഇടങ്ങളിലേക്ക് മാറ്റി.

പക്ഷെ ഒരു രണ്ടു ദിവസത്തിനകം തന്നെ വാർത്തയുടെ സത്യാവസ്ഥ വെളിവാക്കി മാധ്യമങ്ങൾ രംഗത്ത് വന്നു. ചിത്രത്തിൽ കാണുന്നത് പോലെ ഒരു സംഭവം സൗദിയിൽ നടന്നിട്ടില്ല. കാറുകൾ ഉരുകി ഒലിക്കാൻ മാത്രം ഉയർന്ന ചൂട് ഉണ്ടായിട്ടുമില്ല.

ചിത്രത്തിൽ കാണുന്നത് അമേരിക്കയിലെ അരിസോണയിൽ വച്ചെടുത്ത കാറുകളുടെ ചിത്രങ്ങളാണ് എന്ന് പത്രങ്ങൾ റിപ്പോർട്ട് ചെയ്തു. അവിടെ വെയിൽ മൂലമല്ല മറിച്ച് ചെറിയ തീപിടുത്തത്തിൽ സംഭവിച്ചതാണ് എന്ന് വെളിപ്പെട്ടു. അരിസോണയിലെ ഒരു നിർമാണ പദ്ധതിയുടെ സൈറ്റിലെ കാറുകളുടെ ബമ്പറുകൾ ആണ് ഇപ്രകാരം ഉരുകി ഒലിച്ചത്. മൊത്തത്തിൽ പന്താണ്ടോളം കാറുകൾക്ക് ഇങ്ങിനെ ഭാഗികമായി കേട് സംഭവിച്ചതായും റിപ്പോർട്ട് ചെയ്യപ്പെട്ടിരുന്നു.

അരിസോണയിലെ ഒരു പ്രാദേശിക വെബ്‌സൈറ്റിൽ 2018 ൽ ജൂണിൽ പ്രസിദ്ധീകരിച്ച വാർത്തയിലെ ചിത്രങ്ങളാണ് ഏതോ വിരുതന്മാർ സൗദിയിലെ കൊടും ചൂടിൽ ഉരുകി ഒലിക്കുന്ന കാറുകളാക്കി സോഷ്യൽ മീഡിയകളിൽ പ്രചരിപ്പിച്ചത്.

Continue Reading
KERALA2 weeks ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST2 weeks ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST2 weeks ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST2 weeks ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA2 weeks ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA2 weeks ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH2 weeks ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME2 weeks ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME2 weeks ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA2 weeks ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH2 weeks ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

KERALA2 weeks ago

അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

KUWAIT2 weeks ago

വിമാനത്താവളത്തിൽ നിന്നും യാ​ത്ര​ക്കാ​രി​യെ പീഡി​പ്പി​ച്ച​യാൾ അറസ്റ്റിൽ.

CRIME4 weeks ago

വിമാനത്തിൽ എയർഹോസ്റ്റസിനെ ലൈംഗിക ചേഷ്ട കാണിച്ച മലയാളി അറസ്റ്റിൽ.

CRIME2 weeks ago

മുർതസയുടെ വധശിക്ഷ നടപ്പാക്കരുതെന്ന് സൗദിയോട് ആംനെസ്റ്റി ഇന്റർനാഷണൽ.

LATEST3 weeks ago

സൗദിയിൽ ബീഫ് തീറ്റിച്ചുവെന്ന ഇന്ത്യക്കാരന്റെ പരാതിയിൽ വഴിത്തിരിവ്.

CRIME4 weeks ago

സൗദിയിൽ വാരാന്ത്യ സ്ത്രീ-പുരുഷ ഡാൻസ് പാർട്ടി. 20 പേർ പിടിയിൽ.

LATEST2 weeks ago

ദുബൈ അപകടം: അപകട കാരണത്തിന്റെ വ്യക്തമായ ചിത്രം ലഭ്യമാവുന്നു.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

CRIME4 weeks ago

സൗദിയിൽ നിന്നും അവധിക്ക് നാട്ടിലെത്തിയ യുവാവ് അടിയേറ്റ് മരിച്ചു.

HEALTH4 weeks ago

പ്രാർത്ഥനകൾ സഫലം. സോനാ മോൾ മടങ്ങി വരുന്നു ജീവിതത്തിലേക്ക്.

LATEST3 weeks ago

സൗദിയിൽ ലക്ഷക്കണക്കിന് വിദേശികൾക്ക് പുതിയ തൊഴിലവസരം ഒരുങ്ങുന്നു.

LATEST4 weeks ago

സൗദിയിൽ നിന്ന് ഒരു മിനിട്ട് കൊണ്ട് നാട്ടിലേക്ക് പണമയക്കാം – വീഡിയോ.

LATEST2 weeks ago

ദുബൈ ബസ് അപകടത്തിന്റെ കാരണമായി ഡ്രൈവർ പറയുന്നത്……

INDIA3 weeks ago

യാത്രയിൽ വിമാനത്തിന് അകത്ത് പ്രവാസി മലയാളി മരിച്ചു. വിമാനം തിരിച്ചിറക്കി.

LATEST3 weeks ago

ഭാഗ്യം കേരളത്തിലേക്ക്…ഇത്തവണ 18.85 കോടി പന്തളം സ്വദേശിക്ക്.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

KERALA2 weeks ago

യതീഷ് ചന്ദ്രക്ക് സ്ഥലം മാറ്റം. കേരളത്തിലെ മികച്ച ക്രമസമാധാന പാലകനെ ഒതുക്കി?

Trending

error: Content is protected !!