Connect with us

LATEST

കേന്ദ്രമന്ത്രി വി.കെ സിങ്ങിന്റെ് രണ്ടാം സൗദി സന്ദര്ശനം: മന്ത്രിയുടെ അഭ്യര്ത്ഥന തള്ളി ലേബര്‍ ക്യാമ്പിലെ തൊഴിലാളികള്‍. തൊഴിലാളികള്ക്ക് മുന്നില്‍ രണ്ടു മാര്ഗ്ഗങ്ങള്‍ ഉള്ളൂ എന്ന് കേന്ദ്ര വിദേശകാര്യ മന്ത്രാലയ വക്താവ്

Published

on

 

സൗദി അറേബ്യ: സൗദിയില്‍ നിന്നും ഇന്ത്യക്കാരായ തൊഴിലാളികളെ പെട്ടെന്ന് നാട്ടിലെത്തിക്കാനുള്ള വിദേശകാര്യ മന്ത്രാലയത്തിന്റെ നീക്കം പാളി. ഇതിന്റെ ഭാഗമായി രണ്ടാം തവണ സൗദി സന്ദര്‍ശനം നടത്തിയ കേന്ദ്ര വിദേശകാര്യ സഹമന്ത്രി വി.കെ സിംഗിന്റെ ഫോര്‍മുല ലേബര്‍ ക്യാമ്പിലെ തൊഴിലാളികള്‍ തള്ളിക്കളഞ്ഞു.
പ്രശ്ന പരിഹാരത്തിനായി കിണഞ്ഞ് ശ്രമിച്ചിട്ടും തിരികെ വരാന്‍ തയ്യാറാകാത്ത തൊഴിലാളികളെ കാര്യങ്ങള്‍ വിശദീകരിച്ച് പരമാവധി പേരെ തിരികെ കൊണ്ട് വരാനായിരുന്നു ശ്രമം. മാധ്യമങ്ങള്‍ പ്രശ്നം ഏറ്റെടുത്തതോടെ ഉടനെ സൗദിയിലെത്തി ഉന്നത തല ചര്‍ച്ചകള്‍ നടത്തി ഉറപ്പുകള്‍ നേടിയെടുത്തിട്ടും തിരികെ വരാന്‍ തയ്യാറായത് നാമമാത്രമായ തൊഴിലാളികള്‍ മാത്രമാണെന്നുള്ളത് തങ്ങള്‍ക്ക് രാഷ്ട്രീയമായ ഗുണം ചെയ്യില്ലെന്ന് തിരിച്ചറിഞ്ഞതോടെ പാരമാവധി തൊഴിലാളികളെ നാട്ടിലെത്തിക്കുക എന്നതായിരുന്നു സിംഗിന്റെ ദൗത്യം.
കഴിഞ്ഞ ദിവസം മക്ക ഹൈവേയിലുള്ള ലേബര്‍ ക്യാമ്പ് വി.കെ സിംഗ് സന്ദര്‍ശിച്ചു. ബുധനാഴ്ച ജിദ്ദയിലുള്ള ലേബര്‍ ക്യാമ്പും സിംഗ് സന്ദര്‍ശിച്ചിരുന്നു. തൊഴിലാളികളോട് ഉടനെ നാട്ടിലേക്ക് മടങ്ങാനും ലഭിക്കാനുള്ള ശമ്പള ബാക്കിയും ആനുകൂല്യങ്ങളും പിന്നീട് ലഭിക്കുമെന്നുമാണ് അദ്ദേഹം ആവശ്യപ്പെട്ടത്. ആനുകൂല്യങ്ങള്‍ക്കായി ദീര്‍ഘ കാലം അനിശ്ചിതമായി തങ്ങുന്നത് പ്രായോഗികമല്ലെന്നും തൊഴിലാളികളെ ധരിപ്പിക്കാന്‍ അദ്ദേഹം ശ്രമിച്ചു. പ്രശ്ന പരിഹാരത്തിനായി ഇരു രാജ്യങ്ങളും ശ്രമിക്കുന്നെന്ടെന്നും എന്നാല്‍ പ്രായോഗികമായ പല ബുദ്ധിമുട്ടുകളും നടപടി ക്രമങ്ങളും ഉണ്ട് എന്നതിനാല്‍ കാല താമസം വന്നേക്കാംഎന്നും അദ്ദേഹം തൊഴിലാളികളോട് വ്യക്തമാക്കി.
എന്നാല്‍ തൊഴിലാളികള്‍ ഈ ആവശ്യത്തോട് അനുകൂലമായി പ്രതികരിച്ചില്ല. ഉണ്ടായിട്ടുള്ള പരിഹാര നിര്‍ദ്ദേശങ്ങള്‍ തൊലി പുറമേ പുരട്ടാനുള്ള മരുന്നുകള്‍ മാത്രമാണെന്നും യഥാര്‍ത്ഥ പരിഹാരം ഇനിയും ഉണ്ടായിട്ടില്ലെന്നുമാണ് തൊഴിലാളികളുടെ നിലപാട്. കേന്ദ്ര മന്ത്രിയുടെ സൗദി സന്ദര്‍ശനത്തിന്റെ ഭാഗമായി സൗദി അറേബ്യ നല്‍കിയ പെട്ടെന്നുള്ള ഫൈനല്‍ എക്സിറ്റും സൗജന്യ വിമാന ടിക്കറ്റും രാജ്യത്ത് നിന്നും തങ്ങളെ ഒഴിവാക്കാനുള്ള മാര്ഗ്ഗമാണെന്ന് ഭൂരിഭാഗം തൊഴിലാളികളും വിശ്വസിക്കുന്നു. ഒരിക്കല്‍ സൗദി വിട്ടു പോയാല്‍ പിന്നീട് തങ്ങള്‍ക്കു ലഭിക്കാനുള്ള ആറു മാസത്തിലധികം വരുന്ന ശമ്പള ബാക്കിയും വര്‍ഷങ്ങളുടെ സേവനാനന്തര ആനുകൂല്യങ്ങളും പിന്നീടൊരിക്കലും ലഭിക്കില്ല എന്നുള്ള ഭയത്തില്‍ നിന്നും അവര്‍ മുക്തരല്ല. സമയ ബന്ധിതമായി തന്നെ മുടങ്ങി കിടക്കുന്ന ശമ്പളവും ആനുകൂല്യങ്ങളും ലഭിക്കണമെന്നും അതിനായി കമ്പനി ഉദ്യോഗസ്ഥരില്‍ നിന്നോ അധികൃതരില്‍ നിന്നോ രേഖാ മൂലം ഉറപ്പ് ലഭിക്കണമെന്നുമായിരുന്നു തൊഴിലാളികളുടെ ആവശ്യം. 
ഇതിനിടയില്‍ സൗദിയില്‍ മാസങ്ങളായി ശമ്പളം മുടങ്ങി ദുരിതത്തിലായ ഇന്ത്യന്‍ തൊഴിലാളികള്‍ക്ക് താല്‍ക്കാലിക പ്രശ്ന പരിഹാരത്തിനായി മുന്നില്‍ വെക്കാന്‍ രണ്ടു മാര്‍ഗ്ഗങ്ങള്‍ മാത്രമേ വിദേശകാര്യ മന്ത്രാലയത്തിന് ഇപ്പോള്‍ ഉള്ളൂ എന്ന് കേന്ദ്ര വിദേശകാര്യ മന്ത്രാലയ വക്താവ് വികാസ് സ്വരൂപ്‌ രംഗത്ത് വന്നു. 
ഇത്തരത്തില്‍ കുടുങ്ങി കിടക്കുന്നവര്‍ സൗദി അറേബ്യ പ്രത്യേക പരിഗണന പ്രകാരം ഫൈനല്‍ എക്സിറ്റില്‍ പോകുന്നവര്‍ക്ക് നല്‍കുന്ന ഇളവു പ്രകാരം ഉടനെ തന്നെ നാട്ടിലേക്ക് മടങ്ങാം. മടങ്ങാന്‍ തയ്യാറല്ലാത്തവര്‍ക്ക് സൗദിയില്‍ തന്നെയുള്ള മറ്റു കമ്പനികളില്‍ ജോലി സ്വീകരിച്ചു അവിടെ തങ്ങാം. ഈ രണ്ടു മാര്‍ഗ്ഗങ്ങളാണ് അടിയന്തിര പ്രശ്ന പരിഹാരത്തിനായി മന്ത്രാലയത്തിനു മുന്‍പില്‍ ഉള്ളതെന്ന് മന്ത്രാലയത്തിന്റെ ആഴ്ച തോറുമുള്ള പത്ര സമ്മേളനത്തില്‍ കഴിഞ്ഞ ദിവസം അദ്ദേഹം വ്യക്തമാക്കി.
സൗദി ഓജര്‍, സൗദി ബിന്‍ ലാദിന്‍, സാദ് ഗ്രൂപ്പ് എന്നീ മൂന്ന് കമ്പനികളിലാണ് ബഹുഭൂരിപക്ഷം ഇന്ത്യക്കാരും ശമ്പളം ലഭിക്കാതെ ദുരിതങ്ങള്‍ അനുഭവിക്കുന്നത്. ഈ മൂന്ന് കമ്പനികളിലും ജോലി ചെയ്യുന്നവര്‍ക്ക് മുന്‍പില്‍ വെക്കാന്‍ തല്‍ക്കാലം മറ്റൊരു മാര്‍ഗ്ഗം മന്ത്രാലയം മുന്നില്‍ കാണുന്നില്ല. ലഭിക്കാനുള്ള ശമ്പള ബാക്കിയും സേവനാനന്തര ആനുകൂല്യവുമെല്ലാം ലഭ്യമാകുമെന്ന് സൗദി അറേബ്യ ഉറപ്പ് നല്‍കിയിട്ടുണ്ട്. അതിനുള്ള ചര്‍ച്ചകള്‍ സൗദി അധികൃതരും കമ്പനികളും തമ്മില്‍ നടക്കുന്നുണ്ട്. പക്ഷെ വളരെ പെട്ടെന്ന് അത് പ്രായോഗികമാകുമെന്നു മന്ത്രാലയം പ്രതീക്ഷിക്കുന്നില്ലെന്നും സ്വരൂപ്‌ പറഞ്ഞു.   
ഇന്ത്യയില്‍ നിന്നുള്ള ഉന്നത തല സംഘം സൗദിയില്‍ എത്തി വിവരങ്ങള്‍ ധരിപ്പിച്ചത് പ്രകാരം സൗദി ഭരണാധികാരികള്‍ ഉടനെ തന്നെ പ്രശ്ന പരിഹാരത്തിന് മുന്‍കൈ എടുത്തു. തൊഴിലുടമയുടെ അനുവാദമില്ലാതെ തന്നെ നാട്ടിലേക്ക് മടങ്ങാന്‍ തൊഴിലാളികള്‍ക്ക് ഫൈനല്‍ എക്സിറ്റ് വിസ നല്‍കാനുള്ള തീരുമാനവും നാട്ടിലേക്ക് മടങ്ങുന്നവര്‍ക്ക് സൗജന്യ വിമാന ടിക്കറ്റ് നല്‍കാനുള്ള സൗദിയുടെ തീരുമാനവും ഇന്ത്യയുടെ ത്വരിത ഗതിയിലുള്ള ഇടപെടല്‍ കൊണ്ട് സാധിച്ചെടുത്തതാണ്. ഇന്ത്യയുടെ ആവശ്യങ്ങളോട് വളരെ മഹാമനസ്കതയോട് കൂടിയാണു സൗദി അറേബ്യ പ്രതികരിച്ചത്. ഇത്തരം കാര്യങ്ങള്‍ കൂടി ദുരിതത്തിലായ ഇന്ത്യന്‍ തൊഴിലാളികളെ ധരിപ്പിക്കുന്നതിനായാണ് കേന്ദ്ര വിദേശകാര്യ സഹമന്ത്രി വി.കെ സിംഗ് രണ്ടാമതും സൗദിയില്‍ സന്ദര്‍ശനം നടത്തുന്നതെന്നും വികാസ് സ്വരൂപ്‌ വ്യക്തമാക്കി.
പ്രശ്ന പരിഹാരത്തിനായി ഇന്ത്യയുടെ ഭാഗത്ത് നിന്നും ഗൗരവ തരമായ നടപടികളാണ് ഉണ്ടായിരിക്കുന്നതെന്ന് വിദേശകാര്യ മന്ത്രാലയം തുടരെ വ്യക്തമാക്കുന്നുണ്ട്. കഴിഞ്ഞ ദിവസം പ്രധാന മന്ത്രി നരേന്ദ്ര മോഡിയുടെ സൗദി ഭരണാധികാരി സല്‍മാന്‍ ബിന്‍ അബ്ദുള്‍ അസീസ്‌ രാജാവിനുള്ള കത്ത് സൗദിയിലെ ഇന്ത്യന്‍ അംബാസഡര്‍ ജാവേദ് അഹമ്മദ് സൗദി വിദേശകാര്യ മന്ത്രി ആദല്‍ അല്‍ ജുബൈറിന് കൈമാറി. ഇന്ത്യന്‍ തൊഴിലാളികളുടെ ക്ഷേമം സംബന്ധിച്ച കാര്യങ്ങളും ഇരുവരും ചര്‍ച്ച ചെയ്തതായി എംബസ്സി പുറത്തിറക്കിയ പത്ര കുറിപ്പില്‍ വ്യക്തമാക്കിയെങ്കിലും കത്തിലെ ഉള്ളടക്കം വെളിപ്പെടുത്തിയിട്ടില്ല.
ഇതിനിടെ സൗദി നിലപാട് കടുപ്പിച്ചതും വിദേശകാര്യ മന്ത്രാലയത്തെ ആശങ്കയിലാക്കിയിട്ടുണ്ട്. തൊഴിലാളികള്‍ ഫൈനല്‍ എക്സിറ്റ് ഇളവുകള്‍ സ്വീകരിച്ചു രാജ്യം വിടുകയോ അല്ലെങ്കില്‍ മറ്റു ഏതെങ്കിലും കമ്പനികളിലേക്ക് മാറുകയോ ചെയ്യണം. രാജ്യത്ത് ഏറെക്കാലം ഇത്തരത്തില്‍ കഴിയാന്‍ സാധിക്കില്ല. ഇപ്പോള്‍ നല്‍കുന്ന നടപടികളിലെ ഇളവും ഭക്ഷണവും മെഡിക്കല്‍ സഹായവും മറ്റ് സൗജന്യങ്ങളും എക്കാലത്തും തുടരാന്‍ സാധിക്കില്ലെന്ന നിലപാടിലാണ് സൗദി അറേബ്യ.     
 

LATEST

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

Published

on

വിജ്ഞാനത്തിൽ അധിഷ്ഠിതമായ ഇന്നത്തെ സമ്പദ് വ്യവസ്ഥയിൽ ജോലി ലഭിക്കാൻ മാത്രം നിപുണരല്ല ഇന്ത്യയിലെ ബഹുഭൂരക്ഷം എഞ്ചിനീയർമാരുമെന്ന് ആസ്പിരിങ് മൈൻഡ്‌സിന്റെ വാർഷിക തൊഴിൽ ക്ഷമതാ സർവേയുടെ കണ്ടെത്തൽ. ഇന്ത്യൻ എൻജിനീയറിങ് വിദ്യാഭ്യാസ സമ്പ്രദായത്തിന്റെ താഴ്ന്ന നിലവാരമാണ് സർവേയിൽ പ്രതിഫലിക്കുന്നത്.

ഇന്ത്യയിലെ എൺപതു ശതമാനം എൻജിനീയർമാരും യോഗ്യരല്ല. ടെക് പ്രൊഫഷന്റെ അടിസ്ഥാനങ്ങളിൽ ഒന്നായ മികച്ച കോഡിങ് സ്കിൽ ഉള്ളത് വെറും അഞ്ചു ശതമാനം എഞ്ചിനീയർമാർക്ക് മാത്രമാണ്.

ആർട്ടിഫിഷ്യൽ ഇന്റലിജൻസിൽ വെറും രണ്ടര ശതമാനം എഞ്ചിനീയർമാർക്ക് മാത്രമാണ് കൃത്യമായ നൈപുണ്യമുള്ളത്. ഡാറ്റ സയൻസ്, മെഷീൻ ലേണിങ് എന്നിവയിലും ഇന്ത്യൻ എൻജിനീയർമാർ വിദഗ്ധരല്ല. വെറും നാലര ശതമാനം എൻജിനീയർമാർ മാത്രമാണ് ഇതിൽ വിദഗ്ദർ.

വയർലസ് ടെക്‌നോളജിക്ക് യോഗ്യരായവർ വെറും അഞ്ചു ശതമാനം മാത്രമാണെന്നും സർവേ ഫലം സൂചിപ്പിക്കുന്നു.

കൃത്യമായ കോഡിങ് നൈപുണ്യം ഉള്ളവർ അമേരിക്കയിൽ പത്തൊൻപത് ശതമാനമാണ്. അതെ സമയം ചൈനയിൽ വെറും രണ്ടു ശതമാനം പേർക്ക് മാത്രമാണ് കൃത്യമായ കോഡിങ് അറിയുന്നത്.

Continue Reading

CRIME

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

Published

on

തൃശൂർ ജില്ലയിലെ വടക്കാഞ്ചേരിയിൽ രാസവസ്തുക്കൾ ഉപയോഗിച്ച് നിർമ്മിച്ച വ്യാജ തേൻ ശേഖരം പോലീസ് പിടിച്ചെടുത്തു. ഇതര സംസ്ഥാനക്കാരനായ ഒരു യുവാവിനെ കസ്റ്റഡിയിലെടുത്തു. സംഘത്തിലുണ്ടായിരുന്ന മൂന്ന് പേർ രക്ഷപ്പെട്ടു.

ഫെവിക്കോളും പഞ്ചസാരയും രാസ വസ്തുക്കളും ഉപയോഗിച്ചായിരുന്നു തേൻ നിർമ്മാണം. ഓട്ടുപാറയിലെ ഒരു സ്വകാര്യ ലോഡ്ജിൽ മുറിയെടുത്തായിരുന്നു സംഘം തേൻ നിർമ്മാണം നടത്തിയിരുന്നത്.

ലിറ്ററിന് അഞ്ഞൂറ് രൂപ വരെയായിരുന്നു സംഘം ഈടാക്കിയിരുന്നത്. ശുദ്ധ തേനാണെന്ന് ആളുകളെ വിശ്വസിപ്പിക്കാൻ തേനീച്ചകൾ അടങ്ങിയ തേൻ അട ബക്കറ്റിൽ വെച്ച് വ്യാജ തേൻ അതിലേക്കൊഴിച്ചു കൂടെ കൊണ്ട് നടക്കും. ആവശ്യക്കാരുടെ മുന്നിൽ വെച്ച് തേൻ അട പിഴിഞ്ഞ് വ്യാജ തേൻ നൽകും. ബൈക്കിൽ ചുററി നടന്നായിരുന്നു വിൽപ്പന.

യുവാക്കൾ താമസിച്ചിരുന്ന ലോഡ്ജിൽ നിന്ന് അഞ്ചു ലിറ്ററിന്റെ ഫെവിക്കോൾ ടിന്നും ഇരുപത്തി അഞ്ചു കിലോയോളം പഞ്ചസാരയും പോലീസ് കണ്ടെടുത്തു. ഓടിപോയവരെ കണ്ടെത്താൻ അന്വേഷണം ഊർജ്ജിതമാക്കി. വ്യാജ തേൻ വിൽക്കാനായി ഉപയോഗിച്ചിരുന്ന രണ്ടു ബൈക്കുകളും പോലീസ് കസ്റ്റഡിയിൽ എടുത്തിട്ടുണ്ട്.

Continue Reading

KERALA

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

Published

on

ബസ് പുറപ്പെടുന്നത് വരെ വിദ്യാർത്ഥികളെ കയറ്റാതെ കൊടും വെയിലത്ത് നിർത്തിയ കണ്ടക്ടറുടെ ലൈസൻ ആർ.ടി.ഓ റദ്ദാക്കി. പാലക്കാട്-നെന്മാറ റൂട്ടിലോടുന്ന സ്വകാര്യ ബസ്സിലെ കണ്ടക്ടറുടെ ലൈസന്‍സാണ് വിദ്യാര്‍ഥികളെ വെയിലത്ത് നിര്‍ത്തിയതിന്റെ പേരില്‍ റദ്ദാക്കിയത്.

ശനിയാഴ്ച നെന്മാറ ബസ്സ്റ്റാന്‍ഡില്‍ 12.55-ഓടെയായിരുന്നു സംഭവം. KL 49 A 8559 എന്ന രജിസ്‌ട്രേഷൻ നമ്പറുള്ള ബസ് പുറപ്പെടുന്നത് വരെ കുട്ടികളെ അകത്തു കയറാൻ അനുവദിക്കാതെ പുറത്തു നിർത്തുകയായിരുന്നു. ഇത് കണ്ട ഒരു യാത്രക്കാരൻ ഫോട്ടോയെടുത്ത് ഈ കാഴ്ച അധികൃതരിലേക്ക് എത്തുംവരെ പ്രചരിപ്പിക്കണമെന്ന അപേക്ഷയോടെ ഫേസ്‌ബുക്കിൽ പോസ്റ്റ് ചെയ്തു.

പോസ്റ്റ് കൂടുതൽ ആളുകൾ ഷെയർ ചെയ്ത് വൈറലായി. ഫോട്ടോയും കുറിപ്പും ശ്രദ്ധയിൽ പെട്ട എയർ.ടി.ഓ ഓഫീസ് ജീവനക്കാർ വിഷയം എന്‍ഫോഴ്സ്മെന്റ് ആര്‍.ടി.ഒ. പി. ശിവകുമാറിന്റെ ശ്രദ്ധയിൽ പെടുത്തി.

അദ്ദേഹത്തിന്റെ നിർദ്ദേശപ്രകാരം നടത്തിയ അന്വേഷണത്തിൽ സംഭവം ശരിയാണെന്ന് കണ്ടെത്തി.
മോട്ടോര്‍വെഹിക്കിള്‍ ഇന്‍സ്‌പെക്ടര്‍ എം.ആര്‍. സജീവ്, അസി. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ മുരളീധരന്‍പിള്ള, ഹരികൃഷ്ണന്‍, എന്‍.ആര്‍. മനു എന്നിവരാണ് പരിശോധന നടത്തിയത്.

വാഹനം പുറപ്പെടുന്നതിന് അഞ്ച് മിനിറ്റ് മുൻപ് മാത്രമാണ് ജീവനക്കാർ കുട്ടികളെ കയറാൻ അനുവദിച്ചിരുന്നുള്ളൂ എന്ന് അന്വേഷണത്തിൽ വെളിപ്പെട്ടു. തുടര്‍ന്ന് പാലക്കാട് സ്റ്റേഡിയം ബസ്സ്റ്റാന്‍ഡിലെത്തിയ മോട്ടോർ വാഹന വകുപ്പ് ഉദ്യോഗസ്ഥർ സ്വകാര്യബസ്സിലെ കണ്ടക്ടറുടെ ലൈസന്‍സ് കണ്ടുകെട്ടുകയായിരുന്നു.

Continue Reading
KERALA10 hours ago

നമ്മുടെ നാട്ടിൽ വാടക കരാർ 11 മാസത്തേക്ക് മാത്രമേ എഴുതാൻ പാടുള്ളൂ എന്ന് നിയമമുണ്ടോ

MIDDLE EAST10 hours ago

സൗദി അറേബ്യയിലെ ഓവര്‍ടൈം. അറിഞ്ഞിരിക്കുക ഇതെല്ലാം. നിങ്ങൾ പറ്റിക്കപ്പെടരുത്

MIDDLE EAST15 hours ago

സർട്ടിഫിക്കറ്റുകൾ ഉന്നത വിദ്യാഭ്യാസ മന്ത്രാലയം സാക്ഷ്യപ്പെടുത്തണമെന്ന് ഒമാൻ ചേംബർ ഓഫ് കോമേഴ്‌സ്

LATEST15 hours ago

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

KERALA16 hours ago

കൊച്ചു കുട്ടികളെ കാറിന്റെ പീസീറ്റിൽ ഇരുത്തണമെന്ന് ബാലാവകാശ കമ്മീഷൻ

CRIME17 hours ago

ഓച്ചിറയില്‍ നിന്ന് തട്ടിക്കൊണ്ടുപോയ പെണ്‍കുട്ടിയെ കണ്ടെത്തി

CRIME17 hours ago

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

INDIA1 day ago

ഒലക്ക് കർണ്ണാടകയിൽ ആറു മാസത്തേക്ക് വിലക്ക്

MIDDLE EAST1 day ago

മസ്കറ്റ്: വെള്ളിയാഴ്ചകളിലും പൊതു അവധി ദവസങ്ങളിലും നിർമ്മാണ പ്രവർത്തനങ്ങൾ പാടില്ല

INDIA1 day ago

ഖത്തറിലെ സ്‌കൂളുകളിൽ ഈ വർഷം സെക്കൻഡ് ഷിഫ്റ്റ് ഇല്ല.

KERALA2 days ago

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

HEALTH2 days ago

സൂര്യാഘാതം: അതീവ ജാഗ്രത ആവശ്യം

KERALA2 days ago

ഒന്ന് ശ്രദ്ധിക്കൂ, ഈ ചെറുപ്പക്കാരന്റെ ഭാവി നിങ്ങളുടെ കയ്യിലാണ്

KERALA2 days ago

പ്രവാസികൾക്കും വിവരാവകാശ പ്രകാരം അപേക്ഷ സമർപ്പിക്കാം. തടസ്സമില്ലെന്ന് അധികൃതർ.

KERALA2 days ago

വൈദികർക്കും കന്യാസ്ത്രീകൾക്കും ആദായ നികുതി ബാധകമെന്ന് കോടതി

LATEST4 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED3 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST4 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME3 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

LAW4 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW4 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA3 weeks ago

സൗദിയില്‍ മലയാളിയെ ആത്മഹത്യചെയ്ത നിലയില്‍ കണ്ടെത്തി

SAUDI ARABIA4 weeks ago

അശ്ലീല ചിത്രം പ്രചരിപ്പിച്ചാല്‍ അഞ്ചുവര്‍ഷം തടവും മുപ്പത്തു ലക്ഷം റിയാല്‍ പിഴയും

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാരും വീട്ടു വേലക്കാരികളും അടങ്ങിയ ഗാര്‍ഹിക തൊഴിലാളികള്‍ക്ക് ബാധകമാണോ ?

LATEST4 weeks ago

ഭീകര കേന്ദ്രങ്ങളിലെ ഇന്ത്യന്‍ വ്യോമാക്രമണം എന്ന പേരില്‍ പ്രചരിക്കുന്നത് വ്യാജ വിഡിയോ

UAE4 weeks ago

18 കോടി മുസ്ലിം സഹോദരങ്ങള്‍ അടക്കം 130 കോടി ഇന്ത്യക്കാരുടെ ആശംസയുമായാണ് ഞാന്‍ ഇവിടെ എത്തിയിരിക്കുന്നത്..

CRIME4 weeks ago

കാശ്മീരി കവിത ഫേസ് ബുക്കിലിട്ട യുവാവ് അറസ്റ്റില്‍

Trending

Copyright © 2019 Pravasi Corner.

error: Content is protected !!