Connect with us

LATEST

യുവതിയെ ഉപയോഗിച്ച് എന്ജിനീയറില്‍ നിന്ന് പണം തട്ടാന്‍ ശ്രമിച്ചു ജയിലിലായ മുന്‍ പ്രവാസി യുവതിയെ കൊലപാതക കേസിലും പോലീസ് അറസ്റ്റ് ചെയ്തു

Published

on

 

തേന്‍ കെണിയിലൂടെ യുവാവിനെ മര്‍ദ്ദിച്ചു പണം കവർന്ന കേസിലെ ഒന്നാം പ്രതി വയനാട് വൈത്തിരി മേപ്പാടി സ്വദേശിനി റാണി നസീമയെന്ന പള്ളിത്തൊടി നസീമയെ (30) കൊലപാതക കേസിലും അറസ്റ്റ് ചെയ്തു.  രണ്ടാഴ്ച മുൻപു സുഹൃത്തായ യുവതിയെ ഉപയോഗിച്ച് തലശേരി സ്വദേശിയെ കൊടുങ്ങല്ലൂരിലെ ഫ്ലാറ്റില്‍ വിളിച്ചു വരുത്തി ഗുണ്ടകളെ ഉപയോഗിച്ച് മര്‍ദ്ദിച്ചു പണം തട്ടിയ കേസിലെ  പ്രതിയായ നസീമ തൃശ്ശൂരിലെ ജയിലിലാണ്.

തിരുവനന്തപുരം കൊലപാതക അന്വേഷണത്തിനിടെ സീമയുടെ നിര്‍ദ്ദേശ പ്രകാരം കൊല നടത്തിയ ക്വട്ടേഷന്‍ സംഘാംഗങ്ങളെ തിരുവനന്തപുരത്ത് വെച്ച് പോലീസ് പിടികൂടിയിരുന്നു. കേസിലെ അഞ്ചാം പ്രതിയായ നസീമ വിദേശത്തായിരുന്നതിനാല്‍ പിടികൂടാനായിരുന്നില്ല. നസീമ നാട്ടിലെത്തിയ വിവരമറിഞ്ഞു പൊലീസ് അറസ്റ്റിനൊരുങ്ങുന്നതിനിടെയായിരുന്നു കൊടുങ്ങല്ലൂരില്‍ തേന്‍ കെണി കേസില്‍ നസീമ അറസ്റ്റിലാകുന്നത്. കൊടുങ്ങല്ലൂര്‍ കേസില്‍ നസീമയെ കൂടാതെ രണ്ടാം ഭര്‍ത്താവ് ആക്ബര്‍ ഷാ, തൃശൂര്‍ സ്വദേശികളായ ശ്യാം ബാബു, അനീഷ്, സംഗീത് എന്നിവരെയും പോലീസ് കസ്റ്റഡിയിലെടുത്തിരുന്നു.

മുന്‍പ് കൂടെ താമസിച്ചിരുന്ന കൊല്ലം സ്വദേശി രഞ്ജു കൃഷ്ണയെ (29) വധിച്ച കേസിലാണു തിരുവനന്തപുരം മെഡിക്കല്‍ കോളജ് പൊലീസ് ഇവരെ അറസ്റ്റ് ചെയ്തത്. 2017 ഏപ്രിലില്‍ ആയിരുന്നു കൊലപാതകം. തിരുവനന്തപുരത്തു ക്വട്ടേഷന്‍ സംഘത്തെ ഉപയോഗിച്ചായിരുന്നു. രഞ്ജു കൃഷ്ണയെ വധിച്ചത്.

സിനിമാമേഖലയില്‍ ജോലി ചെയ്തിരുന്ന രഞ്ജു കൃഷ്ണ നസീമയോടൊപ്പം തിരുവനന്തപുരത്തു താമസിച്ചു വരുന്ന സമയത്തായിരുന്നു കൊലപാതകം. ഇതിനിടെ നസീമയുടെ മകളെ ഇയാള്‍ പീഡിപ്പിക്കാന്‍ ശ്രമിച്ചതിലെ വൈരാഗ്യമാണു കൊല നടത്താന്‍ കാരണം. മകളെ പീഡിപ്പിച്ചതിന് നസീമ കൊടുത്ത പരാതിയില്‍ രഞ്ജു കൃഷ്ണയെ പ്രതിയാക്കി പോലീസ് കേസെടുത്തിരുന്നു. പോക്സോ വകുപ്പുകള്‍ പ്രകാരമായിരുന്നു അറസ്റ്റ്.

ജയിലില്‍ നിന്നും പുറത്തിറങ്ങിയ രഞ്ജു കൃഷ്ണ പകരം വീട്ടുമെന്ന് അറിയിച്ചതിനെ തുടര്‍ന്ന് രഞ്ജുവിനെ ഭീഷണിപ്പെടുത്തുവാനായിരുന്നത്രെ ക്വട്ടേഷന്‍. എന്നാല്‍ മര്‍ദ്ദനത്തിനിടെ രഞ്ജു കൃഷ്ണ മരിച്ചതോടെ കര്‍ണാടകയിലെ വിരാജ്പേട്ടയില്‍ മലയടിവാരത്ത് മൃതദേഹം കുഴിച്ചിടുകയായിരുന്നു.

കൊടുങ്ങല്ലൂരില്‍ വെച്ച് കണ്ണൂര്‍ സ്വദേശിയായ എന്ജിനീയരെ മറ്റൊരു യുവതിയെ ഉപയോഗിച്ച് തേന്‍ കെണിയില്‍ പെടുത്തി പണം തട്ടാന്‍ ശ്രമിക്കുന്നതിനിടെയാണ് നസീമ പോലീസ് പിടിയിലാകുന്നത്.

നാലുവര്‍ഷം മുമ്പാണ് കൊടുങ്ങല്ലൂര്‍ക്കാരി സസീമയെ കണ്ണൂര്‍ സ്വദേശിയായ എന്‍ജിനീയര്‍ പരിചയപ്പെടുന്നത്. അതിന് ശേഷം നസീമയുടെ സുഹൃത്ത്‌ ഷമീനയുടെ ഫോട്ടോ കാണിച്ച് എന്ജിനീയരെ നസീമ കൊടുങ്ങല്ലൂര്‍ക്ക് വിളിച്ച് വരുത്തുകയായിരുന്നു. കൊച്ചിയിലേക്കുള്ള യാത്രയ്ക്കിടെ യുവാവ് നേരെ കൊടുങ്ങല്ലൂരെത്തിയ നസീമയും ഷെമീനയും ചേര്‍ന്ന് ഫ്ളാറ്റിലേക്കു കൊണ്ട് പോയി ഗുണ്ടകളേ വരുത്തിച്ച് പണം തട്ടാന്‍ ശ്രമിക്കുകയായിരുന്നു. സദാചാര സംരക്ഷകര്‍ ചമഞ്ഞ സംഘം മൊബൈല്‍ ഫോണില്‍ ഫോട്ടോയും വീഡിയോയുമെടുത്തു. പഴ്സിലുണ്ടായിരുന്ന 35,000 രൂപയും സംഘം തട്ടിയെടുത്തു. എടിഎം കാര്‍ഡ് ഉപയോഗിച്ച് പണം പിന്‍വലിക്കാന്‍ ശ്രമിച്ചപ്പോള്‍ അക്കൌണ്ടില്‍ പണമില്ലാതിരുന്നതിനാല്‍ എന്‍ജിനീയറെ സംഘം തിരിച്ചെത്തി വീണ്ടും മർദിച്ചു. ഫോണെടുത്ത് പൊലീസിനെ വിളിക്കാന്‍ എന്‍ജിനീയര്‍ ശ്രമിച്ചപ്പോഴും മര്‍ദ്ദനം തുടര്‍ന്നു. മൂന്നു ലക്ഷം രൂപ അക്കൗണ്ടില്‍ ഇടണമെന്നും ഇല്ലെങ്കില്‍ കാര്‍ കൊണ്ടുപോകുമെന്നും സംഘം ഭീഷണിപ്പെടുത്തി.

തുടര്‍ന്ന് പണം തരാമെന്ന് എന്‍ജിനീയര്‍ സമ്മതിക്കുകയായിരുന്നു. ഇക്കാര്യം പുറത്തു പറഞ്ഞാല്‍ വിഡിയോയും ചിത്രങ്ങളും സമൂഹമാധ്യമങ്ങളില്‍ പ്രചരിപ്പിക്കുമെന്നും ഭീഷണിപ്പെടുത്തി. പണം കൊടുക്കാമെന്നു സമ്മതിച്ചു ഫ്ളാറ്റില്‍ നിന്നും പുറത്തിറങ്ങിയ എന്‍ജിനീയര്‍ നേരെ കൊടുങ്ങല്ലൂര്‍ പൊലീസ് സ്റ്റേഷനില്‍ പോയി പരാതി നല്‍കുകയായിരുന്നു. തുടര്‍ന്ന് പോലീസ് നസീമയെ അറസ്റ്റ് ചെയ്യുകയായിരുന്നു.

നാല് വര്‍ഷമായി ഖത്തറിലും ബഹറിനിലും മാറി മാറി ജോലി ചെയ്തിരുന്ന നസീമ അവിടെ വെച്ചാണ് അക്ബര്‍ഷായേയും ഷേമീനയെയും പരിചയപ്പെടുന്നത്. നസീമ അനാശാസ്യത്തിന് പിടിയിലായപ്പോള്‍ ജയിലില്‍ നിന്നും ഇറക്കിയത് അക്ബര്‍ഷാ ആയിരുന്നു. ഖത്തറില്‍ ആജീവനാന്ത വിലക്ക് ലഭിച്ച നസീമ പിന്നീട് ബഹറിനിലേക്ക് പോകുകയായിരുന്നു. ഒരു മാസം മുന്‍പാണ് നസീമയും അക്ബര്‍ഷായും നാട്ടില്‍ തിരിച്ചെത്തി കൊടുങ്ങല്ലൂരില്‍ ഫ്ലാറ്റ് വാടകക്കെടുത്ത്‌ താമസം തുടങ്ങുന്നത്.

 

Advertisement

KERALA

സൗദിയിലെ വായ്‌പ കേരളത്തിൽ ഭീഷണിപ്പെടുത്തി വാങ്ങാൻ ശ്രമിക്കരുത്: കേരള ഹൈക്കോടതി.

Published

on

 

സൗദി അറേബ്യയിൽ ജോലി ചെയ്തിരുന്ന സമയത്ത് എടുത്ത ബാങ്ക് വായ്പ കേരളത്തിൽ വെച്ച് ഭീഷണിപ്പെടുത്തി പിരിക്കാൻ ശ്രമിച്ചതിനെതിരെ കേരള ഹൈക്കോടതിയുടെ വിധി.

സൗദിയിലെ അൽ രാജഹി ബാങ്കിൽ നിന്നും വായ്പയെടുത്ത പണം തിരികെ ലഭിക്കാനായി ബാങ്കിന്റെ റിക്കവറി ഏജന്റുമാർ ഭീഷണിപ്പെടുത്തുന്നു എന്നായിരുന്നു കൊല്ലം സ്വദേശിനിയായ മുൻകാല പ്രവാസിയുടെ ഹർജി. സൗദിയിൽ നഴ്‌സായി ജോലി ചെയ്തു വന്നിരുന്ന സമയത്താണ് ഇവർ ബാങ്കിൽ നിന്നും വായ്പയെടുത്തത്.

വായ്പയെടുത്തു തിരിച്ചടക്കാതെ സൗദിയിൽ നിന്നും ഫൈനൽ എക്സിറ്റിൽ പോയവരിൽ നിന്നും ലഭിക്കാനുള്ള പണം പിരിച്ചെടുക്കാനായി സൗദി അൽ രാജഹി ബാങ്ക് മുംബൈ ആസ്ഥാനമായി പ്രവർത്തിക്കുന്ന ബിൽക്കിഷ് അസോസിയേറ്റ്‌സ് എന്ന സ്വകാര്യ സ്ഥാപനത്തെയാണ് ചുമതലപ്പെടുത്തിയിരിക്കുന്നത്. കേരളത്തിൽ നിന്നും ലഭിക്കാനുള്ള പണം ആളുകളിൽ നിന്നും പിരിച്ചെടുക്കാൻ ബിൽക്കിഷ് അസോസിയേറ്റ്‌സ് കെ ജി എം എന്ന സ്ഥാപനത്തെയാണ് ചുമതലപ്പെടുത്തിയിട്ടുള്ളത്. ഇവരായിരുന്നു ഹർജിക്കാരിയെ നിരന്തരമായി ഭീഷണിപ്പെടുത്തി കൊണ്ടിരുന്നത്.

പണം തിരികെ അടച്ചില്ലെങ്കിൽ ഇവരെ അറസ്റ്റ് ചെയ്ത് സൗദി അറേബ്യയിലേക്ക് കൊണ്ട് പോയി നിയമ നടപടികൾക്ക് വിധേയയാക്കും എന്ന് കെ ജി എം എന്ന സ്ഥാപനത്തിലെ രണ്ടു പേർ നിരന്തരമായി ഭീഷണിപ്പെടുത്തിയിരുന്നു എന്ന് ഇവർ ഹർജിയിൽ പറയുന്നു.

ഇത്തരം സംഭവങ്ങൾ ആവർത്തിക്കാതിരിക്കാൻ ശ്രദ്ധിക്കണമെന്ന് ജസ്റ്റിസുമാരായ കെ വിനോദ് ചന്ദ്രനും വി ജി അരുണും അടങ്ങിയ ഡിവിഷൻ ബെഞ്ച് കേരള പൊലീസിന് കോടതി നിർദ്ദേശം നൽകി. സംസ്ഥാനത്ത് അനധികൃത ൽ റിക്കവറി ഏജന്റുമാർ പ്രവർത്തിക്കുന്നില്ലെന്ന് ഉറപ്പു വരുത്തണമെന്ന് എല്ലാ ജില്ലകളിലേയും പോലീസ് മേധാവിമാർക്ക് നിർദ്ദേശം നൽകിയതായി സംസ്ഥാന പോലീസ് മേധാവി കോടതിയെ അറിയിച്ചു.

Continue Reading

KERALA

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

Published

on

തിരുവനന്തപുരം: തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും. പുതിയ കളക്ടറായി സി.ഷാനവാസ് ചുമതലയേൽക്കും.

ഷാനവാസിനെ പുതിയ കലക്ടറായി നിയമിക്കാൻ ഇന്ന് ചേര്‍ന്ന മന്ത്രിസഭാ യോഗം തീരുമാനമെടുത്തു.

കളക്ടർ അനുപമ അവധിക്ക് അപേക്ഷ നല്‍കിയ സാഹചര്യത്തിലാണ് ഷാനവാസിനെ പകരം നിയമിക്കാന്‍ മന്ത്രിസഭാ യോഗം തീരുമാനിച്ചത്.

തൃശൂർ കളക്‌ടറായി സ്ഥാനമേറ്റ് ഒരു വർഷം പൂർത്തിയായതിന് ശേഷമാണ് ഇപ്പോൾ സ്ഥാനമൊഴിയുന്നത്.

മലപ്പുറം പൊന്നാനി സ്വദേശിനിയായ അനുപമ 2010 ബാച്ചിലെ ഐ എ എസ് ഉദ്യോഗസ്ഥയാണ്.

അവധി ലഭിക്കുന്ന മുറക്ക് മുസ്സോറിയിലെ ദേശീയ അക്കാദമിയിലേക്ക് അനുപമ തുടര്‍ പരിശീലനത്തിനായി തിരിക്കും.

Continue Reading

KERALA

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

Published

on

ഒറ്റപ്പാലത്തുള്ള ബാങ്ക് ഇന്ത്യയിൽ നിന്നും പണം വിട്ടുകിട്ടാൻ അനാവശ്യമായ തിടുക്കം കാട്ടിയിട്ടില്ലെന്ന് ജീവകാരുണ്യ പ്രവർത്തകൻ ഫിറോസ് കുന്നംപറമ്പിൽ.

പതിനൊന്ന് ദിവസം കാത്തിരുന്നതിന് ശേഷവും അനാസ്ഥ തുടർന്നപ്പോഴാണ് കുട്ടികളുടെ ചികിത്സയെ ബാധിക്കുന്നത് കൊണ്ടും ആ പണത്തിൽ നിന്നും മറ്റുള്ളവർക്ക് സഹായം നൽകേണ്ടത് കൊണ്ടും കാര്യങ്ങൾ പുറം ലോകത്തോട് തുറന്ന് പറഞ്ഞത്.

പത്ത് ലക്ഷം രൂപ ഇതിനകം തന്നെ ബാങ്കിൽ നിന്നും അവർക്ക് നൽകി കഴിഞ്ഞു. ബാങ്കിൽ നിന്നും ഇന്നലെ ലഭിച്ച പണത്തിൽ നിന്ന് ഇനിയും പത്ത് ലക്ഷം രൂപയോളം ആ കുട്ടികളുടെ ചികിത്സക്ക് തന്നെ ചിലവുണ്ട്. പത്ത് ലക്ഷം രൂപ ഭാവിയിലെ ചികിത്സക്കായി നൽകും. പത്ത് ലക്ഷം രൂപ ഇളയ പെൺകുട്ടിയുടെ വിവാഹ ചിലവിലേക്കായി മാറ്റി വെക്കും. ഭാവിയിലും അവർക്ക് ആവശ്യമായ സഹായം ചെയ്യും.

ഇന്നലെ രാത്രി തന്നെ ആ പണത്തിൽ നിന്നും അഞ്ച് ലക്ഷം രൂപ ചെർപ്പുളശ്ശേരിയിലുള്ള രതീഷ് എന്ന ചെറുപ്പക്കാരന്റെ ഹൃദയ ശസ്ത്രക്രിയക്കായി നൽകി. ഹൃദയ ശസ്ത്രക്രിയക്ക് പണമില്ലാതെ അപകടകരമായ അവസ്ഥയിൽ ആയിരുന്നു ആ ചെറുപ്പക്കാരൻ.

ഇന്ന് രാവിലെ ശ്വാസ കോശം ചുരുങ്ങി വരുന്ന രോഗമുള്ള ഒരു കുട്ടിക്ക് അഞ്ചു ലക്ഷം രൂപ നൽകി. വെളിയങ്കോട് പഴനിലം മുനീറയുടെ പതിനൊന്ന് മാസം മാത്രം പ്രായമുള്ള കുട്ടിയുടെ ചികിത്സക്കാണ് ആ പണം നൽകിയത്. ശ്വാസകോശം ചുരുങ്ങി ശ്വാസം കിട്ടാത്ത അവസ്ഥയിൽ ആണ് ആ കുട്ടി.

ഇത്തരത്തിൽ ദിവസവും പത്ത് കേസുകളോളം കൈകാര്യം ചെയ്യുന്നുണ്ട്. അവർക്കെല്ലാം കൊടുക്കാൻ പണം ആവശ്യമാണ്. ബാങ്കിൽ പണം കിടന്നാൽ ജീവന് വേണ്ടി ചികിത്സക്കായി പണത്തിന് ആവശ്യമുള്ളവർക്ക് പണം നൽകാൻ സാധിക്കില്ല. അത് കൊണ്ട് തന്നെയാണ് ബാങ്ക് സാങ്കേതിക കാരണങ്ങൾ പറഞ്ഞ് പണം നൽകാതെ നീട്ടിക്കൊണ്ടു പോയപ്പോൾ പ്രതികരിക്കേണ്ടി വന്നത്.

ഓരോ ദിവസവും വരുന്ന എല്ലാ കേസുകളും വിഡിയോയിൽ പകർത്താറില്ല. ഒരു കേസിൽ ലഭിച്ച പണം ആ ആവശ്യം കഴിഞ്ഞ് ബാക്കി വന്നാൽ മറ്റുള്ളവരുടെ ചികിത്സക്കായി വീതിച്ചു നൽകുകയാണ് പതിവ്.

ജാതിയും മതവും രാഷ്ട്രീയവും നോക്കാതെ നന്മ ചെയ്യമ്പോൾ അത് വിവാദമാക്കാൻ ശ്രമിക്കുന്ന ആളുകളും പ്രസ്ഥാനങ്ങളും ഏതാണെന്ന് ജനങ്ങൾ തിരിച്ചറിയണം. എനിക്ക് രാഷ്ട്രീയമുണ്ട്. പക്ഷെ അത് ഞാൻ എന്റെ പ്രവർത്തനങ്ങളെ ബാധിക്കുന്ന രീതിയിൽ ഇടെപെടുത്താറില്ല.

ഒറ്റപ്പാലത്തെ കുട്ടികൾക്ക് ലഭിച്ച ഒരു കോടി പതിനേഴ് ലക്ഷത്തിലെ അവസാനത്തെ പണവും നൽകി കഴിഞ്ഞാൽ അതിന്റെ സ്റ്റേറ്റ്മെന്റുകളുമായി ഞാൻ നിങ്ങളുടെ മുന്നിലേക്ക് വരും. ഇനിയും എല്ലാവരുടെയും പിന്തുണയും സഹകരണവും ഉണ്ടാകണമെന്നും ഫിറോസ് പറഞ്ഞു.

Continue Reading
KERALA1 month ago

സൗദിയിലെ വായ്‌പ കേരളത്തിൽ ഭീഷണിപ്പെടുത്തി വാങ്ങാൻ ശ്രമിക്കരുത്: കേരള ഹൈക്കോടതി.

KERALA2 months ago

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

KERALA2 months ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST3 months ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST3 months ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST3 months ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA3 months ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA3 months ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH3 months ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA3 months ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME3 months ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME3 months ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA3 months ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH3 months ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

KERALA3 months ago

അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.

Trending

error: Content is protected !!