Connect with us

INTERNATIONAL

കെ.പി യോഹന്നാന്‍റെ ഗോസ്പല്‍ ഫോർ ഏഷ്യ ഒത്തു തീര്‍പ്പിന് തയ്യാറാകുന്നത് വിധി എതിരാകുമെന്ന ഭീതി കൊണ്ട്?

Published

on

ഫണ്ട് ദുരുപയോഗം ചെയ്തതിന് അമേരിക്കയില്‍ നിലവിലുള്ള കേസുകളില്‍ 37 മില്യന്‍ ഡോളറിന് കെ.പി യോഹന്നാന്റെ ഗോസ്പല്‍ ഫോര്‍ ഏഷ്യ ഒത്തുതീര്‍പ്പാക്കി എന്ന വിശദീകരണത്തിലെ ദുരൂഹതകള്‍ക്ക് വിശദീകരണം നല്‍കാന്‍ ഗോസ്പല്‍ ഫോർ ഏഷ്യക്ക് കഴിയുന്നില്ല.

കേസില്‍ പരാതിക്കാരുമായി ഒത്തു തീര്‍പ്പിന് തയ്യാറാകുന്നതോടെ പരാതിക്കാര്‍ ഉന്നയിച്ച ആരോപണങ്ങള്‍ പരോക്ഷമായി അംഗീകരിക്കുകയാണ് ഗോസ്പല്‍ ഫോര്‍ ഏഷ്യയും യോഹന്നാനും ഭാര്യും മകനും അടക്കമുള്ള പ്രതികള്‍ ചെയ്യുന്നത്. ഈ ആരോപണങ്ങള്‍ ആകട്ടെ അതീവ ഗുരുതരമാണ് താനും. ഇന്ത്യയിലെ ഗ്രാമങ്ങളില്‍ ഉള്ള പാവപ്പെട്ടവരെ സഹായിക്കാന്‍ എന്ന വ്യാജേന അമേരിക്ക ഉള്‍പ്പെടെയുള്ള വിദേശ രാജ്യങ്ങളില്‍ നിന്നും കോടിക്കണക്കിന് രൂപ പിരിച്ചെടുക്കുകയും ഈ പണം സ്വകാര്യ ആവശ്യങ്ങള്‍ക്കും ഭൂമികള്‍ വാങ്ങിക്കൂട്ടുന്നതിനും ഉപയോഗിച്ചുവെന്ന ആരോപണം ഒരു ചാരിറ്റി സംഘടനയെ സംബന്ധിച്ചിടത്തോളം വിശ്വാസ്യതയുടെ അടിവാരം ഇളക്കാന്‍ പോന്ന ആരോപണമാണ്. ഈ തട്ടിപ്പ് നടത്തുന്നതിന് വേണ്ടിയാണ് ഗോസ്പല്‍ ഫോര്‍ ഏഷ്യയുടെ ഡയറക്ടര്‍ ബോര്‍ഡില്‍ ബന്ധുക്കളെയും ഇഷ്ടക്കാരെയും നിയമിക്കുച്ചിരുന്നത് എന്ന ആരോപണവും മുന്‍ ആരോപണത്തെ ശരി വെക്കുന്ന മറ്റൊരു ആരോപണമാണ്.

അതേസമയം ഒത്ത് തീര്‍പ്പിന് തയ്യാറാകുന്നത് ഫണ്ട് തിരിമറി അടക്കമുള്ള കുറ്റങ്ങള്‍ സമ്മതിക്കുന്നതായി വ്യാഖ്യാനിക്കരുതെന്നും എന്നുള്ള ഗോസ്പല്‍ ഫോര്‍ ഏഷ്യയുടെ ആവശ്യം വെറും പ്രഹസനമാണെന്നും താല്‍ക്കാലികമായി ജനശ്രദ്ധ തിരിച്ചു വിടാനുള്ള അടവാണെന്നും നിയമ വൃത്തങ്ങള്‍ വ്യക്തമാക്കുന്നു. ഇത് ഗോസ്പല്‍ ഓഫ് ഏഷ്യയുടെ വെറുമൊരു ആവശ്യം മാത്രമാണ്. അത് കോടതി ഇത് വരെ അംഗീകരിച്ചിട്ടില്ല. അത് അംഗീകരിച്ചതായി കോടതി തീരുമാനം ഉണ്ടായാല്‍ മാത്രമേ കുറ്റാരോപണം ഗോസ്പല്‍ ഫോർ ഏഷ്യയുടെ മേല്‍ നിന്നും ഒഴിവാകൂ.

സാധാരണ ഗതിയില്‍ കേസിലെ രണ്ടു കക്ഷികളും തമ്മില്‍ പരസ്പരം ഒത്തു തീര്‍പ്പില്‍ എത്തുമ്പോള്‍ കേസ് തീര്‍ന്നതായി പ്രഖ്യാപിക്കുക എന്നതല്ലാതെ കുറ്റാരോപിതനെ കുറ്റ വിമുക്തനായി പ്രഖ്യാപിക്കുക എന്ന കീഴ്‌വഴക്കം ലോകത്തെ ഒരു കോടതിയും സ്വീകരിക്കില്ല എന്നും നിയമ വിദഗ്ദര്‍ പറയുന്നു.

കോടതി പ്രതികളെ കുറ്റവിമുക്തരായി പ്രഖ്യാപിക്കാത്തിടത്തോളം കാലം ഗോസ്പല്‍ ഫോര്‍ ഏഷ്യക്ക് എതിരെ ആരോപിക്കപ്പെട്ടിരുന്ന ഫണ്ട് തിരിമറി, സ്വജനപക്ഷപാതം, അവിഹിതമായി സ്വത്ത് സമ്പാദിക്കല്‍ എന്ന ആരോപണം നില നില്‍ക്കും. ഗോസ്പല്‍ ഫോര്‍ ഏഷ്യ, ഗോസ്പല്‍ ഫോര്‍ ഏഷ്യ ഇന്റര്‍നാഷണല്‍, കെ.പി യോഹന്നാന്‍, കെ.പി യോഹന്നാന്‍റെ ഭാര്യ ജസീല പുന്നൂസ്, മകന്‍ ഡാനിയേല്‍ പുന്നൂസ്, ഡേവിഡ് കരോള്‍, പാറ്റ് എമിറിക് എന്നീ പ്രതികള്‍ ഒരിക്കലും കുറ്റവിമുക്തരും ആകുന്നില്ല. ഇതെല്ലാം ഇവര്‍ നേതൃത്വം നല്‍കുന്ന സ്ഥാപനങ്ങള്‍ക്ക് എന്നും ഒരു തീരാ കളങ്കമായി നില നില്‍ക്കുകയും ചെയ്യും.

ഒത്തു തീര്‍പ്പിനായി ചിലവാക്കുന്നത് വന്‍തുകയാണെന്ന് ഗോസ്പല്‍ ഫോർ ഏഷ്യ വക്താവ് അവകാശപ്പെടുന്നു എങ്കിലും സംഘടനകള്‍ക്ക് ലഭിച്ചിരുന്ന സംഭാവനയുമായി തട്ടിച്ചു നോക്കുമ്പോള്‍ ഈ 261 കോടി രൂപ വെറും നാമമാത്ര സംഖ്യ ആണെന്ന് വ്യക്തമാകുന്നു. മുന്‍ നീക്കിയിരിപ്പ് ഉള്‍പ്പെടെ ഗോസ്പല്‍ ഫോര്‍ ഏഷ്യ, ബിലീവേഴ്‌സസ് ചര്‍ച്ച് ഓഫ് ഇന്ത്യ, ലാസ്റ്റ് അവര്‍ മിനിസ്ട്രി, ലൗ ഇന്ത്യ മിനിസ്ട്രീസ് എന്നീ എന്‍ജിഒകള്‍ക്ക് 2014-15 കാലയളവില്‍ 1191 കോടിയുടെ വിദേശഫണ്ട് നീക്കിയിരിപ്പുണ്ടായിരുന്നു.

2016ല്‍ യോഹന്നാന്‍റെ സ്ഥാപനങ്ങളായ ബിലീവേഴ്സ് ചര്‍ച്ച്, ലാസ്റ്റ് അവര്‍ മിനിസ്ട്രി, ലവ് ഇന്ത്യ മിനിസ്ട്രി, അയന ചാരിറ്റബിള്‍ ട്രസ്റ്റ് എന്നിവക്ക് ലോകമെമ്പാടു നിന്നും 1889 കോടി രൂപ സംഭാവനയായി ലഭിച്ചുവെന്നാണ് ആഭ്യന്തര മന്ത്രാലയത്തിന്റെ കണക്കുകള്‍ വ്യക്തമാക്കുന്നത്. 2017 ല്‍ യോഹന്നാന്‍റെ സ്ഥാപനങ്ങളുടെ വിദേശ സംഭാവനകള്‍ സ്വീകരിക്കാനുള്ള അനുമതിയായ ഫോറിന്‍ കോണ്‍ട്രിബ്യൂഷന്‍ റെഗുലേഷന്‍ ആക്റ്റ് പ്രകാരമുള്ള രജിസ്ട്രേഷന്‍ ആഭ്യന്തര മന്ത്രാലയം റദ്ദാക്കുകയും ചെയ്തു.

2015 ലാണ് അമേരിക്കയിലെ അര്‍ക്കന്‍സാസ് കോടതിയില്‍ ഗോസ്പല്‍ ഫോര്‍ ഏഷ്യയ്ക്കെതിരെയുള്ള പരാതി എത്തുന്നത്. ഫണ്ട് തിരിമറി, സ്വജനപക്ഷപാതം, അവിഹിതമായി സ്വത്ത് സമ്പാദിക്കല്‍ എന്നിവയായിരുന്നു ഗോസ്പല്‍ ഫോര്‍ ഏഷ്യക്ക് എതിരെ ആരോപിക്കപ്പെട്ടിരുന്ന കുറ്റങ്ങള്‍. ഗോസ്പല്‍ ഫോര്‍ ഏഷ്യ, ഗോസ്പല്‍ ഫോര്‍ ഏഷ്യ ഇന്റര്‍നാഷണല്‍, കെ.പി യോഹന്നാന്‍, കെ.പി യോഹന്നാന്‍റെ ഭാര്യ ജസീല പുന്നൂസ്, മകന്‍ ഡാനിയേല്‍ പുന്നൂസ്, ഡേവിഡ് കരോള്‍, പാറ്റ് എമിറിക് എന്നിവരാണ് കേസിലെ പ്രതികള്‍.  

ഒരു കാലത്ത് ഏറ്റവും അധികം വിദേശ ഫണ്ട് ലഭിച്ചിരുന്ന ഗോസ്പല്‍ ഫോര്‍ ഏഷ്യ ലഭിക്കുന്ന തുകയുടെ 13 ശതമാനം മാത്രമാണ് പ്രേഷിത പ്രവര്‍ത്തനങ്ങള്‍ക്ക് ഉപയോഗിക്കുന്നള്ളൂ എന്നാണ് പരാതിക്കാരായ അമേരിക്കന്‍ ഡോക്ടര്‍ ദമ്പതികളായ ഗാര്‍ലന്‍ഡും ഫിലക്സ് മര്‍ഫിയും ആരോപിച്ചിരുന്നത്. ഇന്ത്യയിലെ ഗ്രാമങ്ങളില്‍ ഉള്ള പാവപ്പെട്ടവരെ സഹായിക്കാന്‍ എന്ന വ്യാജേന അമേരിക്ക ഉള്‍പ്പെടെയുള്ള വിദേശ രാജ്യങ്ങളില്‍ നിന്നും കോടിക്കണക്കിന് രൂപ പിരിച്ചെടുക്കുകയും ഈ പണം മുഴുവന്‍ സ്വകാര്യ ആവശ്യങ്ങള്‍ക്കും ഭൂമികള്‍ വാങ്ങിക്കൂട്ടുന്നതിനും ഉപയോഗിച്ചുവെന്നായിരുന്നു ആരോപണം. കൂടാതെ ഗോസ്പല്‍ ഫോര്‍ ഏഷ്യയുടെ ഡയറക്ടര്‍ ബോര്‍ഡില്‍ ബന്ധുക്കളെയും ഇഷ്ടക്കാരെയും നിയമിക്കുന്നുവെന്നും പരാതിയില്‍ ആരോപണം ഉന്നയിച്ചിരുന്നു.

ഈ കേസ് തീര്‍പ്പാകാതെ മൂന്ന് വര്‍ഷമായി നീണ്ട് പോകുകയും അന്തിമ വിധി അതിരാകും എന്നുള്ള ബോധ്യം ഉണ്ടാകുകയും ചെയ്ത സാഹചര്യത്തിലാണ് ഗോസ്പല്‍ ഫോര്‍ ഏഷ്യ ഒത്ത് തീര്‍പ്പിന് നീക്കം ആരംഭിച്ചത് എന്നാണ് ഭാഷ്യം. ഉദ്ദേശം 261 കോടി രൂപയുടെ ഒത്തു തീര്‍പ്പ്‌ ഹരജിയാണ് പടിഞ്ഞാറന്‍ അമേരിക്കയിലെ അര്‍ക്കന്‍സാസ് കോടതിയില്‍ ഗോസ്പല്‍ ഫോര്‍ ഏഷ്യ സമര്‍പ്പിച്ചത്. കഴിഞ്ഞ ദിവസം കോടതിയില്‍ സമര്‍പ്പിച്ച ഹരജിയില്‍ 37 മില്യന്‍ അമേരിക്കന്‍ ഡോളര്‍ സംഭാവന നല്‍കിയവര്‍ക്ക് തിരികെ നല്‍കാമെന്നും ബോര്‍ഡ് ഓഫ് ഡയറക്ടേഴ്സില്‍ പരാതിക്കാരെ ഉള്‍പ്പെടുത്താമെന്നും അറിയിച്ചിട്ടുണ്ട്.

അതേസമയം ഒത്ത് തീര്‍പ്പിന് തയ്യാറാകുന്നത് ഫണ്ട് തിരിമറി അടക്കമുള്ള കുറ്റങ്ങള്‍ സമ്മതിക്കുന്നതായി വ്യാഖ്യാനിക്കരുതെന്നും ഗോസ്പല്‍ ഫോര്‍ ഏഷ്യ കോടതിയില്‍ ആവശ്യപ്പെട്ടിട്ടുണ്ട്. ഇത് സംബന്ധിച്ച് അന്തിമ തീരുമാനം ഉണ്ടാകേണ്ടത് ഇനി കോടതിയില്‍ നിന്നാണ്.

 

INDIA

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

Published

on

റിയാദ്: കോവിഡ് പ്രതിസന്ധി മൂലം ആരോഗ്യ പ്രവര്‍ത്തകരുടെ ആവശ്യകതയും ദൌര്‍ലഭ്യവും ചൂഷണം ചെയ്തു വ്യാജ ഏജന്റുമാര്‍ തട്ടിപ്പുകള്‍ നടത്തുന്നതായി റിപ്പോര്‍ട്ട്. നോര്‍ക്കയുടെ പ്രതിനിധികള്‍ എന്ന വ്യാജേനയാണ് ഇവര്‍ റിക്രൂട്ട്മെന്റ് തട്ടിപ്പ് നടത്തുന്നത്. ചതിയില്‍ പെട്ട് നിരവധി പേര്‍ക്ക് പണം നഷ്ടപ്പെട്ടതയാണ് അറിയുന്നത്.

റിയാദ് ഇന്ത്യന്‍ എംബസ്സി വഴി നഴ്സുമാരെ വാക്സിനേഷന്‍ ഡ്യൂട്ടിക്ക് റിക്രൂട്ട് ചെയ്യുന്നു എന്ന വാഗ്ദാനം നല്‍കിയാണ്‌ പണം തട്ടിയത്. ഗൂഗിള്‍ പേ വഴിയാണ് പല നഴ്സുമാരും പണം കൈമാറിയിട്ടുള്ളത്. അത് മൂലം പരാതിപ്പെടാന്‍ പോലും കഴിയാത്ത അവസ്ഥയിലാണ് ഇവര്‍. ഒരാള്‍ക്ക് 35,൦൦൦ രൂപക്ക് മുകളില്‍ നഷ്ടപ്പെട്ടിട്ടുണ്ട്.

എംബസ്സിയുടെ നേരിട്ടുള്ള നിയമനമാണ് നടത്തുന്നത് എന്നാണ് ഏജന്റുമാര്‍ പറഞ്ഞിരുന്നത്. തിരഞ്ഞെടുക്കപ്പെട്ടതായി കാണിച്ചു കൊണ്ട് ഇന്ത്യന്‍ എംബസ്സിയുടെ ഔദ്യോഗിക മുദ്രയും സീലും ഉള്ള കത്തുകളാണ് ഇവര്‍ക്ക് അയച്ചു കൊടുത്തിട്ടുള്ളത്. മേയ് പത്താം തിയ്യതി മെഡിക്കല്‍ പരിശോധന നടത്തണമെന്നും കാണിച്ച് ഇവര്‍ക്ക് കത്ത് നല്‍കിയിരുന്നു.

മെഡിക്കല്‍ പരിശോധന പൂര്‍ത്തിയായാല്‍ അന്ന് തന്നെ നഴ്സുമാര്‍ക്ക് വിസയും, ഇമിഗ്രേഷന്‍ പേപ്പറുകളും ഇന്‍ഷുറന്‍സ് പേപ്പറുകളും വിമാന ടിക്കറ്റും അടങ്ങുന്ന കിറ്റ്‌ കൈമാറുമെന്നും കത്തില്‍ പറയുന്നു. മേയ് 12 ന് റിയാദിലെ തൊഴില്‍ മന്ത്രാലയത്തില്‍ റിപ്പോര്‍ട്ട് ചെയ്യണമെന്നും കത്തില്‍ കാണിച്ചിരുന്നു. 53൦൦ റിയാലായിരുന്നു ശമ്പളമായി വാഗ്ദാനം ചെയ്തിരുന്നത്.

ഇക്കാര്യത്തില്‍ സംശയം തോന്നിയ മൂന്ന് നഴ്സുമാര്‍ ഇക്കാര്യം നഴ്സുമാരുടെ സംഘടനയായ യുണൈറ്റഡ് നഴ്സസ് അസോസിയേഷനെ (യു.എന്‍.എ) അറിയിച്ചതോടെയാണ് തട്ടിപ്പ് പുറത്തായത്. സംഘടനയുടെ ഭാരവാഹികള്‍ റിയാദിലെ ഇന്ത്യന്‍ എംബസ്സിയുമായി ബന്ധപ്പെട്ടപ്പോള്‍ ഇത്തരമൊരു റിക്രൂട്ട്മെന്റ് വ്യാജമാണെന്നും തട്ടിപ്പില്‍ പെടരുതെന്നും എംബസ്സി ഉദ്യോഗസ്ഥര്‍ മുന്നറിയിപ്പ് നല്‍കി.

മുന്‍പും ഇത്തരത്തില്‍ റിക്രൂട്ട്മെന്റ് തട്ടിപ്പുകള്‍ നടന്നിരുന്നെന്നും ഒരു ഇടവേളക്ക് ശേഷം ഇത് ഇപ്പോള്‍ പുനരാരംഭിച്ചിരിക്കുകയാണെന്നും യു.എന്‍.എ ഭാരവാഹികള്‍ പറയുന്നു. യു.എ.ഇ യിലും വാക്സിനേഷന്‍ ഡ്യൂട്ടിക്ക് എന്ന പേരില്‍ കൊണ്ട് പോയ നഴ്സുമാരില്‍ ഒരു വിഭാഗവും പറ്റിക്കപ്പെട്ടിട്ടുണ്ടെന്നും സംഘടന വ്യക്തമാക്കുന്നു. ഇത്തരം തട്ടിപ്പുകള്‍ തിരിച്ചറിയണമെന്നും വ്യാജന്മാരുടെ വാഗ്ദാനങ്ങളില്‍ കുടുങ്ങി പണം നഷ്ടമാക്കരുത് എന്നും സംഘടന നഴ്സുമാര്‍ക്ക് മുന്നറിയിപ്പ് നല്‍കിയിട്ടുണ്ട്.

Continue Reading

INDIA

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

Published

on

ഇന്ത്യയില്‍ നിന്നുള്ളവരുടെ നേരിട്ടുള്ള പ്രവേശന വിലക്ക് ഉടനെയൊന്നും പിന്‍വലിക്കില്ലെന്ന് ഉറപ്പായതോടെ സൗദിയിലേക്ക് പ്രവേശിക്കാന്‍ പുതിയ റൂട്ടുകളും മാര്‍ഗ്ഗങ്ങളും തേടുന്ന മലയാളികള്‍ അടക്കമുള്ള പ്രവാസികളുടെ എണ്ണം കൂടുന്നു. കൊച്ചിയില്‍ നിന്നും അര്‍മേനിയ വഴി സൗദിയിലേക്കും കൊച്ചിയില്‍ നിന്നും വിമാനത്തില്‍ മാലിദ്വീപില്‍ എത്തി കപ്പലില്‍ ക്വാറന്റൈനു ശേഷം സൗദിയിലേക്കും പ്രവേശിക്കുന്നതിനുള്ള പുതിയ പാക്കേജുകള്‍ കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

ഇപ്പോള്‍ താഷ്കന്റ് വഴിയും പ്രവാസികള്‍ സൗദിയിലേക്ക് പ്രവേശിക്കുന്നതിനായി ഉപയോഗപ്പെടുത്തുന്നതായി ട്രാവല്‍ ഏജന്‍സികള്‍ വെളിപ്പെടുത്തുന്നു. കസാക്കിസ്ഥാന്റെ തലസ്ഥാനമാണ്‌ താഷ്കന്റ്.

മുംബെയില്‍ നിന്നാണ് ഇന്ത്യക്കാര്‍ താഷ്കന്റില്‍ എത്തുന്നത്. കോഴിക്കോട് നിന്നും കൊച്ചിയില്‍ നിന്നും അവിടെയെത്തി താഷ്കന്റിലേക്ക് യാത്ര തിരിക്കുന്നു. ചാര്‍ട്ടേഡ്‌ വിമാനത്തിലാണ് യാത്ര. അവിടെ പതിനാല് ദിവസത്തെ ക്വാറന്റൈന്‍ പൂര്‍ത്തിയാക്കിയതിനു ശേഷം സൗദിയിലേക്ക് പ്രവേശിക്കാം.

ഇപ്പോള്‍ മലയാളികള്‍ അടക്കമുള്ള നിരവധി പേര്‍ ഈ മാര്‍ഗ്ഗത്തിലൂടെ സൗദിയിലേക്ക് പോകുന്നുണ്ട്. എന്നാല്‍ ഈ റൂട്ട് മുഖേനയുള്ള യാത്ര അധികം പേര്‍ക്കും ശുപാര്‍ശ ചെയ്യുന്നില്ലെന്ന് ട്രാവല്‍ രംഗത്തെ വിദഗ്ദര്‍ പറയുന്നു. ഏറ്റവും അത്യാവശ്യമായി സൗദിയിലേക്ക് എത്തി ചേരേണ്ടവര്‍ മാത്രമാണ് ഈ വഴിയിലൂടെയുള്ള പാക്കേജ് നല്‍കുന്നത്.

കാരണം താഷ്കന്റില്‍ നിന്നും ഇന്ത്യയിലേക്ക് വിമാനങ്ങള്‍ കുറവാണ്. ഇന്ത്യയില്‍ കോവിഡ് അതിരൂക്ഷമായി തുടരുന്ന ഇപ്പോഴത്തെ സാഹചര്യത്തില്‍ ഏതു സമയത്തും പുതിയ വിലക്കുകള്‍ കസാക്കിസ്ഥാന്റെ ഭാഗത്ത് നിന്നോ സൗദിയുടെ ഭാഗത്ത് നിന്നോ പ്രതീക്ഷിക്കാം.

താഷ്കന്റില്‍ ക്വാറന്റൈനില്‍ കഴിയുന്ന സമയത്ത് ഇത്തരം പ്രതിസന്ധി ഉണ്ടാകുന്ന സാഹചര്യത്തില്‍ സൗദിയിലേക്ക് യാത്ര ചെയ്യാന്‍ സാധിക്കാതെ വരികയാണെങ്കില്‍ തിരിച്ചു ഇന്ത്യയിലേക്ക് വരുന്നതിന് ബുദ്ധിമുട്ട് അനുഭവപ്പെടുമെന്ന് ഇവര്‍ പറയുന്നു. അത് കൊണ്ട് തന്നെ ഈ വഴി പോകുന്ന പ്രവാസികള്‍ പ്രത്യേകം ശ്രദ്ധിക്കണമെന്നും ഇവര്‍ മുന്നറിയിപ്പ് നല്‍കുന്നുണ്ട്.

ഒമാന്‍ വഴിയും നേപ്പാള്‍ വഴിയും സൗദിയിലേക്ക് പ്രവേശിക്കാനുള്ള മാര്‍ഗ്ഗങ്ങള്‍ അടഞ്ഞതോടെ ഏറ്റവും കൂടുതല്‍ പേര്‍ ഉപയോഗപ്പെടുത്തുന്നത് ബഹറിന്‍ വഴിയുള്ള യാത്രയാണ്. വിസ എളുപ്പത്തില്‍ ലഭിക്കും എന്നതിനാലും ഗള്‍ഫ് രാജ്യമായത് കൊണ്ടും ബഹറിന്‍ പാക്കേജിന് മലയാളികള്‍ മുന്‍ഗണന നല്‍കുന്നുണ്ട്. . വിസക്ക് മൂന്ന് മാസത്തെ കാലാവധി ഉള്ളതിനാല്‍ ഏതെങ്കിലും പ്രത്യേക സാഹചര്യത്തില്‍ യാത്ര മുടങ്ങിയാലും പിന്നീട് യാത്ര ചെയ്യാന്‍ സാധിക്കും. കൂടാതെ ബഹറിനില്‍ നിന്നും അല്‍ ഖോബാറിലേക്കും ദാമ്മമിലേക്കും ബഹറിന്‍ കോസ് വേ വഴി ടാക്സിയില്‍ പ്രവേശിക്കുകയും ചെയ്യാം. ഒരു ലക്ഷം മുതല്‍ ഒന്നേകാല്‍ ലക്ഷം വരെ ഇവര്‍ ഈടാക്കുന്നു.

മാലിദ്വീപില്‍ ജനവാസ മേഖലയില്‍ ഇന്ത്യക്കാരുടെ ഹോട്ടല്‍ ബുക്കിംഗ് തടഞ്ഞതോടെ ഇത് വഴിയുള്ള യാത്രക്ക് തടസ്സം നേരിട്ടിരുന്നു. എന്നാല്‍ ജനവാസ മേഖലകളില്‍ നിന്നും അകലെയുള്ള ഹോട്ടലുകളിലും സര്‍ക്കാര്‍ ഒരുക്കുന്ന താമസ സൗകര്യങ്ങളിലും താമസിക്കാന്‍ അനുമതി ലഭിച്ചിരുന്നു. ഈ പ്രതിസന്ധി കണക്കിലെടുത്ത് കേരളത്തില്‍ നിന്നുള്ള ഒരു ട്രാവല്‍ ഏജന്‍സി കൊച്ചിയില്‍ നിന്നും യാത്രക്കാരെ വിമാനത്തില്‍ മാലിദ്വീപില്‍ എത്തിച്ചു അവിടെ കപ്പലില്‍ ക്വാറന്റൈന്‍ സൗകര്യം ഒരുക്കി അതിന് ശേഷം വിമാന മാര്‍ഗ്ഗം സൗദിയില്‍ എത്തിക്കുന്ന പാക്കേജിന് തുടക്കമിട്ടിട്ടുണ്ട്. ടിക്കറ്റില്ലാതെ അറുപത്തി അയ്യായിരം രൂപയാണ് ഇവര്‍ ഈടാക്കുന്നത്.

കൊച്ചിയില്‍ തന്നെയുള്ള ഒരു ട്രാവല്‍ ഏജന്‍സി അര്‍മേനിയ വഴിക്കും മലയാളികളെ സൗദിയിലേക്ക് കൊണ്ട് പോകുന്നുണ്ട്. വിമാനം ചാര്‍ട്ടര്‍ ചെയ്താണ് യാത്ര. ഒരു വിമാനത്തില്‍ 16൦ പേരെ കൊണ്ട് പോകുന്നു. അഞ്ചു വിമാനങ്ങളാണ് ഇത്തരത്തില്‍ സൗദി പ്രവാസികളെ കൊണ്ട് പോകുന്നതിന് ഇവര്‍ ഒരുക്കുന്നത്. ഒന്നേകാല്‍ ലക്ഷം മുതല്‍ ഒന്നര ലക്ഷം വരെയാണ് ഇവര്‍ ഈടാക്കുന്നത്.

Continue Reading

INDIA

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

Published

on

കൊച്ചി: സൗദി അറേബ്യ ഇന്ത്യയിലേക്കുള്ള വിമാന സര്‍വീസ് ഉടനടി പുനരാരംഭിക്കില്ല എന്ന കാര്യം ഏതാണ്ട് ഉറപ്പായതോടെ സൗദിയിലേക്ക് അത്യാവശ്യമായി തിരിച്ചെത്തേണ്ട മലയാളികളായ പ്രവാസികള്‍ തിരിച്ചെത്താനായി പുതു വഴികള്‍ തേടുകയാണ്.

സൗദിയിലേക്ക് നേരിട്ട് ഇന്ത്യക്കാര്‍ക്ക് പ്രവേശിക്കാന്‍ സാധിക്കാത്ത സാഹചര്യത്തിലും പ്രവാസികള്‍ കൂടുതലായി പോയിരുന്ന നേപ്പാള്‍, ഒമാന്‍, യു.എ.ഇ, ശ്രീലങ്ക തുടങ്ങിയ വഴികളിലൂടെയുള്ള ട്രാന്‍സിറ്റ് പ്രവേശനം മുടങ്ങിയതോടെയാണ് പുതിയ വഴികളും മാര്‍ഗ്ഗങ്ങളും മലയാളികള്‍ പരീക്ഷിക്കുന്നത്.

ഇതിന്റെ ഭാഗമായി മാലിദ്വീപി വഴി കേരളത്തിലെ ഒരു ട്രാവല്‍ ഏജന്‍സി മാലിദ്വീപിലേക്ക് പുതിയ പാക്കേജ് തുടങ്ങിയിട്ടുണ്ട്. മാലിദ്വീപിലേക്ക് എത്തുന്ന മലയാളികള്‍ക്ക് കപ്പലിലാണ് ക്വാറന്റൈന്‍ സൗകര്യം ഒരുക്കുന്നത് എന്നതാണ് ഈ പാക്കേജിന്റെ പ്രത്യേകത.

വിമാനത്തില്‍ തന്നെയാണ് യാത്രക്കാരെ കേരളത്തില്‍ നിന്നും മാലിദ്വീപിലേക്ക് കൊണ്ട് പോകുക. കേരളത്തിലെ ഏതു വിമാന താവളത്തില്‍ നിന്നും യാത്ര ആരംഭിക്കുമെന്ന കാര്യത്തില്‍ ട്രാവല്‍ ഏജന്‍സി ഇപ്പോള്‍ ഉറപ്പ് നല്‍കുന്നില്ല. കൂടുതല്‍ യാത്രക്കാര്‍ എവിടെ നിന്നാണോ ബുക്ക് ചെയ്യുന്നത് അതിനനുസരിച്ച് കൊച്ചി, കോഴിക്കോട്, തിരുവനന്തപുരം തുടങ്ങിയ വിമാന താവളങ്ങളില്‍ നിന്നും യാത്ര ആരംഭിക്കാന്‍ കഴിയുമെന്നാണ് വ്യക്തമാക്കുന്നത്.

മാലിദ്വീപില്‍ എത്തിയാല്‍ ഹോട്ടലിനു പകരം ഷിപ്പില്‍ ക്വാറന്റൈന്‍ സൗകര്യം നല്‍കും. ഇന്ത്യയില്‍ നിന്നും അനേകം പ്രവാസികള്‍ സൗദിയിലേക്ക് പ്രവേശിക്കാനായി എത്തിയതോടെ രോഗ വ്യാപനം ഭയന്ന് നഗര പ്രദേശത്തുള്ള ഹോട്ടലുകളിലും റിസോര്‍ട്ടുകളിലും ഇന്ത്യക്കാര്‍ക്ക് ബുക്കിംഗ് സൗകര്യം മാലി സര്‍ക്കാര്‍ വിലക്കിയിരുന്നു.

സര്‍ക്കാര്‍ ഒരുക്കുന്ന ഗസ്റ്റ് ഹൗസുകളിലും ജനവാസ കേന്ദ്രങ്ങളില്‍ നിന്നും അകന്നു നിലക്കുന്ന ഹോട്ടലുകളിലും മാത്രമേ ഇന്ത്യക്കാര്‍ക്ക് താമസ സൗകര്യത്തിനായി ഹോട്ടലുകള്‍ ബുക്ക് ചെയ്യാന്‍ അനുവാദമുള്ളൂ. ഈ സാഹചര്യത്തിലാണ് കപ്പലില്‍ ക്വാറന്റൈന്‍ സൗകര്യം ഒരുക്കുന്നത്. കൂടാതെ സര്‍ക്കാര്‍ ഒരുക്കുന്ന താമസ സൗകര്യത്തിനു കൂടുതല്‍ തുക മുടക്കേണ്ടി വരും. അത് ഒഴിവാക്കുകയും കൂടി ചെയ്യുക എന്നതുമാണ്‌ കപ്പലില്‍ ക്വാറന്റൈന്‍ സൗകര്യം ഒരുക്കാന്‍ കാരണമായതെന്നും ട്രാവല്‍ ഏജന്‍സി വ്യക്തമാക്കുന്നു.

ചെറിയ കപ്പലുകള്‍ വാടകയ്ക്ക് എടുത്താണ് ഈ സൗകര്യം ഒരുക്കുന്നത്. പത്തു പേര്‍ക്ക് വീതം താമസിക്കാന്‍ സൗകര്യമുള്ള മിനി ഷിപ്പിലാണ് ക്വാറന്റൈന്‍ സൗകര്യം ഒരുക്കുന്നത്. രോഗവ്യാപനം ഇല്ലാതിരിക്കാനും സര്‍ക്കാര്‍ നിബന്ധനകള്‍ പാലിക്കാനുമാണ് ഇത്തരം ചെറിയ ഷിപ്പുകളില്‍ താമസ സൗകര്യം ഒരുക്കുന്നത്.

ഒരു ബാച്ചില്‍ പത്തു യാത്രക്കാരെയാണ് ഇവര്‍ കൊണ്ട് പോകുന്നത്. ടിക്കറ്റ് ഇല്ലാതെ എഴുപതിനായിരം രൂപയാണ് പാക്കേജിനായി ഇവര്‍ ഈടാക്കുന്നത്. മാലിദ്വീപില്‍ എത്തിയാല്‍ കപ്പലില്‍ പതിനാല് ദിവസത്തെ ക്വാറന്റൈന്‍ സൗകര്യം ഉണ്ടാകും.

മൂന്ന് നേരം ഭക്ഷണം, പി സി ആര്‍ ടെസ്റ്റുകള്‍ തുടങ്ങിയവ ഈ പാക്കേജില്‍ ഉണ്ട്. എയര്‍പോര്‍ട്ടില്‍ നിന്നും ട്രാവല്‍ ഏജന്‍സിയുടെ പ്രതിനിധികള്‍ യാത്രക്കാരെ കപ്പലിലേക്ക് കൊണ്ട് പോകും. പതിനാല് ദിവസത്തിന് ശേഷം ഇവരുടെ പ്രതിനിധികള്‍ തന്നെ യാത്രക്കാരെ കപ്പലില്‍ നിന്നും എയര്‍പോര്‍ട്ടിലേക്ക് കൊണ്ട് പോകും.

Continue Reading
LATEST3 days ago

ഇന്ത്യക്ക് വീണ്ടും സൗദി അറേബ്യയുടെ സാന്ത്വനം.

LATEST3 days ago

ബഖാലകള്‍ ഉള്‍പ്പെടെയുള്ള മേഖലകളില്‍ ഇന്ന് മുതല്‍ വാക്സിനേഷന്‍ നിര്‍ബന്ധം

LATEST3 days ago

സൗദിയില്‍ ആഭ്യന്തര വിമാന യാത്രക്ക് വാക്സിനേഷന്‍ നിര്‍ബന്ധമല്ല

LATEST3 days ago

ഹൃദയത്തില്‍ തൊടുന്ന സംബോധനയോടെ സല്‍മാന്‍ രാജാവിന്റെ പെരുന്നാള്‍ സന്ദേശം

LATEST4 days ago

യു.എ.ഇ യില്‍ ഏഴു വിഭാഗങ്ങളെ വാക്സിന്‍ സ്വീകരിക്കുന്നതില്‍ നിന്നും ഒഴിവാക്കി

LATEST5 days ago

സൗദിയുടെ പുതിയ തീരുമാനം വെട്ടിലാക്കിയത് മേയ് 17 ന് കാത്തിരുന്ന പ്രവാസികളെ

LATEST5 days ago

തിരിച്ചു പോകുന്ന സൗദി പ്രവാസികള്‍ക്ക് സാമ്പത്തിക ആഘാതമായി ഇന്‍സ്റ്റിറ്റ്യൂഷണല്‍ ക്വാറന്റൈന്‍

LATEST5 days ago

സൗദിയില്‍ കഫാല മാറ്റ നിയമത്തിന് അഭൂതപൂര്‍വ്വമായ പ്രതികരണം

LATEST6 days ago

സൗദിയില്‍ ഇൻസ്റ്റിറ്റ്യൂഷനൽ ക്വാറന്റീൻ നിര്‍ബന്ധമാക്കി. മുഴുവന്‍ വ്യവസ്ഥകളും നിബന്ധനകളും അറിയുക

INDIA6 days ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

INDIA1 week ago

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

INDIA1 week ago

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

INDIA1 week ago

സൗദി വിസ സ്റ്റാമ്പിംഗ് താല്‍ക്കാലികമായി നിര്‍ത്തി വെച്ചു

LATEST1 week ago

സൗദിയിലെ പുതിയ ഇന്‍ഷുറന്‍സ് പോളിസി. പ്രവാസികള്‍ അറിയേണ്ട പ്രത്യേകതകള്‍

LATEST1 week ago

യു.എ.ഇ യിലേക്ക് തിരിച്ചെത്താന്‍ വന്‍തുക നല്‍കാന്‍ തയ്യാര്‍. പക്ഷെ തടസ്സം മാറുന്നില്ല

INDIA4 weeks ago

ഇത് സൗദി പ്രവാസികള്‍ക്ക് വ്യക്തമായ ഒരു അപകട സൂചനയാണ്

INDIA4 weeks ago

മലയാളികള്‍ അടക്കം മുപ്പതോളം പേരെ സൗദിയിലേക്കുള്ള വിമാനത്തില്‍ നിന്നും തിരിച്ചിറക്കി

INDIA4 weeks ago

സാധ്യമായ വഴികളിലൂടെ ഇപ്പോള്‍ സൗദിയില്‍ പ്രവേശിക്കൂ. മേയ് 17 ഉം എയര്‍ ബബിള്‍ കരാറും കാത്തിരിക്കേണ്ട

LATEST2 weeks ago

സൗദി പ്രവാസികളുടെ നിലവിലെ പ്രതിസന്ധിക്ക് പരിഹാരം ഉണ്ടാവണമെങ്കില്‍

INDIA2 weeks ago

അര്‍മേനിയ വഴിയും പ്രവാസികള്‍ സൗദിയിലേക്ക് തിരിച്ചെത്തുന്നു

INDIA4 weeks ago

ഇന്ത്യക്കാര്‍ക്ക് നിരാശ. സൗദിയില്‍ നിന്നും ഇന്ത്യയിലേക്ക് വിമാന സര്‍വീസില്ല.

INDIA2 weeks ago

ശ്രീലങ്ക വഴി സൗദിയിലേക്ക് പോകുന്നവര്‍ക്ക് ആശ്വാസ വാര്‍ത്ത.

LATEST4 weeks ago

ഈ പണം സൗദിയിലെ ജോലിയില്‍ നിന്നും പിരിയുമ്പോള്‍ നിങ്ങള്‍ക്ക് ലഭിച്ചിട്ടുണ്ടോ?

INDIA4 weeks ago

അനിശ്ചിതാവസ്ഥ സ്വയം വരുത്തി വെക്കുന്നവരാണ് ഈ സൗദി പ്രവാസികള്‍

INDIA6 days ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

BAHRAIN2 weeks ago

ബഹറിന്‍ വഴിയുള്ള സൗദി യാത്രക്ക് വിലക്ക് വന്നേക്കും

LATEST2 weeks ago

ഒരേ വിമാനത്തില്‍ ഒരുമിച്ചു വന്നു. തിരിച്ചു പോകുന്നത് ജീവനറ്റ് ഒരേ വിമാനത്തില്‍

INDIA1 week ago

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

LATEST4 weeks ago

സൗദിയില്‍ കര്‍ഫ്യൂ സാധ്യത ഈ മൂന്ന് നഗരങ്ങളില്‍. നിയന്ത്രണം പാലിച്ചില്ലെങ്കില്‍ കര്‍ഫ്യൂ എന്ന് ആഭ്യന്തര മന്ത്രാലയം

LATEST4 weeks ago

സൗദിയില്‍ രണ്ടാമത്തെ ഡോസ് വാക്സിന്‍ തിയ്യതി ലഭിക്കാത്തവര്‍ക്ക്‌ ആരോഗ്യ മന്ത്രാലയത്തിന്‍റെവിശദീകരണം

Trending

error: Content is protected !!