Connect with us

UAE

യുഎഇയില്‍ ശക്തമായ മൂടല്‍മഞ്ഞ് തുടരുന്നു; ഇന്ന് കനത്ത മഴയ്ക്കും സാധ്യത

Published

on

യുഎഇയില്‍ ശക്തമായ മൂടല്‍ മഞ്ഞിന് പിന്നാലെ ദൂരക്കാഴ്ച്ച കുറഞ്ഞെന്നും വിവരം. ഇന്ന് പുലര്‍ച്ചെ മുതലാണ് ഇവിടെ മൂടല്‍ മഞ്ഞ് ശക്തമായത്. യുഎഇയുടെ പലഭാഗങ്ങളിലും ചെറു വാഹനാപകടങ്ങളും പിന്നാലെ കനത്ത ഗതാഗത സ്തംഭനവുമുണ്ടായി. മൂടല്‍ മഞ്ഞ് ശക്തമായതിന് പിന്നാലെ റാസല്‍ഖൈമയില്‍ അപകടത്തില്‍ ഒരാള്‍ മരിച്ചെന്നും സൂചനയുണ്ട്. മാത്രമല്ല 10 പേര്‍ക്ക് പരുക്കേറ്റിട്ടുണ്ടെന്നുമാണ് വിവരം.

യുഎഇയിലെ മിക്ക എമിറേറ്റുകളിലും മൂടല്‍ മഞ്ഞ് ശക്തമാണ്. കിഴക്കന്‍ എമിറേറ്റുകളില്‍ മഞ്ഞ് ശക്തമായതിന് പിന്നാലെ ദൂരക്കാഴ്ച്ച 200 മീറ്ററിലും താഴേയ്ക്ക് പോയെന്ന് അധികൃതര്‍ വ്യക്തമാക്കുന്നു. ദുബായില്‍ പ്രധാന റോഡുകളായ ഷെയ്ഖ് മുഹമ്മദ് ബിന്‍ സായിദ് റോഡ്, എമിറേറ്റ്സ് റോഡ് എന്നിവിടങ്ങളിലായിരുന്നു ഗതാഗത സ്തംഭനം ഏറെയും സംഭവിച്ചത്.

ഈ റോഡുകളില്‍ ഒന്നിലേറെ അപകടങ്ങളുമുണ്ടായി. രാവിലെ ഓഫിസുകളിലേയ്ക്കും മറ്റും പുറപ്പെട്ടവര്‍ക്ക് വൈകി മാത്രമേ ലക്ഷ്യ സ്ഥാനത്തെത്താന്‍ കഴിഞ്ഞുള്ളൂ. വാഹനമോടിക്കുന്നവര്‍ വളരെ ജാഗ്രത പുലര്‍ത്തണമെന്ന് പൊലീസും ആര്‍ടിഎയും മുന്നറിയിപ്പ് നല്‍കി. നിശ്ചിത അകലം പാലിച്ച് പതുക്കെ വേണം വാഹനമോടിക്കാന്‍. അതേസമയം, ഇന്ന് രാജ്യത്ത് നേരിയതും ശക്തവുമായ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം പറഞ്ഞു.

error: Content is protected !!