Connect with us

KUWAIT

വ്യാജ സർട്ടിഫിക്കറ്റ് സമർപ്പിച്ച് ജോലി നേടിയ എല്ലാവരേയും പിടികൂടുമെന്ന് കുവൈറ്റ്

Published

on

കുവൈറ്റിൽ വ്യാജ സർട്ടിഫിക്കറ്റുകൾ സമർപ്പിച്ചു ജോലി നേടിയ മുഴുവൻ പേരെയും പരിശോധന നടത്തി പിടികൂടുമെന്ന് വിദ്യാഭ്യാസ മന്ത്രാലയ അണ്ടർ സെക്രട്ടറി ഡോ. സാബിഹ് അൽ മുഖൈസിം വ്യക്തമാക്കി.

പരിശോധന ശരിയായ രീതിയിൽ തന്നെ നടന്നു വരുന്നുണ്ട്. ആദ്യ ഘട്ടത്തിൽ ഡിഗ്രിയും പോസ്റ്റ് ഗ്രാജുവേഷൻ ഡിഗ്രിയും ഡോക്റ്ററേറ്റും സമർപ്പിച്ചു ജോലി നേടിയവരുടെ സർട്ടിഫിക്കറ്റുകളാണ് പരിശോധനക്ക് വിധേയമാക്കുന്നത്.

അടുത്ത ഘട്ടത്തിൽ ഡിപ്ലോമ സർട്ടിഫിക്കറ്റ് സമർപ്പിച്ചു ജോലി നേടിയവരുടെ സർട്ടിഫിക്കറ്റുകൾ പരിശോധിക്കും. സമയമെടുത്ത് എല്ലാം വിശദമായ പരിശോധനകൾക്കു വിധേയമാക്കും. വ്യാജ സർട്ടിഫിക്കറ്റ് സമർപ്പിച്ചു ജോലി നേടിയവർ കൈപ്പറ്റിയ എല്ലാ ആനുകൂല്യങ്ങളും മുഴുവൻ ശമ്പളവും തിരിച്ചു പിടിക്കും.

ഡോക്ടർമാരുടെ സർട്ടിഫിക്കറ്റുകൾ പരിശോധിക്കുന്നതിൽ ആരോഗ്യ മന്ത്രാലയം അതീവ ശ്രദ്ധ ചെലുത്തുന്നുണ്ട്. അതിനാൽ ഡോക്ടർമാരുടെ സർട്ടിഫിക്കറ്റുകൾ പരിശോധിക്കാനായി എപിക് സിസ്റ്റംസ് കോർപറേഷൻ എന്നൊരു ഏജൻസിയെയാണ് ചുമതലപ്പെടുത്തിയിരിക്കുന്നത്.

error: Content is protected !!