Connect with us

KUWAIT

കുവൈറ്റിലെ ഇന്ത്യക്കാർക്ക് മുന്നറിയിപ്പുമായി ഇന്ത്യൻ എംബസ്സി

Published

on

വ്യാജ തൊഴിൽ വാഗ്ദാനം ചെയ്തു കൊണ്ടുള്ള തട്ടിപ്പുകളിൽ വഞ്ചിതരാവരുതെന്ന് ഇന്ത്യൻ പ്രവാസികൾക്ക് കുവൈറ്റിലെ ഇന്ത്യൻ എംബസ്സി മുന്നറിയിപ്പ് നൽകി.

ജോലി നൽകാമെന്ന് വാഗ്ദാനം ചെയ്തു പണം തട്ടുകയാണ് ചെയ്യുന്നത്. പലപ്പോഴും ഇല്ലാത്ത കമ്പനികളുടെ ജോലികളാണ് വാഗ്ദാനം ചെയ്യുന്നത്.

കുവൈറ്റ് കമ്പനികളിലേക്കാണെന്ന് വിശ്വസിപ്പിച്ചു പണം നൽകി വഞ്ചിതരായവർ ഏറെയാണ്. ഇത്തരം തട്ടിപ്പുകൾ പെരുകിയപ്പോഴാണ് മുന്നറിയിപ്പുമായി എംബസ്സി മുന്നോട്ടു വന്നിട്ടുള്ളത്.

ശരിയായ അന്വേഷണം നടത്താതെ ആർക്കും പണം നൽകരുത്. വിസ വാഗ്ദാനം ചെയ്യുന്ന കമ്പനികൾ നിലവിലുണ്ടോ എന്ന് പരിശോധിക്കണം. അവർ വിസ നേരിട്ട് നൽകുന്നുണ്ടോ എന്നും പണം കൊടുക്കും മുൻപ് പരിശോധിച്ച് ഉറപ്പു വരുത്തേണ്ടതുണ്ട്. കമ്പനിയുടെ നിലവാരവും മനസ്സിലാക്കണം.

വ്യാജ വാഗ്ദാനങ്ങളുമായി ആരെങ്കിലും സമീപിച്ചാൽ ബന്ധപ്പെട്ട അധികൃതർക്കോ അല്ലെങ്കിൽ [email protected] , [email protected] എന്നീ ഈമെയിലുകളിൽ വിവരം അറിയിക്കണമെന്നും എംബസ്സി വ്യക്തമാക്കുന്നു.

error: Content is protected !!