LATEST
പാസ്സ്പോര്‍ട്ട്: ഈ വഴി സ്വീകരിച്ച പ്രവാസികള്‍ക്ക് ജീവിതമാര്‍ഗം തന്നെ നഷ്ടപ്പെടാം…
വളരെ അങ്കലാപ്പോട് കൂടിയാണ് ഇതയക്കുന്നത് മറുപടി വൈകിയാല്‍ ഒരു നിയമോപദേശവും കിട്ടാത്ത അവസ്ഥ വന്നുചേരും എന്റെ പാസ്പോര്ട്ട് ‘പുതുക്കുവാനും’ ‘ചേഞ്ച്‌ ഓഫ് അഡ്രസ്സിനും’ ദമ്മാം ഓഫീസ്സില്‍ കൊടുത്തിരുന്നു ഒരു മാസത്തോളമായി. ഇതിനിടയില്‍ അവരു ആവശ്യപ്പെട്ട എല്ലാ രേകകളും കൊടുത്തു SSLC BOOK, Residency Certificate, Ration Card, നാട്ടിലെ അയല്‍വാസികളുടെ അഡ്രസ്‌ എല്ലാം. ഇപ്പോള്‍ അറിയിച്ചിരിക്കുന്നു. എന്റെ പാസ്സ്പോര്‍ട്ട് തടഞ്ഞു വച്ചിരിക്കുകയാണ് എന്ന്! കാരണം എന്തെന്ന് അറിയില്ല എന്ന്! 22 വര്‍ഷമായി ഞാന്‍ ഈ പാസ്പോര്‍ട്ടില്‍ പോക്കുവരവുനടത്തുകയാണ് പത്തു വര്ഷം മുന്നേ റിയാദില്‍ നിന്നുമാണ് പുതുക്കിതന്നതു. എന്റെ ആദ്യ പാസ്പോര്ട്ട് ഒരുവിസ ഏജന്റ് കാശും പാസ്പോര്‍ട്ടുമായി മുങ്ങിയതിനാല്‍ എന്റെ ഉമ്മയുടെ ചേച്ചിയുടെ അഡ്രസ്സില്‍ ആണ് പുതിയ പാസ്പോര്ട്ട് എടുത്തത്. ആദ്യ ബുക്ക്‌ നഷ്ടപ്പെട്ടുവെന്നല്ലാതെ ഞാന്‍ യാത്ര ചെയ്തിട്ടില്ല ഇപ്പോള്‍ എന്റെ ഇഖാമ അവസാനിക്കുവാന്‍ പോവുകയാണ്. പുതുക്കണമെങ്കില്‍ ഒറിജിനല്‍ പാസ്സ്പോര്‍ട്ട് വേണം. ഞാന്‍ ഒരു ഹൗസ്‌ഡ്രൈവറും ഹൃദ്രോഗിയും രണ്ടു പെണ്മക്കളുടെ വാപ്പയുമാണ്. 22 വര്‍ഷത്തെ സമ്പത്താണ്‌ മുകളില്‍ പറഞ്ഞത്. കളവല്ല. എന്റെ പാസ്സ്പോര്‍ട്ടിന് നിയമതടസ്സം, കാലതാമസം വരുമോ? ഒരു പോംവഴി വല്ലതുമുണ്ടോ ? Mr.J.M.K, സൗദി അറേബ്യ.
എന്ത് കാരണം കൊണ്ടാണ് പാസ്സ്പോര്‍ട്ട് തടഞ്ഞു വെച്ചിരിക്കുന്നത് എന്ന് നിങ്ങളെ അറിയിക്കാനുള്ള ബാധ്യത എംബസ്സിക്കുണ്ട്. എന്ത് കാരണം കൊണ്ടാണ് തടഞ്ഞു വെച്ചിരിക്കുന്നത് എന്ന് അറിഞ്ഞെന്കില്‍ മാത്രമേ അത് പരിഹരിക്കാനുള്ള നടപടികള്‍ എടുക്കാന്‍ സാധിക്കുകയുള്ളൂ. ആദ്യം അത് അറിയാന്‍ ശ്രമിക്കുക.
നിങ്ങളുടെ കത്തില്‍ നിന്ന് ‘വ്യാജ പാസ്സ്പോര്‍ട്ട്’ എന്ന പേരിലായിരിക്കും നിങ്ങളുടെ പാസ്സ്പോര്‍ട്ട് തടഞ്ഞു വെച്ചിരിക്കുന്നു എന്ന് ഊഹിക്കേണ്ടി വരും. ആദ്യം ഒരു പാസ്സ്പോര്‍ട്ട് എടുത്തിട്ടുണ്ട് എന്നും അതുമായി ഏജന്റ് കടന്നു കളഞ്ഞു എന്നും നിങ്ങള്‍ കത്തില്‍ പറഞ്ഞിരിക്കുന്നു. അപ്പോള്‍ ആദ്യമെടുത്ത പാസ്പോര്ട്ട് ഒറിജിനലും രണ്ടാമത് ഉമ്മയുടെ അനുജത്തിയുടെ അഡ്രസ്സില്‍ എടുത്ത പാസ്സ്പോര്‍ട്ട് വ്യാജ പാസ്പോര്ട്ട് ആയി അധികാരികള്‍ കണക്കാക്കിയിട്ടുണ്ടാകും. അതാകാനാണ് സാധ്യത കൂടുതല്‍.
വ്യാജ പാസ്സ്പോര്‍ട്ട് ആണ് തടഞ്ഞു വെക്കാനുള്ള കാരണമെങ്കില്‍ നിയമപരമായ പോംവഴികള്‍ക്ക് സാധ്യത കുറവാണ്. ഇത്തരത്തില്‍ നിരവധി പ്രവാസികള്‍ കളവായ അഡ്രസിലും മറ്റു രീതിയിലും (കാസര്‍കോട്‌ എംബസ്സി പോലുള്ള അനധികൃത റാക്കറ്റുകള്‍ മുഖേനയും മറ്റും) വ്യാജ പാസ്പോര്‍ട്ടുകള്‍ എടുത്തു ഗള്‍ഫ്‌ നാടുകളില്‍ ജോലി ചെയ്യ്യുന്നുണ്ട്. ആദ്യ കാലങ്ങളില്‍ കര്‍ശനമായ പരിശോധനകള്‍ നടത്തിയിരുന്നില്ല. അതിനാല്‍ പലരും പുതുക്കാന്‍ കൊടുമ്പോഴും മറ്റും പിടിക്കപ്പെടാതെ രക്ഷപ്പെട്ടിരുന്നു. എന്നാല്‍ ഇപ്പോള്‍ വര്‍ധിച്ചു വരുന്ന തീവ്രവാദ ഭീഷണി കണക്കിലെടുത്ത് ഇന്ത്യയില്‍ പാസ്പോര്ട്ട് സംവിധാനം കര്‍ക്കശ നിലപാടാണ് സ്വീകരിക്കുന്നത്. ചിലപ്പോള്‍ കുഴപ്പമില്ലാതെ കടന്നു പോകും. എന്നാല്‍ വിവരങ്ങള് തിരുത്താനും, പുതുക്കാനും എംബസ്സിയിലോ കോണ്സുലേറ്റിലോ കൊടുക്കുമ്പോഴാണ് പലരും പിടിക്കപ്പെടുന്നത്. അവിടുത്തെ കമ്പ്യൂട്ടര്‍വല്‍കൃതമായ സംവിധാനങ്ങളില്‍ ഉള്ള നിങ്ങളുടെ ഡാറ്റാബേസില്‍ നിങ്ങള്ക്ക് മുന്‍പ് ഒരു പാസ്പോര്ട്ട് ഉണ്ടായിരുന്നതായി തെളിഞ്ഞു വരും. അപ്പോള്‍ പുതുക്കാന്‍ കൊടുത്ത പാസ്സ്പോര്‍ട്ട് തടഞ്ഞു വെക്കുന്നു. അതാണ്‌ നിങ്ങളുടെ കാര്യത്തിലും സംഭവിച്ചിരിക്കാന്‍ സാധ്യത.
ഇവിടെ നിങ്ങള്ക്ക് രണ്ടു കാര്യങ്ങളാണ് ചെയ്യാന്‍ സാധിക്കുക.
1. മുന്‍പ് ഒരു പാസ്പോര്ട്ട് എടുതിരുന്നതിനാല്‍ നിലവിലുള്ള സെക്കന്‍ഡ്‌ പാസ്പോര്ട്ട് വ്യാജനായി കണക്കാക്കി അത് കാന്‍സല്‍ ചെയ്തു ശരിയായ വിവരങ്ങള് ഉള്‍ക്കൊള്ളിച്ചു നിയമാനുസൃതമാക്കി എംബസ്സിയില്‍ നിന്ന് വാങ്ങുക.
2. നാട്ടില്‍ പോയി വ്യാജ പാസ്പോര്ട്ട് സറണ്ടര്‍ ചെയ്തു പുതിയ പാസ്സ്പോര്‍ട്ട് എടുക്കുക. എന്നാല്‍ നിങ്ങള്ക്ക് ഈ രീതി ഇപ്പോള്‍ നിയമപ്രകാരം അവലംബിക്കാന്‍ സാധിക്കില്ല. കാരണം തടഞ്ഞു വെച്ചിരിക്കുന്ന പാസ്സ്പോര്‍ട്ട് വിട്ടു കിട്ടിയാലേ നിങ്ങള്ക്ക് നിയമപരമായി നാട്ടില്‍ പോകാന്‍ സാധിക്കൂ. വ്യാജ പാസ്സ്പോര്‍ട്ട് സറണ്ടര്‍ ചെയ്യണമെങ്കില്‍ നാട്ടിലുള്ള പാസ്സ്പോര്‍ട്ട് ഓഫീസുകളില്‍ ചെയ്യുന്നതാണ് നല്ലത്. ഇവിടെ അത് സറണ്ടര്‍ ചെയ്യുന്നത് നിയമപരവും സാങ്കേതികവുമായ പ്രശ്നങ്ങള്‍ ഉണ്ടാക്കാന്‍ സാധ്യത ഉണ്ട്.
(ഇവിടെ നിങ്ങള്‍ 1967 ലെ Indian Passport Act ലെ വകുപ്പ് 12 (1) (a) (അതായത് ഈ നിയമത്തിലെ വകുപ്പ് 3 പ്രകാരം ശരിയായ യാത്രാ രേഖകളോ നിയമപ്രകാരമുള്ള പാസ്പോര്‍ട്ട്‌ഓ ഇല്ലാതെ രാജ്യത്ത് നിന്നും പുറത്തു കടക്കാന്‍ ശ്രമിക്കുകയോ പുറത്തു പോവുകയോ ചെയ്യുക), വകുപ്പ് 12 (1) (b) (പാസ്സ്പോര്‍ട്ട് ലഭിക്കുന്നതിനു വേണ്ടി പാസ്സ്പോര്ട്ടില്‍ ഉള്‍പ്പെടുത്തുന്നതിന് അറിഞ്ഞു കൊണ്ട് തെറ്റായ വിവരങ്ങള് നല്‍കുകയോ അല്ലെങ്കില്‍ ശരിയായ വിവരങ്ങള് നല്‍കാതിരിക്കുകയോ ചെയ്‌താല്‍) പ്രകാരമുള്ള കുറ്റം ചെയ്തതായാണ് കണക്കാക്കുക. ഇതിനു ലഭിക്കാവുന്ന പരമാവധി ശിക്ഷ രണ്ടു വര്ഷം തടവോ അല്ലെങ്കില്‍ 5000 രൂപ പിഴയോ അല്ലെങ്കില്‍ രണ്ടും കൂടിയോ ആണ്. അത്പ്രകാരം സാധാരണയായി വ്യാജപാസ്പോര്‍ട്ട് എടുത്തതിനുള്ള പിഴയായി 5000 രൂപ നല്‍കി സെക്കന്‍ഡ്‌ പാസ്പോര്ട്ട് സറണ്ടര്‍ ചെയ്തു യഥാര്‍ത്ഥ വിവരങ്ങളും രേഖകളും സത്യവാങ്ങ്മൂലവും നല്‍കി പുതിയ പാസ്സ്പോര്‍ട്ട് എടുക്കുന്നതിനു വ്യക്തികളെ അനുവദിക്കാറുണ്ട്. മറ്റൊരാളുടെ പേരില്‍ അനുവദിച്ച പാസ്സ്പോര്‍ട്ട് ബോധപൂര്‍വം ഉപയോഗിക്കുകയോ, അല്ലെങ്കില്‍ തനിക്കു അനുവദിച്ച പാസ്സ്പോര്‍ട്ട് ഉപയോഗിച്ച മറ്റൊരാളെ അറിഞ്ഞു കൊണ്ട് യാത്ര ചെയ്യാന്‍ അനുവദിക്കുകയോ ചെയ്താലും ഇതേ വകുപ്പ് പ്രകാരം ഇതേ ശിക്ഷയാണ് ലഭിക്കുക.)
ഇതില്‍ ഒന്നാമതായി പറഞ്ഞിരിക്കുന്ന കാര്യമാണ് ഇപ്പോള്‍ ഇവിടെ നിന്ന് കൊണ്ട് നിങ്ങള്ക്ക് ചെയ്യാന്‍ സാധിക്കുന്നത്. എംബസ്സിയില്‍ പോയി അവിടെ നിന്ന് നല്‍കുന്ന അപേക്ഷാ ഫോമില്‍ യഥാര്‍ത്ഥ വിവരങ്ങള് നല്‍കി അത് സത്യമാണെന്ന ഒരു സത്യവാങ്ങ്മൂലവും നല്‍കണം. ചിലപ്പോള്‍ ഒരു വിശദമായ വിശദീകരണം എഴുതി നല്‍കേണ്ടി വരും. എവിടെയൊക്കെ ജോലി ചെയ്തു? എപ്പോഴൊക്കെ, എവിടെയെല്ലാം എമിഗ്രേഷന് ക്ലിയറന്സ് നടത്തിയിട്ടുണ്ട് എന്നിവയെ സംബന്ധിച്ച് എല്ലാം വിശദമായി എഴുതി നല്‍കേണ്ടി വരും. അവ എംബസ്സി നാട്ടിലെ പാസ്സ്പോര്‍ട്ട് ഓഫീസ്കളിലേക്കും മറ്റു അനുബന്ധ അധികാര കേന്ദ്രങ്ങളിലേക്കും അയച്ചു കൊടുത്തു അവയുടെ നിജസ്ഥിതി ഉറപ്പു വരുത്തിയതിനു ശേഷം നിങ്ങളുടെ സെക്കന്‍ഡ്‌ പാസ്സ്പോര്‍ട്ട് റദ്ദാക്കി പാസ്സ്പോര്‍ട്ട് നിയമാനുസൃതമാക്കി നല്‍കും. (ഈ ഘട്ടത്തില്‍ നാട്ടില്‍ നിന്നും നാട്ടിലുള്ള പാസ്സ്പോര്‍ട്ട് ഓഫീസുകളില്‍ സ്വാധീനം ചെലുത്തി കാര്യം നേടുന്നവരും ഉണ്ട്) പഴയ പാസ്സ്പോര്‍ട്ട് പുതുക്കി നല്‍കുന്നതിന് വേണ്ടി എംബസ്സിയില്‍ സമര്‍പ്പിച്ചവരുടെ കാര്യത്തില്‍ മാത്രമാണ് ഈ വഴി അവലംബിക്കാന്‍ സാധിക്കുക.
എന്നാല്‍ ഈ വഴി തിരഞ്ഞെടുക്കുമ്പോള്‍ നിങ്ങള്ക്ക് നേരിടേണ്ടി വരുന്ന ഒരു പ്രശ്നം വളരെ ഗുരുതരമാണ്. കാരണം സൌദിയിലെ വിസ സ്റ്റാമ്പ്‌ ചെയ്തിരിക്കുന്നതു നിങ്ങളുടെ സെക്കന്‍ഡ്‌ പാസ്സ്പോര്ട്ടില്‍ ആണ്. ആ പാസ്പോര്ട്ട് റദ്ദാക്കി പുതിയ പാസ്പോര്‍ട്ടിലേക്ക് വിവരങ്ങള് മാറ്റുന്നതിന് (നഖല്‍ മഅലൂമാത്‌) ജവാസാത്തില്‍ ഹാജരാക്കിയാല്‍ അത് ചിലപ്പോള്‍ കൂടുതല്‍ കുഴപ്പത്തിലേക്ക് വഴി തെളിയിക്കാന്‍ സാധ്യതയുണ്ട്. കാരണം നിങ്ങളുടെ വിരലടയാളം, നേത്രപടല അടയാളം എന്നിവ എടുത്തിട്ടുണ്ടാവുക ഈ വിസയുടെയും പാസ്സ്പോര്ട്ടിന്റെയും അടിസ്ഥാനത്തില്‍ ആയിരിക്കും. സൗദി എമിഗ്രേഷന്, തൊഴില്‍ വിഭാഗം, ജവാസാത്‌, തുടങ്ങി എല്ലാ വകുപ്പുകളിലും നിങ്ങളുടെ വ്യക്തിപരമായ വിവരങ്ങള് രേഖപ്പെടുതിയിട്ടുണ്ടാവുക ഈ വിരലടയാളവുമായി ബന്ധപ്പെടുത്തിയിട്ടാകും.നിങ്ങളുടെ വിരലടയാളം പരിശോധിക്കുമ്പോള്‍ ഈ വിവരങ്ങളായിരിക്കും തെളിഞ്ഞു വരിക. അപ്പോള്‍ അവിടെ രേഖപ്പെടുത്തിയ വിവരങ്ങളും പുതിയ വിവരങ്ങളുമായി സാമ്യം ഉണ്ടാകാതിരിക്കുകയും അത് കൊണ്ട് തന്നെ വിസ മാറുന്നത് അനുവദിക്കാതിരിക്കുകയും നിങ്ങളെ ആള്‍മാറാട്ട കുറ്റത്തിന്റെ പേരില്‍ തടഞ്ഞു വെക്കുകയും ചെയ്യും പിന്നീട് നിയമപരമായി രാജ്യം വിടാന്‍ സാധിക്കാതെ വരികയും ചെയ്യും. (എന്നാല്‍ എംബസ്സിയില്‍ നിന്നും പേരിനു വ്യത്യാസമില്ലാതെ പുതിയ പാസ്പോര്ട്ട് കിട്ടിയതിനാല്‍ ‘നഖല്‍ മാലുമാതിനു’ പ്രശ്നങ്ങള്‍ ഉണ്ടായില്ല എന്നാണു അനുഭവം എന്ന് കാണിച്ചു ചില വായനക്കാരുടെ കത്തുകള്‍ പ്രവാസി കോര്‍ണര്‍ ഡോട്ട് കോമിന് ലഭിച്ചിട്ടുണ്ട്.)
മറ്റൊരു വഴി പിടിച്ചു വെച്ചിരിക്കുന്ന പാസ്സ്പോര്‍ട്ട് എങ്ങിനെയെങ്കിലും റിലീസ്‌ ആക്കി നാട്ടില്‍ പോയി സെക്കന്‍ഡ്‌ പാസ്സ്പോര്‍ട്ട് സറണ്ടര്‍ ചെയ്തു പുതിയ പാസ്സ്പോര്‍ട്ട് എടുക്കുക എന്നതാണ്. പക്ഷെ അങ്ങിനെ ചെയ്താലും തിരിച്ചു വരുമ്പോള്‍ മേല്‍ പറഞ്ഞ പ്രശ്നം സംഭവിക്കും.
ഇനി നാട്ടില്‍ പോയി പുതിയ പാസ്സ്പോര്‍ട്ട് എടുത്തതിനു ശേഷം പുതിയ വിസയില്‍ വരാനുള്ള ശ്രമങ്ങള്‍ നടത്തിയാലും വിരലടയാള പരിശോധനയില്‍ നിങ്ങളുടെ പഴയ വ്യക്തിഗത വിവരങ്ങള് തെളിഞ്ഞു വരികയും പിടിക്കപ്പെടുകയും ചെയ്യും.
എങ്ങിനെ നോക്കിയാലും നേരായ രീതിയില്‍ ഈ വിഷമ വൃത്തത്തിനിടയില്‍ നിന്നും പരിക്ക് പറ്റാതെ പുറത്തു കടക്കാനുള്ള വഴികള്‍ കാണുന്നില്ല. അതിനാല്‍ ഇപ്പോള്‍ എങ്ങിനെയെങ്കിലും നാട്ടിലെത്താനുള്ള വഴികള്‍ ആലോചിക്കുക. (ഇങ്ങിനെ വിഷമവൃതതിലാവുന്നവര്‍ അധികവും നാട്ടിലേക്ക് പറക്കുന്നത് ‘കാസര്‍കോട്‌ എംബസ്സി’ പോലുള്ള അനധികൃത പാസ്പോര്ട്ട് റാക്കറ്റിന്റെ വ്യാജ പാസ്പോര്ട്ട് ഉപയോഗിച്ചായിരിക്കും. കുറെ പേര്‍ പിടിക്കപ്പെടും. നമ്മുടെ വിമാനത്താവളങ്ങളില്‍ ഇത് പോലുള്ള വ്യാജ രേഖകള്‍ കണ്ടുപിടിക്കാനുള്ള ആധുനിക സംവിധാനങ്ങള്‍ ഇല്ല. (ഫോട്ടോ മാറ്റി വെച്ച് ഉണ്ടാക്കുന്ന പാസ്പോര്‍ട്ടുകള്‍പിടിക്കപ്പെടാന്‍ സാധ്യത കൂടുതലാണ്. മിക്ക എയര്‍പോര്‍ട്ടുകളിലും ഇപ്പോള്‍ അത്യാധുനികമായ പാസ്സ്പോര്‍ട്ട് റീഡിംഗ് മെഷീനുകള്‍ ഉണ്ട്. അതില്‍ വെച്ച് പരിശോധന നടത്തുമ്പോള്‍ പിടിക്കപ്പെടാം. കാരണം പാസ്സ്പോര്ട്ടില്‍ ഫോട്ടോക്ക് കീഴില്‍ ഒരു രഹസ്യ മാര്‍ക്ക്‌ ഉണ്ട്. ഇത് പഴയ ഫോട്ടോ ഇളക്കി മാറ്റുമ്പോള്‍ മുറിഞ്ഞു പോകും. പാസ്സ്പോര്‍ട്ട് റീഡിംഗ് മെഷീനുകളില്‍ പരിശോധന നടത്തുമ്പോള്‍ ഇത് തിരിച്ചറിയും) പലപ്പോഴും പരിഭ്രമത്തിന്റെ അടിസ്ഥാനത്തിലുള്ള വിശദമായ ചോദ്യം ചെയ്യലില്‍ ആണ് പലരും പിടിക്കപ്പെടുന്നത്. പിടിക്കപ്പെട്ടാലും അത്ര വലുതല്ലാത്ത ശിക്ഷ കൊണ്ട് രക്ഷപ്പെടാം എന്നുള്ളത് കൊണ്ടാണ് ഇത്തരക്കാര്‍ റിസ്ക്‌ എടുത്തു നാട്ടിലെത്താന്‍ ഈ വഴി സ്വീകരിക്കുന്നത്. തീവ്രവാദമോ മയക്കു മരുന്നോ പോലുള്ളവ ആല്ലാത്ത കേസുകളില്‍ വ്യാജ പാസ്സ്പോര്‍ട്ടുമായി പിടിയിലാവുന്ന ആളെ അറസ്റ്റ് ചെയ്തു റിമാന്‍ഡ്‌ ചെയ്യുന്നതില്‍ കവിഞ്ഞു കൂടുതല്‍ ഊര്‍ജ്ജിതമായ അന്വേഷണം അധികം കേസുകളിലും ഉണ്ടാവാറില്ല. അധികം കേസുകളിലും രാഷ്ട്രീയ സ്വാധീനവും മറ്റു സ്വാധീനങ്ങളും ഉപയോഗിച്ച് അന്വേഷണം അവസാനിപ്പിക്കാരാന് പതിവ്. പിടിക്കപ്പെടാന്‍ സാധ്യത ഏറെയായിട്ടും ആളുകള്‍ വ്യാജ പാസ്സ്പോര്‍ട്ട് ഉപയോഗിച്ച് നാട് പറ്റുന്നതിനു പ്രധാന കാരണം ഇതാണ്. നിയമ വിരുദ്ധമായതിനാല്‍ ഈ രീതി നിങ്ങള്ക്ക് ഉപദേശിച്ചു തരാനോ വിവരിക്കാനോ ആവില്ല.)
KERALA
ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.
ഒറ്റപ്പാലത്തുള്ള ബാങ്ക് ഇന്ത്യയിൽ നിന്നും പണം വിട്ടുകിട്ടാൻ അനാവശ്യമായ തിടുക്കം കാട്ടിയിട്ടില്ലെന്ന് ജീവകാരുണ്യ പ്രവർത്തകൻ ഫിറോസ് കുന്നംപറമ്പിൽ.
പതിനൊന്ന് ദിവസം കാത്തിരുന്നതിന് ശേഷവും അനാസ്ഥ തുടർന്നപ്പോഴാണ് കുട്ടികളുടെ ചികിത്സയെ ബാധിക്കുന്നത് കൊണ്ടും ആ പണത്തിൽ നിന്നും മറ്റുള്ളവർക്ക് സഹായം നൽകേണ്ടത് കൊണ്ടും കാര്യങ്ങൾ പുറം ലോകത്തോട് തുറന്ന് പറഞ്ഞത്.
പത്ത് ലക്ഷം രൂപ ഇതിനകം തന്നെ ബാങ്കിൽ നിന്നും അവർക്ക് നൽകി കഴിഞ്ഞു. ബാങ്കിൽ നിന്നും ഇന്നലെ ലഭിച്ച പണത്തിൽ നിന്ന് ഇനിയും പത്ത് ലക്ഷം രൂപയോളം ആ കുട്ടികളുടെ ചികിത്സക്ക് തന്നെ ചിലവുണ്ട്. പത്ത് ലക്ഷം രൂപ ഭാവിയിലെ ചികിത്സക്കായി നൽകും. പത്ത് ലക്ഷം രൂപ ഇളയ പെൺകുട്ടിയുടെ വിവാഹ ചിലവിലേക്കായി മാറ്റി വെക്കും. ഭാവിയിലും അവർക്ക് ആവശ്യമായ സഹായം ചെയ്യും.
ഇന്നലെ രാത്രി തന്നെ ആ പണത്തിൽ നിന്നും അഞ്ച് ലക്ഷം രൂപ ചെർപ്പുളശ്ശേരിയിലുള്ള രതീഷ് എന്ന ചെറുപ്പക്കാരന്റെ ഹൃദയ ശസ്ത്രക്രിയക്കായി നൽകി. ഹൃദയ ശസ്ത്രക്രിയക്ക് പണമില്ലാതെ അപകടകരമായ അവസ്ഥയിൽ ആയിരുന്നു ആ ചെറുപ്പക്കാരൻ.
ഇന്ന് രാവിലെ ശ്വാസ കോശം ചുരുങ്ങി വരുന്ന രോഗമുള്ള ഒരു കുട്ടിക്ക് അഞ്ചു ലക്ഷം രൂപ നൽകി. വെളിയങ്കോട് പഴനിലം മുനീറയുടെ പതിനൊന്ന് മാസം മാത്രം പ്രായമുള്ള കുട്ടിയുടെ ചികിത്സക്കാണ് ആ പണം നൽകിയത്. ശ്വാസകോശം ചുരുങ്ങി ശ്വാസം കിട്ടാത്ത അവസ്ഥയിൽ ആണ് ആ കുട്ടി.
ഇത്തരത്തിൽ ദിവസവും പത്ത് കേസുകളോളം കൈകാര്യം ചെയ്യുന്നുണ്ട്. അവർക്കെല്ലാം കൊടുക്കാൻ പണം ആവശ്യമാണ്. ബാങ്കിൽ പണം കിടന്നാൽ ജീവന് വേണ്ടി ചികിത്സക്കായി പണത്തിന് ആവശ്യമുള്ളവർക്ക് പണം നൽകാൻ സാധിക്കില്ല. അത് കൊണ്ട് തന്നെയാണ് ബാങ്ക് സാങ്കേതിക കാരണങ്ങൾ പറഞ്ഞ് പണം നൽകാതെ നീട്ടിക്കൊണ്ടു പോയപ്പോൾ പ്രതികരിക്കേണ്ടി വന്നത്.
ഓരോ ദിവസവും വരുന്ന എല്ലാ കേസുകളും വിഡിയോയിൽ പകർത്താറില്ല. ഒരു കേസിൽ ലഭിച്ച പണം ആ ആവശ്യം കഴിഞ്ഞ് ബാക്കി വന്നാൽ മറ്റുള്ളവരുടെ ചികിത്സക്കായി വീതിച്ചു നൽകുകയാണ് പതിവ്.
ജാതിയും മതവും രാഷ്ട്രീയവും നോക്കാതെ നന്മ ചെയ്യമ്പോൾ അത് വിവാദമാക്കാൻ ശ്രമിക്കുന്ന ആളുകളും പ്രസ്ഥാനങ്ങളും ഏതാണെന്ന് ജനങ്ങൾ തിരിച്ചറിയണം. എനിക്ക് രാഷ്ട്രീയമുണ്ട്. പക്ഷെ അത് ഞാൻ എന്റെ പ്രവർത്തനങ്ങളെ ബാധിക്കുന്ന രീതിയിൽ ഇടെപെടുത്താറില്ല.
ഒറ്റപ്പാലത്തെ കുട്ടികൾക്ക് ലഭിച്ച ഒരു കോടി പതിനേഴ് ലക്ഷത്തിലെ അവസാനത്തെ പണവും നൽകി കഴിഞ്ഞാൽ അതിന്റെ സ്റ്റേറ്റ്മെന്റുകളുമായി ഞാൻ നിങ്ങളുടെ മുന്നിലേക്ക് വരും. ഇനിയും എല്ലാവരുടെയും പിന്തുണയും സഹകരണവും ഉണ്ടാകണമെന്നും ഫിറോസ് പറഞ്ഞു.
സൗദി അറേബ്യയിൽ താമസിക്കുന്ന സ്വദേശികളും വിദേശികളുമായ തീർത്ഥാടകർക്ക് ഹജ്ജും ഉംറയും നിർവഹിക്കാനായി മക്കയിലേക്കും തീർത്ഥാടനത്തിന് ശേഷം തിരിച്ച് വീട്ടിലേക്കും തങ്ങളുടെ ഭാരം പിടിച്ച ലഗേജുകൾ വഹിച്ചു കൊണ്ടുള്ള യാത്രകൾ ഒഴിവാക്കാനുള്ള പദ്ധതിയുമായി സൗദി പോസ്റ്റ് അധികൃതർ രംഗത്ത്.
ഇത് സംബന്ധിച്ച പദ്ധതി ആഭ്യന്തര ഹജ്ജ് കമ്പനികൾക്കായുള്ള കോർഡിനേഷൻ കമ്മിറ്റി പഠിച്ചു വരുന്നു. ഈ വർഷത്തെ ഹജ്ജ് സീസണിൽ തന്നെ പരീക്ഷണാടിസ്ഥാനത്തിൽ പദ്ധതി നടപ്പാക്കാനാണ് കൗൺസിൽ ആലോചിക്കുന്നത്. പദ്ധതി വിജയകരം ആണെങ്കിൽ വരും വർഷങ്ങളിലേക്കും പദ്ധതി വ്യാപിപ്പിക്കും.
രാജ്യത്തെ എല്ലാ സ്ഥലങ്ങളിൽ നിന്നും ലഗേജുകൾ മക്കയിലും തിരിച്ച് അവരവരുടെ വീടുകളിലും സൗദി പോസ്റ്റ് എത്തിച്ചു നൽകും. ആവശ്യപ്പെട്ടാൽ ലഗേജുകൾ സൗദി പോസ്റ്റ് ജീവനക്കാർ വീടുകളിൽ വന്ന് ശേഖരിക്കും.
ഇതിന് നൂറ് റിയാൽ നൽകേണ്ടി വരും. മറിച്ച് ലഗേജുകൾ സൗദി പോസ്റ്റ് ഓഫീസുകളിൽ എത്തിക്കുകയാണെങ്കിൽ എഴുപത് റിയാൽ മാത്രം നൽകിയാൽ മതിയാകും.
സൗദി അറേബ്യയിൽ കൊടും ചൂട് മൂലം പാർക്ക് ചെയ്തിരുന്ന കാറുകളുടെ ബമ്പറുകൾ ഉരുകി ഒലിക്കുന്നതായുള്ള ചിത്രങ്ങൾ കഴിഞ്ഞ രണ്ടു ദിവസങ്ങളായി സമൂഹ മാധ്യമങ്ങളിൽ വ്യാപകമായി പ്രചരിക്കുകയായിരുന്നു.
പാർക്കിങ് ഏരിയയിൽ പാർക്ക് ചെയ്തിരുന്ന രണ്ടു കാറുകളുടെ പിറകു വശത്തെ ബമ്പറുകൾ ഉരുകി ഒലിച്ചു താഴെ ഒലിച്ചിറങ്ങുന്ന ചിത്രങ്ങളായിരുന്നു പ്രചരിച്ചിരുന്നത്. അൻപത്തി രണ്ടു ഡിഗ്രി ചൂടിൽ കാറുകൾ ഉരുകി ഒലിക്കുന്നു എന്ന തലക്കെട്ടോട് കൂടിയായിരുന്നു ചിത്രങ്ങൾ പ്രചരിച്ചിരുന്നത്.
ചിത്രങ്ങൾ ലഭിച്ചവർ നവമാധ്യമങ്ങളിലൂടെ ഇവ വീണ്ടും വീണ്ടും ഷെയർ ചെയ്തതോടെ ചിത്രങ്ങൾ പെട്ടെന്ന് തന്നെ വൈറലായി. എവിടെയാണ് ഇത് സംഭവിച്ചത് എന്ന് ആദ്യം ചിത്രങ്ങൾ ലഭിച്ചവർക്ക് അറിയാത്തതിനാൽ അവർ ഊഹിച്ച് ഓരോ സ്ഥലങ്ങളുടെ പേരുകൾ വെച്ച് ചിത്രങ്ങൾ മറ്റുള്ളവർക്ക് ഫോർവേർഡ് ചെയ്തു.
വ്യാജ ചിത്രങ്ങൾ പ്രചരിച്ചതോടെ ചൂട് കൂടിയ സ്ഥലങ്ങളിൽ താമസിക്കുന്നവർക്കും ജോലിയെടുക്കുന്നവർക്കും ആശങ്കയായി. പലരും തങ്ങളുടെ പുതിയ കാറുകൾ ചൂട് കുറഞ്ഞ സ്ഥലങ്ങളിലുള്ള ബന്ധുക്കളുടെയും സുഹൃത്തുക്കളുടെയും ഇടങ്ങളിലേക്ക് മാറ്റി.
പക്ഷെ ഒരു രണ്ടു ദിവസത്തിനകം തന്നെ വാർത്തയുടെ സത്യാവസ്ഥ വെളിവാക്കി മാധ്യമങ്ങൾ രംഗത്ത് വന്നു. ചിത്രത്തിൽ കാണുന്നത് പോലെ ഒരു സംഭവം സൗദിയിൽ നടന്നിട്ടില്ല. കാറുകൾ ഉരുകി ഒലിക്കാൻ മാത്രം ഉയർന്ന ചൂട് ഉണ്ടായിട്ടുമില്ല.
ചിത്രത്തിൽ കാണുന്നത് അമേരിക്കയിലെ അരിസോണയിൽ വച്ചെടുത്ത കാറുകളുടെ ചിത്രങ്ങളാണ് എന്ന് പത്രങ്ങൾ റിപ്പോർട്ട് ചെയ്തു. അവിടെ വെയിൽ മൂലമല്ല മറിച്ച് ചെറിയ തീപിടുത്തത്തിൽ സംഭവിച്ചതാണ് എന്ന് വെളിപ്പെട്ടു. അരിസോണയിലെ ഒരു നിർമാണ പദ്ധതിയുടെ സൈറ്റിലെ കാറുകളുടെ ബമ്പറുകൾ ആണ് ഇപ്രകാരം ഉരുകി ഒലിച്ചത്. മൊത്തത്തിൽ പന്താണ്ടോളം കാറുകൾക്ക് ഇങ്ങിനെ ഭാഗികമായി കേട് സംഭവിച്ചതായും റിപ്പോർട്ട് ചെയ്യപ്പെട്ടിരുന്നു.
അരിസോണയിലെ ഒരു പ്രാദേശിക വെബ്‌സൈറ്റിൽ 2018 ൽ ജൂണിൽ പ്രസിദ്ധീകരിച്ച വാർത്തയിലെ ചിത്രങ്ങളാണ് ഏതോ വിരുതന്മാർ സൗദിയിലെ കൊടും ചൂടിൽ ഉരുകി ഒലിക്കുന്ന കാറുകളാക്കി സോഷ്യൽ മീഡിയകളിൽ പ്രചരിപ്പിച്ചത്.
ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.
സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.
ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.
സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.
പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.
അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.
കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.
പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.
കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.
അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.
കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.
ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.
അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.
വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.
വിമാനത്താവളത്തിൽ നിന്നും യാത്രക്കാരിയെ പീഡിപ്പിച്ചയാൾ അറസ്റ്റിൽ.
വിമാനത്തിൽ എയർഹോസ്റ്റസിനെ ലൈംഗിക ചേഷ്ട കാണിച്ച മലയാളി അറസ്റ്റിൽ.
മുർതസയുടെ വധശിക്ഷ നടപ്പാക്കരുതെന്ന് സൗദിയോട് ആംനെസ്റ്റി ഇന്റർനാഷണൽ.
സൗദിയിൽ ബീഫ് തീറ്റിച്ചുവെന്ന ഇന്ത്യക്കാരന്റെ പരാതിയിൽ വഴിത്തിരിവ്.
സൗദിയിൽ വാരാന്ത്യ സ്ത്രീ-പുരുഷ ഡാൻസ് പാർട്ടി. 20 പേർ പിടിയിൽ.
ദുബൈ അപകടം: അപകട കാരണത്തിന്റെ വ്യക്തമായ ചിത്രം ലഭ്യമാവുന്നു.
വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.
സൗദിയിൽ നിന്നും അവധിക്ക് നാട്ടിലെത്തിയ യുവാവ് അടിയേറ്റ് മരിച്ചു.
പ്രാർത്ഥനകൾ സഫലം. സോനാ മോൾ മടങ്ങി വരുന്നു ജീവിതത്തിലേക്ക്.
സൗദിയിൽ ലക്ഷക്കണക്കിന് വിദേശികൾക്ക് പുതിയ തൊഴിലവസരം ഒരുങ്ങുന്നു.
സൗദിയിൽ നിന്ന് ഒരു മിനിട്ട് കൊണ്ട് നാട്ടിലേക്ക് പണമയക്കാം – വീഡിയോ.
ദുബൈ ബസ് അപകടത്തിന്റെ കാരണമായി ഡ്രൈവർ പറയുന്നത്……
യാത്രയിൽ വിമാനത്തിന് അകത്ത് പ്രവാസി മലയാളി മരിച്ചു. വിമാനം തിരിച്ചിറക്കി.
ഭാഗ്യം കേരളത്തിലേക്ക്…ഇത്തവണ 18.85 കോടി പന്തളം സ്വദേശിക്ക്.
പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.
You must be logged in to post a comment Login