Connect with us

HEALTH

സൂര്യാഘാതം: അതീവ ജാഗ്രത ആവശ്യം

Published

on

കേരളം കത്തുന്ന ചൂടിലാണ്. കഴിഞ്ഞ ദിവസം മാത്രം സൂര്യാഘാതമേറ്റ് മരിച്ചവർ മൂന്നാണ്. വെയിലത്ത് പണിയെടുത്തു കൊണ്ടിരുന്നവരെ മരിച്ച നിലയിൽ കാണപ്പെടുകയായിരുന്നു. വരുന്ന രണ്ടു ദിവസങ്ങളിൽ ചൂട് നാല് ഡിഗ്രി വരെ ഉയരും എന്നാണ് മുന്നറിയിപ്പ്.

ഈ സാഹചര്യത്തിൽ കടുത്ത ചൂടിനെ നേരിടാനുള്ള കാര്യങ്ങൾ വിശദീകരിക്കുകയാണ് ഡോ. ഷിനു ശ്യാമളൻ ഫേസ്‌ബുക്കിലൂടെ:

കഴിഞ്ഞ ആഴ്ച്ചയിൽ സൂര്യാതാപമേറ്റത് നൂറിൽ പരം ആളുകൾക്കാണെന്നാണ് പറയുന്നത്. സൂര്യാഘാതമേറ്റു മൂന്ന് പേർ മരിച്ചതായി പറയപ്പെടുന്നു.

ഈ വരുന്ന ദിവസങ്ങളിൽ ചൂട് കൂടുവാൻ സാധ്യതയുണ്ട്. അതിനാൽ അതീവ ജാഗ്രത ആവശ്യമാണ്.

പതിനൊന്ന് മണി മുതൽ മൂന്ന് മണി വരെ വെയിലത്തു ജോലി ഒഴിവാക്കുക. ഒഴിവാക്കാനാകാത്ത ചെറിയ ജോലികൾ ചെയ്താൽ തന്നെ തലയിൽ ഫിറ്റ് ചെയ്യാവുന്ന കുട വെച്ചു മാത്രം ജോലി ചെയ്യുക. വെള്ളം ധാരാളം കുടിക്കുക. കൂടാതെ സംഭാരം, നാരങ്ങാ വെള്ളം, കഞ്ഞിവെള്ളം, കരിക്കിൻവെള്ളം, ജ്യൂസ് എന്നിവ കുടിക്കുക. കുടിക്കുന്ന വെള്ളം നല്ലതാണെന്ന് ഉറപ്പ് വരുത്തുക. ജലജന്യരോഗങ്ങളിൽ നിന്ന് സുരക്ഷിതരായിരിക്കുക.

അയഞ്ഞതും ഇളം നിറത്തിലുമുള്ള കോട്ടൻ വസ്ത്രങ്ങൾ ഉപയോഗിക്കുക. അടിവസ്ത്രങ്ങളും അയഞ്ഞതും ഇളം നിറത്തിലുമുള്ള കോട്ടൻ മാത്രം ഉപയോഗിക്കുക.

ഒരുപാട് ആഭരണങ്ങൾ ഉപയോഗിക്കാതെയിരിക്കുക.

ദേഹത്ത് സൻസ്ക്രീൻ ലോഷൻ 30 spf ഉള്ളത് വാങ്ങി ശരീരത്തിൽ പുരട്ടുക.

വെയിലത്തു നിന്നാൽ ഉടനെ തന്നെ തണലിലേയ്ക്ക് മാറി നിന്ന് കുറച്ചു നേരം വിശ്രമിച്ചതിന് ശേഷവും മതിയായ വെള്ളം കുടിച്ചതിന് ശേഷവും മാത്രം യാത്രയോ ജോലിയോ തുടരുവാൻ പാടുള്ളൂ.

ഒരു കാരണവശാലും രാവിലെ 11 മുതൽ 3 മണി വരെ ബൈക്കിൽ യാത്ര ചെയ്യാതെയിരിക്കുക. ഒഴിവാക്കാനാവാത്ത യാത്രയാണെങ്കിൽ ഫുൾ സ്ലീവ് വസ്ത്രങ്ങളും മറ്റും ഉപയോഗിക്കുക. ക്ഷീണമോ, ശാരീരിക അസ്വസ്ഥതയോ , അമിത വിയർപ്പൊ തോന്നിയാൽ വണ്ടി ഓടിക്കരുത്. വഴിയിൽ തണലത്തു നിർത്തി വിശ്രമിക്കുക. ഉടനെ വൈദ്യസഹായം തേടുക. അല്ലെങ്കിൽ പൊലീസിന് വിളിക്കുക.

വീടിന്റെ ടെറസ്സ് ഓട് ഉപയോഗിക്കുന്നത് നല്ലതാണ്. അല്ലെങ്കിൽ വെള്ളനിറത്തിലുള്ള പെയിന്റ് ഉപയോഗിക്കുക. ടെറസിൽ ചെടികൾ നട്ടുപിടിപ്പിക്കുക.

കൈയ്യിൽ എപ്പോഴും കുട കരുതുക. രണ്ടു ലിറ്റർ തിളപ്പിച്ചാറിയ വെള്ളം കയ്യിൽ എപ്പോഴും കരുതുക. അരമണിക്കൂർ അല്ലെങ്കിൽ ഒരു മണിക്കൂർ കൂടുമ്പോൾ വെള്ളം കുടിക്കുക.

ഷൊർണൂർ ഒരു അമ്മ ടെറസിൽ നിന്ന് മുലയൂട്ടിയപ്പോൾ മരണപ്പെട്ടിരുന്നു. കഴിവതും നട്ടുച്ചയ്ക്ക് ടെറസിൽ പോകാതെയിരിക്കുക.

ഇന്നലെ പാടത്ത് പണിയെടുത്ത ഒരു അച്ഛൻ മരിച്ചതായി കണ്ടെത്തിയിരുന്നു. ഒരിക്കലും ഒറ്റയ്ക്ക് വെയിലത്തു പണിയെടുക്കരുത്. കഴിവതും കൂടെയാരെയെങ്കിലും കൂടെ കൂട്ടുക.

ഡോ. ഷിനു ശ്യാമളൻ

ദൂരെ യാത്രങ്ങൾ കഴിവതും ഉച്ച സമയത്തു വേണ്ടെന്ന് വയ്ക്കുക. വെയിൽ നേരിട്ട് അടിക്കേണ്ട ആവശ്യമില്ല. കൊടും ചൂടിൽ തണലിൽ നിൽക്കുന്ന ആൾക്കും സൂര്യാഘാതമേൽക്കാം. അതുകൊണ്ട് 11 മണി മുതൽ 3 വരെ വീടുകളിൽ വിശ്രമിക്കുന്നത് നല്ലത്.

കടുത്ത ക്ഷീണം, അമിത വിയർപ്പ്, മൂത്രം കുറവ്, ഹൃദയമിടിപ്പ് കൂടുക, ശ്വാസോച്ഛ്വാസം കൂടുക, തളർച്ച, ബോധക്ഷയം, തലകറക്കം എന്നിവ അനുഭവപ്പെടാൽ ഉടനെ വൈദ്യസഹായം തേടുക. ഉറ്റവരെ വിളിച്ചു അറിയിക്കുക.

ഇനിയധവാ ആരെയെങ്കിലും സൂര്യാതാപമേറ്റ നിലയിൽ നിങ്ങൾ കണ്ടാൽ ഉടനെ അദ്ദേഹത്തിന്റെ വസ്ത്രങ്ങൾ ലൂസാക്കി വെള്ളം തളിച്ചു കിടത്തുക. കുടിക്കുവാൻ ഉപ്പും പഞ്ചസാരയും ചേർന്ന പാനീയങ്ങൾ നൽകുക. മതിയായ വായുസഞ്ചാരം ഉറപ്പ് വരുത്തുക. ഉടനെ വൈദ്യസഹായം തേടുക. എത്രയും വേഗം അദ്ദേഹത്തെ ആശുപത്രിയിൽ എത്തിക്കുക.

കടുത്ത വെയിൽ അവഗണിക്കരുത്. അവഗണനയല്ല ആവശ്യം കരുതലാണ്. ” എനിക്കൊരു കുഴപ്പവും വരില്ല. ഈ വെയിലൊക്കെ എത്ര കൊണ്ടിരിക്കുക” എന്ന ധാർഷ്ട്യം പാടില്ല. നമ്മുടെ മുന്നിൽ വെയിൽ അവഗണിച്ചവരുടെ അവസ്‌ഥ നാം വാർത്തകളിൽ കാണുകയാണ്. ജാഗ്രത കൂടിയേ തീരൂ. ചൂട് അസഹനീയമാകും വിധം ഉയരുകയാണ്. അതീവജാഗ്രത കൂടിയേ മതിയാകു.

Advertisement

HEALTH

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

Published

on

അമിതമായ ചൂട് മൂലം കേരള എക്സ്പ്രസ് ട്രെയിനില്‍ നാല് യാത്രക്കാര്‍ മരിച്ചു. ആഗ്രയില്‍ നിന്നും കോയമ്പത്തൂരിലേക്ക് പുറപ്പെട്ട യാത്രക്കാരാണ് മരിച്ചത്. ഒരാളെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു.

തമിഴ്നാട് സ്വദേശികളാണ് പച്ചയ (80), ബാലകൃഷ്ണന്‍ (67), ധനലക്ഷ്മി (74), സുബ്ബറയ്യ (71) എന്നിവരാണ് മരിച്ചത്. വരാണസിയും ആഗ്രയും അടക്കമുള്ള സ്ഥലങ്ങൾ സന്ദർശിക്കാനെത്തിയ തീർത്ഥാടക സംഘത്തിലെ അംഗങ്ങളായിരുന്നു ഇവർ. 68 പേർ ഉൾപ്പെട്ടതായിരുന്നു തീർത്ഥാടക സംഘം.

ഉത്തര്‍പ്രദേശിലെ ഝാന്‍സിയില്‍ വെച്ചാണ് നാല് പേരും മരിച്ചത്. ആഗ്ര കഴിഞ്ഞപ്പോള്‍ തന്നെ ഇവർ ശാരീരികമായുള്ള അസ്വസ്ഥത പ്രകടിപ്പിച്ചിരുന്നു. പിന്നീട് കുറെ കഴിഞ്ഞപ്പോഴേക്കും ഇവർ അബോധാവസ്ഥയിലായി. അമിതമായ ചൂട് മൂലമുള്ള നിർജ്ജലീകരണം ആണ് മരണ കാരണം എന്നാണ് നിഗമനം.

അസ്വാഭാവിക മരണങ്ങൾ ആയതിനാൽ മൃതദേഹങ്ങൾ പോസ്റ്റ്മാർട്ടം ചെയ്യേണ്ടി വരും. പോസ്റ്റ്മോര്‍ട്ടത്തിന് ശേഷം മൃതദേഹങ്ങള്‍ ഇന്ന് നാട്ടിലെത്തിക്കുമെന്ന് ഡിവിഷണല്‍ റെയില്‍വേ മാനേജര്‍ അറിയിച്ചു.

കൊടും ചൂടും അത്യഷ്ണവും മൂലം ഡല്‍ഹിയിലും ഉത്തര്‍ പ്രദേശിലും ജനം വലയുകയാണ്. ഡൽഹിയിൽ 43 ഡിഗ്രിക്ക് മുകളിലാണ് ഇന്നത്തെ താപനില.

Continue Reading

HEALTH

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

Published

on

ആലത്തൂരിലെ ബന്ധു വീട്ടിൽ നിന്നും ഒറ്റപ്പാലത്തെ വീട്ടിലേക്ക് പോകുന്ന വഴി അജ്ഞാത വാഹനം ഇടിച്ച് ഗുരുതരമായി പരിക്കേറ്റ മൂന്ന് സഹോദരങ്ങളുടെ ചികിത്സാ സഹായ അക്കൗണ്ടിലേക്ക് വന്ന പണം ബാങ്ക് അധികൃതർ തടഞ്ഞ് വെച്ചതായി ആരോപണം.

പ്രശസ്ത ജീവകാരുണ്യ പ്രവർത്തകൻ ഫിറോസ് കുന്നംപറമ്പിലാണ് ഒറ്റപ്പാലത്തെ ബാങ്ക് ഓഫ് ഇന്ത്യക്കെതിരെ ഗുരുതരമായ ആരോപണം ഉന്നയിച്ചത്.

വാഹനം ഇടിച്ച് പരിക്കേറ്റ കുട്ടികൾക്ക് ചികിത്സാ സഹായം നൽകണമെന്ന അപേക്ഷയുമായി ഫിറോസ് കുന്നംപറമ്പിൽ ഫേസ്‌ബുക്ക് ലൈവിൽ വന്നിരുന്നു. മുപ്പത്തിനാല് മണിക്കൂറുകൾക്കകം തന്നെ ഒരു കോടി പതിനേഴ് ലക്ഷം രൂപ ചികിത്സാ സഹായ അക്കൗണ്ടിലേക്ക് ലഭിച്ചു.

പക്ഷെ പണം പിൻവലിക്കാനായി ബാങ്കിനെ സമീപിക്കുമ്പോൾ ചികിത്സക്കായി പണം നൽകുന്നില്ലെന്നാണ് ഫിറോസിന്റെ പരാതി. പല സാങ്കേതിക കാരണങ്ങൾ പറഞ്ഞ് പണം തടഞ്ഞ് വെച്ചിരിക്കുകയാണെന്ന് ഫിറോസ് പറയുന്നു. ആകെ പത്ത് ലക്ഷം രൂപ മാത്രമാണ് ബാങ്ക് തന്നതെന്നും പിന്നീട് പണം തരുന്നില്ല എന്നും ഫിറോസ് ആരോപിക്കുന്നു.

പരിക്കേറ്റ സഹോദരങ്ങളുടെ ചികിത്സക്ക് ആവശ്യമുള്ളത് കഴിച്ച് ബാക്കിയുള്ള പണം മറ്റു രോഗികള്‍ക്ക് കൊടുക്കാനാണ് തീരുമാനിച്ചിരുന്നത്. പക്ഷെ പണം പിന്‍വലിക്കാനോ മറ്റു രോഗികളുടെ അക്കൗണ്ടിലേക്ക് ട്രാന്‍സ്ഫര്‍ ചെയ്യാനോ ബാങ്ക് അനുവദിക്കുന്നില്ലെന്ന് ഫിറോസ് പറയുന്നു.

ആദ്യം അക്കൗണ്ട് തുറന്നിരുന്നത് കുട്ടികളുടെ ഉമ്മയുടെ പേരിലാണ്. പക്ഷെ ഭീമമായ തുകയായത് കൊണ്ട് പിന്നീട് മറ്റൊരാളെക്കൂടി ചേര്‍ത്ത് ജോയിന്റ് അക്കൗണ്ടാക്കുകയാണ് ചെയ്തത്. പണം പിന്‍വലിക്കാനായി ബാങ്കിൽ ചെന്ന് ചെക്ക് ആവശ്യപ്പെട്ടപ്പോൾ ബാങ്ക് ചെക്ക് തന്നില്ല. പണം മറ്റു അക്കൗണ്ടുകളിലേക്ക് മാറ്റണമെന്ന് പറഞ്ഞപ്പോള്‍ അതിന് അനുവദിച്ചില്ല.

പിന്നീട് അഭിഭാഷകൻ ബാങ്കുമായി സംസാരിച്ചപ്പോള്‍ വിത്തഡ്രോവല്‍ ചെക്ക് ഒപ്പിട്ട് തന്നാല്‍ ഹെഡ് ഓഫീസുമായി ബന്ധപ്പെട്ടതിന് ശേഷം പണം തരാമെന്ന് പറഞ്ഞിരുന്നതായും എന്നാൽ ആറു ദിവസമായെന്നും ഇതുവരെ പണം ലഭിക്കുന്ന കാര്യത്തിൽ തീരുമാനമായില്ലെന്നും ഫിറോസ് പറയുന്നു.

പതിനഞ്ചാം തിയ്യതിക്കകം പ്രശ്നത്തിന് പരിഹാരം കണ്ടില്ലെങ്കിൽ ബാങ്കിന് മുന്നിൽ പ്രതിഷേധ സമരം നടത്തുമെന്നും ഫേസ്‌ബുക്ക് ലൈവിലൂടെ ഫിറോസ് വ്യക്തമാക്കി.

Continue Reading

HEALTH

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

Published

on

ആശുപത്രി ജീവനക്കാരുടെ അനാസ്ഥ മൂലം ബാലന്റെ വൃഷണങ്ങൾ നീക്കം ചെയ്യേണ്ടി വന്നുവെന്ന് പരാതി. കുട്ടിയുടെ പിതാവിന്റെ പരാതിയുടെ അടിസ്ഥാനത്തിൽ തായിഫിലെ കിംഗ് ഫൈസൽ ആശുപത്രിയിലെ ഡോക്ടർമാരും നഴ്‌സുമാർക്കും അഡ്മിനിസ്ട്രേറ്റർമാരും ഉൾപ്പെടെ പത്ത് പേർക്കെതിരെ ആരോഗ്യ മന്ത്രാലയം നടപടി തുടങ്ങി.

കുട്ടിയുടെ മാതാവാണ് പരിക്കേറ്റ കുട്ടിയെ ആശുപത്രിയിൽ എത്തിച്ചത്. സമയത്തിന് എത്തിച്ചിട്ടും കുട്ടിയെ പരിശോധിക്കാൻ വളരെ അധികം സമയം എടുത്തെന്നും ഇത് കുട്ടിയുടെ ആരോഗ്യ നില വഷളാക്കിയെന്നും ഇത് മൂലമാണ് കുട്ടിയുടെ ബീജ ഗ്രന്ഥികളും വൃഷണങ്ങളും നീക്കം ചെയ്യേണ്ടി വന്നതെന്നും പിതാവ് സുൽത്താൻ അൽ ഹാരിതി പരാതിയിൽ വ്യക്തമാക്കുന്നു.

എന്നാൽ കുട്ടിക്ക് ആരോപിക്കപ്പെടുന്ന ഗുരുതരാവസ്ഥ ഇല്ലെന്നും കുട്ടിയുടെ ഒരു വൃഷണം മാത്രമാണ് നീക്കം ചെയ്യേണ്ടി വന്നതെന്നും മറ്റു വൃഷണം ശരിയായ അപകടമില്ലാത്ത അവസ്ഥയിൽ ആണെന്നുമാണ് തായിഫിലെ ആരോഗ്യ വകുപ്പിന്റെ പ്രതികരണം.

പരാതി ലഭിച്ചതായും കേസ് ഫയൽ ശരിയ മെഡിക്കൽ കമ്മിറ്റിക്ക് അയച്ചു കൊടുത്തതായും ആരോഗ്യ മന്ത്രാലയ വൃത്തങ്ങൾ വെളിപ്പെടുത്തി. ആശുപത്രിയിലെ സിസിടിവി ദൃശ്യങ്ങൾ പരിശോധിച്ച ശേഷമാണ് കുട്ടിയുടെ ചികിത്സക്ക് ഉത്തരവാദികളായ പത്തു പേരുടെ പേരുകൾ കേസ് ഫയലിൽ ഉൾപ്പെടുത്തിയത്.

ഈ വിഷയം അധികൃതർ വളരെ ഗൗരവമായി തന്നെയാണ് എടുത്തിട്ടുള്ളത്. മെഡിക്കൽ കമ്മിററിക്ക് പുറമെ ദേശീയ മനുഷ്യാവകാശ കമ്മീഷൻ, കണ്ട്രോൾ ആൻഡ് ഇൻവെസ്റ്റിഗേഷന് ബോർഡ് (സി ഐ ബി), ദേശീയ അഴിമതി വിരുദ്ധ കമ്മീഷൻ തുടങ്ങിയ സമിതികളും ഈ വിഷയം പിന്തുടരുന്നുണ്ട്.

Continue Reading
KERALA22 hours ago

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

KERALA2 weeks ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST2 weeks ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST2 weeks ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST2 weeks ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA2 weeks ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA2 weeks ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH2 weeks ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME2 weeks ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME2 weeks ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA2 weeks ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH2 weeks ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

KERALA2 weeks ago

അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

CRIME3 weeks ago

മുർതസയുടെ വധശിക്ഷ നടപ്പാക്കരുതെന്ന് സൗദിയോട് ആംനെസ്റ്റി ഇന്റർനാഷണൽ.

LATEST4 weeks ago

സൗദിയിൽ ബീഫ് തീറ്റിച്ചുവെന്ന ഇന്ത്യക്കാരന്റെ പരാതിയിൽ വഴിത്തിരിവ്.

CRIME4 weeks ago

സൗദിയിൽ വാരാന്ത്യ സ്ത്രീ-പുരുഷ ഡാൻസ് പാർട്ടി. 20 പേർ പിടിയിൽ.

LATEST3 weeks ago

ദുബൈ അപകടം: അപകട കാരണത്തിന്റെ വ്യക്തമായ ചിത്രം ലഭ്യമാവുന്നു.

HEALTH2 weeks ago

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

HEALTH4 weeks ago

പ്രാർത്ഥനകൾ സഫലം. സോനാ മോൾ മടങ്ങി വരുന്നു ജീവിതത്തിലേക്ക്.

LATEST3 weeks ago

സൗദിയിൽ ലക്ഷക്കണക്കിന് വിദേശികൾക്ക് പുതിയ തൊഴിലവസരം ഒരുങ്ങുന്നു.

LATEST3 weeks ago

ദുബൈ ബസ് അപകടത്തിന്റെ കാരണമായി ഡ്രൈവർ പറയുന്നത്……

INDIA3 weeks ago

യാത്രയിൽ വിമാനത്തിന് അകത്ത് പ്രവാസി മലയാളി മരിച്ചു. വിമാനം തിരിച്ചിറക്കി.

LATEST3 weeks ago

ഭാഗ്യം കേരളത്തിലേക്ക്…ഇത്തവണ 18.85 കോടി പന്തളം സ്വദേശിക്ക്.

KERALA2 weeks ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

KERALA3 weeks ago

യതീഷ് ചന്ദ്രക്ക് സ്ഥലം മാറ്റം. കേരളത്തിലെ മികച്ച ക്രമസമാധാന പാലകനെ ഒതുക്കി?

LATEST3 weeks ago

ഹൃദയാഘാതം മൂലം മലയാളി യുവാവ് സൗദിയിൽ മരിച്ചു.

LATEST2 weeks ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LAW3 weeks ago

ദുബൈ അപകടം: മരിച്ചവരുടെ ബന്ധുക്കൾക്ക് 38 ലക്ഷം രൂപ വരെ നഷ്ടപരിഹാരം ലഭിക്കും.

Trending

error: Content is protected !!