Connect with us

CRIME

പ്രവാസിയെ ആളുമാറി അറസ്റ്റ് ചെയ്ത കേസിൽ സർക്കാരിന് നോട്ടീസ്.

Published

on

മാല മോഷണത്തിന് ആളുമാറി അറസ്റ്റിലായി സമാനതകളില്ലാത്ത പീഡനം നേരിട്ട സംഭവത്തിൽ ഹൈക്കോടതി സർക്കാരിന് നോട്ടീസ് അയച്ചു. നഷ്ടപരിഹാരം ആവശ്യപ്പെട്ട് ഖത്തറിൽ പ്രവാസിയായിരുന്ന തലശ്ശേരി കതിരൂർ സ്വദേശി വി കെ താജുദ്ദീൻ നൽകിയ ഹർജിയിലാണ് നോട്ടീസ്. ജസ്റ്റിസ് ഷാജി പി ചാലിയുടേതാണ് ഉത്തരവ്.

ആളുമാറി അറസ്റ്റ് ചെയ്തത് കൊണ്ടും പിന്നീടുണ്ടായ സംഭവങ്ങളെ തുടർന്നുമുള്ള നഷ്ടങ്ങൾക്ക് ഒരു കോടി രൂപയും ഭാര്യക്കും മൂന്ന് മക്കൾക്കും പത്ത് ലക്ഷം രൂപ വീതവും നഷ്ടപരിഹാരം നൽകണമെന്നാണ് ഹർജിയിലെ ആവശ്യം. കുറ്റക്കാരായ പോലീസുകാർക്കെതിരെ നടപടിയെടുക്കണമെന്നും ഹർജിയിൽ ആവശ്യപ്പെടുന്നു.

സർക്കാരിനെയും ഡി ജി പി യേയും കൂടാതെ ചക്കരക്കൽ എസ് ഐ പി ബിജു, എ എസ് ഐ മാരായ യോഗേഷ്, ടി ഉണ്ണികൃഷ്‌ണൻ എന്നിവരെയുമാണ് എതിർ കക്ഷികളാക്കിയിട്ടുള്ളത്.

ഖത്തറിൽ കഴിഞ്ഞ ഇരുപത് വർഷം പ്രവാസിയായിരുന്ന താജുദ്ദീനെ മകളുടെ വിവാഹം പ്രമാണിച്ചു അവധിക്ക് വന്ന സമയത്ത് മാല പൊട്ടിച്ച കേസിൽ ആളുമാറി ചക്കരക്കൽ പോലീസ് അറസ്റ്റ് ചെയ്യുകയായിരുന്നു. ആളുമാറിയാണ് അറസ്റ് ചെയ്തതെന്ന് കേണു പറഞ്ഞിട്ടും മുഖാവിലക്കെടുക്കാതെ കോടതിയിൽ ഹാജരാക്കുകയായൊരുന്നു. കോടതി റിമാൻഡ് ചെയ്ത താജുദ്ദീന് അൻപത്തി നാല് ദിവസം ജയിലിൽ കഴിയേണ്ടി വന്നിരുന്നു. സിസിടിവിയിൽപതിഞ്ഞ മോഷ്ടാവിന്റെ മുഖവുമായി സാമ്യമുണ്ട് എന്ന കാരണത്താലായിരുന്നു പോലീസ് അറസ്റ്റ് ചെയ്തത്.

അറസ്റ്റ് ചെയ്ത താജുദ്ദീനെ തെളിവെടുപ്പിനായും തൊണ്ടിമുതൽ കണ്ടെടുക്കാനായും പലയിടത്തും കൊണ്ട് പോയി നാട്ടുകാരുടെ മുന്നിൽ പ്രദർശിപ്പിച്ചുവെന്ന് കോടതിയിൽ നൽകിയ ഹർജിയിൽ പറയുന്നു.

പിന്നീട് താജുദ്ദീന്റെ ഭാര്യയുടെ പരാതിയിൽ കണ്ണൂർ ഡി വൈ എസ് പി നടത്തിയ അന്വേഷണത്തിലാണ് താജുദ്ദീൻ നിരപരാധിയാണെന്ന് തെളിഞ്ഞത്. പിന്നീട് യഥാർത്ഥ മോഷ്ടാവ് ആയ ശരത് വത്സരാജ് എന്നയാളെ പിടികൂടുകയും ചെയ്തു.

CRIME

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

Published

on

ബാഗ് കവരാനുള്ള ശ്രമത്തിനിടയിൽ ഡൽഹിയിൽ റെയിൽവേ സ്റ്റേഷനിൽ മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

തൃശൂർ പട്ടിക്കാട് കീരൻകുള്ളങ്ങര വാരിയത്ത് പത്മിനി വാരസ്യാരുടെയും ശേഖരവാര്യരുടെയും മകളായ ഡോ.തുളസി രുദ്രകുമാറാണ് മരിച്ചത്. മകൾ കാർത്തിക താമസിക്കുന്ന ദുർഗ്ഗാവിലേക്ക് ഭർത്താവുമൊത്ത് സന്ദർശനത്തിന് പോയതായിരുന്നു ഡോക്ടർ തുളസി. അവിടെ നിന്ന് ഹരിദ്വാർ ക്ഷേത്രദർശനം കഴിഞ്ഞു തിരിച്ചു വരുമ്പോഴാണ് ദാരുണ സംഭവം.

വാതിലിനോട് ചേർന്ന സീറ്റിൽ ഇരിക്കുകയായിരുന്നു തുളസി. തുളസിയുടെ കയ്യിലുള്ള ബാഗ് മോഷ്ടിച്ച് ഓടാൻ ശ്രമിച്ച മോഷ്ടാക്കളെ തുളസി ചെറുത്ത് നിന്നു. പിടിവലിക്കിടയിൽ ബാഗ് കയ്യിലാക്കുന്നതിന് വേണ്ടി മോഷ്ടാക്കൾ തുളസിയെ ട്രെയിനിൽ നിന്ന് തള്ളിയിടുകയായിരുന്നു.

ബഹളം കേട്ട് അൽപ്പം മാറിയുള്ള സീറ്റിൽ ഇരിക്കുകയായിരുന്ന ഭർത്താവ് ഭർത്താവ് രുദ്രകുമാറും മകൾ കാർത്തികയുടെ ഭർത്താവ് പ്രക്ഷോഭും വരുമ്പോഴേക്കും തുളസി ട്രെയിനിൽ നിന്നും താഴെ വീണ് കഴിഞ്ഞിരുന്നു. തുളസിയെ തള്ളിയിട്ട ശേഷം മോഷ്ടാക്കൾ ബാഗുമായി രക്ഷപ്പെട്ടു.

പാണഞ്ചേരിയിൽ ഏവർക്കും പ്രിയങ്കരിയായ ജനകീയ ഡോക്ടർ ആയിരുന്നു തുളസി. പീച്ചി റോഡ് ജങ്ക്ഷനിലുള്ള ഡോക്ടറുടെ ക്ലിനിക്കിൽ പത്ത് രൂപ മാത്രമായിരുന്നു രോഗികളിൽ നിന്ന് ഫീസായി ഈടാക്കിയിരുന്നത്.

Continue Reading

CRIME

സദാചാര പോലീസുകാർ കവർച്ചക്കാരായി. കേരളത്തിലെത്തിയ ജർമ്മൻ ടൂറിസ്റ്റുകളെ കൊള്ളയടിച്ചു.

Published

on

കേരള സന്ദർശനത്തിനെത്തിയ ജർമ്മൻ സംഘത്തെ കൊള്ളയടിച്ചു. മഞ്ചേശ്വരം ചെക്ക് പോസ്റ്റിന് അടുത്ത് വെച്ചാണ് സംഭവം.

കേരളം-കർണ്ണാടക അതിർത്തിയിൽ കേരള ചെക്ക് പോസ്റ്റിനടുത്ത് ടെന്റ് കെട്ടി താമസിക്കുകയായിരുന്ന ജർമ്മൻ പൗരന്മാരായ ജാൻ ഡൊമിനിക്, അമെന്റ വാലാസ്റ്റിനെ, അരൻ ഡൊമിനിക് എന്നിവരാണ് കവർച്ചക്ക് ഇരയായത്.

എക്സൈസ് ചെക്ക് പോസ്റ്റിനടുത്ത് ടെന്റ് കെട്ടി താമസിക്കുകയായിരുന്ന സ്ഥലത്ത് ബൈക്കിലെത്തിയ സംഘം അതിക്രമിച്ചു കയറി ആക്രമിക്കുകയും പണവും ബാങ്ക് കാർഡുകളും കവർച്ച ചെയ്യുകയായിരുന്നു. എണ്ണായിരം രൂപയും കാർഡുകളും മൊബൈൽ ഫോണുമാണ് നഷ്ടമായത്.

രണ്ടു പുരുഷന്മാരും ഒരു സ്ത്രീയുമാണ് സംഘത്തിൽ ഉണ്ടായിരുന്നത്. സംഭവ സമയത്ത് സംഘത്തിലെ ഒരു പുരുഷനും സ്ത്രീയും വാനിൽ ഉറങ്ങുകയും മറ്റൊരാൾ ടെന്റിൽ ഉറങ്ങുകയുമായിരുന്നു. സദാചാര പോലീസ് ചമഞ്ഞു എത്തിയ സംഘം പിന്നീട് കവർച്ച നടത്തുകയായിരുന്നു.

ലോകപര്യടനത്തിനിറങ്ങിയ ജർമ്മൻ സംഘം വിവിധ രാജ്യങ്ങളിൽ പര്യടനം നടത്തിയ ശേഷം ഡൽഹിയിൽ എത്തിയത്. തുടർന്ന് ഇന്ത്യയിലെ വിവിധ സംസ്ഥാനങ്ങളിൽ കറങ്ങി ഓമ്നി വാനിൽ ഗോവയിൽ നിന്നും കേരളത്തിലേക്ക് വരുമ്പോഴാണ് ആക്രമണം ഉണ്ടായത്.

പ്രതികളെ പിടികൂടുന്നതിനായി മഞ്ചേശ്വരം പോലീസ് പ്രത്യേക അന്വേഷണ സംഘം രൂപീകരിച്ച് അന്വേഷണം തുടങ്ങി. അഞ്ചംഗ സംഘമാണ് കവർച്ച നടത്തിയത്. പ്രതികളെ കുറിച്ച് പൊലീസിന് സൂചന ലഭിച്ചിട്ടുണ്ട്.

പണവും കാർഡുകളും നഷ്ടപ്പെട്ടതിനെ തുടർന്ന് ഭക്ഷണം കഴിക്കാൻ പോലും പണമില്ലാതെ വലഞ്ഞ ജർമ്മൻ സംഘത്തിന് പോലീസുകാരാണ് ഭക്ഷണവും അത്യാവശ്യ സഹായങ്ങളും ചെയ്യുന്നത്.

Continue Reading

CRIME

അമ്മയുടെ മർദ്ദനമേറ്റ് ആശുപത്രിയിലായിരുന്ന മൂന്ന് വയസ്സുകാരൻ മരിച്ചു.

Published

on

ആലുവയിൽ അമ്മയുടെ ക്രൂര മർദ്ദനമേറ്റ് ചികിത്സയിൽ തുടരുകയായിരുന്നു മൂന്ന് വയസ്സുകാരൻ മരണത്തിന് കീഴടങ്ങി.

കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു കുട്ടി. ആരോഗ്യനില അതീവ ഗുരുതരമായി തുടരുകയായിരുന്നു. മരുന്നുകളോട് പ്രതികരിക്കുന്നുണ്ടായിരുന്നില്ല. വെന്റിലേറ്ററിന്റെ സഹായത്തോടെയാണ് കുഞ്ഞിന്റെ ജീവൻ നിലനിറുത്തിയിരുന്നത്.

കുഞ്ഞിന്റെ ജീവൻ രക്ഷിക്കാൻ കഴിഞ്ഞ ദിവസം ഡോക്ടർമാർ നടത്തിയ മൂന്ന് മണിക്കൂർ നീണ്ട അടിയന്തിര ശസ്ത്രക്രിയയ്ക്ക് ശേഷവും കുട്ടിയുടെ ആരോഗ്യനില അതീവ ഗുരുതരമായി തുടരുകയായിരുന്നു. ശസ്ത്രക്രിയക്ക് ശേഷം തലച്ചോറിലെ രക്തസ്രാവം നിയന്ത്രിക്കാൻ സാധിച്ചെങ്കിലും തലച്ചോറിന്റെ പ്രവർത്തനം മന്ദഗതിയിലാവുകയായിരുന്നു.

കുഞ്ഞിന്റെ ചികിത്സാ ചെലവുകളും സുരക്ഷിതത്വവും സാമൂഹിക നീതി വകുപ്പ് കഴിഞ്ഞ ദിവസം ഏറ്റെടുത്തിരുന്നു. കുഞ്ഞിന്റെ ചികിത്സയെ നിരീക്ഷിക്കുന്നതിനായി മെഡിക്കൽ സംഘത്തെയും കഴിഞ്ഞ ദിവസം അയച്ചിരുന്നു.

അതീവ ഗുരുതരമായി തലയ്ക്ക് പരിക്കേറ്റ നിലയിൽ ഇതരസംസ്ഥാനക്കാരായ ദമ്പതികളുടെ മൂന്ന് വയസുള്ള മകനെ ബുധനാഴ്ചയാണ് ആലുവയിലെ സ്വകാര്യ ആശുപത്രിയിലെത്തിച്ചത്. ഏണിപ്പടിയിൽ നിന്നും വീണതാണെന്നാണ് കുഞ്ഞിന്റെ പിതാവ് ആശുപത്രി അധികൃതരോട് പറഞ്ഞത്.

എന്നാൽ കുഞ്ഞിന്റെ ശരീരത്തിൽ മർദനമേറ്റ മുറിവുകളും പൊള്ളലേറ്റ പാടുകളും പരിശോധനയിൽ കണ്ടെത്തിയതിനെ തുടർന്ന് ആശുപത്രി അധികൃതർ വിവരം പോലീസിൽ അറിയിക്കുകയായിരുന്നു.

അനുസരണക്കേട് കാട്ടിയതിനാണ് കുഞ്ഞിനെ ചട്ടുകം കൊണ്ട് പൊള്ളിക്കുകയും കട്ടിയുള്ള തടി കൊണ്ട് തലയ്ക്കടിക്കുകയുമായിരുന്നെന്ന് പൊലീസിനോട് മാതാവ് കുറ്റസമ്മതം നടത്തി. തുടർന്ന് കുഞ്ഞിന്റെ അമ്മയെ മജിസ്ട്രേറ്റിന് മുന്നിൽ ഹാജരാക്കിയ ശേഷം റിമാൻഡ് ചെയ്തു. ഇവർക്കെതിരെ വധശ്രമം ചുമത്തിയാണ് പൊലീസ് അറസ്റ്റ് ചെയ്തിരിക്കുന്നത്.

Continue Reading
CRIME6 hours ago

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

CINEMA7 hours ago

ജിദ്ദയിൽ ആവേശമായി ലൂസിഫർ.

INDIA10 hours ago

ടിക് ടോക് നിരോധനത്തിന് പുല്ലു വില. ഇന്ത്യയിൽ ആപ്പ് ഡൗൺലോഡിൽ വൻ വർദ്ധന.

INDIA12 hours ago

സുപ്രീം കോടതി ചീഫ് ജസ്റ്റിസിനെതിരെ ലൈംഗിക ആരോപണം.

LAW12 hours ago

തൊഴിൽ നിയമ ലംഘനം. ഖത്തറിൽ പരിശോധന ഊർജിതം.

INDIA13 hours ago

ഐ.ഇ.എൽ.റ്റി.എസിന് ഒരുങ്ങുന്നവർക്ക് ബ്രിട്ടീഷ് കൗൺസിലിന്റെ ഓൺലൈൻ പരിശീലന സഹായി

MIDDLE EAST14 hours ago

അബുദാബിയിലെ ആദ്യ ഹൈന്ദവ ക്ഷേത്രത്തിന്റെ തറക്കല്ലിടൽ ഇന്ന്.

CRIME14 hours ago

സദാചാര പോലീസുകാർ കവർച്ചക്കാരായി. കേരളത്തിലെത്തിയ ജർമ്മൻ ടൂറിസ്റ്റുകളെ കൊള്ളയടിച്ചു.

HEALTH1 day ago

നഴ്‌സിംഗ് ബിരുദം ഉള്ളവർക്ക് ഒരു വർഷത്തെ ഇന്റേൺഷിപ്പ് വേണ്ടെന്ന് ഹൈക്കോടതി.

MIDDLE EAST1 day ago

സ്പൈസ് ജെറ്റിന്‍റെ കോഴിക്കോട് -ജിദ്ദ വിമാന സർവീസ് നാളെ മുതൽ.

KERALA1 day ago

കുഞ്ഞുങ്ങൾക്ക് നേരെയുള്ള ശാരീരിക പീഢനങ്ങൾക്ക് ഒരറുതി വരുത്തണ്ടേ?

CINEMA1 day ago

സൗദിയിലിരുന്ന് ലൂസിഫറിന്റെ വ്യജ പതിപ്പ് കണ്ടയാൾ കുടുങ്ങും.

CRIME2 days ago

അമ്മയുടെ മർദ്ദനമേറ്റ് ആശുപത്രിയിലായിരുന്ന മൂന്ന് വയസ്സുകാരൻ മരിച്ചു.

CRIME2 days ago

അമ്മയുടെ മർദ്ദനമേറ്റ് ആശുപത്രിയിലായിരുന്ന മൂന്ന് വയസ്സുകാരൻ മരിച്ചു

LATEST2 days ago

യു.എ.ഇ യിലെ ആദ്യ പരമ്പരാഗത ഹിന്ദു ക്ഷേത്രത്തിന്റെ നിർമ്മാണം നാളെ തുടങ്ങുന്നു.

MIDDLE EAST4 weeks ago

സൗദിയിൽ പ്രസവാവധി നൽകാതെ മാനേജ്‌മെന്റ് പീഡിപ്പിച്ച മലയാളി നഴ്സ് ടിന്റു ഇന്ന് നാട്ടിലേക്ക്

HEALTH4 weeks ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

CINEMA4 weeks ago

ഖത്തറിൽ ലൂസിഫറിന്റെ ഏറ്റവും വലിയ പോസ്റ്റർ സ്ഥാപിച്ച് മോഹൽലാൽ ആരാധകർ

KERALA4 weeks ago

നമ്മുടെ നാട്ടിൽ വാടക കരാർ 11 മാസത്തേക്ക് മാത്രമേ എഴുതാൻ പാടുള്ളൂ എന്ന് നിയമമുണ്ടോ

HEALTH1 week ago

ഡോക്ടർമാരുടെ ലൈംഗികമായ അതിർത്തികളെ കുറിച്ച്……..

KERALA2 weeks ago

അനുപമയുടെ നടപടി ശരിയെന്ന് മുഖ്യ തിരഞ്ഞെടുപ്പ് കമ്മീഷണർ. സുരേഷ് ഗോപിക്ക് അയോഗ്യത കൽപ്പിക്കാൻ സാധ്യത

MIDDLE EAST4 weeks ago

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

HEALTH2 weeks ago

ഇരു വൃക്കകളും തകരാറിലായ മലയാളി യുവാവ് സൗദിയില്‍ സുമനസ്സുകളുടെ സഹായം തേടുന്നു

CRIME3 weeks ago

സൗദിയിലേക്ക് ടിന്റുവിനെ കൊണ്ട് പോയത് മനുഷ്യക്കടത്തിലൂടെ?

CRIME1 week ago

ലോറി ഡ്രൈവറെ ഇടിച്ചു കൊന്ന് നിർത്താതെ പോയ ആഡംബര കാർ പെരിന്തൽമണ്ണയിലെ ഡോക്ടറുടേത്.

UAE2 weeks ago

പതിനെട്ട് കോടി ലോട്ടറിയടിച്ച ഇന്ത്യാക്കാരനെ ഇതുവരെ കണ്ടെത്തിയില്ല !

SAUDI ARABIA2 weeks ago

തൃശൂര്‍ സ്വദേശി ദമാമില്‍ തൂങ്ങിമരിച്ചു

CRIME2 weeks ago

സഹ തടവുകാരുടെ മർദ്ദനം പേടി ജയിൽ മാറ്റി തരണമെന്ന് അരുൺ.

CRIME3 weeks ago

പ്രവാസിയെ ആളുമാറി അറസ്റ്റ് ചെയ്ത കേസിൽ സർക്കാരിന് നോട്ടീസ്.

CRIME1 week ago

ഡോ. സംഗീത് ചെറിയാനെതിരെ നരഹത്യക്ക് കേസെടുക്കണമെന്ന് ആ ആവശ്യം

Trending

Copyright © 2019 Pravasi Corner.

error: Content is protected !!