Connect with us

SAUDI LABOUR LAW

ഉച്ച സമയത്ത് പണിയെടുപ്പിച്ചാല്‍ എവിടെ പരാതിപ്പെടാം?

Published

on

 

ജുബൈലില്‍ ഉള്ള ഒരു കമ്പനിയിലാണ് ജോലിയെടുക്കുന്നത്. തുറസ്സായ സ്ഥലത്താണ് ജോലി. ഇവിടെ ഇപ്പോള്‍  ഉച്ച സമയത്ത് വെയില്‍ വളരെ ക്കൂടുതലാണ്. എന്നിട്ടും കമ്പനി റസ്റ്റ് തരുന്നില്ല. പണിയെടുക്കാന്‍ നിര്‍ബന്ധിക്കുകയാണ്. നോമ്പ് എടുത്തു ഈ വെയില്‍ പണിയെടുക്കുന്നത് പറഞ്ഞാല്‍ തീരാത്ത ബുദ്ധിമുട്ടാണ്. പലരും തല കറങ്ങി വീഴുന്നു. പണി നിര്‍ത്തിയാല്‍ കമ്പനി  ആ ദിവസത്തെ ശമ്പളം കട്ട് ചെയ്യും. ചൂട് കൂടുതലുള്ള സമയത്തും റമദാനിലും ഇങ്ങിനെ പണിയെടുപ്പിക്കുന്നതിനെതിരെ എന്തെങ്കിലും നിയമങ്ങള്‍ നിലവിലുണ്ടോ? എവിടെയാണ് പരാതിപ്പെടാന്‍ സാധിക്കുക.? റമദാന്‍ മാസത്തില്‍ പ്രവര്‍ത്തി സമയത്തിന്റെ നിയമങ്ങള്‍ എന്തൊക്കെയാണ്? Mr.V.M.V, Saudi Arabia.

സൗദി അറേബ്യയില്‍ ജൂലൈ – ഓഗസ്റ്റ്‌ മാസങ്ങളില്‍ ചൂട് വളരെ കൂടുതലാണ്. താപനില ചില സ്ഥലങ്ങളില്‍ 50 ഡിഗ്രിക്ക് മുകളില്‍ വരെ വരാം. അസഹ്യമായ താപനില പരിഗണിച്ചു ജൂലൈ 1 മുതല്‍, ഓഗസ്റ്റ്‌ 31 വരെ ഉച്ചക്ക് 12 നും 3 മണിക്കുമിടയില്‍ നിര്‍മാണ സൈറ്റുകളില്‍/തുറസ്സായ/പൊതുസ്ഥലങ്ങളില്‍ തൊഴിലാളികലെക്കൊണ്ട് ജോലി ചെയ്യിക്കുന്നത് തൊഴില്‍മന്ത്രാലയം നിരോധിച്ചിട്ടുണ്ട്.ഇത്തരം സാഹചര്യങ്ങളില്‍ തൊഴിലാളികളെക്കൊണ്ട് പണിയെടുപ്പിച്ചാല്‍ അതിന്റെ ഉത്തരവാദിത്വം തൊഴിലുടമക്കും കമ്പനികള്‍ക്കുമാണ്. അവര്‍ ശിക്ഷാര്‍ഹരുമാണ്. ഏതെന്കിലും കാരണവശാല്‍ ആ സമയത്ത് തൊഴിലെടുക്കാന്‍ തൊഴിലാളി നിര്‍ബന്ധിക്കപ്പെടുകയാണെങ്കില്‍ അയാള്‍ക്ക്‌ തൊഴില്‍ മന്ത്രാലയത്തിന്റെ ഹോട്ട്‌ലൈന്‍ (+966 1 200 6666) വഴി തൊഴിലുടമക്കെതിരെ പരാതിപ്പെടാം.   പരാതിക്കാരന്‍ പേര് വെളിപ്പെടുത്തേണ്ട കാര്യമില്ല.

റമദാനില്‍ സര്‍ക്കാര്‍ സ്ഥാപനങ്ങള്‍ക്ക് അഞ്ചു മണിക്കൂറും സ്വകാര്യ സ്ഥാപനങ്ങള്‍ക്ക് ആറു മണിക്കൂറും ആയിരിക്കും പ്രവര്‍ത്തി സമയം. കാലത്ത് പത്തു മുതല്‍ വൈകീട്ട് മൂന്നു വരെ ആയിരിക്കും സര്‍ക്കാര്‍ മേഖലയിലെ പ്രവര്‍ത്തി സമയം. സ്വകാര്യ മേഖലയിലെ മുസ്ലിം തൊഴിലാളികള്‍ക്ക് പ്രതിദിനം ആറു മണിക്കൂറും ആഴ്ചയില്‍ 36 മണിക്കൂറും ആയാണ് പ്രവര്‍ത്തി സമയം ക്രമീകരിച്ചിരിക്കുന്നത്. ഇത് സൗദി തൊഴില്‍ നിയമത്തിലെ വകുപ്പ് 98  വ്യക്തമായി നിര്‍ദേശിക്കുന്നു. സൌകര്യപ്രദമായ നോമ്പ് അനുഷ്ഠാനത്തിനു വേണ്ടിയാണത്. .

മധ്യാഹ്ന തൊഴില്‍ നിരോധനം ആദ്യമായി നടപ്പിലാക്കിയത് 2007 ലെ കാബിനറ്റ് തീരുമാനപ്രകാരമാണ്. സ്വകാര്യ മേഖലക്കും ഈ നിയമം ബാധകമാണ്. കുറച്ചു വര്‍ഷങ്ങള്‍ക്കു മുന്‍പ് തന്നെ സ്വകാര്യമേഖലക്കും ഈ നിയമം ബാധകമാക്കുമെന്ന പ്രഖ്യാപനം തൊഴില്‍ മന്ത്രാലയം നടത്തിയിരുന്നെന്കിലും 2011 ലാണ് ഇത് നിലവില്‍ വന്നതായി പ്രഖ്യാപിക്കപ്പെട്ടത്. കമ്പനികള്‍ക്കു അവയുടെ വര്‍ക്ക്‌ ഷെഡ്യൂള്‍ ക്രമീകരിക്കാനും തൊഴില്‍ തടസ്സങ്ങള്‍ ഒഴിവാക്കാനും ആവശ്യമായ സമയം നല്‍കുക എന്നതായിരുന്നു ഈ കാലതാമസത്തിനു പിറകില്‍. താപനില കൂടുന്ന മാസങ്ങളില്‍ മധ്യാഹ്നതൊഴില്‍ നിരോധനം ഏര്‍പ്പെടുത്തുന്നതിനെ സംബന്ധിച്ച കരട് പദ്ധതി വര്‍ഷങ്ങള്‍ക്കു മുന്‍പ് തന്നെ സമര്‍പ്പിച്ചിട്ടും ഇത് വരെ തൊഴില്‍ മന്ത്രാലയം അത് നടപ്പിലാക്കാത്തത്തില്‍ മനുഷ്യാവകാശ കമ്മീഷനും (The National Commission for Human Rights – NSHR) ആശ്ചര്യം പ്രകടിപ്പിച്ചിരുന്നു. 

എന്നാല്‍ ഗ്യാസ്‌, ഓയില്‍ കമ്പനികള്‍ക്കും, ജലവിതരണ പൈപ്പ്‌ ലൈനുകളിലെ ചോര്‍ച്ച, വൈദ്യുതി നിലക്കുക തുടങ്ങിയ അടിയന്തിര പ്രാധാന്യമുള്ള ജോലികള്‍ ഉച്ച സമയത്ത് നിര്‍വഹിക്കുന്നതില്‍ നിയമ വിലക്കില്ല. എന്നാല്‍ ഈ സമയങ്ങളിലും ജോലി ചെയ്യുന്ന തൊഴിലാളിയെ സൂര്യാഘാതത്തില്‍ നിന്ന് സംരക്ഷിക്കുന്നതിനുള്ള മാര്‍ഗങ്ങള്‍ കമ്പനികള്‍ സ്വീകരിക്കണം. സൗദി തൊഴില്‍ നിയമത്തിലെ വകുപ്പ് 122  പ്രകാരം ഇത് നിര്‍ബന്ധമാണ്.

നിയമം ലംഘിക്കുന്ന സ്ഥാപനങ്ങള്‍ക്ക് സൗദി തൊഴില്‍ നിയമത്തിലെ ‘ശിക്ഷകള്‍’ എന്ന അദ്ധ്യായം 15 ലെ വകുപ്പ് 236 പ്രകാരം ആദ്യ തവണ  3000  റിയാല്‍ മുതല്‍ 10000 റിയാല്‍ വരെ പിഴ ചുമത്തും. നിയമലംഘനം തുടര്‍ന്നാല്‍ 30 ദിവസത്തേക്ക് സ്ഥാപനം അടച്ചിടേണ്ടി വരും. മൂന്നാം തവണയും ആവര്‍ത്തിക്കുകയാനെന്കില്‍ എന്നെന്നേക്കുമായി സ്ഥാപനം അടച്ചിടലായിരിക്കും ശിക്ഷ.

മനുഷ്യാവകാശ കമ്മീഷനും നിയമ ലംഘനം നടക്കുന്നുണ്ടോ എന്ന് നിരീക്ഷിക്കും. നിയമലംഘനം നടക്കുന്നുണ്ടോ എന്നറിയാന്‍ ഉദ്യോഗസ്ഥര്‍ ഈ സമയങ്ങളില്‍ കമ്പനികള്‍ സന്ദര്‍ശിക്കുന്നുണ്ട്. മനുഷ്യാവകാഷ കമ്മീഷന് ഇതിനെതിരെ ശിക്ഷണ നടപടികള്‍ സ്വീകരിക്കാനാവില്ല.അതിനാല്‍ നിയമലംഘനം നടത്തുന്ന സ്ഥാപനങ്ങളുടെ വിവരങ്ങള്‍ ബന്ധപ്പെട്ട വകുപ്പുകള്‍ക്ക് കൈമാറും.

ഇത്തരത്തില്‍ പണിയെടുപ്പിച്ച നിരവധി കമ്പനികള്‍ക്കു ഇതിനകം തന്നെ തൊഴില്‍ മന്ത്രാലയം നോട്ടീസ്‌ നല്‍കിയിട്ടുണ്ട്. നിയമലംഘനം തുടര്‍ന്നാല്‍ കര്‍ശനമായ ശിക്ഷാ നടപടികള്‍ ഉണ്ടാവും.

 

Click to comment

You must be logged in to post a comment Login

Leave a Reply

MIDDLE EAST

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

Published

on

സൗദി അറേബ്യയില്‍ ജോലിക്കെത്തുന്ന ഓരോ പ്രവാസിയും നിര്‍ബന്ധമായും മനസ്സിലാക്കേണ്ട ഒരു വാക്കാണ്‌ ഇ.എസ്.ബി (ESB-END OF SERVICE BENEFIT) അഥവാ സേവനാന്തര ആനുകൂല്യം. ജോലിയിൽ നിന്ന് പിരിഞ്ഞു പോകുമ്പോൾ ഹൗസ്‌ ഡ്രൈവര്‍മാര്‍ ഉള്‍പ്പെടെടെയുള്ള ഗാര്‍ഹിക ജോലിക്കാര്‍ ഒഴികെ സൗദി തൊഴില്‍ നിയമത്തിന്റെ കീഴില്‍ വരുന്ന എല്ലാ തൊഴിലാളികൾക്കും നിര്‍ബന്ധമായി ലഭിക്കേണ്ട ഒരു ആനുകൂല്യമാണിത്.

മിക്കവരും കരുതുന്ന പോലെ ഇത് നാട്ടില്‍ പോകുന്ന സമയത്ത് തൊഴിലുടമ തരുന്ന ഒരു ഔദാര്യമല്ല, മറിച്ചു നിങ്ങള്‍ക്ക് നിയമപരമായി ലഭിക്കേണ്ട അവകാശമാണ്. സൗദി തൊഴില്‍ നിയമത്തിലെ വകുപ്പ് 84 വക വച്ച് തരുന്ന അവകാശം. എന്നാല്‍ ഇപ്പോഴും നിര്‍ഭാഗ്യവശാല്‍ ഭൂരിഭാഗം വരുന്ന പ്രവാസികളും ഇതിനെപ്പറ്റി ബോധവാന്മാരല്ല. ഇ.എസ്.ബിയെപ്പറ്റി അറിവില്ലാത്തത് കൊണ്ട് മിക്ക പ്രവാസികള്‍ക്കും ഈ ആനുകൂല്യം നഷ്ടപ്പെടുന്നു.

പ്രവാസികളായ മലയാളികള്‍ക്ക് കൂടുതല്‍ മനസ്സിലാകുന്നതിനു വേണ്ടി ഇ.എസ്.ബിയെക്കുറിച്ച് താഴെ വിവരിക്കുന്നു.

സൗദി തൊഴില്‍ നിയമത്തിലെ അദ്ധ്യായം 5 ല്‍ നാലാം ഭാഗത്തില്‍ 84 മുതല്‍ 87 വരെയുള്ള വകുപ്പുകളാണ് ഇ.എസ്.ബിയെക്കുറിച്ച് വിവരിക്കുന്നത്. അതില്‍ വകുപ്പ് 84 എന്താണ് ഇ.എസ്.ബി എന്ന് നിര്‍വചിക്കുന്നു. അത് പ്രകാരം തൊഴിലുടമയുമായുള്ള തൊഴില്‍ കരാര്‍ അവസാനിക്കുമ്പോള്‍ തൊഴിലാളിക്ക് നല്‍കേണ്ട തുകയാണ് ഇതെന്നു പറയുന്നതോടൊപ്പം തന്നെ നല്‍കേണ്ട തുക എത്രയാണെന്നും പറയുന്നു. ഇ.എസ്.ബിയുടെ നിര്‍വചനം കാണുക.

Saudi Labour Law Chapter 5, Section Four: End-of-Service Award

Article 84

“Upon the end of the work relation, the employer shall pay the worker an end-of-service award of a half-month wage for each of the first five years and a one-month wage for each of the following years. The end-of-service award shall be calculated on the basis of the last wage and the worker shall be entitled to an end-of-service award for the portions of the year in proportion to the time spent on the job”.

ആ വകുപ്പില്‍ തന്നെ നല്‍കേണ്ട തുക എത്രയാണെന്നും വിവരിക്കുന്നു. ആദ്യത്തെ അഞ്ചു വര്‍ഷത്തിനു ഓരോ വര്‍ഷത്തിനും അടിസ്ഥാന മാസ ശമ്പളത്തിന്റെ പകുതി തുകയും അതിനു ശേഷം ഓരോ വര്‍ഷത്തിനും മുഴുവന്‍ മാസ ശമ്പളവും നല്‍കണം.

അവസാന മാസത്തില്‍ ലഭിച്ച ശമ്പളമാണ് (Last Month Wage – LMW) ഇ.എസ്.ബി കണക്കാക്കുന്നതിനു മാനദണ്ഡമായി എടുക്കുന്നത്. മാത്രമല്ല ഓരോ മുഴുവന്‍ വര്‍ഷത്തിനും നല്‍കിയ ശേഷം അവസാന വര്‍ഷത്തിലെ അവശേഷിക്കുന്ന ദിവസങ്ങള്‍ക്ക് കൂടി ഇ.എസ്.ബി നല്‍കണം എന്ന് സൗദി തൊഴില്‍ നിയമത്തിലെ തൊഴിലാളികള്‍ക്ക് ഏറ്റവും പ്രിയങ്കരമായ ഈ വകുപ്പ് എടുത്തു പറയുന്നു. അതായത് നിങ്ങള്‍ നാല് വര്‍ഷവും മൂന്നു മാസവും ജോലി എടുത്തിട്ടുണ്ടെങ്കില്‍ അവശേഷിക്കുന്ന മൂന്നു മാസങ്ങൾക്ക് കൂടി നിങ്ങൾക്ക് ഇ.എസ്.ബി ആനുകൂല്യം ലഭിക്കേണ്ടതാണ്.

ജോലി രാജി വെക്കുന്നത് തൊഴിലാളിയാണെങ്കിലും അയാൾക്ക് ഇ.എസ്.ബിക്ക് അർഹതയുണ്ട്. സൗദി തൊഴിൽ നിയമത്തിൽ പറഞ്ഞിട്ടുള്ള ചില പ്രത്യേക സാഹസാഹര്യങ്ങളിൽ ഈ സാഹചര്യത്തിനുംമാറ്റം സംഭവിക്കും. എങ്കിലും സാധാരണ സാഹചര്യങ്ങളിൽ തൊഴിലാളിയാണ് തൊഴിലാളിയാണ് തൊഴിൽ കരാർ റദ്ദാക്കുന്നതെങ്കിൽ അയാൾ രണ്ടു വർഷം ജോലിയിൽ പൂർത്തിയാക്കുകയും എന്നാൽ അഞ്ചു വർഷത്തിന് താഴെ സർവീസുമുണ്ടെങ്കിൽ അയാൾക്ക് ഇ.എസ്.ബി ആനുകൂല്യത്തിന്റെ മൂന്നിലൊന്ന് സേവനന്തര ആനുകൂല്യമാണ് ലഭിക്കാൻ അർഹതയുണ്ട്.

എന്നാൽ അയാൾ അഞ്ചു വർഷം സർവീസ് പൂർത്തിയാക്കുകയും പത്തു വർഷത്തിന് താഴെ സർവീസുമുള്ള വ്യക്തിയാണെങ്കിൽ അയാൾക്ക് മൂന്നിൽ രണ്ടു ഭാഗം ഇ.എസ്.ബി ആനുകൂല്യം ലഭിക്കാൻ അർഹതയുണ്ട്. അതെ സമയം പത്ത് വര്ഷം സർവീസ് പൂർത്തിയാക്കിയ തൊഴിലാളിക്ക് മുഴുവൻ ഇ.എസ്.ബിയും നൽകണമെന്ന് തൊഴിൽ നിയമം അനുശാസിക്കുന്നു.

Continue Reading

MIDDLE EAST

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ല

Published

on

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ലെന്ന് തൊഴിൽ മന്ത്രാലയം വ്യക്തമാക്കി.

ട്വിറ്റർ അക്കൗണ്ടിലൂടെ സംശയങ്ങൾ ഉന്നയിച്ചവർക്ക് മറുപടിയെന്ന നിലയിലാണ് ഇക്കാര്യം വ്യക്തമാക്കിയത്.

ഒൻപത് ജോലിക്കാരിൽ താഴെയുള്ള സ്ഥാപനങ്ങൾക്കാണ് ഈ ഇളവ് ലഭിക്കുക. ഇത്തരം സ്ഥാപനങ്ങളിൽ നാല് വിദേശികളെ ലെവിയിൽ നിന്ന് ഒഴിവാക്കും.

സ്വദേശിയായ ഉടമ ഈ സ്ഥാപനത്തിൽ തന്നെയുള്ള ജോലിക്കാരനായിരിക്കണം. അതായത് ഗോസി (ജനറൽ ഓർഗനൈസേഷൻ ഫോർ സോഷ്യൽ ഇൻഷുറൻസ്) രജിസ്റ്റർ പ്രകാരം സ്ഥാപന ഉടമയായ സ്വദേശി ഈ സ്ഥാപനത്തിൽ തന്നെ ജോലിയെടുക്കണം.

Continue Reading

LATEST

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 2

Published

on

സൗദി അറേബ്യയില്‍ എത്തിയതിനു ശേഷം നിങ്ങള്‍ക്ക് നിയമപരമായ നടപടി ക്രമങ്ങള്‍ക്ക്‌ ശേഷം ഇഖാമ ലഭിച്ചു കഴിഞ്ഞാല്‍ പിന്നീട് നിങ്ങളെ സംബന്ധിച്ച ഏറ്റവും ആധികാരികമായ രേഖ ഇഖാമായാണ്. തൊഴില്‍ കരാര്‍ നിങ്ങളുടെ തൊഴിലുമായി ബന്ധപ്പെട്ട രേഖയാണെങ്കില്‍ ഖാമ നിങ്ങളുടെ രാജ്യത്തെ താമാസത്തെ സംബന്ധിച്ചുള്ള ആധികാരികമായ രേഖയാണ്. ഇഖാമ നമ്പര്‍ രാജ്യത്തെ എല്ലാ അധികൃത വിഭാഗങ്ങളുമായും ബന്ധപ്പെടുത്തിയിട്ടുള്ളതിനാല്‍ പെട്ടെന്ന് തന്നെ നിങ്ങളെ സംബന്ധിച്ചുള്ള എല്ലാ വിവരങ്ങളും ഒറ്റ ക്ലിക്കില്‍ തന്നെ കണ്ടു പിടിക്കാന്‍ സാധിക്കും.

അത് പോലെ തന്നെ അനധികൃത താമസക്കാരന്‍ അല്ലെന്നു പ്രാഥമികമായി തെളിയിക്കാനുള്ള ആധികാരിക രേഖയാണ് ഇഖാമ. അതിനാലാണ് ഒരു വിദേശ തൊഴിലാളി തന്റെ താമസ സ്ഥലത്തിന് പുറത്തേക്കു ഇറങ്ങുന്ന വേളയില്‍ തന്റെ ഇഖാമ നിര്‍ബന്ധമായും കയ്യില്‍ കരുതണമെന്ന് അധികൃതര്‍ ആവശ്യപ്പെടുന്നത്. ജവാസാത്ത് പോലുള്ള അധികൃത നിങ്ങളെ പരിശോധിക്കുന്ന സമയത്ത് ഇഖാമ കയ്യില്‍ കരുതിയിട്ടില്ല അല്ലെങ്കില്‍ താമസ സ്ഥലത്ത് വെച്ചിരിക്കുകയാണ് എന്ന വാദങ്ങള്‍ അവര്‍ ചെവിക്കൊള്ളാറില്ല. ഇഖാമ കൈവശം കരുതാത്തവരെ കസ്റ്റഡിയില്‍ എടുക്കാം. അത് പോലെ തന്നെ പിഴയും ഈടാക്കും. അതിനാല്‍ താമസ സ്ഥലത്ത് നിന്ന് പുറത്തേക്ക് ഇറങ്ങുമ്പോഴെല്ലാം ഇഖാമ കയ്യില്‍ കരുതുക.

ചില അവസരങ്ങളില്‍ നിങ്ങളുടെ ഇഖാമ പുതുക്കാന്‍ വേണ്ടി നല്‍കുകയോ അല്ലെങ്കില്‍ കളഞ്ഞു പോകുകയോ ചെയ്യുന്ന അവസരങ്ങള്‍ ഉണ്ടാകാം. അത്തരം അവസരങ്ങളില്‍ ഇഖാമയുടെ കോപ്പിയില്‍ ഒറിജിനല്‍ ഇഖാമക്ക് എന്ത് സംഭവിച്ചു എന്ന് വ്യക്തമായി അറബിയില്‍ എഴുതുകയും അതിനടിയില്‍ സ്ഥാപനത്തിന്റെയോ സ്പോണ്‍സറുടെയോ സ്റ്റാമ്പ് പതിപ്പിക്കുകയും വേണം.

ഇഖാമ, വര്‍ക്ക്‌ പെര്‍മിറ്റ്‌ എന്നിവയുടെ തിയ്യതികള്‍ മനസ്സിലാക്കിയിരിക്കണം. ഇവയില്‍ ഹിജറ വര്‍ഷ പ്രകാരമുളള്ള അറബിക് കലണ്ടര്‍ ഡേറ്റ് ആയിരിക്കും ഉണ്ടായിരിക്കുക. സാധാരണ ഗതിയില്‍ ഗ്രിഗോറിയന്‍ കലണ്ടര്‍ പ്രകാരമുള്ളതിനേക്കാള്‍ 11 ദിവസം കുറവായിരിക്കും അറബിക് കലണ്ടര്‍. അതിനാല്‍ മേല്‍ പറഞ്ഞ രേഖകള്‍ പുതുക്കുന്ന സമയത്ത് പ്രത്യേക ശ്രദ്ധ കൊടുക്കേണ്ടതാണ്.

തൊഴില്‍ കരാറില്‍ സാധാരണയായി ഹിജറ കലണ്ടര്‍ പ്രകാരമുള്ള തിയ്യതിയും ഗ്രിഗോറിയന്‍ കലണ്ടര്‍ പ്രകാരമുള്ള തിയ്യതിയും ഉണ്ടാകും. ഇല്ലാത്ത പക്ഷം കരാര്‍ അവസാനിക്കുന്ന തിയതി ശ്രദ്ധിച്ച് വെക്കുക. അത് പോലെ തന്നെ എക്സിറ്റ് വിസ, റീ എന്‍ട്രി വിസ തുടങ്ങിയ രേഖകളിലെയും തിയ്യതികള്‍ അറബിക് കലണ്ടര്‍ പ്രകാരം ആയിരിക്കും. ഇതിലെ തിയ്യതികള്‍ക്കും പ്രത്യേകം ശ്രദ്ധ കൊടുക്കുക.

നിങ്ങള്‍ വഞ്ചിക്കപ്പെടാതിരിക്കനായി തൊഴില്‍ പരമായി നിങ്ങള്ക്ക് എന്തെല്ലാം അവകാശങ്ങള്‍ ഉണ്ട് എന്ന് വ്യക്തമായി മനസ്സിലാക്കിയിരിക്കണം. ഒരു ദിവസം എത്ര മണിക്കൂര്‍ ജോലി ചെയ്യണം, ഒരു മാസത്തില്‍ എത്ര അവധി ദിവസങ്ങള്‍ ഉണ്ട്, ഓവര്‍ടൈം അലവന്‍സ് ലഭിക്കുക എപ്പോഴെല്ലാം, വാര്‍ഷിക അവധി എത്ര ദിവസമാണ്, രേഖകള്‍ പുതുക്കുമ്പോള്‍ ചെലവ് വഹിക്കേണ്ടി വരുന്നത് ആരാണ്, തൊഴില്‍ കാരാര്‍ അവസാനിക്കുന്നത് എപ്പോള്‍, പിരിഞ്ഞു പോരുമ്പോള്‍ നിയമ പരമായി ലഭിക്കേണ്ട സേവനാനന്തര ആനുകൂല്യങ്ങള്‍ എത്രയാണ്, അത് കണക്കാക്കുന്ന രീതി എങ്ങിനെയാണ് തുടങ്ങിയ നിങ്ങളെ സംബന്ധിക്കുന്ന എല്ലാ നിയമ പരമായ വിവരങ്ങളും നിര്‍ബന്ധമായും അറിഞ്ഞിരിക്കണം. (സൗദി നിയമം കൂടുതല്‍ അറിയാന്‍ ഇവിടെ ക്ലിക്ക് ചെയ്യുക സൗദി ലീഗല്‍ ഹെല്‍പ് ലൈന്‍)

തൊഴില്‍ കരാര്‍ പുതുക്കുന്ന വേളയില്‍ പ്രത്യേകം ശ്രദ്ധിക്കണം. സാധാരണ ഗതിയില്‍ രണ്ടു വര്‍ഷത്തേക്കാണ് തൊഴില്‍ കരാര്‍ എഴുതുക. തൊഴില്‍ കരാറിന്‍റെ കാലാവധി അവസാനിച്ചാല്‍ നിങ്ങള്‍ തുടര്‍ന്ന് ജോലിയെടുക്കാന്‍ ബാധ്യസ്ഥനല്ല. അതിനാല്‍ തൊഴില്‍ കരാര്‍ അവസാനിക്കുന്നതിനും മുന്‍പ് തന്നെ തൊഴിലില്‍ തുടരാന്‍ ഉദ്ദേശിക്കുന്നില്ലെന്ന് കാണിച്ച് തൊഴിലുടമക്ക്‌ നോട്ടീസ് നല്‍കണം. നിയമ പ്രകാരമുള്ള ആനുകൂല്യങ്ങള്‍ എല്ലാം ലഭിക്കും എന്ന് ഉറപ്പ് വരുത്തണം. തൊഴിലില്‍ തുടരാന്‍ തീരുമാനിക്കുകയാണെങ്കില്‍ താങ്കള്‍ക്ക് ശമ്പള വര്‍ദ്ധനവ്, താമസ വാടക വര്‍ദ്ധനവ്, മറ്റു ആനുകൂല്യങ്ങള്‍ എന്നിവ ആവശ്യപ്പെടാവുന്നതാണ്. നിങ്ങളുടെ ആവശ്യങ്ങള്‍ തൊഴിലുടമ അംഗീകരിക്കുകയാണെങ്കില്‍ അവ കൂടി ഉള്‍പ്പെടുത്തി നിലവിലുള്ള തൊഴില്‍ കരാര്‍ പുതുക്കാന്‍ ആവശ്യപ്പെടുക.

സ്പോണ്‍സര്‍ അല്ലെങ്കില്‍ സ്ഥാപനം നിങ്ങളുടെ ഇഖാമ, വര്‍ക്ക്‌ പെര്‍മിറ്റ്‌ തുടങ്ങിയ രേഖകള്‍ എക്സ്പയറി തിയ്യതിക്ക് മുപായി പുതുക്കി നല്‍കാതിരിക്കുക, സമയത്ത് ശമ്പളം നല്‍കാതിരിക്കുക, തൊഴില്‍ സ്ഥലത്ത് പീഡിപ്പിക്കുക, തൊഴില്‍ കരാര്‍ ലംഘിക്കുക, സമയത്ത് ലീവ് നല്‍കാതിരിക്കുക, കൂടുതല്‍ മനിക്കൊരുകള്‍ പണിയെടുപ്പിക്കുക, എക്സിറ്റ് നല്‍കാതിരിക്കുക, തൊഴില്‍ നിയമ ലംഘനങ്ങള്‍ നടത്തുക തുടങ്ങിയ സന്ദര്‍ഭങ്ങളില്‍ തൊഴില്‍ മന്ത്രാലയത്തിന്റെ കീഴിലുള്ള ലേബര്‍ ഓഫീസുകളില്‍ പരാതി നല്‍കാവുന്നതാണ്. 19911  എന്ന നമ്പരിലൂടെ ഫോണിലൂടെയും പരാതി നല്‍കാം. മലയാള ഭാഷയിലും സംസാരിക്കുവാനുള്ള സൗകര്യമുണ്ട്.

വാര്‍ഷിക അവധിക്കോ മറ്റുള്ള അവധികള്‍ക്കോ നാട്ടിലേക്ക് പോകുന്നതിന് മുന്പായി ഒരു മുന്‍കരുതല്‍ എന്ന നിലക്ക് പാസ്പോര്‍ട്ടിന് ചുരുങ്ങിയത് ആറു മാസത്തെ കാലാവധി ഉണ്ടെന്ന് ഉറപ്പ് വരുത്തുക.

ഇന്‍റര്‍നെറ്റ്, സോഷ്യല്‍ മീഡിയ തുടങ്ങിയ ഉപയോഗിക്കുമ്പോള്‍ പ്രത്യേക ശ്രദ്ധ പുലര്‍ത്തുക. അശ്ലീലത, മറ്റുള്ളവരെ അപഹസിക്കല്‍, ഊഹാപോഹങ്ങള്‍ പരത്തല്‍, മത നിന്ദ എന്നിവ ഒഴിവാക്കുക. മതനിന്ദ ജയില്‍ശിക്ഷയും നാടുകടുത്തലും ഉറപ്പ് നല്‍കുന്ന കുറ്റങ്ങളാണ്. സോഷ്യല്‍ മീഡിയകളിലൂടെ മാനഹാനി വരുത്തുന്നത് ഭീമമായ തുക പിഴയായി ഈടാക്കാന്‍ തക്ക ഗൗരവമുള്ള കുറ്റമാണ്.

Continue Reading
KERALA2 mins ago

ഒന്ന് ശ്രദ്ധിക്കൂ, ഈ ചെറുപ്പക്കാരന്റെ ഭാവി നിങ്ങളുടെ കയ്യിലാണ്

KERALA1 hour ago

പ്രവാസികൾക്കും വിവരാവകാശ പ്രകാരം അപേക്ഷ സമർപ്പിക്കാം. തടസ്സമില്ലെന്ന് അധികൃതർ.

KERALA2 hours ago

വൈദികർക്കും കന്യാസ്ത്രീകൾക്കും ആദായ നികുതി ബാധകമെന്ന് കോടതി

HEALTH13 hours ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

KERALA14 hours ago

ശ്രീലങ്കൻ യുവതിയുടെ മൃതദേഹത്തോട് അനാദരവ്: മനുഷ്യാവകാശ കമ്മീഷൻ കേസെടുത്തു.

MIDDLE EAST17 hours ago

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

CRIME18 hours ago

സൗദിയിൽ നിയമ ലംഘകർക്കെതിരായ പരിശോധന ഊർജ്ജിതം. പിടിയിലായത് ഇരുപത്തെട്ട് ലക്ഷത്തിലധികം നിയമ ലംഘകർ

BAHRAIN19 hours ago

നാട്ടിൽ വിവാഹ നിശ്ചയം നടക്കാനിരിക്കെ ബഹ്റൈനിൽ മലയാളി യുവാവ് ഉറക്കത്തിൽ മരിച്ച നിലയിൽ

MIDDLE EAST22 hours ago

ഒമാനിൽ വാടക കരാറുകൾ രജിസ്റ്റർ ചെയ്യാത്ത പ്രവണതക്കെതിരെ അധികൃതർ

CINEMA23 hours ago

ഖത്തറിൽ ലൂസിഫറിന്റെ ഏറ്റവും വലിയ പോസ്റ്റർ സ്ഥാപിച്ച് മോഹൽലാൽ ആരാധകർ

KERALA23 hours ago

അഭിഭാഷക ബിരുദമുള്ള ഡീനിന്റെയും ബിന്ദു കൃഷ്ണയുടെയും അറിവില്ലായ്മക്ക് കേരളം നൽകേണ്ടി വന്ന വില

KERALA1 day ago

പറവൂരിൽ കോടതി മുറിയിൽ മൂത്രമൊഴിക്കേണ്ടി വന്ന് വനിതാ പ്രതി. പോലീസിന്റെ മനുഷ്യാവകാശ ലംഘനമെന്ന് ആരോപണം

LATEST1 day ago

മരണപ്പെട്ട തൊഴിലാളിയുടെ കുടുംബത്തിന് 21 ലക്ഷം രൂപ നൽകി മാതൃകയായി മലയാളി മാനേജ്‌മെന്റ്

MIDDLE EAST1 day ago

ഖത്തറിൽ ഇനി ടെക്‌നീഷ്യന്മാർക്കും ഡ്രൈവിംഗ് ലൈസൻസ് ലഭിക്കും.

KERALA2 days ago

ദാഹജലം നൽകൽ പുണ്യ പ്രവൃത്തിയാക്കി അബ്ദുൾ റസാഖ്

LATEST3 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED3 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST3 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME3 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാര്‍ക്ക് ബാധകമല്ല. ബാധകമാകുന്നത് ആര്‍ക്കൊക്കെ?

LATEST4 weeks ago

അഴിക്കുള്ളില്‍ ആവാതിരിക്കാനും നാട് കടത്തപ്പെടാതിരിക്കാനും സൗദിയിലെ പ്രവാസികള്‍ ഇത് നിര്‍ബന്ധമായി വായിക്കുക

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

LAW4 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW3 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA3 weeks ago

സൗദിയില്‍ മലയാളിയെ ആത്മഹത്യചെയ്ത നിലയില്‍ കണ്ടെത്തി

SAUDI ARABIA4 weeks ago

അശ്ലീല ചിത്രം പ്രചരിപ്പിച്ചാല്‍ അഞ്ചുവര്‍ഷം തടവും മുപ്പത്തു ലക്ഷം റിയാല്‍ പിഴയും

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാരും വീട്ടു വേലക്കാരികളും അടങ്ങിയ ഗാര്‍ഹിക തൊഴിലാളികള്‍ക്ക് ബാധകമാണോ ?

LATEST4 weeks ago

ഭീകര കേന്ദ്രങ്ങളിലെ ഇന്ത്യന്‍ വ്യോമാക്രമണം എന്ന പേരില്‍ പ്രചരിക്കുന്നത് വ്യാജ വിഡിയോ

Trending

Copyright © 2019 Pravasi Corner.

error: Content is protected !!