Connect with us

SAUDI LABOUR LAW

സദാചാര പോലീസുകാര്ക്കെതിരെ ഗുണ്ടാ നിയമവും….കുറ്റം തെളിഞ്ഞാല്‍ ജീവപര്യന്തം…..

Published

on

കേരളത്തില്‍ ഇടയ്ക്കിടെ ഉണ്ടാകുന്ന സദാചാര പോലീസുകാരുടെ വിളയാട്ടങ്ങള്‍ക്ക് അറുതി വരുന്നു. സദാചാരത്തിന്റെ പേരില്‍ നിയമം കയ്യിലെടുത്തു സമാന്തര നിയമവാഴ്ച നടത്തുന്നവരെ ഗുണ്ടാ നിയമ പ്രകാരം അകത്താക്കാനുള്ള പോലീസ്‌ മേധാവിയുടെ സര്‍ക്കുലറും പുറത്തിറങ്ങി. ഈവര്‍ഷം ഇതുവരെ സദാചാര പോലീസ്‌ ചമഞ്ഞു നിയമം കയ്യിലെടുത്ത സ്വഭാവമുള്ള 14 കേസുകള്‍ രജിസ്റ്റര്‍ ചെയ്തിട്ടുണ്ടെന്ന് ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍ നിയമസഭയില്‍  വ്യക്തമാക്കിയിരുന്നു. കേരളത്തില്‍ പലയിടത്തും പൌരന്‍മാര്‍ക്ക്  ഭരണഘടന നല്‍കിയിട്ടുള്ള സ്വാതന്ത്ര്യം ഹനിക്കുന്ന വിധത്തില്‍ ‘സ്വയം പ്രഖ്യാപിത സദാചാര സൂക്ഷിപ്പുകാര്‍’ മുന്നോട്ടു വരികയും സദാചാരത്തിന്റെ പേരില്‍ നിയമം കയ്യിലെടുക്കാന്‍ തുനിയുകയും ചെയ്യുന്നു.

നിലവിലുള്ള നിയമം കുറ്റകൃത്യം ആണെന്ന് നിര്‍വചിക്കാത്ത യാതൊന്നും കുറ്റകൃത്യമാണെന്ന് സ്വയം നിര്‍വചിച്ചു നിയമം കയ്യിലെടുത്തു കയ്യേറ്റങ്ങള്‍ ചെയ്യാന്‍ പാടില്ല. ഒരു പൗരന് അനുവദിക്കപ്പെട്ട സ്വാതന്ത്ര്യം സംഘം ചേര്‍ന്ന് തടയുന്നത് നിയമവിരുദ്ധമാണ്.  ഒറ്റക്കോ സംഘം ചേര്‍ന്നോ ഇത്തരം പ്രവര്‍ത്തനങ്ങള്‍ നടത്തുന്നത് ഒരു പൌരന്റെ മൌലികാവകാശങ്ങളുടെ മേലുള്ള കടന്നു കയറ്റമാണെന്നു സര്‍ക്കുലര്‍ പറയുന്നു. അത്തരം പ്രവര്‍ത്തനങ്ങളെ ക്രിമിനല്‍ കുറ്റകൃത്യങ്ങളായി കാണും.

സര്‍ക്കുലര്‍ നമ്പര്‍ 27/2012  ആയി ഇറങ്ങിയ ഈ ഉത്തരവ് പ്രകാരം ഇത്തരം സംഭവങ്ങള്‍ നടന്നുവെന്ന അറിവ് ലഭിച്ച ഉടനെ പോലീസ്‌ കേസെടുത്തു അന്വേഷണം തുടങ്ങണം. പോലീസിനു സ്വമേധയാ വേണമെങ്കിലും കേസേടുക്കാവുന്നതാണ്. വധശ്രമം, കൊള്ള,പരിക്കേല്പ്പിക്കല്‍, കയ്യേറ്റം, പിടിച്ചു പറി, അനുവാദമില്ലതെയുള്ള അതിക്രമിച്ചു കടക്കല്‍ എന്ന വകുപ്പുകള്‍ ആവശ്യമെന്കില്‍ ചേര്‍ത്ത് വേണം കേസെടുക്കാന്‍. തെളിയിക്കപ്പെട്ടാല്‍ ജീവപര്യന്തം തടവു വരെ ലഭിക്കാവുന്ന കുറ്റങ്ങളാണ് ഇവ. കുറ്റവാളികളെ ഉടനെ അറസ്റ്റ്‌ ചെയ്തു നിയമത്തിന്റെ മുന്നില്‍ കൊണ്ട് വരണം. അവ്വശ്യമായ സന്ദര്‍ഭങ്ങളില്‍ ഗുണ്ടാ നിയമ പ്രകാരമുള്ള (Kerala Anti Social Activities (Prevention)  Act 2007) നടപടികളും എടുക്കാം. കൃത്യവും കര്‍ശനവും ആയ നടപടികളിലൂടെ പോലീസ്‌ സമൂഹത്തിലെ ഈ ദുഷപ്രവണതയെ ഇല്ലാതാക്കണം എന്നും സര്‍ക്കുലറില്‍ ഉണ്ട്.

ആരോപിക്കപ്പെടുന്ന കുറ്റം ഇന്ത്യന്‍ പീനല്‍ കോഡ് പ്രകാരമോ മറ്റേതെങ്കിലും ക്രിമിനല്‍ നിയമപ്രകാരമോ ഉള്ള ഒരു കുറ്റം ആണോ എന്നത് പരിശോധിച്ച്, ആണെങ്കില്‍ മാത്രമേ കേസെടുക്കാവൂ എന്നും ആളുകളുടെ സമ്മര്‍ദ്ദത്തിനു വഴങ്ങി കേസെടുക്കരുത് എന്ന് സര്‍ക്കുലര്‍ പോലീസുകാര്‍ക്ക്‌ നിര്‍ദേശം നല്‍കുന്നു.

കൊടിയത്തൂരില്‍ സദാചാര പോലീസ് ചമഞ്ഞ ഒരു സംഘം ആളുകളുടെ മര്‍ദനത്തിലും കല്ലേറിലും പരുക്കേറ്റു ചികിത്സയിലായിരുന്ന ചെറുവാടി പുള്ളിക്കത്തറ ഷഹീദ് ബാവ മരിച്ചതോടെയാണ് സദാചാര പോലീസിനെതിരെയുള്ള ജനവികാരം ഉയര്‍ന്നു തുടങ്ങിയത്. കൊടിയത്തൂരില്‍ സ്ത്രീകള്‍ മാത്രം താമസിക്കുന്ന ഒരു വീട്ടിലേക്ക് ഷഹീദ് ബാവ ഇടയ്ക്ക് വരുന്നുണ്ടെന്ന് ആരോപിച്ചായിരുന്നു സദാചാര പോലീസ് സംഘം ആക്രമണം നടത്തിയത്. വിവരമറിഞ്ഞ് ബന്ധുക്കളും രണ്ട് പോലീസുകാരും എത്തിയെങ്കിലും യുവാവിനെ ആശുപത്രിയില്‍ കൊണ്ടുപോകാന്‍ അക്രമികള്‍ സമ്മതിച്ചില്ല. പിന്നീട് കൂടുതല്‍ ബന്ധുക്കളും എസ്.ഐ അടക്കമുള്ള പോലീസുകാരും എത്തിയ ശേഷമാണ് യുവാവിനെ ആശുപത്രിയിലേക്ക് കൊണ്ടു പോയത്.

മൂന്നു മാസം മുന്‍പ് കാസര്‍കോട് ഓട്ടോയില്‍ സഞ്ചരിക്കുകയായിരുന്ന ബന്തടുക്ക മാണിമൂലയിലെ സിറാജിനെയും സഹോദരിയേയും സദാചാര പോലീസ് സംഘം മറ്റൊരു വാഹനത്തില്‍ പിന്തുടരുകയും ഓട്ടോതടഞ്ഞ് ഭീഷണി മുഴക്കുകയും ചെയ്തു. ഉദുമയിലെ ഭര്‍തൃഗൃഹത്തിലായിരുന്ന സഹോദരിയെ സുഖമില്ലാത്തതിനെ തുടര്‍ന്ന് സ്വന്തംവീട്ടിലേക്ക് കൂട്ടിക്കൊണ്ട് പോകാനായി സുഹൃത്തിന്റെ ഓട്ടോയില്‍ വീട്ടിലെത്തിയതായിരുന്നു സിറാജ്. തങ്ങള്‍ സഹോദരങ്ങളാണെന്ന് സിറാജും യുവതിയും അറിയിച്ചെങ്കിലും ഇത് വിശ്വാസത്തിലെടുക്കാതെ ഇവര്‍ ഭീഷണി തുടരുകയും പരസ്യ വിചാരണയ്ക്ക് വിധേയമാക്കുകയും ചെയ്തു. ഇതിനു പുറമെ സിറാജിന്റെയും സഹോദരിയുടെയും ഫോട്ടോകള്‍ മൊബൈല്‍ ക്യാമറയില്‍ പകര്‍ത്തുകയും ചെയ്തു. വിവരമറിഞ്ഞ് നാട്ടുകാര്‍ ഓടിക്കൂടിയതോടെ സംഘം സ്ഥലംവിടുകയാണുണ്ടായത്. സംഭവവുമായി ബന്ധപ്പെട്ട് എട്ടോളം പേര്‍ക്കെതിരെ ബേഡകം പോലീസ് കേസെടുതിരുന്നു.

കഴിഞ്ഞ ജൂലൈയില്‍ ആയിരുന്നു കണ്ണൂര്‍ കമ്പില്‍ ടൗണില്‍ വെച്ചാണ് ഒഞ്ചിയത്തെ നൗഷാദിനും, ഭാര്യ കട്ടക്കില്‍ സ്വദേശി അഫ്‌സത്തിനും മര്‍ദ്ദനമേറ്റത്.  ഗര്‍ഭിണിയായ ഭാര്യയെ ഡോക്ടറെ കാണിച്ച് വെയിറ്റിങ് ഷെഡില്‍ നിര്‍ത്തിയ ശേഷം തൊട്ടടുത്ത എടിഎം കൗണ്ടറില്‍ പണമെടുക്കാന്‍ പോയതായിരുന്നു നൗഷാദ്. നൗഷാദ് ഫോണ്‍ ചെയ്യുന്നതും, തൊട്ടപ്പുറത്തുള്ള അഫ്‌സത്ത് ഫോണ്‍ അറ്റന്‍ഡ് ചെയ്യുന്നതും കണ്ട നാല്‍വര്‍ സംഘം ഇരുവരെയും ചോദ്യം ചെയ്യെുകയായിരുന്നു. ‘കണ്ടാല്‍ മുസ്ലിമാണെന്ന് പറയില്ല’ എന്ന് പറഞ്ഞായിരുന്നു സംഘത്തിന്റെ ചോദ്യം ചെയ്യല്‍. അഫ്‌സത്തിന്റെ ഫോണ്‍ വാങ്ങി പരിശോധിക്കാന്‍ ശ്രമിച്ചത് തടഞ്ഞതിന് ഇവര്‍ നൗഷാദിനെ ആക്രമിക്കുകയായിരുന്നു.തടയാന്‍ ചെന്ന അഫ്‌സത്തിനെയും സദാചാരക്കാര്‍ വെറുതെ വിട്ടില്ല. എന്നാല്‍ പിന്നീട് നാട്ടുകാര്‍ ഓടിക്കൂടിയതോടെ ഇവര്‍ ഓടി രക്ഷപ്പെടുകയായിരുന്നു. അഫ്‌സത്തും, നൗഷാദും നല്‍കിയ പരാതിയില്‍ മയ്യില്‍ പോലീസ് മാനഭംഗ ശ്രമത്തിനും, വധശ്രമത്തിനും കേസെടുതിരുന്നു.

കായംകുളത്ത് താലൂക്കാശുപത്രിയുടെ പിറകിൽ വെച്ചായിരുന്നു ‘ഒരു പെൺകുട്ടിയെ നോക്കിയോ’ എന്നു ചോദിച്ചായിരുന്നു സദാചാര പോലീസ് ചമഞ്ഞ് നൂറനാട് പണയില്‍ നസ്രത്ത് ഭവനം വിജിത്‌വിന്‍സെന്റിനെ രണ്ടു പേര്‍ ചേര്‍ന്ന് മർദ്ദിച്ചതു. മര്‍ദനരംഗങ്ങള്‍ ഇന്റര്‍നെറ്റിലും ഫെയ്‌സ്ബുക്കിലും പ്രചരിച്ചതോടെ സംഭവം വിവാദമായി. മര്‍ദനം ഏറ്റ യുവാവിന്റെ പരാതി ലഭിച്ചില്ലെങ്കിലും ഇന്റര്‍നെറ്റ്ലൂടെ പ്രചരിച്ച മൊബൈൽ ദൃശ്യങ്ങളുടെ അടിസ്ഥാനത്തിൽ ആയിരുന്നു പോലീസ് സ്വമേധയാ കേസെടുതത്.

സമൂഹത്തില്‍ സദാചാരം കാത്തുസൂക്ഷിക്കേണ്ടത്  ആവശ്യമാണ്. കുറെയൊക്കെ മറ്റുള്ളവരെ പേടിച്ചു തന്റെ സദാചാര വിരുദ്ധ പ്രവര്‍ത്തനങ്ങളെ നിയന്ത്രിക്കുന്നവരും ഉണ്ടാകാം. ആ അര്‍ത്ഥത്തില്‍ നാട്ടുകാരുടെ സദാചാര നിരീക്ഷണം ഒരു പരിധി വരെ നല്ലതാണ്. പക്ഷേ അത് പരിധി വിട്ടു ക്രൂര മര്‍ദ്ദനങ്ങള്‍ക്കും കൊലപാതകങ്ങള്‍ക്കും വഴി മാറുമ്പോഴാണ് കാര്യങ്ങള്‍ കൈവിട്ടു പോകുന്നത്.

 

Click to comment

You must be logged in to post a comment Login

Leave a Reply

MIDDLE EAST

സൗദി അറേബ്യയിലെ ഓവര്‍ടൈം. അറിഞ്ഞിരിക്കുക ഇതെല്ലാം. നിങ്ങൾ പറ്റിക്കപ്പെടരുത്

Published

on

സൗദി അറേബ്യയിലെ തൊഴില്‍ മേഖലയില്‍ ചൂഷണം നടക്കുന്ന മറ്റൊരു വിഷയമാണ് ഓവര്‍ടൈം. വ്യാവസായിക മേഖലയിലെ ഒട്ടു മിക്ക തൊഴിലുടമകളും ഇത് നല്‍കി വരുന്നുണ്ട്. മാത്രമല്ല ആ മേഖലയിലെ തൊഴിലാളികള്‍ ഈ വിഷയത്തില്‍ കുറച്ചു കൂടെ അവബോധം കൂടിയവരുമാണ്‌. പക്ഷെ ചെറുകിട ഇടത്തരം മേഖലകളിലെ തൊഴിലാളികള്‍ക്ക് ഇത് താരതമ്യേന അന്യവുമാണ്. തുടര്‍ച്ചയായ പതിനാലു മണിക്കൂര്‍ വരെ ഓവര്‍ടൈം കൂലി ഇല്ലാതെ ജോലി ചെയ്യുന്ന ഹതഭാഗ്യര്‍ ഇവിടെയുണ്ട്.

സാധാരണ ജോലി സമയം കൂടാതെ അതിനപ്പുറം ജോലി ചെയ്യുന്ന മണിക്കൂറുകളാണ് ഓവര്‍ടൈം ആയി കണക്കാക്കുന്നത്.  സൗദി തൊഴില്‍ നിയമത്തിലെ വകുപ്പ് 98 പ്രകാരം ഒരു തൊഴിലാളി ഒരു ദിവസത്തില്‍ എട്ടു മണിക്കൂര്‍ മാത്രമേ ജോലി ചെയ്യേണ്ടതുള്ളൂ. ആഴ്ചയുടെ അടിസ്ഥാനത്തില്‍ നോക്കുകയാണെങ്കില്‍ നാല്‍പ്പത്തി എട്ടു മണിക്കൂറും. അതിനു ശേഷം ജോലി ചെയ്യുന്ന ഓരോ മണിക്കൂറിനും യഥാര്‍ത്ഥ വേതനവും അതിന്റെ അമ്പതു ശതമാനം അധികവും നല്‍കാന്‍ തൊഴിലുടമ ബാധ്യസ്ഥനാണ്.

ഓവര്‍ടൈം കണക്കാക്കുന്നതിനു ഒരു തൊഴിലാളിയുടെ ഒരു മണിക്കൂര്‍ ജോലി സമയത്തിന്റെ വേതനം ആണ് ആദ്യം കണക്കാക്കേണ്ടത്. അതിനോട് കൂടി അതിന്റെ അമ്പതു ശതമാനം കൂടുതലും കൂടി കൂട്ടിയാല്‍ ഒരു മണിക്കൂര്‍ ഓവര്‍ടൈം വേതനം ആയി.

ഈ ഒരു മണിക്കൂര്‍ സമയത്തെ വേതനം കണക്കാക്കുന്നതിനായി തൊഴിലാളിയുടെ അടിസ്ഥാന മാസ ശമ്പളം എടുക്കുക. അതിനെ 30.4 കൊണ്ട് ഹരിക്കുക. അപ്പോള്‍ ഒരു ദിവസത്തെ വേതനം ലഭിക്കും. അതിനെ ഒരു ദിവസത്തെ സാധാരണ ജോലി സമയമായ എട്ടു കൊണ്ട് വീണ്ടും ഹരിക്കുക. അപ്പോള്‍ ഒരു മണിക്കൂര്‍ സമയത്തിന്റെ വേതനം ലഭിക്കും. അതിനെ പകുതിയാക്കി അല്ലെങ്കില്‍ രണ്ടു കൊണ്ട് വീണ്ടും ഹരിച്ചു ലഭിക്കുന്ന സംഖ്യയെ ഒരു മണിക്കൂര്‍ വേതനതോട് കൂടി കൂട്ടിയാല്‍ ഒരു മണിക്കൂര്‍ സമയത്തെ ഓവര്‍ടൈം വേതനം ലഭിക്കും.

ഉദാഹരണമായി രണ്ടായിരം റിയാല്‍ അടിസ്ഥാന ശമ്പളം ഉള്ള ഒരാളുടെ ഒരു മണിക്കൂര്‍ സമയത്തെ ഓവര്‍ടൈം വേതനം കണ്ടു പിടിക്കുന്നത്‌ എങ്ങിനെയെന്ന് നോക്കാം.

2000 നെ 30.4 കൊണ്ട് ഹരിക്കുക. = 65.79 ഇതാണ് അയാളുടെ ഒരു ദിവസത്തെ വേതനം.

അതിനെ വീണ്ടും 8 കൊണ്ട് ഹരിക്കുക. അപ്പോള്‍ 8.23 ലഭിക്കും. ഇതന്ന് അയാളുടെ ഒരു മണിക്കൂര്‍ സമയത്തെ വേതനം.

അതിനെ വീണ്ടും രണ്ടു കൊണ്ട് ഹരിക്കുക അല്ലെങ്കില്‍ പകുതിയാക്കുക. അപ്പോള്‍ 4.12 ലഭിക്കും. ഇതിനെ ഒരു മണിക്കൂര്‍ സമയ വേതനമായ 8.23 നോടെ കൂട്ടിയാല്‍ അയാളുടെ ഓവര്‍ടൈം വേതനം ആയ 12.35 ലഭിക്കും.

എന്നാല്‍ ചില കമ്പനികള്‍ ഇത് കണക്കാക്കാന്‍ മറ്റൊരു ഫോമുല ഉപയോഗിക്കാറുണ്ട്. അതായത് തൊഴിലാളിയുടെ മാസ ശമ്പളത്തെ പന്ത്രണ്ടു കൊണ്ട് ഗുണിച്ചു കിട്ടുന്ന സംഖ്യയെ 365.25 കൊണ്ട് ഹരിച്ചു കിട്ടുന്ന സംഖ്യ എടുത്തു അതിനെ എട്ടു കൊണ്ട് വീണ്ടും ഹരിച്ചു കിട്ടുന്ന സംഖ്യയോട് കൂടി അതിന്റെ പകുതി കൂടി കൂട്ടി ഓവര്‍ടൈം വേതനം കണക്കാക്കുന്നു.

ഒട്ടു മിക്ക വലിയ കമ്പനികളും ഈ ഫോര്‍മുലയാണ് ഉപയോഗിക്കുക. വലിയ രീതിയില്‍ ഓവര്‍ടൈം കൊടുക്കേണ്ടി വരുന്ന കമ്പനികള്‍ക്ക് ചെറിയ തോതിലുള്ള ലാഭം ഉണ്ടാവുമെങ്കിലും ഓരോ തൊഴിലാളിക്കും കുറവ് വരുന്ന സംഖ്യ വളരെ ചെറിയ അളവില്‍ മാത്രമായിരിക്കും.

Continue Reading

MIDDLE EAST

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

Published

on

സൗദി അറേബ്യയില്‍ ജോലിക്കെത്തുന്ന ഓരോ പ്രവാസിയും നിര്‍ബന്ധമായും മനസ്സിലാക്കേണ്ട ഒരു വാക്കാണ്‌ ഇ.എസ്.ബി (ESB-END OF SERVICE BENEFIT) അഥവാ സേവനാന്തര ആനുകൂല്യം. ജോലിയിൽ നിന്ന് പിരിഞ്ഞു പോകുമ്പോൾ ഹൗസ്‌ ഡ്രൈവര്‍മാര്‍ ഉള്‍പ്പെടെടെയുള്ള ഗാര്‍ഹിക ജോലിക്കാര്‍ ഒഴികെ സൗദി തൊഴില്‍ നിയമത്തിന്റെ കീഴില്‍ വരുന്ന എല്ലാ തൊഴിലാളികൾക്കും നിര്‍ബന്ധമായി ലഭിക്കേണ്ട ഒരു ആനുകൂല്യമാണിത്.

മിക്കവരും കരുതുന്ന പോലെ ഇത് നാട്ടില്‍ പോകുന്ന സമയത്ത് തൊഴിലുടമ തരുന്ന ഒരു ഔദാര്യമല്ല, മറിച്ചു നിങ്ങള്‍ക്ക് നിയമപരമായി ലഭിക്കേണ്ട അവകാശമാണ്. സൗദി തൊഴില്‍ നിയമത്തിലെ വകുപ്പ് 84 വക വച്ച് തരുന്ന അവകാശം. എന്നാല്‍ ഇപ്പോഴും നിര്‍ഭാഗ്യവശാല്‍ ഭൂരിഭാഗം വരുന്ന പ്രവാസികളും ഇതിനെപ്പറ്റി ബോധവാന്മാരല്ല. ഇ.എസ്.ബിയെപ്പറ്റി അറിവില്ലാത്തത് കൊണ്ട് മിക്ക പ്രവാസികള്‍ക്കും ഈ ആനുകൂല്യം നഷ്ടപ്പെടുന്നു.

പ്രവാസികളായ മലയാളികള്‍ക്ക് കൂടുതല്‍ മനസ്സിലാകുന്നതിനു വേണ്ടി ഇ.എസ്.ബിയെക്കുറിച്ച് താഴെ വിവരിക്കുന്നു.

സൗദി തൊഴില്‍ നിയമത്തിലെ അദ്ധ്യായം 5 ല്‍ നാലാം ഭാഗത്തില്‍ 84 മുതല്‍ 87 വരെയുള്ള വകുപ്പുകളാണ് ഇ.എസ്.ബിയെക്കുറിച്ച് വിവരിക്കുന്നത്. അതില്‍ വകുപ്പ് 84 എന്താണ് ഇ.എസ്.ബി എന്ന് നിര്‍വചിക്കുന്നു. അത് പ്രകാരം തൊഴിലുടമയുമായുള്ള തൊഴില്‍ കരാര്‍ അവസാനിക്കുമ്പോള്‍ തൊഴിലാളിക്ക് നല്‍കേണ്ട തുകയാണ് ഇതെന്നു പറയുന്നതോടൊപ്പം തന്നെ നല്‍കേണ്ട തുക എത്രയാണെന്നും പറയുന്നു. ഇ.എസ്.ബിയുടെ നിര്‍വചനം കാണുക.

Saudi Labour Law Chapter 5, Section Four: End-of-Service Award

Article 84

“Upon the end of the work relation, the employer shall pay the worker an end-of-service award of a half-month wage for each of the first five years and a one-month wage for each of the following years. The end-of-service award shall be calculated on the basis of the last wage and the worker shall be entitled to an end-of-service award for the portions of the year in proportion to the time spent on the job”.

ആ വകുപ്പില്‍ തന്നെ നല്‍കേണ്ട തുക എത്രയാണെന്നും വിവരിക്കുന്നു. ആദ്യത്തെ അഞ്ചു വര്‍ഷത്തിനു ഓരോ വര്‍ഷത്തിനും അടിസ്ഥാന മാസ ശമ്പളത്തിന്റെ പകുതി തുകയും അതിനു ശേഷം ഓരോ വര്‍ഷത്തിനും മുഴുവന്‍ മാസ ശമ്പളവും നല്‍കണം.

അവസാന മാസത്തില്‍ ലഭിച്ച ശമ്പളമാണ് (Last Month Wage – LMW) ഇ.എസ്.ബി കണക്കാക്കുന്നതിനു മാനദണ്ഡമായി എടുക്കുന്നത്. മാത്രമല്ല ഓരോ മുഴുവന്‍ വര്‍ഷത്തിനും നല്‍കിയ ശേഷം അവസാന വര്‍ഷത്തിലെ അവശേഷിക്കുന്ന ദിവസങ്ങള്‍ക്ക് കൂടി ഇ.എസ്.ബി നല്‍കണം എന്ന് സൗദി തൊഴില്‍ നിയമത്തിലെ തൊഴിലാളികള്‍ക്ക് ഏറ്റവും പ്രിയങ്കരമായ ഈ വകുപ്പ് എടുത്തു പറയുന്നു. അതായത് നിങ്ങള്‍ നാല് വര്‍ഷവും മൂന്നു മാസവും ജോലി എടുത്തിട്ടുണ്ടെങ്കില്‍ അവശേഷിക്കുന്ന മൂന്നു മാസങ്ങൾക്ക് കൂടി നിങ്ങൾക്ക് ഇ.എസ്.ബി ആനുകൂല്യം ലഭിക്കേണ്ടതാണ്.

ജോലി രാജി വെക്കുന്നത് തൊഴിലാളിയാണെങ്കിലും അയാൾക്ക് ഇ.എസ്.ബിക്ക് അർഹതയുണ്ട്. സൗദി തൊഴിൽ നിയമത്തിൽ പറഞ്ഞിട്ടുള്ള ചില പ്രത്യേക സാഹസാഹര്യങ്ങളിൽ ഈ സാഹചര്യത്തിനുംമാറ്റം സംഭവിക്കും. എങ്കിലും സാധാരണ സാഹചര്യങ്ങളിൽ തൊഴിലാളിയാണ് തൊഴിലാളിയാണ് തൊഴിൽ കരാർ റദ്ദാക്കുന്നതെങ്കിൽ അയാൾ രണ്ടു വർഷം ജോലിയിൽ പൂർത്തിയാക്കുകയും എന്നാൽ അഞ്ചു വർഷത്തിന് താഴെ സർവീസുമുണ്ടെങ്കിൽ അയാൾക്ക് ഇ.എസ്.ബി ആനുകൂല്യത്തിന്റെ മൂന്നിലൊന്ന് സേവനന്തര ആനുകൂല്യമാണ് ലഭിക്കാൻ അർഹതയുണ്ട്.

എന്നാൽ അയാൾ അഞ്ചു വർഷം സർവീസ് പൂർത്തിയാക്കുകയും പത്തു വർഷത്തിന് താഴെ സർവീസുമുള്ള വ്യക്തിയാണെങ്കിൽ അയാൾക്ക് മൂന്നിൽ രണ്ടു ഭാഗം ഇ.എസ്.ബി ആനുകൂല്യം ലഭിക്കാൻ അർഹതയുണ്ട്. അതെ സമയം പത്ത് വര്ഷം സർവീസ് പൂർത്തിയാക്കിയ തൊഴിലാളിക്ക് മുഴുവൻ ഇ.എസ്.ബിയും നൽകണമെന്ന് തൊഴിൽ നിയമം അനുശാസിക്കുന്നു.

Continue Reading

MIDDLE EAST

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ല

Published

on

സൗദിയിൽ ചെറുകിട സ്ഥാപനങ്ങളിലെ നാല് വിദേശികൾക്ക് ലെവി ഈടാക്കില്ലെന്ന് തൊഴിൽ മന്ത്രാലയം വ്യക്തമാക്കി.

ട്വിറ്റർ അക്കൗണ്ടിലൂടെ സംശയങ്ങൾ ഉന്നയിച്ചവർക്ക് മറുപടിയെന്ന നിലയിലാണ് ഇക്കാര്യം വ്യക്തമാക്കിയത്.

ഒൻപത് ജോലിക്കാരിൽ താഴെയുള്ള സ്ഥാപനങ്ങൾക്കാണ് ഈ ഇളവ് ലഭിക്കുക. ഇത്തരം സ്ഥാപനങ്ങളിൽ നാല് വിദേശികളെ ലെവിയിൽ നിന്ന് ഒഴിവാക്കും.

സ്വദേശിയായ ഉടമ ഈ സ്ഥാപനത്തിൽ തന്നെയുള്ള ജോലിക്കാരനായിരിക്കണം. അതായത് ഗോസി (ജനറൽ ഓർഗനൈസേഷൻ ഫോർ സോഷ്യൽ ഇൻഷുറൻസ്) രജിസ്റ്റർ പ്രകാരം സ്ഥാപന ഉടമയായ സ്വദേശി ഈ സ്ഥാപനത്തിൽ തന്നെ ജോലിയെടുക്കണം.

Continue Reading
CRIME12 hours ago

സുരേഷ് കല്ലടയുടെ വൈറ്റില ഓഫീസും പോലീസ് അടപ്പിച്ചു.

KERALA14 hours ago

ജേക്കബ് ഫിലിപ്പ്- കല്ലട സംഭവത്തെ പുറം ലോകത്തെത്തിച്ച ഹീറോ.

CRIME16 hours ago

സുരേഷ് കല്ലട ബസിന്റെ ബുക്കിങ് ഓഫീസ് ഇടത് മുന്നണി പ്രവർത്തകർ അടപ്പിച്ചു.

CRIME16 hours ago

കല്ലട കുരുക്കിലേക്ക്. ഉടമയെ വിളിച്ചു വരുത്താൻ ഡി.ജി.പി. പെർമിറ്റ് റദ്ദാക്കും.

KERALA19 hours ago

പ്രവാസി മലയാളി വിമാനത്തിൽ വെച്ച് ഹൃദയാഘാതം മൂലം മരിച്ചു.

CRIME19 hours ago

ചീഫ് ജസ്റ്റിസിനെതിരെ വ്യാജ ലൈംഗിക ആരോപണം ഉന്നയിക്കാൻ ഒന്നര കോടി കൈക്കൂലി.

KERALA1 day ago

കൊട്ടിക്കലാശത്തിൽ കേരളം നെഞ്ചേറ്റിയ ഈ ചിത്രത്തിന് പിന്നിൽ…..

INTERNATIONAL1 day ago

റസീനയുടെ വിയോഗത്തിൽ നടുങ്ങി പ്രവാസി സമൂഹം

CRIME1 day ago

സൗദിയിൽ ഭീകരാക്രമണ ശ്രമം. നാല് ഭീകരരെ വധിച്ചു – വീഡിയോ

MIDDLE EAST2 days ago

സൗദിയിൽ വീണ്ടും ഭീകരാക്രമണ ശ്രമം – വീഡിയോ

INTERNATIONAL2 days ago

കൊളമ്പോ സ്‌ഫോടനത്തിൽ മരിച്ചവരിൽ കാസർകോട് സ്വദേശിനിയും.

KERALA2 days ago

വോട്ട് ചെയ്യാൻ വോട്ടർ തിരിച്ചറിയൽ കാർഡ് ഇല്ലെങ്കിലും ഈ രേഖകളിൽ ഒന്ന് മതി.

KERALA2 days ago

സംസ്ഥാനത്ത് നാളെ മുതൽ ട്രെയിനുകൾ വൈകും. ട്രെയിൻ ഗതാഗത നിയന്ത്രണമെന്ന് റെയിൽവേ.

KERALA2 days ago

രോഗികൾക്ക് ട്രെയിനിൽ ബർത്ത് അനുവദിക്കണമെന്ന് മനുഷ്യാവകാശ കമ്മീഷൻ ഉത്തരവ്.

CRIME3 days ago

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

HEALTH4 weeks ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

CINEMA4 weeks ago

ഖത്തറിൽ ലൂസിഫറിന്റെ ഏറ്റവും വലിയ പോസ്റ്റർ സ്ഥാപിച്ച് മോഹൽലാൽ ആരാധകർ

KERALA4 weeks ago

നമ്മുടെ നാട്ടിൽ വാടക കരാർ 11 മാസത്തേക്ക് മാത്രമേ എഴുതാൻ പാടുള്ളൂ എന്ന് നിയമമുണ്ടോ

HEALTH1 week ago

ഡോക്ടർമാരുടെ ലൈംഗികമായ അതിർത്തികളെ കുറിച്ച്……..

KERALA1 day ago

കൊട്ടിക്കലാശത്തിൽ കേരളം നെഞ്ചേറ്റിയ ഈ ചിത്രത്തിന് പിന്നിൽ…..

KERALA2 weeks ago

അനുപമയുടെ നടപടി ശരിയെന്ന് മുഖ്യ തിരഞ്ഞെടുപ്പ് കമ്മീഷണർ. സുരേഷ് ഗോപിക്ക് അയോഗ്യത കൽപ്പിക്കാൻ സാധ്യത

KERALA14 hours ago

ജേക്കബ് ഫിലിപ്പ്- കല്ലട സംഭവത്തെ പുറം ലോകത്തെത്തിച്ച ഹീറോ.

HEALTH2 weeks ago

ഇരു വൃക്കകളും തകരാറിലായ മലയാളി യുവാവ് സൗദിയില്‍ സുമനസ്സുകളുടെ സഹായം തേടുന്നു

MIDDLE EAST4 weeks ago

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

CRIME3 weeks ago

സൗദിയിലേക്ക് ടിന്റുവിനെ കൊണ്ട് പോയത് മനുഷ്യക്കടത്തിലൂടെ?

CRIME2 weeks ago

ലോറി ഡ്രൈവറെ ഇടിച്ചു കൊന്ന് നിർത്താതെ പോയ ആഡംബര കാർ പെരിന്തൽമണ്ണയിലെ ഡോക്ടറുടേത്.

UAE3 weeks ago

പതിനെട്ട് കോടി ലോട്ടറിയടിച്ച ഇന്ത്യാക്കാരനെ ഇതുവരെ കണ്ടെത്തിയില്ല !

LAW3 days ago

തൊഴിൽ നിയമ ലംഘനം. ഖത്തറിൽ പരിശോധന ഊർജിതം.

SAUDI ARABIA3 weeks ago

തൃശൂര്‍ സ്വദേശി ദമാമില്‍ തൂങ്ങിമരിച്ചു

CRIME3 days ago

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

Trending

Copyright © 2019 Pravasi Corner.

error: Content is protected !!