Connect with us

INTERNATIONAL

ഇക്വഡോര്‍ കാലുവാരി; വിക്കിലീക്സ് സ്ഥാപകന്‍ ജൂലിയന്‍ അസാന്‍ജിനെ എംബസിയില്‍ കയറി ബ്രിട്ടീഷ് പോലീസ് അറസ്റ്റ് ചെയ്തു

Published

on

ലണ്ടന്‍: യുഎസിനെ പിടിച്ചുലച്ച പ്രതിരോധ, അഴിമതി രഹസ്യങ്ങള്‍ പുറത്തു കൊണ്ടുവന്നതിലൂടെ ശ്രദ്ധേയനാകുകയും പിന്നീട് പലരുടേയും കണ്ണിലെ കരടാകുകയും ചെയ്ത വിക്കിലീക്സ് സ്ഥാപകന്‍ ജൂലിയന്‍ അസാന്‍ജിനെ ബ്രിട്ടീഷ് പോലീസ് അറസ്റ്റ് ചെയ്തു.

നിരവധി കേസുകളുമായി ബന്ധപ്പെട്ട് സ്വീഡനിലേക്ക് നാടു കടത്തപ്പെടുന്നതില്‍ നിന്ന് രക്ഷതേടി ഏഴു വര്‍ഷത്തോളമായി ലണ്ടനിലെ ഇക്വഡോര്‍ എംബസില്‍ ഒളിവില്‍ അഭയാര്‍ത്ഥിയായി കഴിയുകയായിരുന്നു. ഇക്വിേേഡാര്‍ അല്‍സാജ് അഭയാര്‍ത്ഥി സംരക്ഷണം അവസനാപ്പിച്ചതോടെയാണ് അറസ്റ്റിലേയ്ക്ക് കാര്യങ്ങള്‍ നീങ്ങിയത്. രാവിലെ പത്ത് മണിയോടെയാണ് എംബസി അറിയിച്ചതനുസരിച്ച് പോലീിസ് അകത്തുകയറി അറസ്റ്റ് ചെയ്തത്. താടിയും മുടിയും വളര്‍ത്തി അവശ നിലയിലായിരുന്നു. വലിച്ചിഴച്ചാണ് ഏഴംഗ പോലീസ് സംഘം അറസ്റ്റ് നടത്തിയത്.

2017-ല്‍ സ്വീഡന്‍ ഈ കേസ് അന്വേഷണം അവസാനിപ്പിച്ചെങ്കിലും ലണ്ടന്‍ കോടതിയുടെ ജാമ്യ വ്യവസ്ഥ ലംഘിച്ചതിനാണ് ഇപ്പോള്‍ അറസ്റ്റ് ചെയ്തിരിക്കുന്നത്. 2010 ല്‍ ജാമ്യമത്തിലിറങ്ങിയ ശേഷം അപ്രത്യക്ഷനായതിനെ തടുര്‍ന്ന് ലണ്ടന്‍ മെട്രോപോളിറ്റന്‍ കോടതി അസാന്‍ജിനെതിരെ അറസ്റ്റ് വാറണ്ട് പുറപ്പെടുവിച്ചിരുന്നു.

അറസ്റ്റ് ചെയ്ത ശേഷം ബ്രിട്ടീഷ് പോലീസ് ഇക്വഡോര്‍ എംബസിയില്‍ നിന്നും അസാന്‍ജിനെ പുറത്തെത്തിച്ചു. ഏഴു ഉദ്യോഗസ്ഥര്‍ ചേര്‍ന്ന് അസാന്‍ജിനെ പുറത്തു കൊണ്ടു വരുന്ന ദൃശ്യവും പുറത്തുവന്നു. വെളുത്ത താടി വളര്‍ത്തി ക്ഷീണിതനായി കാണപ്പെട്ട അസാന്‍ജ് പ്രതിഷേധിക്കുന്നതും ദൃശ്യത്തിലുണ്ട്.

യുഎസില്‍ വിക്കിലീക്സ് അന്വേഷണം നടക്കുന്ന സാഹചര്യത്തില്‍ അസാന്‍ജിനെ യുഎസിനു കൈമാറിയേക്കുമെന്നും റിപോര്‍ട്ടുണ്ട്. വിക്കീലീക്സ് രേഖകള്‍ യുഎസിനു വലിയ തിരിച്ചടിയായതിനു പിന്നാലെ അറസ്റ്റ് ഭയന്ന് 2012-ലാണ് അസാന്‍ജ് അഭയം തേടി ലണ്ടനിലെ ഇക്വഡോര്‍ എംബസിയിലെത്തിയത്. എന്നാല്‍ ഈയിടെ ഇക്വഡോര്‍ സര്‍ക്കാര്‍ അസാന്‍ജിനു നല്‍കിയ അഭയം പിന്‍വലിച്ചിരുന്നു. രാഷ്ട്രീയ അഭയ നല്‍കാന്‍ മുന്നോട്ടു വച്ച് വ്യവസ്ഥകള്‍ ലംഘിച്ചെന്നു പറഞ്ഞായിരുന്നു ഇത്. തുടര്‍ന്ന് ഏതുനിമിഷവും അറസ്റ്റിലായേക്കുമെന്നും റിപോര്‍ട്ടുണ്ടായിരുന്നു. ഇതിനിടെയാണ് വ്യാഴാഴ്ച അറസ്റ്റുണ്ടായത്. ഇക്വഡോര്‍ അംബാസഡര്‍ എംബസിയിലേക്കു തങ്ങളെ ക്ഷണിക്കുകയായിരുന്നെന്ന് മെട്രോപോളിറ്റന്‍ പോലീസ് സര്‍വീസ് അറിയിച്ചു.

ഇക്വഡോര്‍ പ്രസിഡന്റ് ലെനിന്‍ മൊറിനോയുടെ വ്യക്തിജീവിതവുമായി ബന്ധപ്പെട്ട വിവരങ്ങള്‍ ചോര്‍ത്തി എന്നാരോപിച്ചാണ് ഇക്വഡോര്‍ അസാന്‍ജിന്റെ രാഷ്ട്രീയ അഭയാര്‍ത്ഥി പദവി പിന്‍വലിച്ചത്. അസാന്‍ജ് ചട്ടം ലംഘിച്ചെന്ന് മൊറിനോ നേരത്തെ പറഞ്ഞിരുന്നു. എന്നാല്‍ അന്താരാഷ്ട്ര നിയമം ലംഘിച്ചാണ് ഇക്വഡോര്‍ അസാന്‍ജിന്റെ അഭയാര്‍ത്ഥിത്വം പിന്‍വലിച്ചതെന്ന് വിക്കിലീക്ക്സ് പറഞ്ഞു.

INDIA

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

Published

on

റിയാദ്: കോവിഡ് പ്രതിസന്ധി മൂലം ആരോഗ്യ പ്രവര്‍ത്തകരുടെ ആവശ്യകതയും ദൌര്‍ലഭ്യവും ചൂഷണം ചെയ്തു വ്യാജ ഏജന്റുമാര്‍ തട്ടിപ്പുകള്‍ നടത്തുന്നതായി റിപ്പോര്‍ട്ട്. നോര്‍ക്കയുടെ പ്രതിനിധികള്‍ എന്ന വ്യാജേനയാണ് ഇവര്‍ റിക്രൂട്ട്മെന്റ് തട്ടിപ്പ് നടത്തുന്നത്. ചതിയില്‍ പെട്ട് നിരവധി പേര്‍ക്ക് പണം നഷ്ടപ്പെട്ടതയാണ് അറിയുന്നത്.

റിയാദ് ഇന്ത്യന്‍ എംബസ്സി വഴി നഴ്സുമാരെ വാക്സിനേഷന്‍ ഡ്യൂട്ടിക്ക് റിക്രൂട്ട് ചെയ്യുന്നു എന്ന വാഗ്ദാനം നല്‍കിയാണ്‌ പണം തട്ടിയത്. ഗൂഗിള്‍ പേ വഴിയാണ് പല നഴ്സുമാരും പണം കൈമാറിയിട്ടുള്ളത്. അത് മൂലം പരാതിപ്പെടാന്‍ പോലും കഴിയാത്ത അവസ്ഥയിലാണ് ഇവര്‍. ഒരാള്‍ക്ക് 35,൦൦൦ രൂപക്ക് മുകളില്‍ നഷ്ടപ്പെട്ടിട്ടുണ്ട്.

എംബസ്സിയുടെ നേരിട്ടുള്ള നിയമനമാണ് നടത്തുന്നത് എന്നാണ് ഏജന്റുമാര്‍ പറഞ്ഞിരുന്നത്. തിരഞ്ഞെടുക്കപ്പെട്ടതായി കാണിച്ചു കൊണ്ട് ഇന്ത്യന്‍ എംബസ്സിയുടെ ഔദ്യോഗിക മുദ്രയും സീലും ഉള്ള കത്തുകളാണ് ഇവര്‍ക്ക് അയച്ചു കൊടുത്തിട്ടുള്ളത്. മേയ് പത്താം തിയ്യതി മെഡിക്കല്‍ പരിശോധന നടത്തണമെന്നും കാണിച്ച് ഇവര്‍ക്ക് കത്ത് നല്‍കിയിരുന്നു.

മെഡിക്കല്‍ പരിശോധന പൂര്‍ത്തിയായാല്‍ അന്ന് തന്നെ നഴ്സുമാര്‍ക്ക് വിസയും, ഇമിഗ്രേഷന്‍ പേപ്പറുകളും ഇന്‍ഷുറന്‍സ് പേപ്പറുകളും വിമാന ടിക്കറ്റും അടങ്ങുന്ന കിറ്റ്‌ കൈമാറുമെന്നും കത്തില്‍ പറയുന്നു. മേയ് 12 ന് റിയാദിലെ തൊഴില്‍ മന്ത്രാലയത്തില്‍ റിപ്പോര്‍ട്ട് ചെയ്യണമെന്നും കത്തില്‍ കാണിച്ചിരുന്നു. 53൦൦ റിയാലായിരുന്നു ശമ്പളമായി വാഗ്ദാനം ചെയ്തിരുന്നത്.

ഇക്കാര്യത്തില്‍ സംശയം തോന്നിയ മൂന്ന് നഴ്സുമാര്‍ ഇക്കാര്യം നഴ്സുമാരുടെ സംഘടനയായ യുണൈറ്റഡ് നഴ്സസ് അസോസിയേഷനെ (യു.എന്‍.എ) അറിയിച്ചതോടെയാണ് തട്ടിപ്പ് പുറത്തായത്. സംഘടനയുടെ ഭാരവാഹികള്‍ റിയാദിലെ ഇന്ത്യന്‍ എംബസ്സിയുമായി ബന്ധപ്പെട്ടപ്പോള്‍ ഇത്തരമൊരു റിക്രൂട്ട്മെന്റ് വ്യാജമാണെന്നും തട്ടിപ്പില്‍ പെടരുതെന്നും എംബസ്സി ഉദ്യോഗസ്ഥര്‍ മുന്നറിയിപ്പ് നല്‍കി.

മുന്‍പും ഇത്തരത്തില്‍ റിക്രൂട്ട്മെന്റ് തട്ടിപ്പുകള്‍ നടന്നിരുന്നെന്നും ഒരു ഇടവേളക്ക് ശേഷം ഇത് ഇപ്പോള്‍ പുനരാരംഭിച്ചിരിക്കുകയാണെന്നും യു.എന്‍.എ ഭാരവാഹികള്‍ പറയുന്നു. യു.എ.ഇ യിലും വാക്സിനേഷന്‍ ഡ്യൂട്ടിക്ക് എന്ന പേരില്‍ കൊണ്ട് പോയ നഴ്സുമാരില്‍ ഒരു വിഭാഗവും പറ്റിക്കപ്പെട്ടിട്ടുണ്ടെന്നും സംഘടന വ്യക്തമാക്കുന്നു. ഇത്തരം തട്ടിപ്പുകള്‍ തിരിച്ചറിയണമെന്നും വ്യാജന്മാരുടെ വാഗ്ദാനങ്ങളില്‍ കുടുങ്ങി പണം നഷ്ടമാക്കരുത് എന്നും സംഘടന നഴ്സുമാര്‍ക്ക് മുന്നറിയിപ്പ് നല്‍കിയിട്ടുണ്ട്.

Continue Reading

INDIA

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

Published

on

ഇന്ത്യയില്‍ നിന്നുള്ളവരുടെ നേരിട്ടുള്ള പ്രവേശന വിലക്ക് ഉടനെയൊന്നും പിന്‍വലിക്കില്ലെന്ന് ഉറപ്പായതോടെ സൗദിയിലേക്ക് പ്രവേശിക്കാന്‍ പുതിയ റൂട്ടുകളും മാര്‍ഗ്ഗങ്ങളും തേടുന്ന മലയാളികള്‍ അടക്കമുള്ള പ്രവാസികളുടെ എണ്ണം കൂടുന്നു. കൊച്ചിയില്‍ നിന്നും അര്‍മേനിയ വഴി സൗദിയിലേക്കും കൊച്ചിയില്‍ നിന്നും വിമാനത്തില്‍ മാലിദ്വീപില്‍ എത്തി കപ്പലില്‍ ക്വാറന്റൈനു ശേഷം സൗദിയിലേക്കും പ്രവേശിക്കുന്നതിനുള്ള പുതിയ പാക്കേജുകള്‍ കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

ഇപ്പോള്‍ താഷ്കന്റ് വഴിയും പ്രവാസികള്‍ സൗദിയിലേക്ക് പ്രവേശിക്കുന്നതിനായി ഉപയോഗപ്പെടുത്തുന്നതായി ട്രാവല്‍ ഏജന്‍സികള്‍ വെളിപ്പെടുത്തുന്നു. കസാക്കിസ്ഥാന്റെ തലസ്ഥാനമാണ്‌ താഷ്കന്റ്.

മുംബെയില്‍ നിന്നാണ് ഇന്ത്യക്കാര്‍ താഷ്കന്റില്‍ എത്തുന്നത്. കോഴിക്കോട് നിന്നും കൊച്ചിയില്‍ നിന്നും അവിടെയെത്തി താഷ്കന്റിലേക്ക് യാത്ര തിരിക്കുന്നു. ചാര്‍ട്ടേഡ്‌ വിമാനത്തിലാണ് യാത്ര. അവിടെ പതിനാല് ദിവസത്തെ ക്വാറന്റൈന്‍ പൂര്‍ത്തിയാക്കിയതിനു ശേഷം സൗദിയിലേക്ക് പ്രവേശിക്കാം.

ഇപ്പോള്‍ മലയാളികള്‍ അടക്കമുള്ള നിരവധി പേര്‍ ഈ മാര്‍ഗ്ഗത്തിലൂടെ സൗദിയിലേക്ക് പോകുന്നുണ്ട്. എന്നാല്‍ ഈ റൂട്ട് മുഖേനയുള്ള യാത്ര അധികം പേര്‍ക്കും ശുപാര്‍ശ ചെയ്യുന്നില്ലെന്ന് ട്രാവല്‍ രംഗത്തെ വിദഗ്ദര്‍ പറയുന്നു. ഏറ്റവും അത്യാവശ്യമായി സൗദിയിലേക്ക് എത്തി ചേരേണ്ടവര്‍ മാത്രമാണ് ഈ വഴിയിലൂടെയുള്ള പാക്കേജ് നല്‍കുന്നത്.

കാരണം താഷ്കന്റില്‍ നിന്നും ഇന്ത്യയിലേക്ക് വിമാനങ്ങള്‍ കുറവാണ്. ഇന്ത്യയില്‍ കോവിഡ് അതിരൂക്ഷമായി തുടരുന്ന ഇപ്പോഴത്തെ സാഹചര്യത്തില്‍ ഏതു സമയത്തും പുതിയ വിലക്കുകള്‍ കസാക്കിസ്ഥാന്റെ ഭാഗത്ത് നിന്നോ സൗദിയുടെ ഭാഗത്ത് നിന്നോ പ്രതീക്ഷിക്കാം.

താഷ്കന്റില്‍ ക്വാറന്റൈനില്‍ കഴിയുന്ന സമയത്ത് ഇത്തരം പ്രതിസന്ധി ഉണ്ടാകുന്ന സാഹചര്യത്തില്‍ സൗദിയിലേക്ക് യാത്ര ചെയ്യാന്‍ സാധിക്കാതെ വരികയാണെങ്കില്‍ തിരിച്ചു ഇന്ത്യയിലേക്ക് വരുന്നതിന് ബുദ്ധിമുട്ട് അനുഭവപ്പെടുമെന്ന് ഇവര്‍ പറയുന്നു. അത് കൊണ്ട് തന്നെ ഈ വഴി പോകുന്ന പ്രവാസികള്‍ പ്രത്യേകം ശ്രദ്ധിക്കണമെന്നും ഇവര്‍ മുന്നറിയിപ്പ് നല്‍കുന്നുണ്ട്.

ഒമാന്‍ വഴിയും നേപ്പാള്‍ വഴിയും സൗദിയിലേക്ക് പ്രവേശിക്കാനുള്ള മാര്‍ഗ്ഗങ്ങള്‍ അടഞ്ഞതോടെ ഏറ്റവും കൂടുതല്‍ പേര്‍ ഉപയോഗപ്പെടുത്തുന്നത് ബഹറിന്‍ വഴിയുള്ള യാത്രയാണ്. വിസ എളുപ്പത്തില്‍ ലഭിക്കും എന്നതിനാലും ഗള്‍ഫ് രാജ്യമായത് കൊണ്ടും ബഹറിന്‍ പാക്കേജിന് മലയാളികള്‍ മുന്‍ഗണന നല്‍കുന്നുണ്ട്. . വിസക്ക് മൂന്ന് മാസത്തെ കാലാവധി ഉള്ളതിനാല്‍ ഏതെങ്കിലും പ്രത്യേക സാഹചര്യത്തില്‍ യാത്ര മുടങ്ങിയാലും പിന്നീട് യാത്ര ചെയ്യാന്‍ സാധിക്കും. കൂടാതെ ബഹറിനില്‍ നിന്നും അല്‍ ഖോബാറിലേക്കും ദാമ്മമിലേക്കും ബഹറിന്‍ കോസ് വേ വഴി ടാക്സിയില്‍ പ്രവേശിക്കുകയും ചെയ്യാം. ഒരു ലക്ഷം മുതല്‍ ഒന്നേകാല്‍ ലക്ഷം വരെ ഇവര്‍ ഈടാക്കുന്നു.

മാലിദ്വീപില്‍ ജനവാസ മേഖലയില്‍ ഇന്ത്യക്കാരുടെ ഹോട്ടല്‍ ബുക്കിംഗ് തടഞ്ഞതോടെ ഇത് വഴിയുള്ള യാത്രക്ക് തടസ്സം നേരിട്ടിരുന്നു. എന്നാല്‍ ജനവാസ മേഖലകളില്‍ നിന്നും അകലെയുള്ള ഹോട്ടലുകളിലും സര്‍ക്കാര്‍ ഒരുക്കുന്ന താമസ സൗകര്യങ്ങളിലും താമസിക്കാന്‍ അനുമതി ലഭിച്ചിരുന്നു. ഈ പ്രതിസന്ധി കണക്കിലെടുത്ത് കേരളത്തില്‍ നിന്നുള്ള ഒരു ട്രാവല്‍ ഏജന്‍സി കൊച്ചിയില്‍ നിന്നും യാത്രക്കാരെ വിമാനത്തില്‍ മാലിദ്വീപില്‍ എത്തിച്ചു അവിടെ കപ്പലില്‍ ക്വാറന്റൈന്‍ സൗകര്യം ഒരുക്കി അതിന് ശേഷം വിമാന മാര്‍ഗ്ഗം സൗദിയില്‍ എത്തിക്കുന്ന പാക്കേജിന് തുടക്കമിട്ടിട്ടുണ്ട്. ടിക്കറ്റില്ലാതെ അറുപത്തി അയ്യായിരം രൂപയാണ് ഇവര്‍ ഈടാക്കുന്നത്.

കൊച്ചിയില്‍ തന്നെയുള്ള ഒരു ട്രാവല്‍ ഏജന്‍സി അര്‍മേനിയ വഴിക്കും മലയാളികളെ സൗദിയിലേക്ക് കൊണ്ട് പോകുന്നുണ്ട്. വിമാനം ചാര്‍ട്ടര്‍ ചെയ്താണ് യാത്ര. ഒരു വിമാനത്തില്‍ 16൦ പേരെ കൊണ്ട് പോകുന്നു. അഞ്ചു വിമാനങ്ങളാണ് ഇത്തരത്തില്‍ സൗദി പ്രവാസികളെ കൊണ്ട് പോകുന്നതിന് ഇവര്‍ ഒരുക്കുന്നത്. ഒന്നേകാല്‍ ലക്ഷം മുതല്‍ ഒന്നര ലക്ഷം വരെയാണ് ഇവര്‍ ഈടാക്കുന്നത്.

Continue Reading

INDIA

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

Published

on

കൊച്ചി: സൗദി അറേബ്യ ഇന്ത്യയിലേക്കുള്ള വിമാന സര്‍വീസ് ഉടനടി പുനരാരംഭിക്കില്ല എന്ന കാര്യം ഏതാണ്ട് ഉറപ്പായതോടെ സൗദിയിലേക്ക് അത്യാവശ്യമായി തിരിച്ചെത്തേണ്ട മലയാളികളായ പ്രവാസികള്‍ തിരിച്ചെത്താനായി പുതു വഴികള്‍ തേടുകയാണ്.

സൗദിയിലേക്ക് നേരിട്ട് ഇന്ത്യക്കാര്‍ക്ക് പ്രവേശിക്കാന്‍ സാധിക്കാത്ത സാഹചര്യത്തിലും പ്രവാസികള്‍ കൂടുതലായി പോയിരുന്ന നേപ്പാള്‍, ഒമാന്‍, യു.എ.ഇ, ശ്രീലങ്ക തുടങ്ങിയ വഴികളിലൂടെയുള്ള ട്രാന്‍സിറ്റ് പ്രവേശനം മുടങ്ങിയതോടെയാണ് പുതിയ വഴികളും മാര്‍ഗ്ഗങ്ങളും മലയാളികള്‍ പരീക്ഷിക്കുന്നത്.

ഇതിന്റെ ഭാഗമായി മാലിദ്വീപി വഴി കേരളത്തിലെ ഒരു ട്രാവല്‍ ഏജന്‍സി മാലിദ്വീപിലേക്ക് പുതിയ പാക്കേജ് തുടങ്ങിയിട്ടുണ്ട്. മാലിദ്വീപിലേക്ക് എത്തുന്ന മലയാളികള്‍ക്ക് കപ്പലിലാണ് ക്വാറന്റൈന്‍ സൗകര്യം ഒരുക്കുന്നത് എന്നതാണ് ഈ പാക്കേജിന്റെ പ്രത്യേകത.

വിമാനത്തില്‍ തന്നെയാണ് യാത്രക്കാരെ കേരളത്തില്‍ നിന്നും മാലിദ്വീപിലേക്ക് കൊണ്ട് പോകുക. കേരളത്തിലെ ഏതു വിമാന താവളത്തില്‍ നിന്നും യാത്ര ആരംഭിക്കുമെന്ന കാര്യത്തില്‍ ട്രാവല്‍ ഏജന്‍സി ഇപ്പോള്‍ ഉറപ്പ് നല്‍കുന്നില്ല. കൂടുതല്‍ യാത്രക്കാര്‍ എവിടെ നിന്നാണോ ബുക്ക് ചെയ്യുന്നത് അതിനനുസരിച്ച് കൊച്ചി, കോഴിക്കോട്, തിരുവനന്തപുരം തുടങ്ങിയ വിമാന താവളങ്ങളില്‍ നിന്നും യാത്ര ആരംഭിക്കാന്‍ കഴിയുമെന്നാണ് വ്യക്തമാക്കുന്നത്.

മാലിദ്വീപില്‍ എത്തിയാല്‍ ഹോട്ടലിനു പകരം ഷിപ്പില്‍ ക്വാറന്റൈന്‍ സൗകര്യം നല്‍കും. ഇന്ത്യയില്‍ നിന്നും അനേകം പ്രവാസികള്‍ സൗദിയിലേക്ക് പ്രവേശിക്കാനായി എത്തിയതോടെ രോഗ വ്യാപനം ഭയന്ന് നഗര പ്രദേശത്തുള്ള ഹോട്ടലുകളിലും റിസോര്‍ട്ടുകളിലും ഇന്ത്യക്കാര്‍ക്ക് ബുക്കിംഗ് സൗകര്യം മാലി സര്‍ക്കാര്‍ വിലക്കിയിരുന്നു.

സര്‍ക്കാര്‍ ഒരുക്കുന്ന ഗസ്റ്റ് ഹൗസുകളിലും ജനവാസ കേന്ദ്രങ്ങളില്‍ നിന്നും അകന്നു നിലക്കുന്ന ഹോട്ടലുകളിലും മാത്രമേ ഇന്ത്യക്കാര്‍ക്ക് താമസ സൗകര്യത്തിനായി ഹോട്ടലുകള്‍ ബുക്ക് ചെയ്യാന്‍ അനുവാദമുള്ളൂ. ഈ സാഹചര്യത്തിലാണ് കപ്പലില്‍ ക്വാറന്റൈന്‍ സൗകര്യം ഒരുക്കുന്നത്. കൂടാതെ സര്‍ക്കാര്‍ ഒരുക്കുന്ന താമസ സൗകര്യത്തിനു കൂടുതല്‍ തുക മുടക്കേണ്ടി വരും. അത് ഒഴിവാക്കുകയും കൂടി ചെയ്യുക എന്നതുമാണ്‌ കപ്പലില്‍ ക്വാറന്റൈന്‍ സൗകര്യം ഒരുക്കാന്‍ കാരണമായതെന്നും ട്രാവല്‍ ഏജന്‍സി വ്യക്തമാക്കുന്നു.

ചെറിയ കപ്പലുകള്‍ വാടകയ്ക്ക് എടുത്താണ് ഈ സൗകര്യം ഒരുക്കുന്നത്. പത്തു പേര്‍ക്ക് വീതം താമസിക്കാന്‍ സൗകര്യമുള്ള മിനി ഷിപ്പിലാണ് ക്വാറന്റൈന്‍ സൗകര്യം ഒരുക്കുന്നത്. രോഗവ്യാപനം ഇല്ലാതിരിക്കാനും സര്‍ക്കാര്‍ നിബന്ധനകള്‍ പാലിക്കാനുമാണ് ഇത്തരം ചെറിയ ഷിപ്പുകളില്‍ താമസ സൗകര്യം ഒരുക്കുന്നത്.

ഒരു ബാച്ചില്‍ പത്തു യാത്രക്കാരെയാണ് ഇവര്‍ കൊണ്ട് പോകുന്നത്. ടിക്കറ്റ് ഇല്ലാതെ എഴുപതിനായിരം രൂപയാണ് പാക്കേജിനായി ഇവര്‍ ഈടാക്കുന്നത്. മാലിദ്വീപില്‍ എത്തിയാല്‍ കപ്പലില്‍ പതിനാല് ദിവസത്തെ ക്വാറന്റൈന്‍ സൗകര്യം ഉണ്ടാകും.

മൂന്ന് നേരം ഭക്ഷണം, പി സി ആര്‍ ടെസ്റ്റുകള്‍ തുടങ്ങിയവ ഈ പാക്കേജില്‍ ഉണ്ട്. എയര്‍പോര്‍ട്ടില്‍ നിന്നും ട്രാവല്‍ ഏജന്‍സിയുടെ പ്രതിനിധികള്‍ യാത്രക്കാരെ കപ്പലിലേക്ക് കൊണ്ട് പോകും. പതിനാല് ദിവസത്തിന് ശേഷം ഇവരുടെ പ്രതിനിധികള്‍ തന്നെ യാത്രക്കാരെ കപ്പലില്‍ നിന്നും എയര്‍പോര്‍ട്ടിലേക്ക് കൊണ്ട് പോകും.

Continue Reading
LATEST1 month ago

ഇന്ത്യക്ക് വീണ്ടും സൗദി അറേബ്യയുടെ സാന്ത്വനം.

LATEST1 month ago

ബഖാലകള്‍ ഉള്‍പ്പെടെയുള്ള മേഖലകളില്‍ ഇന്ന് മുതല്‍ വാക്സിനേഷന്‍ നിര്‍ബന്ധം

LATEST1 month ago

സൗദിയില്‍ ആഭ്യന്തര വിമാന യാത്രക്ക് വാക്സിനേഷന്‍ നിര്‍ബന്ധമല്ല

LATEST1 month ago

ഹൃദയത്തില്‍ തൊടുന്ന സംബോധനയോടെ സല്‍മാന്‍ രാജാവിന്റെ പെരുന്നാള്‍ സന്ദേശം

LATEST1 month ago

യു.എ.ഇ യില്‍ ഏഴു വിഭാഗങ്ങളെ വാക്സിന്‍ സ്വീകരിക്കുന്നതില്‍ നിന്നും ഒഴിവാക്കി

LATEST1 month ago

സൗദിയില്‍ കഫാല മാറ്റ നിയമത്തിന് അഭൂതപൂര്‍വ്വമായ പ്രതികരണം

LATEST1 month ago

സൗദിയില്‍ ഇൻസ്റ്റിറ്റ്യൂഷനൽ ക്വാറന്റീൻ നിര്‍ബന്ധമാക്കി. മുഴുവന്‍ വ്യവസ്ഥകളും നിബന്ധനകളും അറിയുക

INDIA1 month ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

INDIA1 month ago

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

INDIA1 month ago

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

INDIA1 month ago

സൗദി വിസ സ്റ്റാമ്പിംഗ് താല്‍ക്കാലികമായി നിര്‍ത്തി വെച്ചു

LATEST1 month ago

സൗദിയിലെ പുതിയ ഇന്‍ഷുറന്‍സ് പോളിസി. പ്രവാസികള്‍ അറിയേണ്ട പ്രത്യേകതകള്‍

LATEST1 month ago

യു.എ.ഇ യിലേക്ക് തിരിച്ചെത്താന്‍ വന്‍തുക നല്‍കാന്‍ തയ്യാര്‍. പക്ഷെ തടസ്സം മാറുന്നില്ല

INDIA1 month ago

പ്രൈവറ്റ് ജെറ്റ് ചാര്‍ട്ടര്‍ ചെയ്ത് യു.എ.ഇ യില്‍ തിരിച്ചെത്തി പ്രവാസി മലയാളിയും കുടുംബവും

LATEST1 month ago

സൗദിയില്‍ എല്ലാ തൊഴിലാളികള്‍ക്കും വാക്സിന്‍ നിര്‍ബന്ധമാക്കുന്നു

Trending

error: Content is protected !!