Connect with us

CRIME

ഡോ. സംഗീത് ചെറിയാനെതിരെ നരഹത്യക്ക് കേസെടുക്കണമെന്ന് ആ ആവശ്യം

Published

on

 

പുതുക്കാട് ദേശീയ പാതയിൽ ഡോക്ടറുടെ കാറിടിച്ച് റോഡ് മുറിച്ച് കടക്കാൻ ശ്രമിച്ച തമിഴ്നാട്ടുകാരൻ മരിച്ച സംഭവത്തിൽ പെരിന്തൽമണ്ണയിലെ ന്യൂറോ സർജനായ സംഗീത് ചെറിയാനെതിരെ നരഹത്യക്ക് ഇന്ത്യൻ പീനൽ കോഡിലെ 304 വകുപ്പ് പ്രകാരം കേസെടുക്കണമെന്ന് ആവശ്യം. മനഃപൂർവമല്ലാത്ത നരഹത്യക്ക് ഇന്ത്യൻ പീനൽ കോഡിലെ 304 A വകുപ്പാണ് പുതുക്കാട് പോലീസ് ഇപ്പോൾ ഡോക്ടർക്കെതിരെ ചുമത്തിയിരിക്കുന്നത്. 

മാത്രമല്ല വാഹനം കളമശ്ശേരിയിലെ ഷോറൂമിൽ രാത്രി ഏൽപ്പിക്കുമ്പോൾ ഇയാൾ പറഞ്ഞത് കാർ പശുവിനെ ഇടിച്ചതാണ് എന്നാണ്. പോലീസ് അന്വേഷിച്ച് എത്തി കാർ കസ്റ്റഡിയിൽ എടുത്തില്ലായിരുന്നുവെങ്കിൽ യാതൊരു തെളിവും അവശേഷിപ്പിക്കാതെ വെറുമൊരു അജ്ഞാത വാഹന അപകട മരണമായി ഇത് മാറുമായിരുന്നു. അതിനാൽ തെളിവ് നശിപ്പിക്കാൻ ശ്രമിച്ചതിനും ഡോക്ടർക്കെതിരെ കേസെടുക്കണം.

സമാനതകളില്ലാത്ത ക്രൂരതയാണ് സമൂഹത്തിന്റെ ഉന്നത ശ്രേണിയിലുള്ള ഡോ. സംഗീത് ചെറിയാന്റെ ഭാഗത്ത് നിന്നും ഉണ്ടായിട്ടുള്ളത്. ഒരു സഹജീവിയെ കാറിടിച്ച് തെറിപ്പിച്ച് നിർത്താതെ പോയത് അത്യന്തം ഗൗരവതരമാണ്. 

അതിന് ശേഷം കാർ ടോൾ പ്ലാസയിലെ കാമറക്കണ്ണുകളിൽ പെടാതിരിക്കാനായി കാർ തിരിച്ച് വീണ്ടും അപകടം നടന്ന വഴിയിലൂടെ പോകുമ്പോൾ അപകടത്തിൽ പെട്ട തമിഴ്‌നാട് സ്വദേശി ശിവകുമാർ മരണത്തോട് മല്ലടിക്കുന്നതും കണ്ടിട്ടും മുന്നോട്ട് പോയത് ഇയാളിലെ മൃഗീയ വാസനയാണ് വെളിവാക്കുന്നത്. 

മനുഷ്യരുടെ ജീവൻ രക്ഷിക്കാൻ സന്നതെടുത്ത് ആരോഗ്യ മേഖലയിലേക്ക് പ്രവേശിച്ച ഉന്നത വിദ്യാഭ്യാസവും സ്ഥാനവുമുള്ള ഒരു വ്യക്തി ഒരാളുടെ മരണത്തിന് കാരണക്കാരൻ ആകുന്നതും ഒരു മനുഷ്യജീവൻ രക്ഷപ്പെടുത്താനുള്ള ചെറിയ ശ്രമം പോലും നടത്താതെ രണ്ടു തവണ അപകടത്തിന് ഇരയായ വ്യക്തിയെ കടന്ന് പോകുന്നതും സാക്ഷര കേരളത്തിൽ അപൂർവ്വമാണ്. 

അത് കൊണ്ട് തന്നെയാണ് ഇയാൾക്കെതിരെ കുറ്റകരമായ നരഹത്യക്ക് കേസെടുക്കണമെന്ന ആവശ്യം ഉയരുന്നത്. ഡോക്ടറുടെ വാഹനം ഇടിച്ചത് മനപ്പൂർവ്വമല്ലെങ്കിൽ കൂടി ആ കൃത്യം മരണം സംഭവിപ്പിക്കാൻ ഇടയുള്ളതാണെന്ന് അറിയാമായിയുന്നതിനാൽ അയാളെ മരണത്തിന് വിട്ടു കൊടുത്തു കൊണ്ട് സംഭവ സ്ഥലത്ത് നിന്നും പലായനം ചെയ്തതിനാൽ കുറ്റകരമായ നരഹത്യക്ക് തന്നെ കേസെടുക്കണമെന്ന് നിയമ വൃത്തങ്ങൾ അഭിപ്രായപ്പെടുന്നു.

ഞായറാഴ്ച അർദ്ധരാത്രിയാണ് പുതുക്കാട് ദേശീയ പാതയിൽ വെച്ച് കേരള മനസ്സാക്ഷിയെ ഞെട്ടിച്ച സംഭവം നടന്നത്. തമിഴ്‍നാട്ടിൽ നിന്നും കോഴിത്തീറ്റയുമായി എറണാകുളം ഭാഗത്തേക്ക് പോയിരുന്ന ലോറിയുടെ ഡ്രൈവറാണ് മരിച്ചത്. 

യാത്രക്കിടയിൽ പുതുക്കാട് വാഹനം നിർത്തി ചായ കുടിക്കുന്നതിനായി ദേശീയ പാത മുറിച്ചു കടക്കുമ്പോഴായിരുന്നു ഡോ. സംഗീത ചെറിയാൻ ഓടിച്ചിരുന്ന ആഡംബര കാർ ഇടിച്ചു തെറിപ്പിച്ചത്. അമിത വേഗതയിൽ വന്ന കാർ ഇടിച്ച് ഇയാൾ ഏറെ ദൂരത്തേക്ക് തെറിച്ചു പോയിരുന്നു. തമിഴ്‌നാട് വില്ലുപുരം സ്വദേശി ശശികുമാറാണ് മരിച്ചതെന്ന് പിന്നീട് തിരിച്ചറിഞ്ഞു.

ഇടിച്ചയുടനെ വാഹനം നിർത്താതെ ഡോക്ടർ സ്ഥലം വിട്ടതിനാൽ വാഹനത്തെ പിടികൂടാനോ നമ്പർ തിരിച്ചറിയാനോ സാധിച്ചില്ല. വിവരമറിഞ്ഞു സ്ഥലത്തെത്തിയ പൊലീസിന് ഇടിയുടെ ആഘാതത്താൽ തെറിച്ചു പോയ കാറിന്റെ മുൻഭാഗത്തെ ഫോഗ് ലാംപിന്റെ ഒരു ഭാഗം മാത്രമാണ് ലഭിച്ചത്. എറണാകുളം ഭാഗത്ത് നിന്ന് തൃശൂർ ഭാഗത്തേക്ക് പോയിരുന്ന വെള്ള നിറത്തിലുള്ള കാറാണ് ഇടിച്ചതെന്ന് ദൃസ്സാക്ഷികളിൽ നിന്നും മനസ്സിലാക്കാൻ സാധിച്ചു.

പോലീസിന്റെ കൂടുതൽ അന്വേഷണത്തിൽ അപകട സ്ഥലത്ത് നിന്ന് കണ്ടു കിട്ടിയ ഭാഗം ബി.എം.ഡബ്ലിയു വിഭാഗത്തിൽ പെടുന്ന കാറിന്റേതാണ് എന്ന് പോലീസ് മനസ്സിലാക്കി. ഉടനെ പാലിയേക്കരയിലുള്ള ടോൾ പ്ലാസയിലെ നിരീക്ഷണ കാമറ പോലീസ് പരിശോധിച്ചെങ്കിലും ബി എം ഡബ്ലിയു വിഭാഗത്തിലുള്ള കാർ ആ സമയത്ത് കടന്നു പോയതായി കാണാൻ സാധിച്ചില്ല.

കൂടുതൽ അന്വേഷണത്തിൽ കാർ ടോൾ പ്ലാസയിലെ കാമറയിൽ പതിയുമെന്ന പേടി മൂലം തിരിച്ചു എറണാകുളം ഭാഗത്തേക്ക് പോയതായി മനസ്സിലായി. കാറിന്റെ ചില്ല് തകർന്നതിനാൽ ഏറെ ദൂരം പോകാനാവില്ലെന്ന കണക്കു കൂട്ടലിൽ കാർ വർക്ക്ഷോപ്പുകളിൽ പോലീസ് അന്വേഷണം നടത്തി. കളമശ്ശേരിയിലെ ബി എം ഡബ്ലിയു വർക്ഷോപ്പിൽ കാർ കണ്ടെത്തി.

അപകടത്തിന് ശേഷം പെരിന്തൽമണ്ണയിലേക്കുള്ള യാത്ര റദ്ദാക്കി എറണാകുളം ഭാഗത്തേക്ക് തിരിച്ചു പോയ ഡോ. സംഗീത് ചെറിയാൻ രാത്രി ഒരു മണിക്ക് കളമശ്ശേരിരിയിലെ ഷോറൂമിലെത്തി സെക്യൂരിറ്റിയെ കാറിന്റെ താക്കോൽ ഏൽപ്പിച്ചു മടങ്ങുകയായിരുന്നുവെത്രെ. രാത്രി പശുവിനെ ഇടിച്ചതാണെന്ന കള്ളവും പറഞ്ഞു. പിന്നീട് വർക്ഷോപ്പിൽ നിന്നും കാർ പോലീസ് കസ്റ്റഡിയിൽ എടുക്കുകയായിരുന്നു.

Advertisement

CRIME

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

Published

on

ഗുജറാത്ത് ഐ എ എസ് കേഡറിൽ ജോലി ചെയ്യുന്ന മലയാളി കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

അഹമ്മദാബാദ് ജില്ലാ കളക്ടറും മറയൂർ മാശിവയൽ സ്വദേശിയുമായ അരുൺ മഹേഷ് ബാബുവിന്റെ മാതാപിതാക്കൾ സഞ്ചരിച്ചുന്ന കാർ കൊക്കയിലേക്ക് മറിഞ്ഞിരുന്നു. സംസ്ഥാന പാതയിൽ കേരള- തമിഴ്നാട് അതിർത്തിയായ ചിന്നാറിൽ വനംവകുപ്പ് ചെക്പോസ്റ്റിന് സമീപം വെച്ചാണ് കാർ കൊക്കയിലേക്ക് മറിഞ്ഞത്.

മറിഞ്ഞ കാർ കൊക്കയിൽ നിന്നും എടുക്കാൻ 10,000 രൂപ തമിഴ്‌നാട് വനം വകുപ്പ് ഉദ്യോഗസ്ഥർ കൈക്കൂലി ആവശ്യപ്പെടുകയായിരുന്നു. കാറിൽ അരുൺ മഹേഷിന്റെ അച്ഛൻ ഷൺമുഖവും അമ്മ പാപ്പാത്തിയും സഹായിയും ഡ്രൈവർ ശെൽവരാജുമാണ് ഉണ്ടായിരുന്നത്.

അപകടത്തിൽ ആർക്കും പരിക്കില്ലാത്തതിനാൽ ഉദ്യോഗസ്ഥർ കാർ ഡ്രൈവറെ കസ്റ്റഡിയിൽ എടുത്ത് അപകട സ്ഥലത്ത് നിന്ന് 10 കിലോമീറ്റർ അകലെയുള്ള അമരാവതി റേഞ്ച് ഓഫീസിലെത്തിച്ചു. തുടർന്നാണ് മറിഞ്ഞ കാർ എടുക്കണമെങ്കിൽ 10,000 രൂപ നൽകണമെന്ന് വനം വകുപ്പ് ഉദ്യോഗസ്ഥർ ആവശ്യപ്പെട്ടത്.

കളക്ടറുടെ കാറാണെന്നും കളക്ടറുടെ സഹോദരി ഡോ. കലൈവാണി തമിഴ്‌നാട് കേഡറിലെ ഐ.എ.എസ് ഉദ്യോഗസ്ഥയാണെന്ന കാര്യവും പറഞ്ഞിട്ടും ഉദ്യോഗസ്ഥർ പണമില്ലാതെ കാർ എടുക്കാൻ വിസമ്മതിക്കുകയായിരുന്നു. ഏതാണ്ട് മൂന്ന് മണിക്കൂറുകളോളം കളക്ടറുടെ മാതാപിതാക്കളെ ഉദ്യോഗസ്ഥർ പെരുവഴിയിൽ തന്നെ നിർത്തി.

കുറെ നേരത്തിനൊടുവിൽ കൈക്കൂലി തുക 5000 തന്നാൽ കാർ എടുക്കാമെന്നായി വനം വകുപ്പ് ഉദ്യോഗസ്ഥർ. തുടർന്ന് കളക്ടറുടെ മാതാപിതാക്കൾ കലക്ടറുമായി ബന്ധപ്പെട്ട് വിവരമറിയിച്ചു. തുടർന്ന് തിരുപ്പൂർ ഡി.എഫ്.ഒ പ്രശ്നത്തിൽ ഇടപെടുകയും കൈക്കൂലി ചോദിച്ച ഉദ്യോഗസ്ഥരെ കൊണ്ടുതന്നെ കാർ എടുപ്പിക്കുകയും ചെയ്തു.

കൈക്കൂലി ആവശ്യപ്പെട്ട ഉദ്യോഗസ്ഥരോട് ഡി.എഫ്.ഒ വിശദീകരണം ആവശ്യപ്പെടുകയും ചെയ്തിട്ടുണ്ട്. ജോലി നഷ്ടമാകാതിരിക്കാൻ കളക്ടറുടെ മാതാപിതാക്കളുടെ പിറകെ ക്ഷമിക്കണമെന്ന് ആവശ്യപ്പെട്ട് പിറകെ നടക്കുകയാണ് വനംവകുപ്പ് ഉദ്യോഗസ്ഥർ.

Continue Reading

CRIME

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

Published

on

ബോളിവുഡ് താരം അമിതാഭ് ബച്ചന്‍റെ ട്വിറ്റർ അക്കൗണ്ട് പാക്കിസ്ഥാൻ ഹാക്കർമാർ ഹാക്ക് ചെയ്തു. തിങ്കളാഴ്ച രാത്രിയാണ് സംഭവം. ഹാക്ക് ചെയ്ത ശേഷം ബച്ചന്‍റെ പ്രൊഫൈൽ ചിത്രം മാറ്റി പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍റെ ചിത്രം പ്രൊഫൈൽ ചിത്രമാക്കി മാറ്റി. ഐൽദിസ് തീം എന്ന പേരും അവരുടെ ചിഹ്നവും ഇവർ കവർ ചിത്രമാക്കി മാറ്റിയിരുന്നു.

തുര്‍ക്കിയില്‍ നിന്നുള്ള ‘അയ്യില്‍ദിസ് ടിം, ടർക്കിഷ് സൈബർ ആർമി’ എന്ന പാക്കിസ്ഥാന്‍ അനുകൂല ഹാക്കര്‍മാരാണ് ഇതിന് പിന്നിൽ എന്നാണ് സൂചന. ‘ലവ് പാക്കിസ്ഥാൻ’ എന്ന് ഹാക്കർമാർ ബച്ചന്റെ ട്വിറ്റർ അക്കൗണ്ടിൽ നിന്നും ട്വീറ്റ് ചെയ്തിട്ടുണ്ട്.

ബച്ചന്റെ അക്കൗണ്ടിൽ നിന്നും ട്വീറ്റുകൾ നടത്തിയ ഹാക്കര്‍മാര്‍ റമദാൻ മാസത്തില്‍ ഇന്ത്യയിൽ മുസ്‌ലിം സമുദായത്തില്‍പ്പെട്ടവർ ദയയില്ലാതെ ആക്രമിക്കപ്പെട്ടു എന്നും ട്വീറ്റ് ചെയ്തിട്ടുണ്ട്.

മുഴുവൻ ലോകത്തിനുമുള്ള ഒരു പ്രധാനപ്പെട്ട ഒരു സന്ദേശം ഉണ്ടെന്നും ഐസ്‍ലാന്‍ഡ് റിപ്പബ്ലിക്കിന്റെ തുര്‍ക്കിഷ് ഫുട്‌ബോള്‍ കളിക്കാര്‍ക്കെതിരെയുള്ള മോശം പെരുമാറ്റത്തിനെതിരെയുള്ള പ്രതിഷേധമാണിതെന്നും വളരെ മൃദുവായിട്ടാണ് തങ്ങളുടെ സംസാരം എങ്കിലും വലിയ സൈബര്‍ ആക്രമണത്തിന്റെ തുടക്കമാണിതെന്നും മറ്റൊരു ട്വീറ്റിൽ ഇവർ വ്യക്തമാക്കുന്നു.

ഹാക്ക് ചെയ്യപ്പെട്ടന്ന് മനസ്സിലാക്കിയതോടെ പെട്ടെന്ന് തന്നെ ബച്ചന്റെ ട്വിറ്റർ അക്കൗണ്ട് നീക്കം ചെയ്‌തെങ്കിലും അക്കൗണ്ട് ഇപ്പോള്‍ വീണ്ടെടുത്തിട്ടുണ്ട്. കൃത്യത്തിന്റെ അന്വേഷണം മഹാരാഷ്ട്ര പൊലീസ് സൈബര്‍ യൂണിറ്റ് ഏറ്റെടുത്തു.

Continue Reading

CRIME

ജീവപര്യന്തം ശിക്ഷയെന്നാൽ ജീവിതാവസാനം വരെ.

Published

on

ഏറെ വിവാദമായ കത്വ കൂട്ട ബലാൽസംഗ കേസിലെ വിധി ഇന്ന് പുറത്ത് വന്നിരിക്കുകയാണ്. കുട്ടിയെ ബലാൽസംഗം ചെയ്യാൻ ആസൂത്രണം നടത്തിയ മൂന്ന് പേർക്ക് ജീവപര്യന്തം തടവ് ശിക്ഷ വിധിച്ചിരിക്കുകയാണ് പഠാൻകോട്ട് അതിവേഗ കോടതി.

ശിക്ഷാവിധിയുടെ പശ്ചാത്തലത്തിൽ ജീവപര്യന്തം ശിക്ഷ ഏറെ കുറഞ്ഞു പോയി എന്ന വികാരമാണ് പൊതുവെ ഉയരുന്നത്. പൊതുജനം പ്രതീക്ഷിച്ചിരുന്നത് പ്രതികൾക്ക് വധശിക്ഷയാണ്. പക്ഷെ ജീവപര്യന്തം ജയിൽ ശിക്ഷ എന്നത് വളരെ കഠിനമായ ശിക്ഷ തന്നെയാണ്.

ജീവപര്യന്തം ശിക്ഷ ലഭിച്ചവർക്ക് പതിനാല് വർഷം കഴിഞ്ഞാൽ ജയിൽ മോചിതനായി പുറത്തിറങ്ങാൻ സാധിക്കും എന്നാണ് പലരുടെയും ധാരണ.

ഈ കേസിൽ മരണം വരെ തടവ് ശിക്ഷ എന്ന് കോടതി വ്യക്തമായി നിർവചിച്ചിട്ടുണ്ട്. ഇല്ലെങ്കിൽ തന്നെയും ജീവപര്യന്തം തടവ് ശിക്ഷയെന്നാൽ പതിനാല് വർഷം കഴിഞ്ഞാൽ പുറത്തിറങ്ങാൻ സാധിക്കുന്ന ശിക്ഷയല്ല. സാധാരക്കാരിൽ പലർക്കും അത്തരമൊരു അബദ്ധ ധാരണ ഉണ്ടെന്ന് നിയമ വിദഗ്ദർ ചൂണ്ടിക്കാട്ടുന്നു.

നിയമത്തിന്റെ ഭാഷയിൽ ജീവപര്യന്തം തടവ് എന്നാൽ ജീവിതകാലം മുഴുവനുമുള്ള ജയിൽശിക്ഷ എന്നാണ് നിർവചനം. പതിനാല് കൊല്ലം കഴിഞ്ഞാൽ ജയിൽ ശിക്ഷ കഴിഞ്ഞ് പുറത്തിറങ്ങാൻ സാധിക്കുമെന്ന് നിയമത്തിൽ എവിടെയും പറയുന്നില്ല. ജീവപര്യന്തം തടവ് ശിക്ഷ ലഭിച്ചവർ ആജീവനാന്തം തടവ് ശിക്ഷ അനുഭവിക്കണം.

സാധാരണക്കാർക്ക് ഇത്തരത്തിൽ ഒരു അബദ്ധ ധാരണ ഉണ്ടാവാൻ വ്യക്തമായ കാരണവുമുണ്ട്. അതായത് ചില കേസുകളിൽ പ്രതികൾ പതിനാല് വര്ഷം കഴിയുമ്പോൾ പുറത്തിറങ്ങുന്നു. ഇങ്ങിനെ സംഭവിക്കുന്നത് മറ്റൊരു സാഹചര്യത്തിലാണ്.

രാഷ്ട്രീയ സ്വാധീനമുള്ള പലരും പതിനാല് കൊല്ലം കഴിയുമ്പോൾ പുറത്തിറങ്ങുന്നത് കൊണ്ടാണ് ഈ തെറ്റിദ്ധാരണ. ക്രിമിനൽ നടപടി നിയമ വകുപ്പ് പ്രകാരം സംസ്ഥാന ഗവർണ്ണർമാർക്ക് ജയിൽ പുള്ളികളുടെ ശിക്ഷ അവരുടെ അധികാരം ഉപയോഗിച്ച് നിബന്ധനകൾക്ക് വിധേയമായി ഇളവ് ചെയ്യാൻ സാധിക്കും. പലപ്പോഴും ഈ അധികാരം ദുർവിനിയോഗം ചെയ്യപ്പെടാറുണ്ട്. പക്ഷെ അതിന് പതിനാല് കൊല്ലം ജയിൽശിക്ഷ പൂർത്തിയാക്കണം. ഈ പതിനാല് കൊല്ലമാണ് സാധാരണക്കാർ തെറ്റിദ്ധരിച്ചു വെച്ചിരിക്കുന്ന പതിനാല് വർഷം.

ജീവപര്യന്തം ജയിൽശിക്ഷയെന്നാൽ ജീവിത അവസാനം വരെയുള്ള ജയിൽ ശിക്ഷയാണെന്ന് സുപ്രീം കോടതി വ്യക്തമായി തന്നെ നിർവചിച്ചിട്ടുള്ളതാണ്. അതിനാൽ ജീവപര്യന്തം ശിക്ഷയെന്നാൽ പതിനാല് വർഷം ജയിൽ വാസമാണെന്ന് നിയമ വിദഗ്ദർ ആവർത്തിച്ച് വ്യക്തമാക്കുന്നു.

Continue Reading
KERALA1 month ago

സൗദിയിലെ വായ്‌പ കേരളത്തിൽ ഭീഷണിപ്പെടുത്തി വാങ്ങാൻ ശ്രമിക്കരുത്: കേരള ഹൈക്കോടതി.

KERALA2 months ago

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

KERALA2 months ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST3 months ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST3 months ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST3 months ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA3 months ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA3 months ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH3 months ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA3 months ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME3 months ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME3 months ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA3 months ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH3 months ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

KERALA3 months ago

അന്ന് ഗദ്ദാമ. ഇന്ന് പ്രശസ്തയായ എഴുത്തുകാരി. ഇത് ആട് ജീവിതമല്ല, അത്ഭുത ജീവിതം.

Trending

error: Content is protected !!