Connect with us

INTERNATIONAL

നോത്രദാമിന് തീ പിടിക്കുമ്പോൾ… മുരളീ തുമ്മാരുകുടി എഴുതുന്നു.

Published

on

എണ്ണൂറ്റി അൻപത് വർഷം പഴക്കമുള്ള ഫ്രാൻസിലെ പുരാതന ദേവാലയമായ നേത്രദാനം കത്തീഡ്രലിൽ അഗ്നിബാധ ഉണ്ടായ സാഹചര്യത്തിൽ പുരാതന കെട്ടിടങ്ങളേയും അമൂല്യ പുരാവസ്തുക്കളുടെയും സംരക്ഷണത്തെ കുറിച്ചും അഗ്നിശമന സംവിധാനങ്ങളെ കുറിച്ചും പ്രശസ്ത ദുരന്ത നിവാരണ വിദഗ്ദൻ മുരളീ തുമ്മാരുകുടി.

തുമ്മാരുകുടിയുടെ ഫേസ്‌ബുക്ക് പോസ്റ്റ് വായിക്കാം:

നോത്രദാമിന് തീ പിടിക്കുന്പോൾ..

ഞാൻ ഒട്ടും ദൈവവിശ്വാസി അല്ലെങ്കിലും പാരിസിൽ ആരുടെ കൂടെ പോയാലും അവരെ നിർബന്ധമായി കൊണ്ടുപോകാറുള്ള സ്ഥലമാണ് നോത്രദാം കത്തീഡ്രൽ.

ആയിരത്തിലേറെ വർഷം പഴക്കമുള്ള, നെപ്പോളിയന്റെ കിരീടധാരണം ഉൾപ്പടെയുള്ള ചരിത്ര സംഭവങ്ങൾ നടന്നിട്ടുള്ള സ്ഥലമാണ്. വിക്ടർ ഹ്യൂഗോയുടെ വിശ്വപ്രസിദ്ധമായ ‘നോത്രദാമിലെ കൂനൻ’ എന്ന നോവലിലെ പല സംഭവങ്ങളും നടക്കുന്നത് ഇവിടെയാണ്. ഒരുകാലത്ത് നോത്രദാമിൽ അഭയം പ്രാപിക്കുന്നവരെ അറസ്റ്റ് ചെയ്യാൻ പാടില്ല എന്നൊരു നിയമം നിലവിലുണ്ടായിരുന്നു.

ഇന്നലെ വരെ ചരിത്രത്തിന്റെ മാത്രമല്ല – പഴയതും മനോഹരവും വിലപിടിപ്പുള്ളതുമായ കലാവസ്തുക്കളുടെ പ്രദർശന സ്ഥലം കൂടിയായിരുന്നു ഇത്. കൂടാതെ നോത്രദാമിലെ നിധികൾ എന്ന പേരിൽ ഒരു നിലവറ തന്നെ അവിടെയുണ്ടായിരുന്നു. കാശ് കൊടുത്താൽ അത് കാണാനുള്ള സൗകര്യവുമുണ്ടായിരുന്നു.

ഇനിയിപ്പോൾ അവിടെ എന്തൊക്കെ ബാക്കിയുണ്ടെന്നറിയില്ല. പള്ളി പുനർ നിർമ്മിക്കാൻ എഴുന്നൂറ് കോടി രൂപ കൊടുക്കാമെന്ന് ഇപ്പോൾ തന്നെ ഒരാൾ വാഗ്ദാനം ചെയ്തു കഴിഞ്ഞു. വേറെയും ആളുകൾ അതിനു തയ്യാറാവും. പക്ഷെ നൂറ്റാണ്ടുകളെടുത്ത് നിർമ്മിച്ച പള്ളി ഒറിജിനൽ മരത്തിൽ പുനർനിർമ്മിക്കാനുള്ള കരവിരുതുള്ള ആളുകൾ ഉണ്ടാകുമോ? ഒരു പതിറ്റാണ്ടേക്കെങ്കിലും ഇനി നോത്രദാം പുറമേ നിന്നുള്ള കാഴ്ച മാത്രമാകാനാണ് വഴി.

പാഠങ്ങൾ നമുക്കും ഉണ്ട്. അഗ്നിബാധ നമ്മുടെ പുരാതന കെട്ടിടങ്ങളിലും ഉണ്ടാകാം. എന്തൊക്കെ അഗ്നിശമന സംവിധാനങ്ങളാണ് അവിടെയുള്ളത്?

സാൻ ഫ്രാന്സിസ്കോയിലെ വരാനിരിക്കുന്ന ഭൂമികുലുക്കത്തിന് നഗരത്തെ തയ്യാറാക്കാൻ ഉപദേശം നൽകിയ എൻറെ സുഹൃത്ത് പറഞ്ഞ ഒരു കാര്യം ഞാൻ ഓർക്കുന്നു. പഴയതും ചരിത്ര പ്രസിദ്ധവുമായ കെട്ടിടങ്ങൾ ഉണ്ടെങ്കിൽ അവയെ പൂർണ്ണമായും സുരക്ഷിതമാക്കുക സാധ്യമല്ലെങ്കിലും അവക്കകത്തുള്ള വില പിടിപ്പുള്ള വസ്തുക്കൾ ആധുനികമായ സജ്ജീകരണങ്ങളുള്ള സ്ഥലത്തേക്ക് മാറ്റാമല്ലോ. ഉദാഹരണത്തിന് വളരെ പഴയ മ്യൂസിയം കെട്ടിടത്തിൽ ഏറ്റവും വിലപിടിപ്പുള്ള കലാവസ്തുക്കൾ സൂക്ഷിക്കുന്നത് വിഡ്ഢിത്തമാണ്. അതിനാൽ അപകടമുണ്ടായാലും നഷ്ടപ്പെട്ടാലും സാന്പത്തികമോ ചരിത്രപരമോ ആയ നാശങ്ങൾ ഉണ്ടാകാത്ത വസ്തുക്കൾ മ്യൂസിയത്തിൽ സൂക്ഷിക്കുക. പഴയതും പ്രധാനമായതും പുതിയ കെട്ടിടത്തിലും.

കാലിഫോർണിയയിലെ പ്രശസ്തമായ ഒരു യൂണിവേഴ്സിറ്റിയിലെ പ്രൊഫസർ ആയിരുന്നു ഈ സുഹൃത്ത്. “ഇതേ തത്വ ശാസ്ത്രം അനുസരിച്ചാണ് ഞാൻ എൻറെ യൂണിവേഴ്സിറ്റിയെയും ഭൂകന്പത്തിന്യൂ തയ്യാറാക്കിയിരിക്കുന്നത്. വിദ്യാർത്ഥികളെയെല്ലാം പുതിയ കെട്ടിടത്തിലേക്ക് മാറ്റി, പ്രസിഡന്റിനെയും അഡ്മിനിസ്ട്രേഷനെയും ഒക്കെ പഴയ കെട്ടിടത്തിലും”

അവർ തമാശ പറഞ്ഞതാണോ എന്നറിയില്ല. എന്തായാലും പഴയ കെട്ടിടങ്ങളും, അതിൽ നിധികളും നിലവറകളും ഉള്ളവർക്ക് ചിന്തിച്ചാൽ ദൃഷ്ടാന്തമുണ്ട്.

മുരളി തുമ്മാരുകുടി

INDIA

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

Published

on

റിയാദ്: കോവിഡ് പ്രതിസന്ധി മൂലം ആരോഗ്യ പ്രവര്‍ത്തകരുടെ ആവശ്യകതയും ദൌര്‍ലഭ്യവും ചൂഷണം ചെയ്തു വ്യാജ ഏജന്റുമാര്‍ തട്ടിപ്പുകള്‍ നടത്തുന്നതായി റിപ്പോര്‍ട്ട്. നോര്‍ക്കയുടെ പ്രതിനിധികള്‍ എന്ന വ്യാജേനയാണ് ഇവര്‍ റിക്രൂട്ട്മെന്റ് തട്ടിപ്പ് നടത്തുന്നത്. ചതിയില്‍ പെട്ട് നിരവധി പേര്‍ക്ക് പണം നഷ്ടപ്പെട്ടതയാണ് അറിയുന്നത്.

റിയാദ് ഇന്ത്യന്‍ എംബസ്സി വഴി നഴ്സുമാരെ വാക്സിനേഷന്‍ ഡ്യൂട്ടിക്ക് റിക്രൂട്ട് ചെയ്യുന്നു എന്ന വാഗ്ദാനം നല്‍കിയാണ്‌ പണം തട്ടിയത്. ഗൂഗിള്‍ പേ വഴിയാണ് പല നഴ്സുമാരും പണം കൈമാറിയിട്ടുള്ളത്. അത് മൂലം പരാതിപ്പെടാന്‍ പോലും കഴിയാത്ത അവസ്ഥയിലാണ് ഇവര്‍. ഒരാള്‍ക്ക് 35,൦൦൦ രൂപക്ക് മുകളില്‍ നഷ്ടപ്പെട്ടിട്ടുണ്ട്.

എംബസ്സിയുടെ നേരിട്ടുള്ള നിയമനമാണ് നടത്തുന്നത് എന്നാണ് ഏജന്റുമാര്‍ പറഞ്ഞിരുന്നത്. തിരഞ്ഞെടുക്കപ്പെട്ടതായി കാണിച്ചു കൊണ്ട് ഇന്ത്യന്‍ എംബസ്സിയുടെ ഔദ്യോഗിക മുദ്രയും സീലും ഉള്ള കത്തുകളാണ് ഇവര്‍ക്ക് അയച്ചു കൊടുത്തിട്ടുള്ളത്. മേയ് പത്താം തിയ്യതി മെഡിക്കല്‍ പരിശോധന നടത്തണമെന്നും കാണിച്ച് ഇവര്‍ക്ക് കത്ത് നല്‍കിയിരുന്നു.

മെഡിക്കല്‍ പരിശോധന പൂര്‍ത്തിയായാല്‍ അന്ന് തന്നെ നഴ്സുമാര്‍ക്ക് വിസയും, ഇമിഗ്രേഷന്‍ പേപ്പറുകളും ഇന്‍ഷുറന്‍സ് പേപ്പറുകളും വിമാന ടിക്കറ്റും അടങ്ങുന്ന കിറ്റ്‌ കൈമാറുമെന്നും കത്തില്‍ പറയുന്നു. മേയ് 12 ന് റിയാദിലെ തൊഴില്‍ മന്ത്രാലയത്തില്‍ റിപ്പോര്‍ട്ട് ചെയ്യണമെന്നും കത്തില്‍ കാണിച്ചിരുന്നു. 53൦൦ റിയാലായിരുന്നു ശമ്പളമായി വാഗ്ദാനം ചെയ്തിരുന്നത്.

ഇക്കാര്യത്തില്‍ സംശയം തോന്നിയ മൂന്ന് നഴ്സുമാര്‍ ഇക്കാര്യം നഴ്സുമാരുടെ സംഘടനയായ യുണൈറ്റഡ് നഴ്സസ് അസോസിയേഷനെ (യു.എന്‍.എ) അറിയിച്ചതോടെയാണ് തട്ടിപ്പ് പുറത്തായത്. സംഘടനയുടെ ഭാരവാഹികള്‍ റിയാദിലെ ഇന്ത്യന്‍ എംബസ്സിയുമായി ബന്ധപ്പെട്ടപ്പോള്‍ ഇത്തരമൊരു റിക്രൂട്ട്മെന്റ് വ്യാജമാണെന്നും തട്ടിപ്പില്‍ പെടരുതെന്നും എംബസ്സി ഉദ്യോഗസ്ഥര്‍ മുന്നറിയിപ്പ് നല്‍കി.

മുന്‍പും ഇത്തരത്തില്‍ റിക്രൂട്ട്മെന്റ് തട്ടിപ്പുകള്‍ നടന്നിരുന്നെന്നും ഒരു ഇടവേളക്ക് ശേഷം ഇത് ഇപ്പോള്‍ പുനരാരംഭിച്ചിരിക്കുകയാണെന്നും യു.എന്‍.എ ഭാരവാഹികള്‍ പറയുന്നു. യു.എ.ഇ യിലും വാക്സിനേഷന്‍ ഡ്യൂട്ടിക്ക് എന്ന പേരില്‍ കൊണ്ട് പോയ നഴ്സുമാരില്‍ ഒരു വിഭാഗവും പറ്റിക്കപ്പെട്ടിട്ടുണ്ടെന്നും സംഘടന വ്യക്തമാക്കുന്നു. ഇത്തരം തട്ടിപ്പുകള്‍ തിരിച്ചറിയണമെന്നും വ്യാജന്മാരുടെ വാഗ്ദാനങ്ങളില്‍ കുടുങ്ങി പണം നഷ്ടമാക്കരുത് എന്നും സംഘടന നഴ്സുമാര്‍ക്ക് മുന്നറിയിപ്പ് നല്‍കിയിട്ടുണ്ട്.

Continue Reading

INDIA

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

Published

on

ഇന്ത്യയില്‍ നിന്നുള്ളവരുടെ നേരിട്ടുള്ള പ്രവേശന വിലക്ക് ഉടനെയൊന്നും പിന്‍വലിക്കില്ലെന്ന് ഉറപ്പായതോടെ സൗദിയിലേക്ക് പ്രവേശിക്കാന്‍ പുതിയ റൂട്ടുകളും മാര്‍ഗ്ഗങ്ങളും തേടുന്ന മലയാളികള്‍ അടക്കമുള്ള പ്രവാസികളുടെ എണ്ണം കൂടുന്നു. കൊച്ചിയില്‍ നിന്നും അര്‍മേനിയ വഴി സൗദിയിലേക്കും കൊച്ചിയില്‍ നിന്നും വിമാനത്തില്‍ മാലിദ്വീപില്‍ എത്തി കപ്പലില്‍ ക്വാറന്റൈനു ശേഷം സൗദിയിലേക്കും പ്രവേശിക്കുന്നതിനുള്ള പുതിയ പാക്കേജുകള്‍ കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

ഇപ്പോള്‍ താഷ്കന്റ് വഴിയും പ്രവാസികള്‍ സൗദിയിലേക്ക് പ്രവേശിക്കുന്നതിനായി ഉപയോഗപ്പെടുത്തുന്നതായി ട്രാവല്‍ ഏജന്‍സികള്‍ വെളിപ്പെടുത്തുന്നു. കസാക്കിസ്ഥാന്റെ തലസ്ഥാനമാണ്‌ താഷ്കന്റ്.

മുംബെയില്‍ നിന്നാണ് ഇന്ത്യക്കാര്‍ താഷ്കന്റില്‍ എത്തുന്നത്. കോഴിക്കോട് നിന്നും കൊച്ചിയില്‍ നിന്നും അവിടെയെത്തി താഷ്കന്റിലേക്ക് യാത്ര തിരിക്കുന്നു. ചാര്‍ട്ടേഡ്‌ വിമാനത്തിലാണ് യാത്ര. അവിടെ പതിനാല് ദിവസത്തെ ക്വാറന്റൈന്‍ പൂര്‍ത്തിയാക്കിയതിനു ശേഷം സൗദിയിലേക്ക് പ്രവേശിക്കാം.

ഇപ്പോള്‍ മലയാളികള്‍ അടക്കമുള്ള നിരവധി പേര്‍ ഈ മാര്‍ഗ്ഗത്തിലൂടെ സൗദിയിലേക്ക് പോകുന്നുണ്ട്. എന്നാല്‍ ഈ റൂട്ട് മുഖേനയുള്ള യാത്ര അധികം പേര്‍ക്കും ശുപാര്‍ശ ചെയ്യുന്നില്ലെന്ന് ട്രാവല്‍ രംഗത്തെ വിദഗ്ദര്‍ പറയുന്നു. ഏറ്റവും അത്യാവശ്യമായി സൗദിയിലേക്ക് എത്തി ചേരേണ്ടവര്‍ മാത്രമാണ് ഈ വഴിയിലൂടെയുള്ള പാക്കേജ് നല്‍കുന്നത്.

കാരണം താഷ്കന്റില്‍ നിന്നും ഇന്ത്യയിലേക്ക് വിമാനങ്ങള്‍ കുറവാണ്. ഇന്ത്യയില്‍ കോവിഡ് അതിരൂക്ഷമായി തുടരുന്ന ഇപ്പോഴത്തെ സാഹചര്യത്തില്‍ ഏതു സമയത്തും പുതിയ വിലക്കുകള്‍ കസാക്കിസ്ഥാന്റെ ഭാഗത്ത് നിന്നോ സൗദിയുടെ ഭാഗത്ത് നിന്നോ പ്രതീക്ഷിക്കാം.

താഷ്കന്റില്‍ ക്വാറന്റൈനില്‍ കഴിയുന്ന സമയത്ത് ഇത്തരം പ്രതിസന്ധി ഉണ്ടാകുന്ന സാഹചര്യത്തില്‍ സൗദിയിലേക്ക് യാത്ര ചെയ്യാന്‍ സാധിക്കാതെ വരികയാണെങ്കില്‍ തിരിച്ചു ഇന്ത്യയിലേക്ക് വരുന്നതിന് ബുദ്ധിമുട്ട് അനുഭവപ്പെടുമെന്ന് ഇവര്‍ പറയുന്നു. അത് കൊണ്ട് തന്നെ ഈ വഴി പോകുന്ന പ്രവാസികള്‍ പ്രത്യേകം ശ്രദ്ധിക്കണമെന്നും ഇവര്‍ മുന്നറിയിപ്പ് നല്‍കുന്നുണ്ട്.

ഒമാന്‍ വഴിയും നേപ്പാള്‍ വഴിയും സൗദിയിലേക്ക് പ്രവേശിക്കാനുള്ള മാര്‍ഗ്ഗങ്ങള്‍ അടഞ്ഞതോടെ ഏറ്റവും കൂടുതല്‍ പേര്‍ ഉപയോഗപ്പെടുത്തുന്നത് ബഹറിന്‍ വഴിയുള്ള യാത്രയാണ്. വിസ എളുപ്പത്തില്‍ ലഭിക്കും എന്നതിനാലും ഗള്‍ഫ് രാജ്യമായത് കൊണ്ടും ബഹറിന്‍ പാക്കേജിന് മലയാളികള്‍ മുന്‍ഗണന നല്‍കുന്നുണ്ട്. . വിസക്ക് മൂന്ന് മാസത്തെ കാലാവധി ഉള്ളതിനാല്‍ ഏതെങ്കിലും പ്രത്യേക സാഹചര്യത്തില്‍ യാത്ര മുടങ്ങിയാലും പിന്നീട് യാത്ര ചെയ്യാന്‍ സാധിക്കും. കൂടാതെ ബഹറിനില്‍ നിന്നും അല്‍ ഖോബാറിലേക്കും ദാമ്മമിലേക്കും ബഹറിന്‍ കോസ് വേ വഴി ടാക്സിയില്‍ പ്രവേശിക്കുകയും ചെയ്യാം. ഒരു ലക്ഷം മുതല്‍ ഒന്നേകാല്‍ ലക്ഷം വരെ ഇവര്‍ ഈടാക്കുന്നു.

മാലിദ്വീപില്‍ ജനവാസ മേഖലയില്‍ ഇന്ത്യക്കാരുടെ ഹോട്ടല്‍ ബുക്കിംഗ് തടഞ്ഞതോടെ ഇത് വഴിയുള്ള യാത്രക്ക് തടസ്സം നേരിട്ടിരുന്നു. എന്നാല്‍ ജനവാസ മേഖലകളില്‍ നിന്നും അകലെയുള്ള ഹോട്ടലുകളിലും സര്‍ക്കാര്‍ ഒരുക്കുന്ന താമസ സൗകര്യങ്ങളിലും താമസിക്കാന്‍ അനുമതി ലഭിച്ചിരുന്നു. ഈ പ്രതിസന്ധി കണക്കിലെടുത്ത് കേരളത്തില്‍ നിന്നുള്ള ഒരു ട്രാവല്‍ ഏജന്‍സി കൊച്ചിയില്‍ നിന്നും യാത്രക്കാരെ വിമാനത്തില്‍ മാലിദ്വീപില്‍ എത്തിച്ചു അവിടെ കപ്പലില്‍ ക്വാറന്റൈന്‍ സൗകര്യം ഒരുക്കി അതിന് ശേഷം വിമാന മാര്‍ഗ്ഗം സൗദിയില്‍ എത്തിക്കുന്ന പാക്കേജിന് തുടക്കമിട്ടിട്ടുണ്ട്. ടിക്കറ്റില്ലാതെ അറുപത്തി അയ്യായിരം രൂപയാണ് ഇവര്‍ ഈടാക്കുന്നത്.

കൊച്ചിയില്‍ തന്നെയുള്ള ഒരു ട്രാവല്‍ ഏജന്‍സി അര്‍മേനിയ വഴിക്കും മലയാളികളെ സൗദിയിലേക്ക് കൊണ്ട് പോകുന്നുണ്ട്. വിമാനം ചാര്‍ട്ടര്‍ ചെയ്താണ് യാത്ര. ഒരു വിമാനത്തില്‍ 16൦ പേരെ കൊണ്ട് പോകുന്നു. അഞ്ചു വിമാനങ്ങളാണ് ഇത്തരത്തില്‍ സൗദി പ്രവാസികളെ കൊണ്ട് പോകുന്നതിന് ഇവര്‍ ഒരുക്കുന്നത്. ഒന്നേകാല്‍ ലക്ഷം മുതല്‍ ഒന്നര ലക്ഷം വരെയാണ് ഇവര്‍ ഈടാക്കുന്നത്.

Continue Reading

INDIA

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

Published

on

കൊച്ചി: സൗദി അറേബ്യ ഇന്ത്യയിലേക്കുള്ള വിമാന സര്‍വീസ് ഉടനടി പുനരാരംഭിക്കില്ല എന്ന കാര്യം ഏതാണ്ട് ഉറപ്പായതോടെ സൗദിയിലേക്ക് അത്യാവശ്യമായി തിരിച്ചെത്തേണ്ട മലയാളികളായ പ്രവാസികള്‍ തിരിച്ചെത്താനായി പുതു വഴികള്‍ തേടുകയാണ്.

സൗദിയിലേക്ക് നേരിട്ട് ഇന്ത്യക്കാര്‍ക്ക് പ്രവേശിക്കാന്‍ സാധിക്കാത്ത സാഹചര്യത്തിലും പ്രവാസികള്‍ കൂടുതലായി പോയിരുന്ന നേപ്പാള്‍, ഒമാന്‍, യു.എ.ഇ, ശ്രീലങ്ക തുടങ്ങിയ വഴികളിലൂടെയുള്ള ട്രാന്‍സിറ്റ് പ്രവേശനം മുടങ്ങിയതോടെയാണ് പുതിയ വഴികളും മാര്‍ഗ്ഗങ്ങളും മലയാളികള്‍ പരീക്ഷിക്കുന്നത്.

ഇതിന്റെ ഭാഗമായി മാലിദ്വീപി വഴി കേരളത്തിലെ ഒരു ട്രാവല്‍ ഏജന്‍സി മാലിദ്വീപിലേക്ക് പുതിയ പാക്കേജ് തുടങ്ങിയിട്ടുണ്ട്. മാലിദ്വീപിലേക്ക് എത്തുന്ന മലയാളികള്‍ക്ക് കപ്പലിലാണ് ക്വാറന്റൈന്‍ സൗകര്യം ഒരുക്കുന്നത് എന്നതാണ് ഈ പാക്കേജിന്റെ പ്രത്യേകത.

വിമാനത്തില്‍ തന്നെയാണ് യാത്രക്കാരെ കേരളത്തില്‍ നിന്നും മാലിദ്വീപിലേക്ക് കൊണ്ട് പോകുക. കേരളത്തിലെ ഏതു വിമാന താവളത്തില്‍ നിന്നും യാത്ര ആരംഭിക്കുമെന്ന കാര്യത്തില്‍ ട്രാവല്‍ ഏജന്‍സി ഇപ്പോള്‍ ഉറപ്പ് നല്‍കുന്നില്ല. കൂടുതല്‍ യാത്രക്കാര്‍ എവിടെ നിന്നാണോ ബുക്ക് ചെയ്യുന്നത് അതിനനുസരിച്ച് കൊച്ചി, കോഴിക്കോട്, തിരുവനന്തപുരം തുടങ്ങിയ വിമാന താവളങ്ങളില്‍ നിന്നും യാത്ര ആരംഭിക്കാന്‍ കഴിയുമെന്നാണ് വ്യക്തമാക്കുന്നത്.

മാലിദ്വീപില്‍ എത്തിയാല്‍ ഹോട്ടലിനു പകരം ഷിപ്പില്‍ ക്വാറന്റൈന്‍ സൗകര്യം നല്‍കും. ഇന്ത്യയില്‍ നിന്നും അനേകം പ്രവാസികള്‍ സൗദിയിലേക്ക് പ്രവേശിക്കാനായി എത്തിയതോടെ രോഗ വ്യാപനം ഭയന്ന് നഗര പ്രദേശത്തുള്ള ഹോട്ടലുകളിലും റിസോര്‍ട്ടുകളിലും ഇന്ത്യക്കാര്‍ക്ക് ബുക്കിംഗ് സൗകര്യം മാലി സര്‍ക്കാര്‍ വിലക്കിയിരുന്നു.

സര്‍ക്കാര്‍ ഒരുക്കുന്ന ഗസ്റ്റ് ഹൗസുകളിലും ജനവാസ കേന്ദ്രങ്ങളില്‍ നിന്നും അകന്നു നിലക്കുന്ന ഹോട്ടലുകളിലും മാത്രമേ ഇന്ത്യക്കാര്‍ക്ക് താമസ സൗകര്യത്തിനായി ഹോട്ടലുകള്‍ ബുക്ക് ചെയ്യാന്‍ അനുവാദമുള്ളൂ. ഈ സാഹചര്യത്തിലാണ് കപ്പലില്‍ ക്വാറന്റൈന്‍ സൗകര്യം ഒരുക്കുന്നത്. കൂടാതെ സര്‍ക്കാര്‍ ഒരുക്കുന്ന താമസ സൗകര്യത്തിനു കൂടുതല്‍ തുക മുടക്കേണ്ടി വരും. അത് ഒഴിവാക്കുകയും കൂടി ചെയ്യുക എന്നതുമാണ്‌ കപ്പലില്‍ ക്വാറന്റൈന്‍ സൗകര്യം ഒരുക്കാന്‍ കാരണമായതെന്നും ട്രാവല്‍ ഏജന്‍സി വ്യക്തമാക്കുന്നു.

ചെറിയ കപ്പലുകള്‍ വാടകയ്ക്ക് എടുത്താണ് ഈ സൗകര്യം ഒരുക്കുന്നത്. പത്തു പേര്‍ക്ക് വീതം താമസിക്കാന്‍ സൗകര്യമുള്ള മിനി ഷിപ്പിലാണ് ക്വാറന്റൈന്‍ സൗകര്യം ഒരുക്കുന്നത്. രോഗവ്യാപനം ഇല്ലാതിരിക്കാനും സര്‍ക്കാര്‍ നിബന്ധനകള്‍ പാലിക്കാനുമാണ് ഇത്തരം ചെറിയ ഷിപ്പുകളില്‍ താമസ സൗകര്യം ഒരുക്കുന്നത്.

ഒരു ബാച്ചില്‍ പത്തു യാത്രക്കാരെയാണ് ഇവര്‍ കൊണ്ട് പോകുന്നത്. ടിക്കറ്റ് ഇല്ലാതെ എഴുപതിനായിരം രൂപയാണ് പാക്കേജിനായി ഇവര്‍ ഈടാക്കുന്നത്. മാലിദ്വീപില്‍ എത്തിയാല്‍ കപ്പലില്‍ പതിനാല് ദിവസത്തെ ക്വാറന്റൈന്‍ സൗകര്യം ഉണ്ടാകും.

മൂന്ന് നേരം ഭക്ഷണം, പി സി ആര്‍ ടെസ്റ്റുകള്‍ തുടങ്ങിയവ ഈ പാക്കേജില്‍ ഉണ്ട്. എയര്‍പോര്‍ട്ടില്‍ നിന്നും ട്രാവല്‍ ഏജന്‍സിയുടെ പ്രതിനിധികള്‍ യാത്രക്കാരെ കപ്പലിലേക്ക് കൊണ്ട് പോകും. പതിനാല് ദിവസത്തിന് ശേഷം ഇവരുടെ പ്രതിനിധികള്‍ തന്നെ യാത്രക്കാരെ കപ്പലില്‍ നിന്നും എയര്‍പോര്‍ട്ടിലേക്ക് കൊണ്ട് പോകും.

Continue Reading
LATEST1 month ago

ഇന്ത്യക്ക് വീണ്ടും സൗദി അറേബ്യയുടെ സാന്ത്വനം.

LATEST1 month ago

ബഖാലകള്‍ ഉള്‍പ്പെടെയുള്ള മേഖലകളില്‍ ഇന്ന് മുതല്‍ വാക്സിനേഷന്‍ നിര്‍ബന്ധം

LATEST1 month ago

സൗദിയില്‍ ആഭ്യന്തര വിമാന യാത്രക്ക് വാക്സിനേഷന്‍ നിര്‍ബന്ധമല്ല

LATEST1 month ago

ഹൃദയത്തില്‍ തൊടുന്ന സംബോധനയോടെ സല്‍മാന്‍ രാജാവിന്റെ പെരുന്നാള്‍ സന്ദേശം

LATEST1 month ago

യു.എ.ഇ യില്‍ ഏഴു വിഭാഗങ്ങളെ വാക്സിന്‍ സ്വീകരിക്കുന്നതില്‍ നിന്നും ഒഴിവാക്കി

LATEST1 month ago

സൗദിയില്‍ കഫാല മാറ്റ നിയമത്തിന് അഭൂതപൂര്‍വ്വമായ പ്രതികരണം

LATEST1 month ago

സൗദിയില്‍ ഇൻസ്റ്റിറ്റ്യൂഷനൽ ക്വാറന്റീൻ നിര്‍ബന്ധമാക്കി. മുഴുവന്‍ വ്യവസ്ഥകളും നിബന്ധനകളും അറിയുക

INDIA1 month ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

INDIA1 month ago

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

INDIA1 month ago

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

INDIA1 month ago

സൗദി വിസ സ്റ്റാമ്പിംഗ് താല്‍ക്കാലികമായി നിര്‍ത്തി വെച്ചു

LATEST1 month ago

സൗദിയിലെ പുതിയ ഇന്‍ഷുറന്‍സ് പോളിസി. പ്രവാസികള്‍ അറിയേണ്ട പ്രത്യേകതകള്‍

LATEST1 month ago

യു.എ.ഇ യിലേക്ക് തിരിച്ചെത്താന്‍ വന്‍തുക നല്‍കാന്‍ തയ്യാര്‍. പക്ഷെ തടസ്സം മാറുന്നില്ല

INDIA1 month ago

പ്രൈവറ്റ് ജെറ്റ് ചാര്‍ട്ടര്‍ ചെയ്ത് യു.എ.ഇ യില്‍ തിരിച്ചെത്തി പ്രവാസി മലയാളിയും കുടുംബവും

LATEST1 month ago

സൗദിയില്‍ എല്ലാ തൊഴിലാളികള്‍ക്കും വാക്സിന്‍ നിര്‍ബന്ധമാക്കുന്നു

Trending

error: Content is protected !!