Connect with us

CRIME

കണ്ഠര് മോഹനർക്കെതിരെ ഹർജിയുമായി അമ്മ ഹൈക്കോടതിയിൽ.

Published

on

ശബരിമല തന്ത്രിയായിരുന്ന കണ്ഠര് മോഹനര് പണവും കാറും തട്ടിയെടുത്തെന്നാരോപിച്ച് മോഹനരുടെ അമ്മ ദേവകി അന്തർജനം ഹൈക്കോടതിയിൽ ഹർജി നൽകി. ശബരിമല മുഖ്യ തന്ത്രിയായിരുന്ന കണ്ഠര് മഹേശ്വരരുടെ ഭാര്യയാണു ദേവകി അന്തർജനം.

83 വയസ്സുള്ള തനിക്ക് വാർദ്ധക്യ സഹജമായ അസുഖങ്ങൾ മൂലം ബാങ്കിലേക്ക് പോകാനും ഇടപാടുകൾ നടത്താനും കഴിയാത്തതിനാൽ അതിനായി മൂത്ത മകനായ മോഹനരെ ചുമതലപ്പെടുത്തിയിരുന്നു. ഇതു ദുരുപയോഗം ചെയ്താണു പണം തട്ടിയെടുത്തതെന്ന് ദേവകി അന്തർജനം ഹർജിയിൽ പറയുന്നു.

ഭർത്താവ് മരിച്ചതോടെ മഹേശ്വരരുടെയും തന്റെയും പേരിൽ ഫെഡറൽ ബാങ്കിന്റെ ചെങ്ങന്നൂർ ശാഖയിലെ അക്കൗണ്ടിൽ ഉണ്ടായിരുന്ന 41.63 ലക്ഷം രൂപ മോഹനരും ഭാര്യയും ചേർന്നു ധനലക്ഷ്മി ബാങ്കിലേക്കു മാറ്റിയെന്നും ഹർജിയിൽ ആരോപിക്കുന്നുണ്ട്. തന്റെ അനുവാദമില്ലാതെ തന്റെ പേരിലുണ്ടായിരുന്ന ഇന്നോവ കാർ മറ്റൊരാൾക്കു വിറ്റെന്നുമാണ് മറ്റൊരു ആരോപണം.

ജീവിക്കാൻ മറ്റു വരുമാനമില്ലാത്ത സാഹചര്യത്തിൽ മകൻ ജീവനാംശം നൽകണമെന്നും അന്യായമായി തട്ടിയെടുത്ത പണവും കാറും തിരികെ ലഭിക്കണമെന്നുമാണ് ഹർജിയിലെ ആവശ്യം.

ഇക്കാര്യങ്ങൾ കാണിച്ചു തിരുവനന്തപുരത്ത് മെയ്ന്റനൻസ് ട്രിബ്യൂണലിൽ പരാതി നൽകിയിരുന്നു. എന്നാൽ അതിലെ തീരുമാനം നീണ്ടു പോകുകയാണ്. മാർച്ച് 15നകം തീർപ്പുണ്ടാകുമെന്നു പറഞ്ഞിരുന്നെങ്കിലും കേസ് ആദ്യം മാർച്ച് 26ലേക്ക് മാറ്റി. അതിന് ശേഷം തിരഞ്ഞെടുപ്പിനു ശേഷമുല്ല തിയ്യതിയിലേക്കാണ് മാറ്റിയത്. അത് കൊണ്ടാണ് ഹർജിയുമായി ഹൈക്കോടതിയെ സമീപിക്കേണ്ടി വന്നത്.

ഹർജിയിൽ അനുരഞ്ജന ചർച്ചക്ക് വേണ്ടി കോടതി ഈ മാസം 26ലേക്കു മാറ്റിയിരിക്കുകയാണ്.

error: Content is protected !!