Connect with us

MIDDLE EAST

അബുദാബിയിലെ ആദ്യ ഹൈന്ദവ ക്ഷേത്രത്തിന്റെ തറക്കല്ലിടൽ ഇന്ന്.

Published

on

അബുദബി: യുഎഇയിലെ ആദ്യത്തെ പരമ്പരാഗത ഹിന്ദു ക്ഷേത്രത്തിന് ഇന്ന് തറക്കല്ലിടും. ശിലാസ്ഥാപന ചടങ്ങിന് രാജസ്ഥാനിൽനിന്ന് പ്രത്യേകം രൂപകൽപന ചെയ്ത ശില അബുദാബിയിൽ എത്തിച്ചിട്ടുണ്ട്.

മഹന്ത് സ്വാമി മഹാരാജ്, സ്വാമി നാരായൺ സൻസ്ത തുടങ്ങിയവർ ശിലാന്യാസ പൂജാ കർമ്മങ്ങൾക്ക് നേതൃത്വം നൽകും. അബു മുറൈഖയിലെ നിർമാണ മേഖലയിൽ പ്രത്യേകം സജ്ജമാക്കിയ വേദിയിലായിരിക്കും ചടങ്ങുകള്‍. ഉച്ചയ്ക്ക് രണ്ട് മുതലാണ് പൊതുജനങ്ങൾക്കുള്ള പ്രവശനം.

യു.എ.ഇ വിദേശകാര്യ മന്ത്രി ഷെയ്ഖ് അബ്ദുള്ള ബിൻ സായിദ് അൽ നഹ്യാൻ, മന്ത്രി ഷെയ്ഖ് നഹ്യാൻ മബാറക് അൽ നഹ്യാൻ എന്നിവരും ഇന്ത്യൻ സർക്കാർ പ്രതിനിധിയായി നയതന്ത്ര പ്രതിനിധി നവദീപ് സൂരിയും പങ്കെടുക്കും.

നരേന്ദ്ര മോദിയുടെ യു.എ.ഇ സന്ദർശനത്തിൽ നിർമ്മിക്കാൻ പോകുന്ന ക്ഷേത്രത്തിന്റെ മാതൃക പുറത്തിറക്കിയിരുന്നു. 400 ദശലക്ഷം ദിര്‍ഹമാണ് ക്ഷേത്രത്തിന്റെ നിര്‍മാണ ചിലവ്.

അബുദബിയിലെ അല്‍ റഹ്ബയിലുള്ള അബു മുരീക്ക പ്രദേശത്ത് അബുദബി കിരീടാവകാശിയും യുഎഇ സായുധ സേനയുടെ ഉപസര്‍വ സൈന്യാധിപനുമായ ശൈഖ് മുഹമ്മദ് ബിന്‍ സായിദ് സൗജന്യമായി നല്‍കിയ പതിമൂന്ന് ഏക്കർ ഭൂമിയിലാണ് ക്ഷേത്രം നിര്‍മിക്കുന്നത്. മറ്റൊരു പതിമൂന്ന് ഏക്കർ ഭൂമി പാർക്കിങ്ങിന് വേണ്ടിയും അനുവദിച്ചിട്ടുണ്ട്.

ഇന്ത്യന്‍ പ്രധാനമന്ത്രി നരേന്ദ്ര മോദിയുടെ യുഎഇ സന്ദര്‍ശനത്തോട് അനുബന്ധിച്ചാണ് ക്ഷേത്ര നിർമ്മാണത്തിനുള്ള അനുമതി ലഭിച്ചത്.

error: Content is protected !!