Connect with us

LAW

തൊഴിൽ നിയമ ലംഘനം. ഖത്തറിൽ പരിശോധന ഊർജിതം.

Published

on

 

തൊഴിൽ നിയമ ലംഘനങ്ങൾ കണ്ടെത്താൻ ഖത്തറിൽ കമ്പനികളിലും സ്ഥാപനങ്ങളിലും മിന്നൽ പരിശോധനകൾ ഊർജ്ജിതം.

റമദാനിൽ തൊഴിലിടങ്ങളിൽ തൊഴിലാളികളുടെ അവകാശങ്ങളും തൊഴിൽ മാനദണ്ഡങ്ങളും പാലിക്കുന്നുണ്ടെന്ന് ഉറപ്പ് വരുത്താനാണ് പരിശോധന. പരിശോധന ഒരു മാസത്തോളം തുടരും.

ഭരണ വികസന, തൊഴിൽ സാമൂഹിക കാര്യ മന്ത്രാലയത്തിന്റെ നേതൃത്വത്തിലാണ് പരിശോധന. രാജ്യത്തെ എല്ലാ തൊഴിലിടങ്ങളിലും പരിശോധിക്കുവാൻ മന്ത്രാലയം ശ്രമിക്കുമെന്ന് മന്ത്രാലയത്തിലെ തൊഴിൽ സുരക്ഷാ, ആരോഗ്യ വിഭാഗം മേധാവി ജെയ്‌രി അൽ മർറി വ്യക്തമാക്കി.

നിയമ ലംഘനങ്ങൾ തടയുന്നതിന് ശക്തമായ നടപടികൾ സ്വീകരിക്കും. കമ്പനികൾ വേതന സംരക്ഷണ വ്യവസ്ഥകൾ പാലിക്കുന്നു എന്ന് ഉറപ്പ് വരുത്തും.

തൊഴിലാളികളുടെ സുരക്ഷാ, ആരോഗ്യം എന്നിവ ഉറപ്പാക്കുന്ന നിലവാരം കമ്പനികളും സ്ഥാപനങ്ങളും പുലർത്തുന്നു എന്ന് പരിശോധിക്കും.

ഇവിടങ്ങളിൽ ജോലി ചെയ്യുന്നത് നിയമാനുസൃത തൊഴിലാളികൾ തന്നെയാണോ എന്നും പരിശോധനയിലൂടെ ഉറപ്പാക്കുമെന്ന് അദ്ദേഹം വ്യക്തമാക്കി.

ദൂര പ്രദേശങ്ങളിൽ സ്ഥിതി ചെയ്യുന്ന തൊഴിലിടങ്ങളും പരിശോധനയിൽ നിന്ന് ഒഴിവാക്കില്ലെന്ന് അദ്ദേഹം പറഞ്ഞു.

error: Content is protected !!