Connect with us

CINEMA

ജിദ്ദയിൽ ആവേശമായി ലൂസിഫർ.

Published

on

ജിദ്ദ: ജിദ്ദയിൽ ആദ്യമായി തിയ്യറ്ററിൽ പോയി സിനിമ കണ്ട ആവേശത്തിൽ മലയാളികളായ സിനിമാ പ്രേമികൾ. സൗദിയില്‍ സിനിമാ തിയേറ്ററുകള്‍ക്ക് അനുമതി നല്‍കിയ ശേഷം ആദ്യമായി മോഹന്‍ലാല്‍ നായകനായ ലൂസിഫറാണ് ജിദ്ദയിലെ തിയേറ്ററിലെത്തിയത്.

ജിദ്ദ റെഡ് സീ മാളിലെ വോക്‌സ് സിനിമയില്‍ ആറാം നമ്പര്‍ ഐ മാക്‌സ് തിയ്യറ്ററിലാണ് ഇപ്പോള്‍ ലൂസിഫര്‍ പ്രദര്‍ശിപ്പിക്കുന്നത്. 129 സീറ്റുകളാണ് ഇവിടെ ഉള്ളത്.

ഓരോ ദിവസത്തെയും ടിക്കറ്റുകൾ ഓൺലൈനായി തന്നെ വിറ്റ് പോകുകയാണ്. തിയ്യറ്റർ കൗണ്ടറിൽ നിന്ന് ടിക്കറ്റെടുക്കുവാൻ കരുതി വരുന്നവർക്ക് നിരാശയാണ് ഫലം. പ്രദർശനം തുടങ്ങിയ അന്ന് മുതൽ തന്നെ വന്‍തിരക്കാണ് അനുഭവപ്പെടുന്നത്.

സൗദിയിലെ വോക്‌സ് സിനിമയാണ് ലൂസിഫര്‍ സൗദി തിയ്യറ്ററുകളില്‍ എത്തിച്ചത്. വാറ്റ് അടക്കം 53 റിയാലാണ് ഏറ്റവും കുറഞ്ഞ ടിക്കറ്റ് നിരക്ക്. ഒരാൾക്ക് പരമാവധി പത്ത് ടിക്കറ്റുകൾ വരെ ലഭിക്കും. കുടുംബങ്ങള്‍ക്കും ബാച്ചിലേഴ്‌സിനും വിത്യസ്ത ഷോകളാണ് ഒരുക്കിയിട്ടുള്ളത്.

പലരും നേരത്തെ ഓണ്‍ലൈനില്‍ ടിക്കറ്റ് ബുക്ക് ചെയ്താണ് ചിത്രം കാണാന്‍ എത്തിയത്. എന്നാൽ ഓൺലൈനിൽ ടിക്കറ്റെടുത്ത് കുടുംബ സമേതം സിനിമ കാണാൻ അവന്നു പലർക്കും നിരാശരായി മടങ്ങേണ്ടി വന്നു. ചെറിയ കുട്ടികൾക്ക് തിയ്യറ്ററിനകത്തേക്ക് പ്രവേശനം അനുവദിക്കാത്തതായിരുന്നു കാരണം. ഓൺലൈനിൽ ടിക്കറ്റെടുത്ത പലരും ഇക്കാര്യം അറിയാതെയായിരുന്നു ടിക്കറ്റ് എടുത്തത്.

error: Content is protected !!