Connect with us

KERALA

രോഗികൾക്ക് ട്രെയിനിൽ ബർത്ത് അനുവദിക്കണമെന്ന് മനുഷ്യാവകാശ കമ്മീഷൻ ഉത്തരവ്.

Published

on

ഗുരുതരാവസ്ഥയിലുള്ള രോഗികൾക്കും രോഗികകളായ കൈക്കുഞ്ഞുങ്ങളുമായി യാത്ര ചെയ്യുന്ന അമ്മമാർക്കും അടിയന്തിരമായി ബർത്ത് അനുവദിക്കാനുള്ള സംവിധാനം ഒരുക്കണമെന്ന് സംസ്ഥാന മനുഷ്യാവകാശ കമ്മീഷൻ ഉത്തരവിട്ടു.

ഇതിനായി എല്ലാ ട്രെയിനുകളിലും എമർജൻസി ക്വാട്ട സംവിധാനം ഒരുക്കണമെന്നാണ് നിർദ്ദേശം. റെയിൽവേ ബോർഡ് സെക്രട്ടറിക്കും ദക്ഷിണ റെയിൽവേ ഡിവിഷണൽ മാനേജർക്കുമാണ് ഉത്തരവ് നൽകിയത്.

ഹൃദയശസ്ത്രക്രിയ നടത്തുന്നതിന് വേണ്ടി കണ്ണൂരിൽ നിന്ന് തിരുവനന്തപുരത്തേക്ക് യാത്ര ചെയ്ത ഒരു വയസ്സ് പ്രായമുള്ള കുഞ്ഞിന്റെ അമ്മയ്ക്ക് സീറ്റ് നിഷേധിച്ച സംഭവത്തില്‍ രജിസ്റ്റര്‍ ചെയ്ത കേസിലാണ് ഉത്തരവ്.

2018 ഡിസംബര്‍ 27 നായിരുന്നു സംഭവം. തിരുവനന്തപുരം ശ്രീചിത്രാ മെഡിക്കല്‍ സെന്ററില്‍ അടിയന്തരമായി ഹൃദയശസ്ത്രക്രിയ നടത്തുന്നതിന് വേണ്ടി കണ്ണൂരില്‍നിന്ന് മാവേലി എക്‌സ്പ്രസില്‍ കയറിയ അമ്മയ്ക്ക് സീറ്റ് ലഭിച്ചിരുന്നില്ല. കുഞ്ഞിന്റെ അച്ഛന്റെയും അമ്മയുടെയും ടിക്കറ്റുകള്‍ വെയ്റ്റിങ് ലിസ്റ്റിലായിരുന്നു.

തീവണ്ടി മലപ്പുറത്തെത്തിയപ്പോള്‍ കുഞ്ഞിന്റെ ആരോഗ്യാവസ്ഥ അതീവ ഗുരുതരമായി. കൂടെയുണ്ടായിരുന്ന യാത്രക്കാര്‍ സാഹചര്യം മനസ്സിലാക്കി ട്രെയിനിന്റെ ചെയിന്‍ വലിച്ച് നിര്‍ത്തി കുഞ്ഞിനെ ആശുപത്രിയിലെത്തിച്ചെങ്കിലും കുട്ടി മരണപ്പെട്ടിരുന്നു.

error: Content is protected !!