Connect with us

HEALTH

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

Published

on

അമിതമായ ചൂട് മൂലം കേരള എക്സ്പ്രസ് ട്രെയിനില്‍ നാല് യാത്രക്കാര്‍ മരിച്ചു. ആഗ്രയില്‍ നിന്നും കോയമ്പത്തൂരിലേക്ക് പുറപ്പെട്ട യാത്രക്കാരാണ് മരിച്ചത്. ഒരാളെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു.

തമിഴ്നാട് സ്വദേശികളാണ് പച്ചയ (80), ബാലകൃഷ്ണന്‍ (67), ധനലക്ഷ്മി (74), സുബ്ബറയ്യ (71) എന്നിവരാണ് മരിച്ചത്. വരാണസിയും ആഗ്രയും അടക്കമുള്ള സ്ഥലങ്ങൾ സന്ദർശിക്കാനെത്തിയ തീർത്ഥാടക സംഘത്തിലെ അംഗങ്ങളായിരുന്നു ഇവർ. 68 പേർ ഉൾപ്പെട്ടതായിരുന്നു തീർത്ഥാടക സംഘം.

ഉത്തര്‍പ്രദേശിലെ ഝാന്‍സിയില്‍ വെച്ചാണ് നാല് പേരും മരിച്ചത്. ആഗ്ര കഴിഞ്ഞപ്പോള്‍ തന്നെ ഇവർ ശാരീരികമായുള്ള അസ്വസ്ഥത പ്രകടിപ്പിച്ചിരുന്നു. പിന്നീട് കുറെ കഴിഞ്ഞപ്പോഴേക്കും ഇവർ അബോധാവസ്ഥയിലായി. അമിതമായ ചൂട് മൂലമുള്ള നിർജ്ജലീകരണം ആണ് മരണ കാരണം എന്നാണ് നിഗമനം.

അസ്വാഭാവിക മരണങ്ങൾ ആയതിനാൽ മൃതദേഹങ്ങൾ പോസ്റ്റ്മാർട്ടം ചെയ്യേണ്ടി വരും. പോസ്റ്റ്മോര്‍ട്ടത്തിന് ശേഷം മൃതദേഹങ്ങള്‍ ഇന്ന് നാട്ടിലെത്തിക്കുമെന്ന് ഡിവിഷണല്‍ റെയില്‍വേ മാനേജര്‍ അറിയിച്ചു.

കൊടും ചൂടും അത്യഷ്ണവും മൂലം ഡല്‍ഹിയിലും ഉത്തര്‍ പ്രദേശിലും ജനം വലയുകയാണ്. ഡൽഹിയിൽ 43 ഡിഗ്രിക്ക് മുകളിലാണ് ഇന്നത്തെ താപനില.

Advertisement

HEALTH

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

Published

on

ആലത്തൂരിലെ ബന്ധു വീട്ടിൽ നിന്നും ഒറ്റപ്പാലത്തെ വീട്ടിലേക്ക് പോകുന്ന വഴി അജ്ഞാത വാഹനം ഇടിച്ച് ഗുരുതരമായി പരിക്കേറ്റ മൂന്ന് സഹോദരങ്ങളുടെ ചികിത്സാ സഹായ അക്കൗണ്ടിലേക്ക് വന്ന പണം ബാങ്ക് അധികൃതർ തടഞ്ഞ് വെച്ചതായി ആരോപണം.

പ്രശസ്ത ജീവകാരുണ്യ പ്രവർത്തകൻ ഫിറോസ് കുന്നംപറമ്പിലാണ് ഒറ്റപ്പാലത്തെ ബാങ്ക് ഓഫ് ഇന്ത്യക്കെതിരെ ഗുരുതരമായ ആരോപണം ഉന്നയിച്ചത്.

വാഹനം ഇടിച്ച് പരിക്കേറ്റ കുട്ടികൾക്ക് ചികിത്സാ സഹായം നൽകണമെന്ന അപേക്ഷയുമായി ഫിറോസ് കുന്നംപറമ്പിൽ ഫേസ്‌ബുക്ക് ലൈവിൽ വന്നിരുന്നു. മുപ്പത്തിനാല് മണിക്കൂറുകൾക്കകം തന്നെ ഒരു കോടി പതിനേഴ് ലക്ഷം രൂപ ചികിത്സാ സഹായ അക്കൗണ്ടിലേക്ക് ലഭിച്ചു.

പക്ഷെ പണം പിൻവലിക്കാനായി ബാങ്കിനെ സമീപിക്കുമ്പോൾ ചികിത്സക്കായി പണം നൽകുന്നില്ലെന്നാണ് ഫിറോസിന്റെ പരാതി. പല സാങ്കേതിക കാരണങ്ങൾ പറഞ്ഞ് പണം തടഞ്ഞ് വെച്ചിരിക്കുകയാണെന്ന് ഫിറോസ് പറയുന്നു. ആകെ പത്ത് ലക്ഷം രൂപ മാത്രമാണ് ബാങ്ക് തന്നതെന്നും പിന്നീട് പണം തരുന്നില്ല എന്നും ഫിറോസ് ആരോപിക്കുന്നു.

പരിക്കേറ്റ സഹോദരങ്ങളുടെ ചികിത്സക്ക് ആവശ്യമുള്ളത് കഴിച്ച് ബാക്കിയുള്ള പണം മറ്റു രോഗികള്‍ക്ക് കൊടുക്കാനാണ് തീരുമാനിച്ചിരുന്നത്. പക്ഷെ പണം പിന്‍വലിക്കാനോ മറ്റു രോഗികളുടെ അക്കൗണ്ടിലേക്ക് ട്രാന്‍സ്ഫര്‍ ചെയ്യാനോ ബാങ്ക് അനുവദിക്കുന്നില്ലെന്ന് ഫിറോസ് പറയുന്നു.

ആദ്യം അക്കൗണ്ട് തുറന്നിരുന്നത് കുട്ടികളുടെ ഉമ്മയുടെ പേരിലാണ്. പക്ഷെ ഭീമമായ തുകയായത് കൊണ്ട് പിന്നീട് മറ്റൊരാളെക്കൂടി ചേര്‍ത്ത് ജോയിന്റ് അക്കൗണ്ടാക്കുകയാണ് ചെയ്തത്. പണം പിന്‍വലിക്കാനായി ബാങ്കിൽ ചെന്ന് ചെക്ക് ആവശ്യപ്പെട്ടപ്പോൾ ബാങ്ക് ചെക്ക് തന്നില്ല. പണം മറ്റു അക്കൗണ്ടുകളിലേക്ക് മാറ്റണമെന്ന് പറഞ്ഞപ്പോള്‍ അതിന് അനുവദിച്ചില്ല.

പിന്നീട് അഭിഭാഷകൻ ബാങ്കുമായി സംസാരിച്ചപ്പോള്‍ വിത്തഡ്രോവല്‍ ചെക്ക് ഒപ്പിട്ട് തന്നാല്‍ ഹെഡ് ഓഫീസുമായി ബന്ധപ്പെട്ടതിന് ശേഷം പണം തരാമെന്ന് പറഞ്ഞിരുന്നതായും എന്നാൽ ആറു ദിവസമായെന്നും ഇതുവരെ പണം ലഭിക്കുന്ന കാര്യത്തിൽ തീരുമാനമായില്ലെന്നും ഫിറോസ് പറയുന്നു.

പതിനഞ്ചാം തിയ്യതിക്കകം പ്രശ്നത്തിന് പരിഹാരം കണ്ടില്ലെങ്കിൽ ബാങ്കിന് മുന്നിൽ പ്രതിഷേധ സമരം നടത്തുമെന്നും ഫേസ്‌ബുക്ക് ലൈവിലൂടെ ഫിറോസ് വ്യക്തമാക്കി.

Continue Reading

HEALTH

വൃഷണം നീക്കം ചെയ്തു. കിംഗ് ഫൈസൽ ആശുപത്രിയിലെ 10 പേർക്കെതിരെ കേസ്.

Published

on

ആശുപത്രി ജീവനക്കാരുടെ അനാസ്ഥ മൂലം ബാലന്റെ വൃഷണങ്ങൾ നീക്കം ചെയ്യേണ്ടി വന്നുവെന്ന് പരാതി. കുട്ടിയുടെ പിതാവിന്റെ പരാതിയുടെ അടിസ്ഥാനത്തിൽ തായിഫിലെ കിംഗ് ഫൈസൽ ആശുപത്രിയിലെ ഡോക്ടർമാരും നഴ്‌സുമാർക്കും അഡ്മിനിസ്ട്രേറ്റർമാരും ഉൾപ്പെടെ പത്ത് പേർക്കെതിരെ ആരോഗ്യ മന്ത്രാലയം നടപടി തുടങ്ങി.

കുട്ടിയുടെ മാതാവാണ് പരിക്കേറ്റ കുട്ടിയെ ആശുപത്രിയിൽ എത്തിച്ചത്. സമയത്തിന് എത്തിച്ചിട്ടും കുട്ടിയെ പരിശോധിക്കാൻ വളരെ അധികം സമയം എടുത്തെന്നും ഇത് കുട്ടിയുടെ ആരോഗ്യ നില വഷളാക്കിയെന്നും ഇത് മൂലമാണ് കുട്ടിയുടെ ബീജ ഗ്രന്ഥികളും വൃഷണങ്ങളും നീക്കം ചെയ്യേണ്ടി വന്നതെന്നും പിതാവ് സുൽത്താൻ അൽ ഹാരിതി പരാതിയിൽ വ്യക്തമാക്കുന്നു.

എന്നാൽ കുട്ടിക്ക് ആരോപിക്കപ്പെടുന്ന ഗുരുതരാവസ്ഥ ഇല്ലെന്നും കുട്ടിയുടെ ഒരു വൃഷണം മാത്രമാണ് നീക്കം ചെയ്യേണ്ടി വന്നതെന്നും മറ്റു വൃഷണം ശരിയായ അപകടമില്ലാത്ത അവസ്ഥയിൽ ആണെന്നുമാണ് തായിഫിലെ ആരോഗ്യ വകുപ്പിന്റെ പ്രതികരണം.

പരാതി ലഭിച്ചതായും കേസ് ഫയൽ ശരിയ മെഡിക്കൽ കമ്മിറ്റിക്ക് അയച്ചു കൊടുത്തതായും ആരോഗ്യ മന്ത്രാലയ വൃത്തങ്ങൾ വെളിപ്പെടുത്തി. ആശുപത്രിയിലെ സിസിടിവി ദൃശ്യങ്ങൾ പരിശോധിച്ച ശേഷമാണ് കുട്ടിയുടെ ചികിത്സക്ക് ഉത്തരവാദികളായ പത്തു പേരുടെ പേരുകൾ കേസ് ഫയലിൽ ഉൾപ്പെടുത്തിയത്.

ഈ വിഷയം അധികൃതർ വളരെ ഗൗരവമായി തന്നെയാണ് എടുത്തിട്ടുള്ളത്. മെഡിക്കൽ കമ്മിററിക്ക് പുറമെ ദേശീയ മനുഷ്യാവകാശ കമ്മീഷൻ, കണ്ട്രോൾ ആൻഡ് ഇൻവെസ്റ്റിഗേഷന് ബോർഡ് (സി ഐ ബി), ദേശീയ അഴിമതി വിരുദ്ധ കമ്മീഷൻ തുടങ്ങിയ സമിതികളും ഈ വിഷയം പിന്തുടരുന്നുണ്ട്.

Continue Reading

HEALTH

ഹൊറൈസൺ ടവറിൽ മലിനജലം: 191 പേർ ചികിത്സ തേടി. 8 പേർ ഐ സി യുവിൽ.

Published

on

യു എ ഇ : അജ്മാനിലെ ഹൊറൈസൺ ടവറിലെ മലിനജലം മൂലം താമസക്കാരായ നൂറ്റി തൊണ്ണൂറ്റി ഒന്ന് പേർ വിവിധ ആശുപത്രികളിൽ ചികിത്സ തേടി. എട്ടു പേരെ ഇന്റെൻസീവ് കെയർ യൂണിറ്റുകളിൽ പ്രവേശിപ്പിച്ചിരിക്കുകയാണ്. എന്നാൽ ആരുടേയും നില അപകടകരമല്ല.

വിവിധ ആശുപത്രികളിൽ മലിനജല ഉപയോഗം മൂലം ചികിത്സ തേടിയവരിൽ കുട്ടികളും, വൃദ്ധരും മുതൽ കുടുംബങ്ങൾ ഒന്നാകെ ഉൾപ്പെടുന്നു. എല്ലാവരും ടവറിലെ താമസക്കാരാണ്. എല്ലാവരുടെയും രോഗലക്ഷണങ്ങൾ ഒന്ന് തന്നെയാണെന്ന് അജ്‌മാൻ മെഡിക്കൽ സോൺ ഡയറക്ടർ ഹമദ് ഷംസി വ്യക്തമാക്കി.

ഐ സി യു വിൽ പ്രവേശിപ്പിക്കപ്പെട്ടവരെ നാളെ ഡിസ്ചാർജ്ജ് ചെയ്യുമെന്ന് ഹമദ് ഷംസി പറഞ്ഞു. സമാന രോഗ ലക്ഷണങ്ങൾ ഉള്ളവരുടെ വിവരങ്ങൾ ശേഖരിക്കുന്നതിനും ചികിത്സ തേടിയവർക്ക് ആവശ്യമായ ചികിത്സ ലഭിക്കുന്നുണ്ടെന്ന് ഉറപ്പ് വരുത്തുന്നതിനും മെഡിക്കൽ സോൺ അധികൃതർ ആശുപത്രികളിൽ സന്ദർശനം നടത്തി വരുന്നു.

ഹൊറൈസൺ ടവറിൽ ലഭിക്കുന്ന വെള്ളം കുളിക്കാനും പല്ല് തേക്കാനും വസ്ത്രങ്ങളും പാത്രങ്ങളും വൃത്തിയാക്കാനും മാത്രമാണ് തങ്ങൾ ഉപയോഗിക്കുന്നതെന്ന് താമസക്കാർ വ്യക്തമാക്കുന്നു. കുടിക്കാൻ ആവശ്യമായ വെള്ളം പ്രത്യേകമായി പുറത്ത് നിന്നും വാങ്ങുകയാണ്. പാത്രങ്ങൾ കഴുകാനും പല്ല് തേക്കാനും മലിന ജലം ഉപയോഗിച്ചത് മൂലമാണ് രോഗബാധ ഉണ്ടായത് എന്നാണ് നിഗമനം.

ഈ വാരാന്ത്യം മുതൽ ടവറിൽ ലഭ്യമായിരുന്ന വെള്ളത്തിന് ദുർഗന്ധം അനുഭവപ്പെട്ടിരുന്നതായി താമസക്കാർ പറയുന്നു. ഓടകളിലൂടെ ഒഴുകുന്ന വെള്ളത്തിന് സമാനമായ ദുർഗന്ധമാണ് അനുഭവപ്പെട്ടിരുന്നത്യു എ ഇ : അജ്മാനിലെ ഹൊറൈസൺ ടവറിലെ മലിനജലം മൂലം താമസക്കാരായ നൂറ്റി തൊണ്ണൂറ്റി ഒന്ന് പേർ വിവിധ ആശുപത്രികളിൽ ചികിത്സ തേടി. എട്ടു പേരെ ഇന്റെൻസീവ് കെയർ യൂണിറ്റുകളിൽ പ്രവേശിപ്പിച്ചിരിക്കുകയാണ്. എന്നാൽ ആരുടേയും നില അപകടകരമല്ല.

വിവിധ ആശുപത്രികളിൽ മലിനജല ഉപയോഗം മൂലം ചികിത്സ തേടിയവരിൽ കുട്ടികളും, വൃദ്ധരും മുതൽ കുടുംബങ്ങൾ ഒന്നാകെ ഉൾപ്പെടുന്നു. എല്ലാവരും ടവറിലെ താമസക്കാരാണ്. എല്ലാവരുടെയും രോഗലക്ഷണങ്ങൾ ഒന്ന് തന്നെയാണെന്ന് അജ്‌മാൻ മെഡിക്കൽ സോൺ ഡയറക്ടർ ഹമദ് ഷംസി വ്യക്തമാക്കി.

ഐ സി യു വിൽ പ്രവേശിപ്പിക്കപ്പെട്ടവരെ നാളെ ഡിസ്ചാർജ്ജ് ചെയ്യുമെന്ന് ഹമദ് ഷംസി പറഞ്ഞു. സമാന രോഗ ലക്ഷണങ്ങൾ ഉള്ളവരുടെ വിവരങ്ങൾ ശേഖരിക്കുന്നതിനും ചികിത്സ തേടിയവർക്ക് ആവശ്യമായ ചികിത്സ ലഭിക്കുന്നുണ്ടെന്ന് ഉറപ്പ് വരുത്തുന്നതിനും മെഡിക്കൽ സോൺ അധികൃതർ ആശുപത്രികളിൽ സന്ദർശനം നടത്തി വരുന്നു.

ഹൊറൈസൺ ടവറിൽ ലഭിക്കുന്ന വെള്ളം കുളിക്കാനും പല്ല് തേക്കാനും വസ്ത്രങ്ങളും പാത്രങ്ങളും വൃത്തിയാക്കാനും മാത്രമാണ് തങ്ങൾ ഉപയോഗിക്കുന്നതെന്ന് താമസക്കാർ വ്യക്തമാക്കുന്നു. കുടിക്കാൻ ആവശ്യമായ വെള്ളം പ്രത്യേകമായി പുറത്ത് നിന്നും വാങ്ങുകയാണ്. പാത്രങ്ങൾ കഴുകാനും പല്ല് തേക്കാനും മലിന ജലം ഉപയോഗിച്ചത് മൂലമാണ് രോഗബാധ ഉണ്ടായത് എന്നാണ് നിഗമനം.

ഈ വാരാന്ത്യം മുതൽ ടവറിൽ ലഭ്യമായിരുന്ന വെള്ളത്തിന് ദുർഗന്ധം അനുഭവപ്പെട്ടിരുന്നതായി താമസക്കാർ പറയുന്നു. ഓടകളിലൂടെ ഒഴുകുന്ന വെള്ളത്തിന് സമാനമായ ദുർഗന്ധമാണ് അനുഭവപ്പെട്ടിരുന്നത്. ടാപ്പുകളിലൂടെ വന്നിരുന്ന വെള്ളത്തിന്റെ നിറം താരതമ്യേന മഞ്ഞ നിറമായി മാറുകയും ചെയ്തിരുന്നതായി താമസക്കാർ പറയുന്നു.

തൊട്ടടുത്ത ദിവസം തന്നെ താമസക്കാരായ നൂറു കണക്കിനാളുകൾക്ക് സമാനമായ രോഗലക്ഷണങ്ങൾ അനുഭവപ്പെട്ടു. പണിയും, ഛർദ്ദിയും, വയറിളക്കവുമാണ് എല്ലാവരുടെയും സമാനമായ രോഗലക്ഷണങ്ങൾ.

പരാതിയെ തുടർന്ന് ഹൊറൈസൺ ടവറിലേക്കുള്ള ജലവിതരണം അജ്‌മാൻ മുനിസിപ്പാലിറ്റി നിർത്തി വെച്ചു. ടവറുകളിലെ ജലവിതരണ ടാങ്കുകൾ വൃത്തിയാക്കുകയും ജലവിതരണത്തിനുള്ള മാനദണ്ഡങ്ങൾ പാലിക്കുകയും ചെയ്യുമെന്ന് ഉറപ്പായാൽ മാത്രമേ ജലവിതരണം പുനഃസ്ഥാപിക്കൂ എന്നും അജ്‌മാൻ മുനിസിപ്പാലിറ്റി വ്യക്തമാക്കി.

Continue Reading
INDIA1 week ago

കമ്പനി തുടങ്ങാൻ…. അഡ്വ. ഷിയാസ് കുഞ്ഞിബാവയോട് ചോദിക്കാം….

KERALA2 months ago

സൗദിയിലെ വായ്‌പ കേരളത്തിൽ ഭീഷണിപ്പെടുത്തി വാങ്ങാൻ ശ്രമിക്കരുത്: കേരള ഹൈക്കോടതി.

KERALA3 months ago

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

KERALA3 months ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST3 months ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST3 months ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST3 months ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA3 months ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA3 months ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH3 months ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA3 months ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME3 months ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME3 months ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA3 months ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH3 months ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

Trending

error: Content is protected !!