Connect with us

INDIA

കമ്പനി തുടങ്ങാൻ…. അഡ്വ. ഷിയാസ് കുഞ്ഞിബാവയോട് ചോദിക്കാം….

Published

on

പത്ത് വർഷം പ്രവാസിയായിരുന്നു. ലാഭസാധ്യതയുള്ള പ്രോജക്റ്റ് മനസ്സിലുണ്ട്. നാട്ടിൽ ഒരു വർഷത്തിനുള്ളിൽ സുഹൃത്തുക്കളുമായി തുടങ്ങാനാണ് തീരുമാനം. ഒരു സംരംഭം തുടങ്ങുമ്പോൾ എന്തൊക്കെയാണ് ശ്രദ്ധിക്കേണ്ടത് ? പാർട്ണർഷിപ്പ് അടിസ്ഥാനത്തിലായാണോ കമ്പനിയായാണോ തുടങ്ങുന്നത് നല്ലത് ?

സ്വന്തം ഉടമസ്ഥതയിൽ സോൾ പ്രൊപ്രൈറ്റർഷിപ്പ് ആയും പാർട്ണർഷിപ് ആയും രജിസ്‌ട്രേഡ് കമ്പനി ആയും സംരംഭങ്ങൾ തുടങ്ങാവുന്നതാണ്. റിസ്ക് കൂടുതൽ ഉള്ള വലിയ സംരംഭങ്ങൾ തുടങ്ങുമ്പോൾ കമ്പനിയായി രജിസ്റ്റർ ചെയ്ത് തുടങ്ങുന്നത് തന്നെയാണ് ഏറ്റവും നല്ലത്. അത് മൂലം വ്യക്തിപരമായി ഉണ്ടാകാവുന്ന നഷ്ട സാധ്യതകൾ ഒഴിവാക്കാൻ സാധിക്കും. ഉടമസ്ഥരുടെ നിയന്ത്രണത്തിന്റെയും ബാധ്യതകളുടെയും അടിസ്ഥാനത്തിലും കമ്പനികൾ ഇൻകോർപറേറ്റ് ചെയ്യുന്നതിന്റെ അടിസ്ഥാനത്തിലും, ഷെയറുകൾ ട്രാൻസ്ഫർ ചെയ്യുന്നതിന്റെ അടിസ്ഥാനത്തിലുമാണ് വിവിധ തരം കമ്പനികളെ തരം തിരിച്ചിട്ടുള്ളത്.

ഷെയറുകളുടെ അടിസ്ഥാനത്തിൽ പ്രൈവറ്റ് കമ്പനി, പബ്ലിക് കമ്പനി, ലിമിറ്റഡ് ലയബിലിറ്റി പാർട്ണർഷിപ്, വൺ പേഴ്സൺ കമ്പനി, സെക്ഷൻ എട്ട് കമ്പനി എന്നിങ്ങനെയാണ് കമ്പനികൾ തുടങ്ങാൻ സാധിക്കുക. മറ്റു ചില വിഭാഗം കമ്പനികൾ കൂടെ ഉണ്ട്. പക്ഷെ അത് നിങ്ങളെ സംബന്ധിച്ചിടത്തോളം ബാധകവും പ്രസക്തവുമല്ല.

ഇതിൽ നിങ്ങളെ സംബന്ധിച്ചിടത്തോളം കൂട്ടായി സംരംഭം തുടങ്ങാൻ തീരുമാനിച്ചത് കൊണ്ട് ഏറ്റവും ഉചിതമായ മാർഗ്ഗം പ്രൈവറ്റ് ലിമിറ്റഡ് കമ്പനിയായി തുടങ്ങുകയാണ്. കമ്പനി നിയമ പ്രകാരം ചുരുങ്ങിയത് രണ്ട് മെമ്പർമാർ ഉണ്ടായാൽ മതി. ഇരുന്നൂറ് അംഗങ്ങൾ വരെ ആകാം. ചുരുങ്ങിയത് രണ്ടു ഡയറക്ടർമാർ ഉണ്ടാകണം. ഏറ്റവും ചുരുങ്ങിയത് ഒരു ലക്ഷം രൂപ പെയ്ഡ് അപ് കാപിറ്റൽ ഉണ്ടായിരിക്കണം.

പ്രൈവറ്റ് കമ്പനി ആയി രജിസ്റ്റർ ചെയ്ത് സംരംഭം തുടങ്ങുമ്പോഴുള്ള ഏറ്റവും വലിയ ആനുകൂല്യം കമ്പനിയിലെ ഷെയർ ഹോൾഡർമാരുടെ സ്വത്തുക്കളെ കമ്പനിയുടെ നഷ്ടം ബാധിക്കില്ല എന്നതാണ്. കമ്പനിക്ക് എന്തെല്ലാം

Adv. Shiyas Kunjhibava
Advocate, Supreme Court of India

നഷ്ടം ഉണ്ടായാലും അവരുടെ ബാധ്യത അവരുടെ ഷെയറുകളെ മാത്രം അടിസ്ഥാനമാക്കിയായിരിക്കും.

നിർദ്ദിഷ്ട കമ്പനിയുടെ പേര് തിരഞ്ഞെടുക്കുക, പേരിന് അംഗീകാരം നേടുക, ഡിജിറ്റൽ സിഗ്നേച്ചർ സർട്ടിഫിക്കറ്റ്, ഡയറക്ടർ ഐഡന്റിഫിക്കേഷൻ നമ്പർ എന്നിവ കരസ്ഥമാക്കുക, ആർട്ടിക്കിൾസ് ഓഫ് അസോസിയേഷൻ, മെമ്മോറാണ്ടം ഓഫ് അസോസിയേഷൻ എന്നിവ തയ്യാറാക്കുക എന്നിവയാണ് കമ്പനി രജിസ്ട്രേഷനിലെ പ്രധാനപ്പെട്ട ഘട്ടങ്ങൾ.

Advertisement

CRIME

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

Published

on

ബോളിവുഡ് താരം അമിതാഭ് ബച്ചന്‍റെ ട്വിറ്റർ അക്കൗണ്ട് പാക്കിസ്ഥാൻ ഹാക്കർമാർ ഹാക്ക് ചെയ്തു. തിങ്കളാഴ്ച രാത്രിയാണ് സംഭവം. ഹാക്ക് ചെയ്ത ശേഷം ബച്ചന്‍റെ പ്രൊഫൈൽ ചിത്രം മാറ്റി പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍റെ ചിത്രം പ്രൊഫൈൽ ചിത്രമാക്കി മാറ്റി. ഐൽദിസ് തീം എന്ന പേരും അവരുടെ ചിഹ്നവും ഇവർ കവർ ചിത്രമാക്കി മാറ്റിയിരുന്നു.

തുര്‍ക്കിയില്‍ നിന്നുള്ള ‘അയ്യില്‍ദിസ് ടിം, ടർക്കിഷ് സൈബർ ആർമി’ എന്ന പാക്കിസ്ഥാന്‍ അനുകൂല ഹാക്കര്‍മാരാണ് ഇതിന് പിന്നിൽ എന്നാണ് സൂചന. ‘ലവ് പാക്കിസ്ഥാൻ’ എന്ന് ഹാക്കർമാർ ബച്ചന്റെ ട്വിറ്റർ അക്കൗണ്ടിൽ നിന്നും ട്വീറ്റ് ചെയ്തിട്ടുണ്ട്.

ബച്ചന്റെ അക്കൗണ്ടിൽ നിന്നും ട്വീറ്റുകൾ നടത്തിയ ഹാക്കര്‍മാര്‍ റമദാൻ മാസത്തില്‍ ഇന്ത്യയിൽ മുസ്‌ലിം സമുദായത്തില്‍പ്പെട്ടവർ ദയയില്ലാതെ ആക്രമിക്കപ്പെട്ടു എന്നും ട്വീറ്റ് ചെയ്തിട്ടുണ്ട്.

മുഴുവൻ ലോകത്തിനുമുള്ള ഒരു പ്രധാനപ്പെട്ട ഒരു സന്ദേശം ഉണ്ടെന്നും ഐസ്‍ലാന്‍ഡ് റിപ്പബ്ലിക്കിന്റെ തുര്‍ക്കിഷ് ഫുട്‌ബോള്‍ കളിക്കാര്‍ക്കെതിരെയുള്ള മോശം പെരുമാറ്റത്തിനെതിരെയുള്ള പ്രതിഷേധമാണിതെന്നും വളരെ മൃദുവായിട്ടാണ് തങ്ങളുടെ സംസാരം എങ്കിലും വലിയ സൈബര്‍ ആക്രമണത്തിന്റെ തുടക്കമാണിതെന്നും മറ്റൊരു ട്വീറ്റിൽ ഇവർ വ്യക്തമാക്കുന്നു.

ഹാക്ക് ചെയ്യപ്പെട്ടന്ന് മനസ്സിലാക്കിയതോടെ പെട്ടെന്ന് തന്നെ ബച്ചന്റെ ട്വിറ്റർ അക്കൗണ്ട് നീക്കം ചെയ്‌തെങ്കിലും അക്കൗണ്ട് ഇപ്പോള്‍ വീണ്ടെടുത്തിട്ടുണ്ട്. കൃത്യത്തിന്റെ അന്വേഷണം മഹാരാഷ്ട്ര പൊലീസ് സൈബര്‍ യൂണിറ്റ് ഏറ്റെടുത്തു.

Continue Reading

CRIME

ജീവപര്യന്തം ശിക്ഷയെന്നാൽ ജീവിതാവസാനം വരെ.

Published

on

ഏറെ വിവാദമായ കത്വ കൂട്ട ബലാൽസംഗ കേസിലെ വിധി ഇന്ന് പുറത്ത് വന്നിരിക്കുകയാണ്. കുട്ടിയെ ബലാൽസംഗം ചെയ്യാൻ ആസൂത്രണം നടത്തിയ മൂന്ന് പേർക്ക് ജീവപര്യന്തം തടവ് ശിക്ഷ വിധിച്ചിരിക്കുകയാണ് പഠാൻകോട്ട് അതിവേഗ കോടതി.

ശിക്ഷാവിധിയുടെ പശ്ചാത്തലത്തിൽ ജീവപര്യന്തം ശിക്ഷ ഏറെ കുറഞ്ഞു പോയി എന്ന വികാരമാണ് പൊതുവെ ഉയരുന്നത്. പൊതുജനം പ്രതീക്ഷിച്ചിരുന്നത് പ്രതികൾക്ക് വധശിക്ഷയാണ്. പക്ഷെ ജീവപര്യന്തം ജയിൽ ശിക്ഷ എന്നത് വളരെ കഠിനമായ ശിക്ഷ തന്നെയാണ്.

ജീവപര്യന്തം ശിക്ഷ ലഭിച്ചവർക്ക് പതിനാല് വർഷം കഴിഞ്ഞാൽ ജയിൽ മോചിതനായി പുറത്തിറങ്ങാൻ സാധിക്കും എന്നാണ് പലരുടെയും ധാരണ.

ഈ കേസിൽ മരണം വരെ തടവ് ശിക്ഷ എന്ന് കോടതി വ്യക്തമായി നിർവചിച്ചിട്ടുണ്ട്. ഇല്ലെങ്കിൽ തന്നെയും ജീവപര്യന്തം തടവ് ശിക്ഷയെന്നാൽ പതിനാല് വർഷം കഴിഞ്ഞാൽ പുറത്തിറങ്ങാൻ സാധിക്കുന്ന ശിക്ഷയല്ല. സാധാരക്കാരിൽ പലർക്കും അത്തരമൊരു അബദ്ധ ധാരണ ഉണ്ടെന്ന് നിയമ വിദഗ്ദർ ചൂണ്ടിക്കാട്ടുന്നു.

നിയമത്തിന്റെ ഭാഷയിൽ ജീവപര്യന്തം തടവ് എന്നാൽ ജീവിതകാലം മുഴുവനുമുള്ള ജയിൽശിക്ഷ എന്നാണ് നിർവചനം. പതിനാല് കൊല്ലം കഴിഞ്ഞാൽ ജയിൽ ശിക്ഷ കഴിഞ്ഞ് പുറത്തിറങ്ങാൻ സാധിക്കുമെന്ന് നിയമത്തിൽ എവിടെയും പറയുന്നില്ല. ജീവപര്യന്തം തടവ് ശിക്ഷ ലഭിച്ചവർ ആജീവനാന്തം തടവ് ശിക്ഷ അനുഭവിക്കണം.

സാധാരണക്കാർക്ക് ഇത്തരത്തിൽ ഒരു അബദ്ധ ധാരണ ഉണ്ടാവാൻ വ്യക്തമായ കാരണവുമുണ്ട്. അതായത് ചില കേസുകളിൽ പ്രതികൾ പതിനാല് വര്ഷം കഴിയുമ്പോൾ പുറത്തിറങ്ങുന്നു. ഇങ്ങിനെ സംഭവിക്കുന്നത് മറ്റൊരു സാഹചര്യത്തിലാണ്.

രാഷ്ട്രീയ സ്വാധീനമുള്ള പലരും പതിനാല് കൊല്ലം കഴിയുമ്പോൾ പുറത്തിറങ്ങുന്നത് കൊണ്ടാണ് ഈ തെറ്റിദ്ധാരണ. ക്രിമിനൽ നടപടി നിയമ വകുപ്പ് പ്രകാരം സംസ്ഥാന ഗവർണ്ണർമാർക്ക് ജയിൽ പുള്ളികളുടെ ശിക്ഷ അവരുടെ അധികാരം ഉപയോഗിച്ച് നിബന്ധനകൾക്ക് വിധേയമായി ഇളവ് ചെയ്യാൻ സാധിക്കും. പലപ്പോഴും ഈ അധികാരം ദുർവിനിയോഗം ചെയ്യപ്പെടാറുണ്ട്. പക്ഷെ അതിന് പതിനാല് കൊല്ലം ജയിൽശിക്ഷ പൂർത്തിയാക്കണം. ഈ പതിനാല് കൊല്ലമാണ് സാധാരണക്കാർ തെറ്റിദ്ധരിച്ചു വെച്ചിരിക്കുന്ന പതിനാല് വർഷം.

ജീവപര്യന്തം ജയിൽശിക്ഷയെന്നാൽ ജീവിത അവസാനം വരെയുള്ള ജയിൽ ശിക്ഷയാണെന്ന് സുപ്രീം കോടതി വ്യക്തമായി തന്നെ നിർവചിച്ചിട്ടുള്ളതാണ്. അതിനാൽ ജീവപര്യന്തം ശിക്ഷയെന്നാൽ പതിനാല് വർഷം ജയിൽ വാസമാണെന്ന് നിയമ വിദഗ്ദർ ആവർത്തിച്ച് വ്യക്തമാക്കുന്നു.

Continue Reading

INDIA

പ്രവാസികളുടെ ഉയർന്ന വിമാന നിരക്ക്: വി മുരളീധരൻ വ്യോമയാന മന്ത്രിയെ കണ്ടു.

Published

on

ഡൽഹി: അവധിക്കാലത്തേയും അതോടൊപ്പം തന്നെ ഉത്സവ കാലഘട്ടത്തിലേയും വിമാനയാത്ര നിരക്കിലെ വർദ്ധനവ് സംബന്ധിച്ച് കേന്ദ്ര വിദേശകാര്യ സഹമന്ത്രി സി മുരളീധരൻ കേന്ദ്ര വ്യോമയാന മന്ത്രി ഹർദീപ് സിങ് പുരിയുമായി ചർച്ച നടത്തി.

ഈ വിഷയത്തിന് പരിഹാരം ഉണ്ടാക്കാനാവശ്യമായ അടിയന്തിര നടപടികൾ സ്വീകരിക്കണമെന്ന് കേന്ദ്രമന്ത്രിയോട് പ്രത്യേകമായി അഭ്യർത്ഥിച്ചുവെന്ന് മുരളീധരൻ പറഞ്ഞു.

ഈ പ്രശ്നത്തിന്റെ ഗൗരവം തന്റെ ശ്രദ്ധയിൽപ്പെട്ടിട്ടുണ്ടെന്നും ബന്ധപ്പെട്ട ഉദ്യോഗസ്ഥൻമാരുമായി വിശദമായ ചർച്ചകൾ നടത്തിയ ശേഷം തുടർനടപടികൾ തീരുമാനിക്കാമെന്നും ഹർദീപ് സിംഗ് വ്യക്തമാക്കിയതായി മുരളീധരൻ അറിയിച്ചു.

പ്രവാസികളായ ഇന്ത്യക്കാരെ, പ്രത്യേകിച്ച് മലയാളികളെ സംബന്ധിച്ചിടത്തോളം എക്കാലത്തേയും നീറുന്ന പ്രശ്നമാണ് അവധിക്കാലത്തേയും ഉത്സവ കാലഘട്ടത്തിലേയും വിമാനയാത്ര നിരക്കിലെ വർദ്ധനവ് എന്ന് മുരളീധരൻ പറഞ്ഞു. വർഷം മുഴുവൻ അദ്ധ്വാനിച്ച് നേടിയെടുക്കുന്ന സമ്പാദ്യം മുഴുവൻ വിമാന യാത്രക്കൂലിയായി നൽകേണ്ടി വരുന്ന ഗതികേടിലാണ് പ്രവാസികളായിട്ടുള്ള പലരുമെന്ന് അദ്ദേഹം സമൂഹ മാധ്യമ കുറിപ്പിൽ വ്യക്തമാക്കി.

Continue Reading
INDIA1 month ago

കമ്പനി തുടങ്ങാൻ…. അഡ്വ. ഷിയാസ് കുഞ്ഞിബാവയോട് ചോദിക്കാം….

KERALA3 months ago

സൗദിയിലെ വായ്‌പ കേരളത്തിൽ ഭീഷണിപ്പെടുത്തി വാങ്ങാൻ ശ്രമിക്കരുത്: കേരള ഹൈക്കോടതി.

KERALA4 months ago

തൃശ്ശൂര്‍ ജില്ലാ കളക്ടർ ടി വി അനുപമ സ്ഥാനമൊഴിയും.

KERALA4 months ago

ബാങ്കിൽ നിന്നും പണം കിട്ടാൻ തിടുക്കം കാട്ടിയത് സ്വാഭാവികം. അതിന് കാരണമുണ്ടെന്ന് ഫിറോസ് കുന്നംപറമ്പിൽ.

LATEST4 months ago

സൗദിക്കകത്തുള്ളവർ ഹജ്ജിനും ഉംറക്കും ഇനി ലഗേജുകൾ താങ്ങി കഷ്ടപ്പെടേണ്ട.

LATEST4 months ago

ഈ വാർത്ത വ്യാജമാണ്. സൗദിയിൽ ഇങ്ങിനെ സംഭവിച്ചിട്ടില്ല.

LATEST4 months ago

സൗദിയിൽ സംഗീതം പഠിപ്പിക്കാൻ ഇനി മ്യൂസിക് അക്കാദമിയും.

KERALA4 months ago

പണം പിൻവലിക്കാൻ ബാങ്ക് അനുവദിച്ചു. പ്രശ്നങ്ങൾ തീർന്നതായി ഫിറോസ്.

KERALA4 months ago

അമ്മയുടെ രണ്ടാം വിവാഹം: മകന്റെ ഹൃദയഹാരിയായ കുറിപ്പ്.

HEALTH4 months ago

കൊടും ചൂടിൽ കേരള എക്സ്പ്രസ്സിൽ യാത്ര ചെയ്തിരുന്ന നാല് പേർ മരിച്ചു.

KERALA4 months ago

പ്രവാസികളുടെ ചോര നീരാക്കിയ പണം കൊണ്ട് ചാരിറ്റി കച്ചവടമെന്ന് അഭിഭാഷകന്റെ കുറിപ്പ്.

CRIME4 months ago

കലക്ടറുടെ കുടുംബത്തോട് കൈക്കൂലി ആവശ്യപ്പെട്ട ഉദ്യോഗസ്ഥന്മാർ കുടുങ്ങി.

CRIME4 months ago

അമിതാഭ് ബച്ചന്‍റെ ട്വിറ്റർ അക്കൗണ്ട് ഹാക്ക് ചെയ്ത് പാക്കിസ്ഥാൻ ഹാക്കർമാർ.

KERALA4 months ago

കൊച്ചിയിൽ ഭൂമി വിൽപ്പന നടന്നത് ഒരു സെന്റിന് രണ്ടു കോടി രൂപക്ക്.

HEALTH4 months ago

ചികിത്സാ അക്കൗണ്ടിലേക്ക് വന്ന പണം ബാങ്ക് തരുന്നില്ലെന്ന് ഫിറോസ് കുന്നംപറമ്പിൽ.

Trending

error: Content is protected !!