Connect with us

KERALA

പൊലീസിന് തിരിച്ചടി: മാവോയിസ്റ്റ് ഏറ്റുമുട്ടൽ മരണങ്ങൾ അന്വേഷിക്കണമെന്ന് ഹൈക്കോടതി.

Published

on

 

രണ്ടാഴ്ച മുൻപ് അഗളി വനത്തിൽ പോലീസും മാവോയിസ്റ്റുകളും തമ്മിൽ നടന്ന ഏറ്റുമുട്ടൽ മരണങ്ങൾ അന്വേഷിക്കണമെന്ന് കേരള ഹൈക്കോടതി. ഏറ്റുമുട്ടലിൽ കൊല്ലപ്പെട്ട കണ്ണൻ, മണിവാസകം എന്നിവരുടെ ബന്ധുക്കൾ നൽകിയ ഹർജിയിലാണ് ജസ്റ്റിസ് ആർ നാരായണ പിഷാരടിയുടെ ഉത്തരവ്.

ഏറ്റുമുട്ടലിൽ പങ്കെടുത്ത പോലീസുകാരുടെ ഭാഗത്ത് നിന്നും ഏതെങ്കിലും തരത്തിലുള്ള പാകപ്പിഴകൾ ഉണ്ടായിട്ടുണ്ടോ എന്നുറപ്പ് വരുത്താൻ അന്വേഷണം ആവശ്യമാണെന്ന് കോടതി നിരീക്ഷിച്ചു. ഏറ്റുമുട്ടലിൽ പങ്കെടുത്ത പോലീസുകാർ ഉപയോഗിച്ച ആയുധങ്ങൾ പിടിച്ചെടുക്കുകയും അവ ഫോറൻസിക് പരിശോധനക്കും ബാലിസ്റ്റിക് പരിശോധനക്കും അയക്കണമെന്നും കോടതി ഉത്തരവിട്ടു.

കൊല്ലപ്പെട്ടവരുടെ വിരലടയാളങ്ങൾ ഇതുവരെ എടുത്തിട്ടില്ലെങ്കിൽ അവ ശാസ്ത്രീയമായ രീതിയിൽ ശേഖരിച്ച് സൂക്ഷിക്കണം. ഈ കാര്യങ്ങൾ നടപ്പിലാക്കിയത് സംബന്ധിച്ചുള്ള റിപ്പോർട്ട് പാലക്കാട് സെഷൻസ് കോടതിയിൽ സമർപ്പിക്കണമെന്നും കോടതി ആവശ്യപ്പെട്ടു. പോലീസ് അന്വേഷണത്തിൽ തൃപ്തരല്ലെങ്കിൽ ഹർജിക്കാർക്ക് സെഷൻസ് കോടതിയെ സമീപിക്കാവുന്നതാണ്.

കൊല്ലപ്പെട്ട കണ്ണന്റെയും മണിവാസകത്തിന്റെയും സഹോദരനാണ് പാലക്കാട് സെഷൻസ് കോടതി ഉത്തരവിനെതിരെ ഹൈക്കോടതിയെ സമീപിച്ചത്. പി യു സി എൽ കേസിലെ സുപ്രീം കോടതി ഉത്തരവ് പ്രകാരം ഏറ്റുമുട്ടൽ കൊലപാതകങ്ങളിൽ പാലിക്കേണ്ട നിബന്ധനകൾ പോലീസ് പാലിച്ചിരുന്നില്ല എന്നാരോപിച്ചായിരുന്നു കോടതിയെ സമീപിച്ചത്. എന്നാൽ പോലീസിന്റെ ഭാഗത്ത് വീഴ്ച സംഭവിച്ചിട്ടില്ലെന്നായിരുന്നു സെഷൻസ് കോടതിയുടെ കണ്ടെത്തൽ.

പാലക്കാട് സെഷൻസ് കോടതിയുടെ ഈ ഉത്തരവിനെ ചോദ്യത്തെ ചെയ്തായിരുന്നു ഹർജിക്കാർ ഹൈക്കോടതിയെ സമീപിച്ചത്.

KERALA

പോലീസിനും നാട്ടുകാർക്കും ആരോഗ്യ പ്രവർത്തകർക്കും ആശങ്കയുടെ മണിക്കൂറുകൾ.

Published

on

ദുബായിൽ നിന്നും തിരിച്ചെത്തി ക്വാറന്റൈനിൽ ഇരിക്കാതെ കറങ്ങി നടന്ന യുവാവ് നാട്ടുകാർക്കും പോലീസിനും ആരോഗ്യ പ്രവർത്തകർക്കും തലവേദന സൃഷ്ടിച്ചു. പത്തനംതിട്ട ജില്ലാ ആശുപത്രിയിൽ നിരീക്ഷണത്തിൽ കഴിയുന്ന സമയത്ത് അവിടെ നിന്നും മുങ്ങിയ മാനസിക അസ്വാസ്ഥ്യമുള്ള യുവാവാണ് തല വേദന സുഷ്ടിച്ചത്. 

അഞ്ചു ദിവസം മുൻപാണ് യുവാവ് ദുബായിൽ നിന്നും തിരികെ എത്തിയത്. വീട്ടിൽ നിരീക്ഷണത്തിൽ കഴിയുന്നതിനിടെ പുറത്ത് കറങ്ങിയതോടെയാണ് യുവാവിനെ ആരോഗ്യ പ്രവർത്തകർ ബുധനാഴ്ച്ച രാത്രിയോടെയാണ് വീട്ടിൽ നിന്നും ജില്ലാ ആശുപത്രിയിലേക്ക് മാറ്റിയത്. 

എന്നാൽ അവിടെ നിന്നും അധികൃതർ അറിയാതെ യുവാവ് കടന്ന് കളയുകയായിരുന്നു. ഓട്ടോറിക്ഷയിൽ തിരുവല്ലയിലെ നിരണത്ത് സ്വന്തം വീട്ടിൽ തിരിച്ചെത്തി. എന്നാൽ യുവാവ് വീട്ടിലേക്ക് കയറാതെ റോഡിൽ കറങ്ങി നടന്നത് നാട്ടുകാരിൽ ആശങ്ക ഉണ്ടാക്കിയതോടെ നാട്ടുകാർ യുവാവിനെ നിർബന്ധിച്ച് വീടിനകത്തേക്ക് കയറ്റി.

ഇതിനിടെ യുവാവ് മുങ്ങിയ വിവരം ജില്ലാ ആശുപത്രി അധികൃതർ റിപ്പോർട്ട് ചെയ്തത് പ്രകാരം പോലീസും ആരോഗ്യ പ്രവർത്തകരും സ്ഥലത്തെത്തി. വീട്ടിൽ കതകടച്ച് അകത്തിരുന്ന യുവാവിനെ പല തവണ വിളിച്ചിട്ടും വാതിൽ തുറക്കാൻ യുവാവ് തയ്യാറായില്ല. തന്റെ ഭാര്യയും മകളും വന്നാൽ മാത്രമേ താൻ പുറത്തേക്ക് വരൂ എന്നായിരുന്നു യുവാവിന്റെ നിലപാട്.

യുവാവ് തിരികെ എത്തിയ വിവരം അറിഞ്ഞയുടൻ ഭാര്യയും മകളും തൊട്ടടുത്തുള്ള ബന്ധു വീട്ടിലേക്ക് മാറിയിരുന്നു. തുടർന്ന് ഭാര്യയേയും മകളെയും വീട്ടിലെത്തിച്ചു. എന്നാൽ ജില്ലാ ആശുപത്രിയിലേക്ക് തിരികെ പോകാനായി തന്റെ കൂടെ ഭാര്യയും മകളും കൂടെ വരണമെന്ന് യുവാവ് നിർബന്ധം പിടിച്ചു. 

എന്നാൽ ആദ്യം ഭാര്യ അതിന് തയാറായില്ല. പോലീസ് പ്രത്യേക ആംബുലൻസ് തയ്യാറാക്കിയതോടെ ഭാര്യ സമ്മതം മൂളിയെങ്കിലും ഭാര്യയും കുഞ്ഞും തന്റെ ഒപ്പം തന്നെ വരണമെന്ന് യുവാവ് വീണ്ടും നിർബന്ധം പിടിച്ചു. ഒടുവിൽ ഭാര്യ അതിന് തയ്യാറായതോടെയാണ് യുവാവ് പോലീസിനും ആരോഗ്യ പ്രവർത്തകർക്കും ഒപ്പം ആശുപത്രിയിലേക്ക് പോകാൻ തയാറായത്. 

Continue Reading

KERALA

എടപ്പാൾ സംഭവത്തിൽ പറഞ്ഞതിൽ ഉറച്ച് പ്രവാസിയും നിഷേധിച്ച് വീട്ടുകാരും.

Published

on

താൻ വരുന്ന വിവരം അറിയിച്ചില്ല എന്ന് പറയുന്നത് വാസ്തവ വിരുദ്ധമാണെന്ന് കഴിഞ്ഞ ദിവസം വിദേശത്ത് നിന്നും തിരിച്ചെത്തിയപ്പോൾ എടപ്പാളിൽ കുടുംബ വീട്ടിൽ കയറ്റാതിരുന്നതിനെ തുടർന്ന് സർക്കാർ നിരീക്ഷണ കേന്ദ്രത്തിലാക്കിയ പ്രവാസി. വരുന്നതിന് രണ്ടു ദിവസം മുൻപ് കാർഗോ വഴി അയച്ച സാധനങ്ങൾ സഹോദരങ്ങൾ കൈപ്പറ്റിയിട്ടുണ്ട്.

തനിക്ക് ഇപ്പോൾ 60 വയസ്സായി. കഴിഞ്ഞ 13 വർഷമായി താൻ വിദേശത്ത് ഡ്രൈവറായി ജോലി ചെയ്തു വരികയാണ്. ഇപ്പോഴത്തെ പ്രതിസന്ധി മൂലം ജോലി നഷ്ടപ്പെട്ടു. അത് കൊണ്ടാണ് നാട്ടിലേക്ക് പോന്നത്. അല്ലങ്കിൽ ഈ സാഹചര്യത്തിൽ നാട്ടിലേക്ക് തിരിച്ചു വരില്ലായിരുന്നു.

തനിക്ക് 8 സഹോദരങ്ങളും 2 സഹോദരിമാരും ഉണ്ട്. വീട്ടിലേക്ക് വരുന്ന വിവരം ഒരു സഹോദരനെ അറിയിച്ചിരുന്നു. പഞ്ചായത്ത് അംഗത്തോട് വിവരം അറിയിക്കാനും സഹോദരനോട് നിർദേശിച്ചു. പുലർച്ചെ 4ന് ആണ് വീടിനു മുന്നിലെത്തിയത്. തുടർന്നാണ് വേദന ഉണ്ടാക്കുന്ന സംഭവ വികാസങ്ങൾ ഉണ്ടായതെന്ന് പ്രവാസി പറയുന്നു.

ഇവിടെ അടുത്തടുത്താണ് സഹോദരങ്ങൾ താമസിക്കുന്നത്. വിദേശത്തുള്ള ഒരു സഹോദരന്റെ വീട് താമസമില്ലാതെ ഒഴിഞ്ഞു കിടക്കുന്നുണ്ട്. ഇവിടെ അടുത്തടുത്താണ് സഹോദരങ്ങൾ താമസിക്കുന്നത്. വിദേശത്തുള്ള ഒരു സഹോദരന്റെ വീട് താമസമില്ലാതെ ഒഴിഞ്ഞു കിടക്കുന്നുണ്ട്. കുടുംബ വീട്ടിലേക്ക് പ്രവേശിപ്പിക്കാതായപ്പോൾ അവിടെ താമസിക്കാൻ ശ്രമിച്ചു. എന്നാൽ എവിടേക്കും പ്രവേശിപ്പിച്ചില്ല. കുടിക്കാൻ വെള്ളം ആവശ്യപ്പെട്ടു എങ്കിലും തന്നില്ല.

തൃശൂർ ജില്ലയിൽ ഭാര്യ വീട് ഉണ്ടെങ്കിലും ഭാര്യയ്ക്കു ശ്വാസസംബന്ധമായ അസുഖങ്ങളുമുണ്ട്. മാത്രമല്ല അവിടെ ഭാര്യയുടെ പ്രായമായ മാതാപിതാക്കളുണ്ട്. അത് കൊണ്ടാണ് അവിടേക്ക് പോകാതിരുന്നതെന്നും ഇദ്ദേഹം പറയുന്നു.

വിദേശത്ത് നിന്നും കഴിഞ്ഞ ദിവസം നാട്ടിലെത്തിയപ്പോൾ വീട്ടുകാർ കുടുംബ വീട്ടിലേക്ക് കയറ്റിയില്ലെന്ന വാർത്ത കഴിഞ്ഞ ദിവസം കേരളത്തിലും പ്രവാസി സമൂഹത്തിലും ഞെട്ടലുണ്ടാക്കിയിരുന്നു. ഒടുവിൽ ആരോഗ്യ വകുപ്പ് ഇടപെട്ടാണ് ഇയാളെ നടുവട്ടത്തെ ക്വാറന്റീൻ കേന്ദ്രത്തിലാക്കിയത്. ഈ വാർത്ത സമൂഹ മാധ്യമങ്ങളും ഏറ്റെടുത്തതോടെ മുഖ്യമന്ത്രിയുടെ ഓഫിസ് ഇടപെടുകയും റിപ്പോർട്ട് നൽകാൻ ബന്ധപ്പെട്ടവരോടു നിർദേശിക്കുകയും ചെയ്തിരുന്നു.

എന്നാൽ ഇദ്ദേഹം പറഞ്ഞത് നിഷേധിക്കുന്ന തരത്തിലുള്ള വാർത്തകളും പുറത്ത് വന്നിട്ടുണ്ട്. എടപ്പാൾ പഞ്ചായത്തിൽ കഴിഞ്ഞ ദിവസം നടന്നത് കുടുംബ പ്രശ്നമാണെന്ന് എടപ്പാൾ ഗ്രാമ പഞ്ചായത്ത് പ്രസിഡന്റ് പി.പി ബിജോയിയെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ട് ചെയ്തു.

തറവാട് ഭാഗം വെക്കൽ സംബന്ധിച്ച് പ്രവാസിയും സഹോദരങ്ങളും തമ്മിൽ പ്രശ്നങ്ങൾ നിലനിൽക്കുന്നുണ്ട്. പാലക്കാട് ജില്ലയിൽ കുമാരപുരത്താണ് ഈ പ്രവാസിയുടെ ഭാര്യ വീട്. സാധാരണ വരുമ്പോൾ അവിടേക്കാണ് പോകാറുള്ളത്. ഇത്തവണ എടപ്പാളിലേക്ക് വന്നതാണ് പ്രശനം ഉണ്ടാക്കിയത്. ഇയാൾ വരുന്ന വിവരം മുൻകൂട്ടി അറിയിച്ചിരുന്നു എന്ന വിവരവും വീട്ടുകാർ നിഷേധിക്കുന്നുണ്ട്.

തറവാട് വീട് ഉണ്ടായിരുന്ന സ്ഥലത്ത് ഇപ്പോൾ ഒരു മുറിയും ബാത്റൂമും മാത്രമാണ് ഉള്ളത്. അവിടെ അവിവാഹിതനായ ഒരു സഹോദരൻ താമസിക്കുന്നു. ഇത്തവണയും പ്രവാസി ഭാര്യ വീട്ടിലേക്ക് തന്നെ പോകുമെന്നാണ് എല്ലാവരും ധരിച്ചിരുന്നത്. എന്നാൽ അപ്രതീക്ഷിതമായി എടപ്പാളിലേക്ക് വന്നത് കൊണ്ടാണ് തർക്കം ഉണ്ടായത്. കുടിക്കാൻ വെള്ളവും മറ്റും കൊടുത്തില്ലെന്ന വാർത്തകളും വാസ്തവ വിരുദ്ധമാണെന്നും ബിജോയ് പറയുന്നു.

Continue Reading

KERALA

ജീവിതത്തിൽ പതറാതെ മുന്നോട്ട്

Published

on

എറണാകുളം പനമ്പിള്ളി നഗറിലെ ഈ മൽസ്യ കച്ചവടക്കാരന്റെ രൂപം കണ്ട് ചിലരെങ്കിലും അമ്പരക്കും. ചിലർ വില പേശാതെ മൽസ്യം വാങ്ങും.

പക്ഷെ സോണിക് ശാന്തനാണ്. ഇപ്പോൾ ആശങ്കകൾ ഒന്നുമില്ല. സാഹചര്യങ്ങൾ മൂലം ജീവിതത്തിൽ ഈ വേഷം കെട്ടേണ്ടി വന്നതാണ് ഇയാൾക്ക്.

പൊന്നുരുന്നിയിലെ കൾട്ട് ഫിറ്റ്നസ് എന്ന സ്ഥാപനത്തിന്റെ പാർട്ണർ ആയിരുന്നു സോണിക്ക്. കൂടാതെ ജിം ട്രൈനെർ ആയും അവിടെയുണ്ടാവും. 2002 ലെ മിസ്റ്റർ കേരള ചാമ്പ്യനും ഓൾ കേരള ബെസ്റ്റ് പോസ്റ്റിങ് അവാർഡ് വിന്നറും കൂടിയായിരുന്നു.

അങ്ങിനെ ജീവിതം അല്ലലില്ലാതെ മുന്നോട്ട് പോകുമ്പോഴാണ് മഹാമാരി എത്തുന്നത്. സമ്പർക്ക സാധ്യത കൂടുതൽ ഉള്ളത് മൂലം ലോക്ഡൗണിൽ ജിം അടച്ചിടേണ്ടി വന്നു. ഇതോടെ ബാധ്യതകളും ഉണ്ടായി തുടങ്ങി.

ഒടുവിൽ നിത്യവൃത്തിക്ക് പോലും വകയില്ലാതായ സാഹചര്യം ഉണ്ടായി. എന്നാൽ ആരോടും സഹായം ചോദിക്കാൻ നിൽക്കാതെയും ആരുടെ മുന്നിലും തല കുനിക്കാനും തയ്യാറാകാതെ കൊച്ചി പനമ്പള്ളി നഗറിൽ ഇപ്പോൾ മത്സ്യക്കച്ചവടം ആരംഭിച്ചു.

ഇപ്പോൾ ആവശ്യത്തിന് വരുമാനം ഉണ്ടെന്ന് സോണിക് പറയുന്നു. ഇഷ്ട തൊഴിൽ തുടരാൻ സാധിക്കാത്തതിൽ ദുഃഖം ഉണ്ടെങ്കിലും ആരുടേയും മുന്നിൽ കൈനീട്ടേണ്ട ആവശ്യമില്ലാതെ ജീവിതം മുന്നോട്ട് കൊണ്ട് പോകാൻ കഴിയുന്നതിൽ സംതൃപ്തനാണ്.

Continue Reading
അനുഭവങ്ങൾ8 hours ago

അവിശ്വസനീയം മലയാളി കുടുംബത്തിന്റെ ഈ തിരിച്ചു വരവ്

അനുഭവങ്ങൾ1 day ago

മകന്റെ മറുപടി കേട്ട് ഞെട്ടി പിതാവിന്റെ പ്രവാസി സുഹൃത്ത്

SAUDI ARABIA2 days ago

ഉയർന്ന യോഗ്യത കൊണ്ട് കാര്യമില്ല കമ്പനിയും സ്പോൺസറും നന്നാവണം

LATEST3 days ago

ഇത് പോലൊരു നിർഭാഗ്യവാൻ പ്രവാസ ലോകത്ത് ഇനി ഉണ്ടാവാതിരിക്കട്ടെ

SAUDI ARABIA4 days ago

നാട്ടിലേക്ക് പണം അയക്കുന്നവർ അറിഞ്ഞിരിക്കുക

SAUDI ARABIA5 days ago

തൊഴിൽ സ്ഥലങ്ങളിൽ സുരക്ഷിതനായിരിക്കാൻ ഈ കാര്യങ്ങൾ ശ്രദ്ധിക്കുക

LATEST5 days ago

സൗദിയിലെ പ്രവാസി മലയാളികൾ ഈ കാര്യത്തിൽ ജാഗ്രത പുലർത്തുക

LATEST5 days ago

അകലങ്ങളിലും മനം നിറഞ്ഞു വിവാഹം

LATEST5 days ago

സമൂഹ മാധ്യമ ദൃശ്യങ്ങൾ തെളിവായി

അനുഭവങ്ങൾ6 days ago

ഇത് സൗദി പ്രവാസികൾ കേൾക്കേണ്ട വാക്കുകൾ

LATEST6 days ago

എന്തു കൊണ്ട് യൂസഫ്‌ അലി പ്രവാസ ലോകത്തിനും കേരളത്തിനും പ്രിയങ്കരനാവുന്നു?

SAUDI ARABIA6 days ago

എംബസിക്കും സാമൂഹിക പ്രവർത്തകനും എതിരെ സൗദി സ്‌പോൺസർ

LATEST6 days ago

പ്രാർത്ഥനകളിൽ നിറയുന്ന മകന്റെ ഓർമ്മകൾ

SAUDI ARABIA6 days ago

സൗദിയിലെ പ്രവാസികൾ അറിഞ്ഞിരിക്കുക മനസ്സിലാക്കുക ഈ കാര്യങ്ങൾ

LATEST7 days ago

സാധാരണക്കാരായ പ്രവാസികൾക്ക് ആശ്വാസമായി വില നിയന്ത്രണം

LATEST3 weeks ago

ഈ അനുഭവം ആർക്കും ഉണ്ടാവാതിരിക്കട്ടെ.

LATEST3 weeks ago

കയ്യിൽ ഒരു രൂപ പോലുമില്ലാതെ തുടങ്ങിയ ബിസിനസ്

LATEST4 weeks ago

പരിധിയില്ലാതെ പെരുമാറിയാൽ പ്രവാസിക്ക് അവസാനം ഗതി ഇങ്ങിനെ ആയിരിക്കും.

SAUDI ARABIA6 days ago

എംബസിക്കും സാമൂഹിക പ്രവർത്തകനും എതിരെ സൗദി സ്‌പോൺസർ

LATEST3 weeks ago

രണ്ടു മലയാളി യുവാക്കൾക്ക് അതിമോഹത്തിന് വിലയായി നൽകേണ്ടി വന്നത്

LATEST4 weeks ago

ഇതിനപ്പുറം ഒരു പ്രവാസിക്ക് എന്താണ് ലഭിക്കാനുള്ളത്?

SAUDI ARABIA4 days ago

നാട്ടിലേക്ക് പണം അയക്കുന്നവർ അറിഞ്ഞിരിക്കുക

LATEST4 weeks ago

സൗദി കുടുംബവും ഗദ്ദാമയും തമ്മിലുള്ള ബന്ധം അവസാനിച്ചത് ഇങ്ങിനെ

LATEST5 days ago

സൗദിയിലെ പ്രവാസി മലയാളികൾ ഈ കാര്യത്തിൽ ജാഗ്രത പുലർത്തുക

അനുഭവങ്ങൾ3 weeks ago

മറ്റുള്ളവരെ സഹായിക്കുമ്പോൾ ശ്രദ്ധിക്കുക

LATEST2 weeks ago

ഈ സമയത്ത് ഏറ്റവും അനുയോജ്യമായത്

അനുഭവങ്ങൾ2 weeks ago

മനസ് പതറാൻ വെമ്പുന്ന ഓരോ പ്രവാസിയും അറിയേണ്ടത്

LATEST4 weeks ago

9 മേഖലകളിലെ ചില്ലറ മൊത്ത വിൽപ്പന സ്ഥാപനങ്ങൾക്കും ബാധകം.

LATEST4 weeks ago

ഇതുപോലുള്ള കാര്യങ്ങൾ ചെയ്യുന്നതിന് മുൻപായി പ്രവാസികൾ നൂറു വട്ടം ചിന്തിക്കണം

അനുഭവങ്ങൾ1 day ago

മകന്റെ മറുപടി കേട്ട് ഞെട്ടി പിതാവിന്റെ പ്രവാസി സുഹൃത്ത്

Trending

error: Content is protected !!