Connect with us

LATEST

മദാമ്മയുടെ സോഷ്യൽ മീഡിയ തട്ടിപ്പിൽ കുടുങ്ങാതെ മലയാളി യുവാവ്

Published

on

ഓൺലൈനിൽ സോഷ്യൽ മീഡിയ അക്കൗണ്ടുകൾ കേന്ദ്രമാക്കി വൻതോതിലാണ് തട്ടിപ്പുകൾ നടന്നു വരുന്നത്. പലരുടെയും ചെറുതും വലുതുമായ തുകകൾ നഷ്ടപ്പെടുന്നുണ്ട്. പലരും മാനക്കേടോർത്ത് തുറന്നു പറയാറില്ല. ചിലർ പോലീസിൽ പരാതി നൽകുമെങ്കിലും ഇത്തരം അക്കൗണ്ടുകൾ വ്യാജ അക്കൗണ്ടുകൾ ആയതിനാൽ ഒന്നും ചെയ്യാനും സാധിക്കാറില്ല.

ഇത്തരത്തിലുള്ള ഒരു തട്ടിപ്പ് പൊളിച്ചടുക്കിയ റിയാസ് കുന്നമംഗലം യുവാവ് ഫേസ്‌ബുക്കിൽ പോസ്റ്റ് ചെയ്ത വിവരമാണ് ഇപ്പോൾ വൈറലായി കൊണ്ടിരിക്കുന്നത്. ഇത്തരം തട്ടിപ്പുകളെ കുറിച്ച് ഏകദേശ മുൻധാരണ ഉണ്ടായിരുന്നത് കൊണ്ടാണ് ശിൽപി കൂടിയായ റിയാസിന് ഈ തട്ടിപ്പിൽ നിന്നും രക്ഷപ്പെടാൻ സാധിച്ചത്.

റിയാസിന്റെ ഫേസ്‌ബുക്ക് പോസ്റ്റ് വായിക്കാം:

രണ്ടുമൂന്ന് ആഴ്ചകൾക്ക് മുൻപ് Maria Smith എന്ന ഇംഗ്ലണ്ടിലുള്ള ഒരു മദാമ്മ എങ്ങനെയോ എന്റെ fb ഫ്രണ്ട്ലിസ്റ്റിൽ കയറികൂടി.. എന്നെ പരിചയപ്പെടാൻ മെസഞ്ചറിൽ മെസ്സേജ് അയച്ചു ഞാൻ മറുപടിയും കൊടുത്തു.
അവൾ എന്റെ fb പ്രൊഫൈൽ ശരിക്കും പഠിച്ചതിന് ശേഷമാണ് എനിക്ക് മെസ്സേജ് അയക്കാൻ തുടങ്ങിയത് എന്ന് അവളുടെ ഓരോ മെസ്സേജിൽ നിന്നും എനിക്ക് മനസ്സിലായി.

എന്റെ ശിൽപ്പ കലയെ കുറിച്ചും എന്റെ ചാരിറ്റി പ്രവർത്തനങ്ങളെ കുറിച്ചും അവൾ ഒരുപാട് സംസാരിച്ചു..
അങ്ങനെ ഞങ്ങൾ സുഹൃത്തുക്കളായി.

ആ മദാമ്മയുമായി ആശയവിനിമയം നടത്താൻ എനിക്ക് സഹായമായത് ഗൂഗിളിന്റെ ഓരോ ആപ്പുകളാണ് ട്ടോ.. അവൾ വിടുന്ന മെസേജ് മലയാളത്തിലാക്കാനും ഞാൻ എഴുതുന്ന മലയാളം ഇംഗ്ലീഷിൽ ആക്കാനും ആപ്പുകൾ ഉള്ളതുകൊണ്ട് ഏത് രാജ്യത്തുള്ളവരുമായി ആശയവിനിമയം നടത്താമല്ലോ.

അങ്ങനെ ഒരാഴ്ച്ച കഴിഞ്ഞപ്പോൾ മദാമ്മ എന്റെ വാട്സ്ആപ് നമ്പർ ചോദിച്ചു ഞാൻ കൊടുത്തു. പിന്നീട് വാട്സാപ്പിലൂടെയായി സൗഹൃദം പങ്കുവെക്കൽ.. അവളുടെ ഫാമിലിയെ കുറിച്ച് വാതോരാതെ സംസാരിച്ചു. അവളുടെ ഭർത്താവ് പൈലറ്റ് ആയിരുന്നു ഒരു വിമാനാപകടത്തിൽ 4 വർഷം മുൻപ് മരിച്ചു.. 10 വയസുള്ള ഒരു മകനുണ്ട്. പിന്നെ അച്ഛൻ ഡോക്ടർ അമ്മ ലെക്ച്ചറൽ ബ്രദർ പൈലറ്റ് അവരുടെയൊക്കെ വിവിധ തരത്തിലുള്ള ഫോട്ടോകളും അയച്ചുതന്നു.

എന്റെ ഫാമിലിയെക്കുറിച്ചും ഒത്തിരി സംസാരിച്ചു.അങ്ങനെ ഇന്നലെ രാവിലെ അവൾ പറഞ്ഞു എന്റെ മകന്റെ പത്താമത്തെ ബർത്ത്ഡേയാണ് നാളെ (അതായത് ഇന്ന് ) അതുകൊണ്ട് നിനക്ക് ഒരു സർപ്രെയ്സ് ഉണ്ട് വൈകുന്നേരം പറയാം.. എന്റെ ഫുൾ അഡ്രസ്സ് അവൾക്ക് വേണം കൊറിയറിൽ ഇങ്ങോട്ട് അയക്കാനാണ് എന്ന്.

അപ്പോൾ ഞാൻ വിചാരിച്ചത് എന്തോ ചെറിയ ഗിഫ്റ്റ് മറ്റോ ആയിരിക്കും എന്നാണ്.. ഞാൻ അഡ്രെസ്സ് കൊടുക്കുകയും ചെയ്തു.

വൈകുന്നേരം ആറുമണിയോടു കൂടി അവൾ വാട്സാപ്പിൽ വന്നു.. ഇന്ന് ഇവിടെ കിട്ടാവുന്ന രീതിയിൽ എനിക്ക് വേണ്ടി ഗിഫ്റ്റ് എയർ കാർഗോയിൽ അയച്ചിട്ടുണ്ടെന്ന് അതിന്റെ എല്ലാ എവിഡൻസും എന്തിന് എയർ കാർഗോയുടെ എന്റെ അഡ്രസ്സിലുള്ള ഒറിജിനലിനെ വെല്ലുന്ന ബില്ലും പാർസൽ ചെയ്ത ബോക്‌സും.. അതിൽ അയച്ചിട്ടുള്ള സാധനങ്ങളുടെ ഫോട്ടോയും അയച്ചു തന്നപ്പോൾ ഞാൻ ഞെട്ടിപ്പോയി.

916 ന്റെ രണ്ട് അടിപൊളി സ്വർണ ചെയിൻ, 916 ന്റെ ബ്രെസിലേറ്റ്, റോളക്‌സിന്റെ രണ്ട് കിടിലൻ വാച്ച്, ഒരു ifone 6, ആപ്പിളിന്റെ ലാപ്ടോപ്, അടിപൊളി സ്പ്രേ, പിന്നെ ഒരു കവറിൽ 55000 പൗണ്ട് എന്റെ ചാരിറ്റി പ്രവർത്തനങ്ങൾക്ക് വേണ്ടി.

ഇതൊക്കെ കണ്ട് എന്റെ കണ്ണ് തള്ളിപ്പോയി.. ആ പാർസൽ എനിക്ക് അയച്ചതിന്റെ എല്ലാ തെളിവും കോണ്ടാക്റ്റ് ചെയ്യേണ്ട പാർസൽ ബിൽ നമ്പറും അയച്ച കമ്പനിയുടെ ലിങ്കും എല്ലാം എനിക്ക് വാട്സാപ്പിൽ അയച്ചുതന്നു.

അപ്പോൾ തന്നെ എനിക്ക് ഉറപ്പായി ഇത് ഐട്ടെക്ക് പൊട്ടിക്കലാണ്.. പക്ഷെ സംശയിക്കാനുള്ള ഒരു പഴുതും തരാതെ ഇതെങ്ങനെ.

ഈ ഗിഫ്റ്റ് എന്റെ കയ്യിൽ കിട്ടാതെ അവൾക്ക് സമാധാനം ഉണ്ടാകില്ല എന്നൊക്കെ പറഞ്ഞുകൊണ്ട് തുരുതുരെ മെസ്സേജ്.

എവിടെയും സംശയത്തിന്റെ നിഴൽ പോലും അവൾ തരുന്നില്ല..

ഒന്നുകിൽ അവൾക്ക് വട്ട്.. അല്ലെങ്കിൽ നമ്പർ വൺ ചീറ്റിംഗ്. പക്ഷേ എങ്ങനെ.. പാർസൽ എയർ കാർഗോയിൽ വിട്ടതിന്റെ എല്ലാ തെളിവും അവൾ തന്നിട്ടുണ്ട്.

എന്തായാലും ശ്രദ്ധയോടെ കാത്തിരിക്കുക എന്ന് ഞാൻ തീരുമാനിച്ചു.

ഏകദേശം 9 മണിയോടെ അവൾ അടുത്ത നമ്പർ ഇറക്കിയപ്പോൾ എനിക്ക് ബോധ്യമായി എത്ര നാടകീയമായാണ് അവൾ ചീറ്റിംഗ് നടത്താൻ പ്ലാൻ ചെയ്തതെന്ന്.

“ഡാർലിംഗ് എന്നോട് ക്ഷമിക്കണം ഇത്രയും വിലപ്പെട്ട സമ്മാനം നിങ്ങൾക്ക് ഞാൻ അയച്ചിട്ട് അത് നിങ്ങളുടെ കയ്യിലെത്താൻ നമ്മുടെ രാജ്യങ്ങളുടെ പോരായ്മകൾകൊണ്ട് ചെറിയൊരു തടസ്സമുണ്ട്.. ഈ പാർസൽ അവിടെ എത്തുമ്പോൾ ആ പാർസൽ കമ്പനിയിൽ കുറച്ച് പൈസ അത് കൈപ്പറ്റുന്ന ആള് അടക്കണം.. അത് ഞാൻതന്നെ ഇവിടെ അടക്കാമെന്നു അപേക്ഷിച്ചിട്ടും നിയമം അതിന് അനുവദിക്കുന്നില്ല.. അതുകൊണ്ട് നിങ്ങൾ ദയവുചെയ്ത് ആ പണം അവിടെ കെട്ടണം..”

ഈ മെസ്സേജ് വായിച്ചപ്പോൾ ഞാൻ ചിരിച്ചുപോയി.. ഇവൾ രാജസ്ഥാൻ മരുഭൂമിയിലേക്കാണല്ലോ മണൽ കയറ്റി അയക്കുന്നത്.. ഹഹഹ..

ഞാൻ ഇത് എവിടംവരെ പോകുമെന്നറിയാൻ ചോദിച്ചു എത്ര പൈസ വേണ്ടിവരും.. അപ്പോൾ ഒരു ബില്ല് അയച്ചുതന്നു 38600 രൂപ.

ഞാൻ പറഞ്ഞു എന്റെ കയ്യിൽ പൈസയില്ല മാത്രമല്ല ഇത്രയും വിലപ്പെട്ട സമ്മാനം എനിക്ക് വേണ്ട.. അതിനാൽ അത് തിരിച്ച് വാങ്ങിക്കോ എന്ന്.

ഓ ഗോഡ്, അത് കൊണ്ടുവരുന്ന ഫ്ലൈറ്റ് ഇവിടുന്ന് പുറപ്പെട്ടു ഇനി ഒന്നും ചെയ്യാൻ കഴിയില്ല.. നിങ്ങൾ നിങ്ങളുടെ സുഹൃത്തുക്കളുടെ കയ്യിൽ നിന്നും താൽക്കാലികമായി കടം വാങ്ങൂ.. പാർസൽ കയ്യിൽ കിട്ടിയ ഉടനെ അതിലെ കവറിലുള്ള 55000 പൗണ്ട് മാറിയിട്ട് ആ കടം വീട്ടിയാൽ മതി.. ഔ.. എത്ര നല്ല ഉപദേശം.

ഞാൻ ഉടനെ എന്റെ ഒരു സുഹൃത്തിനെ വിളിച്ചുവരുത്തി അവന് കാണിച്ചുകൊടുത്തു.. അവനും പറഞ്ഞു സംശയിക്കേണ്ട ഒരു അവസരവും ഇവൾ ഇതിൽ തന്നിട്ടില്ല.. എന്നാലും ഇത്രയും വിലപിടിപ്പുള്ള ഗിഫ്റ്റ് ഒരിക്കലും വിശ്വസിക്കാൻ പറ്റുന്നില്ല നാളെ ആരെങ്കിലും ബന്ധപ്പെടുമ്പോൾ അറിയാമല്ലോ എന്ന്.

അങ്ങനെ ഇത് എവിടംവരെ പോകുമെന്ന് അറിയാൻ അവളോട് ഗുഡ് നൈറ്റും പറഞ്ഞ് സുഖമായി കിടന്നുറങ്ങി..

പിന്നീട് ഇന്ന് രാവിലെ ഏകദേശം 10 മണി ആയപ്പോൾ എനിക്ക് ഒരു ഫോൺകാൾ വന്നു..

ഹിന്ദിയിൽ ഒരു പെണ്ണ്.. നിങ്ങൾക്കുള്ള ഒരു കൊറിയർ ഇംഗ്ലണ്ടിൽ നിന്നും വന്നിട്ടുണ്ട് ക്യാഷ് റെഡിയിലുണ്ടോ എന്നും ചോദിച്ച്..

എനിക്ക് ഹിന്ദിയുടെ ഒരു എബിസിഡി യും അറിയില്ലെങ്കിലും ഇംഗ്ലണ്ട്, കൊറിയർ, ക്യാഷ് എന്നതൊക്കെ മനസ്സിലായപ്പോൾ വിഷയം മേല്പറഞ്ഞതാണെന്ന് മനസിലായി.

ഇങ്ങനെ ഒരു കാൾ വന്നാൽ അങ്ങോട്ട്‌ പറയാൻ ഞാൻ ഒരു വാക്ക് ഇന്നലെ മുതൽ പഠിച്ചു വച്ചിരുന്നു.

ക്യാഷ് റെഡി but ഒൺലി by hand എന്ന്.. ക്യാഷ് റെഡി എന്ന് പറഞ്ഞപ്പോൾ അവൾ അക്കൗണ്ട് നമ്പർ അയച്ചു തരാമെന്ന്.. അപ്പോൾ ഞാൻ പറഞ്ഞു സോറി ക്യാഷ് ഒൺലി by hand എന്ന്.. അവൾ രണ്ട്മൂന്നു തവണ No.. ക്യാഷ് അക്കൗണ്ട് വഴി എന്ന് പറഞ്ഞപ്പോൾ ഞാൻ 4-5 തവണ അങ്ങോട്ട്‌ കടുപ്പത്തിൽ പറഞ്ഞു ഒൺലി ബൈ ഹാൻഡ് അവൾക്ക് മനസിലായി ഇത് ഒരു നടക്കും വേവൂല എന്ന് ഉടനെ അവൾ കാൾ കട്ട് ചെയ്തു.

ഉടനെ വന്നു നമ്മുടെ മദാമ്മയുടെ വാട്സാപ്പ് സന്ദേശം.. പാർസൽ നാട്ടിൽ എത്തിയെന്ന് അവൾക്ക് mail വന്നിട്ടുണ്ട്.. എത്രയും വേഗം 38600 രൂപ അയച്ചുകൊടുത്താൽ അത് പാർസൽ കമ്പനി എന്റെ വീട്ടിൽ എത്തിക്കും.

അതിലുള്ളത് മുഴുവൻ വിലപ്പെട്ടതാണ് അത് നഷ്ടപ്പെടാൻ പാടില്ല.. അതുകൊണ്ട് എത്രയും പെട്ടന്ന് കൈപ്പറ്റണം എന്ന്.

അവളോട്‌ ഞാൻ മറ്റൊന്ന് പറഞ്ഞു.. എനിക്ക് പൈസ ഇതുവരെയും റെഡിയായിട്ടില്ല.. നീ ഒരു സഹായം ചെയ്തു തരുമോ.

ഇത്രയും വിലപ്പെട്ട ഗിഫ്റ്റ് നീ അയച്ചതിൽ ഞാൻ സന്തോഷിക്കുന്നു.. അത് കൈപ്പറ്റാൻ എനിക്ക് ഒരു മാർഗവുമില്ല അതുകൊണ്ട് ആ 38600 രൂപ നീ എന്റെ ബാങ്ക് അക്കൗണ്ടിലേക്ക് അയച്ചു തരുമോ. ആ ഗിഫ്റ്റ് കിട്ടിയ ഉടനെ ഞാൻ അതിലുള്ള 55000 പൗണ്ട് മാറിയിട്ട് ഇന്നുതന്നെ നിന്റെ അക്കൗണ്ടിലേക്ക് തിരികെ അയച്ചുതരാം.

ഹഹഹ.. ആ മെസ്സേജ് വായിച്ചയുടൻ എന്നെ 2 തെറിയും വിളിച്ച് പോയതാ ആ മദാമ്മ.. പിന്നെ ഇതുവരെയും ഒരു വിവരവും ഇല്ല.

ഇപ്പോൾ നോക്കുമ്പോൾ ആ Maria Smith എന്ന fb കിട്ടുന്നുമില്ല എന്നെ ബ്ലോക്ക്‌ ചെയ്‌തെന്ന് തോന്നുന്നു.

NB: ഇത്തരത്തിലുള്ള പലതരം ചീറ്റിംഗിനെ കുറിച്ച് വെക്തമായ അറിവുള്ളതുകൊണ്ട് ഞാൻ ഐഡിയപരമായി അവരെ പൊളിച്ചടക്കി.. ദിനംപ്രതിയുള്ള വാർത്തകളിൽ നിന്നും മനസിലാക്കാൻ കഴിയുന്നത് വിദ്യാസമ്പന്നരായ നമ്മുടെ നാട്ടിലെ പലരും ഇത്തരം തട്ടിപ്പിന് ഇരയാകാറുണ്ട് എന്നാണ്. പലരും നാണക്കേട് കാരണം പരാതി കൊടുക്കാനോ മറ്റാളുകളോട് പറയാനോ മിനക്കെടാറില്ല..
ഇന്ന് എനിക്ക് വന്നതുപോലെ നാളെ നിങ്ങളെ തേടിയും വരാം ആരും അവരുടെ മോഹന വാക്ദാനങ്ങളിൽ മയങ്ങി വഞ്ചിതരാകാതിരിക്കുക.

LATEST

സൗദിയിലെ എണ്ണ പൈപ്പ്ലൈനുകളും വ്യാപാര കേന്ദ്രങ്ങളും ആക്രമിക്കാൻ ഐസിസ് ആഹ്വാനം

Published

on

സൗദിക്കെതിരെ ആക്രമണം അഴിച്ചു വിടണമെന്ന പ്രകോപനപരമായ വീഡിയോയുമായി ഭീകര സംഘടനയായ ഐസിസ് രംഗത്ത്. സൗദിയും മറ്റു അറബ് രാജ്യങ്ങളും ഇസ്രേയലുമായി അടുക്കുന്ന സാഹചര്യമാണ് ഐസിസിന്റെ പ്രകോപനത്തിന് കാരണം.

ഇസ്രേയലിന്റെ വിമാനങ്ങൾക്ക് പറക്കാനായി വ്യോമപാത തുറന്ന സൗദിയെ ആക്രമിക്കണമെന്നാണ് വീഡിയോയിൽ പറയുന്നത്. ആക്രമിക്കാൻ നിരവധി കേന്ദ്രങ്ങൾ ഉണ്ടെന്നും സൗദിയുടെ വരുമാന മാർഗ്ഗങ്ങളുടെ സ്രോതസുകൾ ആക്രമിക്കണമെന്നും ഇതിനായി സൗദിയിലെ എന്ന പൈപ്പ്ലൈനുകളോ, വ്യാപാര സാമ്പത്തിക കേന്ദ്രങ്ങളോ, വിദേശരാജ്യങ്ങളുടെ മിലിട്ടറി ബേസുകളോ ആക്രമിക്കണമെന്നാണ് വിഡിയോയിൽ ആഹ്വാനം ചെയ്യുന്നത്. റോയിട്ടേഴ്‌സാണ് വീഡിയോ പുറത്ത് വിട്ടിരിക്കുന്നത്.

യു എ ഇ യു എ ഇ യും ബഹ്‌റിനും ഇസ്രേയലുമായുള്ള ബന്ധം സാധാരണ നിലയിലാക്കിയത് ഐസിസിനെ പ്രകോപിച്ചിട്ടുണ്ട്. കഴ്ഞ്ഞ മാസം വാഷിംഗ്ടണിൽ ഒപ്പുവെച്ച അബ്രഹാം കരാർ ഇസ്‌ലാമിനെ വഞ്ചിക്കലാണെന്നും സൗദി ഇതിന് കൂട്ട് നിന്നുവെന്നും ഐസിസ് ആരോപിക്കുന്നു.

ഐസിസിന്റെ വീഡിയോയോട് സൗദി അറേബ്യ ഇതുവരെ പ്രതികരിച്ചിട്ടില്ല. ഇസ്രേയൽ പലസ്തീൻ ഭൂപ്രദേശങ്ങൾ കൈവശം വെക്കുന്നത് അവസാനിപ്പിക്കണമെന്നും പലസ്തീൻ രാഷ്ടത്തെ അംഗീകരിക്കണം എന്നുമാണ് സൗദിയുടെ പരസ്യ നിലപാട്.

Continue Reading

LATEST

സൗദി നാസർ അൽ ഹജ്‌രി കമ്പനിക്കെതിരെ ഗുരുതര ആരോപണങ്ങളുമായി തൊഴിലാളികൾ

Published

on

സൗദിയിലെ നിർമാണ രംഗത്തെ ഭീമൻ കമ്പനിയായ നാസർ അൽ ഹജ്‌രി കമ്പനിക്കെതിരെ ഗുരുതര ആരോപണങ്ങളുമായി തൊഴിലാളികൾ രംഗത്ത്. കോവിഡ് കാലത്ത് ചാർട്ടേഡ് ഫ്ലൈറ്റിൽ കമ്പനി ഇന്ത്യയിലെത്തിച്ച തൊഴിലാളികളാണ് അർഹതപ്പെട്ട ആനുകൂല്യങ്ങൾ ലഭിച്ചിട്ടില്ലെന്നാരോപിച്ച് രംഗത്തെത്തിയത്.

ഇക്കര്യം വ്യക്തമാക്കി അഭിഭാഷകൻ മുഖേന ഇവർ കമ്പനിക്കെതിരെ കേന്ദ്ര സർക്കാരിന് പരാതി നൽകിയിട്ടുണ്ട്. കോവിഡ് പ്രതിസന്ധി കമ്പനി പിരിച്ചുവിട്ട 280 ഓളം തൊഴിലാളികളാണ് പരാതിയുമായി രംഗത്തെത്തിയത്. കഴിഞ്ഞ ജൂലൈ മുതലാണ് ഇവർക്ക് ജോലി നഷ്ടപ്പെട്ടത്. പിന്നീട് കമ്പനി ഇവരെ ചാർട്ടേഡ് ഫ്ലൈറ്റിൽ നാട്ടിലെത്തിക്കുകയായിരുന്നു.

കമ്പനിയിൽ അഞ്ചു വർഷം മുതൽ പത്ത് വർഷം വരെ ജോലി ചെയ്തിട്ടുള്ള തൊഴിലാളികളാണ് പരാതിയുമായി മുന്നോട്ട് വന്നിരിക്കുന്നതെന്ന് പരാതിക്കാരുടെ അഭിഭാഷകൻ സുഭാഷ് ചാന്ദ് വ്യക്തമാക്കി. കരാർ പ്രകാരം ഇവർക്ക് സേവനന്തര ആനുകൂല്യമായി നല്ലൊരു തുക ലഭിക്കാനുണ്ടെന്നും അഭിഭാഷകൻ പറഞ്ഞു.

പലർക്കും പാസ്‌പോർട്ടും ടിക്കറ്റും നൽകുന്നതിന് മുൻപായി ഒന്നും എഴുതാത്ത പേപ്പറുകളിൽ കമ്പനി അധികൃതർ ഒപ്പിട്ടു വാങ്ങിയതായും അഭിഭാഷകൻ പറയുന്നു. ഒപ്പ് ലഭിച്ചതിന് ശേഷം മാത്രമാണ് പാസ്‌പോർട്ടും ടിക്കറ്റും തൊഴിലാളികൾക്ക് കൈമാറിയതെത്രെ. ഭൂരിഭാഗം പേർക്കും ലഭിക്കാൻ ബാക്കിയുള്ള തുക ലഭിക്കാതെ തിരിച്ചു പോരാൻ താൽപ്പര്യം ഇല്ലായിരുന്നുവെങ്കിലും മറ്റു വഴികൾ ഇല്ലാത്തതിനാൽ നിർബന്ധ അവസ്ഥയിൽ തിരിച്ചു പോരേണ്ടി വന്നുവെന്നും അഭിഭാഷകൻ വ്യക്തമാക്കുന്നു

തൊഴിലാളികളുടെ പരാതി ലഭിച്ചതായും പരാതി കമ്പനിക്ക് കൈമാറിയെന്നും വിശദീകരണത്തിനായി കാത്തിരിക്കുകയാണെന്നും റിയാദിലെ ഇന്ത്യൻ എംബസ്സി വ്യക്തമാക്കുന്നു.

Continue Reading

LATEST

രാജ്യത്ത് കോവിഡിന്റെ രണ്ടാം തരംഗത്തിന് സാധ്യതയെന്ന് സൗദി ആരോഗ്യ മന്ത്രി

Published

on

പ്രതിരോധം സംബന്ധിച്ച മുൻകരുതലുകളിൽ അശ്രദ്ധ ഉണ്ടായാൽ കോവിഡിന്റെ രണ്ടാം തരംഗത്തിന് കാരണമാവുമെന്ന് സൗദി ആരോഗ്യ മന്ത്രി ഡോ. തൗഫീഖ് അൽ റബീഅ വ്യക്തമാക്കി. ജനങ്ങൾ ജാഗ്രത പാലിച്ചില്ലെങ്കിൽ വരും ആഴ്ചകളിൽ കോവിഡ് ബാധിതരുടെ സംഖ്യ ഉയരാൻ സാധ്യതയുണ്ട്.

മറ്റു ചില രാജ്യങ്ങളുടെ ഉദാഹരണങ്ങൾ നമ്മുടെ മുന്നിലുണ്ട്. ഇവിടങ്ങളിൽ മുൻകരുതൽ നിബന്ധനകളിൽ ജനങ്ങൾ കാണിച്ച അശ്രദ്ധയാണ് അവിടങ്ങളിൽ രണ്ടാം തരംഗത്തിന് വഴിയൊരുക്കിയത്.

ആരോഗ്യ പ്രവർത്തകരുടെയും അധികൃതരുടെയും മുന്നറിയിപ്പുകളും സുരക്ഷാ നിബന്ധനകളും കർശനമായി പാലിച്ചതിനെ തുടർന്നാണ് രാജ്യത്ത് കോവിഡ് ബാധാ നിരക്ക് ഗണ്യമായി കുറഞ്ഞത്. അധികൃതരുടെ സുരക്ഷാ നിബന്ധനകൾ ജനങ്ങൾ കർശനമായി പാലിക്കേണ്ടതുണ്ട്. ചിലരുടെ അശ്രദ്ധ മൂലം കോവിഡിന്റെ രണ്ടാം തരംഗം പ്രതീക്ഷിക്കാവുന്നതാണെന്നും മന്ത്രി പറഞ്ഞു.

കഴിഞ്ഞ ദിവസം 16 പേരുടെ മരണം മാത്രമാണ് രാജ്യത്ത് സ്ഥിരീകരിച്ചിട്ടുള്ളത്. കഴിഞ്ഞ നാലര മാസത്തിന് ശേഷമുള്ള ഏറ്റവും കുറഞ്ഞ പ്രതിദിന മരണ നിരക്കാണിത്. ഇതുവരെ 5201 പേരാണ് സൗദിയിൽ കോവിഡ് മൂലം മരണമടഞ്ഞിട്ടുള്ളത്.

കഴിഞ്ഞ ദിവസം 381 പുതിയ രോഗബാധകളാണ് രാജ്യത്ത് റിപ്പോർട്ട് ചെയ്യപ്പെട്ടത്. ഇതോടെ രാജ്യത്ത് മൊത്തം രോഗബാധിതരുടെ എണ്ണം 342,583 ആയി. അതേ സമയം 357 രോഗമുക്തികളും റിപ്പോർട്ട് ചെയ്യപ്പെട്ടിട്ടുണ്ട്. ഇതുവരെ രോഗമുക്തി വന്നവരുടെ എണ്ണം 328,895 ആയി വർദ്ധിച്ചു. അതേ സമയം രാജ്യത്തെ ആക്റ്റീവ് കേസുകളുടെ എണ്ണം 8487 ആയിട്ടുണ്ട്.

Continue Reading
LATEST6 hours ago

സൗദിയിലെ എണ്ണ പൈപ്പ്ലൈനുകളും വ്യാപാര കേന്ദ്രങ്ങളും ആക്രമിക്കാൻ ഐസിസ് ആഹ്വാനം

LATEST6 hours ago

സൗദി നാസർ അൽ ഹജ്‌രി കമ്പനിക്കെതിരെ ഗുരുതര ആരോപണങ്ങളുമായി തൊഴിലാളികൾ

LATEST7 hours ago

രാജ്യത്ത് കോവിഡിന്റെ രണ്ടാം തരംഗത്തിന് സാധ്യതയെന്ന് സൗദി ആരോഗ്യ മന്ത്രി

LATEST1 day ago

സൗദിയിൽ ഇന്ത്യക്കാരൻ അറസ്റ്റിലായ കേസിൽ നാടകീയ വഴിത്തിരിവ്

LATEST3 days ago

സൗദി പ്രവാസികൾ അശ്രദ്ധയും അജ്ഞതയും മൂലം ഉണ്ടാകുന്ന ഈ അപകടം ഒഴിവാക്കൂ

LATEST1 week ago

യുഎഇ യിലേക്ക് നേരിട്ട് തിരിച്ചെത്താതെ ജോലി രാജി വെക്കാൻ സാധിക്കുമോ?

LATEST1 week ago

സൗദിയിൽ എഞ്ചിനീയർക്ക് ഇഖാമ ലഭിക്കാൻ അഞ്ചു വർഷം പരിചയ സമ്പത്ത് ആവശ്യമോ?

LATEST1 week ago

സൗദിയിൽ തൊഴിൽ പരിശോധനയിൽ 44 വിദേശികൾ പിടിയിൽ

LATEST1 week ago

കുട്ടിയുടെ പിതാവ് മക്ക പോലീസിന്റെ പിടിയിൽ

LATEST1 week ago

ജീവന് വേണ്ടി പൊരുതുമ്പോഴും മുടങ്ങാതെ ഓൺലൈൻ ക്ലാസ്സിൽ

LATEST1 week ago

സൗദിയിൽ ബഖാല നടത്തിപ്പിൽ സ്വദേശികൾക്ക് പ്രാവീണ്യം ലഭിക്കാൻ വേറിട്ട പദ്ധതിയുമായി മന്ത്രാലയം

LATEST2 weeks ago

സംഭവത്തിൽ ദുരൂഹതയെന്ന ആരോപണവുമായി ഭർത്താവ്

LATEST2 weeks ago

സൗദിയിൽ സ്വദേശിവൽക്കരണം നിർബന്ധമാക്കുന്ന ഐടി പ്രൊഫഷനുകളുടെ വിശദമായ പട്ടിക

LATEST2 weeks ago

എംബസിയെ വിമർശിച്ച കേസിൽ സൗദിയിൽ ജയിലിലായ മലയാളിയെ മോചിപ്പിക്കാൻ കോടതി ഉത്തരവ്

LATEST2 weeks ago

അറിയുക സൗദിയിലെ പുതിയ അഞ്ചു റിയാൽ കറൻസിയുടെ പ്രത്യേകതകൾ

LATEST4 weeks ago

അത്യാവശ്യമായി സൗദിയിൽ തിരിച്ചെത്തേണ്ട ഇന്ത്യക്കാർക്ക് ദുബായ് വഴി

LATEST4 weeks ago

അപ്രതീക്ഷിത നടപടിയിൽ സൗദിയിൽ ജയിലിലായി മലയാളി യുവാവ്

LATEST1 day ago

സൗദിയിൽ ഇന്ത്യക്കാരൻ അറസ്റ്റിലായ കേസിൽ നാടകീയ വഴിത്തിരിവ്

LATEST2 weeks ago

സൗദി പ്രവാസികൾ ഇക്കാര്യങ്ങൾ അറിഞ്ഞിരുന്നാൽ ജയിൽ വാസവും നാട് കടത്തലുമെല്ലാം ഒഴിവാക്കാം.

LATEST3 days ago

സൗദി പ്രവാസികൾ അശ്രദ്ധയും അജ്ഞതയും മൂലം ഉണ്ടാകുന്ന ഈ അപകടം ഒഴിവാക്കൂ

LATEST2 weeks ago

എംബസിയെ വിമർശിച്ച കേസിൽ സൗദിയിൽ ജയിലിലായ മലയാളിയെ മോചിപ്പിക്കാൻ കോടതി ഉത്തരവ്

LATEST1 week ago

കുട്ടിയുടെ പിതാവ് മക്ക പോലീസിന്റെ പിടിയിൽ

LATEST2 weeks ago

അറിയുക സൗദിയിലെ പുതിയ അഞ്ചു റിയാൽ കറൻസിയുടെ പ്രത്യേകതകൾ

LATEST2 weeks ago

സൗദിയിൽ സ്വദേശിവൽക്കരണം നിർബന്ധമാക്കുന്ന ഐടി പ്രൊഫഷനുകളുടെ വിശദമായ പട്ടിക

LATEST1 week ago

സൗദിയിൽ തൊഴിൽ പരിശോധനയിൽ 44 വിദേശികൾ പിടിയിൽ

LATEST2 weeks ago

സംഭവത്തിൽ ദുരൂഹതയെന്ന ആരോപണവുമായി ഭർത്താവ്

LATEST1 week ago

സൗദിയിൽ ബഖാല നടത്തിപ്പിൽ സ്വദേശികൾക്ക് പ്രാവീണ്യം ലഭിക്കാൻ വേറിട്ട പദ്ധതിയുമായി മന്ത്രാലയം

LATEST1 week ago

സൗദിയിൽ എഞ്ചിനീയർക്ക് ഇഖാമ ലഭിക്കാൻ അഞ്ചു വർഷം പരിചയ സമ്പത്ത് ആവശ്യമോ?

LATEST2 weeks ago

ആരോഗ്യ സംരക്ഷണത്തിനായി സൗദി വനിതകൾ

LATEST1 week ago

ജീവന് വേണ്ടി പൊരുതുമ്പോഴും മുടങ്ങാതെ ഓൺലൈൻ ക്ലാസ്സിൽ

Trending

error: Content is protected !!