Connect with us

LATEST

സൗദിയിലെ നബിദിനം: 24 ന്യൂസ് അവതാരകക്ക് നാക്ക് പിഴച്ചു. ചാനലിനും റിപ്പോർട്ടർക്കും എതിരെ പ്രതിഷേധം.

Published

on

സൗദിയിൽ നബിദിനവുമായി ബന്ധപ്പെട്ട് മലയാളം ചാനലായ 24 ന്യൂസ് സൗദിയിൽ നിന്നും നൽകിയ ലൈവ് വാർത്തയോട് അനുബന്ധിച്ച് പ്രതിഷേധവുമായി സൗദിയിൽ ഒരു വിഭാഗം വിശ്വാസികൾ രംഗത്ത് വന്നു. വാർത്ത അവതാരകക്കും റിപ്പോർട്ടർ ജലീൽ കണ്ണമംഗലത്തിനും എതിരായാണ് പ്രതിഷേധം.

സാമൂഹിക മാധ്യമങ്ങളിൽ പ്രതിഷേധങ്ങൾ ഉയർന്നതോടെ മറ്റൊരു റിപ്പോർട്ടിലൂടെ ജലീൽ കണ്ണമംഗലം റിപ്പോർട്ടിൽ വ്യക്തത വരുത്തുകയും സ്വന്തം ഫേസ്‌ബുക്ക് കുറിപ്പിലൂടെ വിശദീകരണവുമായി രംഗത്ത് വരികയും ചെയ്തു.

നബിദിനത്തോട് അനുബന്ധിച്ച് മദീനയിൽ നിന്നും 24 ന്യൂസ് നൽകിയ ലൈവ് വാർത്തയിലാണ് വാർത്ത അവതാരകക്ക് നാക്ക്പിഴ ഉണ്ടായത്. സൗദിയിൽ നബിദിനം അതി വിപുലമായി ആഘോഷിക്കുന്ന രാജ്യമാണെന്നും സൗദിയിൽ ഇത്തവണ കോവിഡ് സാഹചര്യത്തിൽ എങ്ങിനെയാണ് നബിദിന ആഘോഷ ചടങ്ങുകൾ സംഘടിപ്പിച്ചിട്ടുള്ളത് എന്ന് റിപ്പോർട്ടറോട് ചോദിക്കുന്നതാണ് വിവാദമായത്.

അവതാരകയുടെ ഈ വാക്കുകൾക്ക് എതിരെ ഒരു വിഭാഗം വിശ്വാസികൾ ഉടനെ തന്നെ രംഗത്ത് വന്നു. പ്രവാചകന്റെ ജന്മദിനം സംബന്ധിച്ച് യാതൊരു വിധ ആഘോഷങ്ങളും പരിപാടികളും ഉണ്ടാവാത്ത രാജ്യമാണ് സൗദി അറേബ്യയെന്നും അവതാരകയും റിപ്പോർട്ടറും ന്യൂസ് ചാനലും ലോകമെമ്പാടുമുള്ള വിശ്വാസികളെ തെറ്റിദ്ധരിപ്പിക്കാൻ ശ്രമം നടത്തിയെന്നുമായിരുന്നു ഇവരുടെ ആരോപണം.

കൂടാതെ രാജ്യത്തിന്റെ പല ഭാഗങ്ങളിൽ നിന്നും കൂടുതൽ വിശ്വാസികൾ മസ്ജിദുൽ നബവിയിൽ എത്തുന്നുവെന്നും നബിദിനത്തിന്റെ ഭാഗമായാണ് ഇവർ എത്തുന്നതെന്നും സ്ഥാപിക്കാൻ ജലീൽ കണ്ണമംഗലം ശ്രമിച്ചുവെന്നും ഇവർ ആരോപിച്ചു. അവതാരകയുടെ തെറ്റ് തിരുത്താൻ റിപ്പോർട്ടറായ ജലീൽ കണ്ണമംഗലം ശ്രമിച്ചില്ലെന്നും ഇവർ ആരോപിച്ചു. ഒരു വിഭാഗത്തിന്റെ വക്താവെന്ന തരത്തിലാണ് ജലീൽ കണ്ണമംഗലം വാർത്ത നൽകിയതെന്നും ആരോപണം ഉയർന്നു.

സൗദി അറേബ്യ പോലെ മതാധിഷ്ഠിതമായ ഒരു രാജ്യത്ത് ഇത്തരം ചെറു നാക്കുപിഴകൾ പോലും വൻ പ്രത്യാഘാതം ഉണ്ടാക്കുമെന്ന് മനസ്സിലാക്കിയ 24 ന്യൂസ് ചാനൽ മറ്റൊരു വാർത്തയിലൂടെ ഇക്കാര്യത്തിൽ വ്യക്തത വരുത്തി. തുടർന്ന് നൽകിയ മറ്റൊരു വാർത്തയിൽ നബിദിനവുമായി ബന്ധപ്പെട്ട യാതൊരു ആഘോഷങ്ങളും നടക്കാത്ത രാജ്യമാണ് സൗദി അറേബ്യ എന്നും ജലീൽ കണ്ണമംഗലം തിരുത്തി. തുടർന്ന് സ്വന്തം ഫേസ്‌ബുക്ക് അക്കൗണ്ടിലൂടെ ഇക്കാര്യത്തിൽ വിശദീകരണം നൽകുകയും ചെയ്തു.

വിശദീകരണത്തിൽ സൗദിയെ കുറിച്ച് വ്യക്തമായി അറിയാത്തത് മൂലമാണ് ന്യൂസ് റീഡർ അത്തരത്തിൽ പരാമർശിച്ചതെന്നും ലൈവിനിടെ തിരുത്താൻ സമയം ലഭിച്ചില്ലെന്നും അത് കൊണ്ട് അതിന് ശേഷം നൽകിയ മറ്റൊരു വാർത്തയിൽ ഇക്കാര്യം വ്യക്തമാക്കിയെന്നും ആദ്യ വാർത്തയിലെ തെറ്റിദ്ധാരണ ഉണ്ടാക്കുന്ന ന്യൂസ് റീഡറുടെ പരാമർശം സംബന്ധിച്ച് ജലീൽ തന്റെ ഫേസ്‌ബുക്ക് പോസ്റ്റിലൂടെ വിശദീകരണം നൽകി. തന്റെ നിലപാടും വിശ്വാസവും വ്യക്തിപരമാണെന്നും അത് വാർത്തയിൽ പ്രതിഫലിക്കാതിരിക്കാൻ താൻ ശ്രദ്ധിക്കാറുണ്ടെന്നും ജലീൽ വ്യക്തമാക്കുന്നു.

LATEST

സൗദിയിൽ നിന്ന് ഫൈനൽ എക്സിറ്റിൽ തിരിച്ചു പോയാലും കേസും ജയിലും ശിക്ഷയും

Published

on

ഞാൻ സൗദിയിൽ എം ഓ എച്ചിൽ നഴ്‌സായി ജോലി ചെയ്തിരുന്നു. അഞ്ചു വർഷം മുൻപ് ജോലി രാജി വെച്ച് ഫൈനൽ എക്സിറ്റിൽ നാട്ടിലെത്തി. കോവിഡിന് മുൻപായി റിയാദിലെ സ്വകാര്യ ആശുപത്രിയിലേക്ക് അഡ്മിനിസ്ട്രേഷൻ വിസയിൽ ജോലി ഓഫർ ലഭിച്ചിരുന്നു. അവിടെയെത്തിയാൽ പ്രൊഫഷൻ മാറി ജോലി ചെയ്യാമെന്നാണ് അവർ പറയുന്നത്. കോവിഡ് പ്രതിസന്ധി മൂലം പോകാനായില്ല. ഇപ്പോഴും ആ ജോലി ഓഫർ നിലനിൽക്കുന്നുണ്ട്. വിമാന സർവീസുകൾ സാധാരണ നിലയിലായാൽ വിസ സ്റ്റാമ്പ് ചെയ്തു ലഭിക്കുമെന്നാണ് മാനേജ്‌മെന്റിലുള്ള പരിചയക്കാരൻ അറിയിച്ചത്. സർട്ടിഫിക്കറ്റ് പ്രശ്‍നം മൂലമാണ് അന്ന് ഫൈനൽ എക്സിറ്റിൽ തിരിച്ചു വന്നത്. തിരിച്ചു പോയാൽ ഏതെങ്കിലും തരത്തിലുള്ള നിയമ പ്രശ്നങ്ങൾ ഉണ്ടാകുമോ?

 

സാധാരണ ഗതിയിൽ നിയമ പ്രശ്നങ്ങൾ ഉണ്ടാവില്ല. നിങ്ങളുടെ വിഷയത്തിൽ രണ്ടു നിയമ പ്രശ്നങ്ങളാണുള്ളത്. ആദ്യത്തേത് ഇഖാമ പ്രൊഫഷൻ. ഇഖാമ പ്രൊഫഷനിൽ തന്നെ ജോലി ചെയ്യണമെന്നാണ് നിയമം. ഇപ്പോൾ പരിശോധന കൂടുതലുമാണ്. പ്രൊഫഷൻ മാറി ജോലി ചെയ്യുന്നത് നിയമപരമല്ല.

രണ്ടാമത്തേത് സർട്ടിഫിക്കറ്റ് പ്രശ്നമാണ്. സർട്ടിഫിക്കറ്റ് പ്രശ്‍നം എന്ന് നിങ്ങൾ പറയുന്നത് വ്യാജ സർട്ടിഫിക്കറ്റ് ഹാജരാക്കി ജോലി നേടിയതിനെ ആണെന്ന് കരുതുന്നു. ആണെങ്കിൽ അത് കുറച്ചു കൂടി ഗുരുതരമാണ്. ചിലപ്പോൾ എയർപോർട്ടിൽ വെച്ച് തന്നെ പിടിക്കപ്പെടാം.

കുറച്ചു വർഷങ്ങൾക്ക് മുൻപ് സൗദി അറേബ്യയിൽ ആരോഗ്യ രംഗത്ത് വ്യാജ സർട്ടിഫിക്കറ്റുകൾ ഹാജരാക്കി ജോലി നേടുന്നത് സാധാരണമായിരുന്നു. സർട്ടിഫിക്കറ്റുകളുടെ ആധികാരികത പരിശോധിക്കാനുള്ള കൃത്യമായ സംവിധാനം അന്നുണ്ടായിരുന്നില്ല എന്ന് മാത്രമല്ല ആ സംവിധാനം കാര്യക്ഷമവും അല്ലായിരുന്നു. ഇത് മുതലെടുത്ത് മലയാളികൾ അടക്കം ഒരുപാട് വിദേശികളായ നഴ്‌സുമാരും ലാബ് ടെക്‌നീഷ്യന്മാരും ഫാർമസിസ്റ്റുകളും സൗദിയിലെ ആരോഗ്യ രംഗത്ത് ജോലി നേടിയിരുന്നു. വർഷങ്ങളോളം അവർ ആ ജോലിയിൽ തുടർന്നിട്ടുമുണ്ട്.

പിന്നീട് ഇക്കാര്യം സൗദിയുടെ ആരോഗ്യ രംഗത്തെ നിലവാര തകർച്ചക്ക് കാരണമായതോടെ സൗദിയിലെ ഹെൽത് കെയർ റെഗുലേറ്റർ ആയ സൗദി കമ്മീഷൻ ഫോർ ഹെൽത്ത് സ്പെഷ്യാലിറ്റിസ് (SCHS) വ്യാജന്മാർക്കെതിരെ കർശന നടപടികൾ ആരംഭിച്ചു. ജോലി നേടിയവരുടെ സർട്ടിഫിക്കറ്റുകൾ പരിശോധനക്ക് വിധേയമാക്കി. ജോലിക്കാരുടെ നാട്ടിലെ സർട്ടിഫിക്കറ്റുകൾ ഇഷ്യൂ ചെയ്ത സ്ഥാപനങ്ങളുമായി ബന്ധപ്പെട്ട് സർട്ടിഫിക്കറ്റുകളുടെ ആധികാരികത പരിശോധിക്കാനും ഉറപ്പു വരുത്താനുമുള്ള സംവിധാനം ആവിഷ്കരിച്ചു.

ഇതോടെ അപകടം മണത്ത് അനേകം പേർ ജോലി രാജി വെച്ച് തിരികെ നാട്ടിലേക്ക് പോയി. എന്നാൽ ഇവർ ഫൈനൽ എക്സിറ്റിൽ നാട്ടിലേക്ക് പോയതിന് ശേഷവും പരിശോധനയിൽ വ്യാജമാണ് എന്ന് കണ്ടെത്തിയ സർട്ടിഫിക്കറ്റുകളുടെ ഉടമകൾക്ക് എതിരായി ആരോഗ്യ വിഭാഗം ഔദ്യോഗികമായി അധികൃതർക്ക് പരാതി നൽകിയിരുന്നു. ഇതോടെ കൃത്രിമ രേഖകൾ ഉണ്ടാക്കുക തുടങ്ങിയ ഗുരുതരമായ വകുപ്പുകൾ ചുമത്തി ഇവർക്കെതിരെ പോലീസ് കേസുകൾ എടുക്കുകയും ‘ക്രിമിനൽ’ എന്ന് രേഖകളിൽ രേഖപ്പെടുത്തുകയും ചെയ്തിരുന്നു.

കേസുകൾ എടുക്കുന്നതിന് മുൻപായി നാട്ടിലെത്തിയതിനാൽ അനേകം പേർ ക്രിമിനൽ നിയമ നടപടികളിൽ നിന്നും ശിക്ഷയിൽ നിന്നും രക്ഷപ്പെട്ടു. എന്നാൽ ഇവർ എന്നെങ്കിലും പുതിയ വിസയിൽ സൗദിയിലേക്ക് വീണ്ടും തിരിച്ചെത്തുകയോ മറ്റോ ചെയ്‌താൽ ഇവരെ വിമാന താവളത്തിൽ വെച്ച് തന്നെ അറസ്റ്റ് ചെയ്യും.

ഇത്തരത്തിൽ സമാനമായ സംഭവത്തിൽ സൗദിയിൽ നിന്നും 2015 ൽ ഫൈനൽ എക്സിറ്റിൽ നാട്ടിലേക്ക് തിരിച്ചു പോയ ഒരു തെലുങ്കാന സ്വദേശിനി മൂന്ന് വർഷത്തിന് ശേഷം സൗദിയിൽ തിരിച്ചെത്തിയപ്പോൾ ജയിലിലായ വിവരം അടുത്തിടെ പ്രവാസ മണ്ഡലങ്ങളിൽ വലിയ വാർത്തയായിരുന്നു. മാതാപിതാക്കളുമൊത്ത് ഉംറ വിസയിൽ ഉംറ ചെയ്യാനെത്തിയപ്പോഴാണ് ജിദ്ദ വിമാനത്താവളത്തിൽ വെച്ച് അവർ അറസ്റ്റിലായത്. ആദ്യം അവർക്കൊന്നും മനസ്സിലായില്ലെങ്കിലും അധികൃതർ കൂടുതൽ കാര്യങ്ങൾ വെളിപ്പെടുത്തിയപ്പോഴാണ് അവരുടെ പഴയ സർട്ടിഫിക്കറ്റാണ് വില്ലനായത് എന്ന് അവർക്ക് മനസ്സിലായത്.

തെലുങ്കാന നമ്പള്ളി സ്വദേശിനിയായ ഇവർ മുൻപ് പത്ത് വർഷത്തോളം സൗദിയിൽ ലാബ് ടെക്‌നീഷ്യനായി ജോലി ചെയ്തിരുന്നു. ഇവർ യഥാർത്ഥത്തിൽ ഇന്ത്യയിൽ ഒരു വർഷത്തെ കോഴ്സ് മാത്രമായിരുന്നു പൂർത്തിയാക്കിയിരുന്നത്. എന്നാൽ ജോലി ലഭിക്കുന്നതിനായി ഈ സർട്ടിഫിക്കറ്റിൽ കോഴ്‌സിന്റെ കാലാവധിയിൽ മാറ്റങ്ങൾ വരുത്തി ജോലി നേടുകയായിരുന്നു.

പിന്നീട് അധികൃതർ സർട്ടിഫിക്കറ്റ് പരിശോധന ശക്തമാക്കിയപ്പോൾ പിടിക്കപ്പെടുമെന്ന ഭയത്താൽ പരിശോധന ഫലം വരുന്നതിന് മുൻപായി ഇവർ ജോലി രാജി വെച്ച് ഫൈനൽ എക്സിറ്റിൽ നാട്ടിലെത്തി. എന്നാൽ പരിശോധനയിൽ ഇവരുടെ സർട്ടിഫിക്കറ്റ് വ്യാജമാണെന്ന് തെളിഞ്ഞതോടെ ഇവർക്കെതിരെ അധികൃതർ പരാതി നൽകി. തുടർന്ന് ഇവർക്കെതിരെ കേസ് എടുക്കുകയും ക്രിമിനൽ പട്ടികയിൽ ഉൾപ്പെടുത്തുകയും ചെയ്തിരുന്നു.

ഇക്കാര്യങ്ങൾ അറിയാതെ തെലങ്കാന സ്വദേശിനി സൗദിയിലേക്ക് ഉംറ വിസയിൽ മൂന്ന് വർഷങ്ങൾക്ക് ശേഷം ഉംറ ചെയ്യാനായി ജിദ്ദയിൽ തിരിച്ചെത്തിയപ്പോൾ അറസ്റ്റിലാവുകയായിരുന്നു. തുടർന്ന് ഇവർക്കെതിരെ കേസ് നടപടികൾ തുടർന്ന അധികൃതർ ഇവരെ നിയമ നടപടികൾക്കായി ദമ്മാമിലേക്ക് മാറ്റി. തുടർന്ന് വിചാരണയിൽ കുറ്റക്കാരിയാണെന്ന് കണ്ടെത്തിയതോടെ കോടതി ഇവർക്ക് ഒരു വർഷം തടവും 5000 റിയാൽ പിഴയും തടവിന് ശേഷം നാട് കടത്താനും വിധിച്ചു.

തെലങ്കാന സ്വദേശിനിയുടെ നിയമ നടപടികൾ നിങ്ങൾക്കും ബാധകമാണ്. വ്യാജ സർട്ടിഫിക്കറ്റ് പ്രശ്‍നം മൂലമാണ് സൗദിയിൽ നിന്നും തിരികെ വന്നതെങ്കിൽ തിരിച്ചു പോകുന്നതിന് മുൻപായി കൃത്യമായ അന്വേഷണം നടത്തണം. നിങ്ങൾക്കെതിരായി പരാതിയോ ക്രിമിനൽ നടപടികളോ ഇല്ലെന്ന് ഉറപ്പ് വരുത്തുക. അല്ലെങ്കിൽ സൗദിയിൽ ചെന്നിറങ്ങുമ്പോൾ തന്നെ നിങ്ങൾ അറസ്റ്റ് ചെയ്യപ്പെടുകയും നിയമ നടപടികൾക്ക് വിധേയയാവേണ്ടിയും വന്നേക്കാം.

(ഈ വിവരങ്ങൾ പൊതുവായ അറിവിലേക്ക് മാത്രമായി നൽകുന്നതാണ്. നിയമ ഉപദേശമായി കണക്കാക്കാൻ പാടില്ലാത്തതാകുന്നു)

ഉത്തരം നൽകിയത്:
അഡ്വ. ഷിയാസ് കുഞ്ഞിബാവ & തലാൽ അൽ ശഹ്‌രി
(മിഡിൽ ഈസ്റ്റ് കൺസൽട്ടൻറ്സ്.
ദുബായ്, റിയാദ്, ഡൽഹി)

Continue Reading

LATEST

സൗദി പൗരന്റെ ധീരത ഒഴിവാക്കിയത് വൻ ദുരന്തം.

Published

on

അബഹ: മഹായില്‍ അസീറില്‍ സൗദി പൗരന്‍ ശാമി ബിന്‍ മുഹമ്മദ് അസീരിയുടെ ധീരത ഒഴിവാക്കിയത് വൻ ദുരന്തം. പെട്രോള്‍ ബങ്കില്‍ വെച്ച് അഗ്നിബാധയുണ്ടായ കാർ സ്വന്തം കാർ ഉപയോഗിച്ച് ഇദ്ദേഹം മുന്നോട്ട് നീക്കി സ്ഫോടനവും അതിനെ തുടർന്ന് പെട്രോൾ ബങ്കിൽ ഉണ്ടാകാമായിരുന്ന വൻ അഗ്നിബാധയും ഇദ്ദേഹം ഒഴിവാക്കുകയായിരുന്നു.

കുടുംബവുമായി യാത്ര ചെയ്യുമ്പോഴായിരുന്നു പെട്രോൾ ബങ്കിൽ തീ ആളിപ്പടരുന്ന നിലയിൽ കാർ അസീരി കാണുന്നത്. അഗ്നി ശമന ഉപകരണം പോലും ഉപയോഗിക്കാൻ സാധിക്കാതെ ബങ്ക് ജീവനക്കാർ തരിച്ചു നിൽക്കുമ്പോഴാണ് അസീരിയുടെ ഇടപെടൽ ഉണ്ടായത്.

അഗ്നിബാധ കണ്ടയുടനെ ഭാര്യയെയും മക്കളെയും അസീരി പെട്രോള്‍ ബങ്കിന് പിന്നില്‍ ഇറക്കുകയായിരുന്നു. കാറിന്റെ മുൻഭാഗവും മുകൾഭാഗവും ഏതാണ്ട് തീ നാമ്പെടുത്ത അവസ്ഥയിൽ ആയിരുന്നു. മറ്റൊന്നും ആലോച്ചുക്കാതെ അസീരി തന്റെ കാർ തീ പിടിച്ചു കൊണ്ടിരുന്ന കാറിന്റെ പിറകിൽ തന്റെ കാർ ഇടിപ്പിക്കുകയായിരുന്നു.

ആദ്യ തവണ പതുക്കെ ഇടിപ്പിച്ചതിൽ നിന്നും കാർ ഗിയർ പൊസിഷനിൽ അല്ല എന്നും മുന്നോട്ട് നീങ്ങുമെന്നും മനസ്സിലായതോടെ സമയം കളയാതെ സെക്കന്റുകൾക്കുള്ളിൽ തന്നെ കാറിന് പിന്നിൽ തന്റെ കാർ ശക്തിയായി ഇടിപ്പിച്ച് തീ ആളിപ്പടർന്നു കൊണ്ടിരുന്ന കാർ പെട്രോൾ ബങ്കിലെ അപകട മേഖലയിൽ നിന്നും മുന്നോട്ട് തള്ളി നീക്കുകയായിരുന്നു.

തീ പിടിച്ചു കൊണ്ടിരുന്ന കാർ മുന്നോട്ടു നീങ്ങിയതോടെ ഒട്ടും സമയം കളയാതെ അസീരി തന്റെ കാർ ഇടത്തോട്ട് തിരിച്ചു സുരക്ഷിത സ്ഥാനത്തേക്ക് മാറ്റി. തീ പിടിച്ച കാർ മുന്നോട്ട് നീക്കുന്നതിനിടയിൽ തന്റെ കാർ തീ നാളങ്ങള്‍ക്കു മുകളിലൂടെയാണ് കടന്നുപോയതെന്നും പ്രപഞ്ച നാഥന്റെ അനുഗ്രഹം കൊണ്ടാണ് രക്ഷപ്പെട്ടതെന്നും ദൈവത്തിന് നന്ദി പറഞ്ഞു കൊണ്ട് അസീരി പറഞ്ഞു.

അസീരിയുടെ ഈ രംഗങ്ങൾ ചുരുങ്ങിയ സമയം കൊണ്ട് തന്നെ സോഷ്യൽ മീഡിയയിലൂടെ വൈറലായി മാറി. അനേകം സൗദി പൗരന്മാരും വിദേശികളും അസീരിക്ക് അഭിനന്ദനവുമായി മുന്നോട്ട് വന്നു. മഹായില്‍ ആക്ടിംഗ് ഗവര്‍ണര്‍ അലി ബിന്‍ ഇബ്രാഹിം അല്‍ഫലഖി അസീരിയുമായി ബന്ധപ്പെട്ട് അഭിനന്ദനങ്ങൾ അറിയിച്ചു.

Continue Reading

LATEST

ഫാമിലി വിസ സ്റ്റാമ്പ് ചെയ്യാൻ കാത്തിരിക്കുന്ന സൗദിയിലെ ഇന്ത്യൻ പ്രവാസികൾക്ക് സന്തോഷ വാർത്ത.

Published

on

ഇന്ത്യയിൽ നിന്നുള്ള ആരോഗ്യ മേഖലയിലെ ജീവനക്കാരുടെ ഫാമിലി വിസകള്‍ സ്റ്റാമ്പ് ചെയ്യുന്നതിനുള്ള  നടപടികള്‍ സൗദി അറേബ്യ ആരംഭിച്ചു. സൗദിയിലെ ആരോഗ്യമേഖലയിൽ ജോലി ചെയ്യുന്ന ഡോക്ടർമാർ, നഴ്‌സുമാർ, പാരാമെഡിക്കൽ ജീവനക്കാർ എന്നിവരുടെ കുടുംബാംഗങ്ങൾക്കാണ് അനുമതി.

നയതന്ത്ര മേഖലയിലെ ചർച്ചകളുടെ ഫലമായി ഇന്ത്യയിൽ നിന്നുള്ള ആരോഗ്യപ്രവര്‍ത്തകര്‍ക്കും അവരുടെ കുടുംബങ്ങള്‍ക്കും സൗദിയിലേക്ക് മടങ്ങാന്‍ അനുമതി നൽകിയിരുന്നു.

മുംബൈയിലെ സൗദി കോണ്‍സുലേറ്റാണ് സ്റ്റാമ്പ് ചെയ്യുന്നതിനായി  ഫാമിലി വിസകള്‍ സ്വീകരിച്ചു തുടങ്ങിയത്. കഴിഞ്ഞ ദിവസം മുതൽ വിസകൾ സ്വീകരിച്ചു തുടങ്ങിയതായി ബന്ധപ്പെട്ടവർ വ്യക്തമാക്കി.

ആരോഗ്യ മേഖല ജീവനക്കാർക്ക് പുറമെ സർക്കാർ തലത്തിൽ ആവശ്യങ്ങൾക്കായി സന്ദർശന വിസയിൽ സൗദി സന്ദർശിക്കേണ്ട ആവശ്യം ഉള്ളവർക്കും അനുമതി നൽകിയിട്ടുണ്ട്.

ഇന്ത്യന്‍ അംബാസഡര്‍ ഡോ. ഔസാഫ് സഈദിന്റെ നേതൃത്വത്തിൽ സൗദി ആരോഗ്യ വകുപ്പ് സഹമന്ത്രി, സിവില്‍ ഏവിയേഷന്‍ അധികൃതര്‍, വിദേശകാര്യമന്ത്രാലയ ഉദ്യോഗസ്ഥര്‍ എന്നിവരുമായി നടത്തിയ ചർച്ചകളുടെ അനന്തര ഫലമെന്നോണം കോവിഡ് വ്യാപനം കണക്കിലെടുത്ത് ഇന്ത്യക്കാര്‍ക്ക് ഏര്‍പ്പെടുത്തിയ പൊതു വിലക്കില്‍നിന്ന് ആരോഗ്യ മേഖലയിലെ ജീവനക്കാരേയും കുടുംബങ്ങളേയും ഒഴിവാക്കുകയായിരുന്നു. ഇവർക്ക് 14 ദിവസ ക്വാറന്റൈന്‍ ഇല്ലാതെയാണ് സൗദിയിലേക്ക് വരാന്‍ അനുമതിയായത്.

അതെ സമയം സമീപ ദിവസങ്ങളിൽ തന്നെ ഇന്ത്യൻ പ്രവാസികൾക്ക് നല്ല വാർത്ത ശ്രവിക്കാൻ അവസരം ഉണ്ടാകുമെന്നാണ് പ്രതീക്ഷിക്കുന്നതെന്നും അംബാസഡർ പറഞ്ഞു. റിയാദിൽ ഇന്ത്യന്‍ എംബസി ഓഡിറ്റോറിയത്തില്‍ ഭരണഘടന ദിനത്തോടനുബന്ധിച്ച് നടന്ന ചടങ്ങില്‍ പ്രഭാഷണം നടത്തുന്ന അവസത്തിലായിരുന്നു പ്രവാസി സമൂഹത്തിന് അംബാസഡർ ഉറപ്പ് നൽകിയത്. ഇന്ത്യയില്‍ നിന്ന് സൗദി അറേബ്യയിലേക്ക് വിമാനസര്‍വീസ് പുനരാരംഭിക്കുന്നത് സംബന്ധിച്ച് ചര്‍ച്ചകള്‍ തുടരുകയാണ്. എയര്‍ ബബ്ള്‍ കരാറിന് ശ്രമം തുടരുമെന്നും അദ്ദേഹം വ്യക്തമാക്കി.

അതേ സമയം ഇന്ത്യയിൽ നിന്നും ആരോഗ്യ പ്രവർത്തകർ അല്ലാത്തവരുടെ നേരിട്ടുള്ള സൗദി യാത്രക്കുള്ള വിലക്ക് തുടരുകയാണ്. സൗദിയിലേക്ക് പുറപ്പെടുന്നതിന് മുമ്പ് 14 ദിവസം ഇന്ത്യയിൽ കഴിഞ്ഞവർക്ക് സൗദിയിലേക്ക് പ്രവേശിക്കാൻ അനുമതി ഇതുവരെ നൽകിയിട്ടില്ല. ഇത് മറികടക്കുന്നതിനായി യു.എ.ഇയിലും മാലി ദ്വീപിലും മറ്റും 14 ദിവസം താമസിച്ച ശേഷമാണ് ഇപ്പോള്‍ ഇന്ത്യക്കാർ സൗദിയിലേക്ക് പ്രവേശിക്കുന്നത്.

Continue Reading
LATEST10 hours ago

സൗദിയിൽ നിന്ന് ഫൈനൽ എക്സിറ്റിൽ തിരിച്ചു പോയാലും കേസും ജയിലും ശിക്ഷയും

LATEST1 day ago

സൗദി പൗരന്റെ ധീരത ഒഴിവാക്കിയത് വൻ ദുരന്തം.

LATEST1 day ago

ഫാമിലി വിസ സ്റ്റാമ്പ് ചെയ്യാൻ കാത്തിരിക്കുന്ന സൗദിയിലെ ഇന്ത്യൻ പ്രവാസികൾക്ക് സന്തോഷ വാർത്ത.

LATEST1 day ago

സൗദിയിൽ നവജാത ശിശുക്കളെ ആശുപത്രിയിൽ നിന്നും ഡിസ്ചാർജ്ജ് ചെയ്യാൻ ബേബി സീറ്റ് നിർബന്ധമാക്കുന്നു

LATEST2 days ago

സ്‌പോണ്‍സറുടെ വീട്ടിലെ ദൃശ്യങ്ങള്‍ പകര്‍ത്തിയ പ്രവാസി വീട്ടുജോലിക്കാരിക്ക് ജയില്‍ശിക്ഷ

LATEST2 days ago

സൗദിയിൽ മരണത്തിലും അഞ്ചു ജീവിതങ്ങളിൽ പുതു വെളിച്ചം നൽകി മലയാളി.

LATEST3 days ago

സൗദിയിൽ സ്ത്രീകളെ ഉപദ്രവിക്കുന്നവർക്ക് കടുത്ത ശിക്ഷ

LATEST2 weeks ago

ജിദ്ദയിലെ ഈ 9 ഡിസ്ട്രിക്റ്റുകളിൽ 5 ദിവസത്തേക്ക് ജലവിതരണം ഉണ്ടാവില്ല

LATEST2 weeks ago

സൗദിയിൽ നിന്നും ജോലി നഷ്ടപ്പെട്ട് തിരിച്ചെത്തിയ യുവാവ് പിടിച്ചു പറിക്കേസിൽ അറസ്റ്റിൽ

LATEST2 weeks ago

ഇഖാമ, തൊഴിൽ നിയമ ലംഘകർക്കായുള്ള പരിശോധനകൾ വ്യാപകം. മലയാളികൾ അടക്കം അനേകം പേർ പിടിയിലാവുന്നു

LATEST2 weeks ago

ഈ നിബന്ധന പൂർത്തിയാക്കിയില്ലെങ്കിൽ ആശ്രിത വിസക്കാർക്ക് സേവനങ്ങൾ ലഭിക്കില്ലെന്ന് സൗദി ജവാസാത്ത്

LATEST2 weeks ago

മതിയായ രേഖകളില്ലാതെ സൗദിയിലേക്ക് പ്രവേശിക്കുന്നവരെ പിടികൂടാൻ പുതിയ മാർഗ്ഗവുമായി അധികൃതർ

LATEST1 month ago

ഞായറാഴ്ച്ച മുതൽ 20,000 പേർക്ക് ഉംറചെയ്യാം. 60,000 പേർക്ക് ഹറമിലേക്ക് പ്രവേശിക്കാം.

LATEST1 month ago

വിദേശിയായ ഭാര്യയെ ഹുറൂബാക്കി സൗദി പൗരൻ മകനുമായി കടന്നു. ഭാര്യക്ക് നീതി നേടി കൊടുത്ത് സൗദി മനുഷ്യാവകാശ കമ്മീഷൻ

LATEST1 month ago

സൗദിയിലെ നബിദിനം: 24 ന്യൂസ് അവതാരകക്ക് നാക്ക് പിഴച്ചു. ചാനലിനും റിപ്പോർട്ടർക്കും എതിരെ പ്രതിഷേധം.

LATEST2 weeks ago

ഈ നിബന്ധന പൂർത്തിയാക്കിയില്ലെങ്കിൽ ആശ്രിത വിസക്കാർക്ക് സേവനങ്ങൾ ലഭിക്കില്ലെന്ന് സൗദി ജവാസാത്ത്

LATEST1 day ago

ഫാമിലി വിസ സ്റ്റാമ്പ് ചെയ്യാൻ കാത്തിരിക്കുന്ന സൗദിയിലെ ഇന്ത്യൻ പ്രവാസികൾക്ക് സന്തോഷ വാർത്ത.

LATEST2 weeks ago

മതിയായ രേഖകളില്ലാതെ സൗദിയിലേക്ക് പ്രവേശിക്കുന്നവരെ പിടികൂടാൻ പുതിയ മാർഗ്ഗവുമായി അധികൃതർ

LATEST2 weeks ago

ഇഖാമ, തൊഴിൽ നിയമ ലംഘകർക്കായുള്ള പരിശോധനകൾ വ്യാപകം. മലയാളികൾ അടക്കം അനേകം പേർ പിടിയിലാവുന്നു

LATEST2 weeks ago

ജിദ്ദയിലെ ഈ 9 ഡിസ്ട്രിക്റ്റുകളിൽ 5 ദിവസത്തേക്ക് ജലവിതരണം ഉണ്ടാവില്ല

LATEST2 days ago

സ്‌പോണ്‍സറുടെ വീട്ടിലെ ദൃശ്യങ്ങള്‍ പകര്‍ത്തിയ പ്രവാസി വീട്ടുജോലിക്കാരിക്ക് ജയില്‍ശിക്ഷ

LATEST2 weeks ago

സൗദിയിൽ നിന്നും ജോലി നഷ്ടപ്പെട്ട് തിരിച്ചെത്തിയ യുവാവ് പിടിച്ചു പറിക്കേസിൽ അറസ്റ്റിൽ

LATEST1 day ago

സൗദി പൗരന്റെ ധീരത ഒഴിവാക്കിയത് വൻ ദുരന്തം.

LATEST10 hours ago

സൗദിയിൽ നിന്ന് ഫൈനൽ എക്സിറ്റിൽ തിരിച്ചു പോയാലും കേസും ജയിലും ശിക്ഷയും

LATEST3 days ago

സൗദിയിൽ സ്ത്രീകളെ ഉപദ്രവിക്കുന്നവർക്ക് കടുത്ത ശിക്ഷ

LATEST2 days ago

സൗദിയിൽ മരണത്തിലും അഞ്ചു ജീവിതങ്ങളിൽ പുതു വെളിച്ചം നൽകി മലയാളി.

LATEST1 day ago

സൗദിയിൽ നവജാത ശിശുക്കളെ ആശുപത്രിയിൽ നിന്നും ഡിസ്ചാർജ്ജ് ചെയ്യാൻ ബേബി സീറ്റ് നിർബന്ധമാക്കുന്നു

Trending

error: Content is protected !!