Connect with us

SAUDI ARABIA

അന്നം തരുന്ന ഈ മണ്ണ് പ്രവാസികൾക്ക് വേണ്ടി ചെയ്തതെന്താണെന്ന് കാണുക.

Published

on

ഇറാൻ വഴി കിഴക്കൻ പ്രവിശ്യയുടെ ഭാഗത്ത് കൂടെ കോവിഡ് രോഗബാധ രാജ്യത്തേക്ക് അടിവെച്ചു കയറിയ കഴിഞ്ഞ മാർച്ച് രണ്ട് മുതൽ ഓരോ ദിവസവും പുതിയ വാർത്ത വന്നു കൊണ്ടിരിക്കുന്ന ആശങ്കാകുലമായ സാഹചര്യം. എന്നും അല്ലെങ്കിൽ ഒന്നിട വിട്ട ദിവസങ്ങളിൽ പുതിയ രോഗബാധിതരെ കണ്ടെത്തുന്നു, അല്ലെങ്കിൽ പുതിയ ഒരു വിലക്ക് വരുന്നു.

ഉംറ തീർത്ഥാടനം നിർത്തി, സ്‌കൂളുകൾ പൂട്ടിയിട്ടു, വിമാന സർവീസ് നിർത്തി, സർക്കാർ ഓഫീസുകൾക്ക് അവധി നൽകി, സ്വകാര്യ ഓഫീസുകളിൽ നിയന്ത്രിത അവധി, മാളുകളും ഷോപ്പിംഗ് കോംപ്ലക്സുകളും അടച്ചു പൂട്ടി. യാത്ര വിലക്കും പ്രവേശന വിലക്കും മൂലം ലക്ഷക്കണക്കിന് പ്രവാസികൾ നാട്ടിൽ ആശങ്കയോടെ ദിവസങ്ങൾ കഴിച്ചു കൂട്ടുന്നു. സൗദിയിൽ കുടുങ്ങിയ വിസിറ്റ് വിസക്കാരും മറ്റും തിരിച്ചു പോകാൻ സാധിക്കാതെ ആശങ്കാകുലരായി കഴിയുന്നു.

പ്രവാസികളായിരുന്നു കൂടുതൽ ആശങ്കാകുലരായിരുന്നത്. അരക്ഷിതത്വ ബോധം അവരെ വേട്ടയാടിക്കൊണ്ടിരുന്നു. എന്തൊക്കെയായാലും ഒരു വിദേശ രാജ്യത്ത് തങ്ങൾക്ക് എത്രമാത്രം സുരക്ഷിതത്വം അവകാശപ്പെടാനാവും എന്ന ചിന്ത അവരെ കൂടുതൽ അരക്ഷിതത്വ ബോധമുള്ളവരാക്കി.

മനുഷ്യാവകാശ ലംഘനങ്ങളുടെയും രാജ്യ ഭരണത്തിന്റെയും മതാധിഷ്ഠിത ഭരണത്തിന്റെയും പേരിൽ ഏറെ പഴി കേൾക്കുന്ന ഈ രാജ്യം കോവിഡ് മഹാമാരിയുടെ ഈ പ്രതിസന്ധി ഘട്ടത്തിൽ എങ്ങിനെയാണ് ഇവിടുത്തെ പ്രവാസികളുടെ ക്ഷേമവും സുരക്ഷിതത്വവും ഉറപ്പ് വരുത്തിയെന്നത് താഴെ പറയുന്ന 15 ഘട്ടങ്ങളിലൂടെ മനസ്സിലാക്കാൻ സാധിക്കും. 

പ്രവാസികളുടെ മനസ്സിലേക്ക് സൽമാൻ രാജാവിന്റെ അപ്രതീക്ഷിത എൻട്രി.

മാർച്ച് 19: തിരുഗേഹങ്ങളുടെ സേവകൻ സൽമാൻ രാജാവ് രാജ്യത്തെ ജനങ്ങളെ അഭിസംബോധന ചെയ്യുമെന്ന വാർത്ത അപ്രതീക്ഷിതമായി ദൃശ്യ മാധ്യമങ്ങളിൽ ബ്രേക്കിംഗ് ന്യൂസുകളായി സ്ക്രോൾ ചെയ്തു പോകുമ്പോഴും ദശലക്ഷക്കണക്കിന് വരുന്ന പ്രവാസികൾ നിസ്സംഗരായിരുന്നു. പ്രത്യേകിച്ചും മലയാളികളായ പ്രവാസികൾ, നാട്ടിലെ കുടുംബത്തിന്റെ അവസ്ഥയും കേരളത്തിൽ ആയിരുന്നെങ്കിൽ തങ്ങൾക്ക് ലഭിക്കുമായിരുന്ന ചികിത്സയുടെ മേന്മയോർത്ത് നെടുവീർപ്പിടുകയായിരുന്നു. 

എന്നാൽ ആ അപ്രതീക്ഷിത എൻട്രിയിലൂടെ ആറ്റിക്കുറുക്കിയ വാക്കുകളിൽ സൽമാൻ രാജാവ് രാജ്യത്തെ പ്രവാസി സമൂഹത്തിന് പകർന്ന് കൊടുത്തത് ചെറുതല്ലാത്ത ആത്മ വിശ്വാസവും സുരക്ഷിതത്വ ബോധവുമായിരുന്നു. ചുരുങ്ങിയ നിമിഷങ്ങളിലെ സന്ദേശത്തിനിടയിൽ ഭീതിയുളവാക്കുന്ന ഒരു വാക്ക് പോലും രാജാവ് പ്രയോഗിച്ചില്ല.

പ്രസംഗത്തിനിടയിൽ ഒരിക്കൽ പോലും അദ്ദേഹം സ്വദേശികൾക്ക് മാത്രമായി ഒന്നും വാഗ്ദാനം ചെയ്തില്ല. വാഗ്ദാനങ്ങൾ നൽകുമ്പോൾ രാജ്യത്തെ പൗരന്മാർ എന്ന വാക്ക് ഉപയോഗിക്കുന്ന സ്ഥലങ്ങളിൽ ഒക്കെത്തന്നെ വിദേശികളും എന്ന വാക്ക് അദ്ദേഹം ഉപയോഗിച്ചു.

രാജ്യത്തെ മുഴുവൻ വകുപ്പുകളും സ്വദേശികളുടെയും വിദേശികളുടെയും സുരക്ഷാ ഉറപ്പ് വരുത്തുമെന്ന അദ്ദേഹത്തിന്റെ വാക്കികൾ വല്ലാത്തൊരു സുരക്ഷിതത്വ ബോധമാണ് പ്രവാസികളിൽ ഉണ്ടാക്കിയത്. പുണ്യഭൂമിയിൽ വസിക്കുന്ന സ്വദേശികൾക്കും വിദേശികൾക്കും ഭക്ഷണം, മരുന്നുകൾ, അത്യാവശ്യ വിഭവങ്ങളെന്നിവ രാജ്യം ഉറപ്പു വരുത്തുമെന്ന പ്രഖ്യാപനത്തിൽ ആശ്വാസം കൊണ്ടത് സ്വദേശികളേക്കാൾ ആ ദിനം വരെ അരക്ഷിതാവസ്ഥയിൽ കഴിഞ്ഞിരുന്ന വിദേശികളായിരുന്നു.

ഈ പ്രതിസന്ധിയിലും രാജ്യം തങ്ങളെ കൈവിടില്ലെന്നും ചേർത്ത് പിടിക്കുമെന്നുമുള്ള സന്ദേശമാണ് ചുരുങ്ങിയ വാക്കുകളിൽ സൽമാൻ രാജാവ് വിദേശികൾക്ക് പരോക്ഷമായി നൽകിയത്. എല്ലാവരും ഒറ്റക്കെട്ടായി നിന്ന് കൊണ്ട് കൊറോണ എന്ന മഹാമാരിയെ രാജ്യത്ത് നിന്ന് ഇല്ലാതാക്കണമെന്ന ആദ്ദേഹത്തിന്റെ ആഹ്വാനം നിറഞ്ഞ മനസ്സോടെയാണ് രാജ്യത്തെ പ്രവാസി സമൂഹം ഏറ്റെടുത്തത്.

വിദേശികൾക്കും സൗജന്യ കോവിഡ് ചികിത്സ. അനധികൃത താമസക്കാർക്കും.

മാർച്ച് 30: രോഗബാധ മൂലം പരസ്പരം അതിർത്തികൾ കെട്ടിയടക്കുന്ന ഈ ദുരിത കാലഘട്ടത്തിലും വിദേശികളെ കൈവിടാതെയുള്ള പുണ്യഭൂമിയുടെ രാജകാരുണ്യം മാതൃകയായി. സ്വദേശികൾക്കൊപ്പം രാജ്യത്തെ വിദേശികൾക്കും അനധികൃത തൊഴിലാളികൾക്കും കൊറോണ രോഗബാധ ചികിത്സ സൗജന്യമായി നൽകാൻ സൗദി ഭരണാധികാരി സൽമാൻ രാജാവ് ഉത്തരവിട്ടു.  

സഹജീവി സ്നേഹത്തിന്ററിയും കാരുണ്യത്തിന്റെയും ഒരുപടി കൂടി കടന്ന് വിസ നിയമങ്ങൾ തെറ്റിച്ച് രാജ്യത്ത് കഴിയുന്ന രാജ്യത്ത് തുടരുന്ന അനധികൃത താമസക്കാർക്കും സൗജന്യ കൊറോണ ചികിത്സ നൽകണമെന്നും ഉത്തരവിൽ നിർദ്ദേശം ഉണ്ടായിരുന്നു. രോഗബാധയുമായി വരുന്നവർക്ക് നിയമ പ്രശ്നങ്ങൾ പരിഗണിക്കാതെ വേർതിരിവ് ‌കാണിക്കാതെ ചികിത്സ ലഭ്യമാക്കാനായിരുന്നു ഉത്തരവ്.

അന്യ രാജ്യത്ത് കയ്യിൽ പണമില്ലാതെ ചികിൽസിക്കാൻ മാർഗ്ഗമില്ലാതെ പരിചരിക്കാൻ ആളില്ലാതെ പുഴുക്കളെ പോലെ ജീവൻ ഇല്ലാതാവുമായിരുന്ന എണ്ണമറ്റ ജീവനുകളാണ് ഈ ഉത്തരവിലൂടെ നിലനിർത്താൻ വഴിയൊരുങ്ങിയത്.

അപ്രതീക്ഷിത ആനുകൂല്യം.

മാർച്ച് 12: പുതിയ 21 കൊറോണ ബാധിതരെ രാജ്യത്ത് കണ്ടെത്തിതോടെ കർശനമായ നടപടികൾ സൗദി അറേബ്യ സ്വീകരിക്കുന്നു. രാജ്യത്തിന് പുറത്തുള്ളവർക്ക് രാജ്യത്തേക്ക് തിരിച്ചെത്താൻ 72 മണിക്കൂർ അനുവദിക്കുന്നു. 

ഈ രാജ്യങ്ങളിലുള്ള സൗദി പൗരന്മാര്‍ക്കും സാധുവായ സൗദി ഇഖാമയുള്ളവർക്കും മടങ്ങുന്നതിന് 72 മണിക്കൂര്‍ സമയം മന്ത്രാലയം അനുവദിച്ചിട്ടുണ്ട്. അതിന് ശേഷം ഇവർക്ക് താൽക്കാലിക പ്രവേശന വിലക്ക് ബാധകമാവുമെന്ന് ആഭ്യന്തര മന്ത്രാലയം വ്യക്തമാക്കുന്നു. 

പക്ഷെ ആ നടപടി മൂന്നാം ലോക രാജ്യങ്ങളിലെ പ്രവാസികളെ മാത്രം ലക്ഷ്യമിട്ടു കൊണ്ടുള്ളതായിരുന്നില്ല. കാരണം ഇന്ത്യയും പാക്കിസ്ഥാനും അടക്കമുള്ള ഏഷ്യൻ രാജ്യങ്ങളെ വിലക്കിയപ്പോൾ തന്നെ യൂറോപ്യൻ യൂണിയൻ രാജ്യങ്ങളെയും സ്വിസ്സ് കോൺഫെഡറേഷൻ തുടങ്ങിയ രാജ്യങ്ങളെയും ആഫ്രിക്കൻ രാജ്യങ്ങളെയും നിരോധിച്ചിരുന്നു. സൗദിയിലേക്ക് വരുന്നതിന് 14 ദിവസം മുമ്പ് ഈ രാജ്യങ്ങളില്‍ താമസിച്ചവര്‍ക്കും രാജ്യത്തേക്ക് പ്രവേശിക്കാനാവില്ല.

പക്ഷെ ആ പ്രവേശന വിലക്ക് പെരുമ്പറ കൊട്ടിയത് മലയാളികൾ അടക്കമുള്ള ലക്ഷക്കണക്കിന് പ്രവാസികളുടെ നെഞ്ചിലായിരുന്നു. ലേബറും ബക്കാലക്കാരനും പൈപ്പ് ഫിറ്ററും തുടങ്ങിയ ബ്ലൂ കോളർ തൊഴിലാളികൾക്കൊപ്പം ഉന്നത തസ്തികയിൽ ജോലി ചെയ്യുന്ന പതിനായിരക്കണക്കിന് വൈറ്റ് കോളർ ജീവനക്കാർക്ക് വരെ അന്നം തരുന്ന രാജ്യം താൽക്കാലികമായാണെങ്കിൽ പോലും അന്യമായി മാറി.

സൗദി അറേബ്യ നൽകിയ 72 മണിക്കൂർ സമയത്തിനുള്ളിൽ ഏതു വിധേനയും തിരികെയെത്താൻ പ്രവാസി വിമാന കമ്പനി ഓഫീസുകളിലും ട്രാവൽ ഏജൻസികളും കയറിയിറങ്ങി. 15400 രൂപയോളം ഉണ്ടായിരുന്ന വിമാന ടിക്കറ്റ് നിരക്ക് സൗദിയുടെ പുതിയ തീരുമാനത്തോടെ 20000 വും പിന്നീട് 80000 വരെ റോക്കറ്റ് പോലെ കുതിച്ചു. അതും നൽകാൻ പ്രവാസികൾ തയ്യാറായിരുന്നു. പക്ഷെ പണം നൽകിയാലും ടിക്കറ്റ് ലഭിക്കാനില്ലാത്ത അവസ്ഥയിൽ നെഞ്ചിൽ കൈവെച്ച് പ്രപഞ്ച നാഥനോട് ഉള്ളുരുകി പ്രാർത്ഥിക്കാൻ മാത്രമേ പ്രവാസിക്ക് കഴിഞ്ഞുള്ളു.

ഉള്ളുരുകി പ്രവർത്തിക്കുന്നവരെ ഒരിക്കലും അവരുടെ ദൈവം കൈവിടാറില്ല. പ്രവാസിയുടെ നെഞ്ചുരുകിയുള്ള ആ പ്രാർത്ഥനക്ക് ഫലമുണ്ടായി. പക്ഷെ മണിക്കൂറുകൾക്ക് ശേഷം തന്നെ പ്രവാസികൾക്ക് ഏറെ ആശ്വാസം പകർന്ന ആ തീരുമാനമുണ്ടായി.

മാനുഷിക പരിഗണനയും പ്രത്യേക സാഹചര്യവും മുൻനിറുത്തി 72 മണിക്കൂറുകൾക്കുള്ളിൽ സൗദിയിൽ പ്രവേശിക്കാൻ കഴിയാത്തവരുടെ ഇഖാമയുടെയും റീ എൻട്രിയുടെയും തിയ്യതി അവസാനിക്കുകയാണെങ്കിൽ പുതുക്കി നൽകുകയും സൗദിയിലേക്ക് തിരിച്ചു വരാനുള്ള അവസരം നൽകുകയും ചെയ്യുമെന്നുള്ള ഏറെ പ്രാധാന്യമുള്ള തീരുമാനം. നിലവിലെ പ്രത്യേക സാഹചര്യത്തിൽ മാനുഷിക പരിഗണന വെച്ചാണ് നടപടി. അവധിയിൽ പോയവരുടെ ഇഖാമയോ റീഎൻട്രിയോ കാലാവധിയുള്ളതാണെങ്കിൽ വിലക്കു സമയം ഗ്രേസ് പിരിയഡായി പരിഗണിക്കും. യാത്രാവിലക്ക് വ്യവസ്ഥ പ്രഖ്യാപിക്കുന്നതിന് മുമ്പു തന്നെ കാലാവധി ഉള്ള ഇഖാമാക്കും റീ എൻട്രിക്കുമാണ് ഈ പരിഗണന ലഭിക്കുക. ലക്ഷക്കണക്കിന് പ്രവാസികളുടെ നെഞ്ചിലെ തീ കെടുത്തിയ തീരുമാനം.

ലെവിയില്ലാതെ, ഫീസില്ലാതെ സൗജന്യ ഇഖാമ പുതുക്കൽ.

ഏപ്രിൽ 1: പ്രതിസന്ധിയെ തുടര്‍ന്ന് ജോലിയും വരുമാനവും നിലച്ച് ബുദ്ധിമുട്ടുന്ന വിദേശ തൊഴിലാളികൾക്ക് സമാശ്വാസമായി ഗവർമെന്റ് പ്രഖ്യാപിച്ച മൂന്നു മാസം സൗജന്യ ഇഖാമ പുതുക്കൽ പ്രഖ്യാപനം പ്രാബല്യത്തിലായി. മാര്‍ച്ച് 18നും ജൂണ്‍ 30നും ഇടയില്‍ കാലാവധി അവസാനിക്കുന്ന ഇഖാമകളായിരുന്നു പുതുക്കി നൽകിയിരുന്നത്.

ലെവി ഉള്‍പ്പെടെയുളള ഫീസുകള്‍ ഈടാക്കാതെയാണ് വിദേശ തൊഴിലാളികളുടെ ഇഖാമകൾ മൂന്നു മാസം പുതുക്കി നൽകുന്നത്. ഇഖാമകൾ ഒട്ടോമാറ്റിക്കായി പുതുക്കി നൽകുന്ന നടപടി ക്രമമായതിനാൽ ഇതിന് വേണ്ടി സ്‌പോണ്‍സര്‍മാര്‍ പാസ്‌പോര്‍ട്ട് ഓഫീസില്‍ പോകേണ്ടതില്ലായിരുന്നു. അത് പോലെ തന്നെ ആഭ്യന്തര മന്ത്രാലയത്തിന്റെ മുഖീം, അബ്ശര്‍ പോര്‍ട്ടലുകള്‍ സന്ദര്‍ശിച്ച് നടപടിക്രമങ്ങൾ പാലിക്കേണ്ടിയും വന്നില്ല. 

സാധാരണ ഗതിയിൽ ഒരു വിദേശ തൊഴിലാളിക്ക് ഒരു വര്‍ഷത്തേക്ക് ഇഖാമ പുതുക്കുന്നതിന് ലെവി, ഇന്‍ഷുറന്‍സ്, ഇഖാമ ഫീസ് എന്നീ ചിലവുകൾ ഉൾപ്പെടെ പതിനായിരത്തോളം സൗദി റിയാല്‍ ചിലവ് വരുന്ന സാഹചര്യത്തിലായിരുന്നു സൗജന്യമായി പുതുക്കി നൽകിയത്.

തടവുകാരെ വിട്ടയക്കുന്നു.

ഏപ്രിൽ 7: കൊറോണ വൈറസ് വ്യാപനം തടയുന്നതിന്റെ ഭാഗമായി സൗദി ജയിലുകളിൽ കഴിയുന്ന തടവുകാരെ വിട്ടയക്കാൻ തിരുഗേഹങ്ങളുടെ സേവകൻ സൽമാൻ രാജാവ് ഉത്തരവിടുന്നു. സാമ്പത്തിക കേസുകളില്‍ നേരിട്ടും ജാമ്യം മറ്റുള്ളവർക്കായി നിന്നും മലയാളികളടക്കം നിരവധി പേര്‍ ജയിലുകളില്‍ കഴിയുന്നുണ്ട്. ഇവർക്കെല്ലാം ആശ്വാസമാവുന്നതാണ് സൽമാൻ രാജാവിന്റെ ഉത്തരവ്.

സാമ്പത്തിക കുറ്റകൃത്യങ്ങൾക്ക് ജയിലിലാക്കപ്പെട്ട തടവുകാർക്കാണ് ഈ ഉത്തരവിന്റെ ആനുകൂല്യം ലഭിക്കുക. സാമ്പത്തിക കുറ്റകൃത്യങ്ങൾ ഉള്ള സ്വകാര്യ അവകാശ കേസുകളില്‍ പുതിയ ഉത്തരവുകൾ കോടതി ഉടനെ ഇറക്കരുതെന്നും നിലവിലുള്ള കോടതി വിധികൾ നടപ്പാക്കരുതെന്ന് നിർദ്ദേശമുണ്ടായിരുന്നു.

റീ എൻട്രി വിസകൾ സൗജന്യമായി നീട്ടിക്കൊടുക്കുന്നു.

ഏപ്രിൽ 8: സൗദി അറേബ്യയില്‍ നിന്നും നാട്ടിലേക്ക് പോകാൻ റീ എൻട്രി അടിച്ച വിദേശികളുടെ റീ എന്‍ട്രി വിസകൾ മൂന്നു മാസത്തേക്ക് കൂടി സൗജന്യമായി നീട്ടി നൽകുമെന്ന തീരുമാനം ഉണ്ടായി. 

തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ ഉത്തരവിന്റെ അടിസ്ഥാനത്തിലായിരുന്നു ആ തീരുമാനം. വിമാന സര്‍വീസുകള്‍ റദ്ദാക്കിയതിനാല്‍ ഫെബ്രുവരി 25 മുതല്‍ മാര്‍ച്ച് 20 വരെ കാലയളവിലുള്ള റീ എന്‍ട്രി മാത്രമേ നീട്ടിനല്‍കുകയുള്ളൂവെന്ന് നേരത്തെ ജവാസാത്ത് അറിയിച്ചിരുന്നു.

എന്നാൽ രാജ കൽപന പ്രകാരം ഫെബ്രുവരി 25 മുതല്‍ മെയ് 24 വരെ തിയ്യതികളില്‍ കാലാവധി അവസാനിക്കുന്ന ഉപയോഗിക്കാത്ത റീ എന്‍ട്രികൾ സൗജന്യമായി പുതുക്കി കൊടുക്കുകയായിരുന്നു. മൂന്ന് മാസത്തെ കാലാവധിയാണ് അധികമായി നൽകിയത്. തികച്ചും ഓട്ടോമാറ്റിക്കായി പുതുക്കി നൽകുന്നതിനാൽ പുതുക്കാനായി വിദേശികൾ ജവാസാത്തിനെ സമീപിക്കേണ്ട ആവശ്യം ഉണ്ടായിരുന്നില്ല. 

തൊഴിലാളികൾ സുരക്ഷിത ഇടങ്ങളിലേക്ക്.

ഏപ്രിൽ 11: രോഗ വ്യാപന ഭീഷണിയുടെ പശ്ചാത്തലത്തില്‍ ആള്‍കൂട്ടവും തിരക്കും ഒന്നിച്ചുള്ള താമസവും നിയന്ത്രിക്കുന്നതിനായി കിഴക്കന്‍ പ്രവിശ്യയിലെ ലേബര്‍ ക്യാമ്പുകളില്‍ നിന്ന് വിദേശികളായ തൊഴിലാളികളെ സുരക്ഷിത സ്ഥലങ്ങളിലേക്ക് മാറ്റുന്നു. 

സൗദി നഗര, ഗ്രാമകാര്യ മന്ത്രാലയമായിരുന്നു ഇതിനായി സൗകര്യമൊരുക്കിയത്. ഇതിനായി 15 സ്‌കൂളുകള്‍ പ്രത്യേകം തയ്യാറാക്കി. ആരോഗ്യമന്ത്രാലയത്തിന്റെ എല്ലാ സുരക്ഷ മാനദണ്ഡങ്ങളും പാലിച്ചാണ് റൂമുകള്‍ സൗകര്യപ്പെടുത്തിയത്.

സൗജന്യമായി സ്വരാജ്യത്തേക്ക്.

ഏപ്രിൽ 22: കമ്പനിയുമായുള്ള കരാർ കാലാവധി അവസാനിച്ചവരും ഫൈനൽ എക്സിറ്റ് നേടിയിട്ടും നാട്ടിൽ പോകാനാവാതെ കുടുങ്ങിയ വിദേശികൾക്ക് സ്വദേശത്തേക്ക് മടങ്ങാനുള്ള മാനവവിഭവ ശേഷി സാമൂഹിക വികസന മന്ത്രാലയ പദ്ധതിക്ക് തുടക്കമായി. സൗദി ഭരണാധികാരി സല്‍മാന്‍ രാജാവിന്റെ നിര്‍ദേശപ്രകാരമായിരുന്നു നടപടി. ആദ്യ വിമാനം ഫിലിപ്പൈൻസ് തലസ്ഥാനമായ മനിലയിലേക്ക് പറന്നു.

കോവിഡ് മൂലം സൗദിയിൽ നിന്നും വിമാന സർവീസുകൾ ഇല്ലാത്തതിനാൽ സൗദി എയർലൈൻസ് ഈ പദ്ധതിക്കായി പ്രത്യേക വിമാന സർവീസ് ആരംഭിക്കുകയായിരുന്നു. നിറയെ യാത്രക്കാരുമായാണ് മനിലയിലേക്ക് പറന്നതെങ്കിലും യാത്രക്കാരെ കയറ്റാതെയാണ് വിമാനം തിരിച്ചു സൗദിയിലേക്ക് പറക്കുക.

പദ്ധതിയുടെ ഭാഗമായി എല്ലാ രാജ്യങ്ങളിലേക്കും മന്ത്രാലയം ഈ സൗകര്യം ഒരുക്കിയെങ്കിലും വിമാന സർവീസുകൾക്ക് ഇന്ത്യയിലിറങ്ങാൻ കേന്ദ്ര സർക്കാരിന്റെ അനുമതി ഇല്ലാതിരുന്നതിനാൽ ഈ ആനുകൂല്യം ഉപയോഗപ്പെടുത്താനായില്ല.   

റീ എൻട്രി വിസകൾ വീണ്ടും പുതുക്കുന്നു. 

ഓഗസ്റ്റ് 27: റീ എൻട്രി വിസയിൽ അവധിക്ക് പോയി തിരിച്ചു വരാൻ സാധിക്കാത്ത വിദേശികളുടെ റീ എൻട്രി വിസകൾ സൗജന്യമായി ഒട്ടോമാറ്റിക്കായി പുതുക്കി തുടങ്ങി. റീ എൻട്രി വിസകൾ സെപ്റ്റംബർ മുപ്പത് വരെ ജവാസാത്ത് ഓട്ടോമാറ്റിക്കായി പുതുക്കി നൽകിയിട്ടുണ്ട്.

സ്‌പോൺസർമാർ മുഖേന ഒരു മാസം റീ എൻട്രി ദീർഘിപ്പിക്കാൻ അനുമതി ഉണ്ടായിരുന്നു എങ്കിലും പ്രായോഗിക ബുദ്ധിമുട്ടുകളാൽ നാട്ടിൽ നിന്ന് പലർക്കും ഇത് സാധിച്ചിരുന്നില്ല. അബ്ഷീർ വഴിയും മുഖീം വഴിയുമാണ് കാലാവധി പുതുക്കി നൽകിയിരുന്നത്. ഇതിനായി നൂറു റിയാൽ ഫീസ് അടക്കുകയും വേണം. സ്‌പോൺസർമാർ മുഖേന മേൽ പറഞ്ഞ തരത്തിൽ പുതുക്കാൻ സാധിക്കാത്ത പതിനായിരക്കണക്കിന് പ്രവാസികൾക്കാണ് ജവാസത്തിന്റെ ഈ നടപടി ആശ്വാസം പകർന്നത്.

സൽമാൻ രാജാവിന്റെ ഉറപ്പ് വീണ്ടും.

മെയ് 23: ജാഗ്രതയുടെയും കരുതലിന്റെയും പക്ഷത്ത് നിന്ന് ഈദ് ആഘോഷങ്ങളും ആശംസകളും വീടുകളിൽ കഴിഞ്ഞു കൊണ്ട് തന്നെ പരസപരം നടത്തണമെന്ന് സ്വദേശികളോടും വിദേശികളോടും തിരുഗേഹങ്ങളുടെ സേവകൻ സൽമാൻ രാജാവ്.

രാജ്യത്തെ സ്വദേശികളുടെയും വിദേശികളുടെയും സുരക്ഷക്കാണ് രാജ്യം പരമമായ പരിഗണന നൽകുന്നതെന്ന് ഈ സന്ദേശത്തിലും സൽമാൻ രാജാവ് വ്യക്തമാക്കി.

കൂടുതൽ ആനുകൂല്യങ്ങൾ.

ജൂലൈ 5: പ്രതിസന്ധി മൂലം ബുദ്ധിമുട്ട് അനുഭവിക്കുന്ന പ്രവാസികള്‍ക്കായി സൗദി അറേബ്യ കൂടുതല്‍ ഇളവുകളും ആനുകൂല്യങ്ങളും പ്രഖ്യാപിച്ചു. തീരുമാനങ്ങൾക്ക് സൽമാൻ രാജാവിന്റെ പ്രത്യേക അനുമതി ലഭിച്ചതായി ആഭ്യന്തര മന്ത്രാലയം വ്യക്തമാക്കി.

വിമാന സര്‍വീസ് റദ്ദാക്കിയത് കാരണം നാട്ടില്‍ പോകാനാകാതെ കുടുങ്ങിയ വിദേശികളുടെ ഫൈനല്‍ എക്സിറ്റ് വിസ നീട്ടി നൽകി. സൗജന്യമായിട്ടായിരുന്നു ഇവ നീട്ടി നൽകിയത്. അത് പോലെ തന്നെ വിമാന സര്‍വീസ് റദ്ദാക്കിയത് കാരണം നാട്ടില്‍ അവധിയിൽ പോയി തിരിച്ചു വരാൻ സാധിക്കാതെ ഇഖാമ കാലാവധി തീര്‍ന്നവര്‍ക്കും കാലാവധി തീരാനിരിക്കുന്നവര്‍‌ക്കും മൂന്ന് മാസത്തേക്ക് കൂടി ഇഖാമ നീട്ടി നൽകി. ഇവരുടെ ഇഖാമകൾ ഓട്ടോമാറ്റിക്കായി നീട്ടി നൽകി. ഇ സേവനവും സൗജന്യമായിരുന്നു.

കൂടാതെ അവധിക്ക് പോയി വിമാന സര്‍വീസ് റദ്ദാക്കിയത് കാരണം തിരിച്ചു വരാൻ സാധിക്കാതെ റീ എന്‍ട്രി കാലാവധി കഴിഞ്ഞവരുടെ റീഎന്‍ട്രി ഓട്ടോമാറ്റിക്കായി നീട്ടി നൽകി.

സൗദിയിലുള്ള എല്ലാ വിദേശികളുടേയും ഇഖാമ കാലാവധി നീട്ടി നൽകി. മൂന്ന് മാസത്തേക്കാണ് നീട്ടി നൽകിയത്. ഇഖാമ കാലാവധി നിലവില്‍ അവസാനിക്കുന്നവര്‍ക്കെല്ലാം ഓട്ടോമാറ്റിക് ആയി കാലാവധി നീട്ടി നൽകി. 

സൗദിയിലേക്ക് വിസിറ്റ് വിസയിലെത്തി വിമാന സര്‍വീസ് റദ്ദാക്കിയത് കാരണം തിരിച്ചു പോകാൻ സാധിക്കാതെ സൗദിയിൽ തന്നെ തങ്ങേണ്ടി വന്ന എല്ലാ വിസിറ്റ് വിസക്കാര്‍ക്കും മൂന്ന് മാസത്തേക്ക് കൂടി വിസാ കാലാവധി നീട്ടി നൽകി.

ഫൈനൽ എക്സിറ്റും റീ എൻട്രിയും.

സെപ്റ്റംബർ 7: നിലവിലെ പ്രതിസന്ധി മൂലം അന്താരാഷ്ട്ര വിമാനസര്‍വീസുകള്‍ റദ്ദാക്കിയതിനാല്‍ നാട്ടില്‍ പോകാന്‍ സാധിക്കാതെ സൗദി അറേബ്യയില്‍ കഴിയുന്നവരുടെ ഉപയോഗിക്കാത്ത റീ എന്‍ട്രിയും ഫൈനല്‍ എക്‌സിറ്റും 30 വരെ സൗജന്യമായി ദീർഘിപ്പിച്ചു.

സൗദി അറേബ്യയില്‍ നിന്ന് നാട്ടിലേക്ക് റീ എന്‍ട്രിയില്‍ പോയവരുടെ ഇഖാമയുടെ കാലാവധിയും ഒരു മാസത്തേക്ക് ദീര്‍ഘിപ്പിച്ചു. നാട്ടില്‍ പോയവരുടെ റീ എന്‍ട്രിയും സെപ്തംബര്‍ 30 വരെ നീട്ടിയിരുന്നു.

സെപ്തംബര്‍ ഒന്നിനും 30നും ഇടയില്‍ റീ എന്‍ട്രി കാലാവധി അവസാനിക്കുന്നവര്‍ക്കാണ് ഇഖാമയുടെ കാലാവധി ഒരു മാസത്തേക്ക് കൂടി ദീര്‍ഘിപ്പിച്ചു കൊടുത്തത്.

രാജ്യെത്തേക്ക് പ്രവേശിക്കാം.

സെപ്റ്റംബർ 13: സൗദിയിൽ നിന്നും അവധിയിൽ പോയി കുടുങ്ങിയ പ്രവാസികൾക്ക് ഏറെ ആശ്വാസം നൽകി ആഭ്യന്തര മന്ത്രാലയത്തിന്റെ പ്രഖ്യാപനം.

സൗദിയിൽ നിന്നും അവധിയിൽ പോയി നാട്ടിൽ റീ എന്‍ട്രിയില്‍ നാട്ടില്‍ കഴിയുന്ന വിദേശികള്‍ക്കും ആശ്രിതര്‍ക്കും സെപ്തംബര്‍ 15ന് ചൊവ്വാഴ്ച രാവിലെ ആറു മുതല്‍ സൗദിയിലേക്ക് പ്രവേശിക്കാൻ ആഭ്യന്തരമന്ത്രാലയം അനുമതി നൽകി. 

തൊഴില്‍ വിസ, സന്ദര്‍ശക വിസ, റീ എന്‍ട്രി, തുടങ്ങി എല്ലാതരം വിസയിലുള്ളവര്‍ക്കും സെപ്റ്റംബർ 15 മുതല്‍ രാജ്യത്തേക്ക് പ്രവേശിക്കാം. ഇന്ത്യയിൽ നിന്നുള്ളവർ 14 ദിവസം യു എ ഇ പോലുള്ള രാജ്യങ്ങളിൽ താമസിച്ച് ഈ ആനുകൂല്യം ഉപയോഗപ്പെടുത്തുന്നു. 

നടപ്പിലാക്കിയത് പ്രവാസികളുടെ ദീർഘകാല ആവശ്യം.

ഒക്ടോബർ 22: തൊഴിലുടമകൾക്കും തൊഴിലാളികൾക്കും കമ്പനികൾക്കും ഏറെ സഹായകമായ ഓൺലൈൻ സേവനങ്ങൾ നൽകുന്ന ജവാസാതിന്റെ മൂന്ന് ഓൺലൈൻ പ്ലാറ്റ്‌ഫോമുകളിലൂടെ പന്ത്രണ്ട് സേവനങ്ങൾ ആഭ്യന്തര മന്ത്രി അബ്ദുല്‍ അസീസ് ബിന്‍ സൗദ് ബിന്‍ നായിഫ് രാജകുമാരന്‍ ഉദ്ഘാടനം ചെയ്തു. കോവിഡ് പശ്ചാത്തലത്തില്‍ പരീക്ഷണാര്‍ഥം നടപ്പാക്കിയ പരിഷ്‌കരണം നടപ്പാക്കുകയും പിന്നീട് സ്ഥിരപ്പെടുത്തുകയായിരുന്നു.

 ആഭ്യന്തര മന്ത്രി ഉദ്ഘാടനം ചെയ്ത അബ്ശിര്‍ ഇന്‍ഡിവിജ്വല്‍സ് പ്ലാറ്റ്ഫോം വ്യക്തികള്‍ക്ക് ഓണ്‍ലൈന്‍ സേവനങ്ങള്‍ നൽകുന്നതിനും അബ്ശിര്‍ ബിസിനസ് പ്ലാറ്റ്ഫോം ബിസിനസ് മേഖലക്ക് ഓണ്‍ലൈന്‍ സേവനങ്ങള്‍ നല്‍കുന്നതിനും മുഖീം പ്ലാറ്റ്ഫോം വന്‍കിട കമ്പനികള്‍ക്ക് ഓണ്‍ലൈന്‍ സേവനങ്ങള്‍ നല്‍കുന്നതിനുമായാണ് രൂപം നൽകിയിട്ടുള്ളത്. 

സൗദി അറേബ്യയില്‍ നിന്ന് നാട്ടില്‍ അവധിക്ക് പോകുന്നവരുടെ ഇഖാമയും റീ എന്‍ട്രിയും നാട്ടിൽ നിന്ന് തന്നെ ദീർഘിപ്പിക്കാൻ സാധിക്കുന്നതിലൂടെ നടപ്പിലായത് തൊഴിലാളികളുടെയും കമ്പനികളുടെയും ദീർഘകാല ആവശ്യം.

വിദേശികളായ ആരോഗ്യ പ്രവർത്തകർക്ക് ഒരു കോടി രൂപ വീതം.

ഒക്ടോബർ 27: രാജ്യത്തെ സേവിച്ച് മരണം വരിച്ച വിദേശികളായ ആരോഗ്യ പ്രവർത്തകർക്ക് സൗദി അറേബ്യയുടെ മരണാനന്തര ആദരം.

കോവിഡ് ബാധിച്ചു മരിച്ച വിദേശികളായ ആരോഗ്യ പ്രവർത്തകരുടെ കുടുംബങ്ങൾക്ക് അഞ്ചു ലക്ഷം റിയാൽ (ഏതാണ്ട് ഒരു കോടിയോളം ഇന്ത്യൻ രൂപ) വീതം നൽകാൻ സൗദി മന്ത്രിസഭാ യോഗം തീരുമാനിച്ചു. സൽമാൻ രാജാവിന്റെ അധ്യക്ഷതയിൽ ചേർന്ന കാബിനറ്റ് യോഗത്തിലാണ് മനുഷ്യത്വ പരമായ ഈ തീരുമാനം ഉണ്ടായത്.

കഴിഞ്ഞ മാർച്ച് രണ്ടാം തിയ്യതി മുതൽ ഇത്തരത്തിൽ മരിച്ച വിദേശികളായ ആരോഗ്യ പ്രവർത്തകരുടെ നിയമപരമായ അവകാശികൾക്കാണ് ഈ ധനസഹായം ലഭ്യമാകുക. ഈ തിയ്യതി മുതലാണ് ഈ വർഷം രാജ്യത്ത് രോഗബാധ റിപ്പോർട്ട് ചെയ്തു തുടങ്ങിയത്.

മരണപ്പെട്ട ഡോക്ടർമാർക്കും നഴ്‌സുമാർക്കും ഈ ആനുകൂല്യം ലഭിക്കും. നിരവധി മലയാളി നഴ്‌സുമാർക്ക് ഈ ധനസഹായം ലഭ്യമാകും. ധനസഹായം നൽകുമ്പോൾ സർക്കാർ, സ്വകാര്യ മേഖല വിവേചനം ഉണ്ടാകില്ല. ഈ വ്യത്യാസം ഇല്ലാതെ എല്ലാവർക്കും ധനസഹായം ലഭിക്കും.

കോവിഡ് വാക്സിൻ സൗദിയിൽ എത്തുന്നു. 

ഡിസംബർ 15: രാജ്യത്ത് കോവിഡ് വാക്സിൻ എത്തിച്ചേർന്നു.  ഇന്ന് മുതൽ രാജ്യത്ത് കോവിഡ് വാക്സിൻ കുത്തിവെപ്പുകൾക്കായുള്ള രജിസ്‌ട്രേഷൻ ആരംഭിച്ചു. സ്വദേശികൾക്കും വിദേശികൾക്കും സൗജന്യമായിട്ടായിരിക്കും വാക്സിനുകൾ നൽകുകയെന്ന് ആരോഗ്യ മന്ത്രാലയം വ്യക്തമാക്കി. മന്ത്രാലയത്തിന്റെ സിഹതീ ആപ്ലിക്കേഷൻ വഴിയാണ് രജിസ്ട്രേഷനുകൾ സ്വീകരിക്കുക. തിരുഗേഹങ്ങളുടെ സേവകൻ സൽമാൻ രാജാവിന്റെ നിർദ്ദേശപ്രകാരമാണ് എല്ലാവർക്കും വാക്സിനുകൾ സൗജന്യമായി നൽകുന്നത്.

രാജ്യത്ത് കോവിഡ് മഹാമാരി റിപ്പോർട്ട് ചെയ്ത മാർച്ച് രണ്ടു മുതൽ കോവിഡ് വാക്സിൻ എത്തിച്ചേർന്ന പ്രതിസന്ധി  കാലഘട്ടത്തിന്റെ ഓരോ ഘട്ടവും പരിശോധിക്കുമ്പോൾ എല്ലാ ഘട്ടത്തിലും സ്വദേശികൾക്കൊപ്പം തന്നെ വിദേശികൾക്കും തികഞ്ഞ സുരക്ഷിതത്വവും കരുതലും തിരുഗേഹങ്ങളുടെ സേവകൻ സൽമാൻ രാജാവും കിരീടാവകാശി മുഹമ്മദ് ബിൻ സൽമാൻ രാജകുമാരനും ഭരണാധികാരികളും നൽകിയിരുന്നതായി കാണാം. 

എന്തൊക്കെ കുറവുകൾ ഉണ്ടായാലും അന്നം തരുന്ന ഈ മണ്ണിനെ മനസ്സറിഞ്ഞു സ്നേഹിക്കാൻ ഞങ്ങൾ പ്രവാസികൾക്ക് ഈ കരുതലും സുരക്ഷിതത്വവും തന്നെ മതി. 

നന്ദി സൗദി അറേബ്യ, അന്നം തരുന്ന നാടിന് നന്ദി. ലക്ഷക്കണക്കിന് പ്രവാസികളുടെ ജീവിതം വീണ്ടും ശുഭാപ്തി വിശ്വാസമുള്ളതാക്കി തീർത്തതിന്. ഞങ്ങളുടെ സഹോദരങ്ങളുടെ നെഞ്ചിലെ തീ കെടുത്തിയതിന്….

LATEST

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

Published

on

എന്റെ ഭാര്യ വിസിറ്റിംഗ് വിസയിലാണ് സൗദിയില്‍ എത്തിയിട്ടുള്ളത്. അഞ്ചു ദിവസത്തെ ക്വാറന്റൈന്‍ കഴിഞ്ഞു. അതിന് ശേഷമുള്ള ആര്‍.ടി.പി.സി.ആറും കഴിഞ്ഞു. പക്ഷെ ഇപ്പോഴും തവക്കല്‍നയില്‍ സ്റ്റാറ്റസ് ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന് തന്നെയാണ് ഇപ്പോഴും കാണിച്ചു കൊണ്ടിരിക്കുന്നത്. ഇക്കാര്യത്തില്‍ എന്താണ് ചെയ്യാന്‍ സാധിക്കുക്?

വിസിറ്റ് വിസയിലും പുതിയ വിസയിലും സൗദിയില്‍ എത്തിയ ശേഷം ഇപ്പോള്‍ സമാനമായ പ്രശ്നം നേരിടുന്ന നിരവധി പേരുണ്ട്. അവരുടെ ആര്‍.ടി.പി.സി.ആര്‍ റിസള്‍ട്ട് ഇതുവരെ അപ്ഡേറ്റ് ആവാത്തത് കൊണ്ടാണ് ഇപ്പോഴും തവക്കല്‍ന സ്റ്റാറ്റസ് മാറാതെ ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന് തന്നെ ഇപ്പോഴും കാണിച്ചു കൊണ്ടിരിക്കുന്നത്.

ഇക്കാര്യത്തില്‍ ചില പ്രായോഗിക തടസ്സങ്ങള്‍ ഉണ്ടായിരുന്നതിനാല്‍ വിസിറ്റ് വിസയിലും പുതിയ വിസയിലും സൗദിയില്‍ എത്തിയവര്‍ക്ക് ഈ ന്യൂനത പരിഹരിക്കാന്‍ സാധിച്ചിരുന്നില്ല. മറ്റൊരു ആര്‍.ടി.പി.സി.ആര്‍ കൂടി സര്‍ക്കാര്‍ കേന്ദ്രത്തില്‍ നിന്നും അപ്പോയിന്റ്മെന്റ് എടുത്ത് ഈ ന്യൂനത പരിഹരിക്കാന്‍ സാധിക്കുമായിരുന്നു എങ്കിലും ഇവര്‍ക്ക് സിഹത്തി അപ്ളിക്കേഷന്‍ ഇല്ലാത്തത് മൂലമായിരുന്നു പ്രധാനമായും തടസ്സം നേരിട്ടിരുന്നത്.

അത് പോലെ തന്നെ ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന സ്റ്റാറ്റസ് കാണിക്കുന്നത് മൂലം ഇവര്‍ക്ക് തവക്കല്‍ന അപ്ളിക്കേഷന്‍ വഴി ആര്‍.ടി.പി.സി.ആര്‍ ബുക്ക് ചെയ്യാനും സാധിച്ചിരുന്നില്ല. ഈ സാഹചര്യത്തില്‍ പലരും ചെയ്തിരുന്നത്, എവിടെ നിന്നാണോ ആര്‍.ടി.പി.സി.ആര്‍ ചെയ്തത്, ആ സെന്ററില്‍ പോയി ഈ വിഷയം പറഞ്ഞു മനസ്സിലാക്കി അപ്ഡേറ്റ് ചെയ്യിക്കുക എന്നതാണ്. അതും പലപ്പോഴും പ്രായോഗികമായിരുന്നില്ല.

എന്നാല്‍ വിസിറ്റ് വിസയിലോ പുതിയ വിസയിലോ രാജ്യത്ത് എത്തിയവര്‍ക്ക് ഇപ്പോള്‍ സെഹത്തി അപ്ളിക്കേഷന്‍ വഴി ആര്‍.ടി.പി.സി.ആര്‍ ബുക്ക് ചെയ്യാന്‍ സാധിക്കുന്ന ഒരു സാഹചര്യം ഉണ്ടായിട്ടുണ്ട്. അതിനായി സെഹതി അപ്ളിക്കേഷന്‍ ഉണ്ടാക്കേണ്ട ആവശ്യമില്ല. ലോഗിന്‍ പേജില്‍ തന്നെയാണ് ഈ സൗകര്യം ലഭ്യമായിട്ടുള്ളത്. അതിലൂടെ ആര്‍.ടി.പി.സി.ആര്‍ ബുക്ക് ചെയ്യാന്‍ സാധിക്കും.

ലോഗിന്‍ പേജില്‍ ‘Welcom to Sehhaty’ എന്നതിന് താഴെയും Create Account, Sign In എന്നതിന് മുകളിലായും ‘Covid – 19 test appointment for border ID and GCC ID holders  എന്ന ഓപ്ഷന്‍ കാണാന്‍ സാധിക്കും. ഇതിലൂടെ അപ്പോയിന്റ്മെന്റ് എടുത്ത് ടെസ്റ്റ്‌ നടത്തിയാല്‍ നിങ്ങളുടെ തവക്കല്‍ന സ്റ്റാറ്റസ് ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്നതില്‍ നിന്നും ഇമ്മ്യൂണ്‍ എന്നായി മാറും. 

എനിക്ക് ചൊവ്വാഴ്ച യു.എ.ഇ യില്‍ നിന്നും സൗദിയിലേക്ക് യാത്ര ചെയ്യാന്‍ ടിക്കറ്റ് ബുക്ക് ചെയ്തിട്ടുണ്ട്. ഇപ്പോള്‍ ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ താമസം അനുഭവപ്പെടുന്നു എന്ന് സൗദിയില്‍ നിന്നും കഫീല്‍ വിളിച്ചു പറഞ്ഞിരുന്നു. വൈകീട്ടാണ് ഫ്ലൈറ്റ്. രാവിലെ പരിശോധനക്ക് സാമ്പിള്‍ കൊടുക്കാമെന്നാണ് കരുതിയിരുന്നത്. ഈ സാഹചര്യത്തില്‍ എന്താണ് ചെയ്യാന്‍ സാധിക്കുക?

ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ കാലതാമസം അനുഭവപ്പെടുന്നു എന്നത് വാസ്തവമാണ്. സമയത്തിനു റിസള്‍ട്ട് ലഭിക്കാതെ ഫ്ലൈറ്റ് വിട്ടു പോയ അനുഭവം പലര്‍ക്കും ഉണ്ടാകുന്നുണ്ട്. ഖത്തറിലും, യു.എ.ഇ യിലുമാണ് ഇപ്പോള്‍ ഈ ബുദ്ധിമുട്ട് അനുഭവപ്പെടുന്നത്. സൗദിയില്‍ നിലവില്‍ കാലതാമസം അനുഭവപ്പെടുന്നില്ല. പക്ഷെ വരും ദിവസങ്ങളില്‍ ഉണ്ടാവാന്‍ സാധ്യതയുണ്ട്. എയര്‍ ബബിള്‍ കരാര്‍ സര്‍വീസുകള്‍ ആരംഭിക്കുന്നത് ഈ സാഹചര്യം സങ്കീര്‍ണ്ണമാക്കിയേക്കാം.

യു.എ.ഇ യില്‍ സമയത്തിനു റിസള്‍ട്ട് ലഭിക്കാത്തതിനാല്‍ യാത്രയ്ക്കു വിമാനത്താവളത്തിലെത്തിയ പലർക്കും മടങ്ങേണ്ടി വന്നിട്ടുണ്ട്. പരിശോധനയ്ക്കു എത്തുന്നവരുടെ എണ്ണം കൂടിയതും ലാബ് ജീവനക്കാരിൽ പലർക്കും കോവിഡ് ബാധിച്ചതുമാണ് ഫലം വൈകാൻ കാരണമാവുന്നത്. അത് പോലെ തന്നെ പുതിയ നിയമം അനുസരിച്ച് സർക്കാർ ജീവനക്കാർക്ക് ഈ മാസം മുതൽ നെഗറ്റീവ് ഫലം നിർബന്ധമാക്കിയതും അവധിക്കു ശേഷം എത്തുന്ന വിദ്യാർഥികൾക്ക് പരിശോധനാഫലം ഹാജരാക്കേണ്ടി വരുന്നതും അതോടൊപ്പം യാത്രക്കാരല്ലാത്തവർ വിമാനത്താവളത്തിൽ പരിശോധിക്കാനെത്തുന്നതും കാര്യങ്ങള്‍ കൂടുതല്‍ വഷളാക്കുന്നു.

ഖത്തറിലും സമാന സാഹചര്യമാണുള്ളത്. ഖത്തറില്‍ സിദ്‌റ മെഡിക്കൽ സെന്ററിൽ അധികം തുക നല്‍കിയാല്‍ അടിയന്തര കേസുകളിൽ പെട്ടെന്ന് തന്നെ പരിശോധന ഫലം ലഭിച്ചിരുന്നു എങ്കിലും നിലവില്‍ അപ്പോയിന്റ്മെന്റ് ലഭ്യമാകാത്തത് യാത്രക്കാരെ ബുദ്ധിമുട്ടിലാക്കുന്നുണ്ട്.

അത് കൊണ്ട് മുന്‍ ദിവസങ്ങളെ പോലെ എട്ടു മണിക്കൂറിനുള്ളില്‍ റിസള്‍ട്ട് ലഭിക്കുമെന്ന പ്രതീക്ഷയില്‍ ആ സമയം കണക്കാക്കി യാത്രയ്ക്ക് തലേ ദിവസം ‍ടെസ്റ്റ് എടുത്തവർക്ക് യാത്ര ചെയ്യാനുള്ള സാധ്യതകള്‍ ഇപ്പോള്‍ ലഭ്യമല്ലതായേക്കാം. റിസള്‍ട്ട് ലഭിക്കാന്‍ ഇപ്പോള്‍ പല സ്ഥലങ്ങളിലും സാധാരണ സമയത്തെക്കാള്‍ ആറു മടങ്ങ്‌ സമയം എടുക്കുന്ന സാഹചര്യമാനുള്ളത്.

യാത്ര ചെയ്യാന്‍ പദ്ധതിയിട്ടിള്ളവര്‍ യാത്ര മുടങ്ങാതിരിക്കാന്‍ അതിനനുസരിച്ച് പ്ലാന്‍ ചെയ്യുകയാണ് വേണ്ടത്. ഖത്തറില്‍ നിന്നോ യു.എ.ഇ യില്‍ നിന്നോ സൗദിയിലേക്ക് യാത്ര ചെയ്യാന്‍ ഉദ്ദേശിക്കുന്നവര്‍ യാത്രക്കുള്ള സമയത്തിന്റെ 72 മണിക്കൂര്‍ ആയി കഴിഞ്ഞാല്‍ താമസിയാതെ തന്നെ സാമ്പിള്‍ കൊടുക്കുക.

(ഈ സാഹചര്യത്തില്‍ നാട്ടിലേക്ക് പോകുന്നവര്‍ പ്രത്യേകം ശ്രദ്ധിക്കേണ്ട മറ്റൊരു കാര്യം, അടിയന്തര സാഹചര്യങ്ങളിൽ പി.സി.ആർ ഇല്ലാതെ യാത്ര അനുവദിച്ചിരുന്ന സൗകര്യം കേന്ദ്രം നിർത്തലാക്കി എന്നതാണ്. അതിനാല്‍ ഉറ്റവര്‍ മരണപ്പെട്ട കാരണത്താല്‍ അടിയന്തിര യാത്രക്ക് ഒരുങ്ങുന്നവര്‍ ഈ കാര്യം പ്രത്യേകം ശ്രദ്ധിക്കുക. മുന്‍പ് ഡെത്ത് സര്‍ട്ടിഫിക്കറ്റ് ഹാജരാക്കിയാല്‍ പി.സി.ആര്‍ ഇല്ലാതെ യാത്രാനുമതി നല്‍കിയിരുന്നു എങ്കിലും ഇപ്പോള്‍ എയർസുവിധയിൽ നിന്ന് അനുമതി ലഭിക്കാത്തത് മൂലം യാത്ര മുടങ്ങും.)

എനിക്ക് ഈ മാസം 12 നാണ് നാട്ടിലേക്ക് ടിക്ക് ബുക്ക് ചെയ്തിട്ടുള്ളത്. ആ സമയത്ത് സൗദിയില്‍ നിന്നും ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ വൈകുമെന്നും കുറച്ചു റിയാല്‍ കൂടുതല്‍ കൊടുത്താല്‍ എട്ടു മണിക്കൂറിനുള്ളില്‍ തന്നെ റിസള്‍ട്ട് ലഭ്യമാക്കി തരാം എന്ന് ഒരു സുഹൃത്ത് പറയുന്നു. ഇതില്‍ എന്തെങ്കിലും അപകടമുണ്ടോ?

കുറുക്കു വഴികള്‍ എപ്പോഴും അപകടം ഉണ്ടാക്കും. സൗദിയില്‍ സമീപ ദിവസങ്ങളില്‍ വ്യാജ ആര്‍.ടി.പി.സി.ആര്‍ സര്‍ട്ടിഫിക്കറ്റുകള്‍ കണ്ടെത്തിയിട്ടുണ്ട്. സൗദി പബ്ലിക് ഹെല്‍ത്ത് അതോറിറ്റി അംഗീകാരം ഉള്ള സെന്ററുകളില്‍ നടത്തുന്ന പരിശോധനയുടെ ഫലം മാത്രമേ എയര്‍പോര്‍ട്ടുകളില്‍ സ്വീകരിക്കുകയുള്ളൂ. അതിനാല്‍ അക്കാര്യം ഉറപ്പു വരുത്തുക.

സൗദിയിലെ അംഗീകൃത കോവിഡ് പരിശോധന കേന്ദ്രങ്ങളുടെ പട്ടിക സൗദി പബ്ലിക് ഹെല്‍ത്ത് അതോറിറ്റി കഴിഞ്ഞ ദിവസം പുറത്തു വിട്ടിട്ടുണ്ട്. അത് താഴെ കൊടുക്കുന്നു. അത് പരിശോധിച്ച്, അംഗീകാരം ഉള്ള സെന്റര്‍ ആണോ എന്ന് ഉറപ്പു വരുത്തുക.

റിയാദ് പ്രവിശ്യ

  1. Dr. Sulaiman Al Habib Medical Hospitals Group
  2. Al Borg Medical Laboratories
  3. SMART LAB COMPANY
  4. Al-Farabi Medical Laboratory Company
  5. Specialized Medical Center Hospital
  6. Dallah Hospital
  7. Aldara Hospital and Medical Center
  8. Delta Medical Laboratories Company
  9. Mouwasat Hospital
  10. Hayat National Hospital
  11. Saudi Ajal Laboratories for Health Services
  12. Nourah Medical Company
  13. RIYADH CARE HOSPITAL
  14. Dar AlQanah Medical Laboratories
  15. Advanced Cell Laboratory
  16. Alfa medical laboratories
  17. Tetra Medical Laboratories
  18. Al-Arab Medical Laboratories
  19. One Touch Medical Laboratories
  20. Alhammadi hospital – Alnuzha
  21. Anwa Labs
  22. Integrated Care Medical Laboratory
  23. Hospital of Rana Medical Services Company -CityMed Hospital
  24. ELTA LAB
  25. Oxyhealth Medical Center
  26. NATIOAL HOSPITAL
  27. Dr. Samir medical laboratories
  28. international quality lab
  29. Basma Medical Laboratory Company

മക്ക

  1. AlFarabi Laboratory
  2. Al Borg Medical Laboratories
  3. Atba AlAsr General Medical Complex

ജിദ്ദ

  1. Al Borg Medical Laboratories
  2. International Medical Center
  3. House of Medicine Laboratory for medical analysis
  4. Dr. Soliman Fakeeh Hospital
  5. Hospital – Ghassan Naguib Pharaon
  6. Jeddah National Hospital
  7. Abu Al Khair Polyclinic
  8. Tibyana Medical Labs
  9. Al Mamlaka Medical Labs
  10. Dr. Samir Abbas Hospital Laboratory
  11. Saudi German Hospitals Group
  12. High Quality Clinical Lab’s
  13. Abeer Medical Company
  14. Dr. Erfan and Bagedo General Hospital
  15. Almostaqbal Hospital
  16. New Jeddah Clinic Hospital
  17. ‏Advanced Med Lab
  18. Noor Diagnostics and Discovery Laboratory
  19. Futurelab

കിഴക്കന്‍ പ്രവിശ്യ

ദമ്മാം

  1. Mouwasat Hospital
  2. Dar Afia Medical Company Clinics Complex
  3. Saudi German Hospital
  4. First Laboratory
  5. Arrawdha General Hospital
  6. Al Hokail Digital Academy Laboratory For Specialized Medical Analysis
  7. Al Borg Medical Laboratories
  8. Al Hyatt Medical Laboratory

അല്‍ ഖോബാര്‍

  1. Sulaiman Al Habib Medical Hospitals Group
  2. Almana General Hospital
  3. Modern Care Medical Complex Company
  4. AL HILAL ALZAHZBY Medical Laboratory

അല്‍ ഹസ

  1. Al Mousa Specialized Hospital
  2. Alahsa Hospital
  3. Johns Hopkins Aramco Healthcare

ജുബൈല്‍

  1. Mouwasat Hospital

ദഹറാന്‍

  1. Johns Hopkins Aramco Healthcare

ഖത്തീഫ്

  1. Al Farabi Laboratory

ഹഫര്‍ അല്‍ ബതീന്‍

  1. ‏Laboratory of Maroom medical services company
  2. Ezdan Medical Laboratories

അസീര്‍ പ്രവിശ്യ

ഖമിസ് മുശൈത്ത്

  1. Al Borg Medical Laboratories
  2. International outstanding lab
  3. Saudi German Hospital
  4. Hayat National Hospital
  5. ALFA LAB

അബഹ

  1. Abha International Private Hospital

മദീന പ്രവിശ്യ

മദീന

  1. Al Borg Medical Laboratories
  2. ‏ Hamid S. Al-Ahmadi and Partners Company
  3. BndrGene Medical Lab
  4. AL HAKEEM MEDICAL LABS

അല്‍ ഉല

  1. Prince Abdulmohsen General Hospital

ജസാന്‍ പ്രവിശ്യ

ജസാന്‍

  1. Hayat National Hospital
  2. Al Borg Medical Laboratories
  3. Al-Waseet Medical Complex
  4. Alemeis medical group
  5. Rassurance Medical Lab

ഹായില്‍ പ്രവിശ്യ

ഹായില്‍

  1. IBN SINA POLYCLINIC
  2. ALFARABI MEDICAL LAB

തബുക് പ്രവിശ്യ

തബുക്

  1. Al Borg Medical Laboratories

ദുബ

  1. Bassam Medical Center

ഖസീം പ്രവിശ്യ

ബുറൈദ

  1. Sulaiman Al Habib Medical Hospitals Group

ഉനൈസ

  1. Hayat National Hospital

നജ്റാന്‍ പ്രവിശ്യ

ഷറൊറ

  1. ALFARABI MEDICAL LAB

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക.     https://chat.whatsapp.com/HvJGe8nUWoHFyki1UwPfMD

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

Published

on

  • സൗദിയില്‍ ബൂസ്റ്റർ ഡോസ് സ്വീകരിക്കാത്തവർക്ക് പ്രവേശനം നൽകുന്ന സ്ഥാപനങ്ങൾക്ക് 10,000 റിയാൽ വീതം പിഴ ചുമത്തുമെന്ന നിയമം വന്നതായി മെസേജുകള്‍ ലഭിക്കുന്നു. ഇത് വാസ്തവമാണോ?

ഭാഗികമായി ശരിയാണ്. ചില മേഖലയിലെ സ്ഥാപനങ്ങള്‍ക്ക് മാത്രമാണ് പിഴ നിര്‍ബന്ധമാക്കിയതായി ഔദ്യോഗികമായി വ്യക്തമാക്കിയിട്ടുള്ളത്. എന്നാല്‍ ഇത് നിലവില്‍ വരുന്നത് ഫെബ്രുവരി ഒന്ന് മുതല്‍ മാത്രമാണ്.

ടൂറിസം മന്ത്രാലയമാണ് നിബന്ധനകള്‍ വ്യക്തമാക്കിയിട്ടുള്ളത്. ടൂറിസം മേഖലാ സ്ഥാപനങ്ങൾക്ക് മാത്രമാണ് ഇത് ബാധകമാവുക. ട്രാവൽ ഏജൻസികൾ, ഹോട്ടലുകൾ, ടൂർ ഓപ്പറേറ്റർമാർ എന്നിവ അടക്കമുള്ള ടൂറിസം സ്ഥാപനങ്ങളിലേക്ക് പ്രവേശിക്കാന്‍ ബൂസ്റ്റര്‍ ഡോസ് നിബന്ധന ഫെബ്രുവരി ഒന്ന് മുതല്‍ പ്രാബല്യത്തിലാകും. നിയമം ലംഘിക്കുന്നവര്‍ക്ക് 10,000 റിയാൽ തോതിൽ പിഴ ചുമത്തും. നിയമ ലംഘനം ആവർത്തിക്കുന്ന സ്ഥാപനങ്ങൾക്ക് ഇരട്ടി തുക പിഴ ചുമത്തും.

  • എന്റെ ഭാര്യയെ വിസിറ്റിംഗ് വിസയിലാണ് കൊണ്ട് വന്നത്. തവക്കല്‍നയില്‍ വാക്സിന്‍ സര്‍ട്ടിഫിക്കറ്റുകള്‍ അപ്‌ലോഡ്‌ ചെയ്യുന്നതിന് വേണ്ടി ഞാന്‍ ഇവിടെ ഫിംഗര്‍ പ്രിന്റ്‌ വെച്ച് അബ്ഷീര്‍ അക്കൌണ്ട് ഉണ്ടാക്കിയിട്ടുണ്ട്. ഇപ്പോള്‍ ലോഗിന്‍ ആവുന്നുണ്ട് എങ്കിലും inactive user എന്നാണ് കാണിക്കുന്നത്. ഇനി എന്താണ് ചെയ്യേണ്ടത്?

Ministry of Interior കിയോസ്കിലെ മെഷീനില്‍ ഫിംഗര്‍ പ്രിന്റ്‌ വെച്ച് വെരിഫൈ ചെയ്തു കഴിഞ്ഞാല്‍ അക്കൌണ്ട് ആക്റ്റിവേറ്റ് ആവേണ്ടതാണ്. അബ്ഷീര്‍ അക്കൌണ്ട് തുറക്കുന്നതിനായി യൂസര്‍ നെയിമും പാസ് വേര്‍ഡും എന്റര്‍ ചെയ്യുമ്പോള്‍ നിങ്ങളുടെ രജിസ്ട്രേഡ് മൊബൈല്‍ നമ്പരിലേക്ക് ഓ.ടി.പി വരുന്നുണ്ടോ എന്ന് ശ്രദ്ധിക്കുക. ഓ.ടി.പി വരുന്നുണ്ടെങ്കില്‍ നിങ്ങളുടെ അബ്ഷീര്‍ അക്കൌണ്ട് ആക്റ്റിവേറ്റഡ്‌ ആണ്. കാരണം ആക്റ്റീവ് യൂസര്‍ക്ക് മാത്രമേ മൊബൈലിലൂടെ ഓ.ടി.പി ലഭിക്കൂ. ഇവര്‍ക്ക് ഓ.ടി.പി വരാതെ അക്കൌണ്ട് ഓപണ്‍ ചെയ്യാനും സാധിക്കില്ല.

എന്നാല്‍ മൊബൈലിലേക്ക് ഓ.ടി.പി വരാതെ തന്നെ അക്കൌണ്ട് ഓപണ്‍ ആക്കാന്‍ സാധിക്കുകയാണെങ്കില്‍ അക്കൌണ്ട് ആക്റ്റിവേറ്റ് ആയിട്ടില്ല എന്ന് മനസ്സിലാക്കാന്‍ സാധിക്കും. ഫോട്ടോ കാണിക്കുന്നുണ്ടോ എന്ന് നോക്കുക. ഫോട്ടോയും കാണിക്കുന്നുണ്ടെങ്കില്‍ ചിലപ്പോള്‍ താല്‍ക്കാലികമായ സിസ്റ്റം തകരാര്‍ ആകാനാണ് സാധ്യത. വിവരങ്ങള്‍ അപ്ഡേറ്റ് ആവാന്‍ സമയം എടുക്കുന്ന സാഹചര്യങ്ങളില്‍ അങ്ങിനെ സംഭവിക്കാറുണ്ട്. അത്തരം സന്ദര്‍ഭങ്ങളില്‍ അക്കൌണ്ട് ലോഗ് ഔട്ട്‌ ചെയ്ത ശേഷം വീണ്ടും ലോഗിന്‍ ചെയ്തു നോക്കുക.

  • ഞാന്‍ നാട്ടില്‍ നിന്നും രണ്ടു ഡോസ് വാക്സിന്‍ എടുത്ത് സൗദിയില്‍ എത്തിയതാണ്. ഇപ്പോള്‍ തവക്കല്‍നയിലൂടെ ബൂസ്റ്റര്‍ ഡോസ് ബുക്ക് ചെയ്യാന്‍ ശ്രമിക്കുമ്പോള്‍ ‘No data found’ എന്നാണു കാണിക്കുന്നത്. ബൂസ്റ്റര്‍ ഡോസിന് അപ്പോയിന്റ്മെന്റ് ലഭിക്കാന്‍ എന്താണ് ചെയ്യേണ്ടത്?

നിങ്ങള്‍ നാട്ടില്‍ നിന്നും രണ്ടു വാക്സിന്‍ എടുത്ത ആളാണെങ്കില്‍ അതിന്റെ വിവരങ്ങള്‍ തവക്കല്‍നയില്‍ അപ്ഡേറ്റ് ആയിരിക്കില്ല. അതിനാലാണ് ‘No data found’ എന്ന് കാണിക്കുന്നത്. അതിനാല്‍ തവക്കല്‍ന വഴി ബുക്ക് ചെയ്യാന്‍ സാധിക്കില്ല. നിങ്ങള്‍ക്ക് സെഹത്തി അപ്ളിക്കേഷന്‍ വഴി ബുക്ക് ചെയ്യാന്‍ സാധിക്കും. നിലവില്‍ അപ്പോയിന്റ്മെന്റ് ലഭിക്കുന്നത് കുറച്ചു ബുദ്ധിമുട്ടാണ്.

  • ഞാന്‍ രണ്ടാമത്തെ വാക്സിന്‍ എടുത്ത് മൂന്ന് മാസം കഴിഞ്ഞതാണ്. രണ്ടാമത്തെ വാക്സിന്‍ എടുത്തതിനു ശേഷം എട്ടു മാസത്തിനുള്ളില്‍ ബൂസ്റ്റര്‍ ഡോസ് എടുത്താല്‍ മതിയെന്നാണ് ഞാന്‍ മനസ്സിലാക്കുന്നത്. എനിക്ക് അവധിക്കായി പെട്ടെന്ന് നാട്ടിലേക്ക് പോകേണ്ടതുണ്ട്. ബൂസ്റ്റര്‍ ഡോസ് തിരിച്ചു വന്നിട്ട് എടുക്കാന്‍ ശ്രമിച്ചാല്‍ എന്തെങ്കിലും പ്രശ്നങ്ങള്‍ ഉണ്ടാകാന്‍ സാധ്യതയുണ്ടോ? പോകുമ്പോള്‍ ശ്രദ്ധിക്കേണ്ട കാര്യങ്ങള്‍ എന്തൊക്കെയാണ്?

ചില കാര്യങ്ങളില്‍ മുന്‍ കരുതലുകള്‍ എടുക്കുന്നത് നല്ലതാണ്. ഈ വിഷയം സംബന്ധിച്ച പല കാര്യങ്ങളെ സംബന്ധിച്ചും പ്രവാസികളുടെ ചോദ്യങ്ങള്‍ക്ക് കഴിഞ്ഞ ദിവസങ്ങളില്‍ ഉത്തരങ്ങള്‍ നല്‍കിയിട്ടുണ്ട്. അതില്‍ പ്രധാനമാണ് റീ എന്‍ട്രി കാലാവധി, ഇഖാമ കാലാവധി, മൊബൈല്‍ റീചാര്‍ജ്ജ് എന്നിവ. ഇഖാമ, റീ എന്‍ട്രി തുടങ്ങിയവയുടെ ഓട്ടോമാറ്റിക് റിന്യൂവല്‍ നടന്നില്ലെങ്കില്‍ സ്പോണ്‍സര്‍ മുഖേന പുതുക്കാനുള്ള ധാരണ മുന്‍പേ ചെയ്തു വെക്കുക. തവക്കല്‍ന, സെഹത്തി, ഹെല്‍ത്ത് പാസ്പോര്‍ട്ട് സംബന്ധിച്ച വിഷയങ്ങളില്‍ മുന്‍പ് നല്‍കിയിട്ടുള്ള ഉത്തരങ്ങള്‍ വായിക്കുക.

പലരും അവഗണിക്കുന്ന ഒരു വിഷയമാണ് മൊബൈല്‍ ഫോണ്‍ സിം കാര്‍ഡ്. നിങ്ങള്‍ മൂന്ന് മാസത്തില്‍ കൂടുതല്‍ നാട്ടില്‍ നില്‍ക്കാന്‍ ഉദ്ദേശിക്കുന്നുവെങ്കില്‍ നിങ്ങളുടെ സൗദിയില്‍ ഉപയോഗിക്കുന്ന സിം കാര്‍ഡ് താല്‍ക്കാലികമായി റദ്ദാവാതിരിക്കാന്‍ ശ്രദ്ധിക്കുക. കാരണം മൊബൈല്‍ ഫോണ്‍ ആക്സസ് നഷ്ടപ്പെട്ടാല്‍ തിരിച്ചു വരുന്ന സമയത്തോ നാട്ടില്‍ കുടുങ്ങി പോകുന്ന സമയത്തോ സൗദിയില്‍ നിന്നും ലഭിക്കേണ്ട പല സേവനങ്ങളും നഷ്ടപ്പെടും.

സൗദിയില്‍ ഉപയോഗിക്കുന്ന സിം കാര്‍ഡ് നഷ്ടപ്പെടുകയോ റീ ചാര്‍ജ്ജ് ചെയ്യാത്തത് മൂലം താല്‍ക്കാലികമായി ഉപയോഗരഹിതമാവുകയോ ചെയ്ത നിരവധി പേര്‍ അബ്ഷീര്‍ പോലുള്ള സേവനങ്ങള്‍ ലഭിക്കാതെ നാട്ടില്‍ പ്രശ്നങ്ങള്‍ നേരിടുന്നുണ്ട്. സിം കാര്‍ഡ് നഷ്ടപ്പെടാതെ സൂക്ഷിക്കുക. നാട്ടിലുള്ളപ്പോഴും സിം കാര്‍ഡ് റീ ചാര്‍ജ്ജ് ചെയ്യാനുള്ള തയ്യാറെടുപ്പുകള്‍ കൈവശം കരുതുക.

നാട്ടിലേക്ക് പോകുന്ന സമയത്ത് പോകുമ്പോള്‍ തന്നെ മൊബൈല്‍ റീചാര്‍ജ്ജ് ചെയ്യുക. അതോടൊപ്പം റീ ചാര്‍ജ്ജ് കാര്‍ഡ് കൈവശം കരുതുക. അവസാനത്തെ റീ ചാര്‍ജ്ജിനു ശേഷം 90 ദിവസത്തിനുള്ളില്‍ റീ ചാര്‍ജ്ജ് ചെയ്തില്ലെങ്കില്‍ സേവനം നഷ്ടപ്പെടാന്‍ സാധ്യതയുണ്ട്. ഈ കാര്യവും യാത്രക്ക് മുന്‍പേ ശ്രദ്ധിക്കുക.

നാട്ടില്‍ പോകുവാന്‍ തയ്യാറെടുക്കുകയാണെങ്കില്‍ ബൂസ്റ്റര്‍ ഡോസ് എടുത്ത ശേഷം പോകുന്നതാണ് നല്ലത് എന്ന് തന്നെയാണ് വിദഗ്ദ അഭിപ്രായം. ആരോഗ്യപരമായും, തിരിച്ചു വരുമ്പോള്‍ യാത്രക്ക് ഉണ്ടാകാന്‍ സാധ്യതയുള്ള സാങ്കേതിക തടസ്സങ്ങള്‍ ഒഴിവാക്കാനും അതാണ്‌ നല്ലത്. താങ്കള്‍ തിരിച്ചു വരാന്‍ പദ്ധതിയിടുന്ന സമയത്ത് എന്താണ് സൗദിയിലെയും നാട്ടിലെയും രോഗ വ്യാപന അവസ്ഥ എന്ന് പ്രവചിക്കാന്‍ അസാധ്യമാണ്.

മരണ സംഖ്യയും ഗുരുതരാവസ്ഥയും കുറഞ്ഞിട്ടുണ്ടെങ്കിലും സൗദിയില്‍ രോഗബാധ സ്ഥിരീകരിച്ചവരില്‍ കൂടുതല്‍ പേര്‍ക്കും ഒമിക്രോണ്‍ ആണ് ബാധിച്ചതെന്നും നിലവില്‍ തീവ്രപരിചരണ വിഭാഗത്തില്‍ കഴിയുന്നവരില്‍ ഭൂരിഭാഗവും പൂര്‍ണ്ണമായ വാക്സിന്‍ കുത്തിവെപ്പുകള്‍ എടുക്കാത്തവരാണ് എന്നാണ് ആരോഗ്യ മന്ത്രാലയം വ്യക്തമാക്കുന്നത്. അതിനാല്‍ ആരോഗ്യപരമായി ചിന്തിക്കുകയാണെങ്കിലും ബൂസ്റ്റര്‍ ഡോസ് എടുക്കുന്നതാണ് ഉത്തമം.

ഓരോ ദിവസം കഴിയും തോറും രോഗികളുടെ എണ്ണം വന്‍ തോതിലാണ് വര്‍ദ്ധിച്ചു വരുന്നത്. ഒമിക്രോണിന്റെ വ്യാപന സ്വഭാവം കണക്കിലെടുത്താൽ വരും ദിവസങ്ങളിൽ സൗദിയിൽ ഒമിക്രോൺ വലിയ തോതിൽ വ്യാപിക്കുമെന്നാണ് പ്രതീക്ഷിക്കുന്നത്. ഏറ്റവും പുതിയ കണക്കുകള്‍ പ്രകാരം കഴിഞ്ഞ ദിവസം (5.1.2022) സൗദിയിൽ കോവിഡ് രോഗികളുടെ എണ്ണം 3000 കടന്ന് കഴിഞ്ഞിരിക്കുകയാണ്. 3045 പേർക്കാണ് കഴിഞ്ഞ ദിവസം പുതുതായി രോഗം കണ്ടെത്തിയത്. മൂന്ന് രോഗികൾ മരിച്ചു. 109 പേരുടെ നില ഗുരുതരമായി തുടരുന്നു. സൗദിയില്‍ മാത്രമല്ല യു.എ.ഇ, കുവൈത്ത്, ഖത്തർ, ബഹ്‌റൈൻ, ഒമാൻ എന്നീ രാജ്യങ്ങളിലും കൊറോണ കേസുകളിൽ വൻ വർധനയാണ് കഴിഞ്ഞ ദിവസം റിപ്പോര്‍ട്ട് ചെയ്യപ്പെട്ടിട്ടുള്ളത്.

ഇന്ത്യയിലും രോഗവ്യാപനം വളരെ കൂടുതലാണ്. സൗദിയില്‍ ലോക്ഡൌണും മറ്റു കര്‍ശന നടപടികളും ഉണ്ടാവില്ലെന്ന് കഴിഞ്ഞ ദിവസം അധികൃതര്‍ വ്യക്തമാക്കിയിട്ടുണ്ട് എങ്കിലും നാട്ടിലെ രോഗവ്യാപനം വര്‍ദ്ധിച്ചാല്‍ എന്തൊക്കെ നിയന്ത്രനങ്ങളായിരിക്കും ഏര്‍പ്പെടുത്തുക എന്ന് പറയാനും സാധിക്കില്ല. നേരിട്ടുള്ള പ്രവേശനത്തിന് വിലക്കോ, കര്‍ശന ക്വാറന്റൈന്‍ നിബന്ധനകളോ ഏര്‍പ്പെടുത്തിയാല്‍ തിരിച്ചു വരവ് സങ്കീര്‍ണ്ണമാവും.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/HKliLEuOSKm9p27hj6dpJQ

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

Published

on

  • എന്റെ മകള്‍ക്ക് സൗദിയിലെ ഒരു പ്രമുഖ ആശുപത്രിയിലേക്ക് റിക്രൂട്ട്മെന്റ് ഓഫര്‍ വന്നിട്ടുണ്ട്. ആവശ്യമനുസരിച്ച് പല ആശുപത്രികളില്‍ ജോലി ചെയ്യേണ്ടി വരുമെന്നും രണ്ടു വര്‍ഷത്തിനു ശേഷം മാത്രമേ തിരിച്ചു വരാന്‍ സാധിക്കൂ എന്നും പറയുന്നു. പ്രൊമെട്രിക് എക്സാം പാസ് സൗദിയില്‍ എത്തിയതിനു ശേഷം മാത്രം പാസായാല്‍ മതിയെന്നും പറയുന്നു. ആശുപത്രിയിലെ ഉത്തരവാദപ്പെട്ടവരുമായി ബന്ധപ്പെടാനുള്ള നമ്പര്‍ ചോദിച്ചിട്ട് ഇതുവരെ ലഭിച്ചിട്ടില്ല. ഈ സാഹചര്യത്തില്‍ പോകുന്നത് സുരക്ഷിതമാണോ?

ഓഫര്‍ ലെറ്ററും വ്യവസ്ഥകളും അറിയാതെ കൃത്യമായി പറയാന്‍ സാധിക്കില്ല. എങ്കിലും പൊതുവായി വിലയിരുത്തുമ്പോള്‍ ഓഫര്‍ വന്നിട്ടുള്ളത് മാന്‍പവര്‍ സപ്ലൈ സ്ഥാപനം വഴിയാണെന്ന് ഊഹിക്കുന്നു. നോര്‍ക്ക വഴിയും, ആശുപത്രി പ്രതിനിധികള്‍ നേരിട്ടോ പ്രമുഖ റിക്രൂട്ട്മെൻറ് ഏജൻസികളുടെ സഹായത്തോടെയോ ആണ് സാധാരണയായി റിക്രൂട്ട്മെന്റുകള്‍ നടത്താറുള്ളത്. കാര്യങ്ങളില്‍ രഹസ്യ സ്വഭാവം സൂക്ഷിക്കുന്നുണ്ടെങ്കില്‍ മാന്‍പവര്‍ സപ്ലൈ സ്ഥാപനം ആയിരിക്കണം റിക്രൂട്ട്മെന്റ് നടത്തുന്നത് എന്ന് അനുമാനിക്കാം.

സൗദിയിലെ ആശുപത്രികളിലേക്ക് പോകുമ്പോള്‍ ആശുപത്രികളുടെ നേരിട്ടുള്ള സ്പോണ്‍സര്‍ഷിപ്പിന് കീഴില്‍ പോകാന്‍ ശ്രദ്ധിക്കുക. ഇത്തരം ഇടനിലക്കാരെ ഒഴിവാക്കുന്നതാണ് നല്ലത്. ചൂഷണം കൂടുതലായിരിക്കും എന്നത് തന്നെ കാരണം. ഇങ്ങിനെ എത്തുന്നവരെ ആവശ്യാനുസരണം ഹോസ്പിറ്റലുകളിലെക്ക് ജോലിക്കായി അയക്കുകയാണ് ചെയ്യുക. ആശുപത്രി നല്‍കുന്ന മുഴുവന്‍ ശമ്പളവും നഴ്സിന് ലഭിക്കില്ല. ആശുപത്രിയും മാന്‍പവര്‍ സപ്ലൈ കമ്പനിയും തമ്മിലുള്ള ധാരണ പ്രകാരം പ്രതിഫലം വാങ്ങി അതില്‍ നിന്നും കമ്പനിയുടെ വിഹിതം എടുത്തതിനു ശേഷം മാന്‍പവര്‍ സപ്ലൈ കമ്പനിയും നഴ്സും തമ്മിലുള്ള കരാര്‍ പ്രകാരമുള്ള വേതനം മാത്രമേ ലഭിക്കൂ.

ശമ്പളത്തിന്റെ കാര്യത്തില്‍ മാത്രമല്ല, നേരിട്ടുള്ള റിക്രൂട്ട്മെന്റിലൂടെ വരുന്ന നഴ്സുമാര്‍ക്ക് ലഭിക്കുന്ന ആനുകൂല്യങ്ങളെക്കാള്‍ കുറഞ്ഞ ആനുകൂല്യങ്ങള്‍ ആയിരിക്കും മാന്‍പവര്‍ സപ്ലൈ കമ്പനി നല്‍കുക. പല സ്ഥലങ്ങളിലായി ജോലി ചെയ്യേണ്ടിയും വന്നേക്കാം. ആശുപത്രിയുടെ നേരിട്ടുള്ള സ്റ്റാഫ് അല്ലാത്തതിനാല്‍ ആനുകൂല്യങ്ങള്‍ കുറവുണ്ടാകും. താമസം തുടങ്ങിയ കാര്യങ്ങളിലും ആശുപത്രികള്‍ നേരിട്ട് നല്‍കുന്ന സൗകര്യങ്ങള്‍ ഉണ്ടാവാറില്ല.

മാന്‍പവര്‍ സപ്ലൈ കമ്പനിയുമായി രണ്ടു വര്‍ഷ കരാര്‍ ഒപ്പിട്ടിട്ടുണ്ടെങ്കില്‍ അതിനിടയില്‍ അത്യാവശ്യ സാഹചര്യങ്ങള്‍ ഉണ്ടായാല്‍ പോലും നാട്ടിലേക്ക് പോകാന്‍ അനുവാദം നല്‍കാത്ത നിരവധി സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. തിരിച്ചു വന്നില്ലെങ്കിലോ എന്ന ഭീതി മൂലം പലപ്പോഴും വലിയ തുക സെക്യൂരിറ്റി ആയി നല്‍കിയും ആള്‍ ജാമ്യം നല്‍കിയും ഒക്കെയായിരിക്കും ഇത്തരത്തില്‍ എത്തിയ പല നഴ്സുമാരും അത്യാവശ്യ സാഹചര്യങ്ങളില്‍ നാട്ടിലേക്ക് പോകാന്‍ അനുവാദം നല്‍കുക.

അവകാശത്തിനു വേണ്ടി ശബ്ദിച്ചാല്‍ സൗദിയിലെ നിയമങ്ങളും നടപടി ക്രമങ്ങളും പറഞ്ഞു കൊണ്ട് നിശ്ശബ്ദരാക്കുകയും ചെയ്യും. പലപ്പോഴും കമ്പനിയുമായി പിണങ്ങുന്ന നഴ്സുമാര്‍ക്ക് നിയമ പ്രകാരമുള്ള ആനുകൂല്യങ്ങളോ എക്സ്പീരിയന്‍സ് സര്‍ട്ടിഫിക്കറ്റ് പോലുള്ളവയോ നല്‍കാതെ പറഞ്ഞയക്കുന്ന സാഹചര്യങ്ങളും ഉണ്ടാകുന്നുണ്ട്. നാട്ടില്‍ നിന്ന് പോകുമ്പോഴോ, സൗദിയില്‍ എത്തിയതിനു ശേഷമോ ഒപ്പിടുവിക്കുന്ന പല പേപ്പറുകളും ഉപയോഗിച്ചും ഭീഷണിപ്പെടുത്തുന്ന സംഭവങ്ങളും ഉണ്ടാകുന്നുണ്ട്.

നഴ്സുമാരുടെ സമ്മതമില്ലാതെ ഇഖാമ പുതുക്കിയ ശേഷം പിന്നീട് നാട്ടിലേക്ക് പോകുന്നതിനു വന്‍തുക ആവശ്യപ്പെട്ട സംഭവം പോലും ഉണ്ടായിട്ടുണ്ട്.  പലപ്പോഴും സഹായത്തിനു ആരുമില്ലാതെ ഏകപക്ഷീയമായി സപ്ലൈ കമ്പനിയുടെ ഏതാണ്ട് എല്ലാ ആവശ്യങ്ങളും അംഗീകരിച്ച് തിരിച്ചു പോരുകയാണ് നഴ്സുമാര്‍ ചെയ്യുന്നത്.

പ്രവൃത്തി പരിചയം അധികം ആവശ്യമില്ല, യോഗ്യത പരീക്ഷ നാട്ടില്‍ നിന്ന് തന്നെ പാസാകേണ്ടതില്ല, മറ്റു രാജ്യങ്ങളിലേക്ക് കുടിയേറാനുള്ള ഒരു വഴിയായി ഉപയോഗിക്കാം തുടങ്ങിയ വാഗ്ദാനങ്ങള്‍ നല്‍കിയാണ്‌ പലരെയും ഇത്തരക്കാര്‍ റിക്രൂട്ട് ചെയ്തു കൊണ്ട് വരുന്നത്. പലപ്പോഴും സൗദിയില്‍ എത്തിയതിനു ശേഷം മാത്രമായിരിക്കും തങ്ങള്‍ക്കും ആശുപത്രിക്കും ഇടയില്‍ മറ്റൊരു ഏജന്‍സി കൂടി ഉണ്ടെന്ന് നഴ്സുമാര്‍ മനസ്സിലാക്കുക.

അറിവില്ലായ്മ കൊണ്ട് പല നഴ്സുമാരും ചതിയില്‍ പെടുന്നുണ്ട്. അതുകൊണ്ട് തന്നെ രേഖകള്‍ നല്‍കുന്ന നടപടി ക്രമങ്ങളിലേക്ക് കടക്കുന്നതിനു മുന്‍പ് തന്നെ റിക്രൂട്ട്മെന്റ് നടത്തുന്നത് ആശുപത്രിയുടെ നേരിട്ടുള്ള സ്പോണ്‍സര്‍ഷിപ്പിനു കീഴിലാണ് എന്ന് ഉറപ്പു വരുത്തുക.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/DtW7D99bYc62sJ1L3kbxwg

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading
LATEST2 weeks ago

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

LATEST2 weeks ago

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

LATEST2 weeks ago

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

LATEST2 weeks ago

ബൂസ്റ്റര്‍ ഡോസ്, റീ എന്‍ട്രി, ഇലക്ട്രോണിക് തൊഴില്‍ കരാര്‍, ഒരു ലക്ഷം റിയാല്‍ പിഴ തുടങ്ങിയവയെ കുറിച്ച് സൗദി പ്രവാസികള്‍ ആവര്‍ത്തിച്ച് ചോദിച്ച ചോദ്യങ്ങള്‍

LATEST2 weeks ago

സൗദിയില്‍ ഇപ്പോള്‍ പ്രവാസികള്‍ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യങ്ങള്‍ വിശദമായി

LATEST3 weeks ago

സൗദി പ്രവാസികള്‍ ആവര്‍ത്തിച്ചു ആവശ്യപ്പെട്ട ബൂസ്റ്റര്‍ ഡോസ് സംശയങ്ങള്‍ക്കുള്ള മറുപടികള്‍ .

LATEST3 weeks ago

സൗദി ബൂസ്റ്റര്‍ ഡോസിനെ കുറിച്ച് അറിയേണ്ടതെല്ലാം. വിസിറ്റിംഗ് വിസ, പുതിയ വിസ, റീ എന്‍ട്രിയില്‍ പോകുന്നവര്‍ തുടങ്ങിയവര്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

സൗദി ചാര്‍ട്ടേഡ്‌ ഫ്ലൈറ്റ്‌, ആര്‍.ടി.പി.സി.ആര്‍, ബോര്‍ഡര്‍ നമ്പര്‍, എയര്‍പോര്‍ട്ട് പരിശോധന, ഫൈനല്‍ എക്സിറ്റ്: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

അപ്പോയിന്റ്മെന്റ് ഇല്ലാതെ എയര്‍പോര്‍ട്ടില്‍ ബൂസ്റ്റര്‍ ഡോസ്, തവക്കല്‍നയില്‍ നോണ്‍ ഇമ്മ്യൂണ്‍, സൗദി കര്‍ഫ്യൂ: സൗദി പ്രവാസികളുടെ ചോദ്യങ്ങള്‍ക്ക് മറുപടി

LATEST4 weeks ago

സിഹത്തി, തവക്കല്‍ന, ബൂസ്റ്റര്‍ ഡോസ്, രാജകാരുണ്യം, ഇഖാമ പുതുക്കല്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

“വന്‍ വിജയം ആഗ്രഹിക്കുന്ന പ്രവാസികള്‍ക്ക് പഠിക്കാന്‍ ഏറെയുള്ള ജീവിതം”. ഇബ്രാഹിം ഹാജിയുടെ വിജയ രഹസ്യങ്ങള്‍ പങ്കു വെക്കുന്ന ഓര്‍മ്മ കുറിപ്പ്.

LATEST4 weeks ago

സൗദിയില്‍ ഒമിക്രോണ്‍ ആരോഗ്യ ഭീഷണി ഉണ്ടാക്കില്ല. പക്ഷേ വിദേശികളുടെ യാത്രാ സ്വാതന്ത്ര്യം നിലക്കും

LATEST4 weeks ago

ബൂസ്റ്റര്‍ ഡോസ് അപ്പോയിന്റ്മെന്റ്: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍, 22.12.2021

LATEST4 weeks ago

ഹാരീസ് ബീരാനും അജ്മല്‍ മുഫീദും കെ.എം.ഡബ്ലിയു.എ യുടെ പുതിയ സാരഥികള്‍. മലയാളി വിദ്യര്‍ത്ഥിനിക്ക് ആദരം

LATEST1 month ago

സൗദി അറേബ്യ വീണ്ടുമൊരു യാത്രാ നിയന്ത്രണത്തിലേക്കോ? സൗദി പ്രവാസികളുടെ ചോദ്യങ്ങള്‍ക്ക് മറുപടി.

LATEST4 weeks ago

സൗദിയില്‍ ഒമിക്രോണ്‍ ആരോഗ്യ ഭീഷണി ഉണ്ടാക്കില്ല. പക്ഷേ വിദേശികളുടെ യാത്രാ സ്വാതന്ത്ര്യം നിലക്കും

LATEST2 weeks ago

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

LATEST3 weeks ago

സൗദി ബൂസ്റ്റര്‍ ഡോസിനെ കുറിച്ച് അറിയേണ്ടതെല്ലാം. വിസിറ്റിംഗ് വിസ, പുതിയ വിസ, റീ എന്‍ട്രിയില്‍ പോകുന്നവര്‍ തുടങ്ങിയവര്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

ബൂസ്റ്റര്‍ ഡോസ് അപ്പോയിന്റ്മെന്റ്: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍, 22.12.2021

LATEST3 weeks ago

സൗദി പ്രവാസികള്‍ ആവര്‍ത്തിച്ചു ആവശ്യപ്പെട്ട ബൂസ്റ്റര്‍ ഡോസ് സംശയങ്ങള്‍ക്കുള്ള മറുപടികള്‍ .

LATEST4 weeks ago

സിഹത്തി, തവക്കല്‍ന, ബൂസ്റ്റര്‍ ഡോസ്, രാജകാരുണ്യം, ഇഖാമ പുതുക്കല്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

അപ്പോയിന്റ്മെന്റ് ഇല്ലാതെ എയര്‍പോര്‍ട്ടില്‍ ബൂസ്റ്റര്‍ ഡോസ്, തവക്കല്‍നയില്‍ നോണ്‍ ഇമ്മ്യൂണ്‍, സൗദി കര്‍ഫ്യൂ: സൗദി പ്രവാസികളുടെ ചോദ്യങ്ങള്‍ക്ക് മറുപടി

LATEST2 weeks ago

സൗദിയില്‍ ഇപ്പോള്‍ പ്രവാസികള്‍ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യങ്ങള്‍ വിശദമായി

LATEST2 weeks ago

ബൂസ്റ്റര്‍ ഡോസ്, റീ എന്‍ട്രി, ഇലക്ട്രോണിക് തൊഴില്‍ കരാര്‍, ഒരു ലക്ഷം റിയാല്‍ പിഴ തുടങ്ങിയവയെ കുറിച്ച് സൗദി പ്രവാസികള്‍ ആവര്‍ത്തിച്ച് ചോദിച്ച ചോദ്യങ്ങള്‍

LATEST2 weeks ago

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

LATEST2 weeks ago

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

LATEST4 weeks ago

സൗദി ചാര്‍ട്ടേഡ്‌ ഫ്ലൈറ്റ്‌, ആര്‍.ടി.പി.സി.ആര്‍, ബോര്‍ഡര്‍ നമ്പര്‍, എയര്‍പോര്‍ട്ട് പരിശോധന, ഫൈനല്‍ എക്സിറ്റ്: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

“വന്‍ വിജയം ആഗ്രഹിക്കുന്ന പ്രവാസികള്‍ക്ക് പഠിക്കാന്‍ ഏറെയുള്ള ജീവിതം”. ഇബ്രാഹിം ഹാജിയുടെ വിജയ രഹസ്യങ്ങള്‍ പങ്കു വെക്കുന്ന ഓര്‍മ്മ കുറിപ്പ്.

LATEST4 weeks ago

ഹാരീസ് ബീരാനും അജ്മല്‍ മുഫീദും കെ.എം.ഡബ്ലിയു.എ യുടെ പുതിയ സാരഥികള്‍. മലയാളി വിദ്യര്‍ത്ഥിനിക്ക് ആദരം

Trending

error: Content is protected !!