Connect with us

INTERNATIONAL

പ്രവാസിക്ക് പ്രവാസ ലോകത്ത് ഇനിയെന്ന് തിരിച്ചത്താന്‍ സാധിക്കും?

Published

on

ഓരോ ദിവസം കഴിയും തോറും ഇന്ത്യയില്‍ സ്ഥിതിഗതികള്‍ രൂക്ഷമായി കൊണ്ടിരിക്കുകയാണ്. ലോകാ രാജ്യങ്ങള്‍ ഒന്നൊന്നായി ഇന്ത്യക്ക് വിലക്ക് ഏര്‍പ്പെടുത്തി കൊണ്ടിരിക്കുന്നു. പ്രവാസ ലോകത്തേക്ക് തിരിച്ചെത്താന്‍ സാധാരണക്കാരായ പ്രവാസികളുടെ ആശ്രയമായിരുന്ന നേപ്പാളും, മാലിദ്വീപും പോലും വാതിലുകള്‍ പ്രവാസികള്‍ക്ക് മുന്നില്‍ അടച്ചു കൊണ്ടിരിക്കുകയാണ്. ഇപ്പോഴത്തെ അവസ്ഥയില്‍ പ്രവാസികള്‍ ചോദിച്ച ചോദ്യങ്ങളില്‍ ഏറ്റവും പ്രസക്തമായ 4൦ ചോദ്യങ്ങള്‍ക്കുള്ള ഉത്തരങ്ങള്‍ ഇവിടെ നല്‍കുന്നു. (ശ്രദ്ധിക്കുക: ഇവിടെ നല്‍കിയിട്ടുള്ള വിവരങ്ങള്‍  ഏപ്രില്‍ 25 വരെയുള്ള വിവരങ്ങളെ അടിസ്ഥാനമാക്കിയുള്ളതാണ്.)

1. മാലിദ്വീപ് ഇന്ത്യയില്‍ നിന്നുള്ളവര്‍ക്ക് വിലക്ക് ഏര്‍പ്പെടുത്തിയിട്ടുണ്ടോ?

മാലിദ്വീപ് ഇന്ത്യയില്‍ നിന്നുള്ളവര്‍ക്ക് പ്രത്യക്ഷത്തില്‍ വിലക്ക് ഏര്‍പ്പെടുത്തിയിട്ടില്ല. ഇപ്പോഴും പതിനായിരക്കണക്കിന് പ്രവാസികള്‍ മാലിദ്വീപില്‍ നിന്നും ഗള്‍ഫ് രാജ്യങ്ങളിലേക്ക് പ്രവേഷിക്കുന്നുണ്ട്. എന്നാല്‍ ഇന്ത്യയില്‍ നിന്നുള്ളവര്‍ക്ക് ഈ മാസം 27 മുതല്‍ ഹോട്ടലുകളിലും സര്‍ക്കാര്‍ ഗസ്റ്റ് ഹൗസുകളിലും മുറികള്‍ അനുവദിക്കുന്നത് വിലക്കിയിട്ടുണ്ട്. ഇന്ത്യക്കാര്‍ക്ക് മാലിദ്വീപിലെക്ക് ഓണ്‍ അറൈവല്‍ വിസയില്‍ പ്രവേശിക്കുന്നതിന് ഹോട്ടല്‍ ബുക്കിംഗ് നിര്‍ബന്ധമാണ്‌. ഹോട്ടല്‍ ബുക്കിംഗ് ലഭിക്കാത്ത സാഹചര്യത്തില്‍ ഇന്ത്യക്കാര്‍ക്ക് മാലിയിലേക്ക് പ്രവേശിക്കാന്‍ ബുദ്ധിമുട്ട് അനുഭവപ്പെടും. എന്നാല്‍ ജനവാസ കേന്ദ്രങ്ങളില്‍ നിന്നും ദൂരെയുള്ള റിസോര്‍ട്ടുകളിലും ഹോട്ടലുകളിലും ഇന്ത്യക്കാര്‍ക്ക് താമസത്തിനായി മുറികള്‍ അനുവദിക്കുന്നതിന് വിലക്കില്ല. അത് കൊണ്ട് തന്നെ പൂര്‍ണ്ണമായ വിലക്ക് ഏര്‍പ്പെടുത്തി എന്ന് പറയാനാവില്ല.

2. മാലിദ്വീപില്‍ നിലവില്‍ പ്രവേശിച്ചു കഴിഞ്ഞ ഇന്ത്യക്കാര്‍ക്ക് 27 മുതല്‍ ഈ നിബന്ധന ബാധകമാകുമോ?

ഇല്ല. നിലവില്‍ രാജ്യത്തേക്ക് പ്രവേശിച്ച് ക്വാറന്റൈനില്‍ കഴിയുന്ന ഇന്ത്യക്കാര്‍ക്ക് ഈ പുതിയ നിബന്ധന ബാധകമാകില്ല. പുതിയ ബുക്കിങ്ങുകളാണ് വിലക്കിയിട്ടുള്ളത്.

3. മാലിയില്‍ പ്രവേശിക്കുന്ന ഇന്ത്യക്കാര്‍ക്ക് ക്വാറന്റൈന്‍ നിര്‍ബന്ധമാണോ?

നിര്‍ബന്ധമാണ്‌. ഒരു വയസ്സിന് താഴെയുള്ള കുട്ടികള്‍ക്ക് മാത്രമേ ഈ നിബന്ധനയില്‍ നിന്നുല്‍ ഇളവുള്ളൂ. മറ്റുള്ളവര്‍ പത്തു ദിവസം ക്വാറന്റൈനില്‍ കഴിയണം. പി സി ആര്‍ ടെസ്റ്റില്‍ നെഗറ്റീവ് റിസള്‍ട്ട് ആണെങ്കില്‍ ക്വാറന്റൈന്‍ നിര്‍ബന്ധമാകില്ല.

4. മാലിദ്വീപിലെ മറ്റു നിബന്ധനകള്‍ എന്തൊക്കെയാണ്?

ഇന്ത്യയില്‍ നിന്നും മാലിദ്വീപിലേക്ക് വരുന്നവര്‍ പി സി ആര്‍ നെഗറ്റീവ് സര്‍ട്ടിഫിക്കറ്റ് ഹാജരാക്കണം. ഇത് രാജ്യത്തേക്ക് പ്രവേശിക്കുന്നതിന് 72 മണിക്കൂര്‍ മുന്‍പ് എടുത്തതായിരിക്കണം. മാലിദ്വീപില്‍ പ്രവേശിച്ചു കഴിഞ്ഞാല്‍ 24 മണിക്കൂറിനുള്ളില്‍ വീണ്ടും പി സി ആര്‍ ടെസ്റ്റ് നടത്തണം. അതിന് ശേഷം പത്തു ദിവസം ക്വാറന്റൈനില്‍ കഴിയണം. ടെസ്റ്റില്‍ നെഗറ്റീവ് സര്‍ട്ടിഫിക്കറ്റ് ലഭിച്ചാല്‍ ക്വാറന്റൈന്‍ ഒഴിവാക്കാം.

5. കേരളത്തില്‍ കൊച്ചി അന്താരാഷ്ട്ര വിമാന താവളത്തില്‍ നിന്നുള്ള അന്താരാഷ്‌ട്ര സര്‍വീസുകള്‍ നിര്‍ത്തി വെച്ചിട്ടുണ്ടോ?

ഇല്ല. സര്‍വീസ് വിലക്കിയിട്ടുള്ള രാജ്യങ്ങളിലേക്കുള്ള വിമാന സര്‍വീസുകള്‍ മാത്രമാണ് നിര്‍ത്തി വെച്ചിട്ടുള്ളത്‌. മറ്റുള്ള സര്‍വീസുകള്‍ മുന്‍കൂട്ടി നിശ്ചയിച്ചത് പോലെ തന്നെ നടക്കുന്നുണ്ട്. മേയ് ഒന്ന് വരെയാണ് ഇന്ത്യയില്‍ നിന്നുള്ള യാത്രക്കാര്‍ക്ക് നിയന്ത്രണം ഏര്‍പ്പെടുത്തിയിരിക്കുന്നത്. ഈ നിയന്ത്രണം ഇന്ത്യയിലുള്ള എല്ലാ വിമാന താവളങ്ങള്‍ക്കും ബാധകമാണ്. വിമാന സര്‍വീസുകള്‍ നിര്‍ത്തി വെച്ചുവെന്ന പ്രചരണം വാസ്തവ വിരുദ്ധമാണെന്ന് സിയാല്‍ മാനെജ്മെന്റ് തന്നെ വ്യക്തമാക്കിയിട്ടുണ്ട്.

6. വിദേശത്ത് നിന്നും കേരളത്തിലേക്ക് എത്തുന്നവര്‍ക്ക് ആവശ്യമായ നടപടി ക്രമങ്ങള്‍ എന്തൊക്കെയാണ്?

രാജ്യാന്തര യാത്രക്കാർ കേരളത്തിൽ എത്തുമ്പോൾ കേന്ദ്രസർക്കാർ മാർഗനിർദേശ പ്രകാരം ആർ.ടി.പി.സി.ആർ. പരിശോധന നടത്തണം. അതിന് ശേഷം വീട്ടിൽ ഐസൊലേഷനിൽ ഇരിക്കുകയും വേണം. പരിശോധനാഫലം അനുസരിച്ചാണ് ചികിത്സ തേടേണ്ടത്. പരിശോധനയില്‍ നെഗറ്റീവ് ആണെന്ന് കണ്ടാലും ലക്ഷണങ്ങൾ ഉണ്ടാകുന്നുണ്ടോയെന്ന് വ്യക്തമാകുന്നതിനായി ഏഴു ദിവസം നിരീക്ഷണം ആവശ്യമാണ്.

7. നേപ്പാളില്‍ നിന്നും വരുന്നവര്‍ ശ്രദ്ധിക്കേണ്ട മറ്റു കാര്യങ്ങള്‍ എന്തൊക്കെയാണ്?

നേപ്പാൾ വഴി സൗദിയിലേക്ക് യാത്ര ചെയ്യുന്നവർ അംഗീകൃത ലാബുകളില്‍ നിന്ന് മാത്രം ആർ.ടി-പി.സി.ആർ ടെസ്റ്റ് നടത്താന്‍ ശ്രദ്ധിക്കുക. അംഗീകാരമില്ലാത്ത ലാബുകളില്‍ നിന്നുള്ള റിസള്‍ട്ടുമായി എത്തിയാല്‍ യാത്ര ചെയ്യാന്‍ വിമാന കമ്പനികള്‍ അനുവാദം നല്‍കില്ല.

8. നേപ്പാള്‍ വഴി സൗദിയിലേക്ക് വരുന്നവര്‍ക്ക് ആര്‍-ടി – പി സി ആര്‍ ടെസ്റ്റ് സൗകര്യം നിര്‍ത്തിവെച്ചു എന്നാ വാര്‍ത്ത ശരിയാണോ?

ഇപ്പോഴത്തെ ഏറ്റവും പുതിയ വിവരം അനുസരിച്ചു നേപ്പാള്‍ വഴി പോകുന്ന വര്‍ക്ക് ആര്‍ ടി – പി സി ആര്‍ ടെസ്റ്റ് സൗകര്യം നിര്‍ത്തി വെച്ചതായി നേപ്പാള്‍ ആരോഗ്യ മന്ത്രാലയം വ്യക്തമാക്കിയിട്ടുണ്ട്. ഇന്ന് മുതലാണ്‌ (25.4.2021) ഈ സൗകര്യം നിര്‍ത്തി വെച്ചിട്ടുള്ളത്‌. രാജ്യത്ത് കോവിഡ് കേസുകള്‍ രൂക്ഷാമാകുന്ന സാഹചര്യത്തിലാണ് ആരോഗ്യ മന്ത്രാലയത്തിന്റെ പുതിയ തീരുമാനം. നയതന്ത്ര ഉദ്യോഗസ്ഥര്‍, നേപ്പാള്‍ പൗരന്‍മാര്‍, നേപ്പാളില്‍ ദീര്‍ഘകാലമായി താമസിക്കുന്ന വിദേശികള്‍ എന്നിവര്‍ക്ക് മാത്രമാണ് ഇനി മുതല്‍ ആര്‍ ടി – പി സി ആര്‍ ടെസ്റ്റ് സൗകര്യം ലഭ്യമാകുക.

9. നേപ്പാള്‍ വഴി വരുന്നവര്‍ക്ക് എന്‍.ഒ.സി നിര്‍ബന്ധമെന്ന വ്യവസ്ഥ ഇപ്പോഴും നിലവിലുണ്ടോ?

ഇല്ല. ആ വ്യവസ്ഥ ഇപ്പോള്‍ നിലവിലില്ല. ഇപ്പോള്‍ വിമാന മാര്‍ഗ്ഗം നേപ്പാളില്‍ എത്തുന്ന ഇന്ത്യക്കാര്‍ക്ക് എന്‍ ഒ.സി ഇല്ലാതെ തന്നെ മൂന്നാമതൊരു രാജ്യത്തേക്ക് പോകാന്‍ സാധിക്കും. എന്നാല്‍ പാസ്പോര്‍ട്ടില്‍ ഇന്ത്യയില്‍ നിന്നുള്ള വിമാനത്താവളത്തിന്റെ എമിഗ്രേഷന്‍ സീല്‍ ആവശ്യമാണ്‌. കരമാര്‍ഗ്ഗം നേപ്പാളിലേക്ക് പ്രവേശിക്കുന്നവര്‍ക്ക് ഈ ആനുകൂല്യം ലഭ്യമാകില്ല.

10. സൗദിയുടെ പുതിയ നിബന്ധന പ്രകാരം വാക്സിന്‍ എടുക്കത്തവര്‍ക്ക് സൗദിയില്‍ വിമാന യാത്ര വിലക്കിയിട്ടുണ്ടോ?

ഇല്ല. കോവിഡ് രോഗ ബാധയുള്ളവര്‍ക്കാണ് വിമാന യാത്ര വിലക്കിയിട്ടുള്ളത്. വിമാന യാത്രയെ തവക്കല്‍ന ആപ്ലിക്കേഷനുമായി ബന്ധിപ്പിക്കുകയാണ് ചെയ്തിട്ടുള്ളത്. ഇത് പ്രകാരം തവക്കല്‍ന ആപ്പിലെ സ്റ്റാറ്റസ് പ്രകാരമാണ് ബോര്‍ഡിംഗ് പാസ് അനുവദിക്കുക. വാക്സിന്‍ എടുത്തവര്‍, രോഗ പ്രതിരോധ ശേഷി ആര്‍ജ്ജിച്ചവര്‍ എന്നീ രണ്ടു സ്റ്റാറ്റസില്‍ ഉള്ളവര്‍ക്ക് മാത്രമേ ബോര്‍ഡിംഗ് പാസ് അനുവദിക്കുകയുള്ളൂ. തവക്കല്‍നയില്‍ കോവിഡ് രോഗം ഉള്ളതായി കാണുകയാണെങ്കില്‍ യാത്ര അനുവദിക്കില്ല.

11. സൗദിയില്‍ വിമാന യാത്രക്കാര്‍ക്ക് തവക്കല്‍ന ആപ്ലിക്കേഷന്‍ ഇല്ലെങ്കില്‍ വിമാന താവളത്തിലേക്ക് പ്രവേശനം അനുവദിക്കില്ല എന്നുള്ളത് ശരിയാണോ?

ശരിയാണ്. വിമാന താവളങ്ങളില്‍ മൂന്ന് ഇടങ്ങളിലായി തവക്കല്‍ന ആപ്പ് പരിശോധനകള്‍ നടത്തുമെന്ന് ജനറല്‍ അതോറിറ്റി ഓഫ് സിവില്‍ ഏവിയേഷന്‍ വക്താവ് ഇബ്രാഹിം അല്‍ റസാഅ വ്യക്തമാക്കിയിട്ടുണ്ട്. വിമാന താവളത്തിലേക്ക് കയറുന്നതിന് മുന്‍പായി പ്രവേശന കവാടത്തില്‍ വെച്ചു ആദ്യ പരിശോധന ഉണ്ടാകും. അതിന് ശേഷം ബോര്‍ഡിംഗ് പാസിനായുള്ള നടപടി ക്രമങ്ങള്‍ പൂര്‍ത്തിയാക്കുന്ന അവസരത്തില്‍ രണ്ടാമത്തെ പരിശോധന ഉണ്ടാകും. വിമാനത്തിനകത്തേക്ക് കയറുന്നതിനു മുന്‍പായി മൂന്നാമത്തെ പരിശോധനയും യാത്രക്കാരില്‍ നടത്തുമെന്നും അധികൃതര്‍ വ്യക്തമാക്കിയിട്ടുണ്ട്.

12. കോവിഡ് ബാധിതനാണ് എന്ന് എങ്ങിനെയാണ് വിമാന താവളത്തില്‍ മനസ്സിലാക്കാന്‍ സാധിക്കുക?

ഒരാള്‍ കോവിഡ് ബാധിതനാണെങ്കില്‍ ഒരുദ്യൊഗിക പരിശോധന കഴിഞ്ഞിട്ടുണ്ടെങ്കില്‍ അക്കാര്യം അത് ആപ്പില്‍ രേഖപ്പെടുത്തിയിട്ടുണ്ടാകും. കോവിഡ് ബാധിതനാണെങ്കില്‍ ആപ്പിലെ സ്റ്റാറ്റസ് ചുവന്ന നിറത്തില്‍ ആയിരിക്കും. രോഗ വിമുക്തി കൈവന്നിട്ടുണ്ടെങ്കില്‍ പച്ച നിറമായിരിക്കും കാണിക്കുക. പച്ച നിറം ഉള്ളവര്‍ക്ക് മാത്രമേ യാത്രക്ക് അനുമതി നല്‍കൂ.

13. സൗദിയില്‍ വിമാന യാത്രക്ക് മുന്‍പായി കോവിഡ് ടെസ്റ്റ്‌ നടത്തണം എന്ന് നിര്‍ബന്ധമുണ്ടോ?

ഇല്ല. വിമാന യാത്രക്ക് മുന്‍പായി നിര്‍ബന്ധമായും കോവിഡ് ടെസ്റ്റ് നടത്തണം എന്ന് നിര്‍ബന്ധമില്ല. എന്നാല്‍ തവക്കല്‍നയില്‍ പച്ച നിറം കാണിക്കണം എന്ന് നിര്‍ബന്ധമാണ്‌.

14. കോവിഡ് വാക്സിന്‍ എടുത്തത് എങ്ങിനെയാണ് ആപ്പില്‍ വ്യക്തമാവുന്നത്?

കോവിഡ് വാക്സിന്‍ എടുത്ത ആളുകളുടെ വിവരങ്ങള്‍ സിഹത്തി ആപ്പില്‍ ഉണ്ടായിരിക്കും. ഇതേ വിവരങ്ങള്‍ തന്നെ തവക്കല്‍നാ ആപ്പിലും ഉണ്ടായിരിക്കും.

15. യാത്ര മുടങ്ങിയാല്‍ ടിക്കറ്റിന്റെ പണം നഷ്ടമാകുമോ?

ഇല്ല. യാത്രക്ക് അര്‍ഹത ഇല്ലെങ്കില്‍ അക്കാര്യം എസ്.എം.എസ് വഴി യാത്രക്കാരനെ അറിയിക്കും. ടിക്കറ്റിന്റെ പണം തിരികെ ലഭിക്കും. യാത്രക്കാരന് യാത്ര തിയ്യതി മാറ്റാനോ മറ്റൊരു ദിവസത്തേക്ക് യാത്ര മാറ്റി വെക്കാനോ സാധിക്കും.

16. സൗദിയില്‍ നിന്നും ഇന്ത്യയിലേക്ക് യാത്ര ചെയ്യുമ്പോള്‍ ഇന്ത്യയിലെ വിമാനതാവളത്തിലും തവക്കല്‍ന ആപ്പ് സ്റ്റാറ്റസ് കാണിച്ചാല്‍ മതിയോ?

ഇന്ത്യയിലേക്ക് യാത്ര ചെയ്യുമ്പോള്‍ കോവിഡ് ആര്‍ ടി – പി സി ആര്‍ ടെസ്റ്റ് നിര്‍ബന്ധമാണ്‌. കടലാസ് രൂപത്തിലുള്ള സര്‍ട്ടിഫിക്കറ്റ് നിര്‍ബന്ധമാണ്‌. അത് വിമാന കമ്പനികളുടെ കൗണ്ടറുകളില്‍ കാണിച്ചാല്‍ മാത്രമേ ബോര്‍ഡിംഗ് പാസ് ലഭിക്കൂ. തവക്കല്‍ന ആപ്പ് സ്റ്റാറ്റസ് ഇന്ത്യയിലെ എയര്‍പോര്‍ട്ടുകളില്‍ അംഗീകൃതമല്ല. അത് കൊണ്ട് തന്നെ സൗദിയില്‍ നിന്നും ഇന്ത്യയിലേക്ക് വരുന്നവര്‍ തവക്കല്‍ന ആപ്പ് കൂടാതെ പേപ്പര്‍ രൂപത്തിലുള്ള സര്‍ട്ടിഫിക്കറ്റ് കൂടെ കയ്യില്‍ കരുതണം.

17. സൗദിയില്‍ കോവിഡ് പരിശോധന ഫലം വൈകുന്ന സാഹചര്യത്തില്‍ എന്താണ് ചെയ്യേണ്ടത്?

സാധാരണ ഗതിയില്‍ 12 മുതല്‍ 72 മണിക്കൂറുകള്‍ക്കുള്ളില്‍ സിഹത്തി, തതമന്‍, തവക്കല്‍ന ആപ്പുകള്‍ വഴി പരിശോധന ഫലം ലഭിക്കേണ്ടതാണ്. എന്നാല്‍ മൂന്ന് ദിവസത്തില്‍ അധികം വൈകുകയാണെങ്കില്‍ 937 എന്ന നമ്പരില്‍ വിളിച്ചു പരാതിപ്പെടണമെന്നാണ് ആരോഗ്യ മന്ത്രാലയം നിര്‍ദ്ദേശിച്ചിട്ടുള്ളത്.

18. സൗദി എയര്‍ലൈന്‍സ് സര്‍വീസ് പുനരാരംഭിക്കുന്നതിനെ സംബന്ധിച്ച വിശദാംശങ്ങള്‍ എന്തൊക്കെയാണ്?

സൗദി എയര്‍ലൈന്‍സ് നിര്‍ത്തി വെച്ച വിമാന സര്‍വീസുകള്‍ മേയ് 17 ന് തന്നെ പുനരാരംഭിക്കും എന്ന് തീര്‍ച്ചയായിട്ടുണ്ട്. എന്നാല്‍ കഴിഞ്ഞ ഫെബ്രുവരി മൂന്നിന് വിലക്ക് കല്‍പ്പിച്ചിട്ടുള്ള 2൦ രാജ്യങ്ങളിലേക്കുള്ള സര്‍വീസ് തല്ക്കാലം പുനരാരംഭിക്കില്ല. അന്തരാഷ്ട്ര യാത്രക്കുള്ള സര്‍വീസ് വിവരങ്ങളും നിബന്ധനകളും മറ്റും സൗദി എയര്‍ലൈന്‍സിന്റെ ഔദ്യോഗിക വെബ്സൈറ്റില്‍ അപ്ഡേറ്റ് ചെയ്യുമെന്ന് കമ്പനി വ്യക്തമാക്കിയിട്ടുണ്ട്.

19. നിലവില്‍ ഏതെല്ലാം രാജ്യങ്ങളിലൂടെയാണ് പ്രവാസികള്‍ക്ക് സൗദിയില്‍ പ്രവേശിക്കാന്‍ കഴിയുക?

ഫെബ്രുവരി മൂന്നിന് സൗദി ആഭ്യന്തര മന്ത്രാലയം വിലക്ക് ഏര്‍പ്പെടുത്തിയിട്ടില്ലാത്ത ഏതു രാജ്യങ്ങള്‍ വഴിയും പ്രവാസികള്‍ക്ക് സൗദിയിലേക്ക് പ്രവേശിക്കാന്‍ അനുമതിയുണ്ട്. നിലവില്‍ നേപ്പാള്‍, ബഹറിന്‍, മാലിദ്വീപ് എന്നെ രാജ്യങ്ങളിലൂടെ സൗദിയിലേക്ക് പ്രവേശിക്കാന്‍ സാധിക്കും. എന്നാല്‍ മാലിദ്വീപില്‍ അടുത്ത 27 മുതല്‍ ഇന്ത്യക്കാര്‍ക്ക് ഹോട്ടല്‍ ടിക്കറ്റ് ബുക്കിംഗ് നിബന്ധനകളുടെ അടിസ്ഥാനത്തില്‍ വിലക്കിയിരിക്കുന്നതിനാല്‍ പുതിയ യാത്രക്കാര്‍ക്കുള്ള പ്രവേശനം ദുഷകരമാകും. ശ്രീലങ്ക വഴി ഇന്ത്യക്ക് എയര്‍ ബബിള്‍ കരാര്‍ ഉള്ളതിനാല്‍ അതു വഴിയും സൗദിയിലേക്ക് പ്രവേശിക്കാം. ജോര്‍ദ്ദാന്‍ തുടങ്ങിയ രാജ്യങ്ങളിലൂടെയും സൗദിയിലേക്ക് പ്രവേശിക്കാന്‍ സാധിക്കും.

20. ഖത്തറിലേക്ക് വരുന്നവര്‍ക്ക് പി.സി.ആര്‍. ടെസ്റ്റ് നിര്‍ബന്ധമാണോ?

പൊതുജനാരോഗ്യ മന്ത്രാലയം പ്രഖ്യാപിച്ച പുതിയ ക്വാറന്റൈന്‍, പേര്‍സണല്‍ ടെസ്റ്റിംഗ് പ്രോട്ടോക്കോളനുസരിച്ച് പി.സി.ആര്‍. ടെസ്റ്റ് നിര്‍ബന്ധമാക്കിയിട്ടുണ്ട്. ഇന്ന് മുതല്‍ (25 മുതല്‍) ഇത് പ്രാബല്യത്തില്‍ വരും. യാത്ര പുറപ്പെടുന്ന രാജ്യത്തെ അംഗീകൃത ലബോറട്ടറിയില്‍ നിന്നും യാത്രയുടെ പരമാവധി 72 മണിക്കൂര്‍ മുമ്പാണ് ടെസ്റ്റ് നടത്തേണ്ടത്. പരിശോധന ഫലം നെഗറ്റീവ് ആണെങ്കില്‍ മാത്രമേ ഇന്ന് മുതല്‍ ഖത്തറിലേക്ക് പ്രവേശിക്കാന്‍ സാധിക്കൂ.

21. ഖത്തറിലേക്ക് പ്രവേശിച്ച ശേഷം ക്വാറന്റൈന്‍ ഇളവു ലഭിക്കുന്ന സാഹചര്യം എന്താണ്?

ഖത്തര്‍ അംഗീകാരം നല്‍കിയിട്ടുള്ള വാക്സിന്‍ സ്വീകരിച്ച് 14 ദിവസം കഴിഞ്ഞവര്‍ ആണെങ്കില്‍ ഖത്തറില്‍ എത്തുമ്പോള്‍ ക്വാറന്റൈന്‍ ആവശ്യമില്ല. എന്നാല്‍ ഈ ആനുകൂല്യം ലഭിക്കാന്‍ വാക്സിന്‍ സ്വീകരിച്ചതിന്റെ ഒറിജിനല്‍ രേഖ ഹാജരാക്കണം.

22. ഇന്ത്യയില്‍ ഉപയോഗിക്കുന്ന ഏതെങ്കിലും വാക്സിന്‍ സ്വീകരിച്ചാല്‍ ഈ ആനുകൂല്യം ലഭ്യമാകുമോ?

ഇന്ത്യയില്‍ ഉപയോഗിക്കുന്ന കോവി ഷീല്‍ഡ് വാക്സിന് ഖത്തര്‍ ആരോഗ്യ മന്ത്രാലയം അംഗീകാരം നല്‍കിയിട്ടുണ്ട്. ഖത്തറിന് പുറത്തു നിന്ന് സ്വീകരിക്കാവുന്ന അംഗീകൃത വാക്സിന്‍ ബ്രാന്‍ഡുകളുടെ പട്ടികയില്‍ കോവി ഷീല്‍ഡ് ഉള്‍പ്പെട്ടിട്ടുള്ളതിനാല്‍ ഈ വാക്സിന്റെ രണ്ടു ഡോസും സ്വീകരിച്ച ശേഷം 14 ദിവസം കഴിഞ്ഞു ഖത്തറില്‍ എത്തിയാല്‍ ഇന്ത്യക്കാര്‍ക്ക് നിര്‍ബന്ധിത ക്വാറന്റൈനില്‍ ഇളവു ലഭിക്കും.

23. ഖത്തര്‍ അംഗീകരിച്ചിട്ടുള്ള വാക്സിനുകള്‍ ഏതൊക്കെയാണ്?

ഫൈസര്‍, മൊഡേണ, അസ്ട്രസെനക്ക, ജോണ്‍സന്‍ ആന്‍ഡ്‌ ജോണ്‍സന്‍ എന്നിവയാണ് ഖത്തര്‍ അംഗീകരിച്ചിട്ടുള്ള വാക്സിനുകള്‍.

24. ഖത്തറില്‍ ആനുകൂല്യം ലഭിക്കാന്‍ ഈ വാക്സിനുകള്‍ രണ്ടു ഡോസും സ്വീകരിക്കേണ്ടതുണ്ടോ?

ജോണ്‍സന്‍ ആന്‍ഡ്‌ ജോണ്‍സന്‍ വാക്സിനാണ് സ്വീകരിക്കുന്നതെങ്കില്‍ ഒരു ഡോസ് മാത്രം സ്വീകരിച്ചാല്‍ മതിയാകും. മറ്റുള്ള വാക്സിനുകള്‍ രണ്ടു ഡോസുകളും സ്വീകരിക്കേണ്ടി വരും.

25. ഏതൊക്കെ രാജ്യങ്ങളാണ് ഇന്ത്യന്‍ വിമാന സര്‍വീസുകള്‍ക്ക് വിലക്ക് ഏര്‍പ്പെടുത്തിയിട്ടുള്ളത്?

ദുബായ്, ഒമാന്‍, കുവൈറ്റ്‌, സൗദി അറേബ്യ, ഹോങ്കോംഗ്, യു.കെ, കാനഡ, പാക്കിസ്ഥാന്‍, ന്യൂസിലാന്‍റ്, ഇറാന്‍, സിംഗപ്പൂര്‍, ഇറ്റലി, അമേരിക്ക, ഫ്രാന്‍സ് എന്നീ രാജ്യങ്ങളാണ് നിലവില്‍ ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്.

26. കാനഡ ഇന്ത്യക്ക് വിലക്ക് ഏര്‍പ്പെടുത്തിയിരിക്കുന്നത് എത്ര ദിവസത്തേക്കാണ്? 

പത്തു ലക്ഷത്തോളം ഇന്ത്യന്‍ വംശജരുള്ള കാനഡ മുപ്പത് ദിവസത്തെ വിലക്കാണ് ഇന്ത്യക്ക് ഏര്‍പ്പെടുത്തിയിരിക്കുന്നത്. ഇന്ത്യയില്‍ നിന്നുള്ള യാത്രാ വിമാനങ്ങള്‍ക്ക് മാത്രമാണ് വിലക്ക്. കാര്‍ഗോ വിമാന്നഗള്‍ക്ക് സര്‍വീസ് നടത്താന്‍ അനുമതിയുണ്ട്.

27. സിംഗപ്പൂര്‍ എത്ര ദിവസത്തേക്കാണ് ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്? എത്ര നാളത്തേക്കാണ് വിലക്ക് പ്രാബല്യത്തില്‍ ഉണ്ടാകുക?

ഈ മാസം 22 മുതലാണ്‌ ഇന്ത്യയിൽനിന്നുള്ള യാത്രക്കാർക്ക് സിംഗപ്പൂർ വിലക്ക് ഏർപ്പെടുത്തിയത്. വിലക്ക് നീക്കുന്നതിനുള്ള തിയ്യതി പ്രഖ്യാപിച്ചിട്ടില്ല. ഇനി ഒരു അറിയിപ്പ് ഉണ്ടാകുന്നത് വരെയാണ് വിലക്ക് ഏര്‍പ്പെടുത്തിയിട്ടുള്ളത്. ദീർഘകാല വിസയുള്ളവർക്കും വിലക്ക് ബാധകമാണ്.

28. ഇറ്റലിയുടെ ഇന്ത്യക്ക് ഏര്‍പ്പെടുത്തിയ വിലക്കിന്റെ വിശദാംശങ്ങള്‍ എന്തൊക്കെയാണ്?

മണിക്കൂറുകള്‍ക്ക് മുന്‍പാണ് ഇറ്റലി ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്. പതിനാല് ദിവസമായി ഇന്ത്യയില്‍ കഴിയുന്നവര്‍ക്കാണ് വിലക്ക് ബാധകമാവുന്നത്. ഇറ്റാലിയന്‍ പൗരന്മാര്‍ക്ക് ടെസ്റ്റ് നടത്തി നെഗറ്റീവ് സര്‍ട്ടിഫിക്കറ്റുമായി ഇറ്റലിയിലേക്ക് പ്രവേശിക്കാന്‍ അനുവാദമുണ്ട്.

29. ഓസ്‌ട്രേലിയ ഏര്‍പ്പെടുത്തിയിട്ടുള്ള വിലക്കിന്റെ വിശദാംശങ്ങള്‍ എന്തൊക്കെയാണ്?

ഓസ്‌ട്രേലിയ ഇന്ത്യക്ക് പ്രത്യക്ഷത്തില്‍ ഇതുവരെ പൂര്‍ണ്ണമായ സര്‍വീസ് വിലക്ക് ഏര്‍പ്പെടുത്തിയിട്ടില്ല. എന്നാല്‍ ഇന്ത്യയില്‍നിന്ന് വരുന്ന വിമാനങ്ങളുടെ എണ്ണം ചുരുക്കിയിട്ടുണ്ട്. ഓസ്‌ട്രേലിയന്‍ പൗരന്മാരേയും സ്ഥിരതാമസ അനുമതിയുള്ളവരേയും കൊണ്ടുവരുന്ന ചാര്‍ട്ടേഡ് വിമാനങ്ങള്‍ 30 ശതമാനമായി കുറക്കാനാണ് തീരുമാനിച്ചിട്ടുള്ളത്. ഇന്ത്യക്കെതിരെ കോവിഡ് അപകടം കൂടിയ രാജ്യങ്ങളുടെ പട്ടികയില്‍ പെടുത്തി മറ്റു രാജ്യങ്ങള്‍ സ്വീകരിക്കുന്ന നടപടികള്‍ ഓസ്‌ട്രേലിയയും പിന്തുടരും.

30. ഏതൊക്കെ ജി.സി.സി രാജ്യങ്ങളാണ് ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്?

യു.എ.ഇ, കുവൈറ്റ്‌. ഒമാന്‍, സൗദി അറേബ്യ എന്നെ രാജ്യങ്ങളാണ് ഇതുവരെ ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്. ബഹറിന്‍, ഖത്തര്‍ എന്നീ ജി.സി.സി രാജ്യങ്ങള്‍ ഇതുവരെ ഇന്ത്യയില്‍ നിന്നുള്ളവര്‍ക്ക് വിലക്ക് ഏര്‍പ്പെടുത്തിയിട്ടില്ല.

31. ഇറാന്‍ ഏര്‍പ്പെടുത്തിയ ഇന്ത്യയില്‍ നിന്നുള്ള സര്‍വീസ് വിലക്ക് എന്ന് മുതലാണ്‌ പ്രാബല്യത്തില്‍ വരുന്നത്?

ഇന്ന് അര്‍ദ്ധ രാത്രി മുതല്‍ (25.4.2൦21) ഇറാന്റെ വിമാന വിലക്ക് നിലവില്‍ വരും. ഇന്ത്യയിലേക്കും തിരിച്ചുമുള്ള വിമാന സര്‍വീസുകളാണ് നിര്‍ത്തി വെക്കുന്നതെന്ന് ഇറാന്‍ സിവില്‍ ഏവിയേഷന്‍ വ്യക്തമാക്കിയിട്ടുണ്ട്.

32. യു.എ.ഇ എത്ര ദിവസത്തേക്കാണ് ഇന്ത്യക്ക് വിലക്ക് ഏര്‍പ്പെടുത്തിയിട്ടുള്ളത്?

ഈ മാസം 24 മുതല്‍ നിലവില്‍ പത്തു ദിവസത്തെ താല്‍ക്കാലിക വിലക്കാണ് യു എ ഇ ഏര്‍പ്പെടുത്തിയിട്ടുള്ളത്. അതിന് ശേഷം സ്ഥിതിഗതികള്‍ വിലയിരുത്തിയതിനു ശേഷമാണ് പുതിയ തീരുമാനം കൈക്കൊള്ളുകയുള്ളൂ. സാഹചര്യങ്ങള്‍ മോശമാവുകയാണെങ്കില്‍ വിലക്ക് വീണ്ടും നീട്ടും.

33. യു എ ഇ പ്രഖ്യാപിച്ച വിലക്കില്‍ നിന്നും ആര്‍ക്കെങ്കിലും ഇളവ് നല്‍കിയിട്ടുണ്ടോ?

യു എ ഇ യില്‍ നിന്നും ഇന്ത്യയിലേക്കുള്ള വിമാനങ്ങൾക്ക് വിലക്ക് ബാധകമാകുന്നില്ല. കാർഗോ ഫ്‌ളൈറ്റുകൾക്ക് സർവീസ് നടത്താമെന്നും അധികൃതർ വ്യക്തമാക്കിയിട്ടുണ്ട്. യു എ ഇ പൗരന്മാര്‍, നയതന്ത്ര ഉദ്യോഗസ്ഥര്‍, ഒരുദ്യോഗിക പ്രതിനിധികള്‍, ഗോള്‍ഡന്‍ റസിഡന്‍സി വിസ ഉടമകള്‍, ബിസിനസുകാരുടെ വിമാനങ്ങള്‍ എന്നിവര്‍ക്ക് ഇളവ് നല്‍കിയിട്ടുണ്ട്.

34. വിലക്ക് നിലവില്‍ ഉള്ളപ്പോഴും ഇന്ത്യയില്‍ നിന്നുള്ള പ്രവാസികള്‍ക്ക് യു എ ഇ യില്‍ മറ്റേതെങ്കിലും വഴിയിലൂടെ പ്രവേശിക്കാന്‍ സാധിക്കുമോ?

ഇന്ത്യയില്‍ നിന്നുള്ള നേരിട്ടുള്ള പ്രവേശനത്തിനാണ് വിലക്ക്. യു.എ.ഇ വിലക്ക് കല്‍പ്പിക്കാത്ത നേപ്പാള്‍, മാലിദ്വീപ്, ബഹറിന്‍, ശ്രീലങ്ക തുടങ്ങിയ മറ്റേതെങ്കിലും രാജ്യത്ത് പതിനാല് ദിവസം താമസിച്ച ശേഷം ഇന്ത്യക്കാര്‍ക്ക് യു.എ.ഇ യിലേക്ക് പ്രവേശിക്കാന്‍ ഇപ്പോഴും അനുവാദമുണ്ട്.

35. പെട്ടെന്നുണ്ടായ വിലക്ക് മൂലം യാത്ര മുടങ്ങിയവര്‍ക്ക് മുന്‍കൂട്ടി ബുക്ക് ചെയ്ത ടിക്കറ്റിന്റെ തുക തിരികെ ലഭിക്കുമോ?

ഇത്തിഹാദ് എയര്‍വേയ്സ്, എമിറെറ്റ്സ്, ബജറ്റ് കാരിയര്‍, ഫ്ലൈ ദുബായ് തുടങ്ങിയ പ്രമുഖ വിമാന കമ്പനികള്‍ യാത്രക്കാര്‍ക്ക് റീഫണ്ട് അല്ലെങ്കില്‍ റീ ബുക്കിംഗ് അവസരങ്ങള്‍ നല്‍കുന്നുണ്ട്. അതാത് വിമാന കമ്പനികളുടെ വെബ്സൈറ്റുകളില്‍ പ്രവേശിച്ചാല്‍ അതിന്റെ മാനദണ്ഡങ്ങള്‍ കൂരുതലായി അറിയാന്‍ സാധിക്കും.

36. ഒമാന്‍ ഏര്‍പ്പെടുത്തിയിട്ടുള്ള വിലക്കിന്റെ വിശദാംശങ്ങള്‍ വ്യക്തമാക്കാമോ?

ഈ മാസം 23 മുതലാണ്‌ ഒമാന്‍ ഏര്‍പ്പെടുത്തിയ വിലക്ക് പ്രാബല്യത്തില്‍ വരുന്നത്. ഇന്ത്യക്ക് പുറമേ ബംഗ്ലാദേശ്, പാക്കിസ്ഥാന്‍ എന്നീ രാജ്യങ്ങളില്‍ നിന്നുള്ളവര്‍ക്ക് വിലക്കുണ്ട്. മറ്റൊരു അറിയിപ്പ് ഉണ്ടാകുന്നത് വരെ ഈ വിലക്ക് തുടരുമെന്നാണ് അധികൃതര്‍ വ്യക്തമാക്കിയിട്ടുള്ളത്.

37. ഒമാന്‍ വിലക്കില്‍ ആര്‍ക്കെങ്കിലും ഇളവു നല്‍കുന്നുണ്ടോ?

ഉണ്ട്. ആരോഗ്യ പ്രവര്‍ത്തകര്‍ക്കും അവരുടെ കുടുംബാംഗങ്ങള്‍ക്കും ഇളവുണ്ട്. കൂടാതെ ഒമാന്‍, പൗരന്മാര്‍, നയതന്ത്ര ഉദ്യോഗസ്ഥന്മാര്‍ എന്നിവര്‍ക്കും ഇളവു നല്‍കും.

38. കുവൈറ്റിലേക്ക് ആരോഗ്യ പ്രവര്‍ത്തകര്‍ക്ക് പ്രവേശിക്കാന്‍ ഇപ്പോള്‍ അനുമതിയുണ്ടോ?

ഇല്ല. ഇന്ത്യയില്‍ നിന്നുള്ള മുഴുവന്‍ യാത്രാ വിമാനങ്ങള്‍ക്കും കുവൈറ്റ്‌ വിലക്ക് പ്രഖ്യാപിച്ചിട്ടുണ്ട്. ഇന്ത്യയില്‍ നിന്നുള്ള വിമാനങ്ങള്‍ നേരത്തെ അതന്നെ അനുവദിച്ചിരുന്നില്ലെങ്കിലും ആരോഗ്യ പ്രവര്‍ത്തകരെയും, ഗാര്‍ഹിക തൊഴിലാളികളെയും വഹിച്ചു വരുന്ന വിമാനങ്ങള്‍ക്ക് അനുമതി നല്‍കിയിരുന്നു. എന്നാല്‍ കഴിഞ്ഞ ദിവസം മുതല്‍ ഇന്ത്യയില്‍ നിന്നുള്ള എല്ലാ വിമാനങ്ങള്‍ക്കും കുവൈറ്റ്‌ വിലക്ക് ഏര്‍പ്പെടുത്തി. ഇനിയൊരു അറിയിപ്പ് ഉണ്ടാകുന്നത് വരെയാണ് കുവൈറ്റ്‌ വിലക്ക് ഏര്‍പ്പെടുത്തിയിട്ടുള്ളത്.

39. കുവൈറ്റിലേക്ക് മറ്റു രാജ്യങ്ങളിലൂടെ പ്രവേശനം അനുവദിക്കുന്നുണ്ടോ?

വിലക്കില്ലാത്ത രാജ്യങ്ങളില്‍ പതിനാല് ദിവസം തങ്ങിയ ശേഷം കുവൈറ്റിലേക്ക് പ്രവേശിക്കുന്നതിന് തടസ്സമില്ല.

40. ബഹറിനിലേക്ക് പ്രവേശിക്കുന്ന യാത്രക്കാര്‍ക്ക് ഏര്‍പ്പെടുത്തിയ പുതിയ നിബന്ധന എന്തൊക്കെയാണ്?

ഇന്ത്യ, പാക്കിസ്ഥാന്‍, ബംഗ്ലാദേശ് എന്നിവിടങ്ങളില്‍ നിന്നും ബഹറിനിലേക്ക് പ്രവേശിക്കുന്ന യാത്രക്കാര്‍ക്ക് പുതിയ നിബന്ധന ഏര്‍പ്പെടുത്തിയിട്ടുണ്ട്. ഈ യാത്രക്കാര്‍ ബഹറിനിലേക്ക് പുറപ്പെടുന്നതിനു 48 മണിക്കൂറിനുള്ളില്‍ ആര്‍.ടി.പി.സി.ആര്‍ ടെസ്റ്റ്‌ നടത്തിയിരിക്കണം. ഹാജരാക്കുന്ന കോവിഡ് നെഗറ്റീവ് സര്‍ട്ടിഫിക്കറ്റില്‍ ക്യൂ.ആര്‍ കോഡ് ഉണ്ടായിരിക്കണം. ഈ മാസം 27 ന് ഈ നിബന്ധന പ്രാബല്യത്തില്‍ വരും. ഇന്ത്യയില്‍ നിന്ന് വരുന്ന ആറു വയസ്സിന് കൂടുതല്‍ പ്രായമുള്ള എല്ലാവര്‍ക്കും ഈ നിബന്ധന ബാധകമാണ്.

(ശ്രദ്ധിക്കുക: ഇവിടെ നല്‍കിയിട്ടുള്ള വിവരങ്ങള്‍  ഏപ്രില്‍ 25 വരെയുള്ള വിവരങ്ങളെ അടിസ്ഥാനമാക്കിയുള്ളതാണ്.)

വിവരങ്ങള്‍ നല്‍കിയത്:

അഡ്വ.ഷിയാസ് കുഞ്ഞിബാവ. കോര്‍പറേറ്റ് ലോയര്‍ & കണ്‍സല്‍ട്ടന്റ്. ദുബായ്,റിയാദ്,ഡല്‍ഹി.

INDIA

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

Published

on

റിയാദ്: കോവിഡ് പ്രതിസന്ധി മൂലം ആരോഗ്യ പ്രവര്‍ത്തകരുടെ ആവശ്യകതയും ദൌര്‍ലഭ്യവും ചൂഷണം ചെയ്തു വ്യാജ ഏജന്റുമാര്‍ തട്ടിപ്പുകള്‍ നടത്തുന്നതായി റിപ്പോര്‍ട്ട്. നോര്‍ക്കയുടെ പ്രതിനിധികള്‍ എന്ന വ്യാജേനയാണ് ഇവര്‍ റിക്രൂട്ട്മെന്റ് തട്ടിപ്പ് നടത്തുന്നത്. ചതിയില്‍ പെട്ട് നിരവധി പേര്‍ക്ക് പണം നഷ്ടപ്പെട്ടതയാണ് അറിയുന്നത്.

റിയാദ് ഇന്ത്യന്‍ എംബസ്സി വഴി നഴ്സുമാരെ വാക്സിനേഷന്‍ ഡ്യൂട്ടിക്ക് റിക്രൂട്ട് ചെയ്യുന്നു എന്ന വാഗ്ദാനം നല്‍കിയാണ്‌ പണം തട്ടിയത്. ഗൂഗിള്‍ പേ വഴിയാണ് പല നഴ്സുമാരും പണം കൈമാറിയിട്ടുള്ളത്. അത് മൂലം പരാതിപ്പെടാന്‍ പോലും കഴിയാത്ത അവസ്ഥയിലാണ് ഇവര്‍. ഒരാള്‍ക്ക് 35,൦൦൦ രൂപക്ക് മുകളില്‍ നഷ്ടപ്പെട്ടിട്ടുണ്ട്.

എംബസ്സിയുടെ നേരിട്ടുള്ള നിയമനമാണ് നടത്തുന്നത് എന്നാണ് ഏജന്റുമാര്‍ പറഞ്ഞിരുന്നത്. തിരഞ്ഞെടുക്കപ്പെട്ടതായി കാണിച്ചു കൊണ്ട് ഇന്ത്യന്‍ എംബസ്സിയുടെ ഔദ്യോഗിക മുദ്രയും സീലും ഉള്ള കത്തുകളാണ് ഇവര്‍ക്ക് അയച്ചു കൊടുത്തിട്ടുള്ളത്. മേയ് പത്താം തിയ്യതി മെഡിക്കല്‍ പരിശോധന നടത്തണമെന്നും കാണിച്ച് ഇവര്‍ക്ക് കത്ത് നല്‍കിയിരുന്നു.

മെഡിക്കല്‍ പരിശോധന പൂര്‍ത്തിയായാല്‍ അന്ന് തന്നെ നഴ്സുമാര്‍ക്ക് വിസയും, ഇമിഗ്രേഷന്‍ പേപ്പറുകളും ഇന്‍ഷുറന്‍സ് പേപ്പറുകളും വിമാന ടിക്കറ്റും അടങ്ങുന്ന കിറ്റ്‌ കൈമാറുമെന്നും കത്തില്‍ പറയുന്നു. മേയ് 12 ന് റിയാദിലെ തൊഴില്‍ മന്ത്രാലയത്തില്‍ റിപ്പോര്‍ട്ട് ചെയ്യണമെന്നും കത്തില്‍ കാണിച്ചിരുന്നു. 53൦൦ റിയാലായിരുന്നു ശമ്പളമായി വാഗ്ദാനം ചെയ്തിരുന്നത്.

ഇക്കാര്യത്തില്‍ സംശയം തോന്നിയ മൂന്ന് നഴ്സുമാര്‍ ഇക്കാര്യം നഴ്സുമാരുടെ സംഘടനയായ യുണൈറ്റഡ് നഴ്സസ് അസോസിയേഷനെ (യു.എന്‍.എ) അറിയിച്ചതോടെയാണ് തട്ടിപ്പ് പുറത്തായത്. സംഘടനയുടെ ഭാരവാഹികള്‍ റിയാദിലെ ഇന്ത്യന്‍ എംബസ്സിയുമായി ബന്ധപ്പെട്ടപ്പോള്‍ ഇത്തരമൊരു റിക്രൂട്ട്മെന്റ് വ്യാജമാണെന്നും തട്ടിപ്പില്‍ പെടരുതെന്നും എംബസ്സി ഉദ്യോഗസ്ഥര്‍ മുന്നറിയിപ്പ് നല്‍കി.

മുന്‍പും ഇത്തരത്തില്‍ റിക്രൂട്ട്മെന്റ് തട്ടിപ്പുകള്‍ നടന്നിരുന്നെന്നും ഒരു ഇടവേളക്ക് ശേഷം ഇത് ഇപ്പോള്‍ പുനരാരംഭിച്ചിരിക്കുകയാണെന്നും യു.എന്‍.എ ഭാരവാഹികള്‍ പറയുന്നു. യു.എ.ഇ യിലും വാക്സിനേഷന്‍ ഡ്യൂട്ടിക്ക് എന്ന പേരില്‍ കൊണ്ട് പോയ നഴ്സുമാരില്‍ ഒരു വിഭാഗവും പറ്റിക്കപ്പെട്ടിട്ടുണ്ടെന്നും സംഘടന വ്യക്തമാക്കുന്നു. ഇത്തരം തട്ടിപ്പുകള്‍ തിരിച്ചറിയണമെന്നും വ്യാജന്മാരുടെ വാഗ്ദാനങ്ങളില്‍ കുടുങ്ങി പണം നഷ്ടമാക്കരുത് എന്നും സംഘടന നഴ്സുമാര്‍ക്ക് മുന്നറിയിപ്പ് നല്‍കിയിട്ടുണ്ട്.

Continue Reading

INDIA

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

Published

on

ഇന്ത്യയില്‍ നിന്നുള്ളവരുടെ നേരിട്ടുള്ള പ്രവേശന വിലക്ക് ഉടനെയൊന്നും പിന്‍വലിക്കില്ലെന്ന് ഉറപ്പായതോടെ സൗദിയിലേക്ക് പ്രവേശിക്കാന്‍ പുതിയ റൂട്ടുകളും മാര്‍ഗ്ഗങ്ങളും തേടുന്ന മലയാളികള്‍ അടക്കമുള്ള പ്രവാസികളുടെ എണ്ണം കൂടുന്നു. കൊച്ചിയില്‍ നിന്നും അര്‍മേനിയ വഴി സൗദിയിലേക്കും കൊച്ചിയില്‍ നിന്നും വിമാനത്തില്‍ മാലിദ്വീപില്‍ എത്തി കപ്പലില്‍ ക്വാറന്റൈനു ശേഷം സൗദിയിലേക്കും പ്രവേശിക്കുന്നതിനുള്ള പുതിയ പാക്കേജുകള്‍ കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

ഇപ്പോള്‍ താഷ്കന്റ് വഴിയും പ്രവാസികള്‍ സൗദിയിലേക്ക് പ്രവേശിക്കുന്നതിനായി ഉപയോഗപ്പെടുത്തുന്നതായി ട്രാവല്‍ ഏജന്‍സികള്‍ വെളിപ്പെടുത്തുന്നു. കസാക്കിസ്ഥാന്റെ തലസ്ഥാനമാണ്‌ താഷ്കന്റ്.

മുംബെയില്‍ നിന്നാണ് ഇന്ത്യക്കാര്‍ താഷ്കന്റില്‍ എത്തുന്നത്. കോഴിക്കോട് നിന്നും കൊച്ചിയില്‍ നിന്നും അവിടെയെത്തി താഷ്കന്റിലേക്ക് യാത്ര തിരിക്കുന്നു. ചാര്‍ട്ടേഡ്‌ വിമാനത്തിലാണ് യാത്ര. അവിടെ പതിനാല് ദിവസത്തെ ക്വാറന്റൈന്‍ പൂര്‍ത്തിയാക്കിയതിനു ശേഷം സൗദിയിലേക്ക് പ്രവേശിക്കാം.

ഇപ്പോള്‍ മലയാളികള്‍ അടക്കമുള്ള നിരവധി പേര്‍ ഈ മാര്‍ഗ്ഗത്തിലൂടെ സൗദിയിലേക്ക് പോകുന്നുണ്ട്. എന്നാല്‍ ഈ റൂട്ട് മുഖേനയുള്ള യാത്ര അധികം പേര്‍ക്കും ശുപാര്‍ശ ചെയ്യുന്നില്ലെന്ന് ട്രാവല്‍ രംഗത്തെ വിദഗ്ദര്‍ പറയുന്നു. ഏറ്റവും അത്യാവശ്യമായി സൗദിയിലേക്ക് എത്തി ചേരേണ്ടവര്‍ മാത്രമാണ് ഈ വഴിയിലൂടെയുള്ള പാക്കേജ് നല്‍കുന്നത്.

കാരണം താഷ്കന്റില്‍ നിന്നും ഇന്ത്യയിലേക്ക് വിമാനങ്ങള്‍ കുറവാണ്. ഇന്ത്യയില്‍ കോവിഡ് അതിരൂക്ഷമായി തുടരുന്ന ഇപ്പോഴത്തെ സാഹചര്യത്തില്‍ ഏതു സമയത്തും പുതിയ വിലക്കുകള്‍ കസാക്കിസ്ഥാന്റെ ഭാഗത്ത് നിന്നോ സൗദിയുടെ ഭാഗത്ത് നിന്നോ പ്രതീക്ഷിക്കാം.

താഷ്കന്റില്‍ ക്വാറന്റൈനില്‍ കഴിയുന്ന സമയത്ത് ഇത്തരം പ്രതിസന്ധി ഉണ്ടാകുന്ന സാഹചര്യത്തില്‍ സൗദിയിലേക്ക് യാത്ര ചെയ്യാന്‍ സാധിക്കാതെ വരികയാണെങ്കില്‍ തിരിച്ചു ഇന്ത്യയിലേക്ക് വരുന്നതിന് ബുദ്ധിമുട്ട് അനുഭവപ്പെടുമെന്ന് ഇവര്‍ പറയുന്നു. അത് കൊണ്ട് തന്നെ ഈ വഴി പോകുന്ന പ്രവാസികള്‍ പ്രത്യേകം ശ്രദ്ധിക്കണമെന്നും ഇവര്‍ മുന്നറിയിപ്പ് നല്‍കുന്നുണ്ട്.

ഒമാന്‍ വഴിയും നേപ്പാള്‍ വഴിയും സൗദിയിലേക്ക് പ്രവേശിക്കാനുള്ള മാര്‍ഗ്ഗങ്ങള്‍ അടഞ്ഞതോടെ ഏറ്റവും കൂടുതല്‍ പേര്‍ ഉപയോഗപ്പെടുത്തുന്നത് ബഹറിന്‍ വഴിയുള്ള യാത്രയാണ്. വിസ എളുപ്പത്തില്‍ ലഭിക്കും എന്നതിനാലും ഗള്‍ഫ് രാജ്യമായത് കൊണ്ടും ബഹറിന്‍ പാക്കേജിന് മലയാളികള്‍ മുന്‍ഗണന നല്‍കുന്നുണ്ട്. . വിസക്ക് മൂന്ന് മാസത്തെ കാലാവധി ഉള്ളതിനാല്‍ ഏതെങ്കിലും പ്രത്യേക സാഹചര്യത്തില്‍ യാത്ര മുടങ്ങിയാലും പിന്നീട് യാത്ര ചെയ്യാന്‍ സാധിക്കും. കൂടാതെ ബഹറിനില്‍ നിന്നും അല്‍ ഖോബാറിലേക്കും ദാമ്മമിലേക്കും ബഹറിന്‍ കോസ് വേ വഴി ടാക്സിയില്‍ പ്രവേശിക്കുകയും ചെയ്യാം. ഒരു ലക്ഷം മുതല്‍ ഒന്നേകാല്‍ ലക്ഷം വരെ ഇവര്‍ ഈടാക്കുന്നു.

മാലിദ്വീപില്‍ ജനവാസ മേഖലയില്‍ ഇന്ത്യക്കാരുടെ ഹോട്ടല്‍ ബുക്കിംഗ് തടഞ്ഞതോടെ ഇത് വഴിയുള്ള യാത്രക്ക് തടസ്സം നേരിട്ടിരുന്നു. എന്നാല്‍ ജനവാസ മേഖലകളില്‍ നിന്നും അകലെയുള്ള ഹോട്ടലുകളിലും സര്‍ക്കാര്‍ ഒരുക്കുന്ന താമസ സൗകര്യങ്ങളിലും താമസിക്കാന്‍ അനുമതി ലഭിച്ചിരുന്നു. ഈ പ്രതിസന്ധി കണക്കിലെടുത്ത് കേരളത്തില്‍ നിന്നുള്ള ഒരു ട്രാവല്‍ ഏജന്‍സി കൊച്ചിയില്‍ നിന്നും യാത്രക്കാരെ വിമാനത്തില്‍ മാലിദ്വീപില്‍ എത്തിച്ചു അവിടെ കപ്പലില്‍ ക്വാറന്റൈന്‍ സൗകര്യം ഒരുക്കി അതിന് ശേഷം വിമാന മാര്‍ഗ്ഗം സൗദിയില്‍ എത്തിക്കുന്ന പാക്കേജിന് തുടക്കമിട്ടിട്ടുണ്ട്. ടിക്കറ്റില്ലാതെ അറുപത്തി അയ്യായിരം രൂപയാണ് ഇവര്‍ ഈടാക്കുന്നത്.

കൊച്ചിയില്‍ തന്നെയുള്ള ഒരു ട്രാവല്‍ ഏജന്‍സി അര്‍മേനിയ വഴിക്കും മലയാളികളെ സൗദിയിലേക്ക് കൊണ്ട് പോകുന്നുണ്ട്. വിമാനം ചാര്‍ട്ടര്‍ ചെയ്താണ് യാത്ര. ഒരു വിമാനത്തില്‍ 16൦ പേരെ കൊണ്ട് പോകുന്നു. അഞ്ചു വിമാനങ്ങളാണ് ഇത്തരത്തില്‍ സൗദി പ്രവാസികളെ കൊണ്ട് പോകുന്നതിന് ഇവര്‍ ഒരുക്കുന്നത്. ഒന്നേകാല്‍ ലക്ഷം മുതല്‍ ഒന്നര ലക്ഷം വരെയാണ് ഇവര്‍ ഈടാക്കുന്നത്.

Continue Reading

INDIA

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

Published

on

കൊച്ചി: സൗദി അറേബ്യ ഇന്ത്യയിലേക്കുള്ള വിമാന സര്‍വീസ് ഉടനടി പുനരാരംഭിക്കില്ല എന്ന കാര്യം ഏതാണ്ട് ഉറപ്പായതോടെ സൗദിയിലേക്ക് അത്യാവശ്യമായി തിരിച്ചെത്തേണ്ട മലയാളികളായ പ്രവാസികള്‍ തിരിച്ചെത്താനായി പുതു വഴികള്‍ തേടുകയാണ്.

സൗദിയിലേക്ക് നേരിട്ട് ഇന്ത്യക്കാര്‍ക്ക് പ്രവേശിക്കാന്‍ സാധിക്കാത്ത സാഹചര്യത്തിലും പ്രവാസികള്‍ കൂടുതലായി പോയിരുന്ന നേപ്പാള്‍, ഒമാന്‍, യു.എ.ഇ, ശ്രീലങ്ക തുടങ്ങിയ വഴികളിലൂടെയുള്ള ട്രാന്‍സിറ്റ് പ്രവേശനം മുടങ്ങിയതോടെയാണ് പുതിയ വഴികളും മാര്‍ഗ്ഗങ്ങളും മലയാളികള്‍ പരീക്ഷിക്കുന്നത്.

ഇതിന്റെ ഭാഗമായി മാലിദ്വീപി വഴി കേരളത്തിലെ ഒരു ട്രാവല്‍ ഏജന്‍സി മാലിദ്വീപിലേക്ക് പുതിയ പാക്കേജ് തുടങ്ങിയിട്ടുണ്ട്. മാലിദ്വീപിലേക്ക് എത്തുന്ന മലയാളികള്‍ക്ക് കപ്പലിലാണ് ക്വാറന്റൈന്‍ സൗകര്യം ഒരുക്കുന്നത് എന്നതാണ് ഈ പാക്കേജിന്റെ പ്രത്യേകത.

വിമാനത്തില്‍ തന്നെയാണ് യാത്രക്കാരെ കേരളത്തില്‍ നിന്നും മാലിദ്വീപിലേക്ക് കൊണ്ട് പോകുക. കേരളത്തിലെ ഏതു വിമാന താവളത്തില്‍ നിന്നും യാത്ര ആരംഭിക്കുമെന്ന കാര്യത്തില്‍ ട്രാവല്‍ ഏജന്‍സി ഇപ്പോള്‍ ഉറപ്പ് നല്‍കുന്നില്ല. കൂടുതല്‍ യാത്രക്കാര്‍ എവിടെ നിന്നാണോ ബുക്ക് ചെയ്യുന്നത് അതിനനുസരിച്ച് കൊച്ചി, കോഴിക്കോട്, തിരുവനന്തപുരം തുടങ്ങിയ വിമാന താവളങ്ങളില്‍ നിന്നും യാത്ര ആരംഭിക്കാന്‍ കഴിയുമെന്നാണ് വ്യക്തമാക്കുന്നത്.

മാലിദ്വീപില്‍ എത്തിയാല്‍ ഹോട്ടലിനു പകരം ഷിപ്പില്‍ ക്വാറന്റൈന്‍ സൗകര്യം നല്‍കും. ഇന്ത്യയില്‍ നിന്നും അനേകം പ്രവാസികള്‍ സൗദിയിലേക്ക് പ്രവേശിക്കാനായി എത്തിയതോടെ രോഗ വ്യാപനം ഭയന്ന് നഗര പ്രദേശത്തുള്ള ഹോട്ടലുകളിലും റിസോര്‍ട്ടുകളിലും ഇന്ത്യക്കാര്‍ക്ക് ബുക്കിംഗ് സൗകര്യം മാലി സര്‍ക്കാര്‍ വിലക്കിയിരുന്നു.

സര്‍ക്കാര്‍ ഒരുക്കുന്ന ഗസ്റ്റ് ഹൗസുകളിലും ജനവാസ കേന്ദ്രങ്ങളില്‍ നിന്നും അകന്നു നിലക്കുന്ന ഹോട്ടലുകളിലും മാത്രമേ ഇന്ത്യക്കാര്‍ക്ക് താമസ സൗകര്യത്തിനായി ഹോട്ടലുകള്‍ ബുക്ക് ചെയ്യാന്‍ അനുവാദമുള്ളൂ. ഈ സാഹചര്യത്തിലാണ് കപ്പലില്‍ ക്വാറന്റൈന്‍ സൗകര്യം ഒരുക്കുന്നത്. കൂടാതെ സര്‍ക്കാര്‍ ഒരുക്കുന്ന താമസ സൗകര്യത്തിനു കൂടുതല്‍ തുക മുടക്കേണ്ടി വരും. അത് ഒഴിവാക്കുകയും കൂടി ചെയ്യുക എന്നതുമാണ്‌ കപ്പലില്‍ ക്വാറന്റൈന്‍ സൗകര്യം ഒരുക്കാന്‍ കാരണമായതെന്നും ട്രാവല്‍ ഏജന്‍സി വ്യക്തമാക്കുന്നു.

ചെറിയ കപ്പലുകള്‍ വാടകയ്ക്ക് എടുത്താണ് ഈ സൗകര്യം ഒരുക്കുന്നത്. പത്തു പേര്‍ക്ക് വീതം താമസിക്കാന്‍ സൗകര്യമുള്ള മിനി ഷിപ്പിലാണ് ക്വാറന്റൈന്‍ സൗകര്യം ഒരുക്കുന്നത്. രോഗവ്യാപനം ഇല്ലാതിരിക്കാനും സര്‍ക്കാര്‍ നിബന്ധനകള്‍ പാലിക്കാനുമാണ് ഇത്തരം ചെറിയ ഷിപ്പുകളില്‍ താമസ സൗകര്യം ഒരുക്കുന്നത്.

ഒരു ബാച്ചില്‍ പത്തു യാത്രക്കാരെയാണ് ഇവര്‍ കൊണ്ട് പോകുന്നത്. ടിക്കറ്റ് ഇല്ലാതെ എഴുപതിനായിരം രൂപയാണ് പാക്കേജിനായി ഇവര്‍ ഈടാക്കുന്നത്. മാലിദ്വീപില്‍ എത്തിയാല്‍ കപ്പലില്‍ പതിനാല് ദിവസത്തെ ക്വാറന്റൈന്‍ സൗകര്യം ഉണ്ടാകും.

മൂന്ന് നേരം ഭക്ഷണം, പി സി ആര്‍ ടെസ്റ്റുകള്‍ തുടങ്ങിയവ ഈ പാക്കേജില്‍ ഉണ്ട്. എയര്‍പോര്‍ട്ടില്‍ നിന്നും ട്രാവല്‍ ഏജന്‍സിയുടെ പ്രതിനിധികള്‍ യാത്രക്കാരെ കപ്പലിലേക്ക് കൊണ്ട് പോകും. പതിനാല് ദിവസത്തിന് ശേഷം ഇവരുടെ പ്രതിനിധികള്‍ തന്നെ യാത്രക്കാരെ കപ്പലില്‍ നിന്നും എയര്‍പോര്‍ട്ടിലേക്ക് കൊണ്ട് പോകും.

Continue Reading
LATEST3 days ago

ഇന്ത്യക്ക് വീണ്ടും സൗദി അറേബ്യയുടെ സാന്ത്വനം.

LATEST3 days ago

ബഖാലകള്‍ ഉള്‍പ്പെടെയുള്ള മേഖലകളില്‍ ഇന്ന് മുതല്‍ വാക്സിനേഷന്‍ നിര്‍ബന്ധം

LATEST4 days ago

സൗദിയില്‍ ആഭ്യന്തര വിമാന യാത്രക്ക് വാക്സിനേഷന്‍ നിര്‍ബന്ധമല്ല

LATEST4 days ago

ഹൃദയത്തില്‍ തൊടുന്ന സംബോധനയോടെ സല്‍മാന്‍ രാജാവിന്റെ പെരുന്നാള്‍ സന്ദേശം

LATEST4 days ago

യു.എ.ഇ യില്‍ ഏഴു വിഭാഗങ്ങളെ വാക്സിന്‍ സ്വീകരിക്കുന്നതില്‍ നിന്നും ഒഴിവാക്കി

LATEST5 days ago

സൗദിയുടെ പുതിയ തീരുമാനം വെട്ടിലാക്കിയത് മേയ് 17 ന് കാത്തിരുന്ന പ്രവാസികളെ

LATEST5 days ago

തിരിച്ചു പോകുന്ന സൗദി പ്രവാസികള്‍ക്ക് സാമ്പത്തിക ആഘാതമായി ഇന്‍സ്റ്റിറ്റ്യൂഷണല്‍ ക്വാറന്റൈന്‍

LATEST5 days ago

സൗദിയില്‍ കഫാല മാറ്റ നിയമത്തിന് അഭൂതപൂര്‍വ്വമായ പ്രതികരണം

LATEST6 days ago

സൗദിയില്‍ ഇൻസ്റ്റിറ്റ്യൂഷനൽ ക്വാറന്റീൻ നിര്‍ബന്ധമാക്കി. മുഴുവന്‍ വ്യവസ്ഥകളും നിബന്ധനകളും അറിയുക

INDIA6 days ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

INDIA1 week ago

നോര്‍ക്കയുടെ പ്രതിനിധികള്‍ എന്ന വ്യാജേന സൗദിയില്‍ തൊഴില്‍ തട്ടിപ്പ്

INDIA1 week ago

താഷ്കന്റ് വഴി സൗദിയിലേക്ക് മലയാളികള്‍ അടക്കമുള്ള ഇന്ത്യക്കാര്‍ പ്രവേശിക്കുന്നു

INDIA1 week ago

സൗദി വിസ സ്റ്റാമ്പിംഗ് താല്‍ക്കാലികമായി നിര്‍ത്തി വെച്ചു

LATEST1 week ago

സൗദിയിലെ പുതിയ ഇന്‍ഷുറന്‍സ് പോളിസി. പ്രവാസികള്‍ അറിയേണ്ട പ്രത്യേകതകള്‍

LATEST1 week ago

യു.എ.ഇ യിലേക്ക് തിരിച്ചെത്താന്‍ വന്‍തുക നല്‍കാന്‍ തയ്യാര്‍. പക്ഷെ തടസ്സം മാറുന്നില്ല

INDIA4 weeks ago

ഇത് സൗദി പ്രവാസികള്‍ക്ക് വ്യക്തമായ ഒരു അപകട സൂചനയാണ്

INDIA4 weeks ago

മലയാളികള്‍ അടക്കം മുപ്പതോളം പേരെ സൗദിയിലേക്കുള്ള വിമാനത്തില്‍ നിന്നും തിരിച്ചിറക്കി

INDIA4 weeks ago

സാധ്യമായ വഴികളിലൂടെ ഇപ്പോള്‍ സൗദിയില്‍ പ്രവേശിക്കൂ. മേയ് 17 ഉം എയര്‍ ബബിള്‍ കരാറും കാത്തിരിക്കേണ്ട

LATEST2 weeks ago

സൗദി പ്രവാസികളുടെ നിലവിലെ പ്രതിസന്ധിക്ക് പരിഹാരം ഉണ്ടാവണമെങ്കില്‍

INDIA2 weeks ago

അര്‍മേനിയ വഴിയും പ്രവാസികള്‍ സൗദിയിലേക്ക് തിരിച്ചെത്തുന്നു

INDIA4 weeks ago

ഇന്ത്യക്കാര്‍ക്ക് നിരാശ. സൗദിയില്‍ നിന്നും ഇന്ത്യയിലേക്ക് വിമാന സര്‍വീസില്ല.

INDIA2 weeks ago

ശ്രീലങ്ക വഴി സൗദിയിലേക്ക് പോകുന്നവര്‍ക്ക് ആശ്വാസ വാര്‍ത്ത.

LATEST4 weeks ago

ഈ പണം സൗദിയിലെ ജോലിയില്‍ നിന്നും പിരിയുമ്പോള്‍ നിങ്ങള്‍ക്ക് ലഭിച്ചിട്ടുണ്ടോ?

INDIA4 weeks ago

അനിശ്ചിതാവസ്ഥ സ്വയം വരുത്തി വെക്കുന്നവരാണ് ഈ സൗദി പ്രവാസികള്‍

INDIA6 days ago

പണം നഷ്ടപ്പെടാതെ സൗദിയില്‍ തിരി ച്ചെത്താന്‍ പ്രവാസികള്‍ ഈ കാര്യങ്ങള്‍ ശ്രദ്ധിക്കുക

BAHRAIN2 weeks ago

ബഹറിന്‍ വഴിയുള്ള സൗദി യാത്രക്ക് വിലക്ക് വന്നേക്കും

LATEST2 weeks ago

ഒരേ വിമാനത്തില്‍ ഒരുമിച്ചു വന്നു. തിരിച്ചു പോകുന്നത് ജീവനറ്റ് ഒരേ വിമാനത്തില്‍

INDIA1 week ago

സൗദിയില്‍ തിരിച്ചെത്താന്‍ പുതിയ വഴികള്‍ തേടി മലയാളികള്‍

LATEST4 weeks ago

സൗദിയില്‍ കര്‍ഫ്യൂ സാധ്യത ഈ മൂന്ന് നഗരങ്ങളില്‍. നിയന്ത്രണം പാലിച്ചില്ലെങ്കില്‍ കര്‍ഫ്യൂ എന്ന് ആഭ്യന്തര മന്ത്രാലയം

LATEST4 weeks ago

സൗദിയില്‍ രണ്ടാമത്തെ ഡോസ് വാക്സിന്‍ തിയ്യതി ലഭിക്കാത്തവര്‍ക്ക്‌ ആരോഗ്യ മന്ത്രാലയത്തിന്‍റെവിശദീകരണം

Trending

error: Content is protected !!