Connect with us

LATEST

സൗദി പ്രവാസികള്‍ നിര്‍ബന്ധമായി അറിഞ്ഞിരിക്കേണ്ട ഏറ്റവും പുതിയ 11 നിയമങ്ങളും നിബന്ധനകളും

Published

on

സൗദി പ്രവാസികള്‍ക്ക് വേണ്ടിയുള്ള ഞങ്ങളുടെ സൗജന്യ നിയമ സഹായ പദ്ധതിയിലേക്ക് ലഭിച്ച ചോദ്യങ്ങളില്‍ നിന്നും തിരഞ്ഞെടുത്ത 11 ചോദ്യങ്ങള്‍ക്ക് അഡ്വ.ഷിയാസ് കുഞ്ഞിബാവ ഉത്തരം നല്‍കുന്നു. മുന്‍ വര്‍ഷങ്ങളില്‍ ചോദ്യങ്ങള്‍ ചോദിക്കുന്നവര്‍ക്ക് പ്രത്യേകമായി വ്യക്തിഗത മറുപടികളാണ് നല്‍കിയിരുന്നത്. ഇപ്പോള്‍ സമയ കുറവ് മൂലം എല്ലാ ചോദ്യങ്ങള്‍ക്കും ഒന്നായി ഉത്തരം നല്‍കി പ്രസിദ്ധീകരിക്കുകയാണ് ചെയ്യുന്നത്. ചോദ്യങ്ങള്‍ അയച്ചവര്‍ വ്യക്തിഗത മറുപടികള്‍ക്ക് കാത്തിരിക്കാതെ ഞങ്ങളുടെ ദിനം പ്രതിയുള്ള പോസ്റ്റുകള്‍ വായിച്ചു നോക്കണമെന്ന് അഭ്യര്‍ത്ഥിക്കുന്നു.

  1. സൗദിയില്‍ ഏതൊക്കെ പ്രൊഫഷനില്‍ തൊഴില്‍ വെരിഫിക്കേഷനും യോഗ്യതാ പരീക്ഷയും നിര്‍ബന്ധമാക്കിയിട്ടുണ്ട് എന്ന് അറിയാന്‍ മാര്‍ഗ്ഗമുണ്ടോ?

ഉണ്ട്. നിങ്ങളുടെ ഇഖാമയിലുള്ള പ്രൊഫഷന് തൊഴില്‍ വെരിഫിക്കേഷന്‍ ആവശ്യമാണോ എന്ന് ഖിവ പോര്‍ട്ടലിലൂടെ നിങ്ങള്‍ക്ക് അറിയാന്‍ സാധിക്കും. https://svp.qiwa.sa/en/test_taker/search എന്ന ലിങ്കിലൂടെ ഈ പോര്‍ട്ടലില്‍ പ്രവേശിച്ച ശേഷം ഓപണ്‍ ആവുന്ന Check Eligibility of Worker എന്ന പേജില്‍ ഇഖാമ നമ്പര്‍ നല്‍കി പരിശോധിക്കാം. സെര്‍ച്ചിന് ലഭിക്കുന്ന ഉത്തരം “നോ ഡാറ്റ അവൈലബിള്‍” എന്നാണെങ്കില്‍ നിങ്ങളുടെ ഇഖാമ പ്രൊഫഷന്‍ നിലവില്‍  പ്രൊഫഷണല്‍ വെരിഫിക്കേഷന്‍ പ്രോഗ്രമില്‍ ഉള്‍പ്പെടുത്തിയിട്ടില്ല എന്ന് മനസ്സിലാക്കാന്‍ സാധിക്കും.

  1. 500 റിയാലിൽ കൂടുതല്‍ ആവാത്ത ചികിത്സക്ക് ഇനി ആശുപത്രികളില്‍ കാലതാമസം ഉണ്ടാവില്ലെന്ന് ആശുപത്രിയില്‍ ജോലി ചെയ്യുന്ന ഒരു സുഹൃത്ത് പറഞ്ഞറിഞ്ഞു. ഇതിനെ കുറിച്ചുള്ള കൃത്യമായ വിവരങ്ങള്‍ എന്താണ്?

500 റിയാലിൽ കുറവ് വരുന്ന ചികിത്സകൾക്ക് ഇനി മുതല്‍ ഇൻഷുറൻസ് കമ്പനികളിൽ നിന്ന് മുന്‍കൂട്ടി അനുമതി നേടേണ്ടതില്ല. ഒ.പി ക്ലിനിക്കുകളിൽ ഇത്തരം ചികിത്സാ സേവനങ്ങൾ രോഗിക്ക് നേരിട്ട് നൽകണം. ഇന്‍ഷുറന്‍സ് അനുമതിക്കായി കാത്തിരുന്നു സമയം കളയേണ്ടതില്ല. ഇത് സംബന്ധിച്ചുള്ള വിശദീകരണം കൗൺസിൽ ഓഫ് കോ-ഓപ്പറേറ്റീവ് ഹെൽത്ത് ഇൻഷുറൻസ് വ്യക്തമാക്കിയിട്ടുണ്ട്.

എന്നാല്‍ ഏതെങ്കിലും അടിയന്തര സാഹചര്യങ്ങളിൽ രോഗി പണം അടക്കേണ്ട സാഹചര്യം ഉണ്ടായാല്‍ ആ പണം രോഗിയുടെ അപേക്ഷ ലഭിച്ച് 15 ദിവസത്തിനകം ഇൻഷുറൻസ് കമ്പനികൾ റീ റീഇംബേഴ്‌സ്‌ ചെയ്തു കൊടുക്കണമെന്നും ഇക്കാര്യത്തില്‍ ഇൻഷുറൻസ് കമ്പനികൾ വീഴ്ച വരുത്താന്‍ പാടില്ലെന്നും കൗൺസിൽ ഓഫ് കോ-ഓപ്പറേറ്റീവ് ഹെൽത്ത് ഇൻഷുറൻസ് നിര്‍ദ്ദേശം നല്‍കിയിട്ടുണ്ട്.

  1. ഞാന്‍ അആദ്യ ഡോസ് ഒക്സ്ഫോഡ് ആസ്ട്രസെനിക ആണ് സ്വീകരിച്ചത്. രണ്ടാം ഡോസും അതേ വാക്സിന്‍ തന്നെ സ്വീകരിക്കണം എന്നാണ് ആഗ്രഹം. പക്ഷെ നിലവിൽ ഒട്ടുമിക്ക കേന്ദ്രങ്ങളിലും ഫൈസർ വാക്സിനാണ് നൽകുന്നത്. എനിക്ക് ഇഷ്ടമുള്ള വാക്സിന്‍ സൗദിയില്‍ തിരഞ്ഞെടുക്കാന്‍ അവസരമുണ്ടോ?

ഇപ്പോള്‍ അവസരമുണ്ട്. മുന്‍പ് വാക്സിൻ ബുക്കിംഗ് സമയത്ത് ഏത് വാക്സിനാണ് എടുക്കേണ്ടത് എന്ന് വാക്സിന്‍ എടുക്കുന്നയാള്‍ക്ക് തിരഞ്ഞെടുക്കാനുള്ള അവസരം ഇല്ലായിരുന്നു. രാജ്യത്ത് നിലവില്‍ ഫൈസർ ബയോൺടെക്, ഒക്സ്ഫോഡ് ആസ്ത്രസെനിക എന്നീ വാക്സിനുകളാണ് വ്യാപകമായി നൽകുന്നത്. ഇവയില്‍ ഏതാണ് വേണ്ടതെന്ന് തീരുമാനിച്ച് അതനുസരിച്ച് വാക്സിന്‍ കേന്ദ്രത്തില്‍ ബുക്കിംഗ് നടത്താം. നിങ്ങള്‍ നിലവില്‍ ഒരു വാക്സിന്‍ ബുക്ക് ചെയ്തു കഴിഞ്ഞിട്ടുണ്ടെങ്കില്‍ തന്നെ ആ ബുക്കിംഗ് ക്യാൻസൽ ചെയ്തു ആവശ്യമായ വാക്സിനും കേന്ദ്രവും സമയവും തിരഞ്ഞെടുക്കാവുന്നതാണ്.

ആദ്യ ഡോസ് ആസ്ട്രസെനക്ക ആയിരുന്നാലും രണ്ടാം ഡോസ് ഫൈസര്‍ സ്വീകരിക്കുന്നതില്‍ തടസ്സമില്ലെന്ന് ആരോഗ്യമന്ത്രാലയം മുന്‍പ് തന്നെ വ്യക്തമാക്കിയിട്ടുണ്ട്.

  1. വിദേശികള്‍ നാട്ടിലേക്കുള്ള യാത്രക്കായി നാല് നിബന്ധനകൾ പാലിക്കണമെന്ന് കഴിഞ്ഞ ദിവസം ജവാസാത്ത് വ്യവസ്ഥ ചെയ്തതായി സുഹൃത്ത് പറഞ്ഞറിഞ്ഞു. എന്താണ് ആ പുതിയ നിബന്ധനകള്‍? ഞങ്ങള്‍ അടുത്ത ദിവസങ്ങളില്‍ നാട്ടിലേക്ക് പോകാനിരിക്കുകയാണ്. ഇന്ത്യന്‍ പ്രവാസികള്‍ക്ക് ദോഷകരമാവുന്ന എന്തെങ്കിലും നിബന്ധന പുതിയ വ്യവസ്ഥയില്‍ ഉണ്ടോ?

പുതിയതായി ഒന്നും ഇല്ല. നിലവില്‍ ഉള്ള നിബന്ധനകള്‍ ഒന്ന്നു കൂടി ജനറൽ ജവാസാത്ത് ഡയറക്ടറേറ്റ് അക്കമിട്ടു പറഞ്ഞു എന്നേയുള്ളൂ. സൗദിയിൽനിന്ന് വിവിധ രാജ്യങ്ങളിലേക്ക് യാത്ര ചെയ്യുന്ന വിദേശികൾ പ്രധാനമായും നാല് നിബന്ധനകൾ പാലിക്കണം എന്നാണ് ജവാസാത്ത് നിഷ്കര്‍ഷിച്ചിരിക്കുന്നത്. എങ്കില്‍ മാത്രമേ അവര്‍ക്ക് യാത്രാനുമതി ലഭിക്കൂ. അവ താഴെ പറയുന്നു.

  • കാലാവധിയുള്ള വിസ ഉണ്ടായിരിക്കണം.
  • എയർലൈൻ വഴിയുള്ള ടിക്കറ്റ് റിസർവേഷൻ നടത്തിയിരിക്കണം.
  • യാത്രക്കാര്‍ക്ക് സാധുവായ യാത്രാ രേഖകൾ ഉണ്ടായിരിക്കണം.
  • യാത്ര ചെയ്യാൻ ഉദ്ദേശിക്കുന്ന രാജ്യം നിർദേശിക്കുന്ന നിബന്ധനകൾ നിര്‍ബന്ധമായും പാലിക്കണം.
  • സൗദി ആരോഗ്യ മന്ത്രാലയവും ഏത് രാജ്യത്തേക്കാണോ പോകുന്നത് അവർ നിർദേശിച്ചിരിക്കുന്ന കോവിഡ് മാനദണ്ഡങ്ങളും ക്വാറന്റൈൻ മാനദണ്ഡങ്ങളും നിര്‍ബന്ധമായും പാലിക്കണം.

റോഡ്‌ മാര്‍ഗ്ഗവും, വ്യോമ മാര്‍ഗ്ഗവും സൗദിയില്‍ എത്തുന്നവര്‍ക്കും സൗദിയില്‍ നിന്നും പുറത്ത് പോകുന്നവര്‍ക്കും ഈ നിബന്ധനകൾ ബാധകമാണ്.

  1. എനിക്ക് കോവിഡ് ബാധിച്ച ശേഷം ഒരു ഡോസ് വാക്സിന്‍ മാത്രമാണ് ലഭിച്ചിട്ടുള്ളത്. ഈ ഒരു ഡോസ് വാക്‌സിന്‍ മാത്രമെടുത്ത് ഞാന്‍ ഇപ്പോള്‍ നാട്ടിലേക്ക് പോയാല്‍ തിരികെ വരുമ്പോള്‍ എനിക്ക് നിര്‍ബന്ധിത ഇന്‍സ്റ്റിറ്റിയൂഷണല്‍ ക്വാറന്റൈന്‍ ആവശ്യമായി വരുമോ ?

കോവിഡ് ബാധിക്കത്തവരുടെ കാര്യത്തില്‍ രണ്ടു ഡോസ് വാക്സിന്‍ സ്വീകരിച്ച ശേഷം മാത്രമേ തവക്കല്‍ന ആപ്പില്‍ സ്റ്റാറ്റസ് ഇമ്യൂണ്‍ ആവുകയുള്ളൂ. എന്നാല്‍ കോവിഡ് ബാധിച്ച് രോഗമുക്തി നേടിയവര്‍ ഒരു ഡോസ് വാക്സിന്‍ സ്വീകരിക്കുമ്പോള്‍ തന്നെ തവക്കല്‍ന ആപ്പില്‍ ഡാര്‍ക്ക് ഗ്രീനും ഇമ്യൂണും വ്യക്തമാകും. തവക്കല്‍ന ആപ്പില്‍ ഇമ്യൂണ്‍ എന്ന ഹെല്‍ത്ത് സ്റ്റാറ്റസ് വ്യക്തമായാല്‍ വാക്‌സിനേഷന്‍ പൂര്‍ത്തിയാക്കി പൂര്‍ണ്ണ പ്രതിരോധ ശേഷി കൈവരിച്ചു എന്നാണര്‍ത്ഥം. എങ്കില്‍ മാത്രമേ ഇമ്യൂണ്‍ എന്ന് തവക്കല്‍ന ആപ്പില്‍ കാണിക്കുകയുള്ളൂ. തവക്കല്‍ന ആപ്പില്‍ ഇമ്യൂണ്‍ ആയാല്‍ പിന്നെ ആശങ്കപ്പെടേണ്ട കാര്യമില്ല.

കോവിഡ് ബാധിച്ച് രോഗമുക്തി നേടിയവര്‍ ഒരു ഡോസ് പ്രതിരോധ വാക്‌സിന്‍ മതിയെന്ന് സൗദി ആരോഗ്യമന്ത്രാലയം മുന്‍പ് തന്നെ വ്യക്തമാക്കിയിട്ടുണ്ട്. അതിനാല്‍ ഒരു ഡോസ് വാക്‌സിന്‍ മാത്രമെടുത്ത് നാട്ടിലേക്ക് അവധിയില്‍ തിരിച്ചു വരുമ്പോള്‍ നിര്‍ബന്ധിത ഇന്‍സ്റ്റിറ്റിയൂഷണല്‍ ക്വാറന്റൈന്‍ ആവശ്യമായി വരില്ല എന്നാണ് സൗദി ആരോഗ്യ മന്ത്രാലയത്തിന്റെ വിശദീകരണം.

  1. സൗദിയില്‍ മോഡേണ വാക്‌സിന്‍ എന്ന് മുതലാണ്‌ ലഭ്യമായി തുടങ്ങുക?

നിലവില്‍ അസ്ട്രസെനെക്ക, ഫൈസർ ബയോൺടെക്, ജോൺസൻ ആന്റ് ജോൺസൺ എന്നീ കോവിഡ് വാക്‌സിനുകള്‍ക്കാണ് സൗദിയിൽ അനുമതിയുള്ളത്. ഇപ്പോള്‍ മോഡേണ കോവിഡ് വാക്‌സിൻ രജിസ്റ്റർ ചെയ്യുന്നതിന് സൗദി ഫുഡ് ആന്റ് ഡ്രഗ് അതോറിറ്റി (എസ്.എഫ്.ഡി.എ)അനുമതി നല്‍കുക മാത്രമാണ് ചെയ്തിട്ടുള്ളത്. ലഭ്യമായി തുടങ്ങിയിട്ടില്ല.

ഈ വാക്സിന്റെ ഉല്‍പ്പാദനത്തില്‍ അന്താരാഷ്ട്ര മാനദണ്ഡങ്ങൾ പാലിക്കപ്പെടുന്നുണ്ടോ എന്ന്  വിലയിരുത്തി ഗുനനിലാവരം ഉറപ്പു വരുത്തുകയും ക്ലിനിക്കൽ പരീക്ഷണങ്ങളും പഠനങ്ങളും നടത്തി ഈ വാക്സിന്‍ എത്ര മാത്രം ഫലപ്രദമാണ് എന്ന് പരിശോധിക്കുകയും ചെയ്യും. അതിന് ശേഷം ഉപയോഗത്തിനുള്ള അനുമതി നല്‍കിയാല്‍ മാത്രമേ ഈ വാക്സിന്‍ പൊതുജനങ്ങള്‍ക്ക് നല്‍കി തുടങ്ങുകയുള്ളൂ.

  1. പ്രവാസികൾക്ക് കേന്ദ്ര സർക്കാറിന്റെ കോവിഡ് രണ്ടാം ഡോസ് വാക്‌സിൻ സർട്ടിഫിക്കറ്റുകൾ ലഭ്യമായി തുടങ്ങിയിട്ടുണ്ടോ? അതിലെ തിയ്യതി തിരുത്താന്‍ സാധിക്കുമോ?

സർട്ടിഫിക്കറ്റ് കേന്ദ്ര സർക്കാറിന്റെ രണ്ടാം ഡോസ് സ്വീകരിച്ചവർക്ക് കോവിഡ് വാക്‌സിൻ കോവിൻ പോർട്ടലുകൾ വഴി ഇപ്പോൾ വാക്‌സിൻ സർട്ടിഫിക്കറ്റുകൾ ലഭ്യമാകുന്നുണ്ട്. വാക്സിന്‍ കേന്ദ്രങ്ങള്‍ വഴിയാണ് ഇവ നല്‍കുന്നത്. വാക്സിന്‍ സ്വീകരിച്ച പ്രവാസി വാക്‌സിൻ കേന്ദ്രങ്ങളിൽ നേരിട്ടെത്തിയാല്‍ സർട്ടിഫിക്കറ്റ് ലഭിക്കും. ഇതിനായി പാസ്‌പോർട്ടിന്റെ കോപ്പി ഓൺലൈനായി പ്രാഥമികാരോഗ്യ കേന്ദ്രത്തിൽ സമർപ്പിക്കണം. എന്നാല്‍ തിയ്യതി തിരുത്താന്‍ സാധിക്കില്ല. നേരത്തെ വാക്‌സിൻ സ്വീകരിച്ച തിയതിയിലുള്ള വാക്സിന്‍ സര്‍ട്ടിഫിക്കറ്റ് അല്ല ലഭിക്കുക. പകരം സർട്ടിഫിക്കറ്റ് സ്വീകരിക്കുന്ന തിയ്യതി വെച്ചായിരിക്കും വാക്സിന്‍ സര്‍ട്ടിഫിക്കറ്റ് ലഭിക്കുക.

  1. സൗദിയില്‍ ഓപറേഷൻസ്, മെയിന്റനൻസ് മേഖലയിലെ സ്വദേശിവൽക്കരണ വ്യവസ്ഥകൾ മുഴുവനായി വ്യക്തമാക്കുന്ന എന്തെങ്കിലും ഉത്തരവുകളോ രേഖകളോ ഉണ്ടോ? എങ്ങിനെയാണ് ഇത് ലഭ്യമാവുക?

ഓപറേഷൻസ്, മെയിന്റനൻസ് മേഖലയിലെ സ്വദേശിവൽക്കരണ വ്യവസ്ഥകൾ വിശദമായി തന്നെ വ്യക്തമാക്കുന്ന രേഖ മാനവവിഭവശേഷി, സാമൂഹിക വികസന മന്ത്രാലയത്തിന്റെ  വെബ്‌സൈറ്റില്‍ ലഭ്യമാണ്. വെബ്സൈറ്റ് സന്ദര്‍ശിച്ചാല്‍ ഈ രേഖ ഡൌണ്‍ലോഡ് ചെയ്തെടുക്കാന്‍ സാധിക്കും. പി.ഡി.എഫ് ഫയല്‍ രൂപത്തിലാണ് മാനവവിഭവശേഷി, സാമൂഹിക വികസന മന്ത്രി എൻജി. അഹ്മദ് ബിൻ സുലൈമാൻ അൽറാജ്ഹി ഒപ്പ് വെച്ച ഈ രേഖ ലഭ്യമാക്കിയിരിക്കുന്നത്.

ഓപറേഷൻസ്, മെയിന്റനൻസ് മേഖലയിൽ മാനേജിംഗ് രംഗത്ത് സേവനം ചെയ്യുന്ന സ്വദേശി യുവതി യുവാക്കള്‍ക്ക് 9,000 റിയാൽ മിനിമം വേതനം നൽകണമെന്നാണ് നിർദേശം. ഓപറേഷൻ, മെയിന്റനൻസ് മേഖലയിൽ പ്രധാനമായും ആറ് ലെവലുകളിലാണ് അനുഭവ സമ്പത്തും ഉദ്യോഗാര്‍ത്ഥികളുടെ ഡിമാന്റും കണക്കിലെടുത്താണ് വേതനം നല്‍കേണ്ടത്. എല്ലാ വിവരങ്ങളും മേല്‍ പറഞ്ഞ രേഖയിലുണ്ട്.

  1. സൗദിയില്‍ ടെലികോം ഉപകരണങ്ങൾ വിൽപന നടത്തുന്ന ടെലികോം സ്ഥാപനങ്ങളില്‍ കര്‍ശനമായ പരിശോധനയും വന്‍തുക പിഴയും ചുമത്തി തുടങ്ങിയതായാണ് അറിയാന്‍ സാധിച്ചത്. ഇതിന്റെ വിശദാംശങ്ങള്‍ അറിയിക്കാമോ?

ടെലികോം ഉപകരണങ്ങളുടെ ഇറക്കുമതി, വിൽപന മേഖലയിൽ പ്രവർത്തിക്കുന്ന സ്ഥാപനങ്ങൾക്ക് പദവി ശരിയാക്കാൻ 60 ദിവസത്തെ സാവകാശമാണ് സൗദിയിലെ ടെലികോം റെഗുലേറ്ററി അതോറിറ്റിയായ കമ്യൂണിക്കേഷൻസ് ആന്റ് ഇൻഫർമേഷൻ ടെക്‌നോളജി കമ്മീഷൻ (സി.ഐ.ടി.സി) അനുവദിച്ചിരുന്നത്. ഈ കാലാവധി തിങ്കളാഴ്ച അവസാനിച്ചിട്ടുണ്ട്.

ലൈസൻസില്ലാതെയും നിയമ വിരുദ്ധമായും ടെലികോം ഉപകരണങ്ങള്‍, നെറ്റ്‌വർക്ക് ബൂസ്റ്റർ ഉപകരണങ്ങൾ എന്നിവ അടക്കം സി.ഐ.ടി.സി മാനദണ്ഡങ്ങൾക്ക് വിരുദ്ധമായ ടെലികോം ഉപകരണങ്ങൾ ഇറക്കുമതി ചെയ്യുക, അവ വിൽപന നടത്തുക എന്നിവ ഗുരുതരമായ നിയമ ലംഘനമായാണ്‌ ഇപ്പോള്‍ കണക്കാക്കുന്നത്.

പദവി ശരിയാക്കാന്‍ അനുവദിച്ച കാലാവധി കഴിഞ്ഞതോടെയാണ് ഇത്തരം സ്ഥാപനങ്ങളില്‍ സി.ഐ. ടി.സി സംഘങ്ങൾ പരിശോധന ആരംഭിച്ചത്. നിരവധി സ്ഥാപനങ്ങൾക്ക് വൻ തുക പിഴ ചുമത്തിയിട്ടുണ്ട്. ഇത്തരം നിയമ ലംഘനങ്ങള്‍ നടത്തുന്ന സ്ഥാപനങ്ങൾക്ക് രണ്ടര കോടി റിയാൽ വരെ പിഴ ചുമത്താൻ നിയമമുണ്ട്.

  1. സൗദിയില്‍ ഇഖാമ ഇല്ലാത്തവര്‍ക്കും വര്‍ഷങ്ങളായി പുതുക്കാത്തവര്‍ക്കും പിഴയും പ്രവേശന വിലക്കും ഇല്ലാതെ നാട്ടിലേക്ക് മടങ്ങാന്‍ എന്ത് ചെയ്യണം? ഈ പുതിയ പദ്ധതിയുടെ വിശദ വിവരങ്ങള്‍ വ്യക്തമാക്കാമോ?

ഇത് പുതിയ ഇളവല്ല. ഏതാനും മാസങ്ങള്‍ക്ക് മുന്‍പ് തന്നെ സൗദി അധികൃതര്‍ ഈ ഇളവ് പ്രഖ്യാപിച്ചിരുന്നു. നിരവധി പ്രവാസികള്‍ ഇതിനകം തന്നെ ഈ ആനുകൂല്യം ഉപയോഗപ്പെടുത്തി നാട്ടിലേക്ക് മടങ്ങിയിട്ടുണ്ട്.

ഇഖാമ ഇല്ലാതെയും പുതുക്കാന്‍ സാധിക്കതെയും അനധികൃതമായി രാജ്യത്ത് തുടരുന്നവര്‍ക്കാണ് ഈ ഇളവ് പ്രയോജനപ്പെടുക. സാധാരണ തൊഴില്‍ വിസയില്‍ എത്തിയവര്‍ക്ക് പുറമേ വീട്ടുജോലിക്കാര്‍, വീട്ടുഡ്രൈവര്‍മാര്‍ തുടങ്ങി ഗാര്‍ഹിക വിസകളില്‍ ഉള്‍പ്പെടെ ഉള്ളവര്‍ക്കും ഈ ഇളവ് പ്രയോജനപ്പെടുത്തി തിരിച്ചു പോകാന്‍ സാധിക്കും. എന്നാല്‍ ഹുറൂബ് സ്റ്റാറ്റസ് ഉള്ളവര്‍ക്കും, ഏതെങ്കിലും പോലീസ് കേസുകളില്‍ പെട്ടവര്‍ക്കും  (മത്‌ലൂബ്) ഈ ആനുകൂല്യം പ്രയോജനപ്പെടുത്താന്‍ സാധിക്കില്ല.

സാധാരണ ഗതിയില്‍ താമസ നിയമ ലംഘകരെ പിടികൂടിയാല്‍ തര്‍ഹീല്‍ മുഖേനയാണ് തിരിച്ചയക്കുക. നിയമ ലംഘകനായി തിരിച്ചു പോകുന്ന അവര്‍ക്ക് പിന്നീട് സൗദിയിലേക്ക് തിരിച്ചു വരുന്നതിന് അനുവാദം ഉണ്ടായിരിക്കില്ല. എന്നാല്‍ ഈ ഇളവ് പ്രയോജനപ്പെടുത്തി നാട്ടിലേക്ക് പോകുന്നവര്‍ക്ക് പുതിയ വിസയില്‍ സൗദിയിലേക്ക് തിരിച്ചു വരുന്നതിന് അനുവാദമുണ്ട് എന്നുള്ളതാണ് ഈ ഇളവിന്റെ ഏറ്റവും വലിയ ഗുണം.

നിലവിലെ സാഹചര്യത്തില്‍ പിടിച്ചു നില്‍ക്കാന്‍ സാധിക്കാതെയും തൊഴിലാളികള്‍ക്ക് ശമ്പളം നല്‍കാന്‍ സാധിക്കാതെയും നിരവധി കമ്പനികളുടെ പ്രവര്‍ത്തനം അവതാളത്തിലായിരുന്നു. അത് മൂലം ഇഖാമ പുതുക്കാന്‍ സാധിക്കാതെ പ്രതിസന്ധിയിലായ അനേകം തൊഴിലാളികള്‍ക്ക് ഈ ഇളവ് പ്രയോജനകരമായിട്ടുണ്ട്. കൂടാതെ വര്‍ഷങ്ങളായി ഇഖാമ പുതുക്കാതെ അനധികൃതമായി താമസിക്കുന്നവര്‍ക്കും ഈ ഇളവ് പ്രയോജനപ്പെടുത്താം. കൂടാതെ സൗദിയില്‍ എത്തിയതിന് ശേഷം സ്പോണ്‍സറില്‍ നിന്നോ, കമ്പനിയില്‍ നിന്നോ ഇതുവരെ പുതിയ ഇഖാമ ലഭിക്കാതെ കഴിയുന്നവര്‍ക്കും ഈ ആനുകൂല്യം പ്രയോജനപ്പെടുത്താം. ഇവര്‍ക്കെല്ലാം പിഴയും പ്രവേശന വിലക്കും കൂടാതെ നാട്ടിലേക്ക് മടങ്ങാം.

ഈ ഇളവ് പ്രയോജനപ്പെടുത്തുന്നതിനായി അതാതു സ്ഥലത്തെ ലേബര്‍ ഓഫിസുമായി ബന്ധപ്പെടുകയാണ് ആദ്യം വേണ്ടത്. ലേബര്‍ ഓഫീസുകളില്‍ നിന്നും എക്‌സിറ്റ് അപേക്ഷ ഫോമുകള്‍ വാങ്ങണം. അത് പൂരിപ്പിച്ച ശേഷം അപേക്ഷകന്റെ രാജ്യത്തെ എംബസ്സിയുടെ വെബ്‌സൈറ്റില്‍ ഓണ്‍ലൈന്‍ രജിസ്ട്രേഷന്‍ നടത്തുകയാണ് വേണ്ടത്. ഇന്ത്യക്കാര്‍ക്കായി ഈ സൗകര്യം എംബസ്സി ഏര്‍പ്പെടുത്തിയിട്ടുണ്ട്. ഇന്ത്യന്‍ എംബസ്സിയില്‍ നിന്നും ലഭിക്കുന്ന ശുപാര്‍ശ കത്ത് മുന്‍പ് പൂരിപ്പിച്ച എക്‌സിറ്റ് അപേക്ഷ സഹിതം ലേബര്‍ ഓഫീസില്‍ സമര്‍പ്പിക്കണം.

അതിന് ശേഷം പ്രസ്തുത തൊഴിലാളിയുടെ കമ്പനിയുടെയോ, സ്‌പോണ്‍സറുടെയോ വിവരങ്ങള്‍ ലേബര്‍ ഓഫീസ് പരിശോധിക്കും. അപേക്ഷകന്‍ അര്‍ഹനാണെന്ന് കണ്ടാല്‍ നടപടിക്രമങ്ങള്‍ പൂര്‍ത്തിയാക്കി ഫൈനല്‍ എക്‌സിറ്റിനായുള്ള ടോക്കണ്‍ നല്‍കും. ടോക്കണ്‍ അനുസരിച്ചു ക്രമപ്രകാരം എക്‌സിറ്റും ലഭിക്കും. സാധാരണ ഗതിയില്‍ നടപടിക്രമങ്ങള്‍  30 മുതല്‍ 45 ദിവസങ്ങള്‍ക്കുള്ളില്‍ പൂര്‍ത്തിയാക്കാന്‍ സാധിക്കും. അര്‍ഹത ഉള്ളവര്‍ക്ക് മുന്‍ഗണന ഉണ്ടാകും. ഗുരുതരമായ ആരോഗ്യ പ്രശ്നങ്ങള്‍ ഉള്ളവര്‍ക്കും പ്രായമായവര്‍ക്കും മുന്‍ഗണന ലഭിക്കുന്നുണ്ട്.

എന്നാല്‍ അപതീക്ഷിത ബുദ്ധിമുട്ടുകള്‍ ഉണ്ടായാല്‍ ഈ സമയ പരിധി നീണ്ടു പോകാം. മാസങ്ങളായി ഇന്ത്യന്‍ എംബസ്സിയില്‍ അപേക്ഷ നല്‍കി കാത്തിരിക്കുകയാണെന്ന് പല പ്രവാസികളും അറിയിക്കുന്നുണ്ട്.

  1. സൗദിയില്‍ പോൺസർഷിപ്പ് മാറ്റത്തിന് വ്യവസ്ഥകൾ കർശനമാക്കിയതായി അറിയുന്നു. എന്തൊക്കെയാണ് പുതിയ നിബന്ധനകള്‍ എന്ന് വ്യക്തമാക്കാമോ?

മുന്‍പുള്ള നിബന്ധനകളോട് ഒപ്പം തന്നെ ഓരോ രാജ്യത്തെയും വിദേശികളുടെ എണ്ണം നിയന്ത്രിക്കുന്ന തരത്തിലുള്ള നിബന്ധനയാണ് മാനവശേഷി സാമൂഹിക വികസന മന്ത്രാലയം മുന്നോട്ട് വെച്ചിട്ടുള്ളത്‌. തൊഴില്‍ മേഖലയില്‍ ഒരു രാജ്യത്ത് നിന്നുള്ളവരുടെ എണ്ണം ക്രമാതീതമായി വര്‍ദ്ധിക്കുന്നത് തടയുക എന്നതിനോടൊപ്പം സ്വദേശികള്‍ക്ക് തൊഴിലവസരം ലഭ്യമാക്കുക എന്ന ലക്ഷ്യവും അധികൃതര്‍ ഈ നിബന്ധന കൊണ്ട് ഉദ്ദേശിക്കുന്നുണ്ട്.

അതോടൊപ്പം സൗദി പൗരന്മാരുടെ നിയമന തോതിലെ കുറവ്, നേരത്തെ ഇഷ്യു ചെയ്ത തൊഴിൽ വിസ റദ്ദാക്കാതിരിക്കൽ, ലൈസൻസുകൾ പുതുക്കാതിരിക്കൽ തുടങ്ങിയ മറ്റു നിബന്ധനകളും ഉണ്ട്. ഇത് മൂലം പുതിയ തൊഴില്‍ ഓഫറുകള്‍ ലഭിച്ചവര്‍ക്ക് പോൺസർഷിപ്പ് മാറാന്‍ തടസ്സം നേരിടുകയാണ്. കൂടുതല്‍ ശമ്പളവും ആനുകൂല്യങ്ങളുമുള്ള ജോലികള്‍ തിരഞ്ഞെടുക്കുന്നതിനും തടസ്സമാവുന്നു.

ചെറുകിട സ്ഥാപനങ്ങള്‍ നടത്തുന്നവരെയാണ് ഈ നിബന്ധന പ്രതികൂലമായി ബാധിച്ചിട്ടുള്ളത്. ഇന്ത്യക്കാര്‍ക്കും പ്രത്യേകിച്ച് മലയാളികള്‍ക്കും ഈ വ്യവസ്ഥ എതിരാകുകയാണ്. പലര്‍ക്കും ഈ നിബന്ധന മൂലം നാട്ടില്‍ നിന്നുള്ളവര്‍ക്ക് പോൺസർഷിപ്പ് മാറ്റിയെടുക്കാന്‍ സാധിക്കുന്നില്ല. യാത്രാ നിയന്ത്രണങ്ങള്‍ അവസാനിച്ചാല്‍ പുതിയ വിസയില്‍ നാട്ടില്‍ നിന്നുള്ളവരെ കൊണ്ട് വരുന്നതിനും ഈ നിയന്ത്രണം പ്രതികൂലമാകും.

ഒരു സ്ഥാപനത്തില്‍ ഏതെങ്കിലും ഒരു രാജ്യത്തെ പൗരന്മാരുടെ എണ്ണം നിയന്ത്രിക്കുന്ന വ്യവസ്ഥ കര്‍ശനമാക്കിയത് അനേകം പ്രവാസികള്‍ക്ക് വിനയായിട്ടുണ്ട്. നിലവില്‍ നാല്‍പ്പത് ശതമാനമാണ് മന്ത്രാലയം അനുവദിക്കുന്നത്. അതായത് ഒരു സ്ഥാപനത്തില്‍ പത്ത് ജീവനക്കാര്‍ ഉണ്ടെങ്കില്‍ അതില്‍ നാല് പേര്‍ ഒരേ രാജ്യത്ത് നിന്നുള്ളവര്‍ ആണെങ്കില്‍ പിന്നീട് ആ രാജ്യത്തെ പൗരന്മാര്‍ക്ക് ആ സ്ഥാപനത്തിലേക്ക് സ്‌പോൺസർഷിപ്പ് മാറ്റം അനുവദിക്കില്ല. ആ പൗരന്മാരെ റിക്രൂട്ട് ചെയ്യുന്നതിനുള്ള പുതിയ വിസയും അനുവദിക്കില്ല. അതിനാല്‍ മറ്റു രാജ്യങ്ങളില്‍ നിന്നുള്ള തൊഴിലാളികളെ നിയമിക്കണമെങ്കില്‍ ഈ അനുപാത വ്യവസ്ഥ മറി കടക്കേണ്ടി വരും. എങ്കില്‍ മാത്രമ പുതിയ വിസയും സ്‌പോൺസർഷിപ്പ് മാറ്റവും അനുവദിക്കുകയുള്ളൂ.

ഇതിന് പുറമേ സ്വദേശികളുടെ നിയമന വ്യവസ്ഥയും കൃത്യമായി നടപ്പിലാക്കാത്തത് പോൺസർഷിപ്പ് മാറ്റത്തിന് സ്ഥാപനങ്ങള്‍ക്ക് തടസ്സമാവുന്നു. സ്വദേശി പൗരന്റെ നിയമനം പൂർണമാവണമെങ്കില്‍ നാലായിരം റിയാൽ ശമ്പളം ബാങ്ക് വഴി നല്‍കണം. അല്ലാത്ത പക്ഷം സൗദിവത്കരണത്തിൽ പകുതിയായാണ് പരിഗണിക്കുക. അതോടെ ചുവപ്പ്, ഇളം പച്ച വിഭാഗത്തില്‍ നിന്നും ഉയരാന്‍ സാധിക്കാത്തത് മൂലം നിര്‍ദ്ദിഷ്ട സൗദി വല്‍ക്കരണ തോത് പാലിക്കാന്‍ സ്ഥാപനങ്ങള്‍ക്ക് സാധിക്കാതെ വരുന്നുണ്ട്. അതിനാല്‍ സ്‌പോൺസർഷിപ്പ് മാറ്റവും ഇപ്പോൾ നടക്കുന്നില്ല.

നടപടി ക്രമങ്ങളില്‍ വരുന്ന കാലതാമസവും സ്ഥാപനങ്ങള്‍ക്ക് പ്രതികൂലമാവുന്നുണ്ട്. നിതാഖതില്‍ താഴെ തട്ടിലുള്ള ഒരു സ്ഥാപനം സൗദി പൗരനെ നിയമിച്ചാല്‍ അതിന് ആനുപാതികമായി വിദേശി പൗരന്മാരെ നിയമിക്കാൻ 14 ആഴ്ചകൾ (മൂന്നര മാസം) കാത്തിരിക്കേണ്ടി വരും. പദവി ശരിയായതിന് ശേഷം മാത്രമേ സ്‌പോൺസർഷിപ്പ് മാറ്റവും സാധ്യമാകുകയുള്ളൂ.

അഡ്വ.ഷിയാസ് കുഞ്ഞിബാവ. ലീഡ് പാര്‍ട്ണര്‍. എസ്.കെ.അസോസിയേറ്റ്സ്. ദുബായ്,റിയാദ്,ഡല്‍ഹി,കൊച്ചി

LATEST

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

Published

on

എന്റെ ഭാര്യ വിസിറ്റിംഗ് വിസയിലാണ് സൗദിയില്‍ എത്തിയിട്ടുള്ളത്. അഞ്ചു ദിവസത്തെ ക്വാറന്റൈന്‍ കഴിഞ്ഞു. അതിന് ശേഷമുള്ള ആര്‍.ടി.പി.സി.ആറും കഴിഞ്ഞു. പക്ഷെ ഇപ്പോഴും തവക്കല്‍നയില്‍ സ്റ്റാറ്റസ് ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന് തന്നെയാണ് ഇപ്പോഴും കാണിച്ചു കൊണ്ടിരിക്കുന്നത്. ഇക്കാര്യത്തില്‍ എന്താണ് ചെയ്യാന്‍ സാധിക്കുക്?

വിസിറ്റ് വിസയിലും പുതിയ വിസയിലും സൗദിയില്‍ എത്തിയ ശേഷം ഇപ്പോള്‍ സമാനമായ പ്രശ്നം നേരിടുന്ന നിരവധി പേരുണ്ട്. അവരുടെ ആര്‍.ടി.പി.സി.ആര്‍ റിസള്‍ട്ട് ഇതുവരെ അപ്ഡേറ്റ് ആവാത്തത് കൊണ്ടാണ് ഇപ്പോഴും തവക്കല്‍ന സ്റ്റാറ്റസ് മാറാതെ ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന് തന്നെ ഇപ്പോഴും കാണിച്ചു കൊണ്ടിരിക്കുന്നത്.

ഇക്കാര്യത്തില്‍ ചില പ്രായോഗിക തടസ്സങ്ങള്‍ ഉണ്ടായിരുന്നതിനാല്‍ വിസിറ്റ് വിസയിലും പുതിയ വിസയിലും സൗദിയില്‍ എത്തിയവര്‍ക്ക് ഈ ന്യൂനത പരിഹരിക്കാന്‍ സാധിച്ചിരുന്നില്ല. മറ്റൊരു ആര്‍.ടി.പി.സി.ആര്‍ കൂടി സര്‍ക്കാര്‍ കേന്ദ്രത്തില്‍ നിന്നും അപ്പോയിന്റ്മെന്റ് എടുത്ത് ഈ ന്യൂനത പരിഹരിക്കാന്‍ സാധിക്കുമായിരുന്നു എങ്കിലും ഇവര്‍ക്ക് സിഹത്തി അപ്ളിക്കേഷന്‍ ഇല്ലാത്തത് മൂലമായിരുന്നു പ്രധാനമായും തടസ്സം നേരിട്ടിരുന്നത്.

അത് പോലെ തന്നെ ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്ന സ്റ്റാറ്റസ് കാണിക്കുന്നത് മൂലം ഇവര്‍ക്ക് തവക്കല്‍ന അപ്ളിക്കേഷന്‍ വഴി ആര്‍.ടി.പി.സി.ആര്‍ ബുക്ക് ചെയ്യാനും സാധിച്ചിരുന്നില്ല. ഈ സാഹചര്യത്തില്‍ പലരും ചെയ്തിരുന്നത്, എവിടെ നിന്നാണോ ആര്‍.ടി.പി.സി.ആര്‍ ചെയ്തത്, ആ സെന്ററില്‍ പോയി ഈ വിഷയം പറഞ്ഞു മനസ്സിലാക്കി അപ്ഡേറ്റ് ചെയ്യിക്കുക എന്നതാണ്. അതും പലപ്പോഴും പ്രായോഗികമായിരുന്നില്ല.

എന്നാല്‍ വിസിറ്റ് വിസയിലോ പുതിയ വിസയിലോ രാജ്യത്ത് എത്തിയവര്‍ക്ക് ഇപ്പോള്‍ സെഹത്തി അപ്ളിക്കേഷന്‍ വഴി ആര്‍.ടി.പി.സി.ആര്‍ ബുക്ക് ചെയ്യാന്‍ സാധിക്കുന്ന ഒരു സാഹചര്യം ഉണ്ടായിട്ടുണ്ട്. അതിനായി സെഹതി അപ്ളിക്കേഷന്‍ ഉണ്ടാക്കേണ്ട ആവശ്യമില്ല. ലോഗിന്‍ പേജില്‍ തന്നെയാണ് ഈ സൗകര്യം ലഭ്യമായിട്ടുള്ളത്. അതിലൂടെ ആര്‍.ടി.പി.സി.ആര്‍ ബുക്ക് ചെയ്യാന്‍ സാധിക്കും.

ലോഗിന്‍ പേജില്‍ ‘Welcom to Sehhaty’ എന്നതിന് താഴെയും Create Account, Sign In എന്നതിന് മുകളിലായും ‘Covid – 19 test appointment for border ID and GCC ID holders  എന്ന ഓപ്ഷന്‍ കാണാന്‍ സാധിക്കും. ഇതിലൂടെ അപ്പോയിന്റ്മെന്റ് എടുത്ത് ടെസ്റ്റ്‌ നടത്തിയാല്‍ നിങ്ങളുടെ തവക്കല്‍ന സ്റ്റാറ്റസ് ഇന്‍സ്റ്റിറ്റ്യൂഷണല്‍ ക്വാറന്റൈന്‍ എന്നതില്‍ നിന്നും ഇമ്മ്യൂണ്‍ എന്നായി മാറും. 

എനിക്ക് ചൊവ്വാഴ്ച യു.എ.ഇ യില്‍ നിന്നും സൗദിയിലേക്ക് യാത്ര ചെയ്യാന്‍ ടിക്കറ്റ് ബുക്ക് ചെയ്തിട്ടുണ്ട്. ഇപ്പോള്‍ ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ താമസം അനുഭവപ്പെടുന്നു എന്ന് സൗദിയില്‍ നിന്നും കഫീല്‍ വിളിച്ചു പറഞ്ഞിരുന്നു. വൈകീട്ടാണ് ഫ്ലൈറ്റ്. രാവിലെ പരിശോധനക്ക് സാമ്പിള്‍ കൊടുക്കാമെന്നാണ് കരുതിയിരുന്നത്. ഈ സാഹചര്യത്തില്‍ എന്താണ് ചെയ്യാന്‍ സാധിക്കുക?

ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ കാലതാമസം അനുഭവപ്പെടുന്നു എന്നത് വാസ്തവമാണ്. സമയത്തിനു റിസള്‍ട്ട് ലഭിക്കാതെ ഫ്ലൈറ്റ് വിട്ടു പോയ അനുഭവം പലര്‍ക്കും ഉണ്ടാകുന്നുണ്ട്. ഖത്തറിലും, യു.എ.ഇ യിലുമാണ് ഇപ്പോള്‍ ഈ ബുദ്ധിമുട്ട് അനുഭവപ്പെടുന്നത്. സൗദിയില്‍ നിലവില്‍ കാലതാമസം അനുഭവപ്പെടുന്നില്ല. പക്ഷെ വരും ദിവസങ്ങളില്‍ ഉണ്ടാവാന്‍ സാധ്യതയുണ്ട്. എയര്‍ ബബിള്‍ കരാര്‍ സര്‍വീസുകള്‍ ആരംഭിക്കുന്നത് ഈ സാഹചര്യം സങ്കീര്‍ണ്ണമാക്കിയേക്കാം.

യു.എ.ഇ യില്‍ സമയത്തിനു റിസള്‍ട്ട് ലഭിക്കാത്തതിനാല്‍ യാത്രയ്ക്കു വിമാനത്താവളത്തിലെത്തിയ പലർക്കും മടങ്ങേണ്ടി വന്നിട്ടുണ്ട്. പരിശോധനയ്ക്കു എത്തുന്നവരുടെ എണ്ണം കൂടിയതും ലാബ് ജീവനക്കാരിൽ പലർക്കും കോവിഡ് ബാധിച്ചതുമാണ് ഫലം വൈകാൻ കാരണമാവുന്നത്. അത് പോലെ തന്നെ പുതിയ നിയമം അനുസരിച്ച് സർക്കാർ ജീവനക്കാർക്ക് ഈ മാസം മുതൽ നെഗറ്റീവ് ഫലം നിർബന്ധമാക്കിയതും അവധിക്കു ശേഷം എത്തുന്ന വിദ്യാർഥികൾക്ക് പരിശോധനാഫലം ഹാജരാക്കേണ്ടി വരുന്നതും അതോടൊപ്പം യാത്രക്കാരല്ലാത്തവർ വിമാനത്താവളത്തിൽ പരിശോധിക്കാനെത്തുന്നതും കാര്യങ്ങള്‍ കൂടുതല്‍ വഷളാക്കുന്നു.

ഖത്തറിലും സമാന സാഹചര്യമാണുള്ളത്. ഖത്തറില്‍ സിദ്‌റ മെഡിക്കൽ സെന്ററിൽ അധികം തുക നല്‍കിയാല്‍ അടിയന്തര കേസുകളിൽ പെട്ടെന്ന് തന്നെ പരിശോധന ഫലം ലഭിച്ചിരുന്നു എങ്കിലും നിലവില്‍ അപ്പോയിന്റ്മെന്റ് ലഭ്യമാകാത്തത് യാത്രക്കാരെ ബുദ്ധിമുട്ടിലാക്കുന്നുണ്ട്.

അത് കൊണ്ട് മുന്‍ ദിവസങ്ങളെ പോലെ എട്ടു മണിക്കൂറിനുള്ളില്‍ റിസള്‍ട്ട് ലഭിക്കുമെന്ന പ്രതീക്ഷയില്‍ ആ സമയം കണക്കാക്കി യാത്രയ്ക്ക് തലേ ദിവസം ‍ടെസ്റ്റ് എടുത്തവർക്ക് യാത്ര ചെയ്യാനുള്ള സാധ്യതകള്‍ ഇപ്പോള്‍ ലഭ്യമല്ലതായേക്കാം. റിസള്‍ട്ട് ലഭിക്കാന്‍ ഇപ്പോള്‍ പല സ്ഥലങ്ങളിലും സാധാരണ സമയത്തെക്കാള്‍ ആറു മടങ്ങ്‌ സമയം എടുക്കുന്ന സാഹചര്യമാനുള്ളത്.

യാത്ര ചെയ്യാന്‍ പദ്ധതിയിട്ടിള്ളവര്‍ യാത്ര മുടങ്ങാതിരിക്കാന്‍ അതിനനുസരിച്ച് പ്ലാന്‍ ചെയ്യുകയാണ് വേണ്ടത്. ഖത്തറില്‍ നിന്നോ യു.എ.ഇ യില്‍ നിന്നോ സൗദിയിലേക്ക് യാത്ര ചെയ്യാന്‍ ഉദ്ദേശിക്കുന്നവര്‍ യാത്രക്കുള്ള സമയത്തിന്റെ 72 മണിക്കൂര്‍ ആയി കഴിഞ്ഞാല്‍ താമസിയാതെ തന്നെ സാമ്പിള്‍ കൊടുക്കുക.

(ഈ സാഹചര്യത്തില്‍ നാട്ടിലേക്ക് പോകുന്നവര്‍ പ്രത്യേകം ശ്രദ്ധിക്കേണ്ട മറ്റൊരു കാര്യം, അടിയന്തര സാഹചര്യങ്ങളിൽ പി.സി.ആർ ഇല്ലാതെ യാത്ര അനുവദിച്ചിരുന്ന സൗകര്യം കേന്ദ്രം നിർത്തലാക്കി എന്നതാണ്. അതിനാല്‍ ഉറ്റവര്‍ മരണപ്പെട്ട കാരണത്താല്‍ അടിയന്തിര യാത്രക്ക് ഒരുങ്ങുന്നവര്‍ ഈ കാര്യം പ്രത്യേകം ശ്രദ്ധിക്കുക. മുന്‍പ് ഡെത്ത് സര്‍ട്ടിഫിക്കറ്റ് ഹാജരാക്കിയാല്‍ പി.സി.ആര്‍ ഇല്ലാതെ യാത്രാനുമതി നല്‍കിയിരുന്നു എങ്കിലും ഇപ്പോള്‍ എയർസുവിധയിൽ നിന്ന് അനുമതി ലഭിക്കാത്തത് മൂലം യാത്ര മുടങ്ങും.)

എനിക്ക് ഈ മാസം 12 നാണ് നാട്ടിലേക്ക് ടിക്ക് ബുക്ക് ചെയ്തിട്ടുള്ളത്. ആ സമയത്ത് സൗദിയില്‍ നിന്നും ആര്‍.ടി.പി.സി.ആര്‍ റിസള്‍ട്ട് ലഭിക്കാന്‍ വൈകുമെന്നും കുറച്ചു റിയാല്‍ കൂടുതല്‍ കൊടുത്താല്‍ എട്ടു മണിക്കൂറിനുള്ളില്‍ തന്നെ റിസള്‍ട്ട് ലഭ്യമാക്കി തരാം എന്ന് ഒരു സുഹൃത്ത് പറയുന്നു. ഇതില്‍ എന്തെങ്കിലും അപകടമുണ്ടോ?

കുറുക്കു വഴികള്‍ എപ്പോഴും അപകടം ഉണ്ടാക്കും. സൗദിയില്‍ സമീപ ദിവസങ്ങളില്‍ വ്യാജ ആര്‍.ടി.പി.സി.ആര്‍ സര്‍ട്ടിഫിക്കറ്റുകള്‍ കണ്ടെത്തിയിട്ടുണ്ട്. സൗദി പബ്ലിക് ഹെല്‍ത്ത് അതോറിറ്റി അംഗീകാരം ഉള്ള സെന്ററുകളില്‍ നടത്തുന്ന പരിശോധനയുടെ ഫലം മാത്രമേ എയര്‍പോര്‍ട്ടുകളില്‍ സ്വീകരിക്കുകയുള്ളൂ. അതിനാല്‍ അക്കാര്യം ഉറപ്പു വരുത്തുക.

സൗദിയിലെ അംഗീകൃത കോവിഡ് പരിശോധന കേന്ദ്രങ്ങളുടെ പട്ടിക സൗദി പബ്ലിക് ഹെല്‍ത്ത് അതോറിറ്റി കഴിഞ്ഞ ദിവസം പുറത്തു വിട്ടിട്ടുണ്ട്. അത് താഴെ കൊടുക്കുന്നു. അത് പരിശോധിച്ച്, അംഗീകാരം ഉള്ള സെന്റര്‍ ആണോ എന്ന് ഉറപ്പു വരുത്തുക.

റിയാദ് പ്രവിശ്യ

  1. Dr. Sulaiman Al Habib Medical Hospitals Group
  2. Al Borg Medical Laboratories
  3. SMART LAB COMPANY
  4. Al-Farabi Medical Laboratory Company
  5. Specialized Medical Center Hospital
  6. Dallah Hospital
  7. Aldara Hospital and Medical Center
  8. Delta Medical Laboratories Company
  9. Mouwasat Hospital
  10. Hayat National Hospital
  11. Saudi Ajal Laboratories for Health Services
  12. Nourah Medical Company
  13. RIYADH CARE HOSPITAL
  14. Dar AlQanah Medical Laboratories
  15. Advanced Cell Laboratory
  16. Alfa medical laboratories
  17. Tetra Medical Laboratories
  18. Al-Arab Medical Laboratories
  19. One Touch Medical Laboratories
  20. Alhammadi hospital – Alnuzha
  21. Anwa Labs
  22. Integrated Care Medical Laboratory
  23. Hospital of Rana Medical Services Company -CityMed Hospital
  24. ELTA LAB
  25. Oxyhealth Medical Center
  26. NATIOAL HOSPITAL
  27. Dr. Samir medical laboratories
  28. international quality lab
  29. Basma Medical Laboratory Company

മക്ക

  1. AlFarabi Laboratory
  2. Al Borg Medical Laboratories
  3. Atba AlAsr General Medical Complex

ജിദ്ദ

  1. Al Borg Medical Laboratories
  2. International Medical Center
  3. House of Medicine Laboratory for medical analysis
  4. Dr. Soliman Fakeeh Hospital
  5. Hospital – Ghassan Naguib Pharaon
  6. Jeddah National Hospital
  7. Abu Al Khair Polyclinic
  8. Tibyana Medical Labs
  9. Al Mamlaka Medical Labs
  10. Dr. Samir Abbas Hospital Laboratory
  11. Saudi German Hospitals Group
  12. High Quality Clinical Lab’s
  13. Abeer Medical Company
  14. Dr. Erfan and Bagedo General Hospital
  15. Almostaqbal Hospital
  16. New Jeddah Clinic Hospital
  17. ‏Advanced Med Lab
  18. Noor Diagnostics and Discovery Laboratory
  19. Futurelab

കിഴക്കന്‍ പ്രവിശ്യ

ദമ്മാം

  1. Mouwasat Hospital
  2. Dar Afia Medical Company Clinics Complex
  3. Saudi German Hospital
  4. First Laboratory
  5. Arrawdha General Hospital
  6. Al Hokail Digital Academy Laboratory For Specialized Medical Analysis
  7. Al Borg Medical Laboratories
  8. Al Hyatt Medical Laboratory

അല്‍ ഖോബാര്‍

  1. Sulaiman Al Habib Medical Hospitals Group
  2. Almana General Hospital
  3. Modern Care Medical Complex Company
  4. AL HILAL ALZAHZBY Medical Laboratory

അല്‍ ഹസ

  1. Al Mousa Specialized Hospital
  2. Alahsa Hospital
  3. Johns Hopkins Aramco Healthcare

ജുബൈല്‍

  1. Mouwasat Hospital

ദഹറാന്‍

  1. Johns Hopkins Aramco Healthcare

ഖത്തീഫ്

  1. Al Farabi Laboratory

ഹഫര്‍ അല്‍ ബതീന്‍

  1. ‏Laboratory of Maroom medical services company
  2. Ezdan Medical Laboratories

അസീര്‍ പ്രവിശ്യ

ഖമിസ് മുശൈത്ത്

  1. Al Borg Medical Laboratories
  2. International outstanding lab
  3. Saudi German Hospital
  4. Hayat National Hospital
  5. ALFA LAB

അബഹ

  1. Abha International Private Hospital

മദീന പ്രവിശ്യ

മദീന

  1. Al Borg Medical Laboratories
  2. ‏ Hamid S. Al-Ahmadi and Partners Company
  3. BndrGene Medical Lab
  4. AL HAKEEM MEDICAL LABS

അല്‍ ഉല

  1. Prince Abdulmohsen General Hospital

ജസാന്‍ പ്രവിശ്യ

ജസാന്‍

  1. Hayat National Hospital
  2. Al Borg Medical Laboratories
  3. Al-Waseet Medical Complex
  4. Alemeis medical group
  5. Rassurance Medical Lab

ഹായില്‍ പ്രവിശ്യ

ഹായില്‍

  1. IBN SINA POLYCLINIC
  2. ALFARABI MEDICAL LAB

തബുക് പ്രവിശ്യ

തബുക്

  1. Al Borg Medical Laboratories

ദുബ

  1. Bassam Medical Center

ഖസീം പ്രവിശ്യ

ബുറൈദ

  1. Sulaiman Al Habib Medical Hospitals Group

ഉനൈസ

  1. Hayat National Hospital

നജ്റാന്‍ പ്രവിശ്യ

ഷറൊറ

  1. ALFARABI MEDICAL LAB

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക.     https://chat.whatsapp.com/HvJGe8nUWoHFyki1UwPfMD

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

Published

on

  • സൗദിയില്‍ ബൂസ്റ്റർ ഡോസ് സ്വീകരിക്കാത്തവർക്ക് പ്രവേശനം നൽകുന്ന സ്ഥാപനങ്ങൾക്ക് 10,000 റിയാൽ വീതം പിഴ ചുമത്തുമെന്ന നിയമം വന്നതായി മെസേജുകള്‍ ലഭിക്കുന്നു. ഇത് വാസ്തവമാണോ?

ഭാഗികമായി ശരിയാണ്. ചില മേഖലയിലെ സ്ഥാപനങ്ങള്‍ക്ക് മാത്രമാണ് പിഴ നിര്‍ബന്ധമാക്കിയതായി ഔദ്യോഗികമായി വ്യക്തമാക്കിയിട്ടുള്ളത്. എന്നാല്‍ ഇത് നിലവില്‍ വരുന്നത് ഫെബ്രുവരി ഒന്ന് മുതല്‍ മാത്രമാണ്.

ടൂറിസം മന്ത്രാലയമാണ് നിബന്ധനകള്‍ വ്യക്തമാക്കിയിട്ടുള്ളത്. ടൂറിസം മേഖലാ സ്ഥാപനങ്ങൾക്ക് മാത്രമാണ് ഇത് ബാധകമാവുക. ട്രാവൽ ഏജൻസികൾ, ഹോട്ടലുകൾ, ടൂർ ഓപ്പറേറ്റർമാർ എന്നിവ അടക്കമുള്ള ടൂറിസം സ്ഥാപനങ്ങളിലേക്ക് പ്രവേശിക്കാന്‍ ബൂസ്റ്റര്‍ ഡോസ് നിബന്ധന ഫെബ്രുവരി ഒന്ന് മുതല്‍ പ്രാബല്യത്തിലാകും. നിയമം ലംഘിക്കുന്നവര്‍ക്ക് 10,000 റിയാൽ തോതിൽ പിഴ ചുമത്തും. നിയമ ലംഘനം ആവർത്തിക്കുന്ന സ്ഥാപനങ്ങൾക്ക് ഇരട്ടി തുക പിഴ ചുമത്തും.

  • എന്റെ ഭാര്യയെ വിസിറ്റിംഗ് വിസയിലാണ് കൊണ്ട് വന്നത്. തവക്കല്‍നയില്‍ വാക്സിന്‍ സര്‍ട്ടിഫിക്കറ്റുകള്‍ അപ്‌ലോഡ്‌ ചെയ്യുന്നതിന് വേണ്ടി ഞാന്‍ ഇവിടെ ഫിംഗര്‍ പ്രിന്റ്‌ വെച്ച് അബ്ഷീര്‍ അക്കൌണ്ട് ഉണ്ടാക്കിയിട്ടുണ്ട്. ഇപ്പോള്‍ ലോഗിന്‍ ആവുന്നുണ്ട് എങ്കിലും inactive user എന്നാണ് കാണിക്കുന്നത്. ഇനി എന്താണ് ചെയ്യേണ്ടത്?

Ministry of Interior കിയോസ്കിലെ മെഷീനില്‍ ഫിംഗര്‍ പ്രിന്റ്‌ വെച്ച് വെരിഫൈ ചെയ്തു കഴിഞ്ഞാല്‍ അക്കൌണ്ട് ആക്റ്റിവേറ്റ് ആവേണ്ടതാണ്. അബ്ഷീര്‍ അക്കൌണ്ട് തുറക്കുന്നതിനായി യൂസര്‍ നെയിമും പാസ് വേര്‍ഡും എന്റര്‍ ചെയ്യുമ്പോള്‍ നിങ്ങളുടെ രജിസ്ട്രേഡ് മൊബൈല്‍ നമ്പരിലേക്ക് ഓ.ടി.പി വരുന്നുണ്ടോ എന്ന് ശ്രദ്ധിക്കുക. ഓ.ടി.പി വരുന്നുണ്ടെങ്കില്‍ നിങ്ങളുടെ അബ്ഷീര്‍ അക്കൌണ്ട് ആക്റ്റിവേറ്റഡ്‌ ആണ്. കാരണം ആക്റ്റീവ് യൂസര്‍ക്ക് മാത്രമേ മൊബൈലിലൂടെ ഓ.ടി.പി ലഭിക്കൂ. ഇവര്‍ക്ക് ഓ.ടി.പി വരാതെ അക്കൌണ്ട് ഓപണ്‍ ചെയ്യാനും സാധിക്കില്ല.

എന്നാല്‍ മൊബൈലിലേക്ക് ഓ.ടി.പി വരാതെ തന്നെ അക്കൌണ്ട് ഓപണ്‍ ആക്കാന്‍ സാധിക്കുകയാണെങ്കില്‍ അക്കൌണ്ട് ആക്റ്റിവേറ്റ് ആയിട്ടില്ല എന്ന് മനസ്സിലാക്കാന്‍ സാധിക്കും. ഫോട്ടോ കാണിക്കുന്നുണ്ടോ എന്ന് നോക്കുക. ഫോട്ടോയും കാണിക്കുന്നുണ്ടെങ്കില്‍ ചിലപ്പോള്‍ താല്‍ക്കാലികമായ സിസ്റ്റം തകരാര്‍ ആകാനാണ് സാധ്യത. വിവരങ്ങള്‍ അപ്ഡേറ്റ് ആവാന്‍ സമയം എടുക്കുന്ന സാഹചര്യങ്ങളില്‍ അങ്ങിനെ സംഭവിക്കാറുണ്ട്. അത്തരം സന്ദര്‍ഭങ്ങളില്‍ അക്കൌണ്ട് ലോഗ് ഔട്ട്‌ ചെയ്ത ശേഷം വീണ്ടും ലോഗിന്‍ ചെയ്തു നോക്കുക.

  • ഞാന്‍ നാട്ടില്‍ നിന്നും രണ്ടു ഡോസ് വാക്സിന്‍ എടുത്ത് സൗദിയില്‍ എത്തിയതാണ്. ഇപ്പോള്‍ തവക്കല്‍നയിലൂടെ ബൂസ്റ്റര്‍ ഡോസ് ബുക്ക് ചെയ്യാന്‍ ശ്രമിക്കുമ്പോള്‍ ‘No data found’ എന്നാണു കാണിക്കുന്നത്. ബൂസ്റ്റര്‍ ഡോസിന് അപ്പോയിന്റ്മെന്റ് ലഭിക്കാന്‍ എന്താണ് ചെയ്യേണ്ടത്?

നിങ്ങള്‍ നാട്ടില്‍ നിന്നും രണ്ടു വാക്സിന്‍ എടുത്ത ആളാണെങ്കില്‍ അതിന്റെ വിവരങ്ങള്‍ തവക്കല്‍നയില്‍ അപ്ഡേറ്റ് ആയിരിക്കില്ല. അതിനാലാണ് ‘No data found’ എന്ന് കാണിക്കുന്നത്. അതിനാല്‍ തവക്കല്‍ന വഴി ബുക്ക് ചെയ്യാന്‍ സാധിക്കില്ല. നിങ്ങള്‍ക്ക് സെഹത്തി അപ്ളിക്കേഷന്‍ വഴി ബുക്ക് ചെയ്യാന്‍ സാധിക്കും. നിലവില്‍ അപ്പോയിന്റ്മെന്റ് ലഭിക്കുന്നത് കുറച്ചു ബുദ്ധിമുട്ടാണ്.

  • ഞാന്‍ രണ്ടാമത്തെ വാക്സിന്‍ എടുത്ത് മൂന്ന് മാസം കഴിഞ്ഞതാണ്. രണ്ടാമത്തെ വാക്സിന്‍ എടുത്തതിനു ശേഷം എട്ടു മാസത്തിനുള്ളില്‍ ബൂസ്റ്റര്‍ ഡോസ് എടുത്താല്‍ മതിയെന്നാണ് ഞാന്‍ മനസ്സിലാക്കുന്നത്. എനിക്ക് അവധിക്കായി പെട്ടെന്ന് നാട്ടിലേക്ക് പോകേണ്ടതുണ്ട്. ബൂസ്റ്റര്‍ ഡോസ് തിരിച്ചു വന്നിട്ട് എടുക്കാന്‍ ശ്രമിച്ചാല്‍ എന്തെങ്കിലും പ്രശ്നങ്ങള്‍ ഉണ്ടാകാന്‍ സാധ്യതയുണ്ടോ? പോകുമ്പോള്‍ ശ്രദ്ധിക്കേണ്ട കാര്യങ്ങള്‍ എന്തൊക്കെയാണ്?

ചില കാര്യങ്ങളില്‍ മുന്‍ കരുതലുകള്‍ എടുക്കുന്നത് നല്ലതാണ്. ഈ വിഷയം സംബന്ധിച്ച പല കാര്യങ്ങളെ സംബന്ധിച്ചും പ്രവാസികളുടെ ചോദ്യങ്ങള്‍ക്ക് കഴിഞ്ഞ ദിവസങ്ങളില്‍ ഉത്തരങ്ങള്‍ നല്‍കിയിട്ടുണ്ട്. അതില്‍ പ്രധാനമാണ് റീ എന്‍ട്രി കാലാവധി, ഇഖാമ കാലാവധി, മൊബൈല്‍ റീചാര്‍ജ്ജ് എന്നിവ. ഇഖാമ, റീ എന്‍ട്രി തുടങ്ങിയവയുടെ ഓട്ടോമാറ്റിക് റിന്യൂവല്‍ നടന്നില്ലെങ്കില്‍ സ്പോണ്‍സര്‍ മുഖേന പുതുക്കാനുള്ള ധാരണ മുന്‍പേ ചെയ്തു വെക്കുക. തവക്കല്‍ന, സെഹത്തി, ഹെല്‍ത്ത് പാസ്പോര്‍ട്ട് സംബന്ധിച്ച വിഷയങ്ങളില്‍ മുന്‍പ് നല്‍കിയിട്ടുള്ള ഉത്തരങ്ങള്‍ വായിക്കുക.

പലരും അവഗണിക്കുന്ന ഒരു വിഷയമാണ് മൊബൈല്‍ ഫോണ്‍ സിം കാര്‍ഡ്. നിങ്ങള്‍ മൂന്ന് മാസത്തില്‍ കൂടുതല്‍ നാട്ടില്‍ നില്‍ക്കാന്‍ ഉദ്ദേശിക്കുന്നുവെങ്കില്‍ നിങ്ങളുടെ സൗദിയില്‍ ഉപയോഗിക്കുന്ന സിം കാര്‍ഡ് താല്‍ക്കാലികമായി റദ്ദാവാതിരിക്കാന്‍ ശ്രദ്ധിക്കുക. കാരണം മൊബൈല്‍ ഫോണ്‍ ആക്സസ് നഷ്ടപ്പെട്ടാല്‍ തിരിച്ചു വരുന്ന സമയത്തോ നാട്ടില്‍ കുടുങ്ങി പോകുന്ന സമയത്തോ സൗദിയില്‍ നിന്നും ലഭിക്കേണ്ട പല സേവനങ്ങളും നഷ്ടപ്പെടും.

സൗദിയില്‍ ഉപയോഗിക്കുന്ന സിം കാര്‍ഡ് നഷ്ടപ്പെടുകയോ റീ ചാര്‍ജ്ജ് ചെയ്യാത്തത് മൂലം താല്‍ക്കാലികമായി ഉപയോഗരഹിതമാവുകയോ ചെയ്ത നിരവധി പേര്‍ അബ്ഷീര്‍ പോലുള്ള സേവനങ്ങള്‍ ലഭിക്കാതെ നാട്ടില്‍ പ്രശ്നങ്ങള്‍ നേരിടുന്നുണ്ട്. സിം കാര്‍ഡ് നഷ്ടപ്പെടാതെ സൂക്ഷിക്കുക. നാട്ടിലുള്ളപ്പോഴും സിം കാര്‍ഡ് റീ ചാര്‍ജ്ജ് ചെയ്യാനുള്ള തയ്യാറെടുപ്പുകള്‍ കൈവശം കരുതുക.

നാട്ടിലേക്ക് പോകുന്ന സമയത്ത് പോകുമ്പോള്‍ തന്നെ മൊബൈല്‍ റീചാര്‍ജ്ജ് ചെയ്യുക. അതോടൊപ്പം റീ ചാര്‍ജ്ജ് കാര്‍ഡ് കൈവശം കരുതുക. അവസാനത്തെ റീ ചാര്‍ജ്ജിനു ശേഷം 90 ദിവസത്തിനുള്ളില്‍ റീ ചാര്‍ജ്ജ് ചെയ്തില്ലെങ്കില്‍ സേവനം നഷ്ടപ്പെടാന്‍ സാധ്യതയുണ്ട്. ഈ കാര്യവും യാത്രക്ക് മുന്‍പേ ശ്രദ്ധിക്കുക.

നാട്ടില്‍ പോകുവാന്‍ തയ്യാറെടുക്കുകയാണെങ്കില്‍ ബൂസ്റ്റര്‍ ഡോസ് എടുത്ത ശേഷം പോകുന്നതാണ് നല്ലത് എന്ന് തന്നെയാണ് വിദഗ്ദ അഭിപ്രായം. ആരോഗ്യപരമായും, തിരിച്ചു വരുമ്പോള്‍ യാത്രക്ക് ഉണ്ടാകാന്‍ സാധ്യതയുള്ള സാങ്കേതിക തടസ്സങ്ങള്‍ ഒഴിവാക്കാനും അതാണ്‌ നല്ലത്. താങ്കള്‍ തിരിച്ചു വരാന്‍ പദ്ധതിയിടുന്ന സമയത്ത് എന്താണ് സൗദിയിലെയും നാട്ടിലെയും രോഗ വ്യാപന അവസ്ഥ എന്ന് പ്രവചിക്കാന്‍ അസാധ്യമാണ്.

മരണ സംഖ്യയും ഗുരുതരാവസ്ഥയും കുറഞ്ഞിട്ടുണ്ടെങ്കിലും സൗദിയില്‍ രോഗബാധ സ്ഥിരീകരിച്ചവരില്‍ കൂടുതല്‍ പേര്‍ക്കും ഒമിക്രോണ്‍ ആണ് ബാധിച്ചതെന്നും നിലവില്‍ തീവ്രപരിചരണ വിഭാഗത്തില്‍ കഴിയുന്നവരില്‍ ഭൂരിഭാഗവും പൂര്‍ണ്ണമായ വാക്സിന്‍ കുത്തിവെപ്പുകള്‍ എടുക്കാത്തവരാണ് എന്നാണ് ആരോഗ്യ മന്ത്രാലയം വ്യക്തമാക്കുന്നത്. അതിനാല്‍ ആരോഗ്യപരമായി ചിന്തിക്കുകയാണെങ്കിലും ബൂസ്റ്റര്‍ ഡോസ് എടുക്കുന്നതാണ് ഉത്തമം.

ഓരോ ദിവസം കഴിയും തോറും രോഗികളുടെ എണ്ണം വന്‍ തോതിലാണ് വര്‍ദ്ധിച്ചു വരുന്നത്. ഒമിക്രോണിന്റെ വ്യാപന സ്വഭാവം കണക്കിലെടുത്താൽ വരും ദിവസങ്ങളിൽ സൗദിയിൽ ഒമിക്രോൺ വലിയ തോതിൽ വ്യാപിക്കുമെന്നാണ് പ്രതീക്ഷിക്കുന്നത്. ഏറ്റവും പുതിയ കണക്കുകള്‍ പ്രകാരം കഴിഞ്ഞ ദിവസം (5.1.2022) സൗദിയിൽ കോവിഡ് രോഗികളുടെ എണ്ണം 3000 കടന്ന് കഴിഞ്ഞിരിക്കുകയാണ്. 3045 പേർക്കാണ് കഴിഞ്ഞ ദിവസം പുതുതായി രോഗം കണ്ടെത്തിയത്. മൂന്ന് രോഗികൾ മരിച്ചു. 109 പേരുടെ നില ഗുരുതരമായി തുടരുന്നു. സൗദിയില്‍ മാത്രമല്ല യു.എ.ഇ, കുവൈത്ത്, ഖത്തർ, ബഹ്‌റൈൻ, ഒമാൻ എന്നീ രാജ്യങ്ങളിലും കൊറോണ കേസുകളിൽ വൻ വർധനയാണ് കഴിഞ്ഞ ദിവസം റിപ്പോര്‍ട്ട് ചെയ്യപ്പെട്ടിട്ടുള്ളത്.

ഇന്ത്യയിലും രോഗവ്യാപനം വളരെ കൂടുതലാണ്. സൗദിയില്‍ ലോക്ഡൌണും മറ്റു കര്‍ശന നടപടികളും ഉണ്ടാവില്ലെന്ന് കഴിഞ്ഞ ദിവസം അധികൃതര്‍ വ്യക്തമാക്കിയിട്ടുണ്ട് എങ്കിലും നാട്ടിലെ രോഗവ്യാപനം വര്‍ദ്ധിച്ചാല്‍ എന്തൊക്കെ നിയന്ത്രനങ്ങളായിരിക്കും ഏര്‍പ്പെടുത്തുക എന്ന് പറയാനും സാധിക്കില്ല. നേരിട്ടുള്ള പ്രവേശനത്തിന് വിലക്കോ, കര്‍ശന ക്വാറന്റൈന്‍ നിബന്ധനകളോ ഏര്‍പ്പെടുത്തിയാല്‍ തിരിച്ചു വരവ് സങ്കീര്‍ണ്ണമാവും.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/HKliLEuOSKm9p27hj6dpJQ

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

Published

on

  • എന്റെ മകള്‍ക്ക് സൗദിയിലെ ഒരു പ്രമുഖ ആശുപത്രിയിലേക്ക് റിക്രൂട്ട്മെന്റ് ഓഫര്‍ വന്നിട്ടുണ്ട്. ആവശ്യമനുസരിച്ച് പല ആശുപത്രികളില്‍ ജോലി ചെയ്യേണ്ടി വരുമെന്നും രണ്ടു വര്‍ഷത്തിനു ശേഷം മാത്രമേ തിരിച്ചു വരാന്‍ സാധിക്കൂ എന്നും പറയുന്നു. പ്രൊമെട്രിക് എക്സാം പാസ് സൗദിയില്‍ എത്തിയതിനു ശേഷം മാത്രം പാസായാല്‍ മതിയെന്നും പറയുന്നു. ആശുപത്രിയിലെ ഉത്തരവാദപ്പെട്ടവരുമായി ബന്ധപ്പെടാനുള്ള നമ്പര്‍ ചോദിച്ചിട്ട് ഇതുവരെ ലഭിച്ചിട്ടില്ല. ഈ സാഹചര്യത്തില്‍ പോകുന്നത് സുരക്ഷിതമാണോ?

ഓഫര്‍ ലെറ്ററും വ്യവസ്ഥകളും അറിയാതെ കൃത്യമായി പറയാന്‍ സാധിക്കില്ല. എങ്കിലും പൊതുവായി വിലയിരുത്തുമ്പോള്‍ ഓഫര്‍ വന്നിട്ടുള്ളത് മാന്‍പവര്‍ സപ്ലൈ സ്ഥാപനം വഴിയാണെന്ന് ഊഹിക്കുന്നു. നോര്‍ക്ക വഴിയും, ആശുപത്രി പ്രതിനിധികള്‍ നേരിട്ടോ പ്രമുഖ റിക്രൂട്ട്മെൻറ് ഏജൻസികളുടെ സഹായത്തോടെയോ ആണ് സാധാരണയായി റിക്രൂട്ട്മെന്റുകള്‍ നടത്താറുള്ളത്. കാര്യങ്ങളില്‍ രഹസ്യ സ്വഭാവം സൂക്ഷിക്കുന്നുണ്ടെങ്കില്‍ മാന്‍പവര്‍ സപ്ലൈ സ്ഥാപനം ആയിരിക്കണം റിക്രൂട്ട്മെന്റ് നടത്തുന്നത് എന്ന് അനുമാനിക്കാം.

സൗദിയിലെ ആശുപത്രികളിലേക്ക് പോകുമ്പോള്‍ ആശുപത്രികളുടെ നേരിട്ടുള്ള സ്പോണ്‍സര്‍ഷിപ്പിന് കീഴില്‍ പോകാന്‍ ശ്രദ്ധിക്കുക. ഇത്തരം ഇടനിലക്കാരെ ഒഴിവാക്കുന്നതാണ് നല്ലത്. ചൂഷണം കൂടുതലായിരിക്കും എന്നത് തന്നെ കാരണം. ഇങ്ങിനെ എത്തുന്നവരെ ആവശ്യാനുസരണം ഹോസ്പിറ്റലുകളിലെക്ക് ജോലിക്കായി അയക്കുകയാണ് ചെയ്യുക. ആശുപത്രി നല്‍കുന്ന മുഴുവന്‍ ശമ്പളവും നഴ്സിന് ലഭിക്കില്ല. ആശുപത്രിയും മാന്‍പവര്‍ സപ്ലൈ കമ്പനിയും തമ്മിലുള്ള ധാരണ പ്രകാരം പ്രതിഫലം വാങ്ങി അതില്‍ നിന്നും കമ്പനിയുടെ വിഹിതം എടുത്തതിനു ശേഷം മാന്‍പവര്‍ സപ്ലൈ കമ്പനിയും നഴ്സും തമ്മിലുള്ള കരാര്‍ പ്രകാരമുള്ള വേതനം മാത്രമേ ലഭിക്കൂ.

ശമ്പളത്തിന്റെ കാര്യത്തില്‍ മാത്രമല്ല, നേരിട്ടുള്ള റിക്രൂട്ട്മെന്റിലൂടെ വരുന്ന നഴ്സുമാര്‍ക്ക് ലഭിക്കുന്ന ആനുകൂല്യങ്ങളെക്കാള്‍ കുറഞ്ഞ ആനുകൂല്യങ്ങള്‍ ആയിരിക്കും മാന്‍പവര്‍ സപ്ലൈ കമ്പനി നല്‍കുക. പല സ്ഥലങ്ങളിലായി ജോലി ചെയ്യേണ്ടിയും വന്നേക്കാം. ആശുപത്രിയുടെ നേരിട്ടുള്ള സ്റ്റാഫ് അല്ലാത്തതിനാല്‍ ആനുകൂല്യങ്ങള്‍ കുറവുണ്ടാകും. താമസം തുടങ്ങിയ കാര്യങ്ങളിലും ആശുപത്രികള്‍ നേരിട്ട് നല്‍കുന്ന സൗകര്യങ്ങള്‍ ഉണ്ടാവാറില്ല.

മാന്‍പവര്‍ സപ്ലൈ കമ്പനിയുമായി രണ്ടു വര്‍ഷ കരാര്‍ ഒപ്പിട്ടിട്ടുണ്ടെങ്കില്‍ അതിനിടയില്‍ അത്യാവശ്യ സാഹചര്യങ്ങള്‍ ഉണ്ടായാല്‍ പോലും നാട്ടിലേക്ക് പോകാന്‍ അനുവാദം നല്‍കാത്ത നിരവധി സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. തിരിച്ചു വന്നില്ലെങ്കിലോ എന്ന ഭീതി മൂലം പലപ്പോഴും വലിയ തുക സെക്യൂരിറ്റി ആയി നല്‍കിയും ആള്‍ ജാമ്യം നല്‍കിയും ഒക്കെയായിരിക്കും ഇത്തരത്തില്‍ എത്തിയ പല നഴ്സുമാരും അത്യാവശ്യ സാഹചര്യങ്ങളില്‍ നാട്ടിലേക്ക് പോകാന്‍ അനുവാദം നല്‍കുക.

അവകാശത്തിനു വേണ്ടി ശബ്ദിച്ചാല്‍ സൗദിയിലെ നിയമങ്ങളും നടപടി ക്രമങ്ങളും പറഞ്ഞു കൊണ്ട് നിശ്ശബ്ദരാക്കുകയും ചെയ്യും. പലപ്പോഴും കമ്പനിയുമായി പിണങ്ങുന്ന നഴ്സുമാര്‍ക്ക് നിയമ പ്രകാരമുള്ള ആനുകൂല്യങ്ങളോ എക്സ്പീരിയന്‍സ് സര്‍ട്ടിഫിക്കറ്റ് പോലുള്ളവയോ നല്‍കാതെ പറഞ്ഞയക്കുന്ന സാഹചര്യങ്ങളും ഉണ്ടാകുന്നുണ്ട്. നാട്ടില്‍ നിന്ന് പോകുമ്പോഴോ, സൗദിയില്‍ എത്തിയതിനു ശേഷമോ ഒപ്പിടുവിക്കുന്ന പല പേപ്പറുകളും ഉപയോഗിച്ചും ഭീഷണിപ്പെടുത്തുന്ന സംഭവങ്ങളും ഉണ്ടാകുന്നുണ്ട്.

നഴ്സുമാരുടെ സമ്മതമില്ലാതെ ഇഖാമ പുതുക്കിയ ശേഷം പിന്നീട് നാട്ടിലേക്ക് പോകുന്നതിനു വന്‍തുക ആവശ്യപ്പെട്ട സംഭവം പോലും ഉണ്ടായിട്ടുണ്ട്.  പലപ്പോഴും സഹായത്തിനു ആരുമില്ലാതെ ഏകപക്ഷീയമായി സപ്ലൈ കമ്പനിയുടെ ഏതാണ്ട് എല്ലാ ആവശ്യങ്ങളും അംഗീകരിച്ച് തിരിച്ചു പോരുകയാണ് നഴ്സുമാര്‍ ചെയ്യുന്നത്.

പ്രവൃത്തി പരിചയം അധികം ആവശ്യമില്ല, യോഗ്യത പരീക്ഷ നാട്ടില്‍ നിന്ന് തന്നെ പാസാകേണ്ടതില്ല, മറ്റു രാജ്യങ്ങളിലേക്ക് കുടിയേറാനുള്ള ഒരു വഴിയായി ഉപയോഗിക്കാം തുടങ്ങിയ വാഗ്ദാനങ്ങള്‍ നല്‍കിയാണ്‌ പലരെയും ഇത്തരക്കാര്‍ റിക്രൂട്ട് ചെയ്തു കൊണ്ട് വരുന്നത്. പലപ്പോഴും സൗദിയില്‍ എത്തിയതിനു ശേഷം മാത്രമായിരിക്കും തങ്ങള്‍ക്കും ആശുപത്രിക്കും ഇടയില്‍ മറ്റൊരു ഏജന്‍സി കൂടി ഉണ്ടെന്ന് നഴ്സുമാര്‍ മനസ്സിലാക്കുക.

അറിവില്ലായ്മ കൊണ്ട് പല നഴ്സുമാരും ചതിയില്‍ പെടുന്നുണ്ട്. അതുകൊണ്ട് തന്നെ രേഖകള്‍ നല്‍കുന്ന നടപടി ക്രമങ്ങളിലേക്ക് കടക്കുന്നതിനു മുന്‍പ് തന്നെ റിക്രൂട്ട്മെന്റ് നടത്തുന്നത് ആശുപത്രിയുടെ നേരിട്ടുള്ള സ്പോണ്‍സര്‍ഷിപ്പിനു കീഴിലാണ് എന്ന് ഉറപ്പു വരുത്തുക.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/DtW7D99bYc62sJ1L3kbxwg

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading
LATEST2 weeks ago

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

LATEST2 weeks ago

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

LATEST2 weeks ago

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

LATEST3 weeks ago

ബൂസ്റ്റര്‍ ഡോസ്, റീ എന്‍ട്രി, ഇലക്ട്രോണിക് തൊഴില്‍ കരാര്‍, ഒരു ലക്ഷം റിയാല്‍ പിഴ തുടങ്ങിയവയെ കുറിച്ച് സൗദി പ്രവാസികള്‍ ആവര്‍ത്തിച്ച് ചോദിച്ച ചോദ്യങ്ങള്‍

LATEST3 weeks ago

സൗദിയില്‍ ഇപ്പോള്‍ പ്രവാസികള്‍ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യങ്ങള്‍ വിശദമായി

LATEST4 weeks ago

സൗദി പ്രവാസികള്‍ ആവര്‍ത്തിച്ചു ആവശ്യപ്പെട്ട ബൂസ്റ്റര്‍ ഡോസ് സംശയങ്ങള്‍ക്കുള്ള മറുപടികള്‍ .

LATEST4 weeks ago

സൗദി ബൂസ്റ്റര്‍ ഡോസിനെ കുറിച്ച് അറിയേണ്ടതെല്ലാം. വിസിറ്റിംഗ് വിസ, പുതിയ വിസ, റീ എന്‍ട്രിയില്‍ പോകുന്നവര്‍ തുടങ്ങിയവര്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

സൗദി ചാര്‍ട്ടേഡ്‌ ഫ്ലൈറ്റ്‌, ആര്‍.ടി.പി.സി.ആര്‍, ബോര്‍ഡര്‍ നമ്പര്‍, എയര്‍പോര്‍ട്ട് പരിശോധന, ഫൈനല്‍ എക്സിറ്റ്: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

അപ്പോയിന്റ്മെന്റ് ഇല്ലാതെ എയര്‍പോര്‍ട്ടില്‍ ബൂസ്റ്റര്‍ ഡോസ്, തവക്കല്‍നയില്‍ നോണ്‍ ഇമ്മ്യൂണ്‍, സൗദി കര്‍ഫ്യൂ: സൗദി പ്രവാസികളുടെ ചോദ്യങ്ങള്‍ക്ക് മറുപടി

LATEST4 weeks ago

സിഹത്തി, തവക്കല്‍ന, ബൂസ്റ്റര്‍ ഡോസ്, രാജകാരുണ്യം, ഇഖാമ പുതുക്കല്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

“വന്‍ വിജയം ആഗ്രഹിക്കുന്ന പ്രവാസികള്‍ക്ക് പഠിക്കാന്‍ ഏറെയുള്ള ജീവിതം”. ഇബ്രാഹിം ഹാജിയുടെ വിജയ രഹസ്യങ്ങള്‍ പങ്കു വെക്കുന്ന ഓര്‍മ്മ കുറിപ്പ്.

LATEST1 month ago

സൗദിയില്‍ ഒമിക്രോണ്‍ ആരോഗ്യ ഭീഷണി ഉണ്ടാക്കില്ല. പക്ഷേ വിദേശികളുടെ യാത്രാ സ്വാതന്ത്ര്യം നിലക്കും

LATEST1 month ago

ബൂസ്റ്റര്‍ ഡോസ് അപ്പോയിന്റ്മെന്റ്: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍, 22.12.2021

LATEST1 month ago

ഹാരീസ് ബീരാനും അജ്മല്‍ മുഫീദും കെ.എം.ഡബ്ലിയു.എ യുടെ പുതിയ സാരഥികള്‍. മലയാളി വിദ്യര്‍ത്ഥിനിക്ക് ആദരം

LATEST1 month ago

സൗദി അറേബ്യ വീണ്ടുമൊരു യാത്രാ നിയന്ത്രണത്തിലേക്കോ? സൗദി പ്രവാസികളുടെ ചോദ്യങ്ങള്‍ക്ക് മറുപടി.

LATEST2 weeks ago

സൗദിയില്‍ ബൂസ്റ്റര്‍ ഡോസ് ഇല്ലെങ്കില്‍ പിഴ?, തവക്കല്‍ന, അബ്ഷീര്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍ക്കുള്ള മറുപടികള്‍.

LATEST4 weeks ago

സൗദി ബൂസ്റ്റര്‍ ഡോസിനെ കുറിച്ച് അറിയേണ്ടതെല്ലാം. വിസിറ്റിംഗ് വിസ, പുതിയ വിസ, റീ എന്‍ട്രിയില്‍ പോകുന്നവര്‍ തുടങ്ങിയവര്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

സൗദി പ്രവാസികള്‍ ആവര്‍ത്തിച്ചു ആവശ്യപ്പെട്ട ബൂസ്റ്റര്‍ ഡോസ് സംശയങ്ങള്‍ക്കുള്ള മറുപടികള്‍ .

LATEST4 weeks ago

സിഹത്തി, തവക്കല്‍ന, ബൂസ്റ്റര്‍ ഡോസ്, രാജകാരുണ്യം, ഇഖാമ പുതുക്കല്‍: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

അപ്പോയിന്റ്മെന്റ് ഇല്ലാതെ എയര്‍പോര്‍ട്ടില്‍ ബൂസ്റ്റര്‍ ഡോസ്, തവക്കല്‍നയില്‍ നോണ്‍ ഇമ്മ്യൂണ്‍, സൗദി കര്‍ഫ്യൂ: സൗദി പ്രവാസികളുടെ ചോദ്യങ്ങള്‍ക്ക് മറുപടി

LATEST3 weeks ago

സൗദിയില്‍ ഇപ്പോള്‍ പ്രവാസികള്‍ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യങ്ങള്‍ വിശദമായി

LATEST3 weeks ago

ബൂസ്റ്റര്‍ ഡോസ്, റീ എന്‍ട്രി, ഇലക്ട്രോണിക് തൊഴില്‍ കരാര്‍, ഒരു ലക്ഷം റിയാല്‍ പിഴ തുടങ്ങിയവയെ കുറിച്ച് സൗദി പ്രവാസികള്‍ ആവര്‍ത്തിച്ച് ചോദിച്ച ചോദ്യങ്ങള്‍

LATEST2 weeks ago

വിസിറ്റ്-പുതിയ വിസക്കാര്‍ക്ക് അപ്ഡേഷന്‍, യാത്ര മുടങ്ങുന്ന സാഹചര്യം, 93 അംഗീകൃത പരിശോധന കേന്ദ്രങ്ങള്‍: സൗദി പ്രവാസികള്‍ ആവര്‍ത്തിച്ചു ചോദിച്ച ചോദ്യങ്ങള്‍ക്കുള്ള മറുപടികള്‍

LATEST2 weeks ago

സൗദിയിലേക്ക് നഴ്സുമാര്‍ മാന്‍പവര്‍ സപ്ലൈ സ്ഥാപനങ്ങള്‍ വഴി പോകുന്നത് പരമാവധി ഒഴിവാക്കുക

LATEST4 weeks ago

സൗദി ചാര്‍ട്ടേഡ്‌ ഫ്ലൈറ്റ്‌, ആര്‍.ടി.പി.സി.ആര്‍, ബോര്‍ഡര്‍ നമ്പര്‍, എയര്‍പോര്‍ട്ട് പരിശോധന, ഫൈനല്‍ എക്സിറ്റ്: സൗദി പ്രവാസികള്‍ ഏറ്റവും കൂടുതല്‍ ചോദിച്ച ചോദ്യങ്ങള്‍

LATEST4 weeks ago

“വന്‍ വിജയം ആഗ്രഹിക്കുന്ന പ്രവാസികള്‍ക്ക് പഠിക്കാന്‍ ഏറെയുള്ള ജീവിതം”. ഇബ്രാഹിം ഹാജിയുടെ വിജയ രഹസ്യങ്ങള്‍ പങ്കു വെക്കുന്ന ഓര്‍മ്മ കുറിപ്പ്.

Trending

error: Content is protected !!