Connect with us

LATEST

സൗദി പ്രവാസികള്‍ക്ക് നല്ലതും ചീത്തയും വ്യാജവുമായ വാര്‍ത്തകള്‍ ലഭിച്ച ദിവസം

Published

on

റിയാദ്: സൗദിയിലേക്ക് പ്രവേശിക്കാനായി കാത്തിരിക്കുന്ന പ്രവാസികള്‍ക്ക് സുഖദുഖ സമ്മിശ്രമായ ഒരു ദിവസമാണ് കഴിഞ്ഞു പോയത്. പല പ്രവാസികള്‍ക്കും നല്ല  വാര്‍ത്തകള്‍ റിയാദിലെ ഡിജിറ്റല്‍ സിറ്റിയിലെ ആരോഗ്യ മന്ത്രായലയത്തില്‍ നിന്നും എത്തിയപ്പോള്‍ ഖത്തര്‍-സൗദി അതിര്‍ത്തിയില്‍ നിന്നും ഒരു വിഭാഗം പ്രവാസികളെ നിരാശരാക്കുന്ന വാര്‍ത്തയും വന്നെത്തി. അതേ സമയം പ്രതിസന്ധിയില്‍ കഴിയുന്ന പ്രവാസികളെ വ്യാജ വാര്‍ത്തകള്‍ കൊണ്ട് മാനസികമായി പീഡിപ്പിക്കുന്ന മാനസിക രോഗികളും കഴിഞ്ഞ ദിവസം വ്യാജ വാര്‍ത്ത പടച്ചിറക്കി.

ഇന്ത്യയില്‍ നിന്നും വാക്സിന്‍ എടുത്ത് മൂന്ന് തവണ വാക്സിന്‍ സര്‍ട്ടിഫിക്കറ്റുകള്‍ ആരോഗ്യ മന്ത്രാലയത്തിന്റെ അംഗീകാരത്തിനു വേണ്ടി സമര്‍പ്പിച്ച് ഇനിയൊരിക്കല്‍ കൂടി സമര്‍പ്പിക്കാന്‍ സാധിക്കാതെ ബ്ലോക്ക് നേരിട്ടതിനു ശേഷം കഴിഞ്ഞ ബുധനാഴ്ച ബ്ലോക്ക് നീക്കി കിട്ടി വീണ്ടും സര്‍ട്ടിഫിക്കറ്റുകള്‍ സമര്‍പ്പിച്ച പ്രവാസികളില്‍ അനേകം പേര്‍ക്ക് കഴിഞ്ഞ ദിവസം തികച്ചും നല്ല ദിവസം തന്നെയായിരുന്നു. തീര്‍ത്തും പ്രതിസന്ധിയില്‍ ആയിരുന്ന ഇവരുടെ ആശങ്കകള്‍ക്ക് അയവ് വരുത്തി അവര്‍ സമര്‍പ്പിച്ച വാക്സിന്‍ സര്‍ട്ടിഫിക്കറ്റുകള്‍ അംഗീകരിച്ചതായുള്ള സന്ദേശങ്ങള്‍ കൂടുതല്‍ പേര്‍ക്ക് മന്ത്രാലയത്തില്‍ നിന്നും കഴിഞ്ഞ ദിവസം ലഭിച്ചു. ഇതോടെ ഇവര്‍ക്ക് ഇമ്മ്യൂണ്‍ ആയി ഇന്‍സ്റ്റിറ്റ്യൂഷണല്‍ ക്വാറന്റൈന്‍ ഒഴിവാക്കി തിരിച്ചു പോകാം. ഇത് മൂലം വന്‍ സാമ്പത്തിക ബാധ്യതയുടെ ഒരു ഭാഗവും ഒഴിവാകും

കഴിഞ്ഞ ബുധനാഴ്ച ബ്ലോക്ക് നീക്കിയ ശേഷം വീണ്ടും സര്‍ട്ടിഫിക്കറ്റുകള്‍ സമര്‍പ്പിച്ച് ആശയറ്റ് കാത്തിരുന്നവരാണ് അനുമതി ലഭിച്ചവരില്‍ അധികവും. ഇങ്ങിനെയുള്ള കൂടുതല്‍ പേര്‍ക്ക് സര്‍ട്ടിഫിക്കറ്റുകള്‍ ഇമ്മ്യൂണ്‍ ആയി ലഭിക്കുന്ന പ്രവണതയാണ് കഴിഞ്ഞ ദിവസം പ്രകടമായത്. ഇതൊരു ശുഭ സൂചകമായിട്ടാണ് കൂടുതല്‍ പ്രവാസികളും കരുതുന്നത്. വരും ദിവസങ്ങളില്‍ തങ്ങളുടെ സര്‍ട്ടിഫിക്കറ്റുകള്‍ക്കും ഇതേ രീതിയില്‍ അംഗീകാരം ലഭിക്കും എന്നാണു ഇനിയും അംഗീകാരം ലഭിക്കാത്ത പ്രവാസികളും പ്രതീക്ഷിക്കുന്നത്.

കഴിഞ്ഞ ദിവസങ്ങളില്‍ ഇമ്മ്യൂണായി കിട്ടിയവര്‍ അംഗീകാരത്തിനായി ലഭിച്ച വാക്സിന്‍ സര്‍ട്ടിഫിക്കറ്റുകള്‍ പരിശോധിക്കുമ്പോള്‍ വ്യക്തമാവുന്നത് ബ്ലോക്ക് നീക്കിയ ശേഷം അടുത്ത ദിവസം സമര്‍പ്പിച്ചവര്‍ക്കാണ് കഴിഞ്ഞ ദിവസങ്ങളില്‍ ഇമ്മ്യൂണ്‍ ആയി ലഭിച്ചതെന്നു വ്യക്തമാവുന്നുണ്ട്. അതെ സമയം ബ്ലോക്ക് നീക്കിയ അറിയിപ്പ് ലഭിച്ച ബുധനാഴ്ച തന്നെ സര്‍ട്ടിഫിക്കറ്റുകള്‍ അപ്‌ലോഡ്‌ ചെയ്തവരില്‍ അധികം പേര്‍ക്കും ഇമ്മ്യൂണ്‍ ആയി ലഭിച്ചിട്ടില്ല. നിലവില്‍ കാത്തിരിക്കുന്നവരില്‍ അധികവും ബുധനാഴ്ച സര്‍ട്ടിഫിക്കറ്റുകള്‍ അപ്‌ലോഡ്‌ ചെയ്തവരാണ്. എന്നാല്‍ അവരില്‍ ചിലര്‍ക്ക് ഇമ്മ്യൂണ്‍ ആയി ലഭിച്ചിട്ടുമുണ്ട്.

കോവിഡ് പ്രതിസന്ധി ഉണ്ടായതിനെ തുടര്‍ന്ന് സൗദി അറേബ്യയിലേക്കുള്ള നേരിട്ടുള്ള പ്രവേശനം താൽക്കാലികമായി നിർത്തിവച്ച കാലയളവിൽ കാലഹരണപ്പെട്ട വിസിറ്റ് വിസകളുടെ കാലാവധി നീട്ടി നല്‍കുമെന്നുള്ള സൗദി വിദേശകാര്യ മന്ത്രാലയത്തിന്റെ തീരുമാനം ആശങ്കയിലായിരുന്ന വിസിറ്റ് വിസ ഹോള്‍ഡര്‍മാര്‍ക്ക് ആശ്വാസം പകര്‍ന്ന തീരുമാനമായി. ഇന്ത്യ ഉൾപ്പെടെ യാത്രാ വിലക്ക് നേരിടുന്ന രാജ്യങ്ങളിൽ നിന്നുള്ളവര്‍ക്ക് സെപ്റ്റംബർ 30 വരെയാണ് നീട്ടി നല്‍കുക. യാതൊരു ഫീസും ഈടാക്കാതെ സൗജന്യമായാണ് വിസ കാലാവധി നീട്ടി നൽകുക. വിസയുടെ കാലാവധി ഓട്ടോമാറ്റിക് ആയി തന്നെ നീട്ടി നൽകുമെന്നതിനാല്‍ അതിനായി ഇവര്‍ യാതൊന്നും തന്നെ ചെയ്യേണ്ടതില്ല.

അതെ സമയം ഭീമമായ വിമാന ടിക്കറ്റ് നിരക്ക് താങ്ങാന്‍ കഴിയാതെ ഖത്തറില്‍ നിന്നും റോഡ്‌ മാര്‍ഗ്ഗം സൗദിയിലേക്ക് പ്രവേശിക്കാന്‍ തീരുമാനിച്ചിരുന്ന സൗദി പ്രവാസികള്‍ക്ക് തീര്‍ത്തും നിരാശാജനകമായ ദിവസമായിരുന്നു കഴിഞ്ഞു പോയത്. ഖത്തറില്‍ നിന്നും ടാക്സിയില്‍ 500 റിയാല്‍ മുടക്കി സൗദിയിലേക്ക് പ്രവേശിക്കാന്‍ സാധിച്ചിരുന്ന സൗദി-ഖത്തർ അതിർത്തിയായ അബൂസംറ ചെക്ക് പോയന്റ് വഴിയുള്ള യാത്ര സാധ്യതകളാണ് ഖത്തര്‍ അധികൃതര്‍ താല്‍ക്കാലികമായി വിലക്കിയത്. ഇതോടെ കഴിഞ്ഞ ദിവസം മുതല്‍ അനേകം പേരുടെ യാത്രയും മുടങ്ങി.

ഇന്ന് രാവിലെ ദോഹയിൽ നിന്ന് സൗദിയിലേക്ക് പ്രവേശിക്കാനെത്തിയ സൗദി പ്രവാസികളെ ഖത്തർ എമിഗ്രെഷനിൽ വെച്ച് തന്നെ അധികൃതര്‍ തിരിച്ചയക്കുകയായിരുന്നു. ഖത്തര്‍ വാഹനങ്ങളില്‍ യാത്രക്കാരെ അതിർത്തി കടത്തി അവിടെ നിന്നും സൗദി വാഹനങ്ങളില്‍ പോകുന്നതിനാണ് വിലക്ക് ഏര്‍പ്പെടുത്തിയതെന്നും ഖത്തറിൽ നിന്ന് നേരിട്ട് സൗദിയിലേക്ക് നേരിട്ട് പോകുന്ന വാഹനങ്ങളെ അനുവദിക്കും എന്നുമാണ് ഇവരോട് അധികൃതര്‍ പ്രതികരിച്ചത്. നിലവിൽ അത്തരം സൗകര്യങ്ങൾ ഉള്ള ടാക്സി സർവ്വീസുകൾ ലഭ്യമല്ല. ഇതോടെ വന്‍തുക മുടക്കി വിമാന ടിക്കറ്റെടുത്തോ സൗദിയിലേക്ക് പ്രവേശിക്കേണ്ട അവസ്ഥയിലാണ് ഖത്തറില്‍ ക്വാറന്റൈനില്‍ കഴിയുന്ന സൗദി പ്രവാസികള്‍. ഇതേ മാര്‍ഗ്ഗത്തിലൂടെ ബസ് യാത്ര നിലവില്‍ വിലക്കിയിട്ടില്ലെങ്കിലും സമീപ ദിവസങ്ങളില്‍ ഈ യാത്രാ സൗകര്യത്തിന്റെ ഭാവിയും വ്യക്തമല്ല.

ഏതു പ്രതിസന്ധി ഘട്ടത്തിലും മറ്റുള്ളവരുടെ വിഷമങ്ങള്‍ കണ്ടു സന്തോഷിക്കാനായി വ്യാജ വാര്‍ത്തകള്‍ പടച്ചു വിടുന്ന മാനസിക രോഗികള്‍ കഴിഞ്ഞ ദിവസവും വ്യാജ വാര്‍ത്തയുമായി തലപൊക്കി. ഈ പതിനഞ്ചാം തിയ്യതി മുതല്‍ സൗദി അറേബ്യ വിമാന സര്‍വീസ് പുനരാരംഭിക്കുന്നുവെന്ന വാര്‍ത്തയുമായിട്ടയിരുന്നു ഇവര്‍ കഴിഞ്ഞ ദിവസം രംഗപ്രവേശം ചെയ്തത്. കേരളത്തില്‍ നിന്നും ഡല്‍ഹിയില്‍ നിന്നും മാത്രമായിരിക്കും സര്‍വീസുകള്‍ ആരംഭിക്കുകയെന്നും സൗദിയുടെ ഔദ്യോഗിക വിമാന കമ്പനിയായ സൗദിയ മാത്രമേ സര്‍വീസ് നടത്തൂ എന്നും കൂടുതല്‍ വിശ്വാസ്യതക്കായി ഇവര്‍ പറഞ്ഞു വെച്ചു. ഇവരുടെ വ്യാജ വാര്‍ത്തയുടെ സന്ദേശങ്ങള്‍ പ്രവാസികളുടെ ഗ്രൂപ്പുകളില്‍ എളുപ്പത്തില്‍ പ്രചരിക്കുകയും ചെയ്തിരുന്നു. പ്രമുഖ ട്രാവല്‍ ഏജന്‍സികളെ ഉദ്ധരിച്ചു കൊണ്ട് ആധികാരികമായി പറയുന്ന രീതിയിലായതിനാല്‍ പലരും ഇത് വിശ്വസിക്കുകയും ചെയ്തു.

എന്നാല്‍ ഈ വാര്‍ത്തകള്‍ക്ക് അധികം ആയുസ്സ് ഉണ്ടായില്ല. ഈ ശബ്ദ സന്ദേശം ലഭിച്ചവരില്‍ പലരും റിയാദിലും തിരുവനന്തപുരത്തുമുള്ള സൗദിയ ഓഫീസുകളുമായി ബന്ധപ്പെട്ടപ്പോള്‍ ഇത് വ്യാജ വാര്‍ത്തയാണെന്നുള്ള സ്ഥിരീകരണമാണ് ലഭിച്ചത്. ഇതുവരെ ആഭ്യന്തര മന്ത്രാലയം ഇത്തരമൊരു തീരുമാനം എടുത്തിട്ടില്ലെന്നും എടുത്താല്‍ അത് ഔദ്യോഗിക മാര്‍ഗ്ഗങ്ങളിലൂടെ ജനങ്ങളെ അറിയിക്കുമെന്നും വ്യാജ വാര്‍ത്തകള്‍ പ്രചരിപ്പിക്കുന്നതില്‍ നിന്നും വിട്ടു നില്‍ക്കണമെന്നുമാണ് അവര്‍ ആവശ്യപ്പെട്ടത്.

എന്നാല്‍ ഈ വാര്‍ത്തയുമായുള്ള ശബ്ദ സന്ദേശങ്ങള്‍ ഇപ്പോഴും പല ഗ്രൂപ്പുകളിലും പ്രചരിച്ചു കൊണ്ടിരിക്കുകയാണ്. കോവിഡ് വ്യാപനം കുറഞ്ഞ യു.എ.ഇ പോലുള്ള ചില രാജ്യങ്ങളെ സൗദി അറേബ്യ സമീപ ദിവസങ്ങളില്‍ ചിലപ്പോള്‍ റെഡ് ലിസ്റ്റില്‍ നിന്നും ഒഴിവാക്കാന്‍ സാധ്യതയുണ്ട് എങ്കിലും നിലവിലെ സാഹചര്യത്തില്‍ ഒരിക്കലും ഇന്ത്യയും, പാക്കിസ്ഥാനും, ഇന്തോനേഷ്യയും പോലുള്ള രാജ്യങ്ങള്‍ റെഡ് ലിസ്റ്റില്‍ നിന്നും ഇല്ലാതാവാന്‍ യാതൊരു സാധ്യതയും ഇല്ല എന്നുള്ളത് വാസ്തവമാണ്. മറ്റുള്ള രാജ്യങ്ങള്‍ക്ക് ഉംറ തീര്‍ഥാടന വിസകള്‍ നല്‍കിയിട്ടും ഇന്ത്യ ആ വിസകള്‍ വിലക്കിയ 30 രാജ്യങ്ങളുടെ പട്ടികയിലും ഉള്‍പ്പെട്ടു എന്നതിനാല്‍ ഇന്ത്യയിലുള്ള സൗദി പ്രവാസികള്‍ക്ക് ഉടനെ ഒരു ആശ്വാസ വാര്‍ത്തക്ക് സാധ്യതയില്ല എന്നാണു വിലയിരുത്തല്‍.

എന്നാല്‍ യു.എ.ഇ യുടെ വിലക്ക് സൗദി പിന്‍വലിക്കുകയും ഇന്ത്യക്കാര്‍ക്ക് വിസിറ്റിംഗ് വിസയോ ഓണ്‍ അറൈവല്‍ വിസയോ യു.എ.ഇ അനുവദിക്കുകയും ചെയ്‌താല്‍ സൗദി പ്രവാസികളുടെ ബുദ്ധിമുട്ടുകള്‍ക്ക് ചെറിയ തോതിലുള്ള ആശ്വാസം ലഭിക്കും.

സൗദി ആരോഗ്യ മന്ത്രാലയം സര്‍ട്ടിഫിക്കറ്റുകള്‍ക്ക് അംഗീകാരം നല്‍കി തവക്കല്‍നയില്‍ ഇമ്മ്യൂണ്‍ ആയെങ്കിലും സാധാരണക്കാരായ പ്രവാസികള്‍ക്ക് സൗദിയില്‍ തിരിച്ചത്താനുള്ള ഒരു സാഹചര്യമല്ല നിലവിലുള്ളത്. ഖത്തര്‍ വഴിയും മാലിദ്വീപ് വഴിയുമുള്ള യാത്രകള്‍ നിലവില്‍ സാധാരണക്കാരായ പ്രവാസികള്‍ക്ക് താങ്ങാന്‍ സാധിക്കുന്നതിലും അധികം സാമ്പത്തിക ബാധ്യതയാണ് വരുത്തുന്നത്. സ്വന്തമായി കച്ചവടമോ, ബിസിനസ്സോ നടത്തുന്നവര്‍ക്കോ മികച്ച സ്ഥാപനങ്ങളില്‍ ഉന്നതമോ ഇടത്തരമോ ആയ തസ്തികകളില്‍ ജോലി ചെയ്യുന്നവര്‍ക്കോ മാത്രമാണ് ഇപ്പോഴത്തെ വിമാന ടിക്കറ്റ് നിരക്കുകളും മറ്റൊരു രാജ്യത്തെ പതിനാല് ദിവസത്തെ താമസ ചിലവും വഹിക്കാന്‍ സാധിക്കുക. അത്യാവശ്യമായി തിരിച്ചെത്തേണ്ട സാധാരണക്കാരായ പ്രവാസികള്‍ വന്‍തുക കടം വാങ്ങി വാങ്ങിയാല്‍ തന്നെ ഒന്നോ രണ്ടോ വര്‍ഷം അധ്വാനിച്ചാല്‍ പോലും തീര്‍ക്കാന്‍ സാധിക്കാത്ത സാമ്പത്തിക ബാധ്യതയാണ് അവരില്‍ ഉണ്ടാക്കുക.

മാത്രമല്ല ഖത്തര്‍ വഴി പോകാന്‍ ഉദ്ദേശിക്കുന്നവര്‍ക്ക് ഭീമമായ തുക നല്‍കിയാല്‍ പോലും ഡിസ്കവര്‍ ഖത്തര്‍ വഴി ക്വാറന്റൈന്‍ മുറികള്‍ ലഭിക്കാനുള്ള സാധ്യത നിലവിലില്ല. അടുത്ത രണ്ടാഴ്ചത്തേക്ക് മുറികള്‍ ലഭ്യമല്ലെന്നാണ് വെബ്സൈറ്റില്‍ കാണിക്കുന്നത്. കഴിഞ്ഞ ദിവസം അര്‍ദ്ധരാത്രി പരിശോധിക്കുമ്പോള്‍ ചില സമയം വെബ്സൈറ്റ് പ്രതികരിക്കാത്ത അവസ്ഥയിലുമായിരുന്നു. അതിനു ശേഷം ഡിസംബര്‍ വരെ റൂമുകള്‍ ഒഴിവില്ലെന്നു കാണിക്കുകയും ച്ചെയ്തിരുന്നു. ഇത് സാങ്കേതിക പ്രശ്നം ആണെങ്കില്‍ പോലും സമീപ ദിവസങ്ങളില്‍ മുറികള്‍ ലഭ്യമല്ലാത്ത അവസ്ഥയാണ് ഉള്ളത്. ഖത്തറില്‍ 28 ന് സ്കൂളുകള്‍ തുറക്കുമെന്നതിനാല്‍ ഖത്തര്‍ പ്രവാസികളുടെ ആധിക്യവും മുറികളുടെ ദൗര്‍ലഭ്യത്തിനു കാരണമായി.

സൽമാൻ രാജാവിന്റെ നിർദേശപ്രകാരം നിലവിൽ യാത്രാ നിരോധനം നേരിടുന്ന രാജ്യങ്ങളിൽ നിന്നുള്ളവര്‍ക്ക് ജവാസാത്ത് ഇഖാമയുടെ കാലാവധിയും എക്സിറ്റ്, റീ-എൻട്രി വിസകളും, സന്ദർശന വിസയുടെ കാലാവധിയും ഓഗസ്റ്റ് 31 വരെ സൗജന്യമായി നീട്ടുമെന്ന് പ്രഖ്യാപിച്ചിരുന്നുവെങ്കിലും ഇതുവരെ ആര്‍ക്കും പുതുക്കി ലഭിച്ഛതായി റിപ്പോര്‍ട്ട് ചെയ്യപ്പെട്ടിട്ടില്ല. എന്നാല്‍ പ്രഖ്യാപന പ്രകാരം തന്നെ പുതുക്കല്‍ ഉണ്ടാകുമെന്ന് ജവാസാത്ത് ഒഫീഷ്യൽ ട്വിറ്റർ അക്കൗണ്ടിലൂടെ കഴിഞ്ഞ ദിവസം വ്യക്തമാക്കിയെങ്കിലും എന്ന് മുതലാണ്‌ പുതുക്കി നല്‍കുക എന്ന് വ്യക്തമാക്കിയിട്ടില്ല.

ഇനി അത്തരമൊരു പുതുക്കല്‍ ഉണ്ടായാല്‍ പോലും അതിന്റെ പ്രയോജനം ഈ രാജ്യങ്ങളില്‍ നിന്നുള്ളവര്‍ക്ക് ലഭിക്കാത്ത സാഹചര്യമാണുള്ളത്. തൊഴിൽ, സന്ദർശക വിസ കൈവശമുള്ളവവരെ മൂന്നാമതൊരു രാജ്യത്ത് പതിനാലു ദിവസത്തെ താമസത്തിന് ശേഷം മാത്രമേ സൗദിയിലേക്ക് പ്രവേശിക്കാന്‍ അനുവദിക്കൂ എന്നതിനാല്‍ അത്യാവശ്യമായി തിരിച്ചു പോകേണ്ടവര്‍ക്ക് ഈ പ്രഖ്യാപനം കൊണ്ട് നിലവില്‍ പ്രയോജനം ലഭിക്കാത്ത അവസ്ഥയാണുള്ളത്.

ഇന്ത്യ, പാകിസ്ഥാൻ, ഇന്തോനേഷ്യ, ഈജിപ്ത്, തുർക്കി, അർജന്റീന, ബ്രസീൽ, ദക്ഷിണാഫ്രിക്ക, യു എ ഇ, എത്യോപ്യ, വിയറ്റ്നാം, അഫ്ഗാനിസ്ഥാൻ, ലെബനൻ എന്നിവയാണ് സൗദിയുടെ യാത്രാ നിരോധനം നേരിടുന്ന രാജ്യങ്ങൾ. ഈരാജ്യങ്ങളില്‍ നിന്നുള്ള വിദേശികള്‍ തങ്ങളുടെ രാജ്യങ്ങളില്‍ രോഗവ്യാപനത്തിന് ശമനം വരുന്നത് വരെ സ്വരാജ്യങ്ങളില്‍ തന്നെ തുടരുക എന്ന നയത്തിന്റെ അടിസ്ഥാനത്തിലാണ് രേഖകളുടെ കാലാവധി നീട്ടി കൊടുക്കാന്‍ തീരുമാനിച്ചതെന്നും എന്നാല്‍ പെട്ടെന്ന് തന്നെ പുതുക്കി നല്‍കിയാല്‍ ഇവര്‍ പെട്ടെന്ന് തന്നെ സൗദിയിലേക്ക് പ്രവേശിക്കാന്‍ ശ്രമിക്കും എന്നുള്ളത് കൊണ്ടാണ് പുതുക്കല്‍ ആരംഭിക്കാത്തത് എന്നുമാണ് അനുദ്യോഗികമായി അറിയാന്‍ സാധിക്കുന്നത്. അടുത്ത ദിവസങ്ങളില്‍ പുതുക്കല്‍ ആരംഭിക്കുമെന്നും ജൂലൈ 31 നു സാധുത അവസാനിച്ച എല്ലാവര്‍ക്കും ഓഗസ്റ്റ് 31 വരെ രേഖകള്‍ പുതുക്കി ലഭിക്കും എന്നുമാണ് കരുതപ്പെടുന്നത്.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/DtW7D99bYc62sJ1L3kbxwg

 

പ്രവാസി കോര്‍ണര്‍ ഫേസ്ബുക്ക് പേജില്‍ പ്രവേശിക്കാന്‍ ഈ ലിങ്കില്‍ ക്ലിക്ക് ചെയ്യുക  https://www.facebook.com/PravasiCornerOfficial

 

LATEST

ജിദ്ദ പ്രവാസിയുടെ കൈ പിടിച്ച് പ്രമുഖ ജീവ കാരുണ്യ പ്രവർത്തക നര്‍ഗീസ് പുതിയ ജീവിതത്തിലേക്ക്

Published

on

“ജീവകാരുണ്യ പ്രവര്‍ത്തനങ്ങളുടെ ഭാഗമായി എനിക്ക് കേരളത്തില്‍ ഉടനീളം യാത്ര ചെയ്യേണ്ടി വരും. അതിനായി പൊതുഗതാഗത സംവിധാനങ്ങള്‍ ആവോളമുണ്ട്. എനിക്ക് ഓടിയെത്താന്‍ സാധിക്കാത്തിടത്ത് എനിക്കായി ഓടിയെത്താന്‍ കേരളത്തില്‍ അങ്ങോളമിങ്ങോളം നല്ലവരായ സുഹൃത്തുക്കളും എനിക്കുണ്ട്. അടിയന്തിര സാഹചര്യങ്ങളില്‍ ഓടിയെത്താന്‍ എന്റെ ശമ്പളത്തില്‍ നിന്നും പ്രതിമാസം 6000 രൂപ വീതം അടച്ചു സ്വന്തമാക്കിയ ഒരു ആള്‍ട്ടോ കാറുമുണ്ട് എനിക്ക്. പിന്നെ എനിക്കെന്തിനാണ്‌ ഒരു ആഡംബര വാഹനം?”

തന്റെ മകന് ലുലുവിൽ നിന്നും സമ്മാനമായി ലഭിച്ച ഒരു ആഡംബര കാർ സമ്മാനമായി നൽകാമെന്ന് ഒരു സുമനസ്സ് മുന്നോട്ടു വന്നപ്പോൾ കേരളത്തിലെ ഒരു ജീവകാരുണ്യ പ്രവര്‍ത്തകയുടെ പ്രതികരണമായിരുന്നു അത്. ആ സമ്മാനം സ്നേഹപൂർവ്വം നിരസിച്ചപ്പോഴാണ് നര്‍ഗീസ് ബീഗം മറ്റു ചാരിറ്റി ബിസിനസ്സുകാരില്‍ നിന്നും എത്രമാത്രം വ്യത്യസ്തയാണെന്ന് നര്‍ഗീസിനെ നേരിട്ട് അറിയാത്തവര്‍ കൂടി മനസ്സിലാക്കിയത്.

നിറഞ്ഞ പ്രതീക്ഷകളുമായി നര്‍ഗീസ് ബീഗം പുതിയ ജീവിതത്തിലേക്ക് പ്രവേശിക്കുകയാണ്. ഇന്നലെയായിരുന്നു നർഗീസിന്റെ വിവാഹം. രാമനാട്ടുകരക്ക് സമീപം കാരാട് പള്ളിയിൽ വെച്ചായിരുന്നു നിക്കാഹ്. പാലക്കാട് ജില്ലയിലെ ചെർപ്പുളശേരി സ്വദേശിയാണ് നർഗീസിന്റെ ഭർത്താവ് സുബൈർ. ജിദ്ദയിൽ പ്രവാസിയാണ് സുബൈർ.

വയനാട് സുല്‍ത്താന്‍ ബത്തേരി കേന്ദ്രമായി പ്രവര്‍ത്തിക്കുന്ന അഡോറ (Agency for Development operation in rural area)  യെന്ന എന്‍.ജി.ഒ സംഘടനയിലൂടെയാണ് നര്‍ഗീസ് ജീവകാരുണ്യ പ്രവര്‍ത്തനങ്ങള്‍ മുന്നോട്ടു കൊണ്ട് പോകുന്നത്. അഡോറയുടെ എക്സിക്യുട്ടീവ് ഡയറക്ടറാണ് നര്‍ഗീസ്.

ജീവകാരുണ്യം രക്തത്തില്‍ അലിഞ്ഞു ചേര്‍ന്നിരുന്നുവെന്നാണ് നര്‍ഗീന്‍ എപ്പോഴും തമാശയായി പറയുക. പക്ഷെ അത് തമാശയല്ല എന്ന് അറിയുന്നവര്‍ക്കറിയാം. നഴ്സിംഗ് ജോലിയുടെ തുടക്കത്തില്‍ സ്റ്റൈപ്പന്റ് ആയി ലഭിച്ചിരുന്ന 300 രൂപയില്‍ നിന്നും ഭക്ഷണത്തിനുള്ള തുകക്ക് ശേഷം മിച്ചം വെക്കുന്ന 30-40 രൂപ ആശുപത്രി പരിസരങ്ങളിലെ അഗതികള്‍ക്ക് മരുന്ന് വാങ്ങാല്‍ നല്‍കുന്നത് മുതലാണ്‌ പൊതുജനങ്ങള്‍ അറിയാതെയുള്ള ആ പ്രവര്‍ത്തനങ്ങളുടെ തുടക്കം. പിന്നീട് ശമ്പളം ലഭിച്ചു തുടങ്ങിയപ്പോള്‍ അങ്ങിനെ നല്‍കുന്ന സംഖ്യയുടെ വലിപ്പം 500 രൂപയോളമായി വര്‍ദ്ധിച്ചു.

ഒരു നിര്‍ധന കുടുംബത്തിലായിരുന്നു നര്‍ഗ്ഗീസിന്റെ ജനനം. കൂലിപ്പണിക്കാരനായ പിതാവിന് ലഭിക്കുന്ന തുച്ഛമായ തുക കൊണ്ടായിരുന്നു കുടുംബം മുന്നോട്ട് പോയിരുന്നത്. രണ്ട് അനുജന്മാരും ഒരു അനുജത്തിയുമടങ്ങുന്ന കുടുംബം വളരെ കഷ്ടപ്പാടുകള്‍ അനുഭവിച്ചാണ് വളര്‍ന്നത്. വലുതാകുമ്പോള്‍ നഴ്‌സാവണം എന്ന ആഗ്രഹം ഉള്ളില്‍ താലോലിക്കുമ്പോഴും ദാരിദ്ര്യം അതിനനുവദിക്കുമോ എന്ന് നര്‍ഗ്ഗീസിന് ഉറപ്പുണ്ടായിരുന്നില്ല.

പ്ലസ്ടുവിന് സയന്‍സ് ഗ്രൂപ്പ് ആയിരുന്നുവെങ്കിലും മാര്‍ക്ക് കുറവായതിനാല്‍ നഴ്‌സിംഗ് അഡ്മിഷന്‍ കിട്ടാന്‍ സാധ്യത മങ്ങിയിരുന്നു. പണം സീറ്റ് വാങ്ങാന്‍ കുടുംബത്തിലെ സാമ്പത്തികാവസ്ഥ അനുവദിച്ചില്ല. പിന്നീടാണ് രാമനാട്ടുകര എല്‍സിഎം കോളേജില്‍ മിഡ് വൈഫറി കോഴ്‌സിനു ചേരുന്നത്.

പഠനശേഷം ഫറോക്കിലെ സ്വകാര്യ ആശുപത്രിയില്‍ ജോലി ലഭിച്ചു. അവിടെ നിന്നും ലഭിച്ചിരുന്ന സ്റ്റൈപ്പന്റില്‍ നിന്നായിരുന്നു ജീവകാരുണ്യ പ്രവര്‍ത്തനങ്ങളുടെ തുടക്കം. അശരണരായ രോഗികള്‍ക്ക് മരുന്നുകള്‍ വാങ്ങി നല്‍കി. തുടര്‍ന്ന് രോഗീപരിചരണത്തിന് ഒപ്പം തന്നെ നാട്ടിലെ നിര്‍ധനരും നിരാലംബരുമായ നിരവധി പേരെ സഹായിക്കാനായി ജീവിതം ഉഴിഞ്ഞു വെച്ചു. രോഗികള്‍, ആശരണര്‍, അനാഥര്‍, പട്ടിണിക്കാര്‍, വിവാഹ പ്രായമെത്തിയ നിര്‍ധന പെണ്‍കുട്ടികള്‍, മനസ്സിന്റെ സമനില തെറ്റിയവര്‍ തുടങ്ങിയ അനേകം പേര്‍ക്ക് നര്‍ഗീസിലൂടെ സഹായമെത്തി. തലച്ചുമടായി കോളനികളിലും പാടികളിലും സാധനങ്ങളും വസ്ത്രങ്ങളും എത്തി. നര്‍ഗീസിന്റെ ജൂപ്പീറ്റര്‍ സ്കൂട്ടറിന്റെ ഇരമ്പം കേള്‍ക്കുമ്പോള്‍ ആശ്വാസത്തിന്റെ നെടുവീര്‍പ്പുകള്‍ ഉയരുന്ന കുടുംബങ്ങള്‍ അനവധിയായിരുന്നു.

നിർധനരും പണമില്ലാത്തവരുമായവര്‍ക്ക് സൗജന്യ ഷോപ്പിങ് എന്ന ആശയവുമായി നര്‍ഗീസ് തുടങ്ങിയ എയ്ഞ്ചല്‍സ് ജീവ കാരുണ്യ രംഗത്ത് കേരളം കാണാതൊരു സങ്കല്‍പ്പമായിരുന്നു. 2017 ഫെബ്രുവരി 18ന് തുടക്കം കുറിച്ച ഇവിടെ നിന്നും നിര്‍ധനര്‍ക്ക് സൗജന്യമായി വസ്ത്രങ്ങള്‍ ലഭിക്കും. വിവാഹത്തിനായി എടുക്കുന്ന വില കൂടിയ വസ്ത്രങ്ങള്‍ ഒരു തവണ മാത്രം ഉപയോഗിച്ച് പിന്നീട് ഉപയോഗിക്കാതെ അലമാരിയില്‍ സൂക്ഷിക്കുന്ന പലരുടെയും വിവാഹ വസ്ത്രങ്ങള്‍ എയ്ഞ്ചല്‍സിലൂടെ നിര്‍ധനരും യത്തീമുകളുമായ അനേകം പെണ്‍കുട്ടികളുടെ വിവാഹ സ്വപ്നങ്ങള്‍ക്ക് നിറം പകരുന്ന അമൂല്യ സമ്മാനങ്ങളായി മാറി. വിവാഹ വസ്ത്രങ്ങള്‍ സ്വപ്നമായി അവശേഷിക്കുന്ന നിര്‍ധനര്‍ക്ക് എയ്ഞ്ചല്‍സില്‍ നിന്നും സൗജന്യമായി വസ്ത്രങ്ങള്‍ ലഭിക്കും. എയ്ഞ്ചല്‍സ് ആരംഭിച്ച ആദ്യ വര്‍ഷം തന്നെ നിര്‍ധന കുടുംബങ്ങളിലെ 94 പെണ്‍കുട്ടികളാണ് ഇവിടെ നിന്നുള്ള വിവാഹ വസ്ത്രങ്ങള്‍ അണിഞ്ഞ് വിവാഹിതരായത്. ഇന്ന് നാലിലധികം ശാഖകള്‍ എയ്ഞ്ചല്‍സിനുണ്ട്.

വ്യവസ്ഥാപിതമായി പ്രവര്‍ത്തിക്കുമ്പോഴും ജീവകാരുണ്യ പ്രവര്‍ത്തനത്തിന്റെ സമസ്ത മേഖലകളിലും സുതാര്യമായ പ്രവര്‍ത്തനമാണ് നര്‍ഗീസിന്റെ പ്രത്യേകത. ഒരു വിമര്‍ശനത്തിനും പഴുത് കൊടുക്കാതെയുള്ള നര്‍ഗീസിന്റെ അത്യന്തം സുതാര്യമായ പ്രവര്‍ത്തനം ഇന്നത്തെ കേരളീയ സാഹചര്യത്തില്‍ അപൂര്‍വ്വമാണ് എന്ന് ജീവകാരുണ്യ പ്രവര്‍ത്തകരെ ചാരിറ്റി ബിസിനസ് എന്ന് വിശേഷിപ്പിക്കുന്ന വിമര്‍ശകര്‍ പോലും സമ്മതിക്കുന്നു. അനേകം പേര്‍ക്ക് വീട് വെച്ച് നല്‍കിയിട്ടും നര്‍ഗീസിന്റെയോ അഡോറയുടേയോ നേര്‍ക്ക് വിമര്‍ശനത്തിന്റെയോ അഴിമതിയുടെയോ സംശയ ദൃഷ്ടിപോലും ഇതുവരെ ഉയര്‍ന്നിട്ടില്ല.

ഫേസ് ബുക്കാണ് നര്‍ഗീസിന്റെ തട്ടകം. അതിലൂടെയാണ് ആശരണര്‍ക്കും രോഗികള്‍ക്കുമുള്ള പണം കണ്ടെത്തുന്നത്. സഹായം ആവശ്യമുള്ളവരുടെ വിവരങ്ങള്‍ തന്റെ ഫേസ്ബുക്ക് പേജിലൂടെ ലോകത്തെ അറിയിക്കുന്നു. പലപ്പോഴും പണം ആവശ്യമുള്ളവരുടെ ബാങ്ക് അക്കൗണ്ട് വിവരങ്ങളും മൊബൈല്‍ നമ്പരുകളും സഹിതമായിരിക്കും അഭ്യര്‍ഥനകള്‍.

വിവാഹ സമയത്തും നര്‍ഗീസിന്റെ കാരുണ്യ ചിന്തകള്‍ വ്യത്യസ്തമായി. മഹറായി എന്താണ് വേണ്ടത് എന്ന ചോദ്യത്തിന് ഒന്നരലക്ഷം രൂപ എന്നായിരുന്നു നര്‍ഗീസിന്റെ ഉത്തരം. വീഴ്ച്ചയില്‍ നട്ടെല്ല് തകര്‍ന്ന് ശയ്യാവലംബിയായ ഒരു കുടുംബത്തിന്റെ അത്താണിക്ക് ജീവിതമാര്‍ഗ്ഗമായി ഒരു ചെറിയ കട തുടങ്ങാനായി നല്‍കാനുള്ള പണമായിരുന്നു അത്.

രണ്ടു ചെറിയ കമ്മലും ഒന്നരലക്ഷം രൂപയും സ്വീകരിച്ച് സുബൈറിന്റെ നല്ല പാതിയായി കുടുംബ ജീവിതത്തിലേക്ക് പ്രവേശിക്കുന്ന നര്‍ഗീസിനു മനസ്സ് നിറഞ്ഞ ആശംസകളുമായി പിന്തുണ നല്‍കുകയാണ് സാമൂഹിക മാധ്യമങ്ങളിലെ പ്രവാസികളടങ്ങുന്ന അഭ്യുദയകാംക്ഷികള്‍.

 

Continue Reading

LATEST

നാട്ടില്‍ നിന്നും സൗദി യാത്രക്ക് അനുമതി നിഷേധിച്ചെന്ന് പ്രവാസി. പിഴവ് തങ്ങളുടേതല്ലെന്ന് എയര്‍ ഇന്ത്യ

Published

on

തിരുവനന്തപുരം വിമാനത്താവളത്തില്‍ നിന്നും യാത്രക്കാരനെ സൗദിയിലേക്ക് നേരിട്ട് പോകാന്‍ അനുവദിക്കാതെ മടക്കി അയച്ചതായി പരാതി. തിരുവനന്തപുരം ശ്രീകാര്യം സ്വദേശി അനീഷ്‌ രാധാകൃഷ്ണന്‍ നായരാണ് ബോര്‍ഡിംഗ് പാസ് നിഷേധിച്ചത് മൂലം യാത്ര മുടങ്ങിയെന്ന പരാതിയുമായി മുന്നോട്ടു വന്നത്.

സൗദിയില്‍ നിന്നും രണ്ടു വാക്സിന്‍ എടുത്തു തവക്കല്‍നയില്‍ ഇമ്മ്യൂണ്‍ ആയിട്ടും ഞായറാഴ്ച IX – 1581 എയര്‍ ഇന്ത്യ എക്പ്രസ് വിമാനത്തില്‍ ബോര്‍ഡിംഗ് പാസ് നല്‍കാതെ യാത്രാനുമതി നിഷേധിച്ചുവെന്നാണ് അനീഷ്‌ പറയുന്നത്. സൗദിയില്‍ നിന്നും ഫൈനല്‍ എക്സിറ്റില്‍ വന്നു പുതിയ വിസയില്‍ സൗദിയിലേക്ക് നേരിട്ട് യാത്ര ചെയ്യാനാണ് അനീഷ്‌ എത്തിയത്. ഖോബാറില്‍ ബോര്‍ഡ്, സൈന്‍ സ്ഥാപനത്തില്‍ ജോലിക്കാരനാണ് അനീഷ്‌.

രേഖകള്‍ ആവശ്യപ്പെട്ടപ്പോള്‍ തവക്കല്‍നയും മുഖീം രജിസ്ട്രേഷനും അടക്കമുള്ള രേഖകള്‍ നല്‍കി. റീ എന്‍ട്രി ആവശ്യപ്പെട്ടപ്പോള്‍ പുതിയ വിസയിലാണ് പോകുന്നതെന്നും അറിയിച്ചു. വിസ രേഖകള്‍ പരിശോധിച്ചപ്പോള്‍ 90 ദിവസം കാലാവധി കണ്ട് വിസിറ്റ് വിസ എന്ന് എയര്‍ ഇന്ത്യ ജീവനക്കാരന്‍ തെറ്റിദ്ധരിച്ചതായും അനീഷ്‌ ഞങ്ങളോട് പറഞ്ഞു. സാധാരണയായി പുതിയ വിസ 90 ദിവസത്തേക്കാണ് നല്‍കുക എന്നും സൗദിയില്‍ എത്തിയ ശേഷമാണ് ഇഖാമയും മറ്റു രേഖകളും നല്‍കുക എന്ന് താന്‍ പറഞ്ഞപ്പോള്‍ ബോര്‍ഡിംഗ് പാസ് തങ്ങള്‍ക്ക് നല്‍കാന്‍ ആവില്ലെന്നും മാനേജര്‍ വരുന്നത് വരെ കാത്തു നില്‍ക്കാനും ആവശ്യപ്പെട്ടു.

ഒരു മണിക്കൂറിന് ശേഷം എയര്‍ ഇന്ത്യ മാനേജര്‍ വന്നപ്പോള്‍ കൂടുതല്‍ വിശദീകരണത്തിന് അവസരം നല്‍കാതെ അനുമതി നിഷേധിക്കുകയായിരുന്നുവെന്നും അനീഷ്‌ പറയുന്നു. തന്റെ കൂടെ പത്തനംതിട്ടയില്‍ നിന്നുള്ള ഒരു യാത്രക്കാരനും കൂടി ഉണ്ടായിരുന്നുവെന്നും അയാള്‍ക്കും അനുമതി നല്‍കിയില്ല എന്നും അനീഷ്‌ വ്യക്തമാക്കി.

താന്‍ ഇക്കാര്യം എയര്‍പോര്‍ട്ട് മാനേജറെ അറിയിച്ചതിനെ തുടര്‍ന്ന് മാനേജര്‍ എയര്‍ ഇന്ത്യ സ്റ്റാഫിനെ വിളിച്ചു വരുത്തി. ഈ യാത്രക്കാരന് എന്ത് കൊണ്ടാണ് ബോര്‍ഡിംഗ് പാസ് നല്‍കാത്തതെന്ന് എയര്‍പോര്‍ട്ട് മാനേജര്‍ ചോദിച്ചപ്പോള്‍ സൗദി സിവില്‍ ഏവിയേഷന്‍ അതോറിറ്റി മെഡിക്കല്‍ സ്റ്റാഫിനെയും സൗദിയില്‍ നിന്നും രണ്ടു ഡോസ് വാക്സിന്‍ എടുത്ത റെസിഡന്റ് പെര്‍മിറ്റ്‌ ഉള്ളവരെയും മാത്രമാണ് കൊണ്ടുപോകാന്‍ അനുവാദം നല്‍കിയിരിക്കുന്നത് എന്നും തന്നെ കൊണ്ട് പോകാന്‍ സാധിക്കില്ലെന്നും പറഞ്ഞതായി അനീഷ്‌ പറയുന്നു.

ഈ വിഷയവുമായി ബന്ധപ്പെട്ട് കൂടുതല്‍ വിവരങ്ങള്‍ക്കായി പ്രവാസി കോര്‍ണര്‍ എയര്‍ ഇന്ത്യ അധികൃതരുമായി ബന്ധപ്പെടുകയുണ്ടായി. പുതിയ വിസ ആയതിനാലാണ് തിരുവനന്തപുരം എയര്‍പോര്‍ട്ടില്‍ നിന്നുള്ള യാത്രക്കാരന് യാത്രക്കുള്ള അനുമതി നിഷേധിച്ചത് എന്നാണ് ലഭിച്ച വിശദീകരണം. പ്രാഥമികമായി രേഖകള്‍ പരിശോധിച്ച ശേഷം യാത്ര ചെയ്യാന്‍ അനുമതി ഉണ്ടെന്ന് വ്യക്തമാക്കി എങ്കിലും കൂടുതല്‍ പരിശോധനയില്‍ റീ എന്‍ട്രി രേഖകള്‍ ആവശ്യപ്പെട്ടപ്പോഴാണ് വിസ പുതിയതാണ് എന്ന് വ്യക്തമായത്. വിസ കാലാവധി 90 ദിവസം എന്നാണ് കാണിച്ചിരുന്നത്. തുടര്‍ന്നാണ് അനുമതി നിഷേധിച്ചത്.

പുതിയ വിസയില്‍ വരുന്നവര്‍ക്ക് നേരിട്ട് യാത്ര ചെയ്യുന്നതിനുള്ള അനുമതി നല്‍കരുത് എന്നാണ് തങ്ങള്‍ക്ക് എയര്‍ ഇന്ത്യ അധികൃതര്‍ നല്‍കിയ നിര്‍ദ്ദേശം എന്ന് ജീവനക്കാര്‍ പറഞ്ഞു. സൗദിയില്‍ നിന്നും രണ്ടു വാക്സിന്‍ എടുത്ത ശേഷം തവക്കല്‍നയില്‍ ഇമ്മ്യൂണ്‍ ആയ റെസിഡന്റ് വിസ ഉള്ളവര്‍ക്ക് മാത്രം ബോര്‍ഡിംഗ് പാസ് അനുവദിച്ചാല്‍ മതിയെന്നാണ് തങ്ങള്‍ക്ക് ലഭിച്ചിട്ടുള്ള നിര്‍ദ്ദേശം. അത് ഞങ്ങള്‍ കൃത്യമായി പാലിക്കുന്നു. പരാതി ഉള്ളവര്‍ക്ക് മേലധികാരികള്‍ക്ക്‌ മുന്നില്‍ പരാതി സമര്‍പ്പിക്കാം. ഞങ്ങള്‍ക്ക് നല്‍കിയ നിര്‍ദ്ദേശം അക്ഷരം പ്രതി പാലിക്കാന്‍ ഞങ്ങള്‍ ബാധ്യസ്ഥരാണ്. അല്ലാത്ത പക്ഷം ഞങ്ങള്‍ക്കെതിരെ അച്ചടക്ക നടപടികളും ശിക്ഷാ നടപടികളും ഉണ്ടാകുമെന്നും പേര് വെളിപ്പെടുത്തരുത് എന്ന വ്യവസ്ഥയോടെ എയര്‍ ഇന്ത്യ ജീവനക്കാരന്‍ പ്രവാസി കോര്‍ണറിനോട്‌ വ്യക്തമാക്കി.

ഇക്കാര്യത്തില്‍ കൂടുതല്‍ അന്വേഷണങ്ങള്‍ നടത്തിയപ്പോള്‍ വ്യത്യസ്ത അനുഭവങ്ങളാണ് പ്രവാസികള്‍ക്ക് ഉണ്ടായതെന്നാണ് ഞങ്ങള്‍ക്ക് മനസ്സിലാക്കാന്‍ സാധിച്ചത്. സൗദിയില്‍ നിന്നും രണ്ടു വാക്സിന്‍ എടുത്ത് തവക്കല്‍നയില്‍ ഇമ്മ്യൂണ്‍ ആയവര്‍ക്ക് മാത്രമേ നേരിട്ട് സൗദിയിലേക്ക് യാത്ര ചെയ്യാനുള്ള അനുവാദമുള്ളൂ എന്ന് ട്രാവല്‍ ഏജന്‍സികള്‍ പറയുന്നു. എന്നാല്‍ ചില സന്ദര്‍ഭങ്ങളില്‍ യാത്രക്കാര്‍ നിര്‍ബന്ധം പിടിക്കുകയാണെങ്കില്‍ തടയാറില്ല എന്ന് ഒരു ട്രാവല്‍ ഏജന്‍സി ഉടമ പറഞ്ഞു.

ഇത്തരക്കാരെ പ്രോത്സാഹിപ്പിക്കാറില്ല. നിര്‍ബന്ധം പിടിക്കുന്നവര്‍ക്ക് ടിക്കറ്റ് തങ്ങള്‍ എടുത്തു കൊടുക്കാറില്ല. രേഖകള്‍ ശരിയാക്കി നല്‍കും. ടിക്കറ്റ് യാത്രക്കാരനോട് സ്വന്തമായി എടുക്കാന്‍ ആവശ്യപ്പെടും. പക്ഷെ ഒരു കാരണവശാലും എയര്‍ ഇന്ത്യ വിമാനത്തില്‍ ടിക്കറ്റ് ബുക്ക് ചെയ്യാന്‍ അനുവദിക്കാറില്ല. ഇങ്ങിനെ പോകുന്നവര്‍ അധികവും ഇന്‍ഡിഗോ സര്‍വീസാണ് തിരഞ്ഞെടുക്കുന്നത്.

താന്‍ ഫൈനല്‍ എക്സിറ്റില്‍ നാട്ടിലേക്ക് പോയ ശേഷം നാട്ടില്‍ നിന്നും പുതിയ വിസയില്‍ നേരിട്ടാണ് സൗദിയിലേക്ക് തിരിച്ചെത്തിയത് എന്ന് ജിദ്ദയില്‍ നിന്നും മലപ്പുറം മങ്കട സ്വദേശി ഫൈസല്‍ പ്രവാസി കോര്‍ണറിനോട് പറഞ്ഞു. സൗദിയില്‍ നിന്നും രണ്ടു വാക്സിന്‍ എടുത്ത് ഇമ്മ്യൂണ്‍ ആയ ശേഷം ജൂണ്‍ മൂന്നിന് ഫൈനല്‍ എക്സിറ്റില്‍ നാട്ടിലേക്ക് പോയി. കഴിഞ്ഞ മാസം 18 ന് നെടുമ്പാശ്ശേരിയില്‍ നിന്നും ഇന്‍ഡിഗോ വിമാനത്തിലാണ് സൗദിയിലേക്ക് തിരിച്ചെത്തിയത്. ജിദ്ദയില്‍ ഡ്രൈവറായി ജോലി ചെയ്യുകയാണ് ഫൈസല്‍.

ഒരു വര്‍ഷം 12,000 റിയാലോളം ലെവിയായി കൊടുക്കേണ്ടി വരുന്നത് കൊണ്ടാണ് വിസ മാറാന്‍ തീരുമാനിച്ചത്. ഇപ്പോള്‍ ഹൗസ് ഡ്രൈവര്‍ വിസയിലേക്കാണ് മാറിയത്. യാത്ര രേഖകള്‍ അക്ബര്‍ ട്രാവല്‍സ് തയ്യാറാക്കി നല്‍കിയെങ്കിലും വിമാന ടിക്കറ്റ് എടുത്തു കൊടുക്കാന്‍ വിസമ്മതിച്ചു. തന്റെ സ്വന്തം റിസ്ക്കില്‍ മഞ്ചേരിയില്‍ നിന്നുള്ള മറ്റൊരു ട്രാവല്‍ ഏജന്‍സി മുഖേനയാണ് ടിക്കറ്റ് എടുത്തതെന്നും ഫൈസല്‍ ഞങ്ങളോട് പറഞ്ഞു.

തന്റെ കമ്പനിയില്‍ ഇത് പോലെ തന്നെ ഒരാള്‍ തിരിച്ചെത്തിയതായി നേരിട്ടറിയാം എന്ന് അനീഷ്‌ രാധാകൃഷ്ണന്‍ പറയുന്നു. തന്റെ യാത്ര മുടങ്ങിയതോടെ ഇതിനെ കുറിച്ച് താന്‍ കൂടുതല്‍ അന്വേഷിച്ചു. സൗദിയില്‍ നിന്നും രണ്ടു ഡോസ് വാക്സിന്‍ എടുത്ത് ഇമ്മ്യൂണ്‍ ആയ ശേഷം ഫൈനല്‍ എക്സിറ്റില്‍ നാട്ടിലെത്തി പുതിയ വിസയില്‍ സൗദിയിലേക്ക് തിരിച്ചു പോയ എട്ടു പേരുടെ വിവരങ്ങള്‍ തന്റെ കൈവശം ഉണ്ടെന്ന് അനീഷ്‌ പറയുന്നു. പക്ഷെ ഈ എട്ടു പേരില്‍ ഒരാള്‍ പോലും എയര്‍ ഇന്ത്യ എക്പ്രസ് വഴിയല്ല പോയിരിക്കുന്നത്.

കോഴിക്കോടുള്ള ഒരു ട്രാവല്‍ ഏജന്‍സി തന്നെ കൊണ്ട് പോകാമെന്ന് ഏറ്റിട്ടുണ്ട് എന്ന് അനീഷ്‌ പറയുന്നു. സൗദിയില്‍ നിന്നും രണ്ടു ഡോസ് വാക്സിന്‍ എടുത്തിട്ടുള്ളതിനാല്‍ അടുത്ത 29 ന് കൊച്ചിയില്‍ നിന്നും ആരോഗ്യ പ്രവര്‍ത്തകരെ കൊണ്ട് പോകുന്ന ചാര്‍ട്ടേഡ്‌ ഫ്ലൈറ്റില്‍ കൊണ്ട് പോകാമെന്നാണ് അറിയിച്ചിട്ടുള്ളത്.

എന്നാല്‍ ഇനിയൊരു ഭാഗ്യ പരീക്ഷണത്തിന് ഇല്ലെന്ന് അനീഷ്‌ പറയുന്നു. ഇപ്പോള്‍ തന്നെ ടിക്കറ്റ് വകയില്‍ 40,000 രൂപയോളം നഷ്ടമായി. മാത്രമല്ല അടിയന്തിരമായി തനിക്ക് സൗദിയിലേക്ക് തിരിച്ച് എത്തേണ്ടതായിട്ടുണ്ട്. സൗദിയില്‍ ഫൈനല്‍ എക്സിറ്റില്‍ തുടരുമ്പോഴാണ് നാട്ടില്‍ അച്ഛന്‍ മരണപ്പെട്ടത്. അത് മൂലം ഉടനെ നാട്ടിലെത്തുകയായിരുന്നു. ഒരു മാസത്തെ അവധിയാണ് കമ്പനി നല്‍കിയിട്ടുള്ളത്. അതിനാല്‍ എത്രയും വേഗം ബഹറിന്‍ വഴി സൗദിയിലേക്ക് തിരിച്ചെത്താനാണ് തീരുമാനമെന്നും അനീഷ്‌ പറയുന്നു.

ഈ മാസം 10 ന് സൗദിയിൽ നിന്ന് രണ്ട് ഡോസ് വാക്സിനെടുത്ത ശേഷം പുതിയ വിസയുമായി എക്സിറ്റിൽ നാട്ടിലെത്തിയ സൗദി പ്രവാസിയെ പുതിയ വിസയുമായി സൗദിയിലേക്ക് നേരിട്ട് പോകാൻ അനുവദിക്കാതെ തിരുവനന്തപുരം എയർപോർട്ടിൽ നിന്ന് എയര്‍ ഇന്ത്യ ജീവനക്കാര്‍ ബോര്‍ഡിംഗ് പാസ് നിഷേധിച്ച് തിരിച്ചയച്ചിരുന്നു.

ആരോഗ്യ പ്രവര്‍ത്തകരും നയതന്ത്ര പ്രതിനിധികളും രണ്ടു വാക്സിന്‍ സൗദിയില്‍ നിന്നും എടുത്തവരും കൂടാതെ യൂണിവേഴ്‌സിറ്റി അധ്യാപകർ, പൊതുവിദ്യാഭ്യാസ മേഖലയിലെ അധ്യാപകർ, ടെക്‌നിക്കൽ കോളേജുകളിലെ അധ്യാപകർ എന്നിവർക്കാണ് നേരിട്ട് വരാൻ നിലവില്‍ അനുമതിയുള്ളത്.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/J1zYcdCGveeItkPfTH4vck

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

തവക്കല്‍ന മൂലം കഴിഞ്ഞ ദിവസം ബോര്‍ഡിംഗ് പാസ് നിഷേധിച്ച മലയാളിയെ പുതിയ ടിക്കറ്റ് എടുക്കാതെ യു.എ.ഇ യില്‍ നിന്നും ഇന്ന് സൗദിയില്‍ എത്തിച്ച് എയര്‍ അറേബ്യ

Published

on

റിയാദ്: രേഖകളുടെ അഭാവത്തില്‍ കഴിഞ്ഞ ദിവസം എയര്‍ അറേബ്യ വിമാന കമ്പനി അധികൃതര്‍ ഷാര്‍ജയില്‍ നിന്നും യാത്രാനുമതി നിഷേധിച്ച യുവാവ് ഇന്ന് സൗദിയില്‍ തിരിച്ചെത്തി. ഇന്ന് യു.എ.ഇ സമയം 4.35 നുള്ള എയര്‍ അറേബ്യ വിമാനത്തില്‍ തിരുവല്ല സ്വദേശിയായ ബോണി മാമ്മനാണ് ദമ്മാമില്‍ തിരിച്ചെത്തിയത്. ദമ്മാമില്‍ നെസ്മ കമ്പനിയില്‍ ജീവനക്കാരനാണ് ബോണി.

കഴിഞ്ഞ ദിവസം സൗദിയിലേക്ക് യാത്ര ചെയ്യുന്നതിനായി ഷാര്‍ജ എയര്‍പോര്‍ട്ടില്‍ എത്തിയ ബോണിയോട് ബോര്‍ഡിംഗ് പാസിനായി ആവശ്യപ്പെട്ട രേഖകള്‍ സമര്‍പ്പിച്ചപ്പോഴാണ് രണ്ടു വാക്സിന്‍ എടുത്ത് ഇമ്മ്യൂണ്‍ ആയതിനു തെളിവായി തവക്കല്‍ന മൊബൈലില്‍ കാണിക്കാന്‍ ആവശ്യപ്പെത്. നാട്ടില്‍ വെച്ച് സിം റദ്ദായി പോയതിനാല്‍ അതിന് സാധിക്കില്ലെന്ന്അറിയിച്ചപ്പോള്‍ സ്വിഹതി അപ്ളിക്കേഷന്‍ മെഡിക്കല്‍ റിപ്പോര്‍ട്ട് ആവശ്യപ്പെട്ടു. അത് കാണിക്കാന്‍ സാധിക്കാതിരുന്നതോടെ ബോര്‍ഡിംഗ് പാസ് നിഷേധിക്കുകയായിരുന്നു. പിന്നീട് എയര്‍ അറേബ്യയുടെ സൂപ്പര്‍വൈസറെ കണ്ടു സംസാരിച്ചെങ്കിലും അപ്പോഴേക്കും ഫ്ലൈറ്റ് പോയിരുന്നു.

തുടര്‍ന്ന് ബസ് മാര്‍ഗ്ഗമുള്ള യാത്ര സൗകര്യം ചെയ്തു തരാമെന്ന് വിമാന കമ്പനി സ്റ്റാഫ്‌ അറിയിച്ചെങ്കിലും നിരസിച്ചതായി ബോണി പറഞ്ഞു. തുടര്‍ന്ന് ഇനി ദാമ്മാമിലേക്ക് ഫ്ലൈറ്റ് ഇല്ലെന്നും അടുത്ത ദിവസം മാത്രമേ യാത്ര ചെയ്യാന്‍ സാധിക്കൂ എന്നും വിമാന കമ്പനി അറിയിച്ചു.

അടുത്ത ദിവസം പുതിയ ടിക്കറ്റും രേഖകളുമായി വരാന്‍ വിമാന കമ്പനി അധികൃതര്‍ ആവശ്യപ്പെട്ടുവെങ്കിലും അടുത്ത ദിവസത്തെ യാത്രക്ക് പുതിയ ടിക്കറ്റ് എടുക്കാന്‍ തനിക്ക് സാധിക്കില്ലെന്നും തന്നെ ദമ്മാമില്‍ എത്തിക്കേണ്ട ഉത്തരവാദിത്വം വിമാന കമ്പനി ഏറ്റെടുക്കണമെന്നും ബോണി നിലപാടെടുത്തതോടെ എയര്‍ അറേബ്യ അധികൃതര്‍ പഴയ ടിക്കറ്റില്‍ എന്‍ഡോഴ്സ് ചെയ്തു നല്‍കുകയായിരുന്നു. ഇത് മൂലം പുതിയ ടിക്കറ്റിന് പണം മുടക്കാതെ തന്നെ ഇന്ന് ദമ്മാമില്‍ തിരിച്ചെത്താന്‍ ബോണിക്ക് സാധിച്ചു.

എയര്‍പോര്‍ട്ടില്‍ നിന്നും പുറത്തിറങ്ങിയാല്‍ അടുത്ത ദിവസം യാത്ര ചെയ്യുന്നതിന് സാങ്കേതിക തടസ്സങ്ങള്‍ ഉണ്ടാകുമെന്ന് മനസ്സിലാക്കിയ ബോണി പുറത്തിറങ്ങാതെ എയര്‍പോര്‍ട്ടില്‍ തന്നെ കഴിച്ചു കൂട്ടി. അതിനിടയില്‍ നാട്ടിലെ ട്രാവല്‍ ഏജന്‍സി ഇടപെട്ട് സൗദിയില്‍ നിന്നും മറ്റൊരാളുടെ സഹായത്തോടെ വിമാന കമ്പനി ആവശ്യപ്പെട്ട സ്വിഹതി അപ്ളിക്കേഷനിലെ ആവശ്യമായ രേഖയും സംഘടിപ്പിച്ചു.

ഇന്നത്തെ യാത്രക്ക് പുതിയ തടസ്സങ്ങള്‍ ഇല്ലാതിരിക്കാന്‍ പുതിയ ആര്‍.ടി.പി.സി.ആര്‍ എടുക്കുകയും ചെയ്തു. തുടര്‍ന്ന് ഇന്ന് കഴിഞ്ഞ ദിവസം യാത്ര മുടങ്ങിയ അതേ ഫ്ലൈറ്റില്‍ അതേ സമയത്ത് തന്നെ പുതിയ ടിക്കറ്റിന് പണം ഈടാക്കാതെ എയര്‍ അറേബ്യ ബോണിയെ ദമ്മാമിലെത്തിക്കുകയായിരുന്നു.

കഴിഞ്ഞ ദിവസം ബോണിയെ കൂടാതെ മൂന്ന് മലയാളികളുടെ കൂടി യാത്ര സമാനമായ കാരണത്താല്‍ മുടങ്ങിയിരുന്നു. അവരില്‍ രണ്ടു പേര്‍ കര മാര്‍ഗ്ഗം സൗദിയിലേക്ക് തിരിച്ചതായി അറിയാന്‍ സാധിച്ചുവെന്ന് ബോണി പറയുന്നു. ഒരാള്‍ എന്ത് ചെയ്തു എന്നതിനെ കുറിച്ച് വിവരമൊന്നുമില്ല.

ദമ്മാമില്‍ നെസ്മ കമ്പനിയുടെ കാറ്ററിംഗ് വിഭാഗത്തില്‍ വെയിറ്റര്‍ ആയി ജോലി ചെയ്യുന്ന ബോണി അവധിയില്‍ നാട്ടില്‍ എത്തി യു.എ.ഇ വഴി തിരിച്ചു പോകുന്നതിനായി എത്തിയപ്പോഴാണ് ഷാര്‍ജ എയര്‍പോര്‍ട്ടില്‍ കഴിഞ്ഞ ദിവസം യാത്ര മുടങ്ങിയത്.

ഒക്ടോബര്‍ ഒന്നാം തിയ്യതിയാണ് ബോണി സൗദിയിലേക്ക് യാത്ര ചെയ്യുന്നതിനായി റാസല്‍ ഖൈമയില്‍ എത്തിയത്. അവിടുത്തെ പതിനാലു ദിവസത്തെ താമസത്തിന് ശേഷം സൗദിയിലേക്ക് പ്രവേശിക്കുന്നതിനായി കഴിഞ്ഞ ദിവസം ഷാര്‍ജ എയര്‍പോര്‍ട്ടില്‍ നിന്നും യു.എ.ഇ സമയം 04.35 നുള്ള G-91161 എയര്‍ അറേബ്യ വിമാനത്തില്‍ സൗദിയിലേക്ക് ടിക്കറ്റ് മുന്‍കൂട്ടി തന്നെ എടുത്തിരുന്നു. തിരൂരിലെ സഹാറ ട്രാവല്‍സ വഴിയാണ് ടിക്കറ്റ് ബുക്ക് ചെയ്തിരുന്നത്.

തവക്കല്‍ന മൊബൈലില്‍ കാണിക്കാനോ സ്വിഹതി അപ്ളിക്കേഷന്‍ മെഡിക്കല്‍ റിപ്പോര്‍ട്ട് കാണിക്കണോ സാധിക്കാത്തതിനാല്‍ ബോണിക്ക് എയര്‍ അറേബ്യ സ്റ്റാഫ് ബോര്‍ഡിംഗ് പാസ് നിഷേധിക്കുകയായിരുന്നു. പിന്നീട് എയര്‍ അറേബ്യയുടെ സൂപ്പര്‍വൈസറെ കണ്ടു സംസാരിച്ചെങ്കിലും അപ്പോഴേക്കും ഫ്ലൈറ്റ് പോയിരുന്നു.

അതിനു ശേഷം ഒരു ദിവസത്തോളം എയര്‍പോര്‍ട്ടില്‍ തന്നെ കഴിഞ്ഞ ബോണിക്ക് പുതിയ ആര്‍.ടി.പി.സി.ആര്‍ ടെസ്റ്റിന് പണം കൊടുത്തതോടെ കൈവശമുള്ള പണവും കഴിഞ്ഞിരുന്നു. ഭക്ഷണത്തിന് ആവശ്യമായ പണം കൈവശം ഇല്ലാതായപ്പോള്‍ ഭക്ഷണം ആവശ്യപ്പെട്ട് എയര്‍ അറേബ്യ ഓഫീസ് സ്റ്റാഫിനെ സമീപിച്ചപ്പോള്‍ അത് തങ്ങളുടെ ഉത്തരവാദിത്വം അല്ലെന്ന് പറഞ്ഞ് ഒഴിഞ്ഞു മാറുകയായിരുന്നു എന്ന് ബോണി പറയുന്നു.

യാത്ര മുടങ്ങിയ വിവരം അറിഞ്ഞു ഒരുപാട് പേര്‍ താനുമായി ബന്ധപ്പെട്ട് ആവശ്യമായ സഹായങ്ങള്‍ വാഗ്ദാനം ചെയ്തതായി ബോണി പറഞ്ഞു. ദമ്മാമില്‍ സുരക്ഷിതനായി തിരിച്ചെത്താന്‍ ആവശ്യമായ സഹായം നല്‍കിയ എല്ലാവര്‍ക്കും ബോണി നന്ദി അറിയിച്ചു.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/J1zYcdCGveeItkPfTH4vck

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading
LATEST2 hours ago

ജിദ്ദ പ്രവാസിയുടെ കൈ പിടിച്ച് പ്രമുഖ ജീവ കാരുണ്യ പ്രവർത്തക നര്‍ഗീസ് പുതിയ ജീവിതത്തിലേക്ക്

LATEST3 days ago

നാട്ടില്‍ നിന്നും സൗദി യാത്രക്ക് അനുമതി നിഷേധിച്ചെന്ന് പ്രവാസി. പിഴവ് തങ്ങളുടേതല്ലെന്ന് എയര്‍ ഇന്ത്യ

LATEST5 days ago

തവക്കല്‍ന മൂലം കഴിഞ്ഞ ദിവസം ബോര്‍ഡിംഗ് പാസ് നിഷേധിച്ച മലയാളിയെ പുതിയ ടിക്കറ്റ് എടുക്കാതെ യു.എ.ഇ യില്‍ നിന്നും ഇന്ന് സൗദിയില്‍ എത്തിച്ച് എയര്‍ അറേബ്യ

LATEST6 days ago

തവക്കല്‍നയില്‍ വീണ്ടും യു.എ.ഇ യില്‍ നിന്നും സൗദിയിലേക്കുള്ള നാല് മലയാളികളുടെ യാത്ര മുടങ്ങി. 

LATEST1 week ago

ബോര്‍ഡിംഗ് പാസ് നല്‍കാതെ സച്ചിദാനന്ദന്റെ സൗദി യാത്ര മുടക്കിയ ആ മലയാളി സ്റ്റാഫ് ഇത് കേള്‍ക്കുന്നുണ്ടോ?

LATEST1 week ago

സൗദിയിലേക്ക് തിരിച്ചു പോകുന്ന പ്രവാസികള്‍ ഏറ്റവും അധികം ചോദിച്ച 12 സംശയങ്ങള്‍

LATEST2 weeks ago

സൗദിയിലെ തൊഴില്‍ യോഗ്യതാ പരീക്ഷ മൂലം ഇഖാമ പുതുക്കാന്‍ സാധിക്കാതെ യാത്ര മുടങ്ങുമോ എന്ന് പരിശോധിക്കാനുള്ള നടപടി ക്രമങ്ങള്‍

LATEST2 weeks ago

സൗദി പ്രവാസികള്‍ ഈ കാര്യം ശ്രദ്ധിച്ചില്ലെങ്കില്‍ സൗദിയിലേക്ക് തിരിച്ചു വരവ് എളുപ്പമാകില്ല.

LATEST2 weeks ago

സൗദിയിലെ പ്രവാസികള്‍ക്ക് വേദനയും അഭിമാനവും പകര്‍ന്ന നിമിഷങ്ങള്‍.

LATEST2 weeks ago

നാട്ടിലുള്ളവര്‍ക്ക് തവക്കല്‍ന രജിസ്റ്റര്‍ ചെയ്യാന്‍ ഇപ്പോള്‍ അവസരം. നടപടി ക്രമങ്ങള്‍ വിശദമായി അറിയുക

LATEST2 weeks ago

രണ്ടാഴ്ചക്കുള്ളില്‍ ഇന്ത്യയില്‍ നിന്നും സൗദിയിലേക്ക് നേരിട്ട് പ്രവേശനം അനുവദിക്കുമെന്ന് സൂചന നല്‍കി ഇന്ത്യന്‍ അംബാസഡര്‍

LATEST2 weeks ago

പ്രവാസ ജീവിതത്തില്‍ നിന്നും സമ്പാദിച്ച പണം കൊണ്ട് ഭാര്യയുടെ പേരില്‍ വാങ്ങിയ സ്വത്തിന് പ്രവാസിക്ക് അവകാശമില്ലേ?

LATEST2 weeks ago

ഈ വഴിയിലൂടെ എത്രയും പെട്ടെന്ന് സൗദിയിലേക്ക് തിരിച്ചെത്തുന്നതാണ് നല്ലതെന്ന് വിദഗ്ദര്‍. നേരിട്ടുള്ള പ്രവേശനം കാത്തിരിക്കുന്നതില്‍ അര്‍ത്ഥമില്ല.

LATEST3 weeks ago

മക്കയിലും മദീനയിലും വിശുദ്ധ ഹറമുകളില്‍ പോകുന്നവര്‍ ഇക്കാര്യം പ്രത്യേകം ശ്രദ്ധിക്കുക.

LATEST3 weeks ago

സൗദിയില്‍ വിദേശികള്‍ക്ക് നേരിടേണ്ടി വരിക ദ്വിമുഖ പരിശോധനകള്‍

LATEST1 week ago

ബോര്‍ഡിംഗ് പാസ് നല്‍കാതെ സച്ചിദാനന്ദന്റെ സൗദി യാത്ര മുടക്കിയ ആ മലയാളി സ്റ്റാഫ് ഇത് കേള്‍ക്കുന്നുണ്ടോ?

LATEST2 weeks ago

സൗദി പ്രവാസികള്‍ ഈ കാര്യം ശ്രദ്ധിച്ചില്ലെങ്കില്‍ സൗദിയിലേക്ക് തിരിച്ചു വരവ് എളുപ്പമാകില്ല.

LATEST1 week ago

സൗദിയിലേക്ക് തിരിച്ചു പോകുന്ന പ്രവാസികള്‍ ഏറ്റവും അധികം ചോദിച്ച 12 സംശയങ്ങള്‍

LATEST4 weeks ago

പ്രവാസ ജീവിത അവസാനിപ്പിച്ച് മൂന്ന് വര്‍ഷം കഴിഞ്ഞിട്ടും എല്ലാ മാസവും സ്പോണ്‍സറില്‍ നിന്നും മുടങ്ങാതെ ശമ്പളം ലഭിക്കുന്ന മലയാളി

LATEST6 days ago

തവക്കല്‍നയില്‍ വീണ്ടും യു.എ.ഇ യില്‍ നിന്നും സൗദിയിലേക്കുള്ള നാല് മലയാളികളുടെ യാത്ര മുടങ്ങി. 

LATEST3 weeks ago

സൗദിയിലേക്ക് മടങ്ങുന്നവരുടെ യാത്ര മുടങ്ങാതിരിക്കാന്‍ ഇത് നിര്‍ബന്ധമായും വായിക്കുക.

LATEST2 weeks ago

സൗദിയിലെ പ്രവാസികള്‍ക്ക് വേദനയും അഭിമാനവും പകര്‍ന്ന നിമിഷങ്ങള്‍.

LATEST2 weeks ago

സൗദിയിലെ തൊഴില്‍ യോഗ്യതാ പരീക്ഷ മൂലം ഇഖാമ പുതുക്കാന്‍ സാധിക്കാതെ യാത്ര മുടങ്ങുമോ എന്ന് പരിശോധിക്കാനുള്ള നടപടി ക്രമങ്ങള്‍

LATEST5 days ago

തവക്കല്‍ന മൂലം കഴിഞ്ഞ ദിവസം ബോര്‍ഡിംഗ് പാസ് നിഷേധിച്ച മലയാളിയെ പുതിയ ടിക്കറ്റ് എടുക്കാതെ യു.എ.ഇ യില്‍ നിന്നും ഇന്ന് സൗദിയില്‍ എത്തിച്ച് എയര്‍ അറേബ്യ

LATEST3 weeks ago

സൗദിയിലേക്ക് വരുന്നതിന് മുന്‍പുള്ള ഖുദും, മുഖീം, അറൈവല്‍ പ്ലാറ്റ്ഫോം രജിസ്ട്രേഷന്‍ നടപടി ക്രമങ്ങള്‍ അറിയുക.

LATEST3 weeks ago

സൗദിയിലേക്ക് യു.എ.ഇ വഴിയുള്ള യാത്ര സുരക്ഷിതമാക്കാന്‍ ചില പ്രായോഗിക നിര്‍ദ്ദേശങ്ങള്‍

LATEST4 weeks ago

തവക്കല്‍ന മൂലം സൗദിയിലേക്കുള്ള യാത്ര മുടങ്ങുമോ എന്ന് ആശങ്കപ്പെടുന്നവരുടെ ശ്രദ്ധക്ക്  

LATEST3 days ago

നാട്ടില്‍ നിന്നും സൗദി യാത്രക്ക് അനുമതി നിഷേധിച്ചെന്ന് പ്രവാസി. പിഴവ് തങ്ങളുടേതല്ലെന്ന് എയര്‍ ഇന്ത്യ

LATEST3 weeks ago

മക്കയിലും മദീനയിലും വിശുദ്ധ ഹറമുകളില്‍ പോകുന്നവര്‍ ഇക്കാര്യം പ്രത്യേകം ശ്രദ്ധിക്കുക.

LATEST2 weeks ago

നാട്ടിലുള്ളവര്‍ക്ക് തവക്കല്‍ന രജിസ്റ്റര്‍ ചെയ്യാന്‍ ഇപ്പോള്‍ അവസരം. നടപടി ക്രമങ്ങള്‍ വിശദമായി അറിയുക

Trending

error: Content is protected !!