Connect with us

LATEST

സൗദിയില്‍ ജോലി ചെയ്ത് നീണ്ട വര്‍ഷങ്ങള്‍ തങ്ങേണ്ടി വന്നാലും ഭാവി സുരക്ഷിതമാക്കാം

Published

on

നിങ്ങള്‍ സൗദിയില്‍ 2000 റിയാല്‍ ശമ്പളത്തിന് 10 വര്‍ഷം ജോലിയെടുക്കുന്നു. പത്തു വര്‍ഷത്തിനു ശേഷം ജോലി അവസാനിപ്പിച്ച് നാട്ടിലേക്ക് തിരിച്ചു പോകുമ്പോള്‍ നിങ്ങള്‍ക്ക് എന്ത് കിട്ടും? ഈ ചോദ്യത്തിന് ശരാശരിക്കാരായ ഭൂരിഭാഗം പ്രവാസികളുടേയും മറുപടി ഒന്നും കിട്ടില്ല, വെറും കയ്യോടെ എന്നൊക്കെയായിരിക്കും. എന്നാല്‍ പത്തു വര്‍ഷത്തിനു ശേഷം തിരിച്ചു പോകുന്ന സമയത്ത് സ്പോണ്‍സര്‍ നല്‍കുന്ന 15,000 റിയാലുമായി നാട്ടിലേക്ക് മടങ്ങുന്ന പ്രവാസികളുടെ അനുഭവങ്ങള്‍ നിങ്ങള്‍ക്ക് അപരിചിതമായിരിക്കും. എന്നാല്‍ ഒരു വിഭാഗം പ്രവാസികള്‍ക്ക് അങ്ങിനെയും സൗദി അറേബ്യയില്‍ നിന്നും തിരിച്ചു പോകുമ്പോള്‍ ലഭിക്കുന്നുണ്ട്.

നിങ്ങളുടെ പ്രതിമാസ ശമ്പളത്തെ അടിസ്ഥാനപ്പെടുത്തി സമാനമായ തുക സൗദിയില്‍ നിന്നും ജോലി അവസാനിപ്പിച്ച് തിരിച്ചു പോകുമ്പോള്‍ ലഭിക്കാന്‍ നിങ്ങള്‍ക്കും അര്‍ഹതയുണ്ട്. നിങ്ങള്‍ക്ക് ഈ തുക നല്‍കണമെന്ന് സൗദി തൊഴില്‍ നിയമത്തില്‍ വ്യക്തമായ നിര്‍ദ്ദേശവും ഉണ്ട്. സേവനാനന്തര ആനുകൂല്യം അഥവാ End of Service Benefit (ESB) എന്ന നിബന്ധന ഉള്‍ക്കൊള്ളുന്ന സൗദി തൊഴില്‍ നിയമത്തിലെ പ്രധാനപ്പെട്ട ഒരു വ്യവസ്ഥ പ്രകാരമാണ് നിങ്ങള്‍ക്കും ഈ തുക ലഭിക്കേണ്ടത്.

എങ്കിലും ഈ തുക നിങ്ങള്‍ക്ക് ലഭിക്കാതെ പോകുന്നത് എന്ത് കൊണ്ടാണ്? എത്ര തുകയാണ് നിങ്ങള്‍ക്ക് ലഭിക്കേണ്ടത്, ഈ തുകയില്‍ കുറവ് ഉണ്ടാകുന്ന സാഹചര്യങ്ങള്‍ ഇതൊക്കെയാണ്, ഈ തുക നിങ്ങള്‍ക്ക് ലഭിക്കാതിരിക്കാനുള്ള കാരണങ്ങള്‍ എന്തൊക്കെയാണ് തുടങ്ങിയ കാര്യങ്ങളാണ് ഇവിടെ വിവരിക്കുന്നത്.

എന്താണ് ഇ.എസ്.ബി

സൗദി തൊഴില്‍ നിയമത്തിലെ ഏറ്റവും ഉപകാര പ്രദവും തൊഴിലാളി സൗഹാര്‍ദ്ദ പ്രകാരവുമായി തോന്നിയിട്ടുള്ള ഒരു വ്യവസ്ഥയാണ്‌ ഇത്. അതിന്റെ ആശയം വളരെ ലളിതവുമാണ്. ഒരാള്‍ സൗദിയില്‍ തന്റെ കമ്പനിയ്ക്കോ സ്ഥാപനത്തിനോ വേണ്ടി വര്‍ഷങ്ങളോളം തന്റെ സേവനം നല്‍കുന്നു. അതിനു പകരമായി ആ തൊഴിലാളിക്ക് ആ സ്ഥാപനത്തില്‍ നിന്നും പിരിഞ്ഞു പോകുന്ന അവസരത്തില്‍ ആ തൊഴിലാളിയുടെ സേവനത്തെ വിലമതിച്ചു കൊണ്ട് തൊഴിലുടമ തൊഴില്‍ നിയമം നിഷ്കര്‍ഷിച്ച പ്രകാരം നല്‍കുന്ന ഒരു ആനുകൂല്യമാണ് ഇ.എസ്.ബി. അതായത് തന്റെ തൊഴില്‍ ജീവിതത്തിലെ ഒരു ഭാഗം കമ്പനിക്ക് വേണ്ടി സമര്‍പ്പിച്ചതിനു പ്രത്യുപകാരമായി സ്ഥാപനം ജീവനക്കാരന് തിരിച്ചു നല്‍കുന്ന ഒരു ആനുകൂല്യം എന്ന് ഇതിനെ വളരെ ലളിതമായി പറയാം.

ആര്‍ക്കൊക്കെ ഇ.എസ്.ബി ലഭിക്കും

സൗദി അറേബ്യയില്‍ ഗാര്‍ഹിക വിസക്കാര്‍ ഒഴികെയുള്ള എല്ലാവര്‍ക്കും ഇ.എസ്.ബി ലഭിക്കാന്‍ അര്‍ഹതയുണ്ട്. (ഗാര്‍ഹിക വിസക്കാര്‍ സൗദി തൊഴില്‍ നിയമത്തിന്റെ പരിധിയില്‍ ഉള്‍പ്പെടാത്തത് കൊണ്ടാണ് അവര്‍ക്ക് ഇ.എസ്.ബി ആനുകൂല്യം ലഭിക്കാത്തത്. അവര്‍ക്ക് പ്രത്യേകമായുള്ള മറ്റു നിയമാവലി നിലവിലുണ്ട്.) ഇ.എസ്.ബി ആനുകൂല്യം ലഭിക്കാന്‍ ശമ്പള പരിധിയില്ല.

നിങ്ങള്‍ എത്ര വര്‍ഷമാണ്‌ ഈ സ്ഥാപനത്തില്‍ ജോലി ചെയ്തത്, ഏതു സാഹചര്യത്തിലാണ് നിങ്ങള്‍ തൊഴില്‍ കരാര്‍ അവസാനിപ്പിച്ച് തിരിച്ചു പോകുന്നത് എന്നത് മാത്രമേ ഇ.എസ്.ബി ആനുകൂല്യം ലഭിക്കുന്നതിനുള്ള മാനദണ്ഡമായി കണക്കാക്കുന്നുള്ളൂ. സാധാരണ ജീവനക്കാരന്‍ മുതല്‍ മധ്യതല ജീവനക്കാരനും ഉന്നത തസ്തികയില്‍ ജോലി ചെയ്യുന്ന ഹൈ പ്രൊഫൈല്‍ ജീവനക്കാരനും ഒരു പോലെ ഈ നിയമം ബാധകമാണ്.

എന്ത് കൊണ്ടാണ് മലയാളികള്‍ അടക്കമുള്ള ഭൂരിഭാഗം വിദേശികള്‍ക്കും ഇ.എസ്.ബി പോലുള്ള ഒരു ആനുകൂല്യവും ലഭിക്കാത്തത്?

ഇ.എസ്.ബി യെ കുറിച്ച് പറയുമ്പോഴും എഴുതുമ്പോഴും സാധാരണക്കാരായ ഭൂരിഭാഗം പ്രവാസികളും വളരെ നെഗറ്റീവ് ആയാണ് സംസാരിക്കാറുള്ളത് എന്നാണ് അനുഭവത്തില്‍ നിന്നും വ്യക്തമാവുന്നത്. എന്റെ സ്പോണ്‍സറില്‍ നിന്നും ശമ്പളം തന്നെ ശരിയാം വണ്ണം ലഭിക്കുന്നില്ല, ഇ.എസ്.ബി എന്ന് പറഞ്ഞു ചെന്നാല്‍ ഉടനെ ഹുറൂബ് ലഭിക്കും, സൗദി അറേബ്യയില്‍ ഇതൊന്നും നടക്കില്ല എന്നൊക്കെയാണ് പലരും അഭിപ്രായം പ്രകടമാക്കുക.

എന്നാല്‍ ഈ സൗദി അറബ്യയില്‍ നിന്ന് തന്നെയാണ് സേവനം അവസാനിപ്പിച്ച് തിരിച്ചു പോകുമ്പോള്‍ ഇ.എസ്.ബിയും വാങ്ങി ലക്ഷക്കണക്കിന്‌ വിദേശികള്‍ തിരിച്ചു പോകുന്നത്.

തങ്ങള്‍ക്ക് ഈ ആനുകൂല്യങ്ങള്‍ ലഭിക്കാതിരിക്കുന്നതിനുള്ള പ്രാഥമികമായ കാരണങ്ങള്‍ എന്തൊക്കെയാണ് എന്ന് ഇവര്‍ ആദ്യമായി മനസ്സിലാക്കണം. ഭൂരിഭാഗം പേരും ഒരു സ്പോണ്‍സര്‍/സ്ഥാപനം/കമ്പനി നേരിട്ട് റിക്രൂട്ട് ചെയ്ത് തൊഴില്‍ വിസയില്‍ സൗദിയിലേക്ക് എത്തുന്നവരല്ല എന്നത് തന്നെയാണ് ഇതിന്റെ ആദ്യ കാരണം.

ഭൂരിഭാഗം പേരും വിസ സംഘടിപ്പിക്കുന്നത് ബന്ധുക്കളില്‍ നിന്നോ സുഹൃത്തുക്കളില്‍ നിന്നോ ആണ്. ഇവര്‍ സൗദിയില്‍ എത്തിയാല്‍ ജോലി ചെയ്യുന്നത് സ്പോണ്‍സര്‍ക്ക് അങ്ങോട്ട്‌ പണം കൊടുത്ത് ബിസിനസ് ചെയ്യുന്ന സുഹൃത്തുക്കളുടെയു ബന്ധുക്കളുടെയും സ്ഥാപനങ്ങളില്‍ ആയിരിക്കും. കൂടാതെ അങ്ങോട്ട്‌ പണം  കൊടുത്ത് എജന്റുമാരില്‍ നിന്നും വിസ സംഘടിപ്പിക്കുന്നവരും ഏറെയുണ്ട്. അവരുടെ സ്പോണ്‍സര്‍ഷിപ്പില്‍ സൗദിയില്‍ എത്തി പുറത്ത് ജോലിയെടുക്കുന്ന ഈ കൂട്ടര്‍ സ്പോണ്‍സര്‍ക്ക് അങ്ങോട്ട്‌ പണം കൊടുക്കേണ്ടി വരും. അത് കൊണ്ട് തന്നെ തൊഴില്‍ നിയമ പ്രകാരമുള്ള യാതൊരു ആനുകൂല്യങ്ങളും ഇവര്‍ക്ക് ലഭിക്കുന്നില്ല.

ഒരു തൊഴിലാളി തൊഴില്‍ നിയമ പ്രകാരം ഒരു ദിവസം എത്ര മണിക്കൂര്‍ ജോലി ചെയ്യണമെന്നോ അധികമായി ജോലി ചെയ്യുന്ന മണിക്കൂറുകള്‍ക്ക് എത്ര തുക അധികമായി ലഭിക്കണമെന്നോ ഇവര്‍ക്ക് അറിയില്ല. വര്‍ഷത്തില്‍ ഒരു തൊഴിലാളിക്ക് എത്ര ദിവസത്തെ വാര്‍ഷിക അവധി നിര്‍ബന്ധമായി നല്‍കണമെന്നോ അങ്ങിനെ നല്‍കിയില്ലെങ്കില്‍ ആ അവധിക്ക് സമാനമായ തുക പണമായി നല്‍കണമെന്നോ തൊഴില്‍ നിയമത്തില്‍ പരാമര്‍ശിച്ചിട്ടുള്ള കാര്യം ഇവര്‍ക്ക് അറിയില്ല. അറിയുമെങ്കില്‍ തന്നെ അവരുടെ പ്രത്യേക സാഹചര്യം മൂലം ആ ആനുകൂല്യങ്ങള്‍ തനിക്കും ലഭിക്കണമെന്ന് ആവശ്യപ്പെടാന്‍ സാധിക്കാതെ വരുന്നു. അവര്‍ വരുന്നു, ജോലിയെടുക്കുന്നു, പോകുന്നു. മറ്റൊരു ആനുകൂല്യവും ലഭിക്കുന്നില്ല.

ഇ.എസ്.ബി ലഭിക്കാന്‍ തുടക്കം മുതല്‍ തന്നെ എന്ത് ചെയ്യണം

ഇ.എസ്.ബി പോലുള്ള തൊഴില്‍ നിയമത്തില്‍ പരാമര്‍ശിച്ചിട്ടുള്ള ആനുകൂല്യങ്ങള്‍ ലഭിക്കണമെങ്കില്‍ വിസ സ്വീകരിക്കുന്ന സമയം മുതല്‍ തന്നെ ശ്രദ്ധിക്കേണ്ടതുണ്ട്. നിയമം അനുസരിക്കുന്ന വ്യക്തികളായ സ്പോണ്‍സര്‍മാര്‍, സ്ഥാപനങ്ങള്‍, കമ്പനികള്‍ എന്നിവയില്‍ ജോലി ലഭിക്കുന്നവര്‍ക്ക് തൊഴില്‍ നിയമ പ്രകാരമുള്ള എല്ലാ ആനുകൂല്യങ്ങളും ലഭിക്കും.

നല്ല ട്രാക്ക് റെക്കോര്‍ഡുള്ള സ്ഥാപനമോ അല്ലെങ്കില്‍ ധാര്‍മ്മികമായോ നിയമപരമായോ നിലവാരമുള്ള സ്ഥാപനങ്ങളോ കമ്പനികളോ വ്യക്തികളോ ആണെങ്കില്‍ മാത്രമേ ഇത്തരം ആനുകൂല്യങ്ങള്‍ വ്യവസ്ഥാപിതമായി തന്നെ നല്‍കാന്‍ തയ്യാറാവൂ.

ഇത്തരം സ്ഥാപനങ്ങളില്‍ ജോലി ചെയ്യുമ്പോള്‍ ഈ അത് ലഭിച്ചില്ലെങ്കില്‍ പരാതിപ്പെടാനുള്ള സംവിധാനങ്ങള്‍ ഉപയോഗിച്ചാല്‍ ആനുകൂല്യങ്ങള്‍ ലഭിക്കുകയും ചെയ്യും. (എന്നാല്‍ ചില വ്യക്തികളും അപൂര്‍വ്വമായി ഇ.എസ്.ബി പോലുള്ള ആനുകൂല്യങ്ങളും നല്‍കുന്നുണ്ടെന്ന കാര്യവും ഇവിടെ വിസ്മരിക്കുന്നില്ല. അതെ സമയം നിലവാരമുള്ള ചില സ്ഥാപനങ്ങളും കമ്പനികളും ആനുകൂല്യങ്ങള്‍ നല്‍കാതിരിക്കുന്നതിനായി തൊഴില്‍ നിയമത്തെ വളച്ചൊടിക്കുന്നതും വിസ്മരിക്കുന്നില്ല.).

അതെ സമയം വ്യക്തളുടെ കീഴില്‍ ജോലി ചെയ്യുന്നവര്‍ക്കും ബാക്കാല, ബൂഫിയ പോലുള്ള അസംഘടിതമായ മേഖകലകളില്‍ ജോലി ചെയ്യുന്നവര്‍ക്കും ഇ.എസ്.ബി പോലുള്ള തൊഴില്‍ നിയമപരമായ യാതൊരു ആനുകൂല്യങ്ങളും സാധാരണ ഗതിയില്‍ ലഭിക്കാറില്ല.

എപ്പോഴാണ് ഇ.എസ്.ബി ലഭിക്കുക

തൊഴില്‍ കരാര്‍ അവസാനിപ്പിച്ച് പിരിഞ്ഞു പോകുമ്പോഴാണ് ഒരു ജീവനക്കാരന് ഇ.എസ്.ബി ആനുകൂല്യം ലഭിക്കുക. ഒരാളുടെ സര്‍വീസ് കാലാവധിയില്‍ ഒരിക്കല്‍ മാത്രമേ ഈ ആനുകൂല്യം അയാള്‍ക്ക് ലഭിക്കൂ. ഇത്രയും കാലം ആ സ്ഥാപനത്തില്‍ ജോലി ചെയ്തതിന് പകരമായി അയാളുടെ ഭാവി ജീവിതം സുരക്ഷിതമാക്കാന്‍ ആ സ്ഥാപനം നല്‍കുന്ന ഒരു പ്രയ്ത്യുപകാരമാണ് ഈ ആനുകൂല്യം. ഇത് തൊഴിലുടമ ജീവനക്കാരന് നല്‍കുന്ന ഒരു ഔദാര്യമല്ല മറിച്ച് ജീവനക്കാരന് അര്‍ഹതപ്പെട്ട ആനുകൂല്യമാണ് എന്ന് തൊഴില്‍ നിയമവുമായി ബന്ധപ്പെട്ട വൃത്തങ്ങള്‍ ഇ.എസ്.ബി യെ വിശേഷിപ്പിക്കുന്നത്.

വാര്‍ഷിക അവധി വേതനവും ഇ.എസ്.ബിയും തമ്മിലുള്ള വ്യത്യസം മനസ്സിലാക്കാത്ത ചില പ്രവാസികള്‍

പലപ്പോഴും തൊഴില്‍ നിയമങ്ങളെ സംബന്ധിച്ച പ്രാഥമിക അവബോധം ഇല്ലാത്ത പല പ്രവാസികള്‍ക്കും തെറ്റിദ്ധാരണ ഉണ്ടാക്കുന്ന ഒന്നാണ് വാര്‍ഷിക അവധി വേതനവും ഇ.എസ്.ബിയും. പലര്‍ക്കും ഇ.എസ്.ബിയും വാര്‍ഷിക അവധി വേതനവും തമ്മിലുള്ള വ്യത്യാസത്തെ കുറിച്ചു കൃത്യമായ ധാരണയില്ല. പലരും വാര്‍ഷിക അവധിയില്‍ പോകുമ്പോള്‍ അവര്‍ക്ക് ലഭിച്ചിരുന്ന വാര്‍ഷിക അവധി വേതനത്തെ ഇ.എസ്.ബി ആയി തെറ്റിദ്ധരിക്കുന്നു. ഇവ തമ്മിലുള്ള വ്യത്യാസം മനസിലാക്കിയിട്ടുള്ളത് വളരെ കുറച്ച് പ്രവാസികള്‍ മാത്രമാണ്.

സൗദിയില്‍ ജോലി ചെയ്യുന്ന ഏതൊരാള്‍ക്കും വര്‍ഷത്തില്‍ നിശ്ചിത ദിവസം ശമ്പളത്തോട് കൂടിയ അവധി നിര്‍ബന്ധമായും നല്‍കണമെന്ന് തൊഴില്‍ നിയമം വ്യവസ്ഥ ചെയ്യുന്നുണ്ട്. അഞ്ചു വര്‍ഷത്തില്‍ കുറവ് സര്‍വീസ് ഉള്ളവര്‍ക്ക് വര്‍ഷത്തില്‍ 21 ദിവസവും അഞ്ചു വര്‍ഷത്തില്‍ കൂടുതല്‍ ഒരേ തൊഴിലുടമയുടെ കീഴില്‍ തുടര്‍ച്ചയായ സര്‍വീസ് ഉള്ള തൊഴിലാളികള്‍ക്ക് 30 ദിവസവുമാണ് മുന്‍കൂര്‍ ശമ്പളത്തോടു കൂടി വാര്‍ഷിക അവധി നല്‍കേണ്ടത്.

അവധിയില്‍ പോകുമ്പോള്‍ തന്നെ ഇത് പ്രകാരമുള്ള തുക ജീവനക്കാരന് നല്‍കണം. ഈ തുകയാണ് തൊഴിലാളികള്‍ക്ക് അവധിയില്‍ നാട്ടിലേക്ക് പോകുമ്പോള്‍ തൊഴിലുടമകള്‍ പലപ്പോഴും നല്‍കുന്നത്. ഈ തുക ഇ.എസ്.ബിയായി പലരും തെറ്റിദ്ധരിക്കുന്നു. വര്‍ഷാവര്‍ഷം തൊഴിലുടമ നല്‍കുന്ന ഈ ആനുകൂല്യം കൈപറ്റുന്നത് മൂലം ഫൈനല്‍ എക്സിറ്റില്‍ പോകുമ്പോള്‍ തനിക്ക് മറ്റൊരു ആനുകൂല്യത്തിനും അര്‍ഹതയില്ലെന്നു അവര്‍ കരുതുന്നു.

ഒരു കാര്യം ഓര്‍ക്കുക. ഇ.എസ്.ബി ഒരു സ്ഥാപനത്തില്‍ ഒരാളുടെ സര്‍വീസില്‍ ഒരിക്കല്‍ മാത്രമാണു ലഭിക്കുക. അതേ സമയം മുന്‍‌കൂര്‍ ശമ്പളത്തോട് കൂടിയ വാര്‍ഷിക അവധി എല്ലാ വര്‍ഷവും നിര്‍ബന്ധമായും ലഭിക്കണം. സൗദി തൊഴില്‍ നിയമ പ്രകാരം ഇ.എസ്.ബി ഒരിക്കലും പല ഭാഗങ്ങളായി നല്‍കാന്‍ പാടില്ല. നാട്ടിലേക്ക് പോകുന്ന അവസരത്തില്‍ ലഭിക്കുന്നത് വാര്‍ഷിക അവധിയുടെ തുക ആണെന്നും തൊഴില്‍ കരാര്‍ അവസാനിപ്പിച്ച് നാട്ടിലേക്ക് ഫൈനല്‍ എക്സിറ്റില്‍ പോകുമ്പോള്‍ ലഭിക്കുന്നതാണ് ഇ.എസ്.ബി എന്നും മനസ്സിലാക്കുക.

എത്ര തുകയാണ് ഇ.എസ്.ബിയായി ലഭിക്കേണ്ടത്?

ഒരു തൊഴിലാളിക്ക് എത്ര തുകയാണ് ഇ.എസ്.ബി യായി നല്‍കേണ്ടത് എന്നത് സംബന്ധിച്ച കൃത്യമായ വ്യവസ്ഥകള്‍ സൗദി തൊഴില്‍ നിയമത്തില്‍ ഉണ്ട്. ഇതില്‍ മാറ്റങ്ങള്‍ വരുത്താല്‍ തൊഴിലുടമക്ക് അധികാരമില്ല.

സൗദി തൊഴില്‍ നിയമ പ്രകാരം തൊഴില്‍ കരാര്‍ പൂര്‍ത്തിയാക്കി പിരിഞ്ഞു പോകുന്ന ഒരു ജീവനക്കാരന്റെ ഒരു സ്ഥാപനത്തിലെ മൊത്തം സര്‍വീസ് കാലാവധിയില്‍ ആദ്യത്തെ അഞ്ചു കൊല്ലത്തിന് ഓരോ വര്‍ഷവും 15 ദിവസത്തെ വേതനം വീതവും പിന്നീടുള്ള ഓരോ കൊല്ലത്തിനും ഒരു മാസത്തെ വീതം വേതനവുമാണ് സര്‍വീസ് ആനുകൂല്യമായി ലഭിക്കാന്‍ അവകാശമുള്ളത്.

തൊഴിലാളി പിരിഞ്ഞു പോകുന്ന സമയത്തെ അവസാന മാസം (LAST MONTH WAGE OR LMW)  കൈപറ്റുന്ന അടിസ്ഥാന ശമ്പളമാണ് ഇ.എസ്.ബി യുടെ മാനദണ്ഡം.

അത് പോലെ തന്നെ സര്‍വീസ് കാലവധിയിലെ വര്‍ഷത്തിലെ ഭാഗങ്ങള്‍ക്കും അതിനനുസൃതമായ സര്‍വീസ് ആനുകൂല്യത്തിന് ജീവനക്കാര്‍ക്ക് അവകാശമുണ്ട്. അതായത് ഒരാള്‍ അഞ്ചു വര്‍ഷവും ആറു മാസവും ഒരു തൊഴിലുടമയുടെ കൂടെ ജോലി ചെയ്‌താല്‍ അഞ്ചു വര്‍ഷത്തിനു പുറമേ അവസാനത്തെ ആറു മാസങ്ങള്‍ക്ക് കൂടി ഇ.എസ്.ബി ലഭിക്കാന്‍ ആ ജീവനക്കാരന്‍ അര്‍ഹനാണ്.

എങ്ങിനെയാണ് ഇ.എസ്.ബി കണക്കാക്കുന്നത്?

ഇ.എസ്.ബി കണക്കാക്കുന്നത് വളരെ ലളിതമാണ്. ഉദാഹരണമായി 2000 റിയാല്‍ ശമ്പളമുള്ള ഒരാള്‍ പത്തു വര്‍ഷവും മൂന്നു മാസവും ഒരു സ്ഥാപനത്തില്‍ ജോലി ചെയ്തിരുന്നു എന്ന് കരുതുക. നിയമപരമായി തൊഴില്‍ കരാര്‍ പൂര്‍ത്തിയാക്കി അയാള്‍ അയാള്‍ പിരിഞ്ഞു പോകുന്ന അവസരത്തില്‍ അയാള്‍ക്ക്‌ ലഭിക്കേണ്ടത് ആദ്യത്തെ അഞ്ചു വര്‍ഷത്തേക്ക് ഓരോ വര്‍ഷവും 1000 റിയാല്‍ വീതം ആയിരിക്കണം. അതിനു ശേഷം അഞ്ചു വര്‍ഷത്തേക്ക് ഇ.എസ്.ബി ആയി ഓരോ വര്‍ഷവും 2000 റിയാല്‍ വച്ച് തന്നെ കിട്ടുന്നു. ഇതിന് പുറമേ അവസാനത്തെ മൂന്ന് മാസത്തെ വേതനം കൂടി ലഭിക്കാന്‍ അയാള്‍ക്ക്‌ അര്‍ഹതയുണ്ട്.

ഏതെല്ലാം സാഹചര്യത്തില്‍ ഇ.എസ്.ബിയില്‍ കുറവ് സംഭവിക്കാം?

ഇ.എസ്.ബി നല്‍കുന്നതിനു വ്യക്തമായ മാനദണ്ഡം തൊഴില്‍ നിയമം വ്യക്തമാക്കുന്നുണ്ട് എങ്കിലും തൊഴില്‍ കരാര്‍ അവസാനിപ്പിക്കുന്ന രീതി അനുസരിച്ച് ഇ.എസ്.ബിയായി ലഭിക്കുന്ന തുകയിലും മാറ്റങ്ങള്‍ ഉണ്ടാവാം. പ്രൊബേഷന്‍, രാജി വെക്കല്‍, പിരിച്ചു വിടല്‍ എന്നീ സാഹചര്യങ്ങളില്‍ ഇ.എസ്.ബി ആയി ലഭിക്കുന്ന തുകയില്‍ വ്യത്യാസങ്ങള്‍ ഉണ്ടാവാം.

അതായത് അഞ്ചു വര്‍ഷത്തെ സേവനത്തിനു ശേഷവും പത്തു വര്‍ഷത്തെ സേവനത്തിനു ശേഷവും സ്വമേധയാ രാജി വെക്കുകയാണെങ്കില്‍ അയാള്‍ക്ക് ലഭിക്കുന്ന ആനുകൂല്യങ്ങളില്‍ വ്യത്യാസം ഉണ്ടാകും. ഉദാഹരണമായി രണ്ടു വര്‍ഷത്തെ സര്‍വീസ് പൂര്‍ത്തിയാക്കിയ ശേഷമാണ് ഒരു തൊഴിലാളി രാജി വെക്കുന്നതെങ്കില്‍ അയാള്‍ക്ക് മൂന്നിലൊന്ന് ഇ.എസ്.ബി ആനുകൂല്യത്തിനാണ് അര്‍ഹതയുണ്ടാവുക. അതെ സമയം അഞ്ചു വര്‍ഷത്തെ സര്‍വീസുള്ള തൊഴിലാളിക്ക് മൂന്നില്‍ രണ്ട് ഇ.എസ്.ബി ആനുകൂല്യത്തിന് അവകാശമുണ്ടാകും. എന്നാല്‍ പത്ത് വര്‍ഷത്തില്‍ കൂടുതല്‍ സര്‍വീസുള്ള തൊഴിലാളി രാജി വെച്ച് സേവനം അവസാനിപ്പിക്കുന്ന സാഹചര്യത്തില്‍ അയാളുടെ പക്കല്‍ നിന്നും യാതൊന്നും കുറക്കാന്‍ പാടില്ല. അയാള്‍ക്ക് മുഴുവന്‍ തുകയും ഇ.എസ്.ബി യായി തൊഴിലുടമ നല്‍കണം.

ഒരു ജീവനക്കാരന് ഇ.എസ്.ബി ആനുകൂല്യം ലഭിക്കതിരിക്കുന്ന സാഹചര്യങ്ങള്‍ എന്തൊക്കെയാണ്?

മുകളില്‍ പറഞ്ഞ പോലെ തന്നെ ചില സാഹചര്യങ്ങളില്‍ ജീവനക്കാരന്റെ ഇ.എസ്.ബിയില്‍ കുറവ് സംഭവിക്കും എന്നത് പോലെ തന്നെ മറ്റു ചില സാഹചര്യങ്ങളില്‍ തൊഴിലാളികള്‍ക്ക് മുഴുവന്‍ ഇ.എസ്.ബിയും നഷ്ടമാവുന്ന അവസ്ഥയും ഉണ്ടാവും. പ്രധാനമായും നാലു സാഹചര്യങ്ങളിലാണ് ഒരു തൊഴിലാളിക്ക് ഇ.എസ്.ബി നിഷേധിക്കപ്പെടുക.

രണ്ടു വര്‍ഷം പൂര്‍ത്തിയാകുന്നതിനു മുമ്പായി ഒരു ജീവനക്കാരന്‍ രാജി വെക്കുകയാണെങ്കില്‍ അയാള്‍ക്ക് ഇ.എസ്.ബി നല്‍കണമെന്ന് തൊഴില്‍ നിയമം അനുശാസിക്കുന്നില്ല. കാരണം രണ്ടു വര്‍ഷത്തില്‍ മാത്രം കുറവ് സര്‍വീസുള്ള ഒരു ജീവനക്കാരന് ഇ.എസ്.ബി ലഭിക്കാനുള്ള അര്‍ഹതയില്ല. അത് പോല്‍ ഇതന്നെ പ്രൊബേഷന്‍ കാലവും പ്രധാനമാണ്. ഈ കാലയളവില്‍ തൊഴിലാളിയെ പിരിച്ചു വിടുകയാണെങ്കില്‍ അയാള്‍ക്ക് യാതൊരു ആനുകൂല്യവും ലഭിക്കില്ല. കൂടാതെ നിയമാനുസൃത കാരണമില്ലാതെ തുടര്‍ച്ചയായി പതിനഞ്ചു ദിവസം ജോലിക്ക് തൊഴിലാളി  ഹാജരാകാതിരിക്കുന്ന അവസരത്തില്‍ അയാളെ പിരിച്ചു വിടാനുള്ള അവകാശം തൊഴിലുടമകള്‍ക്ക് തൊഴില്‍ നിയമം നല്‍കുന്നു.

ഈ സാഹചര്യത്തില്‍ അയാള്‍ക്ക് ഇ.എസ്.ബി നല്‍കേണ്ട ആവശ്യമില്ല. ഇതിന് പുറമേ നിയമാനുസൃത കാരണമില്ലാതെ ഒരു വര്‍ഷത്തിനിടെ പലതവണയായി തൊഴില്‍ നിയമത്തില്‍ നിഷ്കര്‍ഷിച്ചിട്ടുള്ള നിശ്ചിത എണ്ണം ദിവസങ്ങളില്‍ ജോലിയില്‍ ഹാജരാകാതിരിക്കുന്ന അവസരത്തിലും ആ ജീവനക്കാരന് ഇ.എസ്.ബി നിഷേധിക്കാം.

എന്നാല്‍ തൊഴിലാളിക്ക്  മുന്‍കൂട്ടി കാണാനാവാത്ത സാഹചര്യത്തില്‍  അയാളുടെ നിയന്ത്രണത്തില്‍ അല്ലാത്ത ഏതെങ്കിലും കാരണവശാല്‍ അയാള്‍ക്ക് സര്‍വീസ് അവസാനിപ്പിക്കേണ്ടി വരുന്ന സാഹചര്യം ഉണ്ടായാല്‍ (Force Majure) മുഴുവന്‍ ഇ.എസ്.ബി ആനുകൂല്യവും അയാള്‍ക്ക് നല്‍കണമെന്ന് നിയമം അനുശാസിക്കുന്നു.

എത്ര ദിവസത്തിനുള്ളില്‍ ഇ.എസ്.ബി ആനുകൂല്യം കൊടുത്ത് തീര്‍ക്കണം?

ജീവനക്കാരന്റെ സര്‍വീസ് അവസാനിക്കുന്ന സാഹചര്യത്തില്‍  തൊഴില്‍ കരാര്‍ അവസാനിക്കുന്ന തിയ്യതി മുതല്‍ പരമാവധി ഒരാഴ്ചക്കുള്ളില്‍ തൊഴിലുടമ ജീവനക്കാരന്റെ ശമ്പളവും മറ്റു ആനുകൂല്യങ്ങളും കൊടുത്തു തീര്‍ക്കണം എന്നാണു തൊഴില്‍ നിയമം അനുശാസിക്കുന്നത്. ജീവനക്കാരനാണ് സേവനം അവസാനിപ്പിക്കതെങ്കില്‍ തൊഴിലുടമ രണ്ടാഴ്ചക്കുള്ളില്‍ ആനുകൂല്യങ്ങള്‍ കൊടുത്ത് തീര്‍ക്കണം. എന്നാല്‍ തൊഴിലുമായി ബന്ധപ്പെട്ട ഏതെങ്കിലും തരത്തിലുള്ള ബാധ്യതകള്‍ ഉണ്ടെങ്കില്‍ ഇതില്‍ നിന്ന് ഈടാക്കാന്‍ തൊഴിലുടമക്ക്‌ തൊഴില്‍ നിയമം പ്രകാരം അര്‍ഹതയുണ്ട്.

 

ഇ.എസ്.ബി ആനുകൂല്യം നല്‍കാന്‍ തൊഴിലുടമ വിസമ്മതിച്ചാല്‍ എന്താണ് പരിഹാരം എന്നാണ് പ്രവാസികള്‍ സാധാരണയായി ചോദിക്കാറുണ്ട്. അതിന് സൗദി തൊഴില്‍ നിയമം നല്‍കുന്ന പൊതുവായ ഒരു ഉത്തരമേയുള്ളൂ. അധികാര കേന്ദ്രങ്ങളില്‍ പരാതി നല്‍കുക. പ്രാഥമിക ലേബര്‍ ഓഫീസുകളിലും ലേബര്‍ കോടതികളിലും പരാതി നല്‍കിയാല്‍ പരിഹാരം ലഭിക്കും. പലപ്പോഴും പ്രാഥമിക ലേബര്‍ ഓഫീസുകളുടെ അനുരഞ്ജന ശ്രമങ്ങളില്‍ തന്നെ പരിഹാരം ഉണ്ടാകുന്നതായി കണ്ടു വരാറുണ്ട്.

എന്നാല്‍ പല പ്രവാസികളും പല കാരണങ്ങള്‍ കൊണ്ട് ഇതിന് തുനിയാറില്ല. സൗദി അറേബ്യ പോലൊരു സ്ഥലത്ത് നിയമ നടപടികളുമായി മുന്നോട്ടു പോകാനുള്ള അസൗകര്യങ്ങള്‍ ആണ് ഇവരെ പിറകോട്ടു വലിക്കുന്നത്. അതില്‍ അവരെയും കുറ്റപ്പെടുത്താന്‍ സാധിക്കില്ല. ബഹുഭൂരിഭാഗം പേരും ഓരോ മാസവും ലഭിക്കുന്ന ശമ്പളം കൊണ്ടും കടം വാങ്ങിയും മാറ്റും നാട്ടിലേക്ക് പണം അയക്കുന്നവരാണ്. അവരുടെ പ്രതിമാസ സംഖ്യ കാത്തിരിക്കുന്ന കുടുംബങ്ങള്‍ നാട്ടിലുണ്ട്. അത് കൊണ്ട് തന്നെ ഒരു സ്പോണ്‍സറോ സ്ഥാപനമോ തനിക്ക് അവകാശപ്പെട്ട ആനുകൂല്യങ്ങള്‍ നല്‍കുന്നില്ലെങ്കില്‍ അവര്‍ അത് ലഭിക്കാനുള്ള വഴികള്‍ തിരഞ്ഞെടുക്കാതെ നിസംഗരായി മുന്നോട്ടു പോകുകയോ ഉപേക്ഷിക്കുകയോ ചെയ്യുന്ന പ്രവണതയാണ് കണ്ടു വരുന്നത്. മറ്റൊരു പിന്തുണയും ഇല്ലാതെ തനിക്ക് ഒറ്റക്ക് ഇതൊന്നും സാധിക്കില്ലെന്ന ചിന്തയും ഇവരെ പിറകൊട്ട് വലിക്കുന്നു.

വന്‍തുക ഇ.എസ്.ബി യായി കൊടുക്കേണ്ടി വരുന്ന സാഹചര്യത്തില്‍ അത് ഒഴിവാക്കാനായി തൊഴിലാളിയെ ഹുറൂബാക്കിയ സംഭവങ്ങള് റിപ്പോര്‍ട്ട് ചെയ്യപ്പെട്ടിട്ടുണ്ട്. അത് കൊണ്ട് തന്നെ അത്തരം അപകടങ്ങള്‍ ഇല്ലാതാക്കാന്‍ പല പ്രവാസികളും നിയമ നടപടികള്‍ക്ക് മുതിരാതെ ഒഴിവാകുന്നു.

മറ്റു ചിലര്‍ക്ക് മനപ്പൂര്‍വ്വങ്ങളായ അബദ്ധങ്ങള്‍ സംഭവിക്കുന്നുണ്ട്. പ്രത്യേകിച്ചു ഇപ്പോഴത്തെ പ്രതിസന്ധി സാഹചര്യത്തില്‍ ഫൈനല്‍ എക്സിറ്റില്‍ നാട്ടിലേക്ക് പോകുന്നവരില്‍ ചിലരോട് ഇ.എസ്.ബിയും വാര്‍ഷിക അവധി വേതനവും ശമ്പള ബാക്കിയും നാട്ടിലേക്ക് അയച്ചു തരാം എന്ന വാഗ്ദാനമാണ് ചില കമ്പനികള്‍ നല്‍കുന്നത്. എന്നാല്‍ ഇത് വിശ്വസിച്ച് നാട്ടിലേക്ക് പോകുന്ന ബഹുഭൂരിഭാഗം പേര്‍ക്കും ഈ ആനുകൂല്യങ്ങള്‍ പിന്നീട് ലഭിക്കാതെ പോകുകയാണ് ചെയ്യുന്നത്.

നാട്ടില്‍ നിന്ന് കൊണ്ട് നിയമ നടപടികള്‍ സ്വീകരിക്കാന്‍ സാധിക്കില്ല എന്നത് കൊണ്ടും ഒരു വര്‍ഷത്തിനുള്ളില്‍ നിയമ പരമായ നടപടികള്‍ സ്വീകരിക്കണം എന്നുള്ളത് കൊണ്ടും എംബസ്സിക്ക് പവര്‍ ഓഫ് അറ്റോണി നല്‍കി നിയമപരമായ നടപടികള്‍ തുടങ്ങാനും തുടരാനുമുള്ള സാങ്കേതിക പ്രശ്നങ്ങളും മൂലം അവര്‍ ആ പണം തിരിച്ചു പിടിക്കാനുള്ള ശ്രമങ്ങള്‍ പലപ്പോഴും അവസാനിപ്പിക്കുകയാണ് ചെയ്യാറുള്ളത്.

അതിനാല്‍ ഒരു കാര്യത്തില്‍ പ്രവാസികള്‍ ശ്രദ്ധ പുലര്‍ത്തേണ്ടതുണ്ട്. ഇ.എസ്.ബി അടക്കമുള്ള ഏതൊരു ആനുകൂല്യവും നിലവില്‍ ലഭിച്ചില്ലെങ്കില്‍ അത് പിന്നീട് നല്‍കുമെന്ന് വാഗ്ദാനം വിശ്വസിച്ച് ഒരു രേഖയിലും ആനുകൂല്യം കൈപറ്റിയെന്ന് കാണിച്ച് ഒപ്പിട്ടു കൊടുക്കരുത്. കാരണം ആനുകൂല്യങ്ങള്‍ കിട്ടിയെന്നു അത്തരത്തില്‍ ഒപ്പിട്ടു കൊടുത്തവര്‍ക്ക് പിന്നീട് ആ ആനുകൂല്യങ്ങള്‍ കിട്ടാറില്ല എന്നതാണ് യാഥാര്‍ത്ഥ്യം.

അഡ്വ.ഷിയാസ് കുഞ്ഞിബാവ. കോര്‍പറേറ്റ് കണ്‍സല്‍ട്ടന്റ്. ദുബായ്.റിയാദ്.ഡല്‍ഹി.കൊച്ചി.

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/KR4O0rlB7Py7FS2dC1wAlY

പ്രവാസി കോര്‍ണര്‍ ഫേസ്ബുക്ക് പേജില്‍ പ്രവേശിക്കാന്‍ ഈ ലിങ്കില്‍ ക്ലിക്ക് ചെയ്യുക https://www.facebook.com/PravasiCornerOfficial

 പരസ്യങ്ങള്‍ക്ക് ബന്ധപ്പെടുക: [email protected] / 8921190515 (WatsApp) 

LATEST

മലയാളിക്ക് സൗദിയിലേക്ക് ബോര്‍ഡിംഗ് പാസ് നിഷേധിച്ചത് ഒറ്റപ്പെട്ട സംഭവം. മറ്റു യാത്രക്കാര്‍ക്ക് ആശങ്ക വേണ്ട.

Published

on

യാത്രാ രേഖകളിലെ അപാകത മൂലം ശ്രീലങ്കയില്‍ നിന്നും സൗദിയിലേക്ക് യാത്ര ചെയ്യാന്‍ എത്തിയ മലയാളിയായ സൗദി പ്രവാസിയുടെ യാത്രക്ക് ശ്രീലങ്കന്‍ എയര്‍ലൈന്‍സ് ബോര്‍ഡിംഗ് പാസ് നിഷേധിച്ച സംഭവം കഴിഞ്ഞ ദിവസം പ്രവാസി കോര്‍ണര്‍ റിപ്പോര്‍ട്ട് ചെയ്തിരുന്നു. (ആ വാര്‍ത്ത വായിക്കാന്‍ ഇവിടെ ക്ലിക്ക് ചെയ്യുക)

റിയാദില്‍ ഹമദ് ഫഹദ് ജനറല്‍ കോണ്‍ട്രാക്റ്റിംഗ് കമ്പനിയില്‍ സൂപ്പര്‍വൈസറായി ജോലി ചെയ്യുന്ന പാലക്കാട് സ്വദേശി പുത്തന്‍പുരയ്ക്കല്‍ സജീറിന്റെ ശ്രീലങ്കയില്‍ നിന്നും റിയാദിലേക്കുള്ള യാത്രയാണ് ഹെല്‍ത്ത് പാസ്പോര്‍ട്ടിലെ പ്രകടമായ അപാകത മൂലം കഴിഞ്ഞ ദിവസം മുടങ്ങിയത്.

ഈ വാര്‍ത്ത കഴിഞ്ഞ ദിവസം ഞങ്ങള്‍ പ്രസിദ്ധീകരിച്ചതിനെ തുടര്‍ന്ന് ഹെല്‍ത്ത് പാസ്പോര്‍ട്ടില്‍ സമാനമായ പ്രശ്നങ്ങള്‍ ഉള്ള നിരവധി സൗദി പ്രവാസികളുടെ പരിഭ്രാന്തി നിറഞ്ഞ സന്ദേശങ്ങള്‍ ഞങ്ങള്‍ക്ക് ലഭിച്ചിരുന്നു. സൗദിയില്‍ നിന്നും ഒന്നാമത് ഡോസ് ഫൈസര്‍ വാക്സിനും നാട്ടില്‍ നിന്നും രണ്ടാമത്തെ ഡോസ് ആസ്ത്രസെനക കോവിഷീല്‍ഡ് എടുത്തവരുമാണ് ആശയ കുഴപ്പത്തിലായത്.

ഇവരില്‍ പലരും അടുത്ത ദിവസങ്ങളില്‍ സൗദിയിലേക്ക് യാത്ര ചെയ്യാനുള്ളവരാണ്. സൗദിയില്‍ നിന്നും ആദ്യ ഡോസ് വാക്സിന്‍ എടുക്കുകയും ഹെല്‍ത്ത് പാസ്പോര്‍ട്ടില്‍ മൂന്ന് ഡോസ് വാക്സിന്‍ എടുത്തതായി രേഖപ്പെടുത്തുകയും ചെയ്യപ്പെട്ട യാത്രക്കാര്‍ക്കാണ് ആശയ കുഴപ്പം ഉണ്ടായത്. എല്ലാവര്‍ക്കും വ്യക്തിപരമായി മറുപടി നല്‍കാന്‍ സാധിക്കാത്തതിനാലാണ് ആശയ കുഴപ്പത്തിലായ യാത്രക്കാര്‍ക്കുള്ള മറുപടി വിടെ പ്രസിദ്ധീകരിക്കുന്നത്.

കഴിഞ്ഞ ദിവസം സംഭവിച്ചത് ഒരു ഒറ്റപ്പെട്ട സംഭവം മാത്രമാണ്. ഇവിടെ സൗദി ആരോഗ്യ മന്ത്രാലയത്തിന്റെ സാങ്കേതിക പ്രശ്നത്തോടൊപ്പം തന്നെ യാത്രക്കാരന്റെ അശ്രദ്ധയും കൂടിയായപ്പോഴാണ് യാത്രക്കുള്ള അവസരം നിഷേധിക്കപ്പെട്ടത്.

യാത്രക്കാരന് ബോര്‍ഡിംഗ് പാസ് നിഷേധിക്കാന്‍ ഇടയായ ഹെല്‍ത്ത് പാസ്പോര്‍ട്ടിലെ പ്രസക്തമായ ഭാഗം താഴെ കൊടുക്കുന്നു.

മുകില്‍ കൊടുത്തിട്ടുള്ള ഹെല്‍ത്ത് പാസ്പോര്‍ട്ടില്‍ ആദ്യ ഡോസും രണ്ടാമത്തെ ഡോസും ഒരു തിയ്യതിയില്‍ (24.03.2021) തന്നെ എടുത്തതായി രേഖപ്പെടുത്തിയിരിക്കുന്നു. പക്ഷെ ആദ്യ ഡോസ് ഓക്സ്ഫോര്‍ഡ് / ആസ്ട്രസെനക എന്നും രണ്ടാമത്തെ ഡോസ് ഫൈസര്‍-ബയേണ്‍ടെക് എന്നുമാണ് രേഖപ്പെടുത്തിയിരുന്നത്. മൂന്നാമതായി ബൂസ്റ്റര്‍ ഡോസ് 13.09.2021 ന് എടുത്തതായും രേഖപ്പെടുത്തിയിരുന്നു. ബൂസ്റ്റര്‍ ഡോസ് ഫൈസര്‍-ബയേണ്‍ടെക് എന്നുമാണ് രേഖപ്പെടുത്തിയിരുന്നത്.

ഹെല്‍ത്ത് പാസ്പോര്‍ട്ടില്‍ ഒന്നാമത്തെ ഡോസും രണ്ടാമത്തെ ഡോസും ഒരേ ദിവസം തന്നെ എടുത്തതായി രേഖപ്പെടുത്തിയിരുന്നു എങ്കിലും വ്യത്യസ്ത വാക്സിനുകളുടെ പേരാണ് നല്‍കിയിരുന്നത്. ഇതോടെ ഈ രേഖയുടെ ആധികാരികതയില്‍ സംശയം തോന്നിയ എയര്‍ലൈന്‍ സ്റ്റാഫ് ബോര്‍ഡിംഗ് പാസ് നിഷേധിക്കുകയായിരുന്നു.

സാധാരണ ഗതിയില്‍ ഹെല്‍ത്ത് പാസ്പോര്‍ട്ടില്‍ മൂന്ന് ഡോസ് വാക്സിന്‍ കുത്തിവെപ്പ് കാണുന്നത് മൂലം യാത്രക്കാരന്റെ യാത്രക്ക് അനുമതി നിഷേധിക്കില്ല. എയര്‍ലൈന്‍ സ്റ്റാഫിന്റെ ഭാഗത്ത് നിന്നും അത്തരം നീക്കം ഉണ്ടായാല്‍ രേഖകളുടെ ബലത്തില്‍ യാത്രക്കാരന് തന്റെ ഭാഗം ശരിയാണെന്ന് ബോധ്യപ്പെടുത്താന്‍ സാധിക്കും. കാരണം യാത്രക്കാരന്റെ കൈവശം ആദ്യ ഡോസ് സൗദിയില്‍ നിന്നും ലഭിച്ചതിന്റെ സര്‍ട്ടിഫിക്കറ്റ് ഉണ്ടായിരിക്കും. അത് പോലെ തന്നെ രണ്ടാമത്തെ ഡോസ് നാട്ടില്‍ നിന്നും ലഭിച്ചതിന്റെ സര്‍ട്ടിഫിക്കറ്റും ഉണ്ടായിരിക്കും. ഈ രേഖകളുടെ ബലത്തില്‍ യാത്രക്കാരന് എം.ഒ.എച്ച് സിസ്റ്റത്തില്‍ ഉണ്ടായ സാങ്കേതിക തകരാറാണ് എന്ന് വിശദീകരിക്കാന്‍ സാധിക്കും. നിരവധി യാത്രക്കാര്‍ ഇത്തരത്തില്‍ ഇന്ത്യയില്‍ നിന്നും ശ്രീലങ്ക വഴിയും മറ്റു രാജ്യങ്ങള്‍ വഴിയും സൗദിയിലേക്ക് തിരിച്ചെത്തിയിട്ടുമുണ്ട്.

കഴിഞ്ഞ ദിവസം മലയാളി യാത്രക്കാരന് യാത്രാനുമതി നിഷേധിക്കപ്പെട്ടത് മൂന്ന് ഡോസ് വാക്സിന്‍ വിവരങ്ങള്‍ ഹെല്‍ത്ത് പാസ്പോര്‍ട്ടില്‍ കണ്ടത് കൊണ്ട് മാത്രമല്ല. ഹെല്‍ത്ത് പാസ്പോര്‍ട്ടില്‍ കാണിച്ചിരിക്കുന്ന വാക്സിന്റെ പേര് മാറിപ്പോയതാണ് ഗുരുതരമായ പിഴവായി ശ്രിലങ്കന്‍ എയര്‍ലൈന്‍സ് അധികൃതര്‍ കണക്കാക്കിയത്.

യാത്ര നിഷേധിക്കാന്‍ കാരണമായ ഹെല്‍ത്ത് പാസ്പോര്‍ട്ടില്‍ രണ്ടാമത്തെ ഡോസും ബൂസ്റ്റര്‍ ഡോസും ഫൈസര്‍ എന്നാണ് കാണിച്ചിരിക്കുന്നത്. ഇവിടെയാണ്‌ യാത്രക്കാരന് ഗുരുതരമായ പിഴവ് സംഭവിച്ചത്. നാട്ടില്‍ നിന്നും എടുത്ത വാക്സിന്‍ സര്‍ട്ടിഫിക്കറ്റ് എം.ഒ.എച്ച് സൈറ്റില്‍ അപ്‌ലോഡ്‌ ചെയ്യുന്ന സമയത്ത് സിസ്റ്റത്തില്‍ ഡിഫോള്‍ട്ട് ആയി നല്‍കിയിരിക്കുന്ന പേര് ശ്രദ്ധിക്കാതെ അശ്രദ്ധമായി വിവരങ്ങള്‍ അപ്‌ലോഡ്‌ ചെയ്തത് കൊണ്ട് മാത്രമാണ് ഈ പിഴവ് സംഭവിച്ചത്.

എം.ഒ.എച്ച് സൈറ്റില്‍ ഡിഫോള്‍ട്ട് ആയി ഫൈസര്‍ ബയേണ്‍ടെക് എന്നായിരിക്കും വാക്സിന്റെ പേര് നല്‍കിയിട്ടുണ്ടാവുക. നാട്ടില്‍ നിന്നും വാക്സിന്‍ വിവരങ്ങള്‍ അപ്‌ലോഡ്‌ ചെയ്യുന്നവര്‍ അത് മാറ്റി പകരം ആസ്ട്രസെനക എന്നാക്കി മാറ്റേണ്ടതുണ്ട്. അല്ലാത്ത പക്ഷം ആരോഗ്യ മന്ത്രാലയ രേഖകളില്‍ ഫൈസര്‍ എന്ന പേരായിരിക്കും രേഖപ്പെടുത്തുക. ഈ ഘട്ടത്തില്‍ അശ്രദ്ധയുണ്ടായാല്‍ രണ്ടു ഡോസ് ഫൈസര്‍ എടുത്തതായി തവക്കല്‍നയിലും ഹെല്‍ത്ത് പാസ്പോര്‍ട്ടിലും രേഖപ്പെടുത്തുകയും ചെയ്യും. രണ്ടാമത്തെയും മൂന്നാമത്തെയും (ബൂസ്റ്റര്‍ ഡോസ്) ഡോസ് എന്നാണ് രേഖപ്പെടുത്തുക. അതാണ്‌ കഴിഞ്ഞ ദിവസം യാത്രാനുമതി നിഷേധിക്കപ്പെട്ട യാത്രക്കാരനും സംഭവിച്ചിട്ടുള്ളത്.

മാത്രമല്ല പാസ്പോര്‍ട്ട് വിവരങ്ങള്‍ പ്രകാരം സജീര്‍ ഇന്ത്യയില്‍ തുടരുന്ന സമയത്താണ് രണ്ടാമത്തെ ഡോസ് ആയും ബൂസ്റ്റര്‍ ഡോസ് ആയും വ്യത്യസ്ത തിയ്യതിയില്‍ ഫൈസര്‍ വാക്സിന്‍ എടുത്തതായി ഹെല്‍ത്ത് പാസ്പോര്‍ട്ട് രേഖകളില്‍ നിന്നും വ്യക്തമാവുന്നത്. ഇന്ത്യയില്‍ ഫൈസര്‍ വാക്സിന്‍ ഇതുവരെ നല്‍കി തുടങ്ങിയിട്ടില്ല. ഇന്ത്യയില്‍ അനുമതിയുള്ളതും നല്‍കുന്നതും കോവിഷീല്‍ഡും കോവാക്സിനുമാണ്.

ഈ രണ്ടു അപാകതകള്‍ ഡെസ്കിലെ എയര്‍ലൈന്‍ സ്ടാഫ്ഫ് ചൂണ്ടി കാണിച്ചപ്പോള്‍ അക്കാര്യത്തില്‍ യുക്തി സഹമായ വിശദീകരണം കൊടുക്കാന്‍ സജീറിന് സാധിക്കാതെ പോയി. കാരണം ഹെല്‍ത്ത് പാസ്പോര്‍ട്ട് താനിത് വരെ ശ്രദ്ധിച്ചിട്ടില്ല എന്നാണ് സജീര്‍ വെളിപ്പെടുത്തിയത്. ഇത്രയും പ്രധാനമായ ഒരു രേഖയില്‍ ഗുരുതരമായ പിഴവ് സംഭവിച്ചിട്ടും ഇക്കാര്യം ഇതുവരെ തന്റെ ശ്രദ്ധയില്‍ പെട്ടില്ലെന്ന സജീറിന്റെ വിശദീകരണം വിശ്വാസ യോഗ്യമല്ലെന്ന് എയര്‍ലൈന്‍ സ്റ്റാഫിന് തോന്നിപ്പോയാല്‍ അവരെ കുറ്റം പറയാന്‍ സാധിക്കില്ല.

ഈ സംഭവത്തില്‍ സജീറിന്റെ വാക്സിന്‍ രേഖകളുടെ ആധികാരികതയില്‍ സംശയം തോന്നിയത് മൂലമാണ് ബോര്‍ഡിംഗ് പാസ് നിഷേധിക്കപ്പെട്ടത്. ഹെല്‍ത്ത് പാസ്പോര്‍ട്ട് തന്നെ അവിടെ വെച്ച് ആദ്യമായി കാണുന്ന സജീറിന് എന്താണ് സംഭവിച്ചതെന്ന് വ്യക്തമായി മനസ്സിലാവാത്തത് കൊണ്ട് തന്റെ ഭാഗം കൃത്യമായി വിശദീകരിക്കാനും സാധിച്ചില്ല. വിശദീകരിക്കാന്‍ ശ്രമിച്ചാല്‍ തന്നെ എം.ഒ.എച്ചില്‍ രേഖകള്‍ അപ്‌ലോഡ്‌ ചെയ്യുന്ന ആദ്യ ഘട്ടത്തില്‍ അശ്രദ്ധ മൂലം വാക്സിന്റെ പേരില്‍ സംഭവിച്ച ഗുരുതരമായ പിഴവ് മൂലം അനുമതി നേടിയെടുക്കാനും സാധിക്കുമായിരുന്നില്ല.

കഴിഞ്ഞ ദിവസം ഉണ്ടായത് ഒരു ഒറ്റപ്പെട്ട സംഭവമായി മാത്രമേ കണക്കാക്കാന്‍ സാധിക്കൂ. അത് കൊണ്ട് തന്നെ ആ സംഭവത്തില്‍ സമീപ ദിവസങ്ങളില്‍ സൗദിയിലേക്ക് യാത്ര ചെയ്യുന്ന പ്രവാസികള്‍ ആശങ്കാകുലരാകേണ്ടതില്ല. ഡോസുകളുടെ എണ്ണത്തില്‍ കാണുന്ന വ്യത്യാസം കൈവശമുള്ള സര്‍ട്ടിഫിക്കറ്റുകള്‍ മുഖേന വിശദീകരിച്ചാല്‍ മതിയാകും. എന്നാല്‍ വാക്സിന്‍ പേരുകള്‍ മാറി പോകുകയും ചെയ്തിട്ടുണ്ടെങ്കില്‍ യാത്രക്ക് ബുദ്ധിമുട്ടുകള്‍ നേരിമെന്നുള്ള കാര്യത്തില്‍ സംശയമില്ല.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/J1zYcdCGveeItkPfTH4vck

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

തവക്കല്‍ന, ഹെല്‍ത്ത് പാസ്പോര്‍ട്ട് മൂലം ബോര്‍ഡിംഗ് പാസ് ലഭിക്കാതെ സൗദിയിലേക്ക് ഒരു മലയാളിയുടെ കൂടി യാത്ര മുടങ്ങി

Published

on

റിയാദ്: യാത്രാ രേഖകളിലെ അപാകത മൂലം ഒരു മലയാളിയുടെ കൂടി സൗദിയിലേക്കുള്ള മടക്ക യാത്ര മുടങ്ങി. തവക്കല്‍നയിലും ഹെല്‍ത്ത് പാസ്പോര്‍ട്ടിലും രേഖപ്പെടുത്തിയ പ്രകടമായ അപാകത മൂലം റിയാദില്‍ ഹമദ് ഫഹദ് ജനറല്‍ കോണ്‍ട്രാക്റ്റിംഗ് കമ്പനിയില്‍ സൂപ്പര്‍വൈസറായി ജോലി ചെയ്യുന്ന പാലക്കാട് സ്വദേശി പുത്തന്‍പുരയ്ക്കല്‍ സജീറിന്റെ ശ്രീലങ്കയില്‍ നിന്നും റിയാദിലേക്കുള്ള യാത്രയാണ് കഴിഞ്ഞ ദിവസം മുടങ്ങിയത്.

സൗദിയിലേക്ക് യാത്ര ചെയ്യുന്നതിനായി കഴിഞ്ഞ പതിനാല് ദിവസമായി ശ്രീലങ്കയില്‍ താമസിച്ചു വരികയായിരുന്നു സജീര്‍. ഇന്നലെ ആയിരുന്നു സൗദിയിലേക്ക് യാത്ര ചെയ്യേണ്ട ദിവസം. ശ്രീലങ്കന്‍ എയര്‍ലൈന്‍സിന്റെ ബോര്‍ഡിംഗ് പാസിനായി രേഖകള്‍ എല്ലാം നല്‍കിയപ്പോള്‍ തവക്കല്‍ന ആവശ്യപ്പെട്ടു.  അത് കാണിച്ചു കൊടുത്തപ്പോള്‍ ഹെല്‍ത്ത് പാസ്പോര്‍ട്ട് കാണിക്കാന്‍ ആവശ്യപ്പെട്ടു.

ഹെല്‍ത്ത് പാസ്പോര്‍ട്ട് കാണിച്ചു കൊടുത്തപ്പോള്‍ രേഖകളില്‍ കാര്യമായ അപാകത ഉണ്ടെന്നും അതിനാല്‍ യാത്ര അനുമതി നല്‍കാനാവില്ലെന്ന് എയര്‍ലൈന്‍ സ്റ്റാഫ് പറഞ്ഞതായി സജീര്‍ പറയുന്നു. ഹെല്‍ത്ത് പാസ്പോര്‍ട്ടില്‍ രണ്ടു ഡോസ് വാക്സിനും മൂന്നാമതായി ഒരു ബൂസ്റ്റര്‍ ഡോസ് വാക്സിനും എടുത്തതായാണ് കാണിക്കുന്നത്.

ഹെല്‍ത്ത് പാസ്പോര്‍ട്ടില്‍ ആദ്യ ഡോസും രണ്ടാമത്തെ ഡോസും ഒരു തിയ്യതിയില്‍ (24.03.2021) തന്നെ എടുത്തതായി രേഖപ്പെടുത്തിയിരുന്നു. പക്ഷെ ആദ്യ ഡോസ് ഓക്സ്ഫോര്‍ഡ് / ആസ്ട്രസെനക എന്നും രണ്ടാമത്തെ ഡോസ് ഫൈസര്‍-ബയേണ്‍ടെക് എന്നുമാണ് രേഖപ്പെടുത്തിയിരുന്നത്. മൂന്നാമതായി ബൂസ്റ്റര്‍ ഡോസ് 13.09.2021 ന് എടുത്തതായും രേഖപ്പെടുത്തിയിരുന്നു. ബൂസ്റ്റര്‍ ഡോസ് ഫൈസര്‍-ബയേണ്‍ടെക് എന്നുമാണ് രേഖപ്പെടുത്തിയിരുന്നത്.

ഹെല്‍ത്ത് പാസ്പോര്‍ട്ടില്‍ ഒന്നാമത്തെ ഡോസും രണ്ടാമത്തെ ഡോസും ഒരേ ദിവസം തന്നെ എടുത്തതായി രേഖപ്പെടുത്തിയുരുന്നു എങ്കിലും വ്യത്യസ്ത വാക്സിനുകളുടെ പേരാണ് നല്‍കിയിരുന്നത്. ഇതോടെ ഈ രേഖയുടെ ആധികാരികതയില്‍ സംശയം തോന്നിയ എയര്‍ലൈന്‍ സ്റ്റാഫ് ബോര്‍ഡിംഗ് പാസ് നിഷേധിക്കുകയായിരുന്നു.

എങ്ങിനെയാണ് ഹെല്‍ത്ത് പാസ്പോര്‍ട്ടില്‍ ഈ അപാകത കടന്നു കൂടിയതെന്ന് അറിയില്ലെന്ന് സജീര്‍ പറയുന്നു. ഹെല്‍ത്ത് പാസ്പോര്‍ട്ട് രേഖയെ പറ്റി അറിവില്ലായിരുന്നു. ഹെല്‍ത്ത് പാസ്പോര്‍ട്ട് കാണിക്കണമെന്ന് ഇതുവരെ ആരും പറഞ്ഞിട്ടുള്ള അറിവ് ഇല്ലാത്തതിനാല്‍ അത് ശ്രദ്ധിച്ചിരുന്നില്ല. ബോര്‍ഡിംഗ് പാസിന് വേണ്ടി എയര്‍ലൈന്‍ അധികൃതര്‍ ആവശ്യപ്പെട്ടപ്പോഴാണ് ഹെല്‍ത്ത് പാസ്പോര്‍ട്ടിലെ ഈ അപാകത താനും ശ്രദ്ധിച്ചതെന്ന് സജീര്‍ പറയുന്നു.

സൗദിയില്‍ വെച്ചാണ് താന്‍ ആദ്യ ഡോസ് എടുത്തത്. ആസ്ട്രസെനകയാണ് എടുത്തത്. നാട്ടില്‍ നിന്നാണ് രണ്ടാമത്തെ ഡോസ് എടുത്തത്. അതും ആസ്ട്രസെനക തന്നെയായിരുന്നു. മൂന്നാമത്തെ ഡോസ് താന്‍ എടുത്തിട്ടേയില്ല. എന്ത് കൊണ്ടാണ് മൂന്ന് ഡോസുകളുടെ വിവരങ്ങള്‍ ഹെല്‍ത്ത് പാസ്പോര്‍ട്ടില്‍ ഉള്‍പ്പെട്ടതെന്നും വാക്സിനുകളുടെ പേര് തെറ്റായി കാണിക്കുന്നതെന്നും അറിയില്ലെന്നും സജീര്‍ പറഞ്ഞു.

ഈ രേഖയുമായി സൗദിയിലേക്ക് യാത്ര ചെയ്യാന്‍ അനുമതി നല്‍കാനാവില്ലെന്നാണ് എയര്‍ലൈന്‍ അധികൃതരുടെ നിലപാട്. രേഖയില്‍ തിരുത്ത് വരുത്തുന്നതിനായി സ്പോണ്‍സര്‍ റിയാദിലെ എം.ഒ.എച്ച് ആസ്ഥാനത്ത് പോയെങ്കിലും ഒന്നും ചെയ്യാന്‍ സാധിച്ചില്ല. ഇതോടെ യാത്ര മുടങ്ങിയ സജീര്‍ ശ്രീലങ്കയില്‍ കുടുങ്ങിയിരിക്കുകയാണ് ഇപ്പോള്‍.

ഈ സംഭവത്തില്‍ കൂടുതല്‍ വ്യക്തത വരുത്തുന്നതിനായി ശ്രീലങ്കയിലെ ട്രാവല്‍ രംഗത്ത് പ്രവര്‍ത്തിക്കുന്നവര്‍ വഴി പ്രവാസി കോര്‍ണര്‍ ശ്രീലങ്കന്‍ എയര്‍ലൈന്‍സുമായി ബന്ധപ്പെടുകയുണ്ടായി. യാത്രക്കാരന്‍ നല്‍കിയ സൗദി ആരോഗ്യ മന്ത്രാലയത്തിന്റെ രേഖകളില്‍ കാര്യമായ അപാകതകള്‍ ഉണ്ടായത് കൊണ്ടാണ് യാത്രാനുമതി നിഷേധിച്ചത് എന്നാണ് എയര്‍ലൈന്‍സ അധികൃതര്‍ വ്യക്തമാക്കുന്നത്. യാത്രക്കാരന്‍ നല്‍കിയ രേഖകള്‍ പ്രകാരം ഒന്നാമത്തെ ഡോസ് വാക്സിനും രണ്ടാമത് ഡോസ് വാക്സിനും ഒരേ ദിവസമാണ് എടുത്തിട്ടുള്ളത്.

മാത്രമല്ല പാസ്പോര്‍ട്ട് വിവരങ്ങള്‍ പ്രകാരം ഈ യാത്രക്കാരന്‍ ഇന്ത്യയില്‍ തുടരുന്ന സമയത്ത് രണ്ടാമത്തെ ഡോസ് ആയി ഫൈസര്‍ കമ്പനിയുടെ വാക്സിനും മൂന്നാമത്തെ ഡോസ് ആയി വ്യത്യസ്ത തിയ്യതിയില്‍ ഫൈസര്‍ വാക്സിനും എടുതതായാണ് രേഖകളില്‍ നിന്നും വ്യക്തമാവുന്നത്. ഇന്ത്യയില്‍ ഫൈസര്‍ വാക്സിന്‍ ഇതുവരെ നല്‍കി തുടങ്ങിയിട്ടില്ല. ഇന്ത്യയില്‍ അനുമതിയുള്ളതും നല്‍കുന്നതും കോവിഷീല്‍ഡും കോവാക്സിനുമാണ്. ഈ സാഹചര്യത്തില്‍ ആ യാത്രക്കാരന്റെ രേഖകള്‍ പ്രകാരം യാത്രാനുമതി നല്‍കാന്‍ സാധിക്കില്ലെന്നും എയര്‍ലൈന്‍ അധികൃതര്‍ വ്യക്തമാക്കുന്നു.

ഇക്കാര്യത്തില്‍ സജീര്‍ നിരപരാധിയാണെന്നും രേഖകളില്‍ കൃത്രിമം കാണിച്ചിരിക്കാന്‍ സാധ്യതയില്ലെന്നും നിയമ വിദഗ്ദര്‍ പറയുന്നു. സൗദി എം.ഒ.എച്ച് സിസ്റ്റത്തില്‍ വിവരങ്ങള്‍ അപ്ഡേറ്റ് ചെയ്യുമ്പോള്‍ ഉണ്ടാകുന്ന ഒരു സാങ്കേതിക പ്രശ്നമാണ് ഈ ആശയ കുഴപ്പത്തിന് ഇടയാക്കുന്നതെന്നും നാട്ടില്‍ ഒരുപാട് പേര്‍ സമാനമായ പ്രശ്നം അഭിമുഖീകരിക്കുന്നുണ്ട് എന്നും പറയുന്നു.

എന്നാല്‍ എം.ഒ.എച്ച് സിസ്റ്റത്തില്‍ വിവരങ്ങള്‍ അപ്‌ലോഡ്‌ ചെയ്യുന്ന സമയത്ത് സജീറിന്റെ ഭാഗത്ത് നിന്നും അശ്രദ്ധ ഉണ്ടായിട്ടുണ്ടാകാന്‍ സാധ്യത ഉണ്ടെന്നും നിയമ വിദഗ്ദര്‍ ചൂണ്ടി കാട്ടുന്നു. അതോടൊപ്പം ഇക്കാര്യങ്ങള്‍ എയര്‍ലൈന്‍ അധികൃതരെ പറഞ്ഞു ബോധ്യപ്പെടുത്താന്‍ സജീറിന് സാധിക്കാതിരുന്നതും യാത്ര മുടങ്ങാന്‍ കാരണമായിട്ടുണ്ടാകം എന്നാണ് വിദഗ്ദരുടെ അഭിപ്രായം.

എം.ഒ.എച്ച് സിസ്റ്റത്തില്‍ രേഖകള്‍ അപ്‌ലോഡ്‌ ചെയ്യുന്ന സമയത്ത് വാക്സിന്റെ പേര് സെലക്റ്റ് ചെയ്യുന്ന സമയത്ത് അശ്രദ്ധ ഉണ്ടാവുകയാണെങ്കില്‍ ഇങ്ങിനെ സംഭവിക്കാന്‍ സാധ്യതയുണ്ട്. കാരണം സൈറ്റില്‍ ഡിഫോള്‍ട്ട് ആയി ഫൈസര്‍ ബയേണ്‍ടെക് എന്നായിരിക്കും വാക്സിന്റെ പേര് നല്‍കിയിട്ടുണ്ടാവുക. നാട്ടില്‍ നിന്നും വാക്സിന്‍ വിവരങ്ങള്‍ അപ്‌ലോഡ്‌ ചെയ്യുന്നവര്‍ അത് മാറ്റി പകരം ആസ്ട്രസെനക എന്നാക്കി മാറ്റേണ്ടതുണ്ട്. അല്ലാത്ത പക്ഷം വാക്സിന്‍ സര്‍ട്ടിഫിക്കറ്റില്‍ ഫൈസര്‍ എന്ന പേരായിരിക്കും രേഖപ്പെടുത്തുക. രണ്ടു ഡോസ് ഫൈസര്‍ എടുത്തതായി തവക്കല്‍നയിലും ഹെല്‍ത്ത് പാസ്പോര്‍ട്ടിലും രേഖപ്പെടുത്തുകയും ചെയ്യും.

മറ്റൊരു സാങ്കേതിക പ്രശ്നം വ്യത്യസ്ത വാക്സിന്‍ കമ്പനികളുടെ വിവരങ്ങള്‍ അപ്ഡേറ്റ് ചെയ്യുമ്പോള്‍ ഉണ്ടാകുന്നതാണ്. ഒന്നാമത്തെ ഡോസ് എടുത്ത ശേഷം രണ്ടാമത്തെ ഡോസ് വ്യത്യസ്ത കമ്പനിയുടെ വാക്സിന്‍ എടുക്കുന്നവര്‍ക്കാണ് ഈ സാങ്കേതിക പ്രശ്നം സംഭവിക്കുന്നത്. അതായത് സൗദിയില്‍ നിന്നും ഒന്നാമത് ഡോസ് ഫൈസര്‍ വാക്സിനും നാട്ടില്‍ നിന്നും രണ്ടാമത്തെ ഡോസ് ആസ്ത്രസെനക കോവിഷീല്‍ഡ് എടുക്കുന്നവര്‍ക്ക് ഈ സാങ്കേതിക പ്രശ്നം ഉണ്ടാകാം.

രണ്ടു ഡോസ് വാക്സിന്‍ വിവരങ്ങള്‍ അപ്ഡേറ്റ് ചെയ്യാനുള്ള സൗകര്യമാണ് സാധാരണ ഗതിയില്‍ എം.ഓ.എച്ച് സൈറ്റില്‍ ഉള്ളത്. ഒന്നാമത്തെ ഡോസും രണ്ടാമത്തെ ഡോസും ഒരേ കമ്പനിയുടേതാണ് എടുത്തതെങ്കില്‍ ഈ സാങ്കേതിക പ്രശ്നം ഉണ്ടാകില്ല. അല്ലാത്ത പക്ഷം സാങ്കേതിക പ്രശ്നങ്ങള്‍ ഉണ്ടാകാന്‍ സാധ്യതയുണ്ട്.

അതായത് ഒന്നാമത് ഡോസ് ആയി ഫൈസര്‍ എടുത്തിട്ടുള്ള വ്യക്തി രണ്ടാമത്തെ ഡോസായി ഫൈസര്‍ തന്നെ എടുത്ത് സൈറ്റില്‍ വിവരങ്ങള്‍ അപ്ഡേറ്റ് ചെയ്യുമ്പോള്‍ പ്രശ്നങ്ങള്‍ ഉണ്ടാകില്ല. ഒന്നാമത്തെ ഡോസ് ഫൈസര്‍, രണ്ടാമത്തെ ഡോസും ഫൈസര്‍ എന്ന് രേഖപ്പെടുത്തും. എന്നാല്‍ ഒന്നാമത്തെ ഡോസ് ഒരു കമ്പനിയുടെയും രണ്ടാമത്തെ ഡോസ് വ്യത്യസ്തമായ കമ്പനിയുടെയും ആയിട്ടാണ് എടുക്കുന്നതെങ്കില്‍ മൂന്ന് ഡോസുകള്‍ ആയിട്ടാണ് എം.ഒ.എച്ച് രേഖകളായ തവക്കല്‍നയിലും ഹെല്‍ത്ത് പാസ്പോര്‍ട്ടിലും അത് കാണാന്‍ സാധിക്കുക.

ഉദാഹരണമായി ഒന്നാമത്തെ ഡോസ് സൗദിയില്‍ നിന്നും ഫൈസര്‍ വാക്സിന്‍ എടുക്കുകയും രണ്ടാമത്തെ ഡോസ് നാട്ടില്‍ നിന്നും ആസ്ത്രസെനക കോവിഷീല്‍ഡ് എടുക്കുകയും ചെയ്ത് ആ വിവരങ്ങള്‍ എം.ഒ.എച്ച് സൈറ്റില്‍ അപ്‌ലോഡ്‌ ചെയ്യുമ്പോള്‍ തവക്കല്‍നയിലും ഹെല്‍ത്ത് പാസ്പോര്‍ട്ടിലും മൂന്ന് ഡോസ് എടുത്തതായാണ് രേഖപ്പെടുത്തുക. അതില്‍ ഒന്നാമത്തെ ഡോസിന്റെയും രണ്ടാമത്തെ ഡോസിന്റെയും തിയ്യതികള്‍ ഒന്ന് തന്നെ ആയിരിക്കും. ഒന്നാമത്തെ ഡോസ് എടുത്ത തിയ്യതി തന്നെ ആയിരിക്കും രണ്ടാമത്തെ ഡോസ് എടുത്ത തിയ്യതിയായി രേഖപ്പെടുത്തുക. രണ്ടാമത്തെ ഡോസ് എടുത്ത തിയ്യതി ആണ് മൂന്നാമത്തെ ഡോസ് തിയ്യതിയായി രേഖപ്പെടുത്തിയിട്ടുണ്ടാകുക.

ഇത് എം.ഒ.എച്ച് സിസ്റ്റത്തില്‍ ഉണ്ടാകുന്ന ഒരു സാങ്കേതിക പ്രശനമാണ്. ഇതുപോലെയുള്ള പ്രശ്നം അഭിമുഖീകരിക്കുന്ന നിരവധി പ്രവാസികള്‍ സമീപ ദിവസങ്ങളില്‍ മടങ്ങി പോകാന്‍ തയ്യാറെടുക്കുന്നുണ്ട്. എന്നാല്‍ ഈ പ്രശ്നം മൂലം യാത്ര മുടങ്ങുന്ന സാഹചര്യങ്ങള്‍ വിരളമാണ്. ഇതൊരു സാങ്കേതിക പ്രശ്നം മാത്രമാണെന്നും രേഖകള്‍ സഹിതം വ്യക്തമാക്കി കാര്യങ്ങള്‍ ശരിയായ രീതിയില്‍ ആശയ വിനിമയം നടത്താന്‍ സാധിക്കുന്നവര്‍ക്ക് യാത്ര തടസ്സപ്പെടാന്‍ സാധ്യതയില്ല. എന്നാല്‍ അശ്രദ്ധ മൂലം വാക്സിന്‍ പേര് വിവരങ്ങള്‍ തെറ്റായി രേഖപ്പെടുത്തിയിട്ടുണ്ടോ എന്ന് ശ്രദ്ധിക്കണമെന്നും നിയമ വിദഗ്ദര്‍ പറയുന്നു.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/J1zYcdCGveeItkPfTH4vck

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading

LATEST

സൗദി പ്രവാസികള്‍ ആവര്‍ത്തിച്ചു ചോദിച്ച ഏറ്റവും പുതിയ 17 ചോദ്യങ്ങള്‍. നാട്ടില്‍ നിന്നും സൗദിയിലേക്ക് തിരിച്ചു വരുന്നവരും സൗദിയില്‍ ഉള്ളവരും അറിഞ്ഞിരിക്കേണ്ടത്

Published

on

1. ഞാന്‍ നാട്ടില്‍ നിന്നും രണ്ടു ഡോസ് വാക്സിന്‍ സ്വീകരിച്ച് തവക്കല്‍നയില്‍ ഇമ്മ്യൂണ്‍ ആയ ശേഷം സൗദിയില്‍ തിരിച്ചെത്തിയ ആളാണ്‌. മാലിദ്വീപില്‍ 14 ദിവസം താമസിച്ചതിനു ശേഷമാണ് സൗദിയിലേക്ക് തിരിച്ചെത്തിയത്. എനിക്ക് അടിയന്തിരമായി ഇപ്പോള്‍ നാട്ടിലേക്ക് പത്തു ദിവസത്തെ അവധിയില്‍ പോകേണ്ടതായിട്ടുണ്ട്. നാട്ടിലേക്ക് പോയി തിരിച്ചു വരുന്ന സമയത്ത് എനിക്ക് നേരിട്ട് സൗദിയിലേക്ക് യാത്ര ചെയ്യുന്നതിനു തടസ്സമുണ്ടോ?

നിലവില്‍ സൗദിയില്‍ നിന്നും രണ്ടു ഡോസ് വാക്സിന്‍ സ്വീകരിച്ചവര്‍ക്ക് മാത്രമേ നേരിട്ട് പ്രവേശനം അനുവദിക്കുകയുള്ളൂ. അല്ലാത്തവര്‍ക്ക് നേരിട്ടുള്ള പ്രവേശനത്തിന് വിലക്കുണ്ട്. സൗദിക്ക് പുറത്ത് നിന്നും വാക്സിന്‍ സ്വീകരിച്ചവര്‍ മറ്റൊരു രാജ്യത്ത് 14 ദിവസം താമസിച്ച ശേഷം മാത്രമേ സൗദിയിലേക്ക് പ്രവേശനം അനുവദിക്കുകയുള്ളൂ എന്ന വ്യവസ്ഥയില്‍ ഇപ്പോഴും മാറ്റം ഉണ്ടായിട്ടില്ല. ഈ നിബന്ധന റെഡ് ലിസ്റ്റില്‍ ഉള്ള രാജ്യത്ത് നിന്നും സൗദിയിലേക്ക് വരുന്ന വിദേശികള്‍ക്ക് ബാധകമാണ്. ഒരിക്കല്‍ ഇമ്മ്യൂണ്‍ ആയി മറ്റൊരു രാജ്യത്ത് 14 ദിവസം താമസിച്ചതിനു ശേഷം സൗദിയില്‍ തിരിച്ചെത്തിയവര്‍ക്കും ഈ നിബന്ധനയില്‍ ഇളവ് ലഭിക്കില്ല. നിലവിലെ നിബന്ധന പ്രകാരം ഇവര്‍ സൗദിയില്‍ നിന്നും നാട്ടിലേക്ക് പോയാല്‍ പിന്നീട് സൗദിയിലേക്ക് പ്രവേശിക്കണമെങ്കില്‍ മറ്റൊരു രാജ്യത്ത് 14 ദിവസം താമസിക്കേണ്ടതായി വരും.

2. ഞാനിപ്പോള്‍ നാട്ടിലാണ് ഉള്ളത്. എന്റെ സൗദി മൊബൈല്‍ നമ്പര്‍ തിരിച്ചു കിട്ടാന്‍ സാധ്യത ഇല്ലാത്ത വിധം നഷ്ടപ്പെട്ടു പോയി. മൊബൈല്‍ ഫോണ്‍ അടക്കമാണ് നഷ്ടപ്പെട്ടു പോയത്. ആ സിം കാര്‍ഡിലാണ് അബ്ഷീര്‍, തവക്കല്‍ന, സ്വഹത്തി എല്ലാം രജിസ്റ്റര്‍ ചെയ്തിട്ടുള്ളത്. ഇതെല്ലം പുതിയ നമ്പരിലേക്ക് മാറ്റാന്‍ എന്തെങ്കിലും മാര്‍ഗ്ഗം ഉണ്ടോ?

ഒരു സൗദി പ്രവാസി എന്ന നിലയില്‍ വളരെ പ്രധാനപ്പെട്ട ഒരു മൊബൈല്‍ നമ്പരാണ് നിങ്ങള്‍ക്ക് നഷ്ടമായത്. സൗദിയില്‍ എത്തിയ ശേഷം ഇതെല്ലാം പുതിയ മൊബൈല്‍ നമ്പരിലേക്ക് മാറ്റാന്‍ സാധിക്കും. നിങ്ങളുടെ പേരില്‍ ഒരു സിം കാര്‍ഡ് എടുക്കുക. എയര്‍പോര്‍ട്ടില്‍ MOI (Ministry of Interior) യുടെ മെഷീനില്‍ വിരലടയാളം കൊടുത്ത് അപ്ഡേറ്റ് മൊബൈല്‍ നമ്പര്‍ എന്ന ഓപ്ഷന്‍ ഉപയോഗിച്ച് അബ്ഷീറില്‍ മൊബൈല്‍ നമ്പര്‍ അപ്ഡേറ്റ് ചെയ്യുക. അബ്ഷീര്‍ അപ്ഡേറ്റ് ചെയ്തു കഴിഞ്ഞാല്‍ അതിനു ശേഷം തവക്കല്‍ന ആക്റ്റിവേറ്റ് ചെയ്യുക. ലോഗിന്‍ പേജില്‍ അപ്ഡേറ്റ് മൊബൈല്‍ നമ്പര്‍ എന്ന ഓപ്ഷന്‍ കാണാന്‍ സാധിക്കും. അതില്‍ ആവശ്യമായ വിവരങ്ങള്‍ നല്‍കി ഒ.ടി.പി എന്റര്‍ ചെയ്‌താല്‍ തവക്കല്‍ന പുതിയ മൊബൈല്‍ നമ്പരിലേക്ക് മാറി കിട്ടും. സ്വിഹത്തിയിലും അപ്ഡേറ്റ് മൊബൈല്‍ നമ്പര്‍ എന്ന ഓപ്ഷന്‍ ഉപയോഗിച്ച് മൊബൈല്‍ നമ്പര്‍ മാറ്റാന്‍ സാധിക്കും. എന്നാല്‍ ഇതെല്ലാം സൗദിയില്‍ എത്തിയ ശേഷമാണ് ചെയ്യാന്‍ സാധിക്കുക.

3. അബ്ഷീര്‍, തവക്കല്‍ന, സ്വഹത്തി മൊബൈല്‍ നമ്പര്‍ നഷ്ടപ്പെട്ടു പോയി. വര്‍ക്ക്‌ ചെയ്യുന്ന മറ്റൊരു സൗദി നമ്പര്‍ കൈവശം ഉണ്ട്. എനിക്ക് ഇപ്പോള്‍ നാട്ടില്‍ നിന്നും ആദ്യ ഡോസ് വാക്സിന്‍ സര്‍ട്ടിഫിക്കറ്റ് കിട്ടാന്‍ എന്തെങ്കിലും മാര്‍ഗ്ഗം ഉണ്ടോ?

രണ്ടു വഴികളാണ് ഉള്ളത്. ഒന്ന് ഒഫീഷ്യലും മറ്റൊന്ന് അണ്‍ ഒഫീഷ്യലും ആണ്. ആരോഗ്യ മന്ത്രാലയവുമായി ബന്ധപ്പെട്ടു പ്രവര്‍ത്തിക്കുന്നവര്‍ മുഖേന ലഭ്യമാക്കുന്നതാണ് ഒരു വഴി. അത് അണ്‍ ഒഫീഷ്യല്‍ ആണ്. അങ്ങിനെയുള്ള ആരെങ്കിലും ഉണ്ടെങ്കില്‍ അവരുമായി ബന്ധപ്പെട്ടാല്‍ സ്വിഹത്തി മെഡിക്കല്‍ സര്‍ട്ടിഫിക്കറ്റ് ലഭിക്കാന്‍ സാധ്യതയുണ്ട്. എം.ഒ.എച്ചില്‍ ജോലി ചെയ്യുന്ന ഡോക്ടര്‍മാര്‍ ഉള്‍പ്പെടെയുള്ള ആരോഗ്യ പ്രവര്‍ത്തകര്‍ക്ക് വ്യക്തികളുടെ മൊബൈല്‍ നമ്പരില്‍ ഒ.ടി.പി ലഭിക്കാതെ തന്നെ സര്‍ട്ടിഫിക്കറ്റ് സിസ്റ്റത്തില്‍ നിന്നും പ്രിന്റ്‌ ചെയ്ത് എടുക്കാന്‍ സാധിക്കും. കുറച്ചു ദിവസം മുന്‍പ് വരെ ഇങ്ങിനെ കുറെ പേര്‍ സര്‍ട്ടിഫിക്കറ്റ് ലഭ്യമാക്കിയിട്ടുണ്ട്. ഇപ്പോള്‍ ലഭ്യമാണോ എന്നറിയില്ല. പണം വാങ്ങിയാണ് ചില ഏജന്റുകള്‍ ഇങ്ങിനെ ചെയ്തു കൊടുതിരുന്നത്. നിയമപരമായ വഴി അല്ലാത്തതിനാല്‍ തിനെ കുറിച്ച് കൂടുതല്‍ പറയാന്‍ സാധിക്കില്ല.

മറ്റൊരു വഴി ഉള്ളത്, എം.ഓ.എച്ച് മായി ഇ മെയില്‍ വഴി ബന്ധപ്പെടുക. ഇഖാമ കോപ്പി, നഷ്ട്ടപ്പെട്ടു പോയ മൊബൈല്‍ നമ്പര്‍, നിലവിലുള്ള മൊബൈല്‍ നമ്പര്‍ എന്നിവയുടെ വിവരങ്ങള്‍ സഹിതം സ്വിഹത്തി മൊബൈല്‍ നമ്പര്‍ പുതിയ നമ്പരിലേക്ക് മാറ്റി കിട്ടുവാന്‍ അഭ്യര്‍ഥിച്ച് [email protected] ലേക്ക് മെയില്‍ അയക്കുക. ശ്രമിച്ച് നോക്കുക. പ്രതികരണം ചിലപ്പോള്‍ വൈകുകയോ ലഭിക്കാതിരിക്കുകയോ ചെയ്യാം.

4. കോവിഡ് ആദ്യ സമയത്ത് നാട്ടിലേക്ക് വന്നതാണ്. ഇപ്പോഴും നാട്ടിലാണ്. ഇപ്പോള്‍ കഫീല്‍ ഇഖാമ പുതുക്കി തന്നിട്ടുണ്ട്. പക്ഷെ ഇതുവരെ തവക്കല്‍ന ഉണ്ടാക്കിയിട്ടില്ല. ഇപ്പോൾ എങ്ങിനെയാണ് ഉണ്ടാക്കുന്നത്. അബ്ഷീര്‍ അക്കൌണ്ട് ഉണ്ടായിരുന്നു. പക്ഷെ ഫോണ്‍ നമ്പര്‍ ഇപ്പോള്‍ ഇല്ല. ഇപ്പോള്‍ സൗദിയിലുള്ള സുഹൃത്ത് മുഖേന സിംകാര്‍ഡ് സംഘടിപ്പിച്ചിട്ടുണ്ട്. ഇത് വെച്ച് നാട്ടില്‍ നിന്നും മാറ്റാരാൾക് ഉണ്ടാക്കാൻ കഴിമോ?

അബ്ഷീര്‍ ഇല്ലാത്ത വ്യക്തി ആയിരുന്നെങ്കില്‍ സാധിക്കുമായിരുന്നു. സൗദിയിലുള്ള ഒരാളുടെ മൊബൈല്‍ നമ്പര്‍ വെച്ച് സര്‍ട്ടിഫൈ ചെയ്ത് നാട്ടില്‍ നിന്ന് തന്നെ തവക്കല്‍ന ശരിയാക്കാന്‍ സാധിക്കുമായിരുന്നു. മുന്‍പ് അബ്ഷീര്‍ അക്കൌണ്ട് ഉണ്ടായിരുന്ന വ്യക്തിയാണെങ്കില്‍ ഇപ്പോള്‍ ആ സാധ്യതയില്ല. ആദ്യം അബ്ഷീര്‍ അക്കൌണ്ടില്‍ മൊബൈല്‍ നമ്പര്‍ അപ്ഡേറ്റ് ചെയ്യേണ്ടതുണ്ട്. വിരലടയാളം വെച്ച് അപ്ഡേറ്റ് ചെയ്യണം എന്നതിനാല്‍ സൗദിയില്‍ ഉണ്ടെങ്കില്‍ മാത്രമേ ഇത് അപ്ഡേറ്റ് ചെയ്യാനും സാധിക്കുകയുള്ളൂ.

5. പുതിയ വിസക്കര്‍ക്ക് ദുബായില്‍ നിന്നും സൗദിയിലേക്ക് പോകുന്നതിനു ഏതൊക്കെ രേഖകളാണ് ആവശ്യമായുള്ളത്?

  1. മുഖീം അറൈവല്‍ രജിസ്ട്രേഷന്‍ പ്രിന്റൌട്ട്. മൊബൈലില്‍ പി.ഡി.എഫ് ഫോര്‍മാറ്റില്‍ സൂക്ഷിച്ചാലും മതിയാകും. സൗദിയിലേക്ക് വിമാനം കയറുന്നതിനു മുന്‍പുള്ള മൂന്നോ നാലോ ദിവസം മുന്‍പ് മുഖീമില്‍ രജിസ്റ്റര്‍ ചെയ്യാം.
  2. യാത്ര ചെയ്യുന്നതിന് 72 മണിക്കൂറിനുള്ളില്‍ ചെയ്തിട്ടുള്ള ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്.
  3. വിസയുള്ള പാസ്പോര്‍ട്ട് ഉണ്ടായിരിക്കണം. പാസ്പോര്‍ട്ട് പുതുക്കിയിട്ടുണ്ട് എങ്കില്‍ പഴയ പാസ്പോര്‍ട്ട് കൂടി കൈവശം കരുതുക.
  4. വാക്സിനേഷന്‍ സര്‍ട്ടിഫിക്കറ്റ് ഉണ്ടായിരിക്കണം.
  5. വിമാന ടിക്കറ്റ്
  6. യു.എ.ഇ വിസിറ്റ് വിസയുടെ കോപ്പി ഉണ്ടായിരിക്കണം.
  7. മൊബൈല്‍ ഫോണില്‍ തവക്കല്‍ന അപ്ളിക്കേഷന്‍ ഡൌണ്‍ലോഡ്‌ ചെയ്തിരിക്കണം. സൗദിയില്‍ എത്തിയ ശേഷം ആക്റ്റിവേറ്റ് ചെയ്‌താല്‍ മതിയാകും. എന്നാല്‍ അപ്ളിക്കേഷന്‍ മൊബൈലില്‍ ഡൌണ്‍ലോഡ്‌ ചെയ്തിരിക്കണം എന്നത് നിര്‍ബന്ധമാണ്‌. സൗദിയില്‍ എത്തിയ ശേഷം പാസ്പോര്‍ട്ട് നമ്പര്‍ വെച്ച് ആക്റ്റിവേറ്റ് ചെയ്യാന്‍ സാധിക്കും.
  8. സൗദിയിലേക്ക് പ്രവേശിക്കുന്നതിന് മുന്‍പായി മറ്റൊരു രാജ്യത്ത് 14 ദിവസം ചിലവഴിച്ചിരിക്കണം എന്നെത് നിര്‍ബന്ധമായ നിബന്ധനയാണ്. ഇതിനായി പ്രത്യേക രേഖയൊന്നും ആവശ്യമില്ല. ഇത് പാസ്പോര്‍ട്ടിലെ സ്റ്റാമ്പില്‍ നിന്നും വ്യക്തമാകും.

6. ഞാന്‍ അടുത്ത ദിവസം ദുബായില്‍ നിന്നും റിയാദിലേക്ക് യാത്ര ചെയ്യുവാനായി ടിക്കറ്റ് ബുക്ക് ചെയ്തിരുന്നു. നാട്ടിലുള്ള ട്രാവല്‍ ഏജന്റാണ് ബുക്ക് ചെയ്തത്. വിമാന യാത്രയില്‍ ഏഴ് കിലോ ഹാന്‍ഡ് ബാഗേജ് മാത്രമാണ് അനുവദിക്കുക എന്ന് പറയുന്നു. പക്ഷെ എനിക്ക് കൂടുതല്‍ ലഗേജ് ഉണ്ട്. അത് കൊണ്ട് പോകാന്‍ ഞാന്‍ എന്താണ് ചെയ്യേണ്ടത്?

ചിലവ് കുറയ്ക്കാനായി നിങ്ങള്‍ക്ക് ടിക്കറ്റ് ബുക്ക് ചെയ്തു തന്ന ട്രാവല്‍ എജന്റ് ഹാന്‍ഡ് ബാഗേജ് മാത്രമുള്ള ടിക്കറ്റ് ആയിരിക്കും നിങ്ങള്‍ക്കായി എടുത്തിട്ടുണ്ടാവുക. ചില ബഡ്ജറ്റ് വിമാന കമ്പനികള്‍ കുറഞ്ഞ നിരക്കില്‍ യാത്രക്കാരെ ആകര്‍ഷിക്കാനായി അത്തരത്തിലുള്ള ടിക്കറ്റുകളും യാത്രക്കാര്‍ക്ക് നല്‍കുന്നുണ്ട്. നിങ്ങള്‍ക്ക് കൂടുതല്‍ ലഗേജ് കൊണ്ട് പോകാനുണ്ടെങ്കില്‍ ഓണ്‍ലൈന്‍ വഴി കൂടുതല്‍ പണം നല്‍കി പര്‍ച്ചേസ് ചെയ്യാന്‍ സാധിക്കും. എയര്‍പോര്‍ട്ടില്‍ എത്തിയതിനു ശേഷം പര്‍ച്ചേസ് ചെയ്യാതെ മുന്‍കൂട്ടി എടുക്കുന്നതായിരിക്കും നല്ലത്. നേരിട്ട് ചെയ്യാന്‍ സാധിക്കുന്നില്ലെങ്കില്‍ നിങ്ങള്‍ക്ക് ടിക്കറ്റ് ബുക്ക് ചെയ്തു തന്ന ട്രാവല്‍ എജന്റുമായി ബന്ധപ്പെടുകയാണ് ഉത്തമം.

7. സൗദിയിലേക്ക് വിസിറ്റ് വിസയില്‍ പോകുന്നവര്‍ എന്തൊക്കെ രേഖകളാണ് കൈവശം സൂക്ഷിക്കേണ്ടത്?

  1. വാക്സിനേറ്റഡ്‌ വിസിറ്റര്‍ എന്ന സ്റ്റാറ്റസ് വെളിപ്പെടുത്തുന്ന മുഖീം രജിസ്ട്രേഷന്‍ പ്രിന്റൌട്ട്. പി ഡി എഫ് കോപിയും സ്വീകാര്യമാണ്. വിമാനം പുറപ്പെടുന്നതിന് മൂന്നോ നാലോ ദിവസത്തിനുള്ളില്‍ മുഖീമില്‍ രജിസ്റ്റര്‍ ചെയ്യാന്‍ സാധിക്കും.
  2. വിസയുള്ള പാസ്പോര്‍ട്ട്.
  3. സൗദിയിലേക്കുള്ള വിമാന ടിക്കറ്റ്.
  4. റിട്ടേണ്‍ ഡമ്മി ടിക്കറ്റ്. ഇത് പലപ്പോഴും ചോദിക്കാറില്ല. പക്ഷെ ചോദിച്ചാല്‍ കാണിച്ചില്ലെങ്കില്‍ യാത്രക്ക് തടസ്സം നേരിടും.
  5. നാട്ടില്‍ നിന്നുള്ള ഒറിജിനല്‍ വാക്സിനേഷന്‍ സര്‍ട്ടിഫിക്കറ്റ്.
  6. മെഡിക്കല്‍ ഇന്‍ഷുറന്‍സ്.
  7. രക്ഷ കര്‍ത്താവിന്റെ (ആശ്രിത വിസ സ്പോണ്‍സര്‍ ചെയ്യുന്ന വ്യക്തി) ഇഖാമ കോപ്പി.
  8. യാത്ര ചെയ്യുന്നതിന് 72 മണിക്കൂറിനുള്ളില്‍ ചെയ്തിട്ടുള്ള ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്.
  9. മൊബൈല്‍ ഫോണില്‍ തവക്കല്‍ന അപ്ളിക്കേഷന്‍ ഡൌണ്‍ലോഡ്‌ ചെയ്തിരിക്കണം. സൗദിയില്‍ എത്തിയ ശേഷം ആക്റ്റിവേറ്റ് ചെയ്‌താല്‍ മതിയാകും. എന്നാല്‍ അപ്ളിക്കേഷന്‍ മൊബൈലില്‍ ഡൌണ്‍ലോഡ്‌ ചെയ്തിരിക്കണം എന്നത് നിര്‍ബന്ധമാണ്‌. സൗദിയില്‍ എത്തിയ ശേഷം പാസ്പോര്‍ട്ട് നമ്പര്‍ വെച്ച് ആക്റ്റിവേറ്റ് ചെയ്യാന്‍ സാധിക്കും.
  10. സൗദിയിലേക്ക് പ്രവേശിക്കുന്നതിന് മുന്‍പായി മറ്റൊരു രാജ്യത്ത് 14 ദിവസം ചിലവഴിച്ചിരിക്കണം എന്നത് നിര്‍ബന്ധമായ വ്യവസ്ഥയാണ്‌. ഇതിനായി പ്രത്യേക രേഖയൊന്നും ആവശ്യമില്ല. ഇത് പാസ്പോര്‍ട്ടിലെ സ്റ്റാമ്പില്‍ നിന്നും വ്യക്തമാകും.

 

8. എക്സിറ്റ്-റീ എന്‍ട്രി വിസ എങ്ങിനെയാണ് ഓണ്‍ലൈന്‍ ആയി പരിശോധിക്കാന്‍ സാധിക്കുക. അതിന്റെ നടപടി ക്രമങ്ങള്‍ പറഞ്ഞു തരാമോ?

https://muqeem.sa/#/visa-validity/check എന്ന ഈ ലിങ്കില്‍ ക്ലിക്ക് ചെയ്ത് മുഖീമിലെ വിസ വാലിഡിറ്റി പേജിലേക്ക് പ്രവേശിക്കാം. ഇഖാമ നമ്പര്‍ ഉപയോഗിച്ചും വിസ നമ്പര്‍ ഉപയോഗിച്ചും രണ്ടു തരത്തില്‍ എക്സിറ്റ്-റീ എന്‍ട്രി വിസ കാലാവധി പരിശോധിക്കാന്‍ സാധിക്കും. ഏത് ഓപ്ഷന്‍ ഉപയോഗിച്ചാലും അതിനെ ക്രോസ് മാച്ച് ചെയ്യുന്നതിനായി മറ്റു ഏതെങ്കിലും ഒരു വിവരം കൂടി കൊടുക്കേണ്ടതുണ്ട്.

ഇഖാമ നമ്പര്‍ നല്‍കിയാണ്‌ എക്സിറ്റ്-റീ എന്‍ട്രി വിസ കാലാവധി പരിശോധിക്കുന്നതെങ്കില്‍ ഏറ്റവും മുകളില്‍ Iqama Number എന്ന് കാണുന്നിടത്ത് ക്ലിക്ക് ചെയ്യുക.

അതിനു ശേഷം അതിനു താഴെയായി iqama Number എന്ന് കാണുന്നിടത്ത് നിങ്ങളുടെ ഇഖാമ നമ്പര്‍ നല്‍കുക. അതിനു ശേഷം താഴെ Cross Match by എന്ന് കാണുന്നിടത്ത് ക്ലിക്ക് ചെയ്യുമ്പോള്‍ വിസ നമ്പര്‍, പാസ്പോര്‍ട്ട് നമ്പര്‍, പേര്, ജനന തിയ്യതി, ഇഖാമ അവസാനിക്കുന്ന തിയ്യതി, വിസ അവസാനിക്കുന്ന തിയ്യതി എന്നിങ്ങനെയുള്ള ഓപ്ഷനുകള്‍ കാണാന്‍ സാധിക്കും. അതില്‍ നിങ്ങള്‍ക്ക് വിവരം കൊടുക്കുക.

നിങ്ങള്‍ ജനന തിയ്യതിയാണ് കൊടുക്കാന്‍ ഉദ്ദേശിക്കുന്നത് എങ്കില്‍ Date of Birth എന്ന ഓപ്ഷനില്‍ ക്ലിക്ക് ചെയ്യുക. തുടര്‍ന്ന് വരുന്ന കലണ്ടറില്‍ നിന്നും ജനന തിയ്യതിയും മാസവും വര്‍ഷവും കൊടുക്കുക. അതിനു ശേഷം താഴെയായി Check  എന്നതില്‍ ക്ലിക്ക് ചെയ്യുമ്പോള്‍ അടുത്ത പേജില്‍ എക്സിറ്റ്-റീ എന്‍ട്രി വിസ കാലാവധി വിവരങ്ങള്‍ കാണിക്കും.

അതില്‍ ഇടത് വശത്ത് ഏറ്റവും മുകളിലായി പാസ്പോര്‍ട്ട് നമ്പര്‍ കാണാം, അതിനു താഴെയായി Duration  എന്ന് കൊടുതിരിക്കുന്നിടത്ത് വിസ അനുവദിച്ചിരുക്കുന്നത് എത്ര ദിവസത്തേക്കാണ് എന്ന് കാണാം. അതിനു താഴെയായി വിസ ഇഷ്യു ചെയ്ത തിയ്യതി (Visa Issue Date), ഏത് തിയ്യതിക്ക് മുന്‍പായാണ് സൗദിയിലേക്ക് തിരിച്ച് പ്രവേശിക്കേണ്ടത് ((Return Before) എന്നിവ കാണാന്‍ സാധിക്കും.

അതിനു എതിര്‍ വശത്തായി വിസ ടൈപ്പ് എന്ന് കാണാം നിങ്ങളുടെ എക്സിറ്റ്-റീ എന്‍ട്രി വിസ ഒരു തവത്തെക്കുള്ള വിസയാണോ (Single) അതോ പല തവണ ഉപയോഗിക്കാവുന്ന വിസയാണോ (Multiple) എന്നതാണ് അത് സൂചിപ്പിക്കുന്നത്. അതിനു താഴെയായി നിങ്ങള്‍ രാജ്യത്തിനകത്താണോ പുറത്താണോ നിലവില്‍ ഉള്ളത് (Inside/Outside Kingdom) എന്നും കാണാം.

അതിനു താഴെയായി നിങ്ങള്‍ തിരിച്ചു സൗദിയിലേക്ക് പ്രവേശിക്കേണ്ട അവസാന തിയ്യതിയും (Return Before) കാണാന്‍ സാധിക്കും. ഇതാണ് നിങ്ങളുടെ എക്സിറ്റ്-റീ എന്‍ട്രി വിസ  കാലാവധി. ഈ തിയ്യതിക്ക് മുന്‍പായി നിങ്ങള്‍ സൗദിയിലേക്ക് തിരിച്ചെത്തിയില്ലെങ്കില്‍ നിങ്ങളുടെ എക്സിറ്റ്-റീ എന്‍ട്രി വിസ സാധുതയില്ലാത്തതായി തീരും. എക്സിറ്റ്-റീ എന്‍ട്രി വിസ നീട്ടി കിട്ടിയിട്ടുണ്ട് എങ്കില്‍ ഇവിടെ അത് കാണാന്‍ സാധിക്കും.

9. യു.എ.ഇ യിലേക്ക് യാത്ര ചെയ്യാന്‍ എന്തൊക്കെ രേഖകളാണ് ആവശ്യമായി വരുന്നത്?

  1. യു.എ.ഇ ടൂറിസ്റ്റ് വിസ
  2. ഇന്‍ഷുറന്‍സ്
  3. വിമാനം പുറപ്പെടുന്നതിന് 48 മണിക്കൂറിനുള്ളില്‍ എടുത്ത ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്. ഇവിടെ ഒരു കാര്യം പ്രത്യേകം ശ്രദ്ധിക്കുക. സൗദിയിലേക്ക് പോകുന്നതിനാല്‍ 72 മണിക്കൂറിനുള്ളില്‍ എടുത്ത ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട് ഹാജരാക്കേണ്ടത്. യു.എ.ഇ യിലേക്ക് 48 മണിക്കൂര്‍ ആണ് നിബന്ധന. ഇത് മൂലം ചിലരുടെയെങ്കിലും യാത്ര മുടങ്ങിയ സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്.
  4. വിമാനം പുറപ്പെടുന്നതിന് 6 മണിക്കൂറിനുള്ളില്‍ എടുത്ത റാപിഡ് ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്. ഇത് യാത്ര ചെയ്യുന്ന എയര്‍പോര്‍ട്ടില്‍ നിന്നും എടുക്കാം.
  5. വാക്സിനേഷന്‍ സര്‍ട്ടിഫിക്കറ്റ്
  6. വിമാന ടിക്കറ്റ്.
  7. റിട്ടേണ്‍ ഡമ്മി ടിക്കറ്റ്. ഇത് പലപ്പോഴും ചോദിക്കാറില്ല. പക്ഷെ ചോദിച്ചാല്‍ കാണിച്ചില്ലെങ്കില്‍ യാത്രക്ക് തടസ്സം നേരിടും.
  8. കാലാവധിയുള്ള പാസ്പോര്‍ട്ട്. ചുരുങ്ങിയത് ആറു മാസമെങ്കിലും കാലാവധി ഉണ്ടായിരിക്കണം.
  9. യു.എ.ഇ യില്‍ താമസ സൗകര്യത്തിന്റെ തെളിവ്. ചിലപ്പോള്‍ ആവ്ശയ്പ്പെട്ടെക്കം. ഹോട്ടല്‍ ബുക്കിംഗ് ഇതിനുള്ള തെളിവായി കാണിക്കാവുന്നതാണ്. പലപ്പോഴും സുഹൃത്തുക്കളുടെയോ ബന്ധുക്കളുടെയോ അടുത്ത താമസിക്കാന്‍ പദ്ധതിയുള്ളവര്‍ ഉണ്ടായിരിക്കും. അവര്‍ തങ്ങള്‍ താമസിക്കാന്‍ ഉദ്ദേശിക്കുന്ന വ്യക്തിയുടെ എമിരേറ്റ്സ് ഐ.ഡി യുടെ കോപ്പി, അയാളുടെ വിലാസം, ബന്ധപ്പെടാനുള്ള നമ്പര്‍ എന്നിവ കൈവശം കരുതുന്നത് നന്നായിരിക്കും.
  10. എയര്‍പോര്‍ട്ടില്‍ നിന്നും നടത്തുന്ന പി സി ആര്‍ ടെസ്റ്റ്‌ റിസള്‍ട്ട് ലഭിക്കുന്നതിന് ആവശ്യമായ ഒരു യു.എ.ഇ മൊബൈല്‍ നമ്പര്‍ ആവശ്യമായുണ്ട്. ഇതിനായി പുതിയ സിം എടുക്കുകയോ സുഹൃത്തിന്റെയോ ബന്ധുവിന്റെയോ നമ്പര്‍ നല്‍കുകയോ ചെയ്യാം.

10. സൗദിയിലേക്ക് കൂടുതല്‍ ആളുകളും ദുബായ് വഴിയാണല്ലോ പോകുന്നത്. എനിക്ക് അബുദാബിയില്‍ ബന്ധുക്കളുണ്ട്. വിസിറ്റ് വിസ എടുത്ത് എനിക്ക് അബുദാബി വഴി സൗദിയിലേക്ക് പോകാന്‍ സാധിക്കുമോ?

സാധിക്കും. യു.എ.ഇ ടൂറിസ്റ്റ് വിസിറ്റ് വിസ എടുത്ത് ഏത് എമിറേറ്റ് വഴിയും പോകാന്‍ സാധിക്കും. രണ്ടു ഡോസ് വാക്സിന്‍ എടുത്തിരിക്കണം.

11. എന്റെ ഇഖാമ കോപ്പി നഷ്ടപ്പെട്ടു. സ്പോണ്‍സറുമായി ബന്ധപ്പെടാതെ ഇഖാമ കോപ്പി ലഭിക്കാന്‍ എന്താണ് മാര്‍ഗ്ഗം?

തവക്കല്‍നയില്‍ നിന്നും കോപ്പി എടുക്കാന്‍ സാധിക്കും. തവക്കല്‍ന പ്രധാന പേജില്‍ ഹോം, സര്‍വീസസ്, എന്നിവ കഴിഞ്ഞാല്‍ വലത്ത് ഭാഗത്ത് ഡിജിറ്റല്‍ ഡോക്യുമെന്റ്സ് എന്ന ഐക്കണില്‍ ക്ലിക്ക് ചെയ്‌താല്‍ ഡിജിറ്റല്‍ ഇഖാമ കാണാന്‍ സാധിക്കും. തവക്കല്‍ന ഓപണ്‍ ചെയ്യാന്‍ സാധിക്കുമെങ്കില്‍ നേരിട്ടും കാണിച്ചു കൊടുക്കാം. ചിലപ്പോള്‍ ഇന്റര്‍നെറ്റ്‌ കണക്റ്റിവിറ്റി പ്രശ്നങ്ങള്‍ മൂലം ഉണ്ടാകുന്ന അസൗകര്യങ്ങള്‍ ഒഴിവാക്കാന്‍ അതില്‍ നിന്നും കോപ്പി എടുത്ത് സൂക്ഷിക്കാം. സ്ക്രീന്‍ ഷോട്ട് ആയാലും മതി.

12. സൗദിയില്‍ ഇഖാമ ഉള്ളവര്‍ക്ക് റോഡ്‌ മാര്‍ഗ്ഗം സൗദിയിലേക്ക് യാത്ര ചെയ്യാന്‍ എന്തെല്ലാം രേഖകളാണ് ആവശ്യമായുള്ളത്?

  1. വാക്സിനേറ്റഡ്‌ റെസിഡന്റ് എന്ന സ്റ്റാറ്റസ് വെളിപ്പെടുത്തുന്ന മുഖീം രജിസ്ട്രേഷന്‍. അതിര്‍ത്തി കടക്കുന്നതിനു മൂന്നോ നാലോ ദിവസം മുന്‍പ് മുഖീമില്‍ രജിസ്റ്റര്‍ ചെയ്യാന്‍ സാധിക്കും.
  2. കാലാവധിയുള്ള എക്സിറ്റ്/റീ എന്‍ട്രി വിസ ഉണ്ടായിരിക്കണം.
  3. കാലാവധിയുള്ള പാസ്പോര്‍ട്ട്
  4. ഇന്ത്യയില്‍ നിന്നുള്ളതോ സൗദിയില്‍ നിന്നുള്ളതോ ആയ വാക്സിനേഷന്‍ സര്‍ട്ടിഫിക്കറ്റ്.
  5. സ്വഹത്തിയില്‍ നിന്നുള്ള സൗദി ആരോഗ്യ മന്ത്രാലയത്തിന്റെ വാക്സിനേഷന്‍ സര്‍ട്ടിഫിക്കറ്റ്. അല്ലെങ്കില്‍ തവക്കല്‍നയിലെ ഹെല്‍ത്ത് പാസ്പോര്‍ട്ട്. അല്ലെങ്കില്‍ തവക്കല്‍നയിലെ ഇമ്മ്യൂണ്‍ സ്റ്റാറ്റസ്. പലപ്പോഴും ഇത് നിര്‍ബന്ധമായി ആവശ്യപ്പെടുന്നില്ല.
  6. യാത്ര ചെയ്യുന്നതിന് 72 മണിക്കൂറിനുള്ളില്‍ ചെയ്തിട്ടുള്ള ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്.
  7. ഇഖാമ
  8. യു.എ.ഇ വിസിറ്റ് വിസ കോപ്പി.
  9. സൗദിയിലേക്ക് പ്രവേശിക്കുന്നതിന് മുന്‍പായി മറ്റൊരു രാജ്യത്ത് 14 ദിവസം ചിലവഴിച്ചിരിക്കണം എന്നത് നിര്‍ബന്ധമായ വ്യവസ്ഥയാണ്‌. ഇതിനായി പ്രത്യേക രേഖയൊന്നും ആവശ്യമില്ല. ഇത് പാസ്പോര്‍ട്ടിലെ സ്റ്റാമ്പില്‍ നിന്നും വ്യക്തമാകും.

13. ഞാന്‍ സൗദിയില്‍ നിന്നും ഫൈനല്‍ എക്സിറ്റില്‍ വന്നതാണ്. പുതിയ വിസയില്‍ രണ്ടാഴ്ച്ചക്ക് ശേഷം തിരിച്ചു പോകേണ്ടതാണ്. എനിക്ക് മറ്റൊരു രാജ്യത്ത് 14 ദിവസം താമസിക്കാതെ തന്നെ നാട്ടില്‍ നിന്നും സൗദിയിലേക്ക് നേരിട്ട് പ്രവേശിക്കാന്‍ സാധിക്കുമോ?

സൗദിയില്‍ നിന്നും രണ്ടു ഡോസ് വാക്സിന്‍ എടുത്തവര്‍ക്ക് സൗദിയിലേക്ക് നേരിട്ട് പ്രവേശിക്കാന്‍ അനുമതിയുണ്ട്. പുതിയ വിസയില്‍ വരുന്നവര്‍ക്കും നേരിട്ട് പ്രവേശിക്കാന്‍ സാധിക്കുമെന്ന് ജവാസാത് സമീപ ദിവസങ്ങളില്‍ വ്യക്തമാക്കിയിട്ടുണ്ട്. എന്നാല്‍ എയര്‍ ഇന്ത്യ എക്സ്പ്രസ് തിരുവനന്തപുരത്ത് നിന്നുള്ള യാത്രക്കാരനെ നേരിട്ട് യാത്ര ചെയ്യാന്‍ അനുവദിക്കാതിരുന്ന സംഭവം കഴിഞ്ഞ ദിവസം ഉണ്ടായിട്ടുണ്ട്. സൗദിയില്‍ ഇഖാമ ഉള്ളവര്‍ക്ക് മാത്രം ബോര്‍ഡിംഗ് പാസ് നല്‍കിയാല്‍ മതിയെന്ന് തങ്ങള്‍ക്ക് നിര്‍ദ്ദേശം ഉണ്ടെന്ന് പറഞ്ഞാണ് യാത്രക്കാരന് ബോര്‍ഡിംഗ് പാസ് നിഷിധിച്ചത്. സമാനമായ അനുഭവം മറ്റു ചില യാത്രക്കാര്‍ക്കും എയര്‍ ഇന്ത്യ എക്സ്പ്രസ്സിന്റെ ഭാഗത്ത് നിന്നും ഉണ്ടായിട്ടുണ്ട്. എന്നാല്‍ ഈ സ്റ്റാറ്റസ് ഇല്ല നിരവധി പേര്‍ ഇന്‍ഡിഗോ സര്‍വീസ് ഉപയോഗപ്പെടുത്തി സൗദിയിലേക്ക് നേരിട്ട് പ്രവേശിച്ചിട്ടുണ്ട്. അതിനാല്‍ നേരിട്ട് പോകാന്‍ ഉദ്ദേശിക്കുന്നുണ്ടെങ്കില്‍ എയര്‍ ഇന്ത്യ എക്സ്പ്രസ് വഴിയുള്ള യാത്ര ഒഴിവാക്കുന്നതാണ് നല്ലത്. ട്രാവല്‍ എജന്റിനോട് ഇക്കാര്യം ചോദിച്ച് ഉറപ്പ് വരുത്തുകയും വേണം.

14. പുതിയ വിസക്കര്‍ക്ക് റോഡ്‌ മാര്‍ഗ്ഗം ദുബായില്‍ നിന്നും സൗദിയിലേക്ക് പോകാന്‍ സാധിക്കുമോ?

തുടക്കത്തില്‍ പുതിയ വിസക്കര്‍ക്ക് തടസ്സങ്ങള്‍ നേരിട്ടിരുന്നു. ഇപ്പോള്‍ അത്തരം പ്രശ്നങ്ങള്‍ ഇല്ല എന്നാണ് അറിവ്. ദുബായ് – ദമ്മാം, റിയാദ് ബസ് സര്‍വീസ് നടത്തുന്നവര്‍ ഇപ്പോള്‍ പുതിയ വിസക്കാരെയും കൊണ്ട് പോകുന്നുണ്ട്.

15. ദുബായില്‍ നിന്നും കാര്‍ / ടാക്സി വഴി യാത്ര ചെയ്യുന്നത് ബസ് മാര്‍ഗ്ഗം പോകുന്നതിനെക്കാള്‍ നല്ലതാണോ? കുടുംബമായി അടുത്ത ആഴ്ച യാത്ര ചെയ്യാനുള്ളതാണ്.

യാത്രാ ചിലവില്‍ കുറച്ച് കൂടി പണം അധികം ചിലവാകും എന്നത് ഒഴിച്ച് നിര്‍ത്തിയാല്‍ കുടുംബമായി യാത്ര ചെയ്യുന്നതാണെങ്കില്‍ ടാക്സി വഴി പോകുന്നതാണ് ബസ് മാര്‍ഗ്ഗം യാത്ര ചെയ്യുന്നതിനേക്കാള്‍ നല്ലത്. ടാക്സി വഴി യാത്ര ചെയ്യുമ്പോള്‍ പല ഗുണങ്ങളും ഉണ്ട്. നിങ്ങളുടെ ബോര്‍ഡിംഗ് പോയിന്റില്‍ വന്നു ടാക്സിക്കാര്‍ നിങ്ങളെ പിക്ക് ചെയ്യും എന്നുള്ളതാണ് അതിലൊന്ന്.

മറ്റൊന്ന് ബോര്‍ഡറില്‍ അധികം സമയം ചിലവഴിക്കേണ്ടി വരില്ല. ബസ് മാര്‍ഗ്ഗം യാത്ര ചെയ്യുമ്പോള്‍ ഏതെങ്കിലും ഒരു യാത്രക്കാരന്റെ യാത്ര രേഖകളില്‍ തകരാര്‍ ഉണ്ടെങ്കില്‍ അത് മറ്റുള്ള യാത്രക്കാരുടെ സമയത്തെ കൂടി ബാധിക്കും. ലഗേജ് പരിശോധനക്കും സമയം ലാഭിക്കാന്‍ കഴിയും.

ദുബായ് സിറ്റിയില്‍ നിന്നുള്ള ഗതാഗത തിരക്ക് കഴിഞ്ഞാല്‍ പിന്നീട് തടസ്സങ്ങള്‍ ഇല്ലാതെ എത്താന്‍ സാധിക്കും. പരമാവധി പത്തു മണിക്കൂറിനുള്ളില്‍ ദുബായില്‍ നിന്ന് റോഡ്‌ മാര്‍ഗ്ഗം ദമ്മാമില്‍ എത്തി ചേരാന്‍ സാധിക്കുമെന്നാണ് അനുഭവസ്ഥര്‍ പറയുന്നത്.

16. സൗദിയില്‍ ഇഖാമ ഉള്ളവര്‍ക്ക് നാട്ടില്‍ നിന്നും നേരിട്ട് സൗദിയിലേക്ക് യാത്ര ചെയ്യാന്‍ ആവശ്യമായ രേഖകള്‍ എന്തൊക്കെയാണ്?

  1. വാക്സിനേറ്റഡ്‌ റെസിഡന്റ് എന്ന സ്റ്റാറ്റസ് വെളിപ്പെടുത്തുന്ന മുഖീം രജിസ്ട്രേഷന്‍. സൗദിയിലേക്ക് വിമാനം കയറുന്നതിനു മുന്‍പുള്ള മൂന്നോ നാലോ ദിവസം മുന്‍പ് മുഖീമില്‍ രജിസ്റ്റര്‍ ചെയ്യാം. അതിന്റെ പ്രിന്റൌട്ട് കൈവശം കരുതുക. മൊബൈലില്‍ പി.ഡി.എഫ് ഫോര്‍മാറ്റില്‍ സൂക്ഷിച്ചാലും മതിയാകും.
  2. കാലാവധിയുള്ള എക്സിറ്റ്/റീ എന്‍ട്രി വിസ ഉണ്ടായിരിക്കണം.
  3. തവക്കല്‍നഇമ്മ്യൂണ്‍ സ്റ്റാറ്റസ്.
  4. തവക്കല്‍ന ഹെല്‍ത്ത് പാസ്പോര്‍ട്ട്.
  5. സ്വഹത്തിയില്‍ നിന്നുള്ള സൗദി ആരോഗ്യ മന്ത്രാലയത്തിന്റെ വാക്സിനേഷന്‍ സര്‍ട്ടിഫിക്കറ്റ്.
  6. കാലാവധിയുള്ള പാസ്പോര്‍ട്ട്
  7. ഇഖാമ കോപ്പി. ഇഖാമ കോപ്പിയോ ഡിജിറ്റല്‍ ഫോര്‍മാറ്റോ കാണിച്ചു കൊടുക്കാം.
  8. വിമാന ടിക്കറ്റ്
  9. യാത്ര ചെയ്യുന്നതിന് 72 മണിക്കൂറിനുള്ളില്‍ ചെയ്തിട്ടുള്ള ആര്‍.ടി.പി.സി.ആര്‍ ടെസ്റ്റ്‌ റിസള്‍ട്ട്.

17. ഇപ്പോള്‍ ദുബായിലാണ് ഉള്ളത്. അടുത്തയാഴ്ച സൗദിയിലേക്ക് വിസിറ്റ് വിസയില്‍ പോകാനുള്ളതാണ്. സൗദിയിലേക്ക് യാത്ര ചെയ്യുമ്പോള്‍ ഡമ്മി റിട്ടേണ്‍ ടിക്കറ്റ് എടുക്കേണ്ട ആവശ്യമുണ്ടോ? ഇതിന് മുന്‍പ് യാത്ര ചെയ്ത എന്റെ സുഹൃത്തിന്റെ കുടുംബത്തിനോടു റിട്ടേണ്‍ ടിക്കറ്റ് ചോദിച്ചിരുന്നില്ല.

വിസിറ്റ് വിസയില്‍ പോകുമ്പോള്‍ റിട്ടേണ്‍ ടിക്കറ്റ് ആവശ്യമാണ്. നിങ്ങളുടെ സുഹൃത്തിന്റെ കുടുംബത്തോട് റിട്ടേണ്‍ ടിക്കറ്റ് ചോദിച്ചില്ല എന്നതിന്റെ അര്‍ഥം അത് ആവശ്യമില്ല എന്നല്ല. ബോര്‍ഡിംഗ് പാസ് ഇഷ്യൂ ചെയ്യുന്ന സമയത്ത് ചിലപ്പോള്‍ ചോദിക്കാം, ചോദിക്കാതിരിക്കാം. ഇത്രയും രേഖകള്‍ ഒരു യാത്രക്കാരന്റെ കൈവശം ഉണ്ടാകണം എന്നത് യാത്രക്കയുള്ള നിബന്ധനയുടെ ഭാഗമാണ്. ചോദിക്കുന്ന അവസരത്തില്‍ റിട്ടേണ്‍ ടിക്കറ്റ് കാണിക്കാന്‍ സാധിച്ചില്ലെങ്കില്‍ യാത്ര മുടങ്ങാനുള്ള സാധ്യതയും കൂടുതലാണ്.

പലരും ഡമ്മി റിട്ടേണ്‍ ടിക്കറ്റിലാണ് യാത്ര ചെയ്യുന്നത്. ചിലര്‍ റിട്ടേണ്‍ ടിക്കറ്റ് ചോദിക്കുന്ന സമയത്ത് ഉടനെ എടുക്കാനുള്ള സൗകര്യം ഉപയോഗിച്ചും യാത്ര ചെയ്യുന്നുണ്ട്. അതിനായി നാട്ടിലോ സൗദിയിലോ ദുബായിലോ ഉള്ള ട്രാവല്‍ ഏജന്റിനെ ബന്ധപ്പെടാനുള്ള സൗകര്യം ഉണ്ടാക്കുന്നത് നന്നായിരിക്കും. ചോദിക്കുന്ന സമയത്ത് ഉടനെ ടിക്കറ്റ് ഇഷ്യൂ ചെയ്യാന്‍ സാധിക്കുന്നവരായിരിക്കണം അവര്‍. ഇങ്ങിനെ യാത്ര ചെയ്യാനാണ് ഉദ്ദേശിക്കുന്നതെങ്കില്‍ യാത്രക്ക് മൂന്ന് മണിക്കൂര്‍ എങ്കിലും മുന്‍പ് റിപ്പോര്‍ട്ട് ചെയ്യുന്നതാണ് നല്ലത്. അങ്ങിനെയാണെങ്കില്‍ റിട്ടേണ്‍ ടിക്കറ്റ് ആവശ്യപ്പെട്ട് ബോര്‍ഡിംഗ് പാസ് നിഷേധിക്കുകയാണെങ്കില്‍ അത് ഉടനെ എടുക്കാനുള്ള സമയം ലഭിക്കും.

 

പ്രവാസി കോർണർ അപ്ഡേറ്റുകള്‍ ഉടനെ ലഭിക്കുന്നതിനായി വാട്‌സ് ആപ് ഗ്രൂപ്പിൽ അംഗമാകുന്നതിനായി ഈ ലിങ്കിൽ ക്ലിക് ചെയ്യുക. https://chat.whatsapp.com/J1zYcdCGveeItkPfTH4vck

ഫേസ് ബുക്കിലൂടെ പ്രവാസി കോര്‍ണര്‍ അപ്ഡേറ്റുകള്‍ ഉടനെ ലഭിക്കുന്നതിനായി ഈ ലിങ്കില്‍ ക്ലിക്ക് ചെയ്ത് പേജ് ലൈക്ക് ചെയ്യുക https://www.facebook.com/PravasiCornerOfficial

Continue Reading
LATEST20 hours ago

മലയാളിക്ക് സൗദിയിലേക്ക് ബോര്‍ഡിംഗ് പാസ് നിഷേധിച്ചത് ഒറ്റപ്പെട്ട സംഭവം. മറ്റു യാത്രക്കാര്‍ക്ക് ആശങ്ക വേണ്ട.

LATEST1 day ago

തവക്കല്‍ന, ഹെല്‍ത്ത് പാസ്പോര്‍ട്ട് മൂലം ബോര്‍ഡിംഗ് പാസ് ലഭിക്കാതെ സൗദിയിലേക്ക് ഒരു മലയാളിയുടെ കൂടി യാത്ര മുടങ്ങി

LATEST3 days ago

സൗദി പ്രവാസികള്‍ ആവര്‍ത്തിച്ചു ചോദിച്ച ഏറ്റവും പുതിയ 17 ചോദ്യങ്ങള്‍. നാട്ടില്‍ നിന്നും സൗദിയിലേക്ക് തിരിച്ചു വരുന്നവരും സൗദിയില്‍ ഉള്ളവരും അറിഞ്ഞിരിക്കേണ്ടത്

LATEST4 days ago

ജിദ്ദ പ്രവാസിയുടെ കൈ പിടിച്ച് പ്രമുഖ ജീവ കാരുണ്യ പ്രവർത്തക നര്‍ഗീസ് പുതിയ ജീവിതത്തിലേക്ക്

LATEST7 days ago

നാട്ടില്‍ നിന്നും സൗദി യാത്രക്ക് അനുമതി നിഷേധിച്ചെന്ന് പ്രവാസി. പിഴവ് തങ്ങളുടേതല്ലെന്ന് എയര്‍ ഇന്ത്യ

LATEST1 week ago

തവക്കല്‍ന മൂലം കഴിഞ്ഞ ദിവസം ബോര്‍ഡിംഗ് പാസ് നിഷേധിച്ച മലയാളിയെ പുതിയ ടിക്കറ്റ് എടുക്കാതെ യു.എ.ഇ യില്‍ നിന്നും ഇന്ന് സൗദിയില്‍ എത്തിച്ച് എയര്‍ അറേബ്യ

LATEST1 week ago

തവക്കല്‍നയില്‍ വീണ്ടും യു.എ.ഇ യില്‍ നിന്നും സൗദിയിലേക്കുള്ള നാല് മലയാളികളുടെ യാത്ര മുടങ്ങി. 

LATEST2 weeks ago

ബോര്‍ഡിംഗ് പാസ് നല്‍കാതെ സച്ചിദാനന്ദന്റെ സൗദി യാത്ര മുടക്കിയ ആ മലയാളി സ്റ്റാഫ് ഇത് കേള്‍ക്കുന്നുണ്ടോ?

LATEST2 weeks ago

സൗദിയിലേക്ക് തിരിച്ചു പോകുന്ന പ്രവാസികള്‍ ഏറ്റവും അധികം ചോദിച്ച 12 സംശയങ്ങള്‍

LATEST2 weeks ago

സൗദിയിലെ തൊഴില്‍ യോഗ്യതാ പരീക്ഷ മൂലം ഇഖാമ പുതുക്കാന്‍ സാധിക്കാതെ യാത്ര മുടങ്ങുമോ എന്ന് പരിശോധിക്കാനുള്ള നടപടി ക്രമങ്ങള്‍

LATEST2 weeks ago

സൗദി പ്രവാസികള്‍ ഈ കാര്യം ശ്രദ്ധിച്ചില്ലെങ്കില്‍ സൗദിയിലേക്ക് തിരിച്ചു വരവ് എളുപ്പമാകില്ല.

LATEST3 weeks ago

സൗദിയിലെ പ്രവാസികള്‍ക്ക് വേദനയും അഭിമാനവും പകര്‍ന്ന നിമിഷങ്ങള്‍.

LATEST3 weeks ago

നാട്ടിലുള്ളവര്‍ക്ക് തവക്കല്‍ന രജിസ്റ്റര്‍ ചെയ്യാന്‍ ഇപ്പോള്‍ അവസരം. നടപടി ക്രമങ്ങള്‍ വിശദമായി അറിയുക

LATEST3 weeks ago

രണ്ടാഴ്ചക്കുള്ളില്‍ ഇന്ത്യയില്‍ നിന്നും സൗദിയിലേക്ക് നേരിട്ട് പ്രവേശനം അനുവദിക്കുമെന്ന് സൂചന നല്‍കി ഇന്ത്യന്‍ അംബാസഡര്‍

LATEST3 weeks ago

പ്രവാസ ജീവിതത്തില്‍ നിന്നും സമ്പാദിച്ച പണം കൊണ്ട് ഭാര്യയുടെ പേരില്‍ വാങ്ങിയ സ്വത്തിന് പ്രവാസിക്ക് അവകാശമില്ലേ?

LATEST2 weeks ago

ബോര്‍ഡിംഗ് പാസ് നല്‍കാതെ സച്ചിദാനന്ദന്റെ സൗദി യാത്ര മുടക്കിയ ആ മലയാളി സ്റ്റാഫ് ഇത് കേള്‍ക്കുന്നുണ്ടോ?

LATEST2 weeks ago

സൗദി പ്രവാസികള്‍ ഈ കാര്യം ശ്രദ്ധിച്ചില്ലെങ്കില്‍ സൗദിയിലേക്ക് തിരിച്ചു വരവ് എളുപ്പമാകില്ല.

LATEST2 weeks ago

സൗദിയിലേക്ക് തിരിച്ചു പോകുന്ന പ്രവാസികള്‍ ഏറ്റവും അധികം ചോദിച്ച 12 സംശയങ്ങള്‍

LATEST4 days ago

ജിദ്ദ പ്രവാസിയുടെ കൈ പിടിച്ച് പ്രമുഖ ജീവ കാരുണ്യ പ്രവർത്തക നര്‍ഗീസ് പുതിയ ജീവിതത്തിലേക്ക്

LATEST1 week ago

തവക്കല്‍നയില്‍ വീണ്ടും യു.എ.ഇ യില്‍ നിന്നും സൗദിയിലേക്കുള്ള നാല് മലയാളികളുടെ യാത്ര മുടങ്ങി. 

LATEST4 weeks ago

സൗദിയിലേക്ക് മടങ്ങുന്നവരുടെ യാത്ര മുടങ്ങാതിരിക്കാന്‍ ഇത് നിര്‍ബന്ധമായും വായിക്കുക.

LATEST3 weeks ago

സൗദിയിലെ പ്രവാസികള്‍ക്ക് വേദനയും അഭിമാനവും പകര്‍ന്ന നിമിഷങ്ങള്‍.

LATEST2 weeks ago

സൗദിയിലെ തൊഴില്‍ യോഗ്യതാ പരീക്ഷ മൂലം ഇഖാമ പുതുക്കാന്‍ സാധിക്കാതെ യാത്ര മുടങ്ങുമോ എന്ന് പരിശോധിക്കാനുള്ള നടപടി ക്രമങ്ങള്‍

LATEST1 week ago

തവക്കല്‍ന മൂലം കഴിഞ്ഞ ദിവസം ബോര്‍ഡിംഗ് പാസ് നിഷേധിച്ച മലയാളിയെ പുതിയ ടിക്കറ്റ് എടുക്കാതെ യു.എ.ഇ യില്‍ നിന്നും ഇന്ന് സൗദിയില്‍ എത്തിച്ച് എയര്‍ അറേബ്യ

LATEST4 weeks ago

സൗദിയിലേക്ക് വരുന്നതിന് മുന്‍പുള്ള ഖുദും, മുഖീം, അറൈവല്‍ പ്ലാറ്റ്ഫോം രജിസ്ട്രേഷന്‍ നടപടി ക്രമങ്ങള്‍ അറിയുക.

LATEST3 weeks ago

സൗദിയിലേക്ക് യു.എ.ഇ വഴിയുള്ള യാത്ര സുരക്ഷിതമാക്കാന്‍ ചില പ്രായോഗിക നിര്‍ദ്ദേശങ്ങള്‍

LATEST3 days ago

സൗദി പ്രവാസികള്‍ ആവര്‍ത്തിച്ചു ചോദിച്ച ഏറ്റവും പുതിയ 17 ചോദ്യങ്ങള്‍. നാട്ടില്‍ നിന്നും സൗദിയിലേക്ക് തിരിച്ചു വരുന്നവരും സൗദിയില്‍ ഉള്ളവരും അറിഞ്ഞിരിക്കേണ്ടത്

LATEST4 weeks ago

തവക്കല്‍ന മൂലം സൗദിയിലേക്കുള്ള യാത്ര മുടങ്ങുമോ എന്ന് ആശങ്കപ്പെടുന്നവരുടെ ശ്രദ്ധക്ക്  

LATEST7 days ago

നാട്ടില്‍ നിന്നും സൗദി യാത്രക്ക് അനുമതി നിഷേധിച്ചെന്ന് പ്രവാസി. പിഴവ് തങ്ങളുടേതല്ലെന്ന് എയര്‍ ഇന്ത്യ

LATEST3 weeks ago

മക്കയിലും മദീനയിലും വിശുദ്ധ ഹറമുകളില്‍ പോകുന്നവര്‍ ഇക്കാര്യം പ്രത്യേകം ശ്രദ്ധിക്കുക.

Trending

error: Content is protected !!