Connect with us

LATEST

സൗദിയില്‍ എങ്ങിനെ ഇന്ത്യന്‍ പ്രവാസിക്ക് നീതി ലഭിക്കും?

Published

on

 

1

 

എന്ത് കൊണ്ട് പ്രവാസികള്‍ സൗദി അറേബ്യയില്‍ സ്പോണ്‍സര്‍മാരുടെ ചൂഷണങ്ങള്‍ക്കും പീഡനങ്ങള്‍ക്കും ഇരയാവുന്നു? എന്ത് കൊണ്ട് കൂടുതല്‍ ഇന്ത്യക്കാര്‍ ഇവിടെ ഹുറൂബ്‌ ആകുന്നു? എന്ത് കൊണ്ട് പലര്‍ക്കും അര്‍ഹമായ ആനുകൂല്യങ്ങള്‍ ലഭിക്കുന്നില്ല? എന്ത് കൊണ്ടാണ് ഇവിടെ പ്രബുദ്ധരും രാഷ്ട്രീയാവബോധമുള്ളവരും വിദ്യാസമ്പന്നരുമായ മലയാളികളായ പ്രവാസികള്‍ തങ്ങള്‍ക്കു ലഭിക്കേണ്ട നീതി ലഭിക്കാന്‍ മുന്നിട്ടിറങ്ങാത്തത്?

ഉത്തരം വളരെ ലളിതം. അത് നടപ്പിലാക്കുന്നതിന് മുന്നിട്ടിറങ്ങാന്‍ സാധാരണക്കാരായ തൊഴിലാളികള്‍ക്ക് ഇപ്പോള്‍ ഇവിടെ നില നില്‍ക്കുന്ന സാഹചര്യത്തില്‍ സാധ്യമല്ല. ഈ നിയമ പരിരക്ഷകള്‍ അവന്‍ ഒറ്റയ്ക്ക് നടപ്പിലാക്കാന്‍ പുറപ്പെട്ടാല്‍ അത് കൂടുതല്‍ ദുരിതങ്ങളിലേക്ക് അവനെ നയിക്കും എന്നാണു പലരുടെയും അനുഭവങ്ങള്‍ക്ക് പഠിപ്പിക്കുന്നത്.

സൗദി അറേബ്യയില്‍ കോടതികളിലും മറ്റു അധികാരകേന്ദ്രങ്ങളിലും ഒരു പ്രശ്നം ശരിയായ രീതിയില്‍ അവതരിപ്പിക്കപ്പെടണമെങ്കില്‍ സൗദി പൌരന്മാരായ അഭിഭാഷകര്‍ തന്നെ ആവശ്യമാണ്. കേസിലകപ്പെടുന്ന പ്രവാസി ഇന്ത്യക്കാര്‍ക്ക് നിയമസഹായം നല്‍കാന്‍ സ്വദേശികളായ അഭിഭാഷകരെ നിയമിക്കുകയാണെങ്കില്‍ ഇവിടുത്തെ പകുതിയിലേറെ തൊഴില്‍ ചൂഷണങ്ങളും അവസാനിക്കുമെന്ന് തന്നെ സംശയമേതുമില്ലാതെ പറയാന്‍ സാധിക്കും.ഇന്ത്യന്‍ എംബസ്സിയില്‍ തങ്ങളുടെ പൗരന്മാര്‍ക്ക് ആവശ്യമായ നിയമസഹായം നല്‍കാനുള്ള ആളുകള്‍ ഉണ്ട് എന്ന ഒരു പ്രതീതി ജനിപ്പിച്ചാല്‍ പോലും കേസുകളുടെ എണ്ണം കുറക്കാന്‍ സാധിക്കും.

അതിനു സ്വദേശികളായ അഭിഭാഷകരോ നിയമ പ്രവര്‍ത്തകരോ വേണം. സത്യത്തില്‍ ഇന്ത്യന്‍ എംബസ്സി പറഞ്ഞാല്‍ പോലും ഒരു സൗദി സ്പോണ്‍സര്‍ അനുസരിക്കണമെന്നില്ല.അത്തരം സൗദി പൌരന്മാരെ നിര്‍ബന്ധപൂര്‍വം അനുസരിപ്പിക്കാനും നമ്മുടെ എംബസ്സികള്‍ക്ക് സാധിക്കില്ല. സൗദി പൌരന്മാര്‍ക്ക് അവരുടെ നിയമ സംഹിതയുണ്ട്.  അവര്‍ക്ക് അതിനെ മാത്രമേ അനുസരിക്കേണ്ടതുള്ളൂ. 

എംബസ്സി ഇവിടെ സാധാരണയായി ചെയ്യുന്നത് എന്തെങ്കിലും പ്രശ്നം എംബസ്സിയുടെ മുന്നില്‍ വന്നാല്‍ അത്  ഇന്ത്യക്കാരായ, കൂടുതലും മലയാളികളായ സാമൂഹിക പ്രവര്‍ത്തകര്‍ക്ക് കൈമാറുകയോ അല്ലെങ്കില്‍ സ്പോണ്‍സറെ നേരിട്ട് വിളിക്കുകയോ ആണ്. നേരിട്ട് വിളിക്കുമ്പോള്‍ ചില സ്പോണ്‍സര്‍മാര്‍ ചിലപ്പോള്‍ ഭയന്നു കാര്യങ്ങള്‍ നല്ല രീതിയില്‍ അവസാനിപ്പിക്കാറുണ്ട്. എന്നാല്‍ സ്പോണ്‍സര്‍ അനുസരിച്ചില്ലെങ്കില്‍ നിയമ വഴിക്ക് പോകുക അല്ലാതെ എംബസ്സിക്കും മറ്റു വഴിയൊന്നും ഇല്ല.

എംബസ്സി നല്‍കുന്ന അധികാരപത്രവുമായി പീഡിതനായ തൊഴിലാളിയെ രക്ഷപ്പെടുത്തുന്നതിന് വേണ്ടി പോകുന്ന സാമൂഹിക പ്രവര്‍ത്തകന്റെ കാര്യം അതിലും കഷ്ടമാണ്. മിക്ക സ്പോണ്‍സര്‍മാരും ഈ അനുമതി പത്രത്തിന് വലിയ വില കല്‍പ്പിക്കാറില്ല. മാത്രമല്ല അനുമതി പത്രവുമായി വരുന്നവന്‍ എംബസ്സിയുടെ വിസയില്‍ വന്നിട്ടുള്ള ഉദ്യോഗസ്ഥനല്ല എന്നും തൊഴില്‍  വിസയില്‍ വന്നിട്ടുള്ള ഒരു സാധാരണ വിദേശിയാണെന്നും അവര്‍ക്കറിയാം. അത് കൊണ്ടു തന്നെ സാമൂഹിക പ്രവര്‍ത്തകര്‍ക്ക് വലിയ പ്രാമുഖ്യമൊന്നും സൗദി സ്പോണ്‍സര്‍മാര്‍ അനുവദിച്ചു നല്‍കാറില്ല. എംബസ്സിയുടെ അനുമതി പത്രവുമായി പോയപ്പോള്‍ ഒരു സ്പോണ്‍സര്‍ മുഖത്ത് കാര്‍ക്കിച്ചു തുപ്പിയ അനുഭവം ഈ അടുത്ത് റിയാദിലെ ഒരു സാമൂഹിക പ്രവര്‍ത്തകന്‍ ലേഖകനോട് വിവരിച്ചിരുന്നു.

വീട്ടു വേലക്കാരികളുടെ അവസ്ഥയാണ് അതിലും കഷ്ടം. ഉയര്‍ന്ന മതില്‍ കെട്ടിനകത്ത് കഴിയുന്ന അവര്‍ക്ക് പുറം ലോകവുമായി ബന്ധപ്പെടാനുള്ള മറ്റൊരു മാര്‍ഗവും ഉണ്ടാവില്ല. അന്യവ്യക്തികളെ സൗദി ഭവനങ്ങളില്‍ അവര്‍ പ്രവേശിപ്പിക്കാറില്ല. മാത്രമല്ല അനുമതിയില്ലാതെ സൗദി ഭവനങ്ങളില്‍ പ്രവേശിക്കുന്നത് കുറ്റകരവുമാണ്. ഒരാളെ ജയിലില്‍ അടക്കാന്‍ ഇത് ധാരാളം മതി. ഇതെല്ലമറിയാവുന്ന എംബസ്സി പറയുക, നിങ്ങള്‍ എങ്ങിനെയെങ്കിലും പുറത്തേക്കു വന്നാല്‍ ഞങള്‍ അഭയം നല്‍കാം എന്നാണ്. എങ്ങിനെയെങ്കിലും എംബസ്സിയിലേക്ക് എത്തുന്നതിനാണ് ഇവര്‍ പലപ്പോഴും സാമൂഹിക പ്രവര്‍ത്തകരുടെ സഹായം തേടുന്നത്.പലപ്പോഴും ഞാണിന്മേല്‍ കളിയാണ് ഇക്കാര്യങ്ങളില്‍ സാമൂഹിക പ്രവര്‍ത്തകര്‍ നടത്താറുള്ളത്. കാരണം എംബസ്സിയില്‍ എത്തുന്നതിനു മുന്‍പു പിടിക്കപ്പെട്ടാല്‍ സാമൂഹിക പ്രവര്‍ത്തകനും നിയമ നടപടികള്‍ നേരിടേണ്ടി വരും. 

ഇതിനെന്തെന്കിലും പരിഹാരം ഉണ്ടോ? തീര്‍ച്ചയായും പരിഹാരമുണ്ട്. എന്ത് കൊണ്ട് ഇവിടെ ഫിലിപ്പിനോ തൊഴിലാളികള്‍ അധികം ചൂഷണത്തിന് വിധേയരാകുന്നില്ല ?

അഡ്വ.ഷിയാസ്‌ കുഞ്ഞിബാവ

അഡ്വ.ഷിയാസ്‌ കുഞ്ഞിബാവ

എന്ത് കൊണ്ട് പടിഞ്ഞാറന്‍ നാടുകളിലെ വിദേശികള്‍ ഇവിടെ ചൂഷണത്തിനും പീഡനത്തിനും ഇരയാവുന്നില്ല?അപ്പോള്‍ പ്രതികരണത്തിന്റെ അളവനുസരിച്ചാണ് പീഡനത്തിന്റെയും ചൂഷണത്തിന്റെയും അളവും നിര്‍ണ്ണയിക്കപ്പെടുന്നത്. ഇന്ത്യക്കാര്‍ അനാഥരല്ല, അവരെ ഉപദ്രവിച്ചാല്‍ അത് ചോദിക്കാന്‍ ഇവിടെ ആളുകളുണ്ട്, അവര്‍ക്ക് ആവശ്യമായ നിയമസംരക്ഷണവും പരിരക്ഷയും നല്‍കാന്‍ ആളുകളുണ്ട് എന്ന സന്ദേശം എംബസ്സി പ്രവര്‍ത്തികളിലൂടെ മനസ്സിലാക്കി കൊടുത്താല്‍ ഇവിടുത്തെ തൊഴിലാളികള്‍ക്ക് നേരെയുള്ള ചൂഷണങ്ങളും പീഡനങ്ങളും ഒരു പരിധി വരെ ഇല്ലാതാവുമെന്നുള്ളത് തീര്‍ച്ചയാണ്. 

അതിനു കൂട്ടായ പരിശ്രന്മം വേണം. ചൂഷണങ്ങളോട് തൊഴിലാളിക്ക് നേര്‍ക്ക്‌ നേര്‍ ഏറ്റുമുട്ടാന്‍ ഇവിടെ സാധിക്കില്ല. കാരണം ഇവിടുത്തെ നിയവ്യവസ്ഥയും സാമൂഹിക വ്യവസ്ഥയും അതിനു മാത്രം വികസിതമല്ല. എന്നാല്‍ സൗദി പൌരന്മാരെ തന്നെ മുന്നില്‍ നിര്‍ത്തി അതിനെ ഗുണപരമായി പ്രതിരോധിക്കാം. അതിനായി ഇവിടുത്തെ ഇന്ത്യന്‍ നയതന്ത്ര കാര്യാലയങ്ങളിലും മറ്റും സൗദികളായ അഭിഭാഷകരെ നിയമിക്കുകയും അവരെ സഹായിക്കാന്‍ സ്വദേശികളായ യവാക്കളെ നിയമിക്കുകയും വേണം. അവരെ മുന്നില്‍ നിര്‍ത്തി കൊണ്ടായിരിക്കണം നിയമപരിരക്ഷ പ്രവാസി തൊഴിലാളിക്ക് നേടി കൊടുക്കേണ്ടത്. കോടതിക്ക് പുറത്തുള്ള കാര്യങ്ങള്‍ക്കും മറ്റുമായി ഇന്ത്യക്കാരായ സന്നദ്ധ പ്രവര്‍ത്തകരുടെ  പാനലും ഉണ്ടാക്കാവുന്നതാണ്, എങ്കില്‍ മാത്രമേ ഈ ചൂഷണങ്ങള്‍ അവസാനിപ്പിക്കാന്‍ സാധിക്കൂ.

 

Click to comment

You must be logged in to post a comment Login

Leave a Reply

CRIME

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

Published

on

ബാഗ് കവരാനുള്ള ശ്രമത്തിനിടയിൽ ഡൽഹിയിൽ റെയിൽവേ സ്റ്റേഷനിൽ മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

തൃശൂർ പട്ടിക്കാട് കീരൻകുള്ളങ്ങര വാരിയത്ത് പത്മിനി വാരസ്യാരുടെയും ശേഖരവാര്യരുടെയും മകളായ ഡോ.തുളസി രുദ്രകുമാറാണ് മരിച്ചത്. മകൾ കാർത്തിക താമസിക്കുന്ന ദുർഗ്ഗാവിലേക്ക് ഭർത്താവുമൊത്ത് സന്ദർശനത്തിന് പോയതായിരുന്നു ഡോക്ടർ തുളസി. അവിടെ നിന്ന് ഹരിദ്വാർ ക്ഷേത്രദർശനം കഴിഞ്ഞു തിരിച്ചു വരുമ്പോഴാണ് ദാരുണ സംഭവം.

വാതിലിനോട് ചേർന്ന സീറ്റിൽ ഇരിക്കുകയായിരുന്നു തുളസി. തുളസിയുടെ കയ്യിലുള്ള ബാഗ് മോഷ്ടിച്ച് ഓടാൻ ശ്രമിച്ച മോഷ്ടാക്കളെ തുളസി ചെറുത്ത് നിന്നു. പിടിവലിക്കിടയിൽ ബാഗ് കയ്യിലാക്കുന്നതിന് വേണ്ടി മോഷ്ടാക്കൾ തുളസിയെ ട്രെയിനിൽ നിന്ന് തള്ളിയിടുകയായിരുന്നു.

ബഹളം കേട്ട് അൽപ്പം മാറിയുള്ള സീറ്റിൽ ഇരിക്കുകയായിരുന്ന ഭർത്താവ് ഭർത്താവ് രുദ്രകുമാറും മകൾ കാർത്തികയുടെ ഭർത്താവ് പ്രക്ഷോഭും വരുമ്പോഴേക്കും തുളസി ട്രെയിനിൽ നിന്നും താഴെ വീണ് കഴിഞ്ഞിരുന്നു. തുളസിയെ തള്ളിയിട്ട ശേഷം മോഷ്ടാക്കൾ ബാഗുമായി രക്ഷപ്പെട്ടു.

പാണഞ്ചേരിയിൽ ഏവർക്കും പ്രിയങ്കരിയായ ജനകീയ ഡോക്ടർ ആയിരുന്നു തുളസി. പീച്ചി റോഡ് ജങ്ക്ഷനിലുള്ള ഡോക്ടറുടെ ക്ലിനിക്കിൽ പത്ത് രൂപ മാത്രമായിരുന്നു രോഗികളിൽ നിന്ന് ഫീസായി ഈടാക്കിയിരുന്നത്.

Continue Reading

INDIA

ടിക് ടോക് നിരോധനത്തിന് പുല്ലു വില. ഇന്ത്യയിൽ ആപ്പ് ഡൗൺലോഡിൽ വൻ വർദ്ധന.

Published

on

മദ്രാസ് ഹൈക്കോടതിയുടെ ഉത്തരവിനെ തുടർന്ന് ഗൂഗിൾ പ്ളേ സ്റ്റോറിൽ നിന്നും ആപ്പിൾ ആപ്പ് സ്റ്റോറിൽ നിന്നിം ടിക് ടോക് ആപ്പ് നീക്കം ചെയ്‌തെങ്കിലും ആപ്പ് ഡൗൺലോഡിൽ വൻ വർദ്ധനയെന്ന് റിപ്പോർട്ട്.

ഗൂഗിള്‍ പ്ലേസ്റ്റോറിൽ നിന്നും ഐഓഎസ് ആപ്പ് സ്റ്റോറിൽ നിന്നും ലഭിക്കില്ലെങ്കിലും ചൈനീസ് ആപ്പായ ടിക് ടോക് മറ്റു കേന്ദ്രങ്ങളിൽ സുലഭമാണ്. നിലവിൽ തേഡ് പാര്‍ട്ടി വെബ്സൈറ്റുകളിൽ നിന്നാണ് ടിക് ടോക് ഡൗൺലോഡ് ചെയ്യപ്പെടുന്നത്.

ഗൂഗിളും ആപ്പിളും പിൻവലിച്ചെങ്കിലും നിരവധി തേർഡ് പാർട്ടി സൈറ്റുകളിൽ ടിക് ടോക് ആപ്പ് ഇപ്പോഴും ലഭ്യമാണ്.

തേഡ് പാര്‍ട്ടി വെബ്സൈറ്റുകളിൽ നിന്ന് ആപ്പ് ഡൗൺലോഡ് ചെയ്യുന്നത് 12 ഇരട്ടിയായാണ് വര്‍ദ്ധിച്ചതെന്നാണ് റിപ്പോർട്ടുകൾ. ഇന്ത്യക്കാരാണ് ഏറ്റവും കൂടുതലായി ടിക് ടോക് ഡൗൺലോഡ് ചെയ്യുന്നത്.

നിരോധനത്തിനു ശേഷം ടിക് ടോക് ഡൗൺലോഡ് ചെയ്യുന്ന തേർഡ് പാർട്ടി സൈറ്റുകളുടെ വിവരങ്ങൾ അന്വേഷിച്ച് സെർച്ച് ചെയ്യുന്നവരുടെ എണ്ണയത്തിലും വൻ വർദ്ധന ഉണ്ടായിട്ടുണ്ട്.

Continue Reading

INDIA

സുപ്രീം കോടതി ചീഫ് ജസ്റ്റിസിനെതിരെ ലൈംഗിക ആരോപണം.

Published

on

സുപ്രീം കോടതി ചീഫ് ജസ്റ്റിസ് രഞ്ജൻ ഗോഗോയ് തന്നെ പീഡിപ്പിച്ചു എന്നാരോപിച്ച് സുപ്രീം കോടതി മുൻ ജീവനക്കാരി രംഗത്ത്.

മുൻ കോർട്ട് മാസ്റ്റർ ആയിരുന്ന മുപ്പത്തി അഞ്ചുകാരി ഇക്കാര്യം കാണിച്ച് ഇരുപത്തി രണ്ട് സുപ്രീം കോടതി ജഡ്ജിമാർക്കും കത്ത് നൽകി.

2018 ഒക്ടോബര്‍ 10, 11 തീയതികളില്‍ ന്യൂഡല്‍ഹിയിലെ ചീഫ് ജസ്റ്റിസിന്റെ ഔദ്യോഗിക വസതിയിലെ ഓഫീസില്‍ വച്ച് പീഡിപ്പിക്കാന്‍ ശ്രമിച്ചു എന്നാണ് യുവതിയുടെ ആരോപണം.

മുൻ ജീവനക്കാരിയുടെ പരാതിയുടെ അടിസ്ഥാനത്തിൽ സോളിസിറ്റർ ജനറൽ തുഷാർ മേത്തയുടെ ആവശ്യപ്രകാരം സുപ്രീം കോടതി മൂന്നംഗ ബെഞ്ച് അടിയന്തര സിറ്റിംഗ് ചേർന്നു.

കോടതിയുടെ പ്രവർത്തന സ്വാതന്ത്ര്യം സംബന്ധിച്ച പ്രധാന വിഷയം പരിഗണിക്കാനായി ചീഫ് ജസ്റ്റിസ് അദ്ധ്യക്ഷനായ മൂന്നംഗ ബഞ്ച് 10.30ന് സിറ്റിംഗ് നടത്തും എന്നായിരുന്നു നോട്ടീസ് നൽകിയിരുന്നത്.

അതേ സമയം തനിക്കെതിരായ ലൈംഗിക ആരോപണം നിഷേധിച്ച് ചീഫ് ജസ്റ്റിസ് രഞ്ജൻ ഗോഗോയി രംഗത്തെത്തി. തന്നെ പണം കൊണ്ട് സ്വാധീനിക്കാനാവില്ലെന്ന് വ്യക്തമായതോടെയാണ് വ്യാജ ലൈംഗിക ആരോപണം കൊണ്ട് വന്നതെന്നും ഇതിൽ ഗൂഡാലോചന ഉണ്ടെന്നും ചീഫ് ജസ്റ്റിസ് വ്യക്തമാക്കി.

യുവതി നൽകിയ പരാതി വ്യാജമാണെന്നും ഇന്ത്യൻ ജുഡീഷ്യറിക്ക് മേലുള്ള കടന്ന് കയറ്റമാണെന്നും പറഞ്ഞ അദ്ദേഹം ഇത്തരം സംഭവങ്ങൾ റിപ്പോർട്ട് ചെയ്യുന്നത് കരുതലോടെ ആയിരിക്കണമെന്ന് നിർദ്ദേശിച്ചു

പരാതി ഉയർന്നതിനെ തുടർന്ന് രാജിവയ്ക്കാനില്ലെന്നും നീതി പീഠത്തിന്റെ വിശുദ്ധി കാത്ത് സൂക്ഷിച്ച് തുടരുമെന്നും അദ്ദേഹം പറഞ്ഞു. തന്റെ ജീവിതം സുതാര്യമാണ്. ഇതുവരെ തനിക്കെതിരെ യാതൊരു ആരോപണവും ഉണ്ടായിട്ടില്ല. തന്റെ ബാങ്ക് അക്കൗണ്ടിൽ ഉള്ളത് വെറും ആറ് ലക്ഷം രൂപ മാത്രമാണ്.

നിരവധി ക്രിമിനൽ കേസുകളിൽ പ്രതിയായ ഈ യുവതി നിലവിലു എങ്ങനെയാണ് സുപ്രീം കോടതിയിൽ ജീവനക്കാരിയായതെന്ന് എന്ന കാര്യത്തിൽ ദുരൂഹത ഉണ്ടെന്നും ഇക്കാര്യം അന്വേഷണ വിധേയമാക്കണമെന്നും അദ്ദേഹം ആവശ്യപ്പെട്ടു.

Continue Reading
CRIME7 hours ago

മോഷ്ടാക്കൾ ട്രെയിനിൽ നിന്നും തള്ളിയിട്ട് കൊന്നത് പാണഞ്ചേരിയുടെ ജനകീയ ഡോക്ടറെ.

CINEMA8 hours ago

ജിദ്ദയിൽ ആവേശമായി ലൂസിഫർ.

INDIA10 hours ago

ടിക് ടോക് നിരോധനത്തിന് പുല്ലു വില. ഇന്ത്യയിൽ ആപ്പ് ഡൗൺലോഡിൽ വൻ വർദ്ധന.

INDIA12 hours ago

സുപ്രീം കോടതി ചീഫ് ജസ്റ്റിസിനെതിരെ ലൈംഗിക ആരോപണം.

LAW13 hours ago

തൊഴിൽ നിയമ ലംഘനം. ഖത്തറിൽ പരിശോധന ഊർജിതം.

INDIA14 hours ago

ഐ.ഇ.എൽ.റ്റി.എസിന് ഒരുങ്ങുന്നവർക്ക് ബ്രിട്ടീഷ് കൗൺസിലിന്റെ ഓൺലൈൻ പരിശീലന സഹായി

MIDDLE EAST14 hours ago

അബുദാബിയിലെ ആദ്യ ഹൈന്ദവ ക്ഷേത്രത്തിന്റെ തറക്കല്ലിടൽ ഇന്ന്.

CRIME15 hours ago

സദാചാര പോലീസുകാർ കവർച്ചക്കാരായി. കേരളത്തിലെത്തിയ ജർമ്മൻ ടൂറിസ്റ്റുകളെ കൊള്ളയടിച്ചു.

HEALTH1 day ago

നഴ്‌സിംഗ് ബിരുദം ഉള്ളവർക്ക് ഒരു വർഷത്തെ ഇന്റേൺഷിപ്പ് വേണ്ടെന്ന് ഹൈക്കോടതി.

MIDDLE EAST1 day ago

സ്പൈസ് ജെറ്റിന്‍റെ കോഴിക്കോട് -ജിദ്ദ വിമാന സർവീസ് നാളെ മുതൽ.

KERALA1 day ago

കുഞ്ഞുങ്ങൾക്ക് നേരെയുള്ള ശാരീരിക പീഢനങ്ങൾക്ക് ഒരറുതി വരുത്തണ്ടേ?

CINEMA1 day ago

സൗദിയിലിരുന്ന് ലൂസിഫറിന്റെ വ്യജ പതിപ്പ് കണ്ടയാൾ കുടുങ്ങും.

CRIME2 days ago

അമ്മയുടെ മർദ്ദനമേറ്റ് ആശുപത്രിയിലായിരുന്ന മൂന്ന് വയസ്സുകാരൻ മരിച്ചു.

CRIME2 days ago

അമ്മയുടെ മർദ്ദനമേറ്റ് ആശുപത്രിയിലായിരുന്ന മൂന്ന് വയസ്സുകാരൻ മരിച്ചു

LATEST2 days ago

യു.എ.ഇ യിലെ ആദ്യ പരമ്പരാഗത ഹിന്ദു ക്ഷേത്രത്തിന്റെ നിർമ്മാണം നാളെ തുടങ്ങുന്നു.

MIDDLE EAST4 weeks ago

സൗദിയിൽ പ്രസവാവധി നൽകാതെ മാനേജ്‌മെന്റ് പീഡിപ്പിച്ച മലയാളി നഴ്സ് ടിന്റു ഇന്ന് നാട്ടിലേക്ക്

HEALTH4 weeks ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

CINEMA4 weeks ago

ഖത്തറിൽ ലൂസിഫറിന്റെ ഏറ്റവും വലിയ പോസ്റ്റർ സ്ഥാപിച്ച് മോഹൽലാൽ ആരാധകർ

KERALA4 weeks ago

നമ്മുടെ നാട്ടിൽ വാടക കരാർ 11 മാസത്തേക്ക് മാത്രമേ എഴുതാൻ പാടുള്ളൂ എന്ന് നിയമമുണ്ടോ

HEALTH1 week ago

ഡോക്ടർമാരുടെ ലൈംഗികമായ അതിർത്തികളെ കുറിച്ച്……..

KERALA2 weeks ago

അനുപമയുടെ നടപടി ശരിയെന്ന് മുഖ്യ തിരഞ്ഞെടുപ്പ് കമ്മീഷണർ. സുരേഷ് ഗോപിക്ക് അയോഗ്യത കൽപ്പിക്കാൻ സാധ്യത

MIDDLE EAST4 weeks ago

സൗദി അറേബ്യയിലെ ഇ.എസ്.ബി. പിരിഞ്ഞു പോകുന്ന തൊഴിലാളിക്ക് കിട്ടേണ്ട ആനുകൂല്യം.

HEALTH2 weeks ago

ഇരു വൃക്കകളും തകരാറിലായ മലയാളി യുവാവ് സൗദിയില്‍ സുമനസ്സുകളുടെ സഹായം തേടുന്നു

CRIME3 weeks ago

സൗദിയിലേക്ക് ടിന്റുവിനെ കൊണ്ട് പോയത് മനുഷ്യക്കടത്തിലൂടെ?

CRIME1 week ago

ലോറി ഡ്രൈവറെ ഇടിച്ചു കൊന്ന് നിർത്താതെ പോയ ആഡംബര കാർ പെരിന്തൽമണ്ണയിലെ ഡോക്ടറുടേത്.

UAE2 weeks ago

പതിനെട്ട് കോടി ലോട്ടറിയടിച്ച ഇന്ത്യാക്കാരനെ ഇതുവരെ കണ്ടെത്തിയില്ല !

SAUDI ARABIA2 weeks ago

തൃശൂര്‍ സ്വദേശി ദമാമില്‍ തൂങ്ങിമരിച്ചു

CRIME2 weeks ago

സഹ തടവുകാരുടെ മർദ്ദനം പേടി ജയിൽ മാറ്റി തരണമെന്ന് അരുൺ.

CRIME3 weeks ago

പ്രവാസിയെ ആളുമാറി അറസ്റ്റ് ചെയ്ത കേസിൽ സർക്കാരിന് നോട്ടീസ്.

CRIME1 week ago

ഡോ. സംഗീത് ചെറിയാനെതിരെ നരഹത്യക്ക് കേസെടുക്കണമെന്ന് ആ ആവശ്യം

Trending

Copyright © 2019 Pravasi Corner.

error: Content is protected !!