Connect with us

LATEST

ഫ്രീ വിസക്കാര്‍ മടങ്ങുകയാണ്, നിയമപരമായി തിരിച്ചു വരാന്‍, ഇനിയുള്ള അവസരങ്ങള്‍ നിര്‍മ്മാണ രംഗത്ത്….

Published

on

 

1

 

സൗദി അറേബ്യയില്‍ വികസന പദ്ധതികള്‍ക്ക് മുന്‍തൂക്കം നല്‍കുന്ന വിവിധ പദ്ധതികള്‍ക്ക് വന്‍ തുക വകയിരുത്തികൊണ്ടായിരുന്നു ധനമന്ത്രീ ഡോ.ഇബ്രാഹിം അല്‍ അസ്സഫ്‌ 2013 ലേക്കുള്ള ബജറ്റ് അവതരിപ്പിച്ചത്. 82,900 കോടി റിയാല്‍ വരവും 82,000 കോടി റിയാല്‍ ചിലവും ആണ് പ്രതീക്ഷിക്കുന്നത്.

വികസന പദ്ധതികള്‍ക്ക് 285 ബില്യന്‍ റിയാല്‍ നീക്കി വെച്ചിട്ടുണ്ട്. ഇതുപയോഗിച്ച് ഭീമന്‍ പദ്ധതികള്‍ താമസം കൂടാതെ നടപ്പിലാക്കും. കഴിഞ്ഞ വര്‍ഷത്തേക്കാള്‍ 20 ബില്യന്‍ കൂടുതല്‍. ഗതാഗത സൗകര്യങ്ങള്‍ക്ക് 65 ബില്യന്‍ അനുവദിച്ചിട്ടുണ്ട്. ഇതുപയോഗിച്ച് യാമ്പു, ജുബൈല്‍, റാസല്‍ഖൈര്‍ എനിവിടങ്ങളിലെ റെയിവേകള്‍, വിമാനത്താവളങ്ങള്‍, റോഡുകള്‍, തുറമുഖങ്ങള്‍ എന്നിവയുടെ വികസനം പൂര്‍ത്തിയാക്കും.

ഈ വന്‍വികസന പദ്ധതികള്‍ നടപ്പിലാക്കാന്‍ നിര്‍മ്മാണ രംഗത്ത് വിദേശ തൊഴിലാളികളുടെ സാന്നിധ്യം അനിവാര്യമാണ്. ഈ പദ്ധതികള്‍ കാലതാമസം കൂടാതെ നടപ്പാക്കാനുള്ള നിര്‍ദേശവും അബ്ദുള്ള രാജാവ് നല്‍കിയിട്ടുണ്ട് എന്നതിനാല്‍ വികസന പദ്ധതികള്‍ ഉടനെ തന്നെ ആരംഭിക്കുമെന്നു പ്രതീക്ഷിക്കാം. .

ഇപ്പോഴുള്ള വന്‍ നിര്‍മ്മാണ പദ്ധതികളടക്കം സര്‍ക്കാര്‍ അടുത്ത പതിനഞ്ചു വര്‍ഷത്തേക്ക് വിഭാവനം ചെയ്ഗ്തിട്ടുള്ള വന്‍ വികസന പദ്ധതികള്‍ പണം കൊടുത്തു വാങ്ങാനാവില്ല. മനുഷ്യ ശക്തി കൊണ്ട് നിര്‍മ്മിച്ചെടുക്കാനേ പറ്റൂ. അതിനു ധാരാളം തൊഴിലാളികളുടെ ആധ്വാന ശേഷി ആവശ്യമുണ്ട്. ഇവിടെ നിന്ന് പോകുന്ന തൊഴിലാളികള്‍ക്ക് തത്തുല്യമായ അളവിലുള്ള തോഴിലാളികള്‍ ഇവിടെ എത്തേണ്ടതുണ്ട്.എത്തിയെ തീരൂ.കാരണം സൗദി അറേബ്യയില്‍ തൊഴിലില്ലാത്തവരായി മൊത്തം മൂന്നു ലക്ഷം സ്വദേശി യുവാക്കളെ ഉള്ളൂ.

ഈ അവസ്ഥയില്‍ അധികൃതര്‍ നിയമങ്ങള്‍ കര്‍ശനമാക്കുകയാനെന്കില്‍ നിരവധി തൊഴിലാളികള്‍ ഇവിടെ നിന്നും കളമൊഴിയും. എന്നാല്‍ അതിനു ശേഷം ഏതാണ്ട് ഒരു വര്‍ഷത്തിനുള്ളില്‍ ഇവിടുത്തെ പത്രങ്ങളില്‍ എല്ലാം തന്നെ ‘ജോലിക്കാരെ ആവശ്യമുണ്ട്’ എന്ന പരസ്യവും നിറയും. നാട്ടിലെ പത്രങ്ങളില്‍ ‘സൗദിയിലേക്ക് സൌജന്യ റിക്രൂട്ട്മെന്റ്’ എന്ന പരസ്യവും നിറയും. പണം നല്‍കാതെ തന്നെ വിസകളും ലഭ്യമാകും. കാരണം തൊഴിലാളികള്‍ ഇവിടം വിടുന്നതിനനുസരിച്ചു അതേ കണക്കില്‍ തൊഴിലാളികളെ ഇവിടേയ്ക്ക് എത്തിക്കേണ്ടതുണ്ട്. അല്ലാത്ത പക്ഷം എല്ലാ വികസന പദ്ധതികളും പാതി വഴിയില്‍ നിന്ന് പോകും. വിദേശ തൊഴിലാളികളുടെ റിക്രൂട്ട്മെന്റ് പൂര്‍ണ്ണമായി നിര്‍ത്താന്‍ സൗദി അറേബ്യക്ക് സാധിക്കില്ലെന്നും  വരും വര്‍ഷങ്ങളിലെ വന്‍കിട പദ്ധതികള്‍ പൂര്‍ത്തിയാക്കാന്‍ വിദേശ തൊഴിലാളികളുടെ സാന്നിദ്ധ്യം തന്നെ ഇവിടെ വേണ്ടി വരുമെന്നും സൗദി തൊഴില്‍ മന്ത്രി ആദീല്‍ ഫഖീഹ് കഴിഞ്ഞ ദിവസം തുറന്നു സമ്മതിച്ചിരുന്നു. പോകുന്നവര്‍ക്ക് ഈ അവസരങ്ങളുപയോഗിച്ചു നിയമപരമായി തന്നെ തിരിച്ചു വരാന്‍ കഴിയും.

തൊഴില്‍ മന്ത്രിയുടെ ആ അഭിപ്രായ പ്രകടനം അക്ഷരം പ്രതി ശരിയാണ് എന്ന് എല്ലാവര്‍ക്കും അറിയാം. കാരണം സര്‍ക്കാരിനും തങ്ങളുടെ രാജ്യത്തിന്റെ വികസനത്തിനും പുരോഗതിക്കും ആവശ്യമായ സൌകര്യങ്ങളും ഒരുക്കണം. എണ്ണയില്‍ നിന്ന് ലഭിക്കുന്ന പണം എണ്ണ സമ്പത്ത് തീരുന്നതിനു മുന്‍പ് ഭാവി തലമുറയ്ക്ക് ഉപയുക്തമാകുന്ന രീതിയില്‍ മുതല്‍ മുടക്കണം. പണ്ടത്തെ പോലെ പവിഴം വാരിയും ഒട്ടകങ്ങളെ പോറ്റിയും ഈന്തപ്പനകള്‍ വളര്‍ത്തിയും സൗദി അറേബ്യയിലെ ആധുനിക പൌരന് കഴിയാനാവില്ല. അവര്‍ക്ക് വേണ്ടത് പുതിയ കാറുകളും ആഡംബരങ്ങളുമാണ്.അതിനു വേണ്ടി പണം ഉണ്ടാക്കേണ്ടതുണ്ട്, ബിസിനസ് നടത്തേണ്ടതുണ്ട്.അതിനു തൊഴിലാളികള്‍ വേണം. മറിച്ചായാല്‍ ക്യാമല്‍ ടൂ കാഡിലാക്ക്‌ എന്ന അറബികളെ പറ്റി പറയുന്ന വാചകം വിപരീതാര്‍ത്ഥത്തില്‍ പറയേണ്ടി വരും.

ഈ വികസന പദ്ധതികള്‍ക്കൊക്കെ തന്നെ ഇവിടെ വിദേശ തൊഴിലാളികളുടെ സാന്നിധ്യം അത്യന്താപേക്ഷിതം തന്നെയാണ് എങ്കിലും ഫ്രീ വിസയില്‍ ഇവിടെ നിന്ന് കൊണ്ട് ഈ വികസന പദ്ധതികളുടെ ഭാഗമായി ലഭിക്കുന്ന ജോലികള്‍ ചെയ്യാം എന്ന് ചിന്തിക്കുന്നത് തികഞ്ഞ അസംബന്ധമാണ്.ഇനിയുള്ള കാലത്ത്‌ മുന്നോട്ടു പോകാനാവാത്ത വിധം ഫ്രീ വിസക്കാരുടെ കുരുക്കുകള്‍ മുറുകി കൊണ്ടിരിക്കുകയാണ്. ഒന്നിന് പിറകെ ഒന്നായി നിയമ കുരുക്കുകള്‍ മുറുകുമ്പോള്‍ പിടിച്ചു നില്‍ക്കാനാകാതെ ഫ്രീ വിസക്കാര്‍ മടങ്ങുന്നു. തുടക്കത്തില്‍ തന്നെ നിയമ വിരുദ്ധമായ ഈ വിസക്ക് തൊലിപ്പുറമെയുള്ള ഒരു ചികില്‍സകളും ഫലവത്താവില്ല. കാരണം അത് നിയമ വിരുദ്ധമാണ് എന്നത് തന്നെ. ഓരോന്നിനും ഓരോ കാലമുണ്ട്. ഫ്രീ വിസയുടെ കാലം കഴിഞ്ഞു എന്ന് തന്നെ വേണം കരുതാന്‍.

അത് കൊണ്ട് തന്നെ ഫ്രീ വിസക്കാര്‍ക്ക്  തങ്ങളുടെ രേഖകള്‍ നിയമപരമാക്കാന്‍ കഴിഞ്ഞാല്‍ വരും വര്‍ഷങ്ങളില്‍ ഏറ്റവും നന്നായി ജോലിയെടുക്കാന്‍ സാധിക്കുന്ന ഒരു രാജ്യമായി സൗദി അറേബ്യ മാറും. അതിനായി തങ്ങളുടെ സ്പോണ്സര്‍ഷിപ്പ് മാറുകയോ അല്ലെങ്കില്‍ ഫൈനല്‍ എക്സിറ്റില്‍ പോയി നിയമപരമായ വിസയില്‍ തിരിച്ചു വരികയോ ആണ് വേണ്ടത്.

ഫ്രീ വിസയുടെ ഭവിഷ്യത്തുകളെ കുറിച്ച് ഇവിടുത്തെ അധികാരി വര്‍ഗ്ഗം നല്ല വണ്ണം മനസ്സിലാക്കി കഴിഞ്ഞിരിക്കുന്നു നിഷ്ക്രിയമല്ലാത്ത തൊഴില്‍ മന്ത്രാലയവും ഊര്‍ജ്ജസ്വലനായ തൊഴില്‍ മന്ത്രിയുമായതിനാല്‍ ഇനിയും പരിഷ്കാരങ്ങളും പുതിയ നടപടികളും പ്രതീക്ഷിക്കാം. തൊഴില്‍ മേഖലയെ ബാധിക്കുന്ന മുഴുവന്‍ അസുഖങ്ങള്‍ക്കും തൊലിപ്പുറമെയുള്ള ചികില്‍സ നല്‍കുന്നതിന് പകരം ആ അസുഖങ്ങളുടെ അടിവേരു തന്നെ അറുക്കുന്ന പരിഷ്കാരങ്ങളുമായാണ് തൊഴില്‍ മന്ത്രിയുടെ പ്രവര്‍ത്തനം.അത്രക്കും കര്‍ശനമായ നിയമങ്ങള്‍ യാതൊരു ചാഞ്ചാട്ടവുമില്ലാതെ കടുത്ത ഇച്ഛാശക്തിയോടെ നടപ്പാക്കുമ്പോള്‍ അത് രണ്ടും കല്‍പ്പിച്ചുള്ള പോക്കാണെന്ന് പ്രവാസികള്‍ മനസ്സിലാക്കി തുടങ്ങി.ഒരു രാജകാരുണ്യവും തങ്ങളുടെ രക്ഷക്കെത്തില്ലെന്നും മറ്റൊരു വഴിയില്ലെന്നും പ്രവാസികള്‍ നല്ലവണ്ണം തന്നെ മനസ്സിലാക്കിയിരിക്കുന്നു.

പലരും ഇഖാമയുടെ കാലാവധിക്കു ശേഷം പുതുക്കുന്നില്ല എന്ന തീരുമാനമെടുത്തു കഴിഞ്ഞു. ഇഖാമ കഴിഞ്ഞവര്‍ പുതുക്കാന്‍ നില്‍ക്കാതെ സ്പോന്സര്മാരോട് എക്സിറ്റ് ആവശ്യപ്പെടുകയാണ്.ഇഖാമകള്‍ പുതുക്കുന്നത് വളരെയധികം കുറഞ്ഞിരിക്കുകയാണെന്നു ജനറല്‍ സര്‍വീസുകാര്‍ സാക്ഷ്യപ്പെടുത്തുന്നു.

ജോലിയൊന്നുമില്ലാതെ തന്നെ മുറിയിലിരിക്കുമ്പോള്‍ തന്നെ പ്രതിമാസം ആയിരത്തോളം റിയാല്‍ ഒരു ഫ്രീ വിസക്കാരന്‍ അവന്റെ എല്ലാ ചിലവുകള്‍ക്കും കൂടി കണ്ടെത്തേണ്ട അവസ്ഥയാണിപ്പോഴുള്ളത്. അത് കൊണ്ട് തന്നെ ഫ്രീ വിസയിലുള്ള വിദേശികള്‍ അധികവും മടങ്ങാന്‍ തന്നെയുള്ള തീരുമാനത്തിലാണ്.  നിയമ പരമായ വിസയില്‍ മടങ്ങി വരാന്‍. 

 

LATEST

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

Published

on

വിജ്ഞാനത്തിൽ അധിഷ്ഠിതമായ ഇന്നത്തെ സമ്പദ് വ്യവസ്ഥയിൽ ജോലി ലഭിക്കാൻ മാത്രം നിപുണരല്ല ഇന്ത്യയിലെ ബഹുഭൂരക്ഷം എഞ്ചിനീയർമാരുമെന്ന് ആസ്പിരിങ് മൈൻഡ്‌സിന്റെ വാർഷിക തൊഴിൽ ക്ഷമതാ സർവേയുടെ കണ്ടെത്തൽ. ഇന്ത്യൻ എൻജിനീയറിങ് വിദ്യാഭ്യാസ സമ്പ്രദായത്തിന്റെ താഴ്ന്ന നിലവാരമാണ് സർവേയിൽ പ്രതിഫലിക്കുന്നത്.

ഇന്ത്യയിലെ എൺപതു ശതമാനം എൻജിനീയർമാരും യോഗ്യരല്ല. ടെക് പ്രൊഫഷന്റെ അടിസ്ഥാനങ്ങളിൽ ഒന്നായ മികച്ച കോഡിങ് സ്കിൽ ഉള്ളത് വെറും അഞ്ചു ശതമാനം എഞ്ചിനീയർമാർക്ക് മാത്രമാണ്.

ആർട്ടിഫിഷ്യൽ ഇന്റലിജൻസിൽ വെറും രണ്ടര ശതമാനം എഞ്ചിനീയർമാർക്ക് മാത്രമാണ് കൃത്യമായ നൈപുണ്യമുള്ളത്. ഡാറ്റ സയൻസ്, മെഷീൻ ലേണിങ് എന്നിവയിലും ഇന്ത്യൻ എൻജിനീയർമാർ വിദഗ്ധരല്ല. വെറും നാലര ശതമാനം എൻജിനീയർമാർ മാത്രമാണ് ഇതിൽ വിദഗ്ദർ.

വയർലസ് ടെക്‌നോളജിക്ക് യോഗ്യരായവർ വെറും അഞ്ചു ശതമാനം മാത്രമാണെന്നും സർവേ ഫലം സൂചിപ്പിക്കുന്നു.

കൃത്യമായ കോഡിങ് നൈപുണ്യം ഉള്ളവർ അമേരിക്കയിൽ പത്തൊൻപത് ശതമാനമാണ്. അതെ സമയം ചൈനയിൽ വെറും രണ്ടു ശതമാനം പേർക്ക് മാത്രമാണ് കൃത്യമായ കോഡിങ് അറിയുന്നത്.

Continue Reading

CRIME

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

Published

on

തൃശൂർ ജില്ലയിലെ വടക്കാഞ്ചേരിയിൽ രാസവസ്തുക്കൾ ഉപയോഗിച്ച് നിർമ്മിച്ച വ്യാജ തേൻ ശേഖരം പോലീസ് പിടിച്ചെടുത്തു. ഇതര സംസ്ഥാനക്കാരനായ ഒരു യുവാവിനെ കസ്റ്റഡിയിലെടുത്തു. സംഘത്തിലുണ്ടായിരുന്ന മൂന്ന് പേർ രക്ഷപ്പെട്ടു.

ഫെവിക്കോളും പഞ്ചസാരയും രാസ വസ്തുക്കളും ഉപയോഗിച്ചായിരുന്നു തേൻ നിർമ്മാണം. ഓട്ടുപാറയിലെ ഒരു സ്വകാര്യ ലോഡ്ജിൽ മുറിയെടുത്തായിരുന്നു സംഘം തേൻ നിർമ്മാണം നടത്തിയിരുന്നത്.

ലിറ്ററിന് അഞ്ഞൂറ് രൂപ വരെയായിരുന്നു സംഘം ഈടാക്കിയിരുന്നത്. ശുദ്ധ തേനാണെന്ന് ആളുകളെ വിശ്വസിപ്പിക്കാൻ തേനീച്ചകൾ അടങ്ങിയ തേൻ അട ബക്കറ്റിൽ വെച്ച് വ്യാജ തേൻ അതിലേക്കൊഴിച്ചു കൂടെ കൊണ്ട് നടക്കും. ആവശ്യക്കാരുടെ മുന്നിൽ വെച്ച് തേൻ അട പിഴിഞ്ഞ് വ്യാജ തേൻ നൽകും. ബൈക്കിൽ ചുററി നടന്നായിരുന്നു വിൽപ്പന.

യുവാക്കൾ താമസിച്ചിരുന്ന ലോഡ്ജിൽ നിന്ന് അഞ്ചു ലിറ്ററിന്റെ ഫെവിക്കോൾ ടിന്നും ഇരുപത്തി അഞ്ചു കിലോയോളം പഞ്ചസാരയും പോലീസ് കണ്ടെടുത്തു. ഓടിപോയവരെ കണ്ടെത്താൻ അന്വേഷണം ഊർജ്ജിതമാക്കി. വ്യാജ തേൻ വിൽക്കാനായി ഉപയോഗിച്ചിരുന്ന രണ്ടു ബൈക്കുകളും പോലീസ് കസ്റ്റഡിയിൽ എടുത്തിട്ടുണ്ട്.

Continue Reading

KERALA

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

Published

on

ബസ് പുറപ്പെടുന്നത് വരെ വിദ്യാർത്ഥികളെ കയറ്റാതെ കൊടും വെയിലത്ത് നിർത്തിയ കണ്ടക്ടറുടെ ലൈസൻ ആർ.ടി.ഓ റദ്ദാക്കി. പാലക്കാട്-നെന്മാറ റൂട്ടിലോടുന്ന സ്വകാര്യ ബസ്സിലെ കണ്ടക്ടറുടെ ലൈസന്‍സാണ് വിദ്യാര്‍ഥികളെ വെയിലത്ത് നിര്‍ത്തിയതിന്റെ പേരില്‍ റദ്ദാക്കിയത്.

ശനിയാഴ്ച നെന്മാറ ബസ്സ്റ്റാന്‍ഡില്‍ 12.55-ഓടെയായിരുന്നു സംഭവം. KL 49 A 8559 എന്ന രജിസ്‌ട്രേഷൻ നമ്പറുള്ള ബസ് പുറപ്പെടുന്നത് വരെ കുട്ടികളെ അകത്തു കയറാൻ അനുവദിക്കാതെ പുറത്തു നിർത്തുകയായിരുന്നു. ഇത് കണ്ട ഒരു യാത്രക്കാരൻ ഫോട്ടോയെടുത്ത് ഈ കാഴ്ച അധികൃതരിലേക്ക് എത്തുംവരെ പ്രചരിപ്പിക്കണമെന്ന അപേക്ഷയോടെ ഫേസ്‌ബുക്കിൽ പോസ്റ്റ് ചെയ്തു.

പോസ്റ്റ് കൂടുതൽ ആളുകൾ ഷെയർ ചെയ്ത് വൈറലായി. ഫോട്ടോയും കുറിപ്പും ശ്രദ്ധയിൽ പെട്ട എയർ.ടി.ഓ ഓഫീസ് ജീവനക്കാർ വിഷയം എന്‍ഫോഴ്സ്മെന്റ് ആര്‍.ടി.ഒ. പി. ശിവകുമാറിന്റെ ശ്രദ്ധയിൽ പെടുത്തി.

അദ്ദേഹത്തിന്റെ നിർദ്ദേശപ്രകാരം നടത്തിയ അന്വേഷണത്തിൽ സംഭവം ശരിയാണെന്ന് കണ്ടെത്തി.
മോട്ടോര്‍വെഹിക്കിള്‍ ഇന്‍സ്‌പെക്ടര്‍ എം.ആര്‍. സജീവ്, അസി. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ മുരളീധരന്‍പിള്ള, ഹരികൃഷ്ണന്‍, എന്‍.ആര്‍. മനു എന്നിവരാണ് പരിശോധന നടത്തിയത്.

വാഹനം പുറപ്പെടുന്നതിന് അഞ്ച് മിനിറ്റ് മുൻപ് മാത്രമാണ് ജീവനക്കാർ കുട്ടികളെ കയറാൻ അനുവദിച്ചിരുന്നുള്ളൂ എന്ന് അന്വേഷണത്തിൽ വെളിപ്പെട്ടു. തുടര്‍ന്ന് പാലക്കാട് സ്റ്റേഡിയം ബസ്സ്റ്റാന്‍ഡിലെത്തിയ മോട്ടോർ വാഹന വകുപ്പ് ഉദ്യോഗസ്ഥർ സ്വകാര്യബസ്സിലെ കണ്ടക്ടറുടെ ലൈസന്‍സ് കണ്ടുകെട്ടുകയായിരുന്നു.

Continue Reading
MIDDLE EAST8 mins ago

സൗദി അറേബ്യയിലെ ഓവര്‍ടൈം. അറിഞ്ഞിരിക്കുക ഇതെല്ലാം. നിങ്ങൾ പറ്റിക്കപ്പെടരുത്

MIDDLE EAST5 hours ago

സർട്ടിഫിക്കറ്റുകൾ ഉന്നത വിദ്യാഭ്യാസ മന്ത്രാലയം സാക്ഷ്യപ്പെടുത്തണമെന്ന് ഒമാൻ ചേംബർ ഓഫ് കോമേഴ്‌സ്

LATEST6 hours ago

ഇന്ത്യയിലെ 80 ശതമാനം എൻജിനീയർമാരും യോഗ്യതയില്ലാത്തവർ

KERALA6 hours ago

കൊച്ചു കുട്ടികളെ കാറിന്റെ പീസീറ്റിൽ ഇരുത്തണമെന്ന് ബാലാവകാശ കമ്മീഷൻ

CRIME7 hours ago

ഓച്ചിറയില്‍ നിന്ന് തട്ടിക്കൊണ്ടുപോയ പെണ്‍കുട്ടിയെ കണ്ടെത്തി

CRIME7 hours ago

ഫെവിക്കോൾ ഉപയോഗിച്ച് തേൻ ഉണ്ടാക്കി വിറ്റിരുന്ന അന്യസംസ്ഥാനക്കാർ പിടിയിൽ

INDIA1 day ago

ഒലക്ക് കർണ്ണാടകയിൽ ആറു മാസത്തേക്ക് വിലക്ക്

MIDDLE EAST1 day ago

മസ്കറ്റ്: വെള്ളിയാഴ്ചകളിലും പൊതു അവധി ദവസങ്ങളിലും നിർമ്മാണ പ്രവർത്തനങ്ങൾ പാടില്ല

INDIA1 day ago

ഖത്തറിലെ സ്‌കൂളുകളിൽ ഈ വർഷം സെക്കൻഡ് ഷിഫ്റ്റ് ഇല്ല.

KERALA1 day ago

ബസ് പുറപ്പെടുന്നത് വരെ വിദ്യാർത്ഥികളെ ബസ്സിന്‌ പുറത്ത് നിർത്തിയ കണ്ടക്ടറുടെ ലൈസൻസ് കണ്ടു കെട്ടി.

HEALTH1 day ago

സൂര്യാഘാതം: അതീവ ജാഗ്രത ആവശ്യം

KERALA1 day ago

ഒന്ന് ശ്രദ്ധിക്കൂ, ഈ ചെറുപ്പക്കാരന്റെ ഭാവി നിങ്ങളുടെ കയ്യിലാണ്

KERALA1 day ago

പ്രവാസികൾക്കും വിവരാവകാശ പ്രകാരം അപേക്ഷ സമർപ്പിക്കാം. തടസ്സമില്ലെന്ന് അധികൃതർ.

KERALA1 day ago

വൈദികർക്കും കന്യാസ്ത്രീകൾക്കും ആദായ നികുതി ബാധകമെന്ന് കോടതി

HEALTH2 days ago

മലയാളികളെ മലിന ജലം കുടിപ്പിക്കുന്ന ബ്രാൻഡഡ് കുപ്പിവെള്ളങ്ങൾ ഇവയാണ്.

LATEST4 weeks ago

ഏതൊക്കെ ഇഖാമ പ്രൊഫഷനില്‍ ഉള്ളവര്‍ക്ക് സൗദി അറേബ്യയിലേക്ക് കുടുംബത്തെ കൊണ്ട് വരാന്‍ സാധിക്കും? ഫാമിലി വിസക്ക് അര്‍ഹതയുള്ള 224 ഇഖാമ പ്രൊഫഷനുകളുടെ വിശദമായ ലിസ്റ്റ്

FEATURED3 weeks ago

ടോയ്‌ലറ്റ് സേവനത്തിന് ഒരോതവണയും ഇന്ധനമടിക്കുമ്പോള്‍ നമ്മള്‍ പണം നല്‍കുന്നുണ്ട്; നമ്മുടെ അവകാശങ്ങള്‍ എന്താണെന്ന് അറിയുക.

LATEST4 weeks ago

ആദ്യമായി സൗദി അറേബ്യയിലേക്ക് വരുന്നവരും അവധി കഴിഞ്ഞു തിരിച്ചു വരുന്നവരും ശ്രദ്ധിക്കുക. നിങ്ങളുടെ ലഗേജില്‍ ഈ 34 സാധനങ്ങളില്‍ ഒന്നെങ്കിലും ഉണ്ടെങ്കില്‍ ജയിലായേക്കാം.

CRIME3 weeks ago

കുടുംബ ബന്ധങ്ങള്‍ തകരുന്നതിനു മുന്‍പായി കള്ളനെ പിടിച്ച പോലീസിന് ബിഗ്‌ സല്യൂട്ട്.

LATEST3 weeks ago

സൗദി അറേബ്യയിലെ പ്രവാസിയാണോ? ഈ മുന്‍കരുതലുകള്‍ നിര്‍ബന്ധമായും എടുക്കുക – Part 1

CRIME3 weeks ago

കാറിനുള്ളില്‍ പതിനാറുകാരിയെ പീഡിപ്പിച്ച കേസ്; മലയാളിയായ യൂബര്‍ ഡ്രൈവര്‍ കുറ്റവിമുക്തനായി

LAW4 weeks ago

പാക് എഫ് 16 ഇന്ത്യ വെടിവെച്ചിട്ടു; രണ്ട് ഇന്ത്യന്‍ വിമാനങ്ങള്‍ തകര്‍ന്നു വീണു

LAW3 weeks ago

ജമാ അത്ത് ഇസ്ലാമിയുടെ 4500 കോടി രൂപയുടെ സ്വത്ത് സര്‍ക്കാര്‍ കണ്ടുകെട്ടും: എല്ലാ സ്ഥാപനങ്ങളും അടച്ചുപൂട്ടും

MIDDLE EAST3 weeks ago

കുവൈത്ത് മലയാളിയ്ക്ക് 23 കോടിയുടെ ബിഗ് ലോട്ടറി

SAUDI ARABIA3 weeks ago

സൗദിയില്‍ മലയാളിയെ ആത്മഹത്യചെയ്ത നിലയില്‍ കണ്ടെത്തി

SAUDI ARABIA4 weeks ago

അശ്ലീല ചിത്രം പ്രചരിപ്പിച്ചാല്‍ അഞ്ചുവര്‍ഷം തടവും മുപ്പത്തു ലക്ഷം റിയാല്‍ പിഴയും

LATEST4 weeks ago

സൗദി തൊഴില്‍ നിയമം ഹൗസ് ഡ്രൈവര്‍മാരും വീട്ടു വേലക്കാരികളും അടങ്ങിയ ഗാര്‍ഹിക തൊഴിലാളികള്‍ക്ക് ബാധകമാണോ ?

LATEST4 weeks ago

ഭീകര കേന്ദ്രങ്ങളിലെ ഇന്ത്യന്‍ വ്യോമാക്രമണം എന്ന പേരില്‍ പ്രചരിക്കുന്നത് വ്യാജ വിഡിയോ

UAE4 weeks ago

18 കോടി മുസ്ലിം സഹോദരങ്ങള്‍ അടക്കം 130 കോടി ഇന്ത്യക്കാരുടെ ആശംസയുമായാണ് ഞാന്‍ ഇവിടെ എത്തിയിരിക്കുന്നത്..

CRIME4 weeks ago

കാശ്മീരി കവിത ഫേസ് ബുക്കിലിട്ട യുവാവ് അറസ്റ്റില്‍

Trending

Copyright © 2019 Pravasi Corner.

error: Content is protected !!